АТГ-ААС УДИРДЛАГЫН АКАДЕМИЙН ЗАХИРАЛ Д.СҮРЭНЧИМЭГИЙГ ТЕНДЕРИЙН АСУУДЛААР ОНЫ ӨМНӨӨС ШАЛГАЖ ЭХЭЛЖЭЭ

01 / 02 2 сэтгэгдэл 851 үзсэнe

ЗГХЭГ-ын харьяаны Удирдлагын академийн захирал нь сардаа 10-30 хүртэлх сая төгрөгийн цалинг өөртөө олгож, үүнийгээ хичээл заасан илүү цагийн мөнгө хэмээж байв. 2025 оны төсөвт Удирдлагын академи 1 тэрбумын зардлаа 6 тэрбум болгон өсгөж оруулж ирсэн ч ЗГХЭГ-ын дарга Н.Учрал хөхүүлэн дэмжиж батлуулжээ. Удирдлагын академийн захирал Д.Сүрэнчимэгийг Авлигатай тэмцэх газраас оны өмнөөс хэд хэдэн зүйлээр шалгаад эхэлжээ. Тухайлбал: Төсвийн мөнгийг эмх замбараагүй зарцуулж эхэлсэн. Тухайлбал баримтат кино хийх нэр дор сонгуулийн өмнө 2024 оны 6 сард 450 сая төгрөгийг 2023 онд шинээр байгуулагдсан аж ахуй нэгж рүү шууд шилжүүлсэн байв. Төсвийн мөнгийг үр ашиггүй зарцуулсан тухайд English Fella Educational Cord – 387 сая, Хонгор Сафари Хантинг ХХК- 326 сая төгрөгийг шилжүүлсэн бөгөөд зөвхөн онгоцны тийз худалдан авахад 200 сая төгрөгийг татвар төлөгчдийн мөнгөнөөс зарцуулжээ. Ингээд ганц сарын дотор 900 сая төгрөгийг гадаад томилолт арга хэмжээнд зарцуулсан гэж үзэв. Д.Сүрэнчимэг нь 2024 оны 8-р сард улсын төсвийн хөрөнгөөр Удирдлагын академийн 18 хүнийг хамарсан аялал зугаалга, тансаг хүлээн авалт, үнэтэй бэлэг дурсгал өгөх арга хэмжээг БНСУ-ын Чежу аралд дээр явуулсан. Энэ аяллыг зохион байгуулахад улсын төсвийн 200 сая төгрөгийн зарцуулсан. Үүнээс гадна Жэжү парк монголиа ХХК-д 30 сая төгрөг шилжүүлж нэмэлт аялал зугаалгыг зохион байгуулсан гэж үзжээ. 2024 оны 3 сард хичээл, сургалт нэр дор 300 сая төгрөгийн зарлага гаргасан бөгөөд тухайн ажлын хүрээнд юу хийгдсэн нь тодорхойгүй, тайлангүй өнгөрсөн нь мөнгө угаасан, төсвийн мөнгийг үр ашиггүй зарцуулсан гэж үзэхээр байгаа аж. 2024 оны 6 сард GLORY RESORT амралтын газар улсын төсвийн мөнгөөр багш ажилчдыг нэг хоногоор амраасан бөгөөд багш нарын баярын арга хэмжээнд дэмжлэг үзүүлж цүнх чемоданыг нь зөөж үйлчилсэн, хөгжөөнт тоглоом тоглуулсан Крэйссэнн ХХК-д 20 сая төгрөгийг мөн л татвар төлөгчдийн мөнгөнөөс шилжүүлсэн гэв. 2024 оны 10 сарын 12-нд сонгуулийн маргааш өдөр болсон арга хэмжээнд зориулж ШАНГРИ-ЛА УЛААНБААТАР ХОТЕЛ ХХК-д 33 сая төгрөг шилжүүлсэн нь зориулалтын бусаар мөнгө угаасан, ашиг сонирхлын зөрчилтэй гэж үзэж Удирдлагын академийн багш, ажилчид хууль, хяналтын байгууллагад ийнхүү ханджээ.

БАЯРЫН ӨДРҮҮДЭД АЖИЛЛАХ ЗАХ ХУДАЛДААНЫ ТӨВҮҮД

12 / 30 0 сэтгэгдэл 1 143 үзсэнe

Шинэ жилийн баярын өдрүүдэд томоохон зах, худалдааны төвүүдийн ажиллаж, амрах цагийн хуваарийг танилцуулж байна Нарантуул зах арванхоёрдугаар сарын 31-нд амрахгүй. Харин нэгдүгээр сарын 1-3-нд амарч, 4-нөөс хуваарийн дагуу ажиллаж эхэлнэ. Хүчит шонхор зах нэгдүгээр сарын 1,2-нд амраад, 3-наас ердийн хуваарийн дагуу ажиллана. Тэгвэл “И-март”-ын салбарууд арванхоёрдугаар сарын 31-нд 9:00-21:00 цагийн хооронд, нэгдүгээр сарын 1-нд 12:00-21:00 цагийн хооронд ажиллах аж. Амгалан зах: 12-р сарын 30,31-нд 10-20 цагийн хооронд ажиллана. 1-р сарын 1, 2-нд амарч, 3-наас ердийн хуваарийн дагуу ажиллана. Баянзүрх зах: 12-р сарын 31, 1-р сарын 1, 2-нд амраад, 3-наас ердийн хуваарийн дагуу ажиллана. Нарантуул-2 :Ердийн хуваарийн дагуу ажиллана Сандэй худалдааны төв: 1-р сарын 1, 2-нд амраад, 3-наас ердийн хуваарийн дагуу ажиллана. Хархорин зах: 1-р сарын 1-нд амраад, 2-ноос ердийн хуваарийн дагуу ажиллана. Шинэ Баянзүрх худалдааны төв: 1-р сарын 1, 2-нд амраад, 3-наас ердийн хуваарийн дагуу ажиллана. Баялаг ундраа худалдааны төв: 1-р сарын 1-3 хүртэл амраад, 4-нөөс хэвийн ажиллана. Дүнжингарав худалдааны төв: 12-р сарын 31-нд 10-16 цагийн хооронд ажиллана. 1-р сарын 1, 2-нд амраад, 3-наас хэвийн ажиллаж эхэлнэ. Алтжин Бөмбөгөр: 12-р сарын 31-нд 10-18 цагийн хооронд ажиллана. 1-р сарын 1-нд амраад, 2-ноос хэвийн ажиллана. Шинэ Бөмбөгөр: 1-р сарын 1, 2-нд амраад, 3-наас хэвийн ажиллана.

“ДАРХАНЫ ТӨМӨРЛӨГИЙН ҮЙЛДВЭР” ХХК 49,5 ТЭРБУМ ТӨГРӨГИЙН АШИГТАЙ АЖИЛЛАВ

12 / 30 0 сэтгэгдэл 2 үзсэнe

ҮНДЭСНИЙ БАЯЛГИЙН САНД 13,6 ТЭРБУМ ТӨГРӨГ ТӨВЛӨРҮҮЛЛЭЭ- Дарханы Төмөрлөгийн Үйлдвэр нь жилдээ 30 мянган тонн ган цувимал бүтээгдээхүүн , 2,5 сая тонн төмрийн хүдрийн баяжмал үйлдвэрлэж дотоодын болон гадаадын зах зээлд нийлүүлдэг төрийн өмчит компани юм. Тус компани нь 2024 онд ган бүтээгдэхүүн үйлдвэрлэлээрээ 34,9 мянган тонн цувимал бүтээгдэхүүн үйлдвэрлэснээс 25,9 мянган тонныг борлуулан 85,1 тэрбум төгрөгийн орлогыг төвлөрүүлжээ. Харин уул уурхайн үйлдвэрлэлээр 2,1 сая тонн төмрийн хүдрийн баяжмал үйлдвэрлэснээс экспортод 1,1 сая тонныг нийлүүлэн 207,1 тэрбум төгрөгийн орлоготой ажиллаж, нийтдээ 292,2 тэрбум төгрөгийн орлого төвлөрүүлсэн байна. “Дарханы төмөрлөгийн үйлдвэр” ХХК нь 2024 онд улсын төсөвт 54,7 тэрбум төгрөг, үүнээс Дархан-Уул аймгийн төсөвт 31,5 тэрбум төгрөг, Үндэсний баялгийн санд 13,6 тэрбум төгрөгийг тус тус төвлөрүүлж Эрдэнэс Монгол нэгдлээс батлан хэрэгжүүлсэн зорилтот түвшний биелэлтээ бүрэн хангаснаас гадна өнгөрсөн онтой харьцуулахад цэвэр ашгийн үзүүлэлт даруй 24 хувиар өсчээ. Компанийн удирдлага, менежментийн баг биржийн борлуулалтаа идэвхжүүлж, тээврийн эргэлтээ нэмэгдүүлснээр оны хоёрдугаар хагаст экспортын тээврийн хүчин чадлыг 3 дахин нэмэгдүүлсэн төдийгүй үр дүнд нь цэвэр ашгаа 9,4 тэрбумаар өсгөж чаджээ. Түүнчлэн Засгийн газраас хэрэгжүүлэх 14 мега төслийн нэг болох “Дархан ҮТП” төслийн бэлтгэл ажлын хүрээнд сратегийн орд болох Төмөртэйн уурхайн нөөцөө нэмэгдүүлж, Ган үйлдвэрлэлийн цогцолбор төсөл болон одоогийн гангийн үйлдвэрлэлийг түүхий эдээр хангах, нөөцөд байгаа ордыг эдийн засгийн эргэлтэд оруулахад анхаарч ажиллаж байна. Мөн тус компанийн хамт олон экспортын тээврийн эргэлтээ нэмэгдүүлж, биржийн арилжаагаа илүү идэвхжүүлэн “Дархан ҮТП” буюу Монгол улсын Засгийн газрын үйл ажиллагааны хөтөлбөрт тусгагдсан Гангийн үйлдвэрийн мега төслийн эхний үе шатуудыг эхлүүлэх санхүүжилтыг бүрдүүлэх чиглэлд анхаарч ажиллаж байна. “Дарханы төмөрлөгийн үйлдвэр” ХХК –д өнөөдрийн байдлаар 36 нэгжид 1490 ажилтан ажиллаж байгаагийн 88 хувь нь орон нутгийн ажилтан ажиллагсад байгаа юм. Өдгөө 31 дэх жилдээ үйл ажиллагаагаа явуулж байгаа Дарханы төмөрлөгийн үйлдвэр нь өнгөрч буй 2024 онд Тэрбум мод хөтөлбөрийн хүрээнд 74 мянган мод тарьж ургуулсан бол байгаль орчны нөхөн сэргээлтээр 12,6 га талбайд нөхөн сэргээлт хийж 60 га-г дүйцүүлэн хамгаалжээ. Тус компани байгаль орчинд ээлтэй, олон нийтэд нээлттэй үйл ажиллагаагаа явуулж өнөөдрийн байдлаар 4,4 сая хүн/цаг тасралтгүй үйл ажиллагаагаа явуулж байна.

МОНГОЛ УЛСАД УУЛ УУРХАЙН САЛБАР ҮҮСЭЖ ХӨГЖСӨНИЙ 102 ЖИЛИЙН ОЙН БАЯРЫГ ТОХИОЛДУУЛАН ТӨРИЙН ДЭЭД ОДОН, МЕДАЛИАР ШАГНАГДЛАА

12 / 25 0 сэтгэгдэл 2 үзсэнe

Монгол Улсын Ерөнхийлөгч Ухнаагийн Хүрэлсүхийн 2024 оны 173 дугаар зарлигаар “Дарханы төмөрлөгийн үйлдвэр” ХХК-ийн ажил үйлсээрээ манлайлж, салбартаа өндөр амжилт гарган, эх орноо хөгжүүлэх үйл хэрэгт үнэтэй хувь нэмэр оруулсан зарим ажилтнуудыг төрийн дээд, одон, медалиар шагналаа. Хөдөлмөрийн хүндэт медалиар: Төмөртэй уурхайн Автосамосвалын жолооч Жамсранжавын Баярсайхан Төмөртолгой уурхайн Автосамосвалын жолооч Балдансүрэнгийн Мөнххишиг Төмөртолгой уурхайн Бульдозерын оператор Дуйнхаржавын Баттулга Төмөртолгой уурхайн Авто засварчин Доржийн Түмэнжаргал Төмөртолгой уурхайн Өрмийн машины оператор Батдэлгэрийн Очирбат Төмөртолгой уурхайн Хүнд машин механизмын засварчин Оюунбатын Ганхүү Төмөртэй уурхайн Бульдозерын оператор Батмөнхийн Ганчөдөр нар шагнагдаж төр засагтаа хөдөлмөр бүтээлээ үнэлүүллээ. Төрийн дээд одон, медаль хүртсэн ажилтнууд болон тэдний гэр бүл, үр хүүхэд, хамт олонд нь эрүүл энх, аз жаргал, сайн сайхан бүхнийг хүсэн ерөөе.

АПУ КОМПАНИ ГААЛИЙН ИТГЭМЖЛЭГДСЭН АЖ АХУЙН НЭГЖ БОЛЛОО

12 / 23 0 сэтгэгдэл 1 үзсэнe

АПУ компанид БНХАУ, БНСУ болон МУ-ын Гаалийн Ерөнхий Газрын төлөөллүүд урьдчилсан аудит хийсний үр дүнд өнөөдөр албан ёсоор Гаалийн Итгэмжлэгдсэн Аж Ахуйн Нэгжийн сертификат гардууллаа. Ингэснээр Гааль, Бизнесийн байгууллагын хамтын ажиллагааны хүрээнд харилцан итгэлцэл үүсэх, гадаад худалдааны үйл ажиллагааг хөнгөвчлөн хурдасгахад томоохон ач тустай үйл хэрэг болж байна. АПУ ХК-ийн Гүйцэтгэх захирал Ц.Эрдэнэбилэг хэлэхдээ “Энэхүү итгэмжлэл нь нэг талдаа том хариуцлага. Нөгөө талдаа манай компани энэхүү шалгуурыг давж, олон улсын хууль тогтоомж, дүрмүүдийг өндөр түвшинд барьж, стандартын дагуу үйл хэргээ явуулдаг болохыг баталж буй хэрэг юм Бизнесийн үйл ажиллагаанд хамгийн чухал зүйл бол хурд байдаг. Үүний нэг үндэс болж гадаад худалдаанд хурдан шуурхай үйл ажиллагаагаа явуулах боломж бүрдэж буйд талархал илэрхийлж байна” хэмээлээ. АПУ КОМПАНИ ҮРГЭЛЖ ӨӨДӨӨ

2024 ОНЫ АЖЛАА ДҮГНЭЖ, ШИЛДГҮҮДЭЭ ТОДРУУЛЛАА

12 / 23 0 сэтгэгдэл 2 үзсэнe

“Дарханы төмөрлөгийн үйлдвэр” ХХК-ийн хамт олон 2024 оны үйл ажиллагаагаа дүгнэн, ирэх оны төлөвлөгөөгөө ярилцаж ажил үйлсээрээ тэргүүлсэн тэргүүний шилдэг ажилтнуудаа шалгаруулан баярын хурлаа хийлээ. Компанийн хамт олон 2024 онд Бизнес төлөвлөгөөнийхөө зорилтот түвшинг ханган ажиллаж, орлогоо өмнөх оноос 113 тэрбум төгрөгөөр, цэвэр ашгаа 6 тэрбум төгрөгөөр давуулсан төдийгүй өнгөрсөн онд улс орон нутгийн төсөвт 53 тэрбум төгрөгийн татвар төвлөрүүлжээ. Мөн хуримтлагдсан өр төлбөрөөсөө 10,5 тэрбум төгрөгийн эргэн төлөлтийг хийж, Үндэсний баялгийн санд энэ жил анх удаа Засгийн газрын ногдол ашиг болгож бүх ард түмэндээ 13,6 тэрбум төгрөгийг тушаасан төдийгүй Монгол улсын валютын нөөцийг бүрдүүлэхэд энэ онд 66,3 сая ам, доллар төвлөрүүлснээр нийт 106,9 сая долларыг Монгол банкинд төвлөрүүлж чаджээ. Баярын хурлыг нээж Гүйцэтгэх захирал Б.Чагнаадорж хэлсэн үгэндээ “Ирж буй 2025 оноо зорилго зорилт, их бүтээн байгуулалтын төлөвлөгөөтэй угтаж байгаа манай хамт олон өнгөрсөн хугацаанд компанийн үйл ажиллагааг ил тод олон нийтийн хяналттай, нээлттэй шилэн болгож хүндрэлтэй нөхцөл байдлуудыг цаг алдалгүй шийдвэрлэх тал дээр илүү төвлөрч ажиллалаа. Тухайлбал, экспортын тээврийг нэмэгдүүлэх, худалдах авах ажиллагааг шилэн нээлттэй болгох, санхүү бүртгэлийн шинэ системийг нэвтрүүлэх, үйл ажиллагаагаа цахимжуулж дижитал систем рүү шилжилт хийж эхэлсэн гэх мэт хийж хэрэгжүүлсэн тодорхой ажлуудыг дурьдаж болох юм. Богино хугацаанд хамтарч хичээсний үр дүнд бид үйл ажиллагаагаа тасалдуулалгүй бизнес төлөвлөгөөний зорилтот түвшнээ хангаж ажилласан үр дүн, амжилт бүтээлээ ийнхүү дүгнэж байна. Ирэх 2025 он бол бид бүхний өмнө том сорилт, том даалгавар, Монгол Улсын засгийн газрын өмнө хүлээсэн үүрэг хариуцлагатай ийм жил байх болно. Өнгөрч байгаа 2024 онд амжилт бүтээлээр дүүрэн байсан шиг ирэх онд илүү том зорилгын төлөө нэг зүгт хамтдаа харахыг би та бүхнээсээ хүсэж байна.” гэлээ. Энэ оны амжилт бүтээлээ дүгнэж, ирэх оны ажил үйлсээ төлөвлөсөн баярын хурлаар 2024 оны шилдэг ажилтнуудаа тодрууллаа. Үүнд, Анхны хайлалт хийснээс хойш 45,976 удаагийн хайлалт, цутгалт хийж 1,160,342 тонн чанарын шаардлага хангасан бэлдэц бүтээгдэхүүн үйлдвэрлэхэд өөрийн мэргэжлийн мэдлэг, ур чадвараа манлайлан ажилласан. Бүтээмж чанарын дугуйлангийн “ Онч шийдэл ”, “ Арван хуруу ” багийн гишүүнээр ажиллаж түлшний зардлыг 15%-иар бууруулж, доторлогоонд хар массыг орлуулан хэрэглэж 55,6 сая төгрөгийн хэмнэлт гарган ажилласан тэргүүний Анхдагч мэргэжлийн ажилтны нэг Бэлдэц үйлдвэрлэх цехийн Гангийн үйлдвэрийн бэлтгэгч Батаагийн Самбууг ХҮНДЭТ АЖИЛТНААР , Металлын болон Материалын шинжилгээний лабораторийн итгэмжлэл нь Ковидын цар тахлын шалтгааны улмаас 2019-2023 онд тасалдсан байсныг 2024 оны 1-р улиралд итгэмжлэлийн үнэлгээний шалгуур үзүүлэлтэд хэлтсийн инженер техникийн ажилтан, ажиллагсдаа амжилттай удирдан зохион байгуулж “ИТГЭМЖЛЭГДСЭН ЛАБОРАТОРИ” эрхээ авч, баяжмал хүдэр, ган бүтээгдэхүүний чанар стандартын шаардлагыг ханган, хяналт тавьж ажиллаж байгаа тэргүүний удирдах ажилтны нэг Үйлдвэрлэл Технологийн газрын Чанар хяналтын хэлтсийн дарга Балжиннямын Батбүрэнг ШИЛДЭГ МЕНЕЖЕРЭЭР , Компанийн нягтлан бодох бүртгэлийн бодлогын баримт бичиг боловсруулах ажилд хамт олноо ахлан ажиллаж, санхүүгийн тайлан, балансыг тогтоосон хуулийн хугацаанд гарган тайлагнаж, санхүү, бүртгэлийн ажлыг сайжруулах, нягтлан бодогч, нярвуудын мэргэжлийн ур чадварыг нэмэгдүүлэхэд үр дүнтэй сургалт, зөвлөмжийг өгдөг манлайлагч санхүүчдийн нэг Нягтлан бодох бүртгэлийн хэлтсийн Ахлах нягтлан бодогч Түвдэндорж Уянгийг ОНЫ ШИЛДЭГ МЭРГЭЖИЛТНЭЭР, Компанийн дулаан хангамж, хүчилтөрөгч үйлдвэрлэлийн төлөвлөгөө нормыг тогтмол 100%-иас дээш давуулан биелүүлэхэд хариуцсан нэгжийн ажилтнуудын хөдөлмөр зохион байгуулалтыг оновчтой хийж, бүтээмж өндөртэй, мэргэжлийн арга зүйгээр ханган, даралтат савны аюулгүй ажиллагааг, хэвийн найдвартай байдлыг хангаж ажилладаг тэргүүний инженер техникийн ажилтан Үйлдвэр шугам сүлжээний цехийн Технологийн инженер Пүрэвжавын Анхбаярыг ОНЫ ШИЛДЭГ ИНЖЕНЕР ТЕХНИКИЙН АЖИЛТНААР, Компанийн дотоод сүлжээ, программ хангамжийн тасралтгүй байдлыг хангах, дотоод сүлжээний хөгжүүлэлтийг нэмэгдүүлэх, сервис шинээр суулгах зэрэг цахим мэдээлэл зүйн ажлыг мэргэжлийн ур чадвартай гүйцэтгэсэн ба үйлдвэрлэлийн нэгжид 49 камерыг шинээр суурилуулан, ашиглалтад оруулсан тэргүүний мэдээллийн технологийн инженер Мэдээлэл технологийн хэлтсийн Мэдээллийн технологийн ахлах инженер Энхбаатарын Алтангадасыг ОНЫ ШИЛДЭГ ИНЖЕНЕР ТЕХНИКИЙН АЖИЛТНААР , Төмөртэй уурхайн Хүдэр сумын 93 ажилчид кемпэд байрлаж ажилладаг байсныг эдийн засгийн тооцоо судалгаа хийж, сумаас – уурхай, уурхайгаас сум руу сар бүр 38.3 сая төгрөгийн хэмнэлтийг гаргаж, уулын хэсгийн ажиллах хүч, машин механизмын сэлбэг, шатахуун, тос тосолгооны зарцуулалтад хяналт, шаардлагыг тогтмол тавьж ажилласнаар 1 м3 уулын цулын өртгийг 3,725 төгрөгөөр бууруулан ажилласан Санхүү, эдийн засгийн хэлтсийн Туслах тооцоочин Жаргалсайханы Ууганцэцэгийг ОНЫ ШИЛДЭГ ДЭД МЭРГЭЖИЛТНЭЭР, Энэ онд 951,4 тонн хаягдал төмөр боловсруулалтыг хийж, хөдөлмөрийн бүтээмжийг 4,90 тонн/өдөрт хүргэж ажилласан нь төлөвлөлтөөс 40% -аар нэмэгдүүлэн хамт олноо манлайлан ажилласан тэргүүний ажилтны нэг Төмөр бэлтгэх цехийн Хийн огтлогч Сэмжидийн Мөнхбаярыг ШИЛДЭГ АЖИЛТНААР, Цехийн бэлдэц үйлдвэрлэх төлөвлөгөөг 100,4%-иар ханган ажиллахад хариуцсан ажил үүргээ хариуцлагатай сайн гүйцэтгэж, сэлбэг материал хэмнэж 68521 л түлш хэмнэж, өмнөх оноос 231,8 сая төгрөгөөр буюу 15%-иар зардал бууруулж, өртөг зардлыг бууруулан ажиллаж технологийн саатал, бүтээгдэхүүний чанарын зөрчил, үл тохирлыг бууруулахад чиглэсэн олон талын үр ашигтай шинэ санал санаачилга гаргасан Бэлдэц үйлдвэрлэх цехийн Ган цутгах шанаганы оператор Баянцогтын Цэнгэлбаярыг ШИЛДЭГ АЖИЛТНААР, 2024 онд 28,1 мян.тн бэлдэц хүлээн авч 27,8 мян. тн бүтээгдэхүүн үйлдвэрлэлийн төлөвлөгөөг 104%-иар ханган ажиллахад мэргэжлийн ур чадварыг гарган, манлайлан ажиллаж техник, технологийн гэмтэл сааталгүй, аюулгүй ажиллагааг ханган ажилласан Цувимал үйлдвэрлэх цехийн ЗТЦМ-ны ахлах ган цувигч Эрдэнэбатын Гантулгыг ШИЛДЭГ АЖИЛТНААР, 2024 онд Улаанбаатар Төмөр бэлтгэх төвд ирсэн хаягдал төмрийн буулгах, Дархан руу ачуулахад ачаа оосорлох, буулгах дүрмийн дагуу хөдөлмөрийн аюулгүй байдлыг ханган, аваар осол, зөрчилгүй ажилласан залуу ажилтны нэг Төмөр бэлтгэх төвийн Оосорлогч дохиочин Дэмбэрэл-Нямбуугийн Үүрцайхыг ШИЛДЭГ АЖИЛТНААР, PSA хүчилтөрөгч станцын технологийн горимыг чанд мөрдөж 66.82 %-ийн дундаж цэвэршилттэй хүчилтөрөгчийг үйлдвэрлэн гаргах ажилд гар бие оролцон бусдыгаа манлайлан ажиллахдаа үйлдвэрлэлийн тасралтгүй үйл ажиллагааг хангаж 74,718 м³ хүчилтөрөгч үйлдвэрлэсэн Үйлдвэр шугам сүлжээний цехийн PSA хүчилтөрөгч станцын машинч Дашринчингийн Бямбажавыг ШИЛДЭГ АЖИЛТНААР, Дахин халаах зуухны Тоног төхөөрөмжийн угсралт суурилуулалтын ажлын нарийн тохиргоог хийж бусдыг манлайлан ажилласан. Шаардлагатай метал хийц эд анги хийх, угсрах ажлуудыг төлөвлөгөөнд тусгагдсан хугацаанаас өмнө гүйцэтгэхэд өөрийн ур чадварыг гарган ажилласан. Их засварын ажлыг амжилттай хэрэгжүүлэн туршиж ДХЗ-г ашиглалтад оруулсан Засвар механикийн албаны Тоног төхөөрөмжийн засварчин Уртнасангийн Бат-Эрдэнийг ШИЛДЭГ АЖИЛТНААР, 2024 онд үйлдвэрлэлийн эрчим хүчний тасралтгүй ажиллагааг хангахад хариуцсан хэсэг нэгжийн үйлдвэрлэлийн үйл ажиллагаанд цахилгаан тоноглолын найдварт ажиллагааг сайжруулан шаардлагатай засварын ажлыг хугацаа алдалгүй гүйцэтгэн, хөдөлмөрийн аюулгүй байдлын хангасан тэргүүний ажилтны нэг Цахилгааны албаны Цахилгаанчин Содхүүгийн Гансүхийг ШИЛДЭГ АЖИЛТНААР, 2024 онд импортын материалуудын нийлүүлэлт тасалдах зэрэг тулгарсан хүндрэл бэрхшээлтэй нөхцөл байдлуудыг эрсдэлгүйгээр амжилттай даван туулж, үйлдвэрлэлийн төлөвлөгөөг биелүүлэхэд хамт олноо манлайлан ажилласан, замын хөдөлгөөний дүрмийн зөрчилгүй ажилласан шилдэг ажилтны нэг Авто тээврийн албаны Хөдөлгүүр тохируулагч Цэндийн Нямжавыг ШИЛДЭГ АЖИЛТНААР, Уурхайн хүнд машин механизмын засвар үйлчилгээг түргэн шуурхай, чанартай гүйцэтгэж CAT988H LD-417 авто ачигчийн их засварын ажил, хөдөлгүүр, хроп шинээр суурилуулах, гидро системийн холболт, экскаватор CAT374D EX-202 гидрийн төв насос суурилуулах томоохон засварын ажлыг манлайлан ажилласан Төмөртэйн төмрийн хүдрийн уурхайн Хүнд машин механизмын засварчин Нямаагийн Будсүрэнг ШИЛДЭГ АЖИЛТНААР, Хүнд машин механизмыг аюулгүй байдлыг ханган, зөрчилгүй ажиллаж, залуу ажилтнуудад ажлын туршлагаасаа тогтмол хуваалцаж, ур чадварыг нэмэгдүүлэн, төлөвлөгөөт ажлыг биелүүлэн ажилласан тэргүүний ажилтны нэг Төмөртэйн төмрийн хүдрийн уурхайн Экскаваторын оператор Пүрэвсүрэнгийн Болдсайханыг ШИЛДЭГ АЖИЛТНААР, Төмөртэй уурхайд ширхэглэл томтой хүдэр хүлээн авах конвейеруудын туузан ремений доор хийгддэг падушка суурь шинээр хийж орлуулсан мөн 3-р шатны бутлалтад ашиглагддаг TC51-2 конусан бутлуурыг дотоод нөөц бүрдүүлж засварлаж хэвийн ажиллагаанд оруулж, тоног төхөөрөмжийн бүтээмж, ашиглалтыг нэмэгдүүлсэн тэргүүний засварчны нэг Төмөртэйн төмрийн хүдрийн уурхайн Тоног төхөөрөмжийн угсрагч засварчин Алтангэрэлийн Батмөнхийг ШИЛДЭГ АЖИЛТНААР, Хүнд машин механизмын засвар үйлчилгээг чанартай шуурхай гүйцэтгэж хово маркийн автомашиныг явуулын засварын машин болгож засварлахад цахилгааны монтаж, аккумляторын суурь хийж цахилгааны монтаж, Заалны гадна талд цахилгаан монтаж хийж нэмэлт гэрэлтүүлэг хийж гүйцэтгэсэн тэргүүний ажилтан Төмөртолгойн төмрийн хүдрийн уурхайн Автын цахилгаанчин засварчин Бямбасүрэнгийн Эрдэнийг ШИЛДЭГ АЖИЛТНААР, 2024 онд ажиллахдаа нийт 214,074 тн хүдэр, 187,929 м3 хөрс, 2,546 м3 шохойн чулуу ачилт хийж ажилласан, хамт олондоо үлгэр дуурайлал болон ажилладаг манай тэргүүний залуу оператор Төмөртолгой төмрийн хүдрийн уурхайн Уулын хэсгийн Экскаваторын оператор Сүхдоржийн Амаржаргалыг ШИЛДЭГ АЖИЛТНААР, Баяжуулах үйлдвэрийн 19, 23-р конвейерын туузан ремений элэгдлийг багасгаж ашиглалтын хугацааг уртасгах зорилгоор конвейерын урсгуурын бүтцийг өөрчилж материалын уналт туузан ремений гадаргууд бага хурдаар тэжээгдсэнээр элэгдэл багасаж 2024 онд 24,640,000 төгрөгийн бодит хэмнэлт гарсан Төмөртолгойн төмрийн хүдрийн уурхайн Гагнуурчин Даваасүрэнгийн Баярбатыг ШИЛДЭГ АЖИЛТНААР, 2024 онд олон улсын тэмцээнээс Жудо төрөлд 5 алт, 2 мөнгө, 1 хүрэл нийт 7 медалийг эх орондоо авчирч, Улсын аварга шалгаруулах JIU-JITSU бөхийн тэмцээнд 1 мөнгө, 1 хүрэл медаль хүртсэн нь Дарханы Төмөрлөгийн Үйлдвэр төдийгүй Аймаг, Улсынхаа нэрийг дэлхийд гаргасан том амжилт үзүүлсэн Төмөртолгойн төмрийн хүдрийн уурхайн Гагнуурчин засварчин Пүрэвжавын Амаржаргалыг ШИЛДЭГ АЖИЛТНААР, 2024 онд Импортын материалууд эрсдэлтэй ачилт хийгдэн ирсэн тохиолдлууд гарч байсан ба тэрээр тухай бүрд аюулгүй ажиллагааг чанд мөрдөн бараа материалыг гэмтэлгүй буулгах шинэлэг санааг гарган хэрэгжүүлж байсан. Энэ бараа материалыг буулгахын тулд бусад байгууллагаас техник түрээслэх шаардлага гарч байсан бөгөөд энэхүү техник түрээсийн төлбөр болох 14.000.000 төгрөг хэмнэсэн Тээвэр Ложистикийн Хэлтсийн Оосорлогч, дохиочин Ганбаатарын Одонтамирыг ШИЛДЭГ АЖИЛТНААР, Оператор нь үйлдвэрийн нийт ажилчдын эрүүл эрүүл ахуйн шаардлагад нийцсэн чанартай цэвэр угаасан хувцсаар хангахад өөрийн хувь нэмрийг оруулан нийт эргэлтээр жилд дунджаар 412000кг угаасан амжилтыг гаргасан Аж ахуйн албаны Угаалгын машины оператор Бат-Өлзийн Наранлхагвыг ШИЛДЭГ ҮЙЛЧИЛГЭЭНИЙ АЖИЛТНААР тус тус шалгаруулж шилдэг ажилтны цом, мөнгөн шагналаар шагнаж урамшууллаа.

ТӨРИЙН ОДОН МЕДАЛИАР ШАГНАГДЛАА

12 / 23 0 сэтгэгдэл 2 үзсэнe

Монгол Улсын Ерөнхийлөгч Ухнаагийн Хүрэлсүх 2024 оны 11 дүгээр сарын 22-ны өдрийн 173 дугаар зарлигаараа “Дарханы төмөрлөгийн үйлдвэр” ХХК-ийн ажил үйлсээрээ бусдыгаа манлайлж салбартаа өндөр амжилт гарган, эх орноо хөгжүүлэх үйл хэрэгт үнэтэй хувь нэмэр оруулсан зарим ажилтнуудыг төрийн дээд, одон, медалиар шагналаа. Үүнд, Хөдөлмөрийн гавьяаны улаан тугийн одонгоор Төслийн нэгжийн дарга Мягмаржавын Баттөгс Нягтлан бодох бүртгэлийн хэлтсийн ерөнхий нягтлан бодогч /ахмад ажилтан/ Луузаны Алимаа Алтан гадас одонгоор: Диспетчерийн албаны дарга Ойдовын Даваажав Төмөртолгой төмрийн хүдрийн уурхайн автосамосвалын жолооч Дагвын Лхагвадорж Төмөр бэлтгэх цехийн зүсэгч /ахмад ажилтан/ Сүхбаатарын Энхтөр Засвар механикийн албаны тоног төхөөрөмжийн засварчин Жөнжгөөгийн Сарантуул Бэлдэц үйлдвэрлэх цехийн ган цутгах шанаганы операторч Баянцогтын Цэнгэлбаяр Хөдөлмөрийн хүндэт медалиар: Төмөр бэлтгэх цехийн төмрийн пресс машины операторч Дашбаасангийн Ганбаатар Төмөр бэлтгэх цехийн хийн огтлогч Наранцэцэгийн Мандалбаяр Бэлдэц үйлдвэрлэх цехийн туслах тооцоочин Гачилын Мартбаяр Бэлдэц үйлдвэрлэх цехийн ган цутгах шанага доторлогч /ахмад ажилтан/ Халтарын Цэнд-Аюуш Цувимал үйлдвэрлэх цехийн ган цувих машины операторч Нямхүүгийн Дарханбаатар Цувимал үйлдвэрлэх цехийн ган цувих машины операторч Нацагдоржийн Золжаргал Үйлдвэр шугам сүлжээний цехийн баллон цэнэглэгч KZO станц Бярдамбын Батсуурь Төмөртэй уурхайн хүнд даацын дугуйт ачигчийн оператор Батбаяр Наранбямба Төмөртэй уурхайн суудлын машины жолооч Банзрагчийн Дамдинбазар Төмөртэй уурхайн автосамосволын жолооч Жамсранжавын Баярсайхан Төмөртолгой уурхайн уул уурхайн мастер Цонжхорлоогийн Ганцоож Төмөртолгой уурхайн автосамосволын жолооч Мягмарсүрэнгийн Амаржаргал Диспетчерийн албаны диспетчер инженер /гангийн үйлдвэр/ Эрдэнийн Мөнхбат Засвар механикийн албаны механикч инженер Цэрэндагвын Дамбадаржаа Засвар механикийн албаны механикч инженер Ичинноров Ихбаяр Засвар механикийн албаны тоног төхөөрөмжийн засварчин /ахмад ажилтан/ Оргилын Ганхуяг Авто тээврийн албаны автобусны жолооч Өлзийдүүрэнгийн Өнөрбаяр Бэлдэц үйлдвэрлэх цехийн мастер Жигжидийн Дашням Аж ахуйн албаны угаалгын машины операторч Бат-Өлзийн Наранлхагва Аж ахуйн албаны үйлчлэгч Ишжамцын Энхцэцэг нар тус тус шагнагдаж төр засагтаа хөдөлмөр бүтээлээ ийнхүү үнэлүүллээ. Төрийн одон, медалийг “Дарханы төмөрлөгийн үйлдвэр” ХХК-ийн Баярын хурлын үеэр Гүйцэтгэх захирал Б.Чагнаадорж болон Дархан-уул аймгийн ИТХ-ын төлөөлөгч Хурлын дарга А.Янжмаа, Дархан-уул аймгийн дархан сумын засаг дарга Т.Тулгаа, Иргэдийн хурлын дарга Б.Эрдэнэзаяа нарын албаны хүмүүс гардууллаа.

АНДЫН НӨХӨРЛӨЛИЙГ ХАРУУЛСАН “ТЭНГЭРИЙН ЭЛЧ” ДУУРЬ ТОГЛОНО

12 / 23 0 сэтгэгдэл 370 үзсэнe

УДБЭТ-ын хамт олон 2024 онд шинэ уран бүтээл хийж урын сангаа баяжуулахаар төлөвлөсөн. Ийнхүү 2025 оны босгон дээр хоёр дахь уран бүтээлээ өлгийдөн авахад бэлэн боллоо. Тус театрын эхний шинэ уран бүтээл нь дэлхийн сонгодог бүтээл Г.Доницетти “Дурлалын ундаа” хошин дуурь байсан бол энэ удаад монголын нууц товчооноос сэдэвлэн бүтээсэн түүхэн дуурь “Тэнгэрийн элч” цоо шинэ дуурийг энэ сарын 28,29-нд тоглох гэж байна. “Тэнгэрийн элч” дуурийн тухй мэдээлэл өгөх хэвлэлийн бага хурал өнөөдөр УДБЭТ-т боллоо. Энэхүү дуурь нь Нийслэлийн Засаг дарга бөгөөд Улаанбаатар хотын Захирагчийн ивээл дор, Улаанбаатар хот үүсэн байгуулагдсаны 385 жилийн ойн хүрээнд бүтээгдэж байгаагаараа онцлог юм. “Тэнгэрийн элч” дуурийн цомнолыг МУСТА Л.Даваасүрэн, Б.Энхтуяа, хөгжмийг нь МУАЖ А.Энхтайван бичиж, ерөнхий продюсероор УДБЭТ-ын захирал МУГЖ Д.Алтанхуяг, ерөнхий найруулагчаар МУСТА С.Баттулга, ерөнхий удирдаачаар МУСТА Ц.Тэлмүүн-очир, ерөнхий хормейстерээр МУУГЗ Н.Дашбямба, балетмейстерээр МУСТА М.Нямтайван, туслах найруулагчаар Б.Мэндбаяр, зураачаар Ж.Болортүвшин, хөтлөх найруулагчаар МУСТА Б.Цэрэндаваа нар ажиллажээ. “Тэнгэрийн элч” дуурь нь Монголын нууц товчоо, Их эзэн Чингис хааны түүхээс сэдэвлэн бүтээгдсэн, монголын түүх, уламжлалаа хойч үедээ үнэн зөвөөр ойлгуулж, өвлүүлэн уламжлуулах зорилготойгоор бүтээгдэж буй үндэсний дуурь юм гэж ерөнхий продюсер, МУГЖ Д.Алтанхуяг онцолсон. “Дуурийн гол агуулга нь Тэмүжин эцэг Есүхэй баатраас үлдээсэн өв болох найман шарга морьдоо алдаад нарийн өвсний налархай даган хайж явсаар хөхүүрийн талд хүрч Аралуд аймгийн Наху баяны хүү Боорчтой анх танилцаж анд барилдсан цагаас хойш их Монгол улсыг нэгтгэн төр улсыг төвшитгөх хүртэл хамт зүтгэж мөнх тэнгэрийн элч хэмээн өргөмжлөгдөж явсан Боорчийн үнэнч сэтгэл, эр хүмүүний нөхөрлөлийг харуулсан түүхэн сэдэвт бүтээл юм” хэмээн ерөнхий найруулагч МУСТА С.Баттулга хэллээ. Та бүхнийг энэ сарын 28, 29-ний өдөр “Тэнгэрийн элч” цоо шинэ түүхэн дуурийг хүрэлцэн ирж үзэхийг урьж байна.

“ШИНЭ ЖИЛИЙН ТОГЛООМ” ГЭЖ ГААЛЬД МЭДҮҮЛСЭН БАРААНААС АМЬД МОГОЙ, ЯСТ МЭЛХИЙ ИЛРҮҮЛЖЭЭ

12 / 20 0 сэтгэгдэл 926 үзсэнe

Гаалийн Ерөнхий газар хилээр зорчигчдын “сувинер, хувцас, шинэ жилийн тоглоом” гэж гаальд мэдүүлсэн бараанаас амьд могой, яст мэлхий илрүүлжээ. 2024 оны арванхоёрдугаар сард улс хоорондын шуудан илгээмжээр БНСУ-аас илгээгдсэн “сувинер, хувцас, шинэ жилийн тоглоом, чимэглэл” гэж мэдүүлсэн илгээмжээс гаалийн хяналт шалгалтаар 9 яст мэлхий, 2 могой илрүүлсэн байна. Гаалийн албан хаагчид зориулалтын бусаар, олон хоног тээвэрлэгдэж ирсэн амьтдыг яаралтай эмчийн үзлэгт хамруулж, хамгаалах арга хэмжээг авчээ. Мэргэжлийн байгууллагын дүгнэлтээр тухайн амьтдыг “Зэрлэг амьтан ба ургамлын аймгийн ховордсон зүйлийг олон улсын хэмжээнд худалдаалах тухай конвенци” (CITES)-ийн 2 дугаар хавсралтад бүртгэлтэй амьтны төрөл зүйл болохыг тодорхойлсон. Тус конвенци болон холбогдох хууль тогтоомжид экспортлогч, импортлогч талуудын холбогдох байгууллагуудаас “зөвшөөрөл” авсан байх шаардлагатайг тодорхой заасан байдаг. Гаалийн байгууллагаас дээрх үйлдэлтэй холбоотойгоор прокурорын байгууллагын хяналтан дор “зөрчлийн хэрэг” нээн зөрчил шалган шийдвэрлэх ажиллагаа явуулж байгаа юм байна. Одоогийн байдлаар Шүүхийн шийдвэрээр амьдрах таатай орчин нөхцөлийг бүрдүүлсэн зориулалтын лабораторид түр хадгалуулах арга хэмжээг авч хэмжээ авч ажиллаж байна гэж ГЕГ мэдээлэв. Иймд иргэд, ААН та бүхнийг зэрлэг амьтан ба ургамлын аймгийн ховордсон зүйлийг улсын хилээр нэвтрүүлэхдээ байгаль орчны асуудал эрхэлсэн төрийн захиргааны төв байгууллагаас зөвшөөрөл авч, гаалийн байгууллагад мэдүүлж, хуулийн дагуу улсын хилээр нэвтрүүлэхийг анхааруулж байна.

УИХ-ЫН ГИШҮҮД ТАВАНТОЛГОЙ ТҮЛШ КОМПАНИЙН ҮЙЛДВЭРТ АЖИЛЛАЛАА

12 / 18 2 сэтгэгдэл 438 үзсэнe

УИХ-ын Аж үйлдвэржилтийн байнгын хорооноос Тавантолгой түлш компанийн үйлдвэрлэл, үйл ажиллагааг шалгахаар байгуулагдсан ажлын хэсгийн гишүүд өнөөдөр тус компанийн үйлдвэрт ажиллалаа. Ажлын хэсгийн дарга, УИХ-ын гишүүн Д.Энхтуяа ажлын хэсгийн гишүүн УИХ-ын гишүүн Д.Энхтүвшин, Б.Уянга, Б.Пунсалмаа, М.Бадамсүрэн, М.Энхцэцэг нарын гишүүн оролцсон юм. Ажлын хэсгийн гишүүдэд тус компанийн Ерөнхий технологич бөгөөд Технологийн бодлогын хэлтсийн дарга Д.Өлзийбат болон Санхүү, эдийн засгийн газрын дарга А.Батзориг нар танилцуулга өгсөн юм. Танилцуулгад Тавантолгой түлш компаийн үйлдвэрлэж буй шахмал түлш нь 2019 оноос өнөөг хүртэл орц найрлага болоод, түүхий эд нь огт өөрчлөгдөөгүй гэдгийг онцоллоо. Мөн шахмал түлшний технологийн алдаа гараагүй, Монгол Улсад мөрдөгдөж байгаа Хатуу түлшний техникийн шаардлагыг тогтмол хангаж ирснийг хөндлөнгийн лабораторийн шинжилгээгээр баталгаажуулж байгааг хэллээ. Мөн бүтээгдэхүүн хөгжүүлэлтийн талаар ч цөөнгүй ажил хийснийг танилцуулгад дурьсан. Тухайлбал, шахмал түлшний түүхий эдийг солих, чанарыг сайжруулах чиглэлээр туршилт судлагааны ажил хийжээ. Өнөөдрийн үйлдвэрлэж буй шахмал түлшний түүхий эд мидлингийг солихгүйгээр айл өрхийн яндангаас гарах утааны агаарын чанарт үзүүлж буй нөлөөллийг бууруулахад боломжгүй гэдгийг тэрээр онцоллоо. Тиймээс шахмал түлшний түүхий эдийг хагас кокс болон угааж баяжуулсан нүүрсний баяжмалаар хийх шаардлагатай гэв. Тэрчлэн барьцалдуулагч эдийн хувьд импортын болон дотоодын аж ахуйн нэгжийн үйлдвэрлэж буй доломитын орцтой бүтээгдэхүүн ашиглаж байгааг танилцуулллаа. Монгол Улсын тухайд хатуу түлшний барьцалдуулагчийн стандарт байхгүй бөгөөд Тавантолгой түлш компанийн хувьд 2022 оноос барьцалдуулагчийн байгууллагын стандартыг баталж мөрдөж байгаа гэнэ. Үүнийгээ сайжруулуулж улсын стандарт болгуулахаар ажиллаж байгаа гэлээ. Ажлын хэсгийн гишүүдийн зүгээс “Та бүхний үйлдврлэж буй шахмал түлш стандартын дагуу гарч байгаа ч агаарын бохирдол их байгаа нь иргэд, олон нийтийг бухимдуулж байна. Тиймээс шахмал түлшийг яаж сайжруулах, богино хугацаанд үр дүн гаргах тал дээр илүү анхаарч ажиллах шаардлага байна. Мөн иргэдийн дунд барьцалдуулагч нь эргэлзээ төрүүлж байна гэсэн мэдээлэл ч байна. Үүнтэй уялдуулан холбогдох баримт материалыг ажлын хэсэгт татан авч үзнэ. Ингэсний үндсэн дээр санал, зөвлөмж боловсруулна. Тиймээс гуравдугаар сарын 15 хүртэл өндөржүүлсэн бэлэн байдалд ажиллах шаардлагатай” гэлээ. Мөн агаарын чанарт нөлөөлж буй хөндлөнгийн эх үүсвэрүүдийн судлагааг нарийвчлан гаргах шаардлага байгааг ажлын хэсгийн гишүүд онцолж байлаа. Тодруулбал, дүүрэг тус бүрээр нь ямар эх үүсвэр, аль цаг хугацаанд илүү сөрөг нөлөө үзүүлж байгааг тодорхойлж, түүнд дүн шинжилгээ нөхцөл шаардлага байгааг хэлсэн юм.