УРЛАГ, УРАН БҮТЭЭЛИЙН ҮЙЛ АЖИЛЛАГААНЫ ХҮРЭЭНД “ПИЖАМА”-ТАЙ “КИНО НААДАМ” ЗОХИОН БАЙГУУЛЛАА

12 / 09 0 сэтгэгдэл 192 үзсэнe

11-р сарын 30-ны өдөр 10-р ангиудын хамтын урлаг, уран бүтээлийн үйл ажиллагааны хүрээнд “пижама”-тай “Кино наадам” зохион байгууллаа. Суралцагчид 2 сарын хугацаанд кино зураг авалт хийж тус өдөр хамтдаа үзэж сонирхолоо. Нийт инээдмийн, драмын зэрэг олон төрөл жанрын 10 кино толилуулсан бөгөөд суралцагчид өвөрмөц бөгөөд сонирхолтой кино постеруудыг бүтээж урлаг, уран сайхны ур чадвар, авьяасаа харуулав. Бүх кинонуудыг төрөл бүрийн номинацид тодруулсан ба хамгийн шилдгээр 2 киног шалгаруулсан байна. Энэхүү кино наадам нь 10-р ангийн суралцагчдад маш дурсамжтай үдшийг бэлэглэсэн төдийгүй, анги хамт олны эв нэгдлийг бэхжүүлсэн, эелдэг нөхөрсөг харилцааг дэмжсэн, халуун дулаан уур амьсгалыг бүрдүүлсэн зэрэг ач холбогдол бүхийн сайхан арга хэмжээ болж өндөрлөлөө. 30 ноября в Российско - монгольской совместной школе в рамках коллективного творческого дела 10-х классов «Фестиваль кино» состоялась пижамная вечеринка. В течение двух месяцев ребята снимали фильмы которые продемонстрировали в уютной обстановке. Всего было представлено 10 фильмов разных жанров-от комедии до драмы. Ребята получили возможность показать свои творческие способности и таланты. Невероятную фантазию проявили участники при создании постеров к своим фильмам. Все киноленты были отмечены номинациями, а две лучшие получили главные призы. «Фестиваль» не только сплотил коллектив 10х классов но и подарил незабываемые эмоции.

ХОККЕЙН СЕКЦИЙН ТАМИРЧИД АНХ УДААГАА ӨӨРСДИЙН МӨСӨН ТАЛБАЙ ДЭЭР БЭЛТГЭЛ, СУРГУУЛИЛТАА ХИЙЛЭЭ

12 / 09 0 сэтгэгдэл 265 үзсэнe

Өнөөдөр МОХС дээр тус сургуулийн түүхэнд онцлох үйл явдал тохиож байна. Манай сургуулийн хоккейн секцийн тамирчид анх удаагаа өөрсдийн мөсөн талбай дээр бэлтгэл, сургуулилтаа хийлээ. Бяцхан хоккейчид маань энэхүү өдрийг тэсэн ядан хүлээж байсан бөгөөд мөсөн талбайн бүтээн байгуулалтын ажлын явцыг ихэд анхааралтай ажиглаж байсан юм. Ялангуяа, мөсөн талбай дээр хоккейн 2 хаалгыг байрлуулах явцад хүүхдүүдийн төдийгүй томчуудын сэтгэл ихээр хөдөлсөн билээ. Ийнхүү залуу хоккейчиддаа болон дасгалжуулагч багш нартаа бэлтгэл сургуулилт болон цаашдын тэмцээн, уралдаанд нь өндөр амжилт хүсье! Сегодня в Совместной Монголо-Российской школе произошло историческое событие: впервые в истории школы тренировка секции хоккея состоялась на своей хоккейной коробке. Наши маленькие хоккеисты очень ждали этого и нетерпением наблюдали, как строилось это спортивное сооружение, как заливали лёд. Особый восторг испытали и взрослые, и дети, когда на льду появились настоящие хоккейные ворота. Мы желаем нашим хоккеистам и их наставникам эффективных тренировок уже на своём льду, удачных хоккейных матчей и ярких побед!

“СОЁЛЫН ВАУЧЕР” 18.3 ТЭРБУМ ТӨГРӨГИЙГ ТӨСВӨӨС ХАСАЖ ХЭЛЭЛЦҮҮЛЭГТ ОРУУЛСАН ТУЛ ТУС МӨНГӨН ДҮН 2025 ОНЫ МОНГОЛ УЛСЫН ТӨСӨВТ СУУГААГҮЙ БОЛОХЫГ ХАРИУЦЛАГАТАЙГААР МЭДЭГДЭЖ БАЙНА.

12 / 09 0 сэтгэгдэл 306 үзсэнe

Цаг үеийн нөхцөл байдалтай холбогдуулан зарим үйл явдалд хариулт өгөхийг хүслээ. УИХ-ын 2024.12.06 өдрийн чуулганаар “Соёлын бүтээлч үйлдвэрлэлийг дэмжих тухай хууль”-ийн зарим зүйл, заалтыг хасах тухай хэлэлцүүлэгт гишүүдийн олонх буюу 62.1 хувь нь татгалзсан санал өгснөөр тус хуульд өөрчлөлт оруулах шаардлагагүй гэж үзжээ. Энэ нь УИХ-ын гишүүдийн бүрэн эрхийн асуудал бөгөөд ССАЖЗ-ын сайдын хувьд миний оролцооноос үл хамаарах шийдвэр юм. ЗГ-ын зүгээс төсөвт тавьсан Ерөнхийлөгчийн хориг, ард иргэдийн санал, шүүмжид хүндэтгэлтэй хандаж хүүхэд залуусын “Соёлын ваучер” 18.3 тэрбум төгрөгийг төсвөөс хасаж хэлэлцүүлэгт оруулсан тул тус мөнгөн дүн 2025 оны Монгол Улсын төсөвт суухгүй болохыг хариуцлагатайгаар мэдэгдэж байна. Мөн Хүүхдэд зориулсан “Соёлын ваучер”-ийн төсвийг Ч.Номин гэх хувь хүний төсөв мэтээр тайлбарлан, элдэв зураг, постер эвлүүлэн нэг агуулгатай мэдээг олон сайтаар зэрэг тарааж, зөвхөн кино, жүжиг үзүүлж хэсэг бүлэг хүмүүс хувааж идэх гэж байгаа мэтээр нийгмийн тархи угаалт хийж байгаад харамсаж байна. Хүүхдэд зориулсан “Соёлын ваучер" гэж юу вэ? “Соёлын ваучер” нь Монгол Улсын хэмжээнд 16-18 насны нийт 183,259 хүүхэд, залууст өөрийн авьяас, чадварыг нээж олох, мэргэжил сонголт, ирээдүйгээ зөв тодорхойлох оюунлаг, өрсөлдөх чадвартай иргэн болж хүмүүжихэд нь дэмжлэг үзүүлэх хөтөлбөр юм. Мөн Нийслэлийн 9 дүүрэг, 21 аймаг, 330 суманд түүх, танин мэдэхүй, соёл, урлаг, спорт, боловсрол, хүүхэд хөгжил зэрэг 120 гаруй нэр төрлийн сургалт, үйлчилгээ явуулдаг 2600 гаруй аж ахуй нэгж, тэдгээрт ажиллаж байгаа 20,000 гаруй иргэд, тэдгээрийн гэр бүлд шууд утгаараа бодит дэмжлэг болох, соёл спортын салбарын эдийн засгийн эргэлтийг нэмэгдүүлэх чухал ач холбогдолтой төсөл байсныг онцлон хэлмээр байна. Дахин хэлэхэд 2025 оны Монгол Улсын төсөвт Хүүхдийн “Соёлын ваучер”-т олгох 18,3 тэрбум төгрөг суугаагүй болохыг дахин мэдэгдье!

“НАУРЫЗЫН БАЯР” ӨВИЙН ХАМТАРСАН ЖАГСААЛТАД МОНГОЛ УЛС НЭГДЛЭЭ

12 / 06 0 сэтгэгдэл 230 үзсэнe

ЮНЕСКО-гийн Соёлын биет бус өвийг хамгаалах тухай конвенцын Засгийн газар хоорондын хорооны 19 дүгээр чуулган Бүгд Найрамдах Парагвай Улсын Асунсион хотноо 2024 оны 12 дугаар сарын 02-оос 07-ны өдрүүдэд хуралдаж байгаа билээ. Энэхүү чуулганы 5-ны өдрийн хуралдаанаар Монгол Улсаас “Наурыз” буюу “Нарны баяр”-ын оролцогч талуудын жагсаалтад нэмж бүртгүүлэх хүсэлтийг хүлээн авч баталлаа. Наурыз баярыг анх 2009 онд Исламын Бүгд Найрамдах Иран Улсын санаачилгаар ЮНЕСКО-гийн Соёлын биет бус өвийн Төлөөллийн жагсаалтад жагсаалтад бүртгэсэн бөгөөд Афканистан, Азербайжан, Энэтхэг, Ирак, Казахстан, Киргизстан, Узбекистан, Пакистан, Тажикстан, Бүгд Найрамдах Турк Улс, Туркменистан зэрэг 12 улс хамтран бүртгүүлээд байсан юм. Наурызын баяр нь Монгол Улсын нийт хүн амын 4%-ийг бүрдүүлдэг казах түмний соёлын биет бус өвийн олон илэрхийллийг агуулдаг учир Казахын ард түмний ёс заншил, уламжлалт сэтгэлгээ, соёлын уламжлалыг хамгаалж, хойч үедээ өвлөн үлдээхэд нийгэм, соёлын чухал үүрэгтэй баяр юм. Монголын Казах түмний “Наурызын баяр” тэмдэглэх уламжлал нь нүүдлийн мал аж ахуй эрхэлдэг нүүдэлчид, ялангуяа Казах малчдын ахуй амьдралд холбогдох ёс заншил, уламжлалыг шингээж, байгаль дэлхийгээ хайрлан хамгаалах, ахмад настнаа хүндэтгэн дээдлэх өвөрмөц уламжлалыг бий болгож, үеэс үед өвлөгдөн ирснээрээ онцлогтой юм. Чуулган Монгол Улсын хүсэлтийг хүлээн авсан нь Монголын казак иргэдийн уламжлалт баяр болох “Наурыз”-ын үнэ цэнэ ач холбогдлыг хүлээн зөвшөөрч, бусад 12 улсын уламжлалтай эн тэнцүү авч үзэж байгаагийн илэрхийлэл юм.

“МОНГОЛ НҮҮДЛИЙН ЗАН ҮЙЛ” ӨВ ЮНЕСКО-Д БҮРТГЭГДЛЭЭ

12 / 06 0 сэтгэгдэл 212 үзсэнe

ЮНЕСКО-гийн Соёлын биет бус өвийг хамгаалах тухай конвенцын Засгийн газар хоорондын хорооны 19 дүгээр чуулган Бүгд Найрамдах Парагвай Улсын Асунсион хотноо 2024 оны 12 дугаар сарын 02-оос 07-ны өдрүүдэд хуралдаж байгаа билээ. Энэхүү чуулганы 5-ны өдрийн хуралдаанаар Монгол Улсаас ЮНЕСКО-ийн Хүн төрөлхтний соёлын биет бус өвийн Төлөөллийн жагсаалтад бүртгүүлэхээр нэр дэвшүүлсэн “Монгол нүүдлийн зан үйл” өвийг хэлэлцэж, хорооны гишүүдийн 100 хувийн саналаар бүртгэдлээ. Монгол нүүдлийн зан үйл өв нь Монгол Улсаас ЮНЕСКО-гийн соёлын биет бус өвийн жагсаалтад бүртгүүлсэн 16 дахь өв болж байна. Нүүдэлчин Монголчуудын олон мянганы туршид байгаль, цаг уур, ахуй амьдралын хэв маяг, мал сүргийн бүтэц, онцлогтойгоо уялдуулан бүтээж, өвлүүлэн уламжлуулж ирсэн “Монгол нүүдлийн зан үйл” өвийн хүн төрөлхтний оршихуй, хүрээлэн буй орчны тогтвортой байдал болон хүнсний аюулгүй байдал, эрүүл мэнд, нийгмийн нэгдмэл байдал, хүртээмжтэй эдийн засгийн хөгжилд оруулж буй ач холбогдол, хувь нэмрийг ЮНЕСКО-ийн Соёлын биет бус өвийг хамгаалах тухай конвенцын Засгийн газар хоорондын хороо, Үнэлгээний хороо сайшаан дэмжиж, хүн төрөлхтний соёлын сан хөмрөгт тус өвийг оруулснаа албан ёсоор ийнхүү батламжиллаа. “Монгол нүүдлийн зан үйл” өв нь нүүдэллэх нутаг бэлчээр сонгох, нүүх өдөр судар сонгох, нүүдэл ачааллах, бууц сууриа цэвэрлэх, шинэ буусан газар нутгаа аргадах, бэлчээрийн нөөц, даацыг өөрийн болон айл саахалтын мал сүргийн бүтэц, тоо толгой, зэрлэг амьтан, ургамлын тархац, нутагшилтай уялдуулах байдлаар мал сүргээ хариулах, байгаль дэлхийгээ хамгаалах зэрэг олон уламжлалт мэдлэгийг өөртөө багтаасан, уламжлалт мэдлэгийн цогц тогтолцоо, зан үйл юм. Хүн, байгаль, мал гурвын харилцан шүтэлцээнээс үүсэн бий болж, олон мянганы туршид өвлөгдөн ирэхдээ оршин буй байгаль дэлхий, мал ахуйгаа хайрлан хамгаалах уламжлалт мэдлэгийг огт гээлгүй өнөөг хүрсэн тус уламжлалт мэдлэгийг өвлөн уламжлагчид өнөөдөр ч Алтайн өндөр ууланд тэмээгээр, хангайн уулсад сарлагаар, говь нутагт тэмээгээр, тал хээрт тэмээ болон хөсөг тэргээр, тайгын бүсэд цаа бугаар нүүдэллэсээр байна. Ийнхүү Монголчуудын соёлын үнэт зүйлсийн үнэ цэнэ дэлхий дахинд хүлээн зөвшөөрөгдөж, баялаг байдал нь улам бүр өргөжин хөгжсөөр байна.

НИЙСЛЭЛИЙН ХАРЬЯА СОЁЛ, УРЛАГИЙН БАЙГУУЛЛАГУУДЫН ОНЫ ШИЛДГҮҮДИЙГ ТОДОРЛОО

12 / 03 0 сэтгэгдэл 305 үзсэнe

Нийслэлийн харьяа соёл, урлагийн байгууллагуудын ажилтан, албан хаагчид, уран бүтээлчид, соёлын ажилтнууд, дүүргүүдийн соёлын асуудал хариуцсан мэргэжилтнүүдийн оны шилдгүүдийг тодруулах “Алтан Хангарди-2024” наадам амжилттай болж, салбарын шилдгүүдээ тодрууллаа. Энэ удаагийн “Алтан Хангарди-2024” наадамд нийслэлийн Соёл, урлагийн газар, нийслэлийн харьяа соёл, урлагийн байгууллагууд буюу Нийслэлийн Улаанбаатар театр, Нийслэлийн Соёлын төв өргөө, Улаанбаатар хотын нийтийн төв номын сан, Улаанбаатар хотын музей, Багануур дүүргийн соёлын ордон, Багахангай дүүргийн соёлын ордон, Баянзүрх дүүргийн соёлын ордон, Хан-Уул дүүргийн соёлын ордон, Сонгинохайрхан дүүргийн соёлын ордон, Налайх дүүргийн соёлын ордон, Чингэлтэй дүүргийн соёлын төвийн уран бүээлч, ажилтан албан хаагчид оролцож оны шилдүүдээ 11 номинациар тодрууллаа. Ингээд та бүхэнд шилдгүүдийг танилцуулъя. Үүнд: 1. Шилдэг Үйлчилгээний ажилтнаар Нийслэлийн Соёлын Төв өргөөний Тайзны үйлчлэгч Х.Ариунтуяа, 2. Шилдэг Техникийн ажилтнаар Налайх дүүргийн Соёлын ордны Кино техникийн ажилтан Б.Нарангэрэл, 3. Шилдэг Соёлын ажилтнаар Улаанбаатар хотын музейн Эрдэм шинжилгээний ажилтан Г.Очбаяр, 4. Шилдэг Багшаар Хан-Уул дүүргийн Соёлын ордны Бүжгийн багш Ц.Мандахзул, 5. Шилдэг Соёлын мэргэжилтнээр Сүхбаатар дүүргийн Засаг даргын тамгын газрын мэргэжилтэн Ч.Золзаяа, 6. Шилдэг Уран бүтээлчээр Чингэлтэй дүүргийн Соёлын ордны дуучин, дууны багш П.Баярмагнай, 7. Шилдэг Менежерээр Баянзүрх дүүргийн Соёлын ордны менежер Б.Цэцэгмаа, 8. Шилдэг Санхүүгийн ажилтнаар Багануур дүүргийн Соёлын ордны аж ахуйн нярав, касс Ж.Энхриймаа, 9. Шилдэг Төсөл санаачлан хэрэгжүүлэгчээр Нийслэлийн Улаанбаатар театрын хамт олон, 10. Шилдэг Захиргааны ажилтнаар Улаанбаатар хотын Нийтийн төв номын сангийн Архив бичиг хэргийн ажилтан Б.Бадмаарагчаа, 11. Шилдэг Төрийн жинхэнэ албан хаагчаар Нийслэлийн Соёл, урлагийн газрын Захиргаа удирдлагын хэлтсийн дарга Д.Мөнхчулуун, 12. Шилдэг Удирдах ажилтнаар Багахангай дүүргийн Соёлын ордны дарга Б.Алтанцоож, 13. Нийлэлийн Соёл, урлагийн газрын даргын нэрэмжит шагналаар Нийслэлийн Сонгинохайрхан дүүргийн Соёлын ордны техникч Б.Нямдорж нар тус тус шалгарлаа. Түүнчлэн Монгол Улсын Засгийн газрын шагнал болох “Соёлын тэргүүний ажилтан” тэмдгээр Нийслэлийн соёл, урлагийн газрын Соёлын үйлдвэрлэл, урлагийн хэлтсийн дарга Ч.Батчимэг, Нийслэлийн соёлын төв өргөөний Тайзны туслах ажилтан Х.Ариунтуяа, Налайх дүүргийн соёлын ордны Дууны багш Ц.Баярсайхан, Улаанбаатар хотын нийтийн төв номын сангийн Номын санч, мэдээллийн ажилтан Ж.Мөнхжаргал, Багануур дүүргийн соёлын ордны Хөгжмийн багш Х.Мөнх-Ундрах, Улаанбаатар театрын Бүжигчин Ч.Мэндсайхан, Багахангай дүүргийн соёлын ордны Кино техникийн ажилтан Г.Отгонжаргал, Чингэлтэй дүүргийн соёлын төвийн Техникч, аж ахуйн ажилтан Т.Оюунболд, Сонгинохайрхан дүүргийн Жаргалант тосгоны соёлын ордны Нягтлан бодогч Ш.Цэрэнээ, Улаанбаатар хотын нийтийн төв номын сангийн Номын санч-мэдээллийн ажилтан И.Энхтуяа шагнагдсан юм. Мөн Соёл, спорт, аялал жуулчлал, залуучуудын яамны “жуух бичиг”-ээр Багануур дүүргийн соёлын ордны Үйлчлэгч Д.Алтантуяа, Улаанбаатар хотын музейн Сан хөмрөгч П.Ариунаа, Улаанбаатар театрын Бишгүүр хөгжимчин О.Анар, Чингэлтэй дүүргийн соёлын төвийн Хөгжмийн багш Б.Базаррагчаа, Баянзүрх дүүргийн соёлын ордны Цахилгаанчин Х.Батмөнх, Багахангай дүүргийн соёлын ордны Дууны багш Г.Гэрэлсүрэн, Улаанбаатар хотын музейн Эрдэм шинжилгээний ажилтан О.Одсүрэн, Улаанбаатар театрын Гоцлол хөгжимчин Э.Түвшинсайхан, Баянзүрх дүүргийн соёлын ордны Хүний нөөц Б.Уянга, Хан-Уул дүүргийн соёлын ордны Жижүүр Г.Хурц, Хан-Уул дүүргийн соёлын ордны Жижүүр Х.Хүрэлбаатар, Нийслэлийн соёлын төв өргөөний Тайзны машинист Г.Энхбаатар, Улаанбаатар хотын нийтийн төв номын сангийн Нийтийн уншлагийн танхимийн номын санч О.Энхмаа, Нийслэл хотыг бүтээн байгуулж хөгжүүлэх үйлсэд өндөр амжилт гаргасан учир улаанбаатар хотын “хүндэт тэмдэг”-ээр Нийслэлийн соёл, урлагийн газрын Төлөвлөлт, тайлагналт, мэдээлэл, технологи цахимжилтын асуудал хариуцсан ахлах мэргэжилтэн Ц.Гэрэлтуяа, “Нийслэлийн тэргүүний тэмдэг”-ээр Нийслэлийн соёл, урлагийн газрын Хяналт-шинжилгээ, үнэлгээ, хүний нөөц, сургалтын асуудал хариуцсан мэргэжилтэн Ц.Гэрэлмаа, Нийслэлийн соёлын төв өргөөний Тооцооны нягтлан бодогч Д.Гэрэлтуяа, Нийслэл хотыг хөгжүүлэх үйл хэрэгт амжилт гаргасныг өндрөөр үнэлж “Жуух бичиг”-ээр Нийслэлийн соёл, урлагийн газрын Соёлын өвийн асуудал хариуцсан мэргэжилтэн С.Ганбат, Нийслэлийн соёл, урлагийн газрын “Хүндэт өргөмжлөл”-өөр Баянзүрх дүүргийн соёлын ордны Үйлчлэгч Г.Алтанчимэг, Багануур дүүргийн соёлын ордны Морин хуурын багш хөгжимчин Ч.Батзориг, Баянзүрх дүүргийн соёлын ордны Номын санч Г.Батсүх, Налайх дүүргийн соёлын ордны Үйлчлэгч Б.Найдансүрэн, Налайх дүүргийн соёлын ордны Үйлчлэгч Х.Еркегул, Улаанбаатар хотын театрын Дуучин Ж.Хишигбат, “Шилдэг залуу” медалиар Нийслэлийн соёл, урлагийн газрын урлаг, уран бүтээлийн асуудал хариуцсан ахлах мэргэжилтэн Б.Шашу нар тус тус шагнуулсан юм.

ЦАГ АГААР: УЛААНБААТАРТ ХАСАХ 20 ХЭМ ХҮРЧ ХҮЙТЭРНЭ

12 / 03 0 сэтгэгдэл 837 үзсэнe

2024 оны арванхоёрдугаар сарын 2-11-ний өдөр хүртэлх цаг агаарын урьдчилсан төлөв: Ойрын өдрүүдэд нутгийн зүүн хагаст жавартай, хүйтэн салхитай байна. Хур тунадас: 2-нд Увс нуурын хотгор, Хангай, Хөвсгөлийн уулархаг нутгаар, 03-нд говийн бүс нутгийн баруун өмнөд хэсгээр, 04-нд Увс нуурын хотгороор, 05-нд Увс нуурын хотгор, Хангай, Хөвсгөл, Хэнтийн уулархаг нутгаар, 06-нд төв болон говийн аймгуудын нутгийн зарим газраар, 07-нд Алтайн уулархаг нутгаар, 08-нд Хангайн уулархаг нутгаар цас орж, цасан шуурга шуурна. Салхи: Ихэнх хугацаанд ихэнх нутгаар секундэд 4-9 метр, 06,08-нд говь, тал, хээрийн нутгаар секундэд 9-14 метр хүрч ширүүснэ. Агаарын температур: Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -30...-35 градус, өдөртөө -19...-24 градус, Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -25....-30 градус, өдөртөө -14....-19 градус, Их нууруудын хотгор, говийн бүс нутгийн өмнөд хэсгээр шөнөдөө -8...-13 градус, өдөртөө -1...-6 градус, бусад нутгаар шөнөдөө -18...-23 градус, өдөртөө -6...-11 градус хүйтэн байна. Улаанбаатар хот орчмын 10 хоногийн цаг агаарын урьдчилсан төлөв Хур тунадас: 6-нд ялимгүй цас орж, зөөлөн цасан шуурга шуурна. Бусад хугацаанд цас орохгүй. Салхи: Ихэнх хугацаанд секундэд 5-10 метр, 6-нд баруун өмнөөс баруун хойш эргэж секундэд 12-14 метр хүрч ширүүснэ. Агаарын температур: Шөнөдөө Яармаг-Сонгины орчмоор -23...-28 градус, бусад хэсгээр -18...-19 градус, өдөртөө бүх хэсгээр -6...-11 градус хүйтэн байна.

"МОНГОЛ УЛСЫН ХҮНСНИЙ МАНЛАЙ ҮЙЛДВЭР"-ЭЭР АПУ КОМПАНИЙГ ТОДРУУЛЛАА

12 / 02 0 сэтгэгдэл 1 үзсэнe

Монголын Хүнсчдийн нэгдсэн холбооноос салбартаа манлайлан ажиллаж, үндэсний үйлдвэрлэлээ бататган хөгжүүлж, эх орноо олон улсад сурталчлах, экспортын замаа тэлэн цар хүрээгээ тогтмол өргөжүүлж буй байдлыг үнэлэн "МОНГОЛ УЛСЫН ХҮНСНИЙ МАНЛАЙ ҮЙЛДВЭР"-ээр АПУ компанийг тодрууллаа. Мөн “Хүнсний аж үйлдвэрийн ажилтан, ажилчдын өдөр-2024” арга хэмжээний үеэр Шилдэг инженерээр АПУ ХК-ийн Автоматикийн ахлах инженер Б.Чулуун, Дулаан салхивч, сантехникийн инженер Б.Мягмардорж, Дулаан салхивч, сантехникийн ахлах инженер Т.Амгаланбаатар, Ахлах инженер М.Лхагвасүрэн, Цахилгаан ашиглалтын ахлах инженер Г.Бат-Очир нар шагнуулсан бол, Шилдэг технологичоор АПУ ХК-ийн Технологич Ү.Отгон, Бүтээгдэхүүн хөгжүүлэлтийн технологич менежер О.Мягмардулам, Технологич Н.Долгормаа, Шилдэг менежерээр АПУ ХК-ийн Спиртийн үйлдвэрийн дарга Х.Эрдэнэжаргал, Чанарын удирдлагын албаны дарга Г.Ганчимэг нар шагнууллаа. ҮРГЭЛЖ ӨӨДӨӨ АПУ КОМПАНИ

ХҮҮХЭД БҮРД ХӨГЖИХ БОЛОМЖ

12 / 02 0 сэтгэгдэл 1 үзсэнe

Дэлхийн Хүүхдийн Өдрийг тохиолдуулан НҮБ-ын Хүүхдийн сангаас UNICEF Mongolia “ХҮҮХЭД БҮРД ХӨГЖИХ БОЛОМЖ” хандивын ГАЛА арга хэмжээг зохион байгуулахад SILVER SPONSOR APU DAIRY Монгол сүүний үйлдвэр APU DAIRY - Kids хамтран ажиллаа. Тус хандивын ГАЛА арга хэмжээгээр алслагдсан хөдөө орон нутгийн малчин өрхийн 2-5 насны хүүхдийн хөгжлийг дэмжих “Сургалтын ухаалаг багц” ажилд санхүүжилт босгосон юм. Хүүхдийн төлөөх үйл хэрэгт үнэнчээр нэгдэж, дуу хоолойгоороо уриалан дэмждэг та бүхэндээ амжилт хүсье! ХҮҮХЭД БҮРД ХӨГЖИХ БОЛОМЖ #WorldChildrensDay #GoBlue

“GEN Z” ТЕАТРЫНХАН АНХНЫ УРАН БҮТЭЭЛЭЭ АМЖИЛТТАЙ ТОГЛОЛОО

12 / 02 0 сэтгэгдэл 241 үзсэнe

Өнгөрсөн дөрөвдүгээр сард Ерөнхий боловсролын сургуулийн сурагчдын дунд амжилттай зохион байгуулагдаж дууссан богино хэмжээний драмын жүжиг бүтээх “Gen Z” театр уралдааны шилдгээр шалгарсан сурагчид анхны уран бүтээл болох “OFFLINE CLASS” жүжгээ эарван нэгдүгээр сарын 29-30-ны өдрүүдэд Монголын Хүүхэлдэйн театрт амжилттай тоглолоо. Соёл, спорт аялал жуулчлал, залуучуудын яамны дэмжлэгтэйгээр Нийслэлийн Соёл, урлагийн газар, Нийслэлийн Боловсролын газар, “Дөрвөн бэрх хөгжил сан” хамтран хамтран нийслэлийн ерөнхий боловсролын сургуулийн ахлах ангийн сурагчдын дунд өөрсдөө жүжгээ найруулан, өөрсдөө тоглох уралдааныг зарлаж зохион байгуулсан билээ. Тус тэмцээнд нийслэлийн Ерөнхий боловсролын сургуулийн 10 сурагч шалгаран үлдсэн юм. Тоглолтыг НСУГ-ын дарга Э.Цэнд-Аюуш нээж үг хэлэхдээ “Та бүхэн бол хүүхдүүд өөрсдөө жшжгийн зхиолоо бичиг, өөрсдөө тоглосон ажны жүжгийн хамгийн анхны үзэгч болж байгааг дуулгахад таатай байна. Богино хэмжээний дрмын жжиг бүтээх “GEN Z theatre” уралдааны жил бүр уламжлал болгон заохин явуулах болно. Ирэх жилээс энэхүү наадмыг зөвхөн Нийслэл Улаанбаатар хотын хэмжээнд биш, улс орон даяар зохион байгуулахаар төлөвлөж байна. Хүүхдүүд та бүхнийг идэвхитэй оролцохыг хүсэж байна” гэсэн юм. Жүжгийн үеэр •Баянгол дүүргийн 40 дүгээр сургуулийн 10 ангийн сурагч Б.Отгонзул •Баянгол дүүргийн 51 дүгээр сургуулийн 12 ангийн сурагч Б.Амарболд •Баянзүрх дүүргийн Амгалан сургуулийн 12 ангийн сурагч Г.Хүслэн •Баянзүрх дүүргийн Амгалан сургуулийн 12 ангийн сурагч М.Мөнхбат •Сонгинохайрхан дүүргийн Ирээдүй сургуулийн 12 ангийн сурагч Б.Анхбаяр •Сонгинохайрхан дүүргийн Ирээдүй сургуулийн 12 ангийн сурагч Х.Намуун •Хан-Уул дүүргийн 7 дугаар сургуулийн 12 ангийн сурагч О.Уянга •Чингэлтэй дүүргийн Бадмаараг ахлах сургуулийн 11 ангийн сурагч Д.Бямбажаргал •Чингэлтэй дүүргийн Бадмаараг ахлах сургуулийн 11 ангийн сурагч Ө.Мөнгөншүүдэр •Чингэлтэй дүүргийн Бадмаараг ахлах сургуулийн 11 ангийн сурагч Г.Хонгорзул нар Нийслэлийн боловсролын газрын шагнал болох “Манлай сурагч” алтан медалиар тус тус шагнууллаа. “Offline class” жүжиг нь виртуал драмын жүжиг бөгөөд “OFFLINE CLASS” гэдэг нь нэр нь англи хэл дээрх “OFFLINE-интернэт холболтгүй, цахим бус” “CLASS-хичээл, сургалт” гэсэн үгсийн нийлбэр юм. Харин “виртуал драм (VIRTUAL DRAMA)” гэдэг нь интернэт, видеогийн платформууд дээр зөвхөн цахим орчинд бүтээгддэг эсвэл цахим орчныг ашиглан тоглогддог жүжиг, кино эсвэл драмын төрөл юм.