БНСУ МОНГОЛ ТЭРГҮҮТЭЙ 16 ОРНООС АЖИЛЛАХ ХҮЧ АВАХААР БОЛЖЭЭ

11 / 05 0 сэтгэгдэл 913 үзсэнe

Өмнөд Солонгос улс гадаадын цагаач ажилчдад хилээ нээхээр төлөвлөж байна.Ирэх сараас эхлэн хөдөлмөр эрхлэх хүсэлт гаргасан Монгол тэргүүтэй 16 орны ажиллах хүчинд виз олгохоор болжээ. Цар тахлын нөхцөл байдал хүнд байгаа Мьянмар, Филиппин, Пакистан, Узбекистан, Кыргызстан зэрэг орнуудаас ирэх ажилчид вакцинжуулалтанд хамрагдсанаас 14 хоногийн дараагаар виз авах боломжтой болох аж. Түүнчлэн нисэх онгоцонд суухаас 72 цагийн өмнө "PCR" шинжилгээгээр сөрөг хариу авсан байх шаардлагатай. Бусад 11 орны ажилчдаас зөвхөн "PCR" шинжилгээний сөрөг хариу шаардах ба Өмнөд Солонгост ирснийхээ дараа вакцинд хамрагдах боломжтой хэмээв. Гадаадаас ирж буй ажилчид вакцинд хамрагдсан эсэхээс үл хамааран тусгаарлах байранд 10 хоног ажиглалтанд байх шаардлагатай аж.

КОВИДЫН ХАМГИЙН АНХНЫ ЭМИЙГ ХЭРЭГЛЭЭНД АШИГЛАХЫГ ЗӨВШӨӨРЛӨӨ

11 / 05 0 сэтгэгдэл 594 үзсэнe

Ковидын хамгийн анхны эмийг Их Британийн Эмийн зохицуулах байгууллага биеийн байдал хөнгөн, дунд өвчтөнүүдэд хэрэглэхийг зөвшөөрлөө. Анх ханиадны эмчилгээнд ашиглахаар боловсруулсан “Молнупиравир” эмийг халдвар авсан өвчтөнүүд дээр туршихад эмнэлэгт хэвтэх, нас барах эрсдлийг хоёр дахин бууруулж байжээ. Эмийг халдварын эхний үед өдөрт хоёр ширхэгээр уухыг зөвлөж байгаа юм. Тус улсын Эрүүл мэндийн сайд Сажид Жавид “Өнөөдөр манай улсын хувьд түүхэн өдөр. Их Британи улс дэлхийд анх удаа гэртээ ууж болох Ковид19-ийн эсрэг эмийг баталлаа. Молнупиравир дархлаа нь дарангуйлагдсан, бие султай өвчтөнүүдийн байдлыг эрс өөрчилнө” хэмээжээ. Халдварын дунд болон бага зэргийн шинж тэмдэгтэй, хүнд хэлбэрийн хавсарсан өвчтэй, илүүдэл жинтэй, нас өндөр, чихрийн шижин, зүрхний өвчтэй хүмүүст уг эмийг хэрэглэхийг зөвлөж байна. Мөн Их Британи энэ оны эцэс гэхэд 480,000 тун эм худалдан авах захиалгаа хэдийн өгчээ. АНУ-ын эмийн компани болох Пфайзер, Швейцарийн Роше компани мөн ковид 19-ийн эсрэг эм гарган авахаар туршилт явуулж байна.

ХҮНСНИЙ ДЭЛГҮҮРҮҮД 00:00 ЦАГ ХҮРТЭЛ АЖИЛЛАХААР БОЛЛОО

11 / 04 0 сэтгэгдэл 840 үзсэнe

Өмнө гаргасан шийдвэрийн дагуу Худалдаа, үйлчилгээний газрууд, тэр дундаа найман нэрийн дэлгүүрүүд 22:00 цаг хүртэл ажиллаж байсан. Шударга өрсөлдөөн, хэрэглэгчийн төлөө газраас уг захирамжинд өөрчлөлт оруулан 00:00 цаг хүртэл ажиллахаар болсныг мэдэгдлээ. "Худалдааны байгуулагуудыг Олон улсын гэх нэршлээр "CU, GS25" гэж ангилан 00:00 цаг хүртэл ажиллуулж байсан захирамжийг Шударга өрсөлдөөн, хэрэглэгчийн төлөө газар -аас өгсөн албан шаардлагаар хүчингүй болгож бүх худалдаа, үйлчилгээний газруудын үйл ажиллагаа явуулах цагийн хязгаарийг 07:00-00:00 цаг гэж ялгаваргүй тогтоосон "Захирамж" гарсан. Зарим иргэн, ААН үүнийг мэдэхгүй байна" хэмээв.

2027 ОНД ЧИНГИС ХААН АЯЛАЛ ЖУУЛЧЛАЛЫН БҮТЭЭН БАЙГУУЛАЛТ ДУУСНА

11 / 04 0 сэтгэгдэл 323 үзсэнe

Хэнтий аймагт Монголын төрт ёсны түүх, дурсгалын үнэт өв, нүүдлийн соёл, уламжлалт ахуйд түшиглэн Их Эзэн Чингис хааны цогцолбор байгуулж түүхэн аялал жуулчлалыг хөгжүүлэх зорилт тавин ажиллаж байна. Тус цогцолборыг барих ажил 2019 оноос эхэлсэн ба нийт 5-6 цогцолбор барихаар төлөвлөгдсөн. Цогцолборын бүтээн байгуулалт 2027 он хүртэл үргэлжилнэ. Барилгын ажил 70-80 хувьтай байгаа бол менежмент, үйл ажиллагаанд бэлтгэх ажлыг мөн төлөвлөгөөний дагуу хийж байна.

БНСУ-С НЭН ШААРДЛАГАТАЙ ЭМ ТАРИА , ЭМНЭЛГИЙН ХЭРЭГСЛИЙН ТАТАН АВАЛТ ХИЙЛЭЭ

11 / 04 0 сэтгэгдэл 677 үзсэнe

Эм, эмнэлгийн хэрэгслийн татан авалтын тухай Улсын Онцгой комиссын Нэгдсэн шуурхай штабаас мэдээлэл хийлээ. УОК-ын Нэгдсэн шуурхай штабын дарга, бригадын генерал Б.Ууганбаяр “БНСУ-аас өчигдөр 19.4 тонн эм, эмнэлгийн хэрэгслийг татан авлаа. Мөн арваннэгдүгээр сарын 5, 8, 10-нд агаарын тээврээр шаардлагатай эм, эмнэлгийн хэрэгслийг татан авна. Ийнхүү шат дараалсан арга хэмжээгээр нэн шаардлагатай эм, эмнэлгийн хэрэгслийг татан авах ажиллагааг Эрүүл мэндийн байгууллага, Зам, тээврийн хөгжлийн яам, Гадаад харилцааны яам, Нэгдсэн шуурхай штаб, Улсын Онцгой комисс зэрэг байгууллага бүгд хамтран зохион байгуулж байна” хэмээв. Арваннэгдүгээр сарын 3-нд татан авч буй эм, эмнэлгийн хэрэгслийн жагсаалтад антибиотик, тариур, цус шингэлэх эм зэрэг бүтээгдэхүүн багтжээ.

190 УЛС НҮҮРСНЭЭС ТАТГАЛЗАХ АМЛАЛТ ӨГЛӨӨ

11 / 04 0 сэтгэгдэл 760 үзсэнe

НҮБ-ын бага хурлын үеэр Польш, Вьетнам, Чили зэрэг нүүрсний томоохон хэрэглэгчид хатуу түлшнээс татгалзах үүрэг авчээ. Их Британийн Засгийн газраас мэдээлснээр, дэлхийн нийт 190 улс орон, байгууллага нүүрснээс татгалзах амлалт өгсөн. Одоогоор Австрали, Энэтхэг, Хятад, АНУ зэрэг эдийн засаг нь нүүрснээс ихээхэн хамааралтай улс орон энэхүү санаачилгад нэгдээгүй байна. Томоохон их гүрнүүд 2030-аад он, буурай орнууд 2040-өөд онд нүүрсээр ажилладаг цахилгаан станцуудаа үе шаттайгаар зогсоох тохиролцоонд хүрсэн ба энэхүү санаачилгад дэлхийн 40 гаруй орон нэгджээ. Дэлхий нийт нүүрсний хэрэглээгээ бууруулах чиглэлд дэвшил гаргаж байгаа хэдий ч хэрэгцээ байсаар л.

МАНАЙ УЛС ЭРЭЭНЭЭС 60 ВАГОН НАРИЙН НОГОО, ЖИМС АЧУУЛАН ОРУУЛЖ ИРНЭ

11 / 03 0 сэтгэгдэл 744 үзсэнe

Засгийн газрын 2020 оны 01 дүгээр сарын 31-ний өдрийн 39 дүгээр тогтоолоор Монгол, Хятадын хилийн 4 боомтыг тодорхойгүй хугацаагаар түр хаасан. Энэ сард нийт 43 ширхэг чингэлэг, үүнээс 15 ширхэг 20 футийн чингэлэг, 28 ширхэг 40 футийн чингэлэг эм, эмийн бүтээгдэхүүнийг Тяньжин боомтоос төмөр замаар тээвэрлэх ажлыг зохион байгуулна. ХХААХҮЯ-аас ирүүлсэн жагсаалтад 6 ААН-ийн 70 вагон цагаан будаа, 89 вагон элсэн чихэр ачуулах захиалгыг Хятадын талд хүргүүлэхээр ГХЯ-нд уламжилжээ. Мөн БНХАУ-ын Эрээн өртөөнөөс 60 вагон жимс, нарийн ногоо ачих ажлыг зохион байгуулна. Мөн Шадар сайд, Сангийн сайдын хамтарсан тушаалаар Гашуунсухайт боомтоор уул уурхайн экспортын тээвэрлэлтийн үйл ажиллагааг зохицуулах түр журмыг батлан хэрэгжүүлж эхэлжээ.

ХӨВСГӨЛ НУУРЫН ЁРООЛД 36 ЖИЛ БОЛСОН ХҮЛЭГ ОНГОЦЫГ МУЗЕЙ БОЛГОНО

11 / 03 0 сэтгэгдэл 1 077 үзсэнe

Хөвсгөл нуурын ёроолд буй аюултай хог хаягдлыг цэвэрлэн эко системийг хамгаалах зорилгоор 1985 онд живсэн “Сүхбаатар” хөлөг онгоцыг татан гаргах ажиллагааг эхлүүлээд байгаа юм. Тус ажиллагаанд ОБЕГ, ЗХЖШ, Нийслэлийн болон Орхон, Хөвсгөл аймгийн Онцгой байдлын газар зэрэг 120 гаруй алба хаагч оролцож байна. Засгийн газрын хуралдаанаар Хөвсгөл нуурын усанд 36 жил байсан “Сүхбаатар” хөлөг онгоцны хадгалалт, хамгаалалт, аюулгүй байдлыг хангуулах, цаашид аялал жуулчлал, музей болгон ашиглах талаар холбогдох албаныханд үүрэгдлээ.

ЭМ ЭМНЭЛГИЙН ХЭРЭГСЭЛ НЭВТРҮҮЛЭХ БООМТЫН ТООГ НЭМЛЭЭ

11 / 03 0 сэтгэгдэл 693 үзсэнe

Засгийн газрын тогтоолоор Алтанбулаг, Замын-Үүдээс гадна Гашуунсухайт, Ханги боомтоор эм, эмнэлгийн хэрэгсэл, тэдгээрийн түүхий эдийг татан авах боломжийг нэмэгдүүллээ. Манай улс БНХАУ, ОХУ, БНСУ, БНЭУ-аас эм, эмнэлгийн хэрэгсэл, дотоодын үйлдвэрлэлийн түүхий эд, туслах материалаа импортоор авдаг. БНХАУ-ын Эрээн боомт түр хугацаагаар хаагдсантай холбоотой 2021 оны аравдугаар сарын 28-ны өдрийн байдлаар Эрээн боомтод ханган нийлүүлэх 17 байгууллагын 37 ачаа, Тяньжин боомтод 14 байгууллагын 21 ачаа саатаад байна.

ХЯТАД КОМПАНИ ИРГЭДИЙН ЭРҮҮЛ АЮУЛГҮЙ АМЬДРАХ ЭРХЭНД ХАЛДАН ГАЗРЫГ НЬ СӨӨМ СӨӨМӨӨР ХУМСАЛСААР

11 / 02 0 сэтгэгдэл 660 үзсэнe

Хятад эзэнтэй "Номт" хэмээх компани БЗД-н нэгдүгээр хороо 60-р байрны автомашины зогсоол болон хүүхдийн тоглоомын талбайг дээрэмдэж барилга барихаар хашаа тойруулан татжээ. Улмаар цагдаа онцгой байдал, түргэн тусламжийн автомашин орох ямар ч боломжгүй болжээ. Тус компани хүүхдийн тоглоомын талбай, автомашины зогсоолыг таглан хашаа барьснаар иргэдийн эрүүл аюулгүй орчинд амьдрах эрх өдөр бүр зөрчигдсөөр.Оршин суугчид хэзээ дээрээс юм унаад ирэх бол хэмээх айдастай, гарч орох бүхий л зам талбай нь хаалттай, төрийн шуурхай үйлчилгээ авах эрхээ эрх мэдэлтний төмөр хашаагаар хязгаарлуулжээ. Энэ асуудалд холбогдох албан тушаалтнууд нь дүлий дүмбэ явсаар л.