БНХАУ-ЫН НҮҮРСНИЙ ИМПОРТЫН 2/3-ЫГ ИНДОНЕЗ УЛС ДАНГААРАА БҮРДҮҮЛЖ ГОЛ НИЙЛҮҮЛЭГЧ ОРОН БОЛОВ

10 / 22 0 сэтгэгдэл 758 үзсэнe

Одоогоор БНХАУ-ын нүүрсний гол нийлүүлэгч Индонез улс болоод байна. Есдүгээр сард Индонез улсаас БНХАУ-д нийт 21 сая тонн нүүрс нийлүүлж импортын гуравны хоёрыг хувийг нь бүрдүүлжээ. Тус улсын нүүрсний эрэлт өсөж, импортоо нэмэгдүүлснээр Индонезийн нүүрсний үнэ шинэ дээд түвшинд хүртлээ өслөө.Зөвхөн энэ долоо хоногт гэхэд л тонн нь 160-170 ам.доллар хүрч өнгөрсөн сартай харьцуулахад 50 ам.доллароор өссөн дүн хагдаж байгаа юм. БНХАУ-ын Засгийн газраас эрчим хүчний хямралтай холбоотойгоор импортод тавих хязгаарлалтаа сулруулж Австралийн нүүрсний импортод хориг тавьснаар ийнхүү бусад улсын нүүрсний нийлүүлэлт өссөн байна. Манай улсын хувьд цар тахалтай холбоотойгоор нүүрсний нийлүүлэлт бураад байгаа билээ.

МУГЖ С.ЖАВХЛАН САНГИЙН САЙДААС 4 ТЭРБУМ ТӨГРӨГ НЭХСЭН ЭСЭХ ТАЛААР ЦЕГ-С ТАЙЛБАР ХИЙВ

10 / 22 0 сэтгэгдэл 860 үзсэнe

Мугж С.Жавхлан, Баярмагнай нар хамаг монгол төслийг хэрэгжүүлнэ хэмээн сангийн сайдаас 4 тэрбум төгрөг шантаажилсан асуудлаар ЦЕГ-с тайлбар хийлээ. Уг гомдол мэдээллийн дагуу сангийн сайд Жавхлан болон тухайн яаманд ажилладаг 3 гэрчээс мэдүүлэг авсан. 10-р сарын 20-21 өдрүүдэд МУГЖ С.Жавхлан руу цагдаагийн албанаас нийт 11 удаа залгасан боловч утсаа авахгүй үл ойшоосон асуудал гарсан. Тэрээр 10-р сарын 20-ны өдөр мөрдөгчийн дуудах хуудсыг хүлээж аваагүй өнөөдөр буюу 22 өдөр прокурорын дуудах хуудсыг дахин хүлээн авсангүй. Өөрөө ирээд тайлбар өгөөч хэмээн удаа дараа ийнхүү мэдэгдсэн боловч ирээгүй учир дараагийн арга хэмжээ бол албадан ирүүлэх байдаг хэмээжээ.

Д,ЖИГЖИДНЯМАА АГСНЫ НЭРЭМЖИТ ХҮҮХДИЙН ТӨМӨР ЗАМТАЙ БОЛЛОО

10 / 20 0 сэтгэгдэл 688 үзсэнe

Уг төмөр зам нь 2.3 км урт 750 мм-ийн нарийн царигийн төмөр зам аж. Бурхант, Бумбардай, Сараань, Сүмбэн гэсэн өртөөтэй бөгөөд Монгол гэрийг бэлгэдэн бүтээсэн өртөөний барилга, зэхэлт засвар үйлчилгээ хийх депогийн барилга, автомат хаалт дохиолол бүхий зургаан явган хүний гарам, автомашины гар хаалттай нэг гарам, дохиолол холбооны иж бүрэн тоноглол, эрчим хүчний бүрэн хангамжтай иж бүрэн төмөр зам юм. Хүүхэд багачуудыг галт тэргээр аялуулахаас гадна ирээдүйн төмөр замчдад анхан шатны мэдлэг олгох сургалтын төвийг байгуулжээ. Тус ажлыг санаачилсан Монгол Улсын Гавьяат тээвэрчин, ОХУ, Монгол Улсын “Хүндэт төмөр замчин” Д.Жигжиднямаа агсны нэрэмжит Хүүхдийн төмөр зам болгохоор шийдвэрлэсэн байна.

ТӨРСӨН ДҮҮГЭЭ ХӨНӨӨСӨН Г-Д 15 ЖИЛИЙН ХОРИХ ЯЛ ОНООЛОО

10 / 20 0 сэтгэгдэл 438 үзсэнe

Чингэлтэй дүүрэгт 2020 оны арваннэгдүгээр сард төрсөн дүүгийнхээ амийг онц ноцтойгоор хохироосон хэрэг гарсан. Иргэн Г-г Чингэлтэй дүүргийн эрүүгийн хэргийн анхан шатны шүүхээр гэр бүлийн хүчирхийлэл үйлдэж бусдын амь насыг хохироосон хэрэгт буруутайд тооцож, Эрүүгийн хуулийн 10.1 дүгээр зүйлийн 2.8-д зааснаар бүх насаар нь хорих ял оногдуулж, уг ялыг хаалттай хорих байгууллагад эдлүүлэхээр шийдвэрлэснийг давж заалдах шатны шүүх хэвээр үлдээсэн. Тэгвэл Улсын Дээд шүүхийнхяналтын шатны эрүүгийн хэргийн шүүх хуралдаанаар хэргийг хянан хэлэлцэж өнөөдөр буюу аравдугаар сарын 20-ны өдөр иргэн Г-д холбогдох хэргийн зүйлчлэлийг Эрүүгийн хуулийн 10.1 дүгээр зүйлийн 1 болгон өөрчилж, эдлэх ялыг 15 жилээр тогтоов.

ХҮНСНИЙ ТАЛОНООР НОМИН , ОРГИЛ , И-МАРТ-С ХУДАЛДАН АВАЛТ ХИЙХ БОЛОМЖТОЙ БОЛЛОО

10 / 20 0 сэтгэгдэл 398 үзсэнe

Улсын хэмжээнд хүнсний талонд хамрагддаг 42.2 мянган өрх байдаг. Хөдөлмөр нийгмийн хамгааллын яамнаас Номин, Оргил, И-март сүлжээ дэлгүүртэй хамтран хүнсний талоноор үйлчлэх туршилтыг эхлүүлээд байна. Цаашид улсын хэмжээнд 800 орчим дэлгүүрээр тус үйлчилгээг авдаг байсныг болиулж, НӨАТ-ын баримт олгодог 235 мянга орчим ААН, зах, бөөний төвөөр үйлчилгээ авах боломжийг бүрдүүлэх аж. Иймд иргэд өмнө нь үйлчлүүлдэг байсан харьяа хүнсний дэлгүүр болон гэртээ ойр байрлах Номин, Оргил, И-март сүлжээ дэлгүүрүүдээр талоноороо үйлчлүүлэх боломжтой юм.

МАНАЙ УЛС 20-42 ХОНОГИЙН БУДАА, ЭЛСЭН ЧИХЭР , УРГАМЛЫН ТОСНЫ НӨӨЦТЭЙ БАЙНА

10 / 20 0 сэтгэгдэл 424 үзсэнe

Одоогийн байдлаар хүнсний гол нэрийн бүтээгдэхүүн хомсдол үүсээгүй. Харин Эрээн боомтын хил, гаальтай холбоотойгоор нарийн ногооны нийлүүлэлт тасалдах эрсдэл үүсээд байгаа бөгөөд гол нэрийн хүнсний бүтээгдэхүүн болох будаа, гурил, элсэн чихэр, ургамлын тос 20-42 хоногийн нөөцтэй байгаа.Энэ нь хэвийн зохистой хэмжээ юм.Манай улс богино хугацаанд тээвэрлэлтийн арга хэмжээг авч чадвал эдгээр бүтээгдэхүүний нөөцөд ямар нэгэн асуудал үүсэхгүй.

Эрээн хотод КОВИД-19-ийн таван тохиолдол илэрч хотын хөдөлгөөнийг бүрэн хаажээ

10 / 19 0 сэтгэгдэл 780 үзсэнe

БНХАУ-ын Эрээн хотод 14-нд Ковид-19-ийн нэг тохиолдол бүртгэгдэж улмаар 00:00 цагаас эхлэн нийт албан байгууллагын үйл ажиллагааг зогсоож хотын нийт иргэдийг PCR шинжилгээнд хамруулсан байна.Уг хотод хөл хорио үйлчилж, албан байгууллага, сургууль, цэцэрлэгийн үйл ажиллагааг зогсоож, хүнсний дэлгүүрүүд мөн адил /2021.10.18/-ны 11:00 цагаас эхлэн бүгд хаагдаж, зөвхөн дуудлагаар хүнс, гэр ахуйн зүйлийг гэрт хүргэхээр болжээ. Хотын оршин суугчдыг гэрээсээ гарахгүй байхыг анхааруулж хөл хорионы дэглэмийг чангатгасан байна. Замын-Үүд, Эрээн авто замын боомтын хөдөлгөөнийг бүрэн зогсоосон, мөн төмөр замын ачаа тээвэр явагдаж байна, хөл хорионы дэглэмээс шалтгаалан Эрээн өртөөнөөс ачилт хийгдэхгүй байна.Эрээн хот руу авто замаар орох хөдөлгөөн нээлттэй, гарах хөдөлгөөн хаалттай, Эрээн хот руу чиглэсэн төмөр замын зорчигч тээвэр зогссон байна. Харин өнөөдөр өдрийн байдлаар тус хотод Ковид-19-ийн таван тохиолдол бүртгэгдэж, /2021.10.19/-ний 00:00 цагаас эхлэн хотын хөдөлгөөнийг бүрэн хааж /хүнсний дэлгүүр, эмийн сангууд багтсан/ дэглэмийг чангатган иргэдийн хөдөлгөөнд дрон болон камераар хяналт тавьж эхэлжээ.

ОБЕГ: Гэрлийн шон мөргөж улмаар амь насаа алджээ

10 / 19 0 сэтгэгдэл 828 үзсэнe

Өчигдөр Сонгинохайрхан дүүрэг 19 дүгээр хороо, Депо автобусны буудлын замд тээврийн осол гарч хүн хавчуулагдсан гэсэн дуудлага /11:31/ цагт Онцгой байдлын газарт ирсэн байна. Аврах ангийн алба хаагчид 8 км замыг туулан очиход Портер загварын ачааны автомашин гэрлийн шон мөргөж, ж олооч 33 настай, эрэгтэй О-г Яаралтай түргэн тусламжаар эмнэлэгт хүргэгджээ. Харин бүхээгт хавчуулагдсан байсан Сэлэнгэ аймгийн Түшиг сумын харьяат иргэн, 33 настай эрэгтэйг гаргасан боловч ГССҮТ-д хүргэх замд нас барж, цогцсыг тус эмнэлгийн эмчилгээ эрхэлсэн орлогч даргад шилжүүлэн өгсөн гэж Онцгой байдлын ерөнхий газраас мэдээллээ .

ГАРАЛ ҮҮСЭЛ НЬ ТОДОРХОЙГҮЙ КОРОНАВИРУСЫН ЭМ ЗАРЖ БАЙСАН ЭТГЭЭДҮҮДИЙГ ШАЛГАЖ БАЙНА

10 / 18 0 сэтгэгдэл 805 үзсэнe

Цагдаагийн алба хаагчид өн гөрөгч амралтын өдрүүдэд хуурамч эм борлуулж байсан этгээдүүдийг илрүүлэн сатуулжээ. Тодруулбал: БНХАУ-Д Үйлдвэрлэсэн 49 Хайрцаг Лянхуа Гэх Эмийг Сэлэнгэ Аймгийн Сүхбаатар Суманд 35 Настай Эрэгтэй О, 30 Настай Эмэгтэй М Нар Автомашиндаа Зарж Худалдан Борлуулж Байсаныг Хураан Авч Таслан Зогсоожээ.

БНСУ-Д МОНГОЛ ИРГЭН СОГТУУГААР ЖОЛОО БАРЬЖ , ХООЛНЫ ГАЗАР МӨРГӨЖЭЭ

10 / 18 0 сэтгэгдэл 852 үзсэнe

Монгол улсын харьяат Өмнөд Солонгост оршин суудаг 30-аад насны эмэгтэй өнгөрөгч амралтын өдрүүдэд Сөүл хотын Ганнам дүүрэгт согтуугаар жолоо барьж, гудамжинд хоолны газар мөргөсөн хэрэг гарчээ. Тус хэрэг үүрийн 04:40 цагийн орчимд Сөүлийн Нонхён-донгт болсон бөгөөд тухайн хоолны газар хаалттай байсан тул азаар хүний амь нас эрсдээгүй байна. Мөрдөн байцаалтаар эмэгтэйн цусан дахь согтууруулах ундааны хэмжээ 0.08 хувиас дээш гарсан буюу жолооны үнэмлэхний эрх хасах хэмжээг давсан аж. Хэргийг одоогоор үргэлжлүүлэн шалгаж байна. Машинд цуг зорчиж явсан хүнтэйгээ маргалдсаны улмаас тус хоолны газрыг хараагүй мөргөсөн хэмээн мэдүүлэгтээ тэмдэглүүлжээ.