А.БАЯР БЗД-ИЙН ИТХ-ЫН ДАРГА БОЛСНЫ ДАРАА ХАДГАЛАМЖ, ОРЛОГО НЬ ОГЦОМ ӨСӨЖ БАЙЖЭЭ

Нийслэлд олонх болсон МАН НИТХ-ын даргаар Амарбаясгалангийн Баярыг өчигдөр /20224.10.14/ сонгосон. Өнөөдрөөс А.Баяр гэж хэн бэ гэгдэж, намтар түүх нь олны анхаарлыг татаж байна. Тэрбээр, 2016 онд Баянзүрх дүүргийн ИТХ-д сонгогдож байжээ. 2020 онд Баянзүрх дүүргийн ИТХ-д дахин сонгогдож, 2020.11.04-нөөс тус дүүргийн Иргэдийн төлөөлөгчдийн хурлын даргаар ажилласан аж. Харин түүнийг томилохдоо, 2007 онд “Корпорэйт” зочид буудал, Маркетингийн ажилтан 2010 онд “Хүрэл Интернэйшнл Транс” компани, Гүйцэтгэх захирал 2011 онд “Цаст Фүүдс” компани, Гүйцэтгэх захирал 2013-2020 онд “Биг Виг” ХХК, Захирал 2020-2024 онд Баянзүрх дүүргийн иргэдийн Төлөөлөгчдийн Хурлын даргаар ажиллаж байсан хэмээн танилцуулжээ. Тэгвэл түүний АТГ-т гаргасан ХОМ-ийг хүргэж байна. Өөрийн орлого: 2019 онд 18 сая 2020 онд 150 сая болон огцом нэмэгджээ. 2021 онд 87 сая, 2022 онд 91,9 сая, 2023 онд 38,8 сая Гэр бүлийн орлого: 0 Орон сууц: 180 сая Автомашин: Байхгүй Мал: 2019 онд Үхэр-26, Хонь-96, Адуу-18 2020-2024 онд Үхэр-32, Хонь-124, Адуу-32 Газар: 2019 онд 10 сая, 2021 онд 5 сая, 2023 онд 0 Үнэт эдлэл: 2019 онд 0, 2020-2023 онд 48 сая Хадгаламж: 2019 онд байхгүй, 2020 онд 100 сая, 2023 онд банканд 3,1 сая, бэлэн мөнгө 69,7 сая Авлага: 2019 онд 299,7 сая, 2020 онд 326 сая, 2023 онд 376 сая Компани: Байхгүй

ХИЙМЭЛ ОЮУН УХААН АШИГЛАН ГЭРЛЭН ДОХИОНЫ УХААЛАГ УДИРДЛАГЫГ БИЙ БОЛГОНО

Нийслэлийн удирдах ажилтнуудын шуурхай зөвлөгөөн өнөөдөр боллоо. Өмнөх шуурхай зөвлөгөөнөөр Хотын дарга 29 үүрэг даалгавар өгснөөс хэрэгжилт 76.6 хувьтай байлаа. Зөвлөгөөний эхэнд "Замын хөдөлгөөний удирдлагын төв" ОНӨТҮГ-ын захирал Ч.Хувьзаяа авто замын түгжрэл, ачааллыг бууруулахын тулд Улаанбаатарын тээврийн хэрэгслийн бүртгэлийг бүрэн шилжүүлж авах, гэрлэн дохионы ухаалаг удирдлагыг бий болгох, “Зогсоол” нэгдсэн хөтөлбөрийг хэрэгжүүлэх, E-Police аппликейшнээр зөрчил мэдээлсэн иргэн, хуулийн этгээдэд урамшуулах олгох, зарим уулзвар замуудын хөдөлгөөн, зохион байгуулалтыг шинэчлэх гэсэн өргөн хүрээний ажлууд хийх талаар танилцууллаа. Эдгээр ажлын үр дүнд хотын авто замын сүлжээнд тохирсон тээврийн хэрэгслийн хөдөлгөөнийг бий болгож, түгжрэлийг бууруулахад нөлөөлнө. Жишээлбэл, хиймэл оюун ухаан ашиглан гэрлэн дохионы ухаалаг удирдлагыг бий болгосноор авто замын уулзваруудын камержуулалт бодит цагийн өгөгдөл боловсруулж, уулзваруудын гэрлэн дохиог удирдах боломж бүрдэнэ. Мөн өмнөх шуурхай зөвлөгөөнөөр өгсөн үүрэг даалгаврын дагуу түгжрэлийг бууруулах чиглэлээр хийж байгаа болон цаашид хэрэгжүүлэх ажлыг танилцуулав. Энэ хүрээнд авто замын түгжрэл, ачааллыг бууруулах чиглэлээр урт, дунд, богино хугацаанд хэрэгжүүлэх бодлого, хууль эрх зүйн хүрээнд 17, техник технологи, судалгааны хүрээнд 12, бусад ажлын хүрээнд 5, нийт 34 арга хэмжээний ажлын саналыг холбогдох байгууллага, газруудаас авч, нэгтгэн боловсруулж байна гэж НЗДТГ-ын Хэвлэл мэдээлэл, олон нийттэй харилцах хэлтэс мэдээлэв.

ЗУРГААН НАСТНУУДЫГ БИЕ ДААЛТЫН 7 ХОНОГООР НЬ ҮЗЛЭГТ ХАМРУУЛНА

Боловсролын сайдын шуурхай хуралдаан болж, цаг үеийн асуудлаар хэлэлцэв. Тодруулбал, энэ хичээлийн жилийн I улиралд 10-р сарын сүүлийн долоо хоногийг бие даалтын долоо хоног байхаар бүтэц баталсан. Энэ хүрээнд I улирлын бие даалтын долоо хоногт нийслэлд, II улирлын бие даалтын долоо хоногт аймгуудад 1-р ангийн сурагчдыг зүрх судас, нүд, шүдний үзлэгт хамруулах юм. Уг үйл ажиллагааг зохион байгуулахаар Боловсролын яам, Эрүүл мэндийн яамны хамтарсан ажлын хэсэг байгуулагдсан бөгөөд бэлтгэлээ сайтар хангахыг Боловсролын сайд П.Наранбаяр холбогдох албаныханд даалгалаа. Мөн элсэлтийн шалгалтын босго шалгалт болох монгол хэл, бичгийн шалгалтыг ерөнхий боловсролын сургуулийн сурагчид 10-р ангиасаа эхлэн өөрийн сонголтоор өгөх боломжтой болгох тухай асуудлыг Засгийн газрын хуралдаанаар хэлэлцүүлэхэд бэлтгэхийг үүрэг болгов гэж Боловсролын яамнаас мэдээллээ.

ДЭМБ-ЫН ГИШҮҮН ОРНУУД ЦАХИЛГААН ТАМХИНД ЯНЖУУРААС 80 ХУВИАР БАГА ТАТВАР НОГДУУЛЖ БАЙНА

Дэлхийн Эрүүл Мэндийн Байгууллагын (ДЭМБ) гишүүн орнуудын хувьд цахилгаан тамхины татварын бодлого нь янжуур тамхины татвартай харьцуулахад харьцангуй доогуур байгаа нь анхаарал татаж байна. Euromonitor байгууллагын судалгаагаар, ихэнх гишүүн орнууд цахилгаан тамхины татварыг уламжлалт янжуур тамхины татвараас дунджаар 80 хувиар доогуур тогтоож байгаа ажээ. Энэ байдал нь хэд хэдэн хүчин зүйлээс шалтгаалж байна гэж үзэж байна. Үүнд, цахилгаан тамхийг хорт бодисын агууламж бага, янжуур тамхинаас эрүүл мэндэд үзүүлэх хор нөлөө багатай гэж үздэг тул татварын ачааллыг хөнгөлж байгаа явдал хэмээн ажиглагддаг. Үүнээс гадна, олон оронд цахилгаан тамхи нь харьцангуй шинэ зах зээл бөгөөд улс орнууд энэ бүтээгдэхүүний хэрэглээг хумихын оронд хянах бодлого баримталж байгаа учир татварын хувь хэмжээ бага байна гэж мэргэжилтнүүд үзэж байна. Их Британи, Швед, Шинэ Зеланд гэх мэт улс цахилгаан тамхинд огт татвар ногдуулдаггүй. Учир нь цахилгаан тамхинд хөнгөн татвар тогтоосноор тамхинаас гарахыг хүссэн хүмүүс болон ердийн тамхи хэрэглэдэг иргэдэд санхүүгийн дарамт учруулж, эргээд утат тамхиа татах сэдлийг өгөхгүй байх зорилготой ажээ. Тухайлбал, янжуур тамхины өртөг үнэ дунджаар 0,40 цент байдаг бол цахилгаан тамхи 2,40-2,80 ам.доллар байдаг ажээ. Үйлдвэрийн өртөг үнэ 6-7 дахин үнэтэй байдаг тул цахилгаан тамхин дээр өндөр татвар ногдуулбал уламжлалт тамхинаасаа илүү хэт өндөр үнэтэй болж тамхичид эргээд утаат тамхиа татах болно, иймээс онцгой албан татварыг бага ногдуулж, нийт авч буй татвар, худалдаалах үнийг бага байлгахыг эрмэлздэг ажээ. Энэ нь урт хугацаандаа янжуур тамхины хэрэглээг бүрмөсөн халах, янжуур тамхитай холбоотой өвчлөл, нас баралт буурснаар эрүүл мэндийн зардал, ачаалал багасах том алхам болно гэж үзэж байгаа юм. Цахилгаан тамхи нь шинэ тутам үүссэн бүтээгдэхүүн учир эрдэмтэн, судлаач нар урт хугацааны нөлөөг судалсан хэвээр байна. АНУ-ын Хүнс ба Эмийн зохицуулалтын агентлаг цахилгаан тамхи нь янжуур тамхинаас 90% хор багатай гэж мэдэгдсэн бол Их Британийн Эрүүл мэндийн яам Цахилгаан тамхи нь 95% хор багатай гэдгийг судалгааг нотолсноо танилцуулсан юм. Улмаар улс орнуудын Засгийн газрууд тамхидалтыг бууруулах зорилгод тааруулж олон төрлийн хуулийн хувилбарууд туршсаар байна.

МЭРГЭЖЛЭЭС ШАЛТГААЛАХ ӨВЧЛӨЛИЙН ТАЛААРХ СУРГАЛТАД БҮХ АЖИЛТНЫГ ХАМРУУЛЖ БАЙНА

Т авантолгой түлш компани 2024 оны Эрүүл мэндийн хугацаат үзлэгийг Мэргэжлээс шалтгаалах өвчин судлалын үндэсний төвтэй хамтран зохион байгуулна. Үзлэг, шинжилгээг 2024 оны аравдугаар сарын 13-ны өдрөөс эхлэхээр бэлтгэл ажлууд хангагдаад байгаа бөгөөд энэ жилийн хувьд мэргэжлийн өвчлөлийг оношлох үзлэг, шинжилгээ хийхээс гадна нийт ажилтнуудад мэргэжлээс шалтгаалсан өвчлөлөөс хэрхэн урьдчилан сэргийлэх талаарх сургалтыг зохион байгуулж мэдлэг, мэдээлэл түгээж байгаагаараа онцлогтой юм. Мэргэжлийн өвчин судлалын газрын их эмч нар “Мэргэжлээс шалтгаалах өвчин”-ий талаарх сургалтыг хөтөлбөрийн дагуу энэ сарын 07, 08-ний өдрүүдэд Баруун, Төвийн үйлдвэрийн ажилчдад өгч байгаа бол зүүн үйлдвэрийн ажилчдыг энэ сарын 09, 10-ны өдөр хамруулна. Тавантолгой түлш компани 2022 оноос үйлдвэрийн зарим ажлын байрыг хөдөрмөрийн хүнд нөхцөлд хамруулаад байгаа бөгөөд цаашид үйлдвэрт ажиллаж байгаа ажилчдынхаа хөдөлмөрийн аюулгүй байдал, орчин нөхцөлийг сайжруулж, эрүүл мэндийг хамгаалахад энэхүү ажил бодит үр дүнгээ өгөх юм.

“НОМИН ХОЛДИНГ” ХХК SAP S/4HANA СИСТЕМ ХЭРЭГЛЭГЧ ДЭЛХИЙН ШИЛДГҮҮДИЙН ЭГНЭЭНД НЭГДЛЭЭ

“Номин Холдинг” ХХК SAP S/4HANA СИСТЕМ ХЭРЭГЛЭГЧ ДЭЛХИЙН ШИЛДГҮҮДИЙН ЭГНЭЭНД НЭГДЛЭЭ

32 жилийн түүхт “ Номин Холдинг ” ХХК бизнесийн үйл ажиллагааг аа цогцоор нь удирдах , Монгол Улсад Дижитал шилжилтийг бэхжүүлэхэд хувь нэмэр оруулахаар дэлхийд тэргүүлэгч SAP S/4HANA системийг нэвтрүүлэх төслийг хэрэгжүүлж байна. Энэхүү төслийн хүрээнд SAP S/4HANA Enterprise Management, SAP Customer Activity Repository болон SAP Process Integration системүүдийг өлгийдөн авч, эхний үе шатны компаниуддаа амжилттай нэвтрүүллээ. Өнөөдөр бид бодит өгөгдөлд суурилсан шийдвэр гаргалт, нэгдсэн системийн дэд бүтэц, бизнес процессын зөв зохион байгуулалт, өгөгдлийн чанарын сайжруулалтад суурилан бүтэц, үйл ажиллагаандаа томоохон өөрчлөлтүүдийг хийж, олон талбарт мэдлэг туршлагаа нэмэгдүүлэн, 2 улирлын санхүүгийн тайланг системээс аваад байна. Мөн Дижитал шилжилтийн шийдэл, инновацид тулгуурлан компанийн партнер, хэрэглэгч, ажилтнууд, салбар компаниудынхаа дижитал экспириенсийг сайжруулан, хамтын ажиллагаа, сэтгэл ханамжийг төгөлдөршүүлсээр байна. Цаашдаа бизнесийн тасралтгүй сайжруулалтыг түүчээлэн ахисан түвшний BW/4HANA Data Warehouse, Extended Warehouse Management, Advanced Transportation, Business Planning and Consolidation, SAP Process Orchestration системүүдийг нэвтрүүлэхээр төлөвлөсөн бөгөөд дараагийн 12 компанид нэвтрүүлэх үе шат ийнхүү эхэлж байна. SAP S/4HANA системийг нэвтрүүлж, дэлхийн шилдэг туршлагыг компанидаа нутагшуулахад идэвхи зүтгэл гарган, компанийнхаа хөгжил дэвшилд үнэтэй хувь нэмэр оруулан ажилласан НОМИН - чууд ад талархал илэрхийлье.

БАГА НАСНЫ ХҮҮХДИЙГ ХҮЧИНДЭХ ГЭМТ ХЭРЭГ ҮЙЛДЭЭД, ГАДААД УЛСАД ОРГОН ЗАЙЛСАН ЭТГЭЭДИЙГ БАРИВЧИЛЖ МОНГОЛД АВЧИРЧЭЭ

ЦАГДААГИЙН БАЙГУУЛЛАГААС КИРГИЗ, КАЗАКСТАН УЛСУУДЫН ИНТЕРПОЛЫН ҮНДЭСНИЙ ТӨВ ТОВЧООДТОЙ ХАМТРАН ЭНЭ ОНЫ ТАВДУГААР САРЫН 26-НД МОНГОЛ УЛСААС ИНТЕРПОЛЫН “УЛААН БУЛАНТ” ЗАР МЭДЭЭГЭЭР ОЛОН УЛСЫН ХЭМЖЭЭНД ЭРЭН СУРВАЛЖИЛЖ БАЙСАН МОНГОЛ УЛСЫН ИРГЭНИЙГ КИРГИЗ УЛСАД БАРИВЧИЛСАН. УГ ЭТГЭЭД НЬ 2021 ОНД БАГА НАСНЫ ХҮҮХДИЙГ ХҮЧИНДЭХ ГЭМТ ХЭРЭГ ҮЙЛДЭЭД, ГАДААД УЛСАД ОРГОН ЗАЙЛЖ, ХУУЛЬ ХЯНАЛТЫН БАЙГУУЛЛАГЫН ХАРАА ХЯНАЛТААС ЗУГТААН ТӨВ АЗИЙН УЛСУУДАД ХУУЛЬ БУСААР АМЬДАРЧ БАЙСАН БӨГӨӨД КИРГИЗ УЛСАД БАЙХАД НЬ ЦАРАЙ ТАНИХ КАМЕРЫН СИСТЕМ БУЮУ ТЕХНОЛОГИЙН ТУСЛАМЖТАЙГААР ИЛРҮҮЛЖ, БАРИВЧЛАН ЦАГДАН ХОРЬСОН ЮМ. ТЭГВЭЛ ӨЧИГДӨР /2024.10.01/-НИЙ ӨДӨР УГ ЭДГЭЭДИЙГ МОНГОЛ УЛСАД ШИЛЖҮҮЛЭН АВЧИРЧЭЭ. ЦАГДААГИЙН БАЙГУУЛЛАГААС УГ ХЭРЭГТНИЙГ БҮГД НАЙРАМДАХ КИРГИЗ УЛС, БҮГД НАЙРАМДАХ КАЗАКСТАН УЛСУУДЫН ИНТЕРПОЛЫН ҮНДЭСНИЙ ТӨВ ТОВЧООДТОЙ ХАМТРАН АЖИЛЛАЖ ИНТЕРПОЛЫН “УЛААН БУЛАНТ” ЗАР МЭДЭЭГЭЭР ОЛОН УЛСЫН ХЭМЖЭЭНД ЭРЭН СУРВАЛЖИЛЖ БАЙСАН ЮМ. ЭНЭХҮҮ ШИЛЖҮҮЛЭН АВЧРАХ АЖИЛЛАГААГ ХУУЛЬ ЗҮЙ ДОТООД ХЭРГИЙН ЯАМ, ГАДААД ХАРИЛЦААНЫ ЯАМ, УЛСЫН ЕРӨНХИЙ ПРОКУРОРЫН ГАЗАР БОЛОН ИНТЕРПОЛЫН ҮНДЭСНИЙ ТӨВ ТОВЧОО, ЭРҮҮГИЙН ЦАГДААГИЙН АЛБА ХАМТРАН ЗОХИОН БАЙГУУЛЖЭЭ.

Б.БАТБААТАР : ИРГЭНИЙ ЗОРИГ НОГООН НАМ БОЛ САНЖААСҮРЭНГИЙН ЗОРИГИЙН ҮЗЭЛ САНААГ ТЭЭГЧ НАМ

Иргэний Зориг Ногоон Намын дарга Батын Батбаатар болон тус намын удирдлагууд, гишүүдийн хамт С.Зориг агсны хөшөөнд цэцэг өргөлөө. Одоогоос 26 жилийн өмнө буюу 1998 оны аравдугаар сарын 2-ны энэ өдөр Төр, нийгмийн нэрт зүтгэлтэн Санжаасүрэнгийн Зориг бусдын гарт харамсалтайгаар амиа алдсан билээ. Иргэний Зориг Ногоон Намынхан цэцэг өргөх үеэр тус намын дарга, УИХ-ын гишүүн Батын Батбаатар С.Зориг агсны амь насыг хөнөөсөн хэргийн ажлын хэсэг байгуулах хүсэлтийг УИХ-ын чуулган дөнгөж эхлээд байхад гаргаснаа бүрэн эхээр нь уншиж танилцууллаа. Тэрхүү харамсалтай хэргийг илрүүлэх болов уу? гэж ард түмэн 26 жил хүлээжээ. 26 жил итгэл алдраагүй хүлээсэн иргэдийн хүлээлтийг талаар болохгүйн тулд УИХ-ын гишүүн, ИЗНН-ын дарга Б.Батбаатар УИХ-ын дарга Д.Амарбаясгаланд Төр нийгмийн нэрт зүтгэлтэн С.Зориг агсны амь насаа алдсан хэргийн ажлын хэсэг байгуулах хүсэлт илгээсэн нь өнөөдөр биелэлээ олсон гээд тэрхүү хүсэлтээ бүрэн эхээр нь уншиж танилцууллаа. “Монгол Улсын төр, нийгмийн зүтгэлтэн Ардчилсан хувьсгалын удирдагч С.Зориг агсны амь насыг хөнөөсөн гэмт хэрэг одоог хүртэл илрээгүй байна. Энэхүү хэрэг илрээгүй байгаа нь Монгол Улсын Үндсэн хуулийн нэгдүгээр зүйлийн 2-т заасан “Хууль дээдлэх”, “Шударга ёсны зарчим” ноцтойгоор зөрчигдөж байгаа төдийгүй иргэд олон нийтийн төрд итгэх итгэлийн сулруулж, нийгмийн шударга ёсны үнэлэмжийг бууруулж, Монгол Улсын сонгож авсан зам болох Ардчилсан Парламентын засаглалтай байх Үндсэн хуулийн үзэл санаа ганхах нөхцөлд хүргэж байна. Иймд Монгол Улсын Их хурлийн гишүүний хувьд С.Зориг агсны амь насыг хохироосон гэмт хэргийг мөрдөн шалгах ажиллагаа өнөөдрийг хүртэл удааширсан шалтгаан нөхцөл, гэмт хэргийн мөрдөн шалгах ажиллагааны явцад Эрүүгийн хэрэг хянан шийдвэрлэх тухай хуулийн хэрэгжилт хангагдаж байгаа эсэхэд дүгнэлт хийх зорилгоор Улсын Их Хурлын ажлын хэсэг байгуулах санал үүгээр хзргүүлж байна. Монгол Улсын Их Хурлын тухай хуулийн 13 дугаар зүйлийн 13.2 дахь хэсэгт заасны дагуу шийдвэрлэж өгөхийг хүсье” гэжээ. Ийнхүү Төр, нийгмийн нэр зүтгэлтэн Санжаасүрэнгийн Зориг агсны амиа алдсан хэргийн жинхэнэ эзнийг олох ажил нэг алхмаар урагшилж тус хэргийг илрүүлэх ажлын хэсэг байгуулагджээ.

УГААРТАХ ЭРСДЭЛЭЭС УРЬДЧИЛАН СЭРГИЙЛЬЕ

Хавар, намрын улиралд иргэд угаартах эрсдэл нь өндөр байдаг байна. Учир нь, гадна болон дотоод орчны температурын зөрүү багасах тусам зуух, пийшингийн таталт муу байдгаас үүдэн зуухан дахь шаталт дутуу явагддаг байна. Иймд иргэд намрын улиралд галлагаа эхлэээс өмнө ханан пийшингийн татах сувгийг сайтар цэвэрлэх, зуухны битүүмжлэлийг сайжруулах, үнсний шүүр, зуухны хүхээ зэргийг засч янзлах шаардлагатай. Яндангийн хаалт сойлтыг хэрэглэхгүй байхыг онцгойлон анхааруулж байна. Тэрчлэн монгол гэртэй айл өрхүүд цас бороо орох үед, гэрийн дулаанаа алдагдуулахгүй байх гэж яндангаа сугалж өрхөө бүтээх нь угаартах эрсдэлийг нэмэгдүүлдэг байна. Ийм айл өрхүүдийг угаарын хийн мэдрэгчийнхээ хэвийн үйл ажиллагааг шалгаж, зөв байрлуулахыг анхаарууллаа. Нийслэлийн гэр хорооллын 220 гаруй мянган айл өрхийн 63.000 айл нь дамжуулагчтай буюу цахилгаанд залгадаг угаар мэдрэгч суурилуулсан байдаг бол үлдсэн айл өрхүүд тэжээлийн зайгаар ажилладаг угаар мэдрэгч ашигладаг байна.