АГААР БОХИРДУУЛАГЧ БОДИСУУД 15-42 ХУВИАР БУУРЧЭЭ

04 / 03 0 сэтгэгдэл 8 үзсэнe

Цаг уур, орчны шинжилгээний газраас Улаанбаатар хотын агаарын чанарын 2026 оны 03 дугаар сарын төлөв байдлын мэдээллийг гаргалаа. Агаар бохирдуулагч бодисын 2026 оны 03 дугаар сарын дундаж агууламжийг өмнөх оны мөн үе буюу 2025 оны 03 дугаар сарын дундаж агууламжтай харьцуулахад: PM2.5 тоосонцор 27.6 хувиар PM10 тоосонцор 24.7 хувиар Хүхэрлэг хий 42.9 хувиар Азотын давхар исэл 15.8 хувиар буурсан байна. Энэ нь Агаарын чанарын MNS 4585:2025 стандартын хүлцэх хэмжээнээс бага гарсан үзүүлэлт юм. MNS 4585:2025 стандартад бохирдуулагч бодисуудын хүлцэх хэмжээ РМ2.5 тоосонцор 37.5 мкг/м3 РМ10 тоосонцор 100 мкг/м3 Хүхэрлэг хий 50 мкг/м3 Азотын давхар исэл 50 мкг/м3 байдаг.

ИРГЭНИЙ НИСЭХИЙН ЕРӨНХИЙ ГАЗРЫН ТӨЛӨВЛӨГӨӨТ ХЯНАЛТ, ШАЛГАЛТ ҮРГЭЛЖИЛЖ БАЙНА

04 / 03 0 сэтгэгдэл 4 үзсэнe

2026 оны 04 дүгээр сарын 03-ны өдөр “Иргэний нисэхийн үндэсний төв” ТӨХХК-ийн Гүйцэтгэх захирал Э.Энхзориг болон Иргэний нисэхийн ерөнхий газрын Агаарын навигацийн хяналтын хэлтсийн дарга, Иргэний нисэхийн хяналтын ахлах байцаагч П.Ганбаатар ахлагчтай ажлын хэсэг төлөвлөгөөт хяналт, шалгалт болон ИНД-175 “Нисэхийн мэдээллийн үйлчилгээний байгууллагын гэрчилгээжүүлэлт” дүрмийн дагуу олгогдсон гэрчилгээний хүчинтэй хугацааг сунгах аудит шалгалтын хүрээнд уулзалт зохион байгуулав. Иргэний нисэхийн ерөнхий газрын даргын баталсан 2026 оны хяналт, шалгалтын төлөвлөгөөний дагуу 2026 оны 03 дугаар сарын 23-наас 04 дүгээр сарын 02-ны өдрүүдэд тус компанийн харьяа Нислэгийн журам зохиолт, шалгалтын нислэгийн албаны шалгалтын нислэгийн хэсгийн Ерөнхий заавар болон холбогдох журам, дүрмийн хэрэгжилтэд хийсэн хяналт, шалгалтын урьдчилсан дүгнэлтийг ажлын хэсгээс танилцууллаа. Мөн “Иргэний нисэхийн үндэсний төв” ТӨХХК-ийн ИНД-175 дүрмийн хүрээнд олгогдсон гэрчилгээний хүчинтэй хугацааг сунгах аудит шалгалтыг 2026 оны 04 дүгээр сарын 03-наас 04 дүгээр сарын 09-ний өдрүүдэд зохион байгуулах ажлын удирдамжийг танилцуулж, шалгалтын үр дүнд ажлын хэсгээс нэгтгэсэн тайлан, дүгнэлт гаргахаар боллоо. Түүнчлэн Олон улсын иргэний нисэхийн байгууллагын аудит шалгалтад бэлтгэх ажлын хүрээнд санал солилцож, шаардлагатай арга хэмжээг шуурхай авч хэрэгжүүлэхээр харилцан тохиролцов.

"ИРГЭНИЙ НИСЭХИЙН ҮНДЭСНИЙ ТӨВ" ТӨХХК-ИЙН УДИРДЛАГУУД ТУРШЛАГА СОЛИЛЦОВ

04 / 03 0 сэтгэгдэл 4 үзсэнe

"Иргэний нисэхийн үндэсний төв" ТӨХХК-ийн Хамтын ажиллагааны газраас "Юнител Групп"-тэй хамтран зохион байгуулсан "Show margin-bottom:0px;margin-top:0.5em;font-family:'Segoe UI Historic', 'Segoe UI', Helvetica, Arial, sans-serif;color:rgb(8,8,9);font-size:15px;font-style:normal;font-weight:400;letter-spacing:normal;text-indent:0px;text-transform:none;word-spacing:0px;background-color:rgb(255,255,255);"> Компанийн хамтын ажиллагааны хүрээнд "Юнител Групп" өөрсдийн үйл ажиллагаандаа амжилттай хэрэгжүүлсэн туршлагаа хуваалцан, техник, технологийн туршилтын "SHOW ROOM" "TEST AND TRY ROOM"-ээ танилцуулан, бүтцээ шинэчилж, процессоо сайжруулснаар гарсан эерэг өөрчлөлтүүд, тулгарсан бэрхшээл, шийдлүүдийн талаар тус группийн ТУЗ-ын дарга Р.Ганболд танилцууллаа. Тус воркшопоор олж авсан мэдлэг, мэдээллийг хуваалцах, сайн туршлагыг үйл ажиллагаандаа нэвтрүүлэх боломжийг нэмж судлан, шинэ санаа санаачилга гаргах боломж бүрдэж байгаагаас гадна цаашдын хамтын ажиллагаагаа өргөжүүлэн, хөгжүүлэх боломж нээгдэж байгаа юм.

​“Зэс эрдэнийн хувь” ХХК-ийн захирал Б.Мөнхбаатар 18 тэрбум төгрөгийн зэс газар ухаж нуусан нь баригдлаа

04 / 02 0 сэтгэгдэл 900 үзсэнe

“Зэс эрдэнийн хувь” ХХК-ийн захирал Б.Мөнхбаатар 18 тэрбум төгрөгийн зэс газар ухаж нуусан нь баригдлаа Орхон аймагт үйл ажиллагаа явуулдаг “Зэс эрдэнийн хувь” ХХК-ийн захирал Б.Мөнхбаатар тэргүүтэй хүмүүс Улаанбаатар хотод жагсаал цуглаан хийж байгаа. Тэд өмнө нь тус компанийн Хөрнгө оруулалт хариуцсан захирлаар ажиллаж байсан Э.Батбаяраас 30 тэрбум төгрөг нэхэмжилж, түүний ах Э.Бат-Амгаланг огцрохыг шаардаж байгаа юм. Гэтэл өнөөдөр Орхон аймгийн цагдаагийн байгууллагаас хувьцаа эзэмшигчдээс ирүүлсэн мэдээллийн мөрөөр “Зэс эрдэнийн хувь” ХХК-ийн үйлдвэрт гэнэтийн шалгалт хийхэд тус үйлдвэрийн хашаанд 400 тонн зэс газар ухаж булсныг илрүүлжээ. Тодруулбал: Тус үйлдвэрийн үйл ажиллагааг Уул уурхайн яамнаас 2025 оны 8-р сараас эхлэн зогсоож, өнөөдрийг хүртэл үйлдвэрлэл явуулахгүй байгаа гэсэн тайлбартай байгаа юм байна. Гэтэл ийнхүү үйл ажиллагааг нь яамны шийдвэрээр зогсоосон үйлдвэр нууцаар ажиллаж, өнгөрсөн хугацаанд 8500 тн зэс хууль зөрчин үйлдвэрлэсэн гэсэн мэдээлэл хувьцаа эзэмшигчдээс ирсэн байна. Энэ нь мөнгөн дүнгээр тооцвол 380 тэрбум төгрөг бөгөөд асар их хэмжээний мөнгөн дүн бүхий зэсийг нууцаар хууль зөрчин үйлдвэрлэсэн, түүний худалдан борлуулсан, бүр цаашлаад Гүйцэтгэх захирал Б.Мөнхбаатар эхнэрийнхээ дансаар ч их хэмжээний мөнгө шилжүүлж авсан гэх мэдээлэл байна. Харин өнөөдөр тус үйлдвэрийн хашаанд 400 тн буюу 18 тэрбум төгрөгийн зэсийг газар ухаж нууж булсан нь баримтаар илэрчээ. Их хэмжээний өрөнд орж, үйл ажиллагаа нь зогссон учир хохирч байна хэмээн уриа лоозон барьж, ногдол ашиг, мөнгө нэхэмжлэн ж агсаж байгаа иргэдийг тэргүүлж буй “Зэс эрдэнийн хувь” компанийн Гүйцэтгэх захирал Б.Мөнхбаатар нар өөрсдөө олон зуун тэрбумаар хэмжигдэх зэсийг нууцаар үйлдвэрлэн, нуун дарагдуулж, худалдан борлуулж, байгаа нь хувьцаа эзэмшигч 24 мянган иргэнийг, Монгол Улсын шүүхийг, салбар яамыг хуурч мэхэлсэн ноцтой үйлдэл болж болзошгүй байна.

ГАМШГИЙН АЮУЛЫН ТУХАЙ ЗАРЛАН МЭДЭЭЛЛИЙН ДАДЛАГА СУРГАЛТАД ХАМРАГДЛАА

03 / 27 0 сэтгэгдэл 4 үзсэнe

“Иргэний нисэхийн үндэсний төв” ТӨХХК болон төвийн салбар нэгж, орон нутгийн нисэх буудлын ажилтнууд гамшгийн аюулын тухай зарлан мэдээллийн дохиогоор ажиллах дадлага, сургуулилтад бэлэн байдлыг хангаж, 2026 оны 03 дугаар сарын 26-ны пүрэв гарагийн 16:00 цагт дуут дохио дуугарах үеэр мэргэжлийн байгууллагаас өгсөн заавар, зөвлөмжийн дагуу 575 ажилтан оролцлоо. Энэхүү дадлага, сургуулилт нь гамшгийн үеийн бэлэн байдлыг хангуулах, нийт ажилтны гамшгийн аюулын тухай зарлан мэдээлэх дохиогоор ажиллуулж сургах, урьдчилан сэргийлэх, хариу арга хэмжээ авах мэдлэг эзэмшүүлэхэд дадлага болохын зэрэгцээ “Буянт-Ухаа” олон нисэх буудлын зарлан мэдээлэх хэрэгслийн бэлэн байдлыг шалгалаа. Энэ үеэр “Мөрөн” нисэх буудлын галын бүлгийн ахлагч Б.Цасчихэр нисэх буудлынхаа нийт ажилтанд "Газар хөдлөлтийн үеийн аюулгүй ажиллагаа", Гамшгийн аюулыг зарлан мэдээлэх, дуут дохиогоор хэрхэн ажиллах, гамшгаас хамгаалах төлөвлөгөө, мэргэжлийн ангийн бүлэг тус бүрийн ажил үүргийн хуваарийг танилцуулах сургалт зохион байгууллаа.

ХАРШЛЫН ӨВЧНИЙ ТАЛААР МЭДЭЭЛЭЛ ӨГЧ, СОРИЛ ХИЙВ

03 / 20 0 сэтгэгдэл 5 үзсэнe

“ИНҮТ” ТӨХХК-ийн Хамтын ажиллагааны газраас зохион байгуулдаг “Мэдээллийн цаг”-аар "Харшлын өвчний тухай, хүнсний болон ургамлын харшил" сэдвээр харшлын ринит АУ доктор харшлын эмч С.Байгалмаа, Арьс хатгах сорил поликлиникийн ахлах сувилагч Н.Оюунзул нар мэдээлэл өглөө. 2024 онд урьдчилан сэргийлэх үзлэгт хамрагдсан Иргэний нисэхийн үндэсний төвийн нийт 1200 ажилтнаас 584 хүн буюу 49 хувь нь харшилтай гарсан ба нэг болон хэд хэдэн харшил давхар илэрсэн 826 харшлын өгүүлэмж бүртгэгдсэн байна. Үүнээс хамгийн их нь тоос, тоосонцорын харшилтай 281 хүн буюу 34 хувь, ургамлын харшилтай 219 хүн буюу 27 хувь, хүнс болон хүнсний бүтээгдэхүүний харшилтай 117 хүн буюу 14 хувь байна гэсэн судалгаа гарчээ. Тиймээс улирлын харшил ид эхлэх үеэс өмнө хамт олондоо мэдээлэл өгч, шинжилгээнд хамрах боломж олгох үүднээс “Мэдээллийн цаг”-ийн энэ удаагийн дугаарт харшлын сэдвийг сонгосон байна. “ИНҮТ” ТӨХХК-ийн ажилтнууд харшлын талаар мэдээлэл авч, сонирхсон асуултдаа хариулт авсан бөгөөд 30 гаруй хүн харшлын сорил өгчээ. Уригдаж ирсэн эмч нар үзлэг, зөвлөгөө өгөхийн зэрэгцээ харшлын сорилдоо 20 хувийн хөнгөлөлт үзүүлсэн байна.

“УЛААНБААТАР-ХҮННҮ” ОЛОН УЛСЫН ТРАНЗИТ ЗОЧИД БУУДЛЫГ “ЧИНГИС ХААН” НИСЭХ БУУДАЛТАЙ ГҮҮРЭН ГАРЦААР ХОЛБОХ ТӨСӨЛ ХЭРЭГЖИХЭЭР БОЛЖ, НИЙСЛЭЛИЙН ЗАСАГ ДАРГЫН ТАМГЫН ГАЗАРТАЙ ХАМТАРСАН САНАМЖ БИЧИГ ЗУРАГДЛАА

03 / 19 0 сэтгэгдэл 5 үзсэнe

Нийслэлийн Иргэдийн Төлөөлөгчдийн Хурлын шийдвэрийг үндэслэн төр, хувийн хэвшлийн түншлэлийн хүрээнд “Улаанбаатар-Хүннү” олон улсын транзит зочид буудлын төслийг хэрэгжүүлэх ажлын хүрээнд тус зочид буудлыг “Чингис хаан” олон улсын нисэх буудалтай гүүрэн гарцаар холбох нөхцөлийг бүрдүүлэх зорилгоор Нийслэлийн Засаг даргын Тамгын газар болон Иргэний нисэхийн ерөнхий газар хамтарсан санамж бичиг байгууллаа. “Чингис хаан” олон улсын нисэх буудал нь 2025 онд нийт 45 мянган дамжин өнгөрөх зорчигч хүлээн авсан бөгөөд жил бүр өсөн нэмэгдэж буй энэхүү үзүүлэлт нь олон улсын транзит зочид буудал байгуулах бодит хэрэгцээ шаардлагыг бий болгож байна. Уг төслийг хэрэгжүүлснээр нисэх буудлын орчим дахь үйлчилгээний дэд бүтэц олон улсын жишигт нийцэж, дамжин өнгөрөх зорчигчдод зориулсан цогц үйлчилгээ хөгжих суурь нөхцөл бүрдэх юм. Төслийн хүрээнд “Улаанбаатар-Хүннү” олон улсын транзит зочид буудлыг “Чингис хаан” олон улсын нисэх буудалтай гүүрэн гарц (гүүрэн хонгил)-оор холбож, зорчигчдыг Монгол Улсын хил, гаалийн хяналтаар нэвтрэх шаардлагагүйгээр шууд зочид буудалд нэвтрэх боломжийг бүрдүүлэхээр төлөвлөж байна. Энэхүү бүтээн байгуулалт нь олон улсын нисэх буудлын үйлчилгээний салшгүй хэсэг болох транзит үйлчилгээний стандартыг нэвтрүүлэхээс гадна Хүннү хотыг бүс нутгийн тээвэр, логистик, үйлчилгээний төв болгон хөгжүүлэх стратегийн ач холбогдолтой юм. Санамж бичгийн хүрээнд Нийслэлийн Засаг даргын Тамгын газар нь төслийн хэрэгжилтийг зохион байгуулах, хувийн хэвшлийн түншлэлийг сонгон шалгаруулах, бүтээн байгуулалтын явцад хяналт тавих үүргийг хэрэгжүүлэх бол Иргэний нисэхийн ерөнхий газар нь нисэх буудлын үйл ажиллагаатай уялдуулах, аюулгүй байдал, хил, гаалийн тусгай зохицуулалтыг хангах, гүүрэн гарцын холболтын нөхцөлийг бүрдүүлэх чиглэлээр хамтран ажиллана. Ийнхүү “Улаанбаатар-Хүннү” олон улсын транзит зочид буудлын төсөл хэрэгжсэнээр Монгол Улс дамжин өнгөрөх зорчигчдын урсгалыг нэмэгдүүлэх, аялал жуулчлалын салбарын өрсөлдөх чадварыг дээшлүүлэх, цаашлаад Улаанбаатар хотыг олон улсын агаарын тээврийн зангилаа төв болгон хөгжүүлэхэд чухал түлхэц үзүүлэх юм.

“ИНҮТ” ТӨХХК-ИЙН ДУНД ХУГАЦААНЫ СТРАТЕГИ ТӨЛӨВЛӨГӨӨНИЙ ТӨСЛИЙГ ТАНИЛЦУУЛАВ

03 / 17 0 сэтгэгдэл 4 үзсэнe

“ИНҮТ” ТӨХХК-ийн Бодлого, төлөвлөлтийн газраас өнөөдөр тус компанийн 2026-2030 оны дунд хугацааны стратеги төлөвлөгөөний төслийг агаарын тээвэрлэгч байгууллагуудын төлөөлөлд танилцуулж, уулзалт зохион байгууллаа. Стратеги төлөвлөгөөг олон улсын болон үндэсний бодлогын баримт бичгүүд, тухайлбал салбарын хөгжлийн чиг хандлага, ICAO-ийн бодлого, улсын дунд хугацааны хөгжлийн зорилтуудтай уялдуулан боловсруулсан бөгөөд аюулгүй, найдвартай, хүртээмжтэй, тогтвортой нисэхийн системийг хөгжүүлэхэд чиглэж байгаа юм. Стратеги төлөвлөгөөний хүрээнд хэрэгжих үйл ажиллагаанууд нь агаарын тээвэрлэгчдийн өдөр тутмын үйл ажиллагаатай шууд холбоотой, ялангуяа нислэгийн аюулгүй байдал, үйлчилгээний чанар, үнэ, хамтын ажиллагаанд чухал нөлөө үзүүлэх учир тэдний санал, зөвлөмжийг тусган илүү бодит, хэрэгжихүйц, хамтын ажиллагаанд суурилсан баримт бичиг болгох үүднээс энэхүү уулзалтыг зохион байгуулсан байна. Бодлого, төлөвлөлтийн газрын дарга Н.Идэр, менежер Б.Наранмандах нар стратеги төлөвлөгөө, агаарын навигаци, нисэх буудал, аюулгүйн хамгаалалтын үйлчилгээний дунд хугацааны зорилт, төлөвлөж буй шинэчлэлүүдийн талаар мэдээлэл өгч, уулзалтад хүрэлцэн ирсэн агаарын тээвэрлэгчдийн төлөөллийн саналыг сонслоо.

ЭЗЭНГҮЙ БОЛСОН “МОНГОЛ НААДАМ ЦОГЦОЛБОР“-ЫН ДАРГА Д.ОТГОНБААТАР ₮2,9 ТЭРБУМЫН ХАУС, 2 ОРОН СУУЦТАЙ, ₮462 САЯЫН ОРЛОГОТОЙ

03 / 17 0 сэтгэгдэл 171 үзсэнe

Төр данхайхын хэрээр зардал өсөж, татвар төлөгчдийн үүрэх ачаа хүндэрч байгааг дээр дооргүй шүүмжилж, цомхон болгох амлалтыг албан тушаалтнууд өгдөг ч улам л танхайсаар олон жилийн нүүрийг үзлээ. Төрийн өмчийн үйлдвэрийн газар нэртэй яг юу хийдэг нь тодорхойгүй газрууд ч олон бий. Тэдний нэг бол "Монгол наадам цогцолбор" ОНӨТҮГ юм. Тухайлбал, "Батлан хамгаалах яамнаас 10 тэрбумын зардал гаргаж хөгжим, тайз, дэлгэц зэрэг төхөөрөмж аваад Нийслэлийн "Монгол наадам цогцолбор"-т шилжүүлсэн байна. Гэтэл эдгээр зүйлс одоо алга. Арга хэмжээ зохион байгуулахад байнга түрээсэлдэг. 10 тэрбумын тоног төхөөрөмж нь байсан бол түрээсийн зардлаа хүндээ ээлтэй байдлаар зарцуулах байсан." гэдгийг саяхан НИТХ-ын төлөөлөгч Б.Сэмжидмаа олонд ил болгосон. Ийнхүү эзэнгүй болсон гэх "Монгол наадам цогцолбор" ОНӨТҮГ-ын даргаар Чингэлтэй дүүргийн ИТХ-ын төлөөлөгч Д.Отгонбаатар өнгөрсөн оны хоёрдугаар сард томилогдсон байдаг. Д.Отгонбаатар нь Чингэлтэй дүүргийн Засаг даргын орлогчоор ажиллаж байсан юм. Тэгвэл "Монгол наадам цогцолбор"-ын дарга Д.Отгонбаатарын 2024 онд АТГ-т мэдүүлсэн ХОМ-ийг хүргэж байна. Тэрбээр мэдүүлэгтээ: Өөрийн орлого: ₮462 сая Гэр бүлийн орлого: ₮77 сая Орон сууц барилга байгууламж: ₮2,9 тэрбум /орон сууц-2, Зуслангийн байшин-2, Үйлчилгээний зориулалттай барилга-3/ Тээврийн хэрэгсэл: ₮200 сая /Toyota, Prius XW30, Range Rover, Changan Z6/ Мал аж ахуй: ₮30 сая /Адуу-6, Хонь-60/ Газар: ₮239 саяын үнэлгээтэй Эзэмших-368м2-1 Эзэмших-501м2-1, Эзэмших-943м2-1, Өмчлөх-500м2-1, Өмчлөх-560м2-1, Өмчлөх-700м2-1 Үнэт эдлэл, урлаг, түүхийн үнэт зүйл: ₮190 сая Хадгаламж: ₮17 сая Бэлэн мөнгө: ₮199 сая Авлага: ₮183 сая Зээл: ₮0 сая гэж мэдүүлжээ. Монгол наадам цогцолбор” ОНӨТҮГ нь нүүдлийн соёл иргэншил, Монголчуудын уламжлалт ёс заншил, үндэсний их баяр наадмыг сурталчлах, спортын уралдаан тэмцээнийг зохион байгуулах, иргэд олон нийтийг ая тухтай амрах, чөлөөт цагаа таатай өнгөрүүлэх орчныг бүрдүүлэх, аялал жуулчлалыг хөгжүүлэх чиг үүрэгтэй үйл ажиллагаа явуулдаг юм.

МОХ-НЫ ЕРӨНХИЙЛӨГЧ БАЙХДАА 300 САЯ ТӨГРӨГ ЗАВШИЖ, ШҮҮХИЙН ХААЛГА ТАТАЖ ЯВСАН Д.БАТБАЯР МОНГОЛ НААДАМ ЦОГЦОЛБОРТ ШУРГАЛЖ, ДАХИН “МӨНГӨ ИДСЭН” ҮҮ?

03 / 17 0 сэтгэгдэл 144 үзсэнe

Манай улсад танил тал, найз нөхөд, нөлөө бүхий хүмүүсээр дамжуулж, хамгаалуулж төрд ажилладаг, танилгүй нь “гудамжинд” амьдардаг бичигдээгүй хууль үйлчилж ирсэн. Аймаг, сумдын сургууль, цэцэрлэг, төр захиргааны байгууллагаас эхлээд бодлого тодорхойлох яам, тамгын газруудад хүртэл хуулийн цоорхойгоор танил талаараа далимдуулж, төрийн албыг төрлийн алба болгочихсон явдал ч олон бий. Ялангуяа, Засгийн газар, УИХ-ын харьяа байгууллага, орон нутагт төрийн албаны хууль бус томилгоо хамгийн их байна. Том зургаар харвал, Засгийн газрын тэргүүн солигдоход Засгийн газрын гишүүд, сайд дарга нар, цаашлаад хууль хүчний байгууллагаас эхлээд худалдааны газрын дарга хүртэл солигддог. Жишээ нь, Ерөнхий сайд асан Л.Оюун-Эрдэнэ суудлаасаа буухад түүний талынхан тэр чигтээ арчигдсан. Л.Оюун-Эрдэнийн эцэг нэгт ах найруулагч “Херо” Б.Баатар хүртэл өнөөдөр яллагдагчаар татагдсан нь олны анхааралд байна. Энэ бүхэн том улс төр, дээгүүр түвшинд өрнөдөг драма. Харин дунд түвшинд энэхүү драма чимээгүй, гэхдээ нэлээн хортой байдлаар өрнөдөг. Нэг жишээ нь “Монгол наадам” цогцолбор ОНӨТҮГ-ын даргаар Чингэлтэй дүүргийн төлөөлөгч Д.Отгонбаатар 2025 онд хоёрдугаар сарын 3-нд томилогдсон. Д.Отгонбаатар нь Чингэлтэй дүүргийн Засаг даргын орлогчоор ажиллаж байсан. Мэдээж шинэ даргыг дагаж сандал суудлын сэлгээ нэлээдгүй явагдсан. Хачирхалтай нь, тус байгууллага 30-40 гаруй алба хаагчтай. Тэдний дийлэнхи нь мэргэжлийн бус, ажлын чиг үүргийн шаардлага хангахгүй, төрийн албан хаагч томилох шаардлагад нийцээгүй авлига, арын хаалгаар төрийн албанд томилогдсон олон хүмүүс байдаг байна. Тухайлбал, хүний нөөцийн мэргэжилтэн, IT инженер, эдийн засагч, нярав гээд үргэлжилнэ. Тэдний нэг нь Монголын Оюутны холбооноос 300 сая төгрөг хувьдаа завшиж АТГ-т шалгуулж явсан Д.Батбаяр “Монгол наадам” цогцолбор ОНӨТҮГ-ын маркетингийн албаны дарга болжээ. Сурсан юмыг сураар боож болохгүй гэгчээр тэрээр мөнгө завших, зувчуулах ажлаа сурамгай үргэлжүүлж байгаа талаар эх сурвалжууд хэлж байна. 10 жилийн өмнө Монголын оюутны холбооны Ерөнхийлөгч Д.Батбаяр, дэд Ерөнхийлөгч Д.Батчулуун нар эрх мэдэл, албан тушаалаа ашиглан оюутнуудаас их хэмжээний мөнгө завшиж хувьдаа байр, машин худалдан авсан. Тэд оюутны өдөрлөг, илтгэл, лекц, тэмцээн уралдаан зохион байгуулсан хэмээн санхүүгийн хуурамч баримт бүрдүүлэн мөнгө завшдаг байсан нь баримт нотолгоогоор ил болж эцэст нь хууль шүүхийн байгууллагад шалгагдаж байсан билээ. Ёс зүйн хувьд төрийн алба бүү хэл төрлийн албанд ч тэнцэхгүй энэ этгээд эцэст нь Монгол наадам цогцолборт хурган дарга болж, мөнгө зувчуулах ажлаа үргэлжлүүлж байгаа нь чухамдаа монгол төрд нүүрлэсэн зуд юм. Уг нь энэ асуудлыг цэгцлэх зорилгоор төрийн албанд хуулийн цоорхой ашиглан ажилд орсон алба хаагчдыг ажлаас нь чөлөөлж, хууль дүрмийн дагуу томилох “Шүүр” ажиллагааг Л.Оюун-Эрдэнийн Засгийн газар эхлүүлж байсан хэдий ч эзэнтэйгээ хамт таг чиг болсон. Төрийн албанд туршлагатай мэргэжилтнүүд гэхээс илүүтэй төрөл садны, танил талын мэргэжлийн бус томилгоо газар авч, гаарсаар байгаагийн нэг жишээ энэ юм.