Тайваний хүүхэд гэр бүлийг дэмжих сангаас Ундны усан хангамжийг сайжруулах төслийн хүрээнд ус зөөврийн хоёр автомашин хүлээлгэн өглөө Тайваний хүүхэд гэр бүлийг дэмжих сангаас Ундны усан хангамжийг сайжруулах төслийн хүрээнд ус зөөврийн хоёр автомашин хүлээлгэн өглөө
Улаанбаатар хотын Ус сувгийн удирдах газар БНСУ-ын Yeda инженеринг компанитай хамтран ажиллах санамж бичигт гарын үсэг зурлаа. Өнөөдөр Улаанбаатар хотын Ус сувгийн удирдах газар БНСУ-ын Yeda инженеринг компанитай хамтран ажиллах санамж бичигт гарын үсэг зурлаа. Уг санамж бичигт: -Улаанбаатар хотын Морин-гийн бохир ус цэвэрлэх байгууламжид (МОРИН-ЦБС) био хий, 3МВт.ц ~ 20МВт.ц нарны эрчим хүчийг ашиглан байгальд ээлтэй эрчим хүчний хотхон байгуулах. -Био хий, нарны эрчим хүч зэрэг сэргээгдэх эрчим хүч ашиглан бохир ус цэвэрлэх байгууламжийг байгальд ээлтэй цахилгаан эрчим хүчээр хангах төсөл дээр хамтран ажиллах -Усан хангамжийн байгууламжид суурилуулсан нарны эрчим хүч үйлдвэрлэх хуучин тоног төхөөрөмжийн тулгамдаж буй асуудлыг оношлох, сайжруулах чиглэлээр хамтран ажиллах. -Нүүрстөрөгчийн хийн агууламжийн загвар боловсруулах замаар хүлэмжийн хийг бууруулах олон улсын төсөлд оролцох хамтын ажиллагааг бүрдүүлэх зэрэг чухал асуудлуудыг тусгажээ. Зургийн цомог
БАГАХАНГАЙ ДҮҮРГИЙН ГЭР ХОРООЛЛЫН ИРГЭДИЙГ 24 ЦАГААР ТАСРАЛТГҮЙ УСААР ХАНГАДАГ БОЛЛОО. БАГАХАНГАЙ ДҮҮРГИЙН АЛТГАНА, ҮНЭГТЭЙ, ЗАМЧИН, БОР ҮЗҮҮРИЙН ГЭР ХОРООЛЛЫН ИРГЭДИЙГ 24 ЦАГААР ТАСРАЛТГҮЙ УСААР ХАНГАДАГ БОЛЛОО. Багахангай дүүргийн гэр хорооллын хэрэглэгчдийг унд ахуйн цэвэр усаар тасралтгүй хангах үүргийн хүрээнд "ЗЭДЭРЭТ ОУЭБ"-ын 100%-ийн хөрөнгө оруулалттайгаар тус дүүргийн 4 УТБ-ыг бүрэн автоматжуулан УУТБайр болгон иргэдийн ая тухтай нөхцөл бололцоог ханган ажиллалаа. Хамтран ажилласан “ДЭЗЭРЭТ ОУЭБ”-ын хамт олонд талархал илэрхийлье. Зургийн цомог
Ус сувгийн удирдах газрын дарга Ц.Төрхүү Нийслэлийн дээд шагнал "ХАНГАРЬД ОДОН" -гоор шагнагдлаа. Ц.Төрхүү дарга сэтгэгдлээ өөрийн фээсбүүк пээж хуудсаар дамжуулан сэтгэгдлээ илэрхийлснийг хүргэе. Ц.ТӨРХҮҮ: Их хотын нийслэл Улаанбаатар хотынхоо төлөө зүтгэж ирсэн, зүтгэж байгаа иргэн миний хөдөлмөр зүтгэлийг "Хангарьд" одонгоор мялаасан гэнэтийн мэдээтэй өдөр. Хурлын дундуур дуудагдан хүндтэй одонгоо гардаж авлаа. Нийслэлийн бүтээн байгуулалт, хөгжил дэвшилд үнэтэй хувь нэмэр оруулсан хүний энгэрт энэхүү одон гялалздаг. Итгэлийг зүтгэлээр, урмыг ажил хөдөлмөрөөрөө хариулах болно. Шагнал гардах сайхан. Хүндлэл, шагнал, одон бүрийн ард нөр их хариуцлага хүлээж буй гэсэн үг. Миний ард баг хамт олон минь, надад итгэл хүлээлгэн дэмждэг сонгогчид маань бий. Та нартаа энэ цаг мөчид чин сэтгэлийн талархал илэрхийльe. НИТХ-ЫН ТӨЛӨӨЛӨГЧ УС СУВГИЙН УДИРДАХ ГАЗРЫН ДАРГА ЦОГТСАЙХАНЫ ТӨРХҮҮ
Монгол улсад нийтийн аж ахуйн салбарыг хөгжүүлэх, төр, Засгаас хэрэгжүүлж байгаа бодлого шийдвэрийг хэрэгжүүлэх, Улаанбаатар хотын болон хотын ойролцоох хот суурингуудын ус хангамжийн байгууллагуудын үйл ажиллагааг сайжруулах тогтворжуулах, байгууллагын эрхэм зорилтыг хэрэгжүүлэх, өнөөгийн хөгжлийн шаардлагад нийцсэн үйл ажиллагааг явуулах ажлыг удирдан зохион байгуулж амжилттай ажилласан хөдөлмөр, амжилтыг үнэлэн Ус сувгийн удирдах газрын үе үеийн удирдлагууд, О.Эрдэнэбаатар, Б.Пүрэвжав, С.Үнэн нарыг Нийслэлийн "ХАНГАРЬД" одонгоор шагналаа. Шагналыг УСУГ-ын дарга Ц.Төрхүү гардуулж өглөө. Монгол улсад нийтийн аж ахуйн салбарыг хөгжүүлэх, төр, Засгаас хэрэгжүүлж байгаа бодлого шийдвэрийг хэрэгжүүлэх, Улаанбаатар хотын болон хотын ойролцоох хот суурингуудын ус хангамжийн байгууллагуудын үйл ажиллагааг сайжруулах тогтворжуулах, байгууллагын эрхэм зорилтыг хэрэгжүүлэх, өнөөгийн хөгжлийн шаардлагад нийцсэн үйл ажиллагааг явуулах ажлыг удирдан зохион байгуулж амжилттай ажилласан хөдөлмөр, амжилтыг үнэлэн Ус сувгийн удирдах газрын үе үеийн удирдлагууд, О.Эрдэнэбаатар, Б.Пүрэвжав, С.Үнэн нарыг Нийслэлийн "ХАНГАРЬД" одонгоор шагналаа. Шагналыг УСУГ-ын дарга Ц.Төрхүү гардуулж өглөө.
Нийслэлийн хэмжээнд 2019-2020 оны хичээлийн жилд Гадаадын иргэн харъяатын газар, СУИС, УСУГ гэсэн байгууллагууд байгууллагын дэргэдэх цэцэрлэг нээж ажилчдын хүүхдүүдэд сургуулийн өмнөх боловсрол олгож байна. Албан байгууллагын дэргэдэх цэцэрлэг байгуулагдсанаар тухайн байгууллага ажиллагсдынхаа нийгмийн хамгааллын асуудлыг шийдвэрлэж, тогтвор суурьшилтай ажиллах хүний нөөцийн бодлогыг хэрэгжүүлэх болон ажиллах бүтээмжийг нэмэгдүүлэх зэрэг олон давуу талтай. Өнөөдөр Баянзүрх дүүргийн улсын тэргүүний 61 дүгээр цэцэрлэгийн салбар бүлэг Ус сувгийн удирдах газрын ажилтан, алба хаагчдын хүүхдүүдийг хамруулах 3 бүлэг, 100 хүүхдийн хүчин чадалтай “Дусалхүү” цэцэрлэгийн хичээлийн шинэ байрны нээлтийг хийлээ. Нээлтийн арга хэмжээнд нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ш.Анхмаа, нийслэлийн Боловсролын газрын дарга Ж.Гантулга, БЗД-ийн Засаг даргын орлогч Д.Уламбаяр, УСУГ-ын дарга Ц.Төрхүү болон холбогдох албаны хүмүүс оролцлоо.
БНХАУ-ын нэг тэрбум ам.долларын хөнгөлөлттэй зээлийн хүрээнд шинэ цэвэрлэх байгууламж барих төслийг хэрэгжүүлэхээр Монгол Улсын Засгийн газраас шийдвэрлэсэн юм. Уг төслийг өнөөдөр эхлүүлж шинэ цэвэрлэх байгууламжийн шавыг тавьж, барилгын ажлыг эхлүүллээ. Шав тавих ёслолд Монгол Улсын Ерөнхий сайд У.Хүрэлсүх, Барилга хот байгуулалтын сайд Х.Баделхан, БНХАУ-аас Монгол Улсад суух Онц бөгөөд Бүрэн эрхт Элчин сайд Шин Хайми, нийслэлийн Засаг дарга бөгөөд Улаанбаатар хотын Захирагч С.Амарсайхан болон холбогдох албаны хүмүүс оролцлоо. БНХАУ-ын нэг тэрбум ам.долларын хөнгөлөлттэй зээлийн хүрээнд шинэ цэвэрлэх байгууламж барих төслийг хэрэгжүүлэхээр Монгол Улсын Засгийн газраас шийдвэрлэсэн юм. Уг төслийг өнөөдөр эхлүүлж шинэ цэвэрлэх байгууламжийн шавыг тавьж, барилгын ажлыг эхлүүллээ. Шав тавих ёслолд Монгол Улсын Ерөнхий сайд У.Хүрэлсүх, Барилга хот байгуулалтын сайд Х.Баделхан, БНХАУ-аас Монгол Улсад суух Онц бөгөөд Бүрэн эрхт Элчин сайд Шин Хайми, нийслэлийн Засаг дарга бөгөөд Улаанбаатар хотын Захирагч С.Амарсайхан болон холбогдох албаны хүмүүс оролцлоо. Шинэ цэвэрлэх байгууламж нь хуучин цэвэрлэхийн биопрудын зориулалтаар ашиглагдаж байсан 40 га талбайд баригдана. Үүний 24.7га буюу 61 хувьд нь барилга байгууламж барих аж. Мөн шаардлагатай авто зам, явган хүний зам, ногоон байгууламжийг давхар шийдэж өгөх юм байна. ТЭЗҮ-д тусгагдснаар хоногт 250.000 шоо метр бохир усыг цэвэрлэх хүчин чадалтай. Гурван үе шаттай цэвэрлэгээ, халдваргүйжүүлэлт хийгдэнэ. Лаг боловсруулан биохий гарган авах замаар эрчим хүч болон дулаан үйлдвэрлэн нийт цахилгааны хэрэгцээний 53 хувийг хангах юм. Шав тавих ёслолын үеэр Ерөнхий сайд У.Хүрэлсүх “Олон жил яригдсан Төв цэвэрлэх байгууламжийн асуудал өнөөдөр шийдэгдэж байгаад баяртай байна. Энэ нь Улаанбаатар хотын 1.5 сая хүний ахуй амьдралтай шууд холбоотой асуудал. Байгууламжтай зэрэгцээд саарал усны үйлдвэр бас баригдана. Ахуйн хэрэгцээний саарал усыг Монгол Улс анх удаагаа ашигладаг болно. Цаашдаа Улаанбаатар хотын дэд бүтцийн хөгжилд энэ цэвэрлэх байгууламж асар том үүрэг гүйцэтгэнэ. Одоо хурдан шуурхай хийж гүйцэтгэх л ажил үлдлээ” хэмээв. Нийслэлийн Засаг дарга бөгөөд Улаанбаатар хотын Захирагч С.Амарсайхан “Хотын хөгжлийн томоохон үндэс суурь болсон дэд бүтцүүдийн нэг нь яах аргагүй цэвэрлэх байгууламж. Агаар, орчны бохирдол, ундны усны аюулгүй байдал бидэнд хамгийн чухал. Өнөөдөр 200 гаруй үйлдвэр Туул гол руу химийн бодистой усаа цутгадаг асуудал байдаг. Энэ байгууламж ашиглалтад орсноор энэ асуудал үгүй болж, ундны усны бохирдох эрсдэл багасч байгаа” хэмээлээ. Хаягдал лагийг усгүйжүүлэн хатаах, шатаах замаар хаягдалгүй үйлдвэр барих юм байна. Цэвэрлэгээний процессоос ялгарах үнэрийг агааржуулалтын системээр цуглуулан биологи цэвэрлэгээний аргаар цэвэрлэнэ. Үйлдвэрийг бүхэлд нь хяналт удирдлагын ухаалаг скада системээр тоноглохоор ТЭЗҮ-д тусгажээ.
Нийслэлийн Засаг дарга бөгөөд Улаанбаатар хотын Захирагч С.Батболд Төв цэвэрлэх байгууламжийн лагийг халдваргүйжүүлэх хэт авайн төхөөрөмж, цэвэрлэгээний түвшин, лаг боловсруулалтыг сайжруулах зорилгоор суурилуулсан төхөөрөмжийн үйл ажиллагаатай танилцлаа. Нийслэлийн Засаг даргын 2016 оны захирамжаар Улаанбаатар хотын төв цэвэрлэх байгууламжид хуримтлагдсан лагийг боловсруулах, дамжлага нэмэх, ашиглалтад оруулах төсөл, арга хэмжээ авах ажлыг зохион байгуулсан. Энэ хүрээнд лагийн 44 карт бүхий 15 га талбайд үнэргүйжүүлэх, халдваргүйжүүлэх, боловсруулах, цэвэрлэх байгууламжаас Туул гол хүртэлх 12 га талбай суваг, олон жил хуримтлагдсан голын бохирдлыг арилгах, үнэрийг дарах арга хэмжээ авахыг тусгажээ. Мөн төв цэвэрлэх байгууламжийн урд 50 га талбай бүхий олон жил тогтсон хиймэл нуурыг цэнгэгжүүлэх, технологийн үйл ажиллагааг дэмжиж, засвар хийж, тоног төхөөрөмж шинэчлэх зэрэг 25 ажил тусгагджээ. Өнгөрсөн жилийн хугацаанд 23 ажил 100 хувь гүйцэтгэлтэй, 2 ажил он дамжин хэрэгжиж дуусжээ. Нийслэлийн Засаг дарга бөгөөд Улаанбаатар хотын Захирагч С.Батболд “2016-2017 оны нийслэлийн төсөвт Төв цэвэрлэх байгууламжийн лагийг цэвэрлэх, цэвэрлэгээний түвшинг сайжруулах чиглэлээр нийслэлээс хөрөнгө гаргаж хийсэн ажлаа өнөөдөр хүлээн авч байна. Хэт авиан төхөөрөмжөөр бохирдлыг боловсруулан гаргахад лагийн үнэр 50-60 хувь хүртэл буурах боломжтой төхөөрөмж суурилуулсан. Энэ ажилд “Шимт газар” ХХК шалгарсан. Нийслэлийн төсвөөс 2.1 тэрбум төгрөгийг шийдсэн. Цэвэрлэгээний түвшин, лагийн боловсруулалтыг сайжруулах, тоног төхөөрөмж нийлүүлэн суурилуулах ажилд мөн 1.7 тэрбум төгрөг шийдэж өгсөн. Энэ нь бохирдсон усыг боловсруулаад лаг, ус хоёрыг салгах боломжийг нэмэгдүүлнэ. Ингэснээр лагийн талбайн дүүргэлт багасна. Олон жил аргацаасан байдалтай ажиллаж байсан бол энэ технологиуд үнэр багасгах, бохирдол цэвэрлэх нэг том шийдэл юм. Хуучин франц улсын боловсруулсан ТЭЗҮ дээр дахин ажиллаад 250 мянган м.куб ус цэвэрлэх хүчин чадалтай цэвэрлэх байгууламжтай болвол ойрын 15 жилийн ачаалал даах боломжтой. Цэвэрлэх байгууламжид ахуйн уснаас гадна үйлдвэрийн ус, химийн хэт бохирдолтой ус ирж байгаагаас ашигтай бактериудыг устган бактериуд үнэр дарах чадваргүй болж байна. Улаанбаатар хотоос арьс ширний үйлдвэрүүдийг ялангуяа өлөн боловсруулах үйлдвэрийг гаргах хэрэгтэй юм” гэлээ. Лагийг халдваргүйжүүлэх, үнэргүйжүүлэх зорилгоор биологийн задралыг бий болгож өвчин үүсгэгч нянг устгах, халдваргүйжүүлэх, үнэр саармагжуулах зорилгоор хоногт 1200-1500 м.куб лаг халдваргүйжүүлэх хүчин чадалтай Герман улсын “Тюбэреактор” хэт авиан төхөөрөмжийг суурилуулсан. Энэ төхөөрөмж нь биомасс задралыг нэмэгдүүлэн өвчин үүсгэгч нянг устган, халдваргүйжүүлэх, үнэр бууруулах, лагийн талбайд шахагдсан лагийн ус хурдан ялгарч, хурдан хатаах боломжтой юм. Төхөөрөмжөөр дамжсан лагийн үнэр 50-60 хувь хүртэл буурна
Улсын Их Хурлын Байгаль орчин, хүнс, хөдөө аж ахуйн байнгын хорооноос “Төв цэвэрлэх байгууламжийн өнөөгийн байдал-хөрөнгө оруулалт” сэдэвт уулзалтыг өнөөдөр (2017.02.06) Төрийн ордонд зохион байгуулав. Энэхүү уулзалтад Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Ц.Гарамжав болон Барилга хот байгуулалтын яам, Байгаль орчин, аялал жуулчлалын яам, Мэргэжлийн хяналтын ерөнхий газар, Үндэсний хөгжлийн газар, Ус сувгийн удирдах газар зэрэг төрийн байгууллагын төлөөлөл оролцов. 2016 оны арваннэгдүгээр сарын 09-ны өдөр тус байнгын хорооноос “Төв цэвэрлэх байгууламжийн өнөөгийн байдал-хөрөнгө оруулалт” сэдэвт хэлэлцүүлгийг зохион байгуулж, мэргэжлийн байгууллагуудад хандсан зөвлөмжийг гаргасан юм. Энэ удаагийн уулзалтаар дээрх зөвлөмжийн хүрээнд хийгдэж буй ажлуудын явц, үр дүнтэй танилцав. Уг зөвлөмжид шинэ цэвэрлэх байгууламжийн барилгын зураг төсөл, техник, эдийн засгийн үндэслэлд үнэлгээ өгч, ажлын хэсэг байгуулах, байгаль орчинд ээлтэй, орчин үеийн технологийг судалж, зураг төсөлд тусгах, Ус бохирдуулсны төлбөрийн тухай хуульд заасан холбогдох журмуудыг боловсруулах, шугам сүлжээний үйл ажиллагаанд технологийн хяналт, шалгалт хийж, илэрсэн зөрчил дутагдлыг хохирол багатай, цаг алдалгүй арилгуулах, цэвэрлэх байгууламжийн байгаль орчинд нөлөөлөх байдлын үнэлгээ болон байгаль орчны менежментийн төлөвлөгөөнд магадлагаа хийж, технологийн горимыг мөрдүүлэх зэрэг хэд хэдэн асуудлыг тусгасан байна. Засгийн газрын гишүүн, Барилга, хот байгуулалтын сайд Г.Мөнхбаяр “УИХ-ын БОХХААБХ-ноос гаргасан зөвлөмжийн дагуу 2016 оны арванхоёрдугаар сарын 08-ны өдөр манай яамнаас дэд сайдаар ахлуулсан Ажлын хэсэг байгуулагдсан. Энэ хугацаанд хэд хэдэн удаагийн салбарын мэргэжилтэн, эрдэмтэн судлаач, төрийн буc байгууллагын төлөөллийг оролцуулсан томоохон хэлэлцүүлгүүдийг зохион байгуулж, салбар хоорондын уялдааг сайжруулах арга хэмжээг авлаа. Үүний үр дүнд нэгдсэн ойлголтод хүрч, бодлогоо нарийн тодорхойлж чадсан. Одоо аль ч салбарт ажил эхлүүлэхэд ойлголтын зөрүү гарахгүй болсон. Олон удаагийн мэргэжлийн техникийн уулзалт, хэлэлцүүлгээс лаг болон бохир усны боловсруулалтын асуудлыг шийдэх гарцыг тодорхойлсон гэж болно. Уг шийдлээ шинэ цэвэрлэх байгууламжийн техник, эдийн засгийн үндэслэлд (ТЭЗҮ) тусгуулсан” хэмээн уулзалтын эхэнд танилцуулав. Үндэсний хөгжлийн газрын дарга Д.Баярсайхан “Засгийн газрын 2015 оны 450 тоот тогтоолоор шинэ цэвэрлэх байгууламжийг Концессийн гэрээгээр барихаар тусгасан байсан. Энэ дагуу өмнөх Засгийн газрын үед уралдаант шалгаруулалтыг зарлаж, эхний шатанд 5 аж ахуйн нэгж шалгарсан бөгөөд төслийн санал авах эцсийн хугацаанд зөвхөн хоёр нь л материал ирүүлсэн. Бид цаг хугацаа хэмнэх үүднээс шинээр тендер зарлалгүй, өмнөх тендерийг нь үргэлжлүүлж байна. Техник, эдийн засгийн үндэслэл боловсруулсан болон гүйцэтгэлийн ажил хийх компаниудтай ойр ойрхон уулзаж, холбогдох засвар, нэмэлтүүдийг тусгуулсан. Шинэ цэвэрлэх байгууламжийн техник, эдийн засгийн үндэслэл бэлэн болсон байгаа” гэв. Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Ц.Гарамжав Японы Иокохама хотын цэвэрлэх байгууламжийн үйл ажиллагаатай танилцаж, туршлага судалсан талаар хэлээд технологийн зөв шийдлийг олон нь хамгийн чухал болохыг онцлов. Мөн лхагва гарагийн (2017.02.08) Байгаль орчин, хүнс, хөдөө аж ахуйн байнгын хорооны хуралдаанд шинэ цэвэрлэх байгууламжийн техник, эдийн засгийн үндэслэл болон нэвтрүүлэх технолгийн талаар танилцуулахыг холбогдох албаны хүмүүст үүрэг болгов гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
Улсын Их Хурлын гишүүн, Өргөдлийн байнгын хорооны дарга Д.Сарангэрэл, Улсын Их Хурлын гишүүн, Ажлын хэсгийн ахлагч А.Сүхбат нар Туул голын бохирдлын асуудлаар ирүүлсэн өргөдлийн дагуу холбогдох хууль тогтоомжийн хэрэгжилтийг судлахаар Төв болон Харгиа цэвэрлэх байгууламж, мөн Шувуун фабрикийн орчимд хайрга олборлодог карьеруудын үйл ажиллагаатай танилцаж, газар дээр нь ажиллалаа. Өргөдлийн байнгын хороо нь Туул голын бохирдлыг бууруулах, урсацыг хамгаалах, хамгаалалтын бүсийн дэглэмийг мөрдүүлэх, усны чанарын стандартад хүргэхэд шаардлагатай арга хэмжээг авах, холбогдох хууль тогтоомжийн хэрэгжилтийг хангуулах чиглэлээр тогтоол гаргаж, Ажлын хэсгийг 2016 оны 10 дугаар сарын 25-ны өдөр байгуулсан байна. Ажлын хэсгийн гишүүд эхлээд Ус сувгийн удирдах газрын харьяа Төв цэвэрлэх байгууламжийн үйл ажиллагаатай танилцаж, түүний шинэчлэлийн хэрэгжилтийн байдал, тулгамдаж буй бэрхшээлийн талаар мэдээлэл солилцон холбогдох албан тушаалтнуудаас тайлбар авахын зэрэгцээ үүрэг, чиглэл өглөө. Ус сувгийн удирдах газрын дарга Ц.Төрхүү мэдээлэл хийх үеэр, тус цэвэрлэх байгууламж нь хоногт дунджаар 160000-190000 м3 бохир усыг хүлээн авч механик болон биологийн цэвэрлэгээг хийн, хэт ягаан туяагаар халдваргүйжүүлсний дараа Туул голд нийлүүлдэг. Бохир усны худгийн ихэнх нь удаан хугацааны ашиглалтын явцад элэгдэж хуучрах, хагаралт цууралт үүсэх зэрэг гэмтлүүд тохиолдож байгаагаас тус байгууламжийн ачааллыг нэмэгдүүлэхэд хүргээд байна. Иймд 250000 шоометр/хоног хүчин чадал бүхий шинэ цэвэрлэх байгууламж барих зайлшгүй шаардлагатай байна. Энэхүү асуудал өчигдөр /2016.11.08/ зохион байгуулагдсан “Төв цэвэрлэх байгууламжийн өнөөгийн байдал, хөрөнгө оруулалтын асуудал” сэдэвт хэлэлцүүлгийн үеэр хөндөгдөж, шинэ Төв цэвэрлэх байгууламжийг барихын тулд шинээр техник эдийн засгийн үндэслэлийг боловсруулах бус өмнө нь боловсруулагдсан техник эдийн засгийн үндэслэлийг ашиглаад явах нь зөв гэсэн байр суурь илэрхийлэгдэж байсан гэлээ. Өргөдлийн байнгын хорооны дарга Д.Сарангэрэл хэлэхдээ, Нийслэлийн иргэдийн 97.5 хувь нь Туул голоос ундаалдаг гэтэл бид өөрсдийнхөө ундаалдаг ус руугаа бохир нийлүүлж байна. Туул голыг бохирдуулж буй гурван үндсэн хүчин зүйлс бол цэвэрлэх байгууламж болон арьс, ширний үйлдвэрүүдээс гарч буй бохир мөн Туул голын орчмоос элс, хайрга олборлож байгаа явдал нь голын урсацыг багасгах, байгалийн тэнцвэрийг алдагдуулахад хүргээд байна. Саяхан хийгдсэн судалгаагаар Туул голын усыг цэвэршүүлсний дараа гэдэсний өвчин үүсгэдэг савханцар нян илэрсэн. Иймд УИХ-ын зарим гишүүд Туул голыг хамгаалах тусгай хууль гаргах тухай санал нэгдээд байгаа гэлээ. Дараа нь Ажлын хэсгийн гишүүд болон дагалдан яваа албаны хүмүүс Хан-Уул дүүргийн нутаг дэвсгэрт орших Шувуун фабрикийн орчимд хайрга олборлодог карьер болон Харгиа цэвэрлэх байгууламжийн үйл ажиллагаатай тус тус танилцлаа. Ажлын хэсгийн ахлагч А.Сүхбат хэлэхдээ, Туул голын ай савуудыг ихээр сүйтгэж байна. Туул голын энгийн хамгаалалтын бүсээс элс, хайрга олборлож буй аж ахуйн нэгжүүд хэдийгээр тусгай зөвшөөрөл авсан хэдий ч нөхөн сэргээлт хийхгүй байна. Үүнд хариуцлага тооцуулах тал дээр бид ажиллаад зогсохгүй эдгээр тусгай зөвшөөрлүүдийг цуцлуулахаар ажиллах болно гэлээ. Түүнчлэн Туул голыг бохирдуулж буй бусад хүчин зүйлсийг арилгахад шат бүртээ хяналтаа сайжруулж, хууль эрх зүйн асуудлыг боловсронгуй болгох нэн шаардлагатай байна гэж анхаарууллаа. Гишүүд дээрх газруудын үйл ажиллагаатай танилцсан тухай болон цаашид шийдвэрлэвэл зохих асуудлын талаар Байнгын хорооны хуралдаанд танилцуулах юм.
