АВТОБУСНЫ ЖОЛООЧ НАРЫН ЦАЛИНГ 3.5 САЯ ТӨГРӨГ БОЛГОЛОО

03 / 05 1 сэтгэгдэл 270 үзсэнe

Нийтийн тээврийн жолооч нар цалингаа нэмүүлэхийг шаардаж өнгөрсөн долоо хоногт мэдээлэл хийсэн билээ. Харин нийслэлээс шат дараатай цалинг нэмэгдүүлнэ, орон тоог нэмэгдүүлнэ гэсэн мэдэгдлийг өгч байсан. Тэгвэл автобусны жолооч нарын цалинг 3,5 сая болгох шийдвэрийг хоёр хоногийн өмнө эцэслэжээ. Энэ талаар П.Сайнзориг дарга ярихдаа " Хувийн болон орон нутгийн өмчит автобус компаниудад ажиллаж байгаа нийт жолооч нарын цалин 3.5 сая төгрөг болох шийдвэр өчигдөр/уржигдар/ албан ёсоор эцэслэгдсэн. Биднээс шалтгаалах санхүүгийн болон хууль эрх зүйн бүхий л зүйлс батлагдсан. Харин үүнийхээ дагуу бид жолооч нартаа шаардлага тавина. Энэ сарын 15-наас Улаанбаатар хотын нийтийн тээвэрт тавьж байсан программ хангамжийг өөрчилнө. UB смарт картыг орлож, сайжруулсан хувилбарыг тавина. Өөрөөр хэлбэл, карт уншилт болон бодит зорчилт хоёрыг тулгадаг, хяналт тавих камер болон программ хангамжийн системийг суурилуулна. Төлбөрөө төлдөггүй, бэлэн мөнгөөр явдаг хүмүүс зорчилтын тоонд ордоггүй учраас нийтийн тээврийн төлөвлөлт хийж болохгүй байгаа юм. Тиймээс бодит тоогоо гаргаж байж автобуснуудын маршрут, тоог гаргана. Нийслэлд өдөртөө 1000 орчим автобусыг үйлчилгээнд гаргадаг. Жолоочийн хүрэлцээ тааруу байсан. Тиймээс дүүргүүдийн Хөдөлмөр, халамжийн хэлтсээр дамжуулан 161 иргэнийг сургаж, автобусны жолооч болгосон" гэсэн мэдээллээ.

ЗУДТАЙ АЙМГУУДАД БНХАУ $370,000, АНУ $700,000-ЫН НЭМЭЛТ ТУСЛАМЖ ОЛГОХОО МЭДЭГДЖЭЭ

03 / 05 0 сэтгэгдэл 181 үзсэнe

Зудтай байгаа аймгийн малчдад БНХАУ, АНУ-аас тусламж үзүүлэхээр болсныг Засгийн газрын тэргүүнд мэдэгджээ. Тодруулбал Монгол Улсад үүсээд буй зудын нөхцөл байдалтай холбогдуулж БНХАУ-ын Засгийн газар 200,000 ам.доллар, БНХАУ-ын Өвөр Монголын өөртөө засах орны Ардын Засгийн газар 170,000 гаруй ам.долларын эд материалын тусламжийг үзүүлж байгааг Элчин сайд Шэнь Миньжюан танилцуулж, батламжийг нь гардуулан өгсөн байна. АНУ-ын Засгийн газраас 700,000 ам.долларын нэмэлт тусламж олгохоор шийдвэрлэснийг Элчин сайд Ричард Буанган танилцуулжээ. Өмнө нь тус улсын Олон улсын хөгжлийн агентлаг (USAID)-ийн шугамаар Монголын улаан загалмай нийгэмлэгээр дамжуулан 200,000 ам.долларын тусламж үзүүлсэн байна. Ингэснээр АНУ-ын Засгийн газраас он гарсаар үзүүлсэн зудын эсрэг нийт тусламжийн хэмжээ 3,058,179,445 төгрөг буюу 900,000 орчим ам долларт хүрчээ. АНУ-аас олгож буй энэхүү тусламж нь Архангай, Баян-Өлгий, Дорноговь, Дорнод, Завхан, Сүхбаатар, Төв, Увс, Ховд аймгийн зудад хамгийн хүнд нэрвэгдсэн 2,700 малчин өрхөд малын тэжээл, эм, мал эмнэлгийн хэрэгсэл, мөнгөн тусламж хэлбэрээр хүрэх аж. Түүнчлэн Австралийн Холбооны Улсын Засгийн газраас зудын гамшгийг даван туулахад зориулж 250,000 австрали доллар хандивлахаар шийдвэрлэснийг Австралийн Гадаад хэрэг, худалдааны яамны Өмнөд болон Төв Азийн асуудал хариуцсан Тэргүүн туслах нарийн бичгийн дарга Гэри Коуэн мэдэгдээд байгаа билээ. Монгол Улсын 11 аймгийн 50 сум төмөр, 17 аймгийн 135 сум цагаан зудтай байна.

БҮЛЭГ ЗОХИОН БАЙГУУЛАЛТАД ОРЖ, ХУУЛЬ БУСААР АШИГТ МАЛТМАЛ ОЛБОРЛОСОН ЭТГЭЭДҮҮДИЙГ ИЛРҮҮЛЛЭЭ.

03 / 04 0 сэтгэгдэл 130 үзсэнe

Экологийн цагдаагийн албаны алба хаагчид Сэлэнгэ аймгийн нутаг дэвсгэрт хяналт шалгалтын ажил зохион байгуулж, тус аймгийн Ерөө сумын Бугант тосгоны нутагт дэвсгэрт болох “35-ын ам”, “Их алт”, “Хэрээн гол” гэх газруудын 5 байршилд, 35 этгээд бүлэг зохион байгуулалтад орж, хууль бусаар ашигт малтмал хайж, олборлож байсан үйлдлийг илрүүлэн, байгаль экологид учирсан хохирлын үнэлгээг газар дээр нь хийлгэж, хууль бус үйл ажиллагаандаа ашигласан экскаватор 7, алт угаах төхөөрөмж 4, зил 131 автомашин 1-ийг тус тус битүүмжлэн, эвдэгдсэн талбайд хэргийн газрын үзлэг хийж, мөрдөн шалгах ажиллагааг үргэлжлүүлж байна. Мөн дээрх тосгоны төвөөс 85км зайд байрлах “Хүнгүйч”, “Толгойт”, “Агуйт”, “Ахьт”, “Залт”, “Хэрээн гол”, “Их алт”, “35-ын ам” гэх газруудад хууль бусаар ашигт малтмал олборлох зорилгоор ой модон дунд нууж, байршуулсан эзэмшигч тодорхойгүй 35 техник, хэрэгслийн эзэн холбогдогчийг олж тогтоон Бугант тосгоны төвд татан байрлуулж, орон нутгийн төр захиргааны болон хуулийн байгууллагад хүлээлгэн өглөө. Дээрх хяналт шалгалт нь тээврийн хэрэгсэл очиход хүндрэлтэй уул, ус, модоор хүрээлэгдсэн байгалийн бартаа саад ихтэй бүс нутагт цаг агаарын хүнд нөхцөлд явагдсан бөгөөд техник технологийн дэвшил болох дулаан мэдрэгч, хөдөлгөөн илрүүлэгчтэй “DJ Matrice 350” маркийн нисгэгчгүй төхөөрөмж буюу дроныг ашиглан хууль бусаар ашигт малтмал олборлогч гэмт этгээдүүд, тэдгээрийн ашиглаж байсан техник хэрэгслүүдийг олж тогтоосноор энэ төрлийн гэмт хэргээс урьдчилан сэргийлж, таслан зогсоосон үр дүнтэй ажил боллоо. Монгол Улсын Эрүүгийн хуулийн тусгай ангийн 24.2 дугаар зүйлд зааснаар хууль бусаар ашигт малтмал хайх, ашиглах, олборлох гэмт хэрэг үйлдсэн иргэнийг 5.4-27 хүртэлх сая төгрөгөөр торгох, эсхүл 1-5 жил хүртэл хугацаагаар хорих, хуулийн этгээдийг тодорхой төрлийн үйл ажиллагаа явуулах эрхийг хасаж, 20-120 хүртэлх сая төгрөгөөр торгох ялаар тус

ХОЛИМОГ ТУЛААНЧ З.ШИНЭЧАГТАД ХОЛБОГДОХ ШҮҮХ ХУРАЛ ИРЭХ ДОЛОО ХОНОГТ БОЛНО

03 / 04 0 сэтгэгдэл 1 427 үзсэнe

Хан-Уул дүүргийн Эрүүгийн хэргийн анхан шатны шүүхэд Холимог тулаанч З.Шинэчагтагын гэм буруугийн шүүх хурал ирэх даваа гарагт болохоор тов гарчээ. Түүнийг Хан-уул дүүргийн 20 дугаар хорооны нутаг дэвсгэрт бусдыг зодож танхайрсан хэргээр цагдаагийн байгууллагаас шалгаж, хэргийг шүүхэд шилжүүлсэн. Улмаар бусдын биед хөнгөн гэмтэл учруулсан буюу Эрүүгийн хуулийн 11,6,1-д зааснаар яллах дүгнэлт үйлджээ.

ДУУЧИН MORNINGSTAR-Д ХАР ТАМХИНЫ ХЭРГЭЭР 1 ЖИЛИЙН ХОРИХ ЯЛ ОНООЛОО

03 / 04 0 сэтгэгдэл 318 үзсэнe

2022 оны есдүгээр сарын 03-ны өдөр дуучин, артист Morningstar-аас мансууруулах эм, сэтгэцэд нөлөөт бодис хэрэглэсэн эсэхийг шалгах анхан шатны тестийн сорил тавихад мансууруулах эм, сэтгэцэд нөлөөт бодисын нэг төрөл болох /THC/ гэх бодис хэрэглэсэн гэх үр дүн урьчилсан байдлаар илэрсэн. Өнгөрөгч нэгдүгээр сард ХУД-ийн ЭХАШШ-д шүүх хуралдаан болж дуучин, артист Morningstar-д 1 жилийн хорих ял оноожээ. Ташрамд дуулгахад, Монгол Улсын Эрүүгийн хуулийн 20.7 дугаар зүйл /Мансууруулах эм, сэтгэцэд нөлөөт бодисыг хууль бусаар ашиглах/ 1. “Хориглосон мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгогүйгээр хууль бусаар бэлтгэсэн, хадгалсан, бусдад өгсөн, олж авсан бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ” хуультай.

ЭНЭ САРЫН 25-НААС 1072 ХУВЬЦААНЫ НОГДОЛ АШИГ 256 МЯНГАН ТӨГРӨГИЙГ ОЛГОНО

03 / 04 0 сэтгэгдэл 256 үзсэнe

"Эрдэнэс Тавантолгой" ХК-ийн Төлөөлөн удирдах зөвлөл 2024 оны хоёрдугаар сарын 16-ны өдөр хуралдаж, компанийн 2023 оны цэвэр ашгаас нэгж хувьцаанд 285 мянган төгрөгийн ногдол ашиг хуваарилахаар шийдвэрлэсэн. Ногдол ашгийн татварын дараах дүн буюу 256,000 төгрөгийг 2024 оны гуравдугаар сарын 25-наас дөрөвдүгээр сарын 8-ны хооронд багтаан олгохоор болсон байна. Компанид онцгой дэглэм тогтоож, олборлолт, борлуулалт, тээвэрлэлтийг оновчтой зохион байгуулснаар үйл ажиллагаа эрс сайжирч, 2023 оны урьдчилсан гүйцэтгэлээр 3.2 их наяд орчим төгрөгийн цэвэр ашигтай ажиллаж, ногдол ашиг тараах боломж бүрджээ.

ЭНЭ САРЫН 20-НООС ГОЛ МӨРНИЙ ЦАС МӨС ХАЙЛЖ ЭХЛЭХИЙГ АНХААРУУЛЖ БАЙНА

03 / 01 0 сэтгэгдэл 193 үзсэнe

ЦУОШГ-аас дараах мэдээллийг өгөв: -Өнөөдрийн байдлаар жижиг гол мөрөн ёроолдоо хүртэл хөлдсөн байна. Том голуудын мөсний зузаан өмнөх арван хоногоос 5-10 см нэмэгджээ. Гол, нуурын мөсний зузаан нийт уртын дагуу харилцан адилгүй байдаг. Бид харуулын цэгээс авсан мэдээллийн дагуу гол нуурын мөсний зузааныг танилцуулдаг. Нийслэлд ирэх сарын дундуур шар усны үеэр болох эрсдэл байна. Өнөөдрийн байдлаар нийт нутгийн 70 хувь цасан бүрхүүлтэй, цасан дахь усны нөөц өмнөх оны мөн үеэс дөрөв дахин их буюу 70.5 км куб хэмжээтэй байна. Өнгөрсөн оны мөн үед нийт нутгийн 40 хувь цасан бүрхүүлтэй, цасан дахь усны нөөц 14.8 км куб хэмжээтэй байв. Өмнөх жилийн мөн үеэс дөрөв дахин их цас оржээ. Энэ сарын 20-доор цас мөс хайлж эхэлнэ. Ирэх сарын 20-доор гол мөрний мөс бүрэн хайлж дуусна. Энэ онд цаг уурын огцом өөрчлөлттэй байсан тул шар усны үерийн эрсдэл өсөв. Шар усны үерээр малын сэг зэм угаагдан, голын ус руу орж ирэх эрсдэлтэй тул малын сэг зэмийг зориулалтын дагуу устгах хэрэгтэй. Та бүхэнд гол, нуурын мөсөн дээгүүр зорчихгүй байх, баталгаатай гармаар гарахыг зөвлөлөө.

ГУРИЛЫН КОМПАНИУД ҮНЭЭ ШАЛТГААНГҮЙГЭЭР НЭМСЭН НӨХЦӨЛ БАЙДАЛ ТОГТООГДСОН ТУЛ ШӨХТГ-ИЙН ДАРГА Б.БИЛГҮҮН МЭДЭЭЛЭЛ ХИЙЛЭЭ.

02 / 29 0 сэтгэгдэл 113 үзсэнe

"Гурилын үнэ өсөж байгаа талаар иргэдээс ирүүлсэн гомдлын дагуу хяналт, шалгалт хийж ажиллалаа. Энэ хүрээнд гол үйлдвэрлэгч найман аж ахуй нэгжид үнийн судалгаа хийсэн. Ингэхэд гур и лын үнийг 4-12 удаа нэмсэн ийм нөхцөл байдал тогтоогдлоо. Тодруулбал: Дээд гурил дунджаар 62 , 8 хувиар Нэгдүгээр гурил 53 , 1 хувиар Хоёрдугаар гурил 40 , 9 хувиар гурилын үнэ өссөн байна. Харин гол үйлдвэрлэгч аж ахуй нэгжүүдийг судалж үзэхэд: Улаанбаатар дээд гурил 47 хувиар Улаанбаатар нэгдүгээр гурил 41 хувиар Од групп дээд гурил 95 , 5 хувиар Од групп нэгдүгээр гурил дээр 70 хувиар Алтан тариа дээд гурил дээр 64 хувиар Алтан тариа нэгдүгээр гурил дээр 55 , 6 хувиар тус тус үнээ өсгөсөн судалгаа гарсан , Улаанбуудай гурилын 87 , 5 хувийг эзэлдэг. Улаанбуудайн үнэ хэвэндээ байхад гурилын үнэ огцом өссөн нь үндэслэлгүй гэдэг дүгнэлтийг гаргасан. Ийм учраас хэрэг үүсгээд асуудал шүүхийн шатандаа явж байгаа. Гурил үйлдвэрлэгч нар холбоотой. Монголын гурил үйлдвэрлэгчдийн бодлого төлөвлөлтийн нэгдсэн холбоо гэдэг холбоонд гурил үйлдвэрлэгчид гишүүнээр байдаг. Энэ дээрээ ярилцаад гурилын үнээ зэрэг нэмээд явдаг байдал ажиглагдсан. Шүүх дээр хэрэг эцэслэгдэн шийдэгдээгүй байгаа ч өнөөдрийн байдлаар үнийн судалгаа хийхэд гурилын үнэ тогтмол өссөөр байна. 2023 оны нэгдүгээр сараас хойш дээдийн дээд гурилын үнийг таван удаа нэмсэн байна. Нийт өсөлтийн хувь нь нэг кг дээр 19 хувь буюу 635 төгрөг. Харин дээд гурилын үнийг есөн удаа нэмсэн байна. Нийт 16 хувиар нэмсэн ба кг тутамд 405 төгрөг нэмжээ Тэгвэл нэгдүгээр гурилын үнийг нийт есөн удаа нэмсэн бол хоёрдугаар гурилын үнийг 154 төгрөгөөр нэмсэн байна. Тиймээс үгсэн хуйвалдаж үнээ нэмсээр байгаа тэдний энэ асуудалд арга хэмжээ авч ажиллана" гэлээ. Мөн гурил үйлдвэрлэгчдэд шударга өрсөлдөөний хууль тогтоомжоо биелүүлж, хэрэглэгчийн эрх ашгаа хүндлэн дээдлэхийг уриаллаа.

100 АЙЛЫН БАРИЛГЫН МАТЕРИАЛЫН ТӨВҮҮДИЙГ БАРИЛГАЧИН ЗАХ РУУ НҮҮЛГЭНЭ

02 / 28 0 сэтгэгдэл 178 үзсэнe

Нийслэлийн төв цэгээс 1.5 км зайд байрлах хүн ам шигүү суурьшсан 100 айлд гэр бүлийн зориулалттай газар дээр эрсдэл өндөртэй шатамхай барилгын материалын агуулахууд, орчныг бохирдуулдаг барилгын материалын үйлдвэрүүд ажиллаж байгаа нь Үндсэн хууль, Газрын тухай хууль, Гаалийн тухай хууль, Хот байгуулалтын тухай хууль зэрэг олон хууль дүрмийг зөрчиж байна. Эдгээр хууль зөрчигчдийн дийлэнх нь Хятад эзэнтэй худалдаа, үйлдвэрлэл эрхлэгчид байна. 100 айл нь замын түгжрэл, орчны бохирдол, иргэдийн ая тухтай аюулгүй амьдрах болон суралцах эрхийг зөрчсөөр ирсэн гэж үзэн Нийслэлийн иргэдийн төлөөлөгчдийн 2018 оны нэгдүгээр сарын 24-ний хурлаар нүүлгэх шийдвэр гарсан ч одоог болтол ажилласаар даруй 6 жилийн нүүрийг үзлээ. Тус захад Сүхбаатар дүүргийн татварын хэлтэс болон холбогдох байгууллагуудаас зөвшөөрөл авсан 800 гаруй иргэн, аж ахуйн нэгж, нийтийн эзэмшлийн талбайд зөвшөөрөлгүй үйл ажиллагаа явуулж буй 320 иргэн аж ахуйн нэгж байгаа гэсэн ерөнхий судалгаа байдаг. Хамгийн аюултай нь энэ хэсэгт Сүхбаатар дүүргийн нэгдсэн эмнэлэг, Арьс өвчин судлалын үндэсний төв зэрэг төрийн үйлчилгээ үзүүлдэг 5 эрүүл мэндийн байгууллага, хөгжлийн бэрхшээлтэй хүүхдүүдийн суралцдаг хоёр сургууль, нэг цэцэрлэг бий. Тиймээс эрүүл мэндээ эмчлүүлж буй өвчтөнүүд, сурагч, бага насны хүүхдүүд, тэнд оршин сууж буй иргэд энэхүү орчны нөлөөнд эрүүл мэндээрээ хохирч байна. Өвчин тусаад шаналж буй хүмүүс Сүхбаатар дүүргийн нэгдсэн эмнэлэгт хэвтсэнийхээ төлөө 100 айл орчмын тоосжилт, барилгын материалын хорд хордож, эрүүл болох биш улам өвчилж байгаа. Тэр ч битгий хэл энд барилгын материалын зах үүссэнээс хойш замын түгжрэл дээд цэгтээ хүрч, түргэн тусламжийн машин эмнэлэг хүрэх замдаа бөглөөнд цаг гаруй зогссоноос болж хүүхэд хүртэл нас барж байлаа. 100 айлыг хэзээ нүүлгэх талаар холбогдох албаны хүнээс тодруулахад, “Нийслэлийн төвлөрлийг бууруулах, түгжрэлийг арилгах бодлогын хүрээнд 100 айлын барилгын материалын худалдаа эрхлэгчдийн саналыг харгалзан Налайхын барилгын материалын үйлдвэрлэл технологийн парк, шинээр ашиглалтад орж байгаа шинэ барилгын зах болон Сонсголонгийн “Барилгачин зах” руу шат дараатай нүүлгэхээр төлөвлөж байна” гэлээ.

УЛСЫН ХЭМЖЭЭНД 2.1 САЯ ТОЛГОЙ МАЛ ХОРОГДООД БАЙНА

02 / 27 0 сэтгэгдэл 141 үзсэнe

Улсын хэмжээнд хоёрдугаар сарын 26-ны өдрийн байдлаар 2,136,563 толгой мал хорогдоод байгааг Онцгой Байдлын Ерөнхий Газар(ОБЕГ)-аас мэдээлэв. Энэ нь өнгөрсөн оны мөн үетэй харьцуулахад хорогдсон малын тоо 85.9 хувиар өссөн үзүүлэлт юм. Тодруулбал Архангай, Баянхонгор, Булган, Дорнод, Дундговь аймгуудад малын хорогдол хамгийн өндөр байгаа аж. 2010 оны зудаар улсын хэмжээнд 10.3 сая гаруй толгой мал хорогдсон бөгөөд тухайн жилийн хоёрдугаар сарын мөн үед 1,536,916 толгой мал хорогджээ.