“ЭРТ АВБАЛ ИЛҮҮ БОНУСТАЙ” ХЯМДРАЛТАЙ ХУДАЛДАА BSB-Д

01 / 15 0 сэтгэгдэл 148 үзсэнe

BSB-н бүх салбар дэлгүүрүүдэд БҮХ электрон бараа, компьютер, гар утаснууд Эрт авбал Илүү БОНУСТАЙ боллоо. Дэлхийн шилдэг брэндүүдийн хамгийн сүүлийн үеийн технологитой гэр ахуйн электрон бараа, компьютер, гар утаснууд хамгийн өргөн сонголттойгоор өдөр бүр дараах хуваарийн дагуу ИЛҮҮ БОНУСТАЙ боллоо. 2024-01-12 “ЭРТ АВБАЛ ИЛҮҮ БОНУСТАЙ” ХЯМДРАЛТАЙ ХУДАЛДАА BSB-Д BSB-н бүх салбар дэлгүүрүүдэд БҮХ электрон бараа, компьютер, гар утаснууд Эрт авбал Илүү БОНУСТАЙ боллоо. Дэлхийн шилдэг брэндүүдийн хамгийн сүүлийн үеийн технологитой гэр ахуйн электрон бараа, компьютер, гар утаснууд хамгийн өргөн сонголттойгоор өдөр бүр дараах хуваарийн дагуу ИЛҮҮ БОНУСТАЙ боллоо. • 1-р сарын 12-нд БҮХ БАРАА 10%-н БОНУС • 1-р сарын 13-нд БҮХ БАРАА 9%-н БОНУС • 1-р сарын 14-нд БҮХ БАРАА 8%-н БОНУС • 1-р сарын 15-нд БҮХ БАРАА 7%-н БОНУС • 1-р сарын 16-нд БҮХ БАРАА 6%-н БОНУС • 1-р сарын 17-нд БҮХ БАРАА 5%-н БОНУС Мөн та хүссэн бараагаа хямдралтай үнээр нь урьдчилгаа төлбөргүй, хамгийн бага 2%-ийн хүүтэй лизингээр газар дээр нь ердөө 10-хан минутад шууд гаргуулаад авах боломжтой. Хямдралтай худалдаа ердөө 7-хон хоног үргэлжлэх тул та BSB-н өөрт ойрхон салбар дэлгүүрээр зочилж энэ худалдаанд амжиж оролцоорой. Мөн www.bsb.mn онлайн дэлгүүрээр бараагаа захиалаад хүргүүлэн авах боломжтой. Эрт авбал Илүү БОНУСТАЙ хямдралтай худалдаа нь Дархан, Эрдэнэт, Даланзадгад хотууд дахь BSB-гийн салбар дэлгүүрүүдэд мөн адил явагдаж байна. • Электрон бараа үзэх: • Компьютер үзэх: • Гар утас үзэх: • Салбар дэлгүүрийн хаяг байршил: • Facebook page: · Х Харилцах утас: 7722-0272 “ЭРТ АВБАЛ ИЛҮҮ БОНУСТАЙ” Зөвхөн БСБ-д

“ЦАВЧАА НОГООН АВТОБУС"-НЫ ГЭХ ХЭРЭГТ 27 ХҮН ЯЛЛАГДАГЧААР ТАТАГДЖЭЭ

01 / 09 0 сэтгэгдэл 330 үзсэнe

"Ногоон автобус"-ыг үйлдвэрийн технологийн бус аргаар угсарсныг тогтоож, 27 хүнд холбогдох хэргийг прокурорт шилжүүлжээ Авлигатай Тэмцэх Газар(АТГ)-аас “Ногоон автобусны” гэх хэргийг шүүхэд шилжүүлэх саналтай прокурорт шилжүүлжээ. Энэ талаар АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэн "Автобуснуудыг үйлдвэрийн технологийн бус аргаар угсарч хийгдсэн гэдгийг тогтоосон. Хохирол 134.5 тэрбум төгрөг бөгөөд үүнээс мөрдөгчид 11.9 тэрбум төгрөгийг төлүүлж, 71.7 тэрбум төгрөгийн хөрөнгийг битүүмжлэн хамгаалсан" хэмээн мэдээлэв. "Ногоон автобус"-ны гэх хэрэгт 27 хүн яллагдагчаар татагдсан байна.

УБТЗ АЧАА ТЭЭВРИЙН ТҮҮХЭН ДЭЭД ОЛОН АМЖИЛТУУД ТОГТООЛОО

12 / 28 0 сэтгэгдэл 189 үзсэнe

“УБТЗ” ХНН-ийн дарга Х.ХЭРЛЭН: Монгол Улсын эдийн засгийн үзүүлэлтэд төмөр замын тээврийн салбар чухал үүрэгтэй. Тус салбарын хүндийг үүрч явдаг УБТЗ-ын 2023 оны ажлыг та товчхон дүгнэж ярина уу? 2023 он бол УБТЗ-ын хамт олны хувьд олон шинэ түүхэн дээд амжилтуудын жил байлаа. Манай нийгэмлэгийн ажлын гол үзүүлэлт болох тээвэрлэсэн нийт ачааны хэмжээ 74 жилийн түүхэндээ хамгийн их буюу 32,4 сая тонн болж, үүнийг дагаад орлого, ашиг маань ч түүхэн шинэ дээд амжилтад хүрсэн онцгой нэгэн жил байлаа. Мөн нэмж хэлэхэд нэг ээлжиндээ ачиж буулгасан ачааны хэмжээ, хилийн өртөөдөөр солилцсон галт тэрэгний тоо, манай улсаар дамжин өнгөрсөн галт тэрэгний тоо гээд олон үзүүлэлтээрээ түүхэндээ байгаагүй бахархам дээд амжилтуудыг тогтоож шинэ оноо угтлаа. Эдгээр ачаа тээврийн түүхэн шинэ дээд амжилтууд нь УБТЗ-ын хамт олны 24 цагийн тасралтгүй хөдөлмөр зүтгэл, хөлс хүчээр бүтсэн юм. Өөрөөр хэлбэл энэхүү түүхэн дээд амжилтын эзэд бол манай 16 мянган төмөр замчид гэдгийг тэмдэглэн хэлэхийг хүсч байна. Ийнхүү тээврийн чанарын үзүүлэлтүүд сайжирч, ашиг орлого нэмэгдсэнээр тус нийгэмлэгт техникийн шинэчлэлт хийх, төмөр замчдынхаа нийгмийн асуудлыг шийдэх боломж нөхцөл улам нэмэгдэнэ. Замын удирдлагын барьж байгаа гол бодлого бол нийгэмлэгийн тээврийн хэмжээг нэмэгдүүлэх, алдагдалгүй ашигтай болгож ашиг орлогоо нэмэгдүүлэх замаар төмөр замынхаа хөгжил, техникийн шинэчлэлд зориулахаас гадна төмөр замчдынхаа нийгмийн баталгааг хангахад хөрөнгө оруулалт хийх явдал юм. Ачаа тээврийн түүхэн шинэ дээд амжилт тогтооход хилийн боомтын галт тэрэг солилцоог нэмэгдүүлэхэд УБТЗ-ын удирдлагын зүгээс онцгой анхаарч ажилласны үр дүн гэж дүгнэж болох уу? Ачаа тээврийн түүхэн дээд амжилт тогтооход олон хүчин зүйл нөлөөлснийг сая би дурдаж ярилаа. Хөрш орнуудын хилийн боомтоор солилцох галт тэрэгний тоог нэмэгдүүлснээр УБТЗ-ын экспорт, импорт, дамжин өнгөрөх тээврийн хэмжээ өсч, тээврийн орлого нэмэгдэхийн сацуу улс орны эдийн засагт ч үр ашгаа өгнө. Тийм ч учраас УБТЗ-ын удирдлага галт тэрэг солилцоог нэмэгдүүлэхэд онцгой анхаарч ажилласан гэж дүгнэж болно. 2023 оны аравдугаар сард ОХУ-ын Эрхүү хотноо болсон хөрш орнуудын хилийн төмөр замуудын төлөөлөгчдийн зөвлөгөөнөөр Хятадын талтай Замын-Үүд өртөөний өргөн царигаар 15 буюу түүнээс дээш, нарийн царигаар 8 буюу түүнээс дээш, Оросын талтай Наушки өртөөгөөр 10 буюу түүнээс дээш галт тэргийг хоног тутам солилцож байхаар албан ёсоор тохирч, 7 жил гацсан галт тэрэг солилцоог үлэмж хэмжээгээр нэмэгдүүлж чадсан явдал нь Монгол Улсын Засгийн газрын “Боомтын сэргэлт”-ийн бодлогыг бодит ажил хэрэг болгоход томоохон түлхэц болсон. Мөн хөрш орнуудын хилийн өртөөдөөр солилцох галт тэрэгний тоог нэмэгдүүлснээр манай улсаар дамжин өнгөрөх чингэлгийн галт тэрэгний тоо эрс өслөө. Ази-Европыг холбосон худалдаа эдийн засгийн өндөр ач холбогдолтой манай гол замаар 2023 онд 3023 чингэлгийн галт тэрэг дамжин өнгөрсөн нь 2021 онд тогтоосон дээд амжилтаасаа 500 гаруй галт тэргээр илүү байна. Ийнхүү УБТЗ дамжин өнгөрөх транзит чингэлгийн галт тэрэгний тоог эрчимтэй нэмэгдүүлж байгаа нь олон улсын тээвэр логистикт Монгол Улсын оролцох оролцоог нэмэгдүүлж, уг тээврээс олох эдийн засгийн үр ашиг дээшилж байгаа юм. Өөрөөр хэлбэл энэхүү амжилт нь Монгол Улсын Ерөнхийлөгчийн “Транзит Монгол” болох зорилт амжилттай хэрэгжиж, бүс нутагтаа УБТЗ-ын нэр хүнд, байр суурь бэхжиж, өрсөлдөх чадвараа дээшлүүлж байгааг харуулж байна. Энэ онд “УБТЗ” ХНН-ийн хувь эзэмшигч талууд тус нийгэмлэгийн их өрийн асуудлыг шийдэж, дүрмийн санг нь нэмэгдүүлэхээр тохирсон. Энэ талаар та тодруулж ярьж өгнө үү? Тиймээ. Энэ бол УБТЗ-ын тулгамдсан шийдлээ олж чадахгүй байсан олон асуудлын нэг байсан. УБТЗ-ын суурь бүтэц, хөдлөх бүрэлдэхүүний паркийг шинэчлэх, дохиолол холбооны байгууламжийг сайжруулах зорилгоор 1993, 1995 онуудад Сангийн яамаар дамжуулж Япон улсаас нилээд их хэмжээний зээл авсан. Энэхүү зээл нь тус нийгэмлэгийн хөгжил шинэчлэлд тодорхой үр ашгаа өгсөн ч уг зээлийг эргэн төлөх санхүүгийн боломж УБТЗ-д байгаагүй. Мон-П1, Мон-П2 гэж нэрлэдэг энэхүү их хэмжээний зээлийн эргэн төлөлтийг манай Засгийн газар хариуцаж, улмаар энэ хэмжээгээр Оросын тал “УБТЗ” ХНН-ийн дүрмийн санг өсгөх саналыг ОХУ-ын Засгийн газарт тавиад байсан юм. Энэ асуудлыг шийдэж, УБТЗ-ын дүрмийн санг өсгөх хэлэлцээрт 2023 оны 6 дугаар сард Москва хотноо хувь нийлүүлэгч талууд гарын үсэг зурснаар УБТЗ-ын дүрмийн сан 167,4 тэрбум төгрөгөөр нэмэгдэж, тус нийгэмлэг өргүй болсон. Ийнхүү олон жил шийдлээ олж чадахгүй байсан их өрийн асуудлыг шийдсэнээр УБТЗ санхүүгийн дарамтаас чөлөөлөгдөж, техникийн шинэчлэлт хийх, томоохон хөрөнгө оруулалт босгох боломж нөхцөл өсч байна. УБТЗ-ын тээврийн тарифын алдагдлыг бууруулах нь тус нийгэмлэгийн тулгамдсан гол асуудал гэж дүгнэдэг. Энэ асуудалд та онцгой анхаарч ажилласан гэж дуулсан. Үр дүн нь ямар байна. УБТЗ нийтдээ 19 бүлгийн 21 төрлийн ачаа тээвэрлэдэг ч транзит болон экспортын зарим төрлийн ачаанаас бусад бүх ачааг олон жил алдагдалтай тээвэрлэж, жил бүр асар их хэмжээний алдагдал хүлээдэг байсан. Зөвхөн 2022 онд л гэхэд ачаа тээврээс 36,4 тэрбум, зорчигч тээврээс 64,3 тэрбум төгрөгийн алдагдал хүлээсэн. Энэ нь УБТЗ-ын санхүүгийн чадавхад олон жил сөрөг үр дагаврыг үзүүлж ирсэн. Сүүлийн хоёр жилийн дотор Монгол Улсын Засгийн газрын зөвшөөрлөөр холбогдох яамд болон “Шударга өрсөлдөөн, хэрэглэгчийн төлөө газар”-тай зөвшилцөж тарифыг шинэчилснээр 19 бүлгийн 21 төрлийн ачаанаас нефть, хүнс, орон нутгийн нүүрс гэсэн 3 төрлийн ачаанаас бусад ачаа тээврийн тариф алдагдалгүй болсон. Тээврийн тарифын алдагдлыг бууруулснаар УБТЗ-ын санхүүгийн чадавх сайжирч, техникийн шинэчлэлт хийх, үйлчилгээний чанараа сайжруулах, төмөр замчдынхаа нийгмийн баталгааг хангах зэрэг тулгамдсан асуудлууддаа хөрөнгө оруулалт хийх боломж нэмэгдэх юм. Тээврийн хэмжээ нэмэгдэхийн хирээр хөдлөх бүрэлдэхүүний хүрэлцээ, замын аюулгүй найдвартай байдал яригддаг. Сүүлийн жилүүдэд хөдлөх бүрэлдэхүүний парк шинэчлэл, замын их засвар хир хийгдэв. 2022 онд ковид цар тахал, тарифын алдагдлын улмаас УБТЗ-ын санхүүгийн байдал хүнд байсан ч өдөр бүр өсөн нэмэгдэж байгаа тээврийн хэрэгцээг хангахын тулд ОХУ-аас гол замын 3 шинэ зүтгүүр худалдан авч хөдлөх бүрэлдэхүүний парк шинэчлэлт хийсэн. Тэгвэл 2023 онд ОХУ, УБТЗ-ын дүрмийн санг нэмэгдүүлэх өөрийн талын хөрөнгө оруулалтад дүйцүүлж гол замын 5 зүтгүүр нийлүүлэхээр тохирсон. Ер нь сүүлийн жилүүдэд гол замын өндөр хүчин чадалтай 20 гаруй зүтгүүр худалдан авч парк шинэчлэлт хийгдсэн. Эдгээр зүтгүүрээр парк шинэчлэлт хийгдсэнээр өсөн нэмэгдэж байгаа төмөр замын тээврийн тасралтгүй найдвартай байдлыг хангах боломж нэмэгдсэн. Замынхаа нэвтрүүлэх хүчин чадлыг нэмэгдүүлэх ажлын хүрээнд өнгөрсөн онд Замын-Үүд 2 – Шаргын овоо хооронд 14,2 км хос зам барьж, Эмээлт, Цомог зөрлөгийн өргөтгөл шинэчлэлийн ажлыг хийсэн. Тэгвэл 2023 онд Дулаан-Ерөө хоорондын 11,7 км замд их засвар хийснээс гадна гол замын 72-р км-т болон 334-р км-т шинэ гүүр барьж тухайн хэсгийн нэвтрүүлэх чадварыг нэмэгдүүллээ. Мөн галт тэрэгний хөдөлгөөний аюулгүй байдлыг хангахын тулд гол замын 25-р км-т болон 379-р км-т, Дархан2 - Шарын гол хоорондын салбар замын 42 км-т автомашин нэвтрэх хонгилон гарцыг барьснаас гадна ус зайлуулах 5 төмөр бетон хоолойг томсгон шинэчилж, 7 төмөр бетон хоолойг шинээр барилаа. 2023 онд ЗТХЯ салбарынхаа харъяа байгууллагуудын ажил үйлчилгээг бүрэн цахимжсан жил болгох зорилт дэвшүүлсэн. Энэ зорилт УБТЗ-д хир хэрэгжиж байна вэ? УБТЗ-ын хувьд ачаа тээврийн үйлчилгээний цахим систем болон Зорчигч тээврийн үйлчилгээний цахим системийг улам боловсронгуй болгон хөгжүүлж үйлчлүүлэгчдийн хамрах хүрээг нэмэгдүүлэхэд онцгой анхааран ажиллаж байна. Энэхүү ажлын үр дүнд үйлчилгээний чанар хүртээмж дээшилж, ил тод нээлттэй байдал хангагдах юм. Өнөөдрийн байдлаар, ачаа тээврийн үйлчилгээний цахим системээр 560 гаруй байгууллага, аж ахуйн нэгж үйлчлүүлж байгаа бол зорчигчийн галт тэрэгний онлайн цахим тасалбар худалдаалалт 60 шахам хувьд хүрээд байна.УБТЗ-ын ажил үйлчилгээг бүрэн цахимжсан болгох ажлыг цаашид ч эрчимтэй үргэлжлүүлнэ. УБТЗ бол Монгол Улсын хамгийн том ажил олгогч байгууллага. 16 мянган хүнийг ажлын байраар хангаж, нийгмийн асуудлыг нь давхар шийдэж авч явна гэдэг амаргүй. Хүний нөөцийн бодлогыг шинэчлэх, төмөр замчдынхаа бодит орлогыг нэмэгдүүлэх талаар 2023 онд ямар ажил хийж хэрэгжүүлсэн талаараа ярина уу? 2023 онд Хүний нөөцийн оновчтой зөв бодлого боловсруулах, төмөр замчдынхаа нийгмийн баталгааг хангах асуудалд анхаарч хэд хэдэн шинэчлэлт өөрчлөлтийг хийж хэрэгжүүллээ. Үүний тодорхой жишээ бол цалин хөлсний системийн шинэчлэлийг боловсруулж хэрэгжүүлж эхэлсэн явдал юм. 2022 онд санхүүгийн нөхцөл байдал хүнд байсан ч төмөр замчдынхаа үндсэн цалинг дунджаар 11,2 хувиар нэмэгдүүлж, жилийн эцсийн үр дүнгийн шагналт цалинг нь 200 хувиар бодож олгосон. Харин 2023 онд нийт төмөр замчдынхаа сарын дундаж цалин хөлсийг дунджаар 15 хувиар нэмэгдүүллээ. Цалин хөлсний системийн шинэчлэлийг цаашид улам эрчимжүүлэх болно. Хүний нөөцийн бодлогын хүрээнд төмөр замчдынхаа хөдөлмөр зүтгэлийг үнэлэх, урамшуулж алдаршуулах, шагналын нэр хүнд, үнэ цэнийг өсгөх зорилгоор нийгэмлэгийн шагналын журамд 2016 оноос хойш 7 жил шахам хугацаанд өөрчлөлт ороогүй байсныг өөрчилж шинэчиллээ. Ингэхдээ нийгэмлэгийн бүх шагналыг дагалдаж олгодог мөнгөн шагналын хэмжээг 3 дахин нэмэгдүүлснээс гадна загвар өнгө үзэмжийг ч сайжруулж шинэчилсэн. Үүнээс гадна нийгэмлэгт тогтвортой хөдөлмөр эрхлэлтийг дэмжих зорилгоор шагналын шинэчилсэн журамд “УБТЗ-д тогтвор суурьшилтай ажилласны төлөө” шагналыг шинээр бий болгож, нийгэмлэгт 5-аас дээш жил ажилласан ажилтан бүрд 5 жил тутам 500.000-3.500.000 төгрөгийн мөнгөн урамшууллыг ажилласан жилээр тооцож олгохоор шийдвэрлэсэн.. Мөн “Говийн төмөр замчин” хөтөлбөрийг баталж, говийн бүсэд ажиллаж буй төмөр замчдаа тогтвор суурьшилтай ажиллуулах, тэдний цалин хөлс, орлогыг нэмэгдүүлэх, нийгмийн асуудлыг шийдвэрлэх зорилгоор сар бүр 50-200 мянган төгрөгийн нэмэгдлийг олгож байна. Уг хөтөлбөрт төмөр замчдынхаа нийгмийн баталгааг хангах талаар өөр олон заалтууд орсон. Цаашдаа төмөр замчдынхаа нийгмийн баталгааг хангах зорилгоор олон шинэлэг ажлыг хийж хэрэгжүүлэхээр төлөвлөж байна. Ковид цар тахлын улмаас хөрш орнуудын төмөр замуудын харилцаа хамтын ажиллагаанд хүндрэл үүссэн. 2023 онд харилцаа хамтын ажиллагаагаа сэргээх талаар ямар дэвшил өөрчлөлт гарсан бэ? “Хятадын төмөр замууд” корпорацын ерөнхий захирал анх удаа УБТЗ-ын даргыг албан ёсоор урьж Бээжин хотноо уулзсан нь хоёр орны төмөр замуудын хамтын ажиллагаанд хятадын тал өндөр ач холбогдол өгч, харилцаа хамтын ажиллагаагаа шинэ түвшинд хүргэхийг зорьж байгааг харуулсан үйл явдал болсон. Мөн ОХУ-ын Эрхүү хотноо Монгол Улс, ОХУ, БНХАУ-ын төмөр замуудын төлөөлөгчдийн болон Монгол-Хятад, Монгол-Оросын хилийн төмөр замын комиссын ээлжит зөвлөгөөнөөр талууд биечлэн уулзаж хуралдлаа. Энэхүү уулзалт зөвлөгөөн нь хөрш орнуудын төмөр замуудын хамтын ажиллагааг шинэ түвшинд гаргаж, экспорт импорт, дамжин өнгөрөх тээврийн хэмжээг өсгөх боломжийг улам нэмэгдүүлсэн чухал арга хэмжээ боллоо. -УБТЗ-ын Монгол Улсын хөгжилд оруулж байгаа хувь нэмрийг төр засаг, бизнес эрхлэгчид өндөр үнэлдэг. Энэ жил яаж үнэлсэн бэ? 2023 онд “УБТЗ” ХНН ачаа тээврийн түүхэн дээд амжилт тогтоож, нэг ээлжиндээ ачсан ачаа, хилийн өртөөгөөр солилцсон галт тэрэг, дамжин өнгөрсөн галт тэрэгний тоо, ашиг, орлогоороо 74 жилийн түүхэндээ байгаагүй шинэ дээд амжилт тогтоож, Монгол Улсынхаа нийгэм, эдийн засагт хувь нэмрээ орууллаа. Энэ жил Монгол Улсын Засгийн Газар, МҮХАҮТ-аас УБТЗ-ын Монгол Улсын хөгжилд оруулж байгаа хувь нэмрийг үнэлж “Монгол Улсын ТОП-10 төрийн өмчит аж ахуйн нэгж”-ийн 3-т эрэмбэлсэн. Мөн “УБТЗ” ХНН-ийн бүс нутгийн тээвэр логистикийн хөгжил, хамтын ажиллагаанд оруулж байгаа хувь нэмрийг үнэлж “Транс-Евразийн тээврийн олон улсын зохицуулах зөвлөл”-өөс “Евразийн тээврийн шилдэг байгууллага” өргөмжлөлөөр шагнасан. Энэ бүх амжилтыг УБТЗ-ын 16 мянган төмөр замчид хамтаараа бүтээснийг тэмдэглэн хэлэхийг хүсч байна. 2024 онд УБТЗ-ын хамт олон илүү өндөр амжилт гаргахын төлөө ажиллах болно. Монголынхоо ард түмэн, төмөр замчдадаа шинэ ондоо амжилт бүтээл дүүрэн, аз жаргал, эрүүл энх байхыг хүсэн ерөөе.

БАЯНГОЛ ДҮҮРГИЙН ЗДТГ, ЦАГДААГИЙН ГАЗАР ХАМТРАН “АЮУЛГҮЙ ГУДАМЖ-ХЯНАЛТ” 14 ХОНОГИЙН АЯНЫГ ЭХЛҮҮЛЛЭЭ

12 / 28 0 сэтгэгдэл 194 үзсэнe

Баянгол дүүргийн нутаг дэвсгэрт согтуугаар үйлдэгдэж буй гэмт хэрэг, зөрчлийг таслан зогсоох, урьдчилан сэргийлэх, иргэдийн аюулгүй орчинд амьдрах нөхцөлийг бүрдүүлэх, Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн хэрэгжилтийг хангах зорилгоор БГД-ийн Засаг даргын Тамгын газар, Цагдаагийн газрын 1, 2 дугаар хэлтэс, Замын цагдаагийн хэлтэс болон дүүргийн харьяа газрууд, 1-34 хорооны Засаг даргын Ажлын алба хамтран энэ сарын 28-ны өдрөөс эхлэн 14 хоногийн хугацаанд дүүргийн нутаг дэвсгэрт “АЮУЛГҮЙ ГУДАМЖ-ХЯНАЛТ” нэгдсэн арга хэмжээг зохион байгуулахаар боллоо. Энэхүү аяны нээлт өнөөдөр (2023.08.28) болсон бөгөөд нээлтийн арга хэмжээнд БГД-ийн Засаг даргын албан үүргийг түр орлон гүйцэтгэгч Д.Жаргалсүрэн, БГД-ийн Цагдаагийн газрын дарга, цагдаагийн хурандаа Н.Сумъяа, дүүргийн ЗДТГ-ын хэлтэс албад, харьяа газрын болон Хороодын Засаг дарга нар оролцлоо. Нээлтийн арга хэмжээний эхэнд дүүргийн Засаг даргын албан үүргийг түр орлон гүйцэтгэгч Д.Жаргалсүрэн “Баянгол дүүрэгт өнгөрсөн гурван жилийн хугацаанд хөрөнгө оруулалт бүтээн байгуулалтын олон ажил хийснээс гадна нийгмийн салбар руу чиглэсэн цөөнгүй ажил хийж хэрэгжүүлж мөн төлөвлөсөн байна. Эдгээр төлөвөлсөн ажлын нэг нь “АЮУЛГҮЙ ГУДАМЖ-ХЯНАЛТ” арга хэмжээ юм. Манай дүүргийн хувьд газар нутгийн хэмжээ бага ч байшин хороолол ихтэй хотын төвийн дүүрэг. Мөн хүн амын олонхыг залуус эзэлдэг бөгөөд дүүргийн нутаг дэвсгэрт томоохон зах худалдааны төвүүд олноор үйл ажиллагаа явуулдаг. Иймд бид хороод болон цагдаагийн байгууллагаас дүүрэгт тулгамдаж байгаа асуудлын талаар санал авсан. Тэгэхэд, нэгдүгээрт, хог, хоёрдугаарт гудамж, талбай, байр орон сууц, зах худалдааны төвүүдийн гадна архидан согтуурч байгаа иргэдийн тухай асуудлыг хөндсөн. Иймээс хичээлийн шинэ жилийг угтан “АЮУЛГҮЙ ГУДАМЖ-ХЯНАЛТ” арга хэмжээг өнөөдрөөс эхлүүлж байна. Архидан согтуурахтай тэмцэх нь ганц Цагдаагийн байгууллага, алба хаагчдын үүрэг биш. Архидан согтуурахтай тэмцэхэд бүгд хамтарч ажиллах ёстой. Иймд манай ЗДТГ-ын үндсэн хэлтсүүд, харьяа газрууд мөн дүүргийн Эрүүл мэндийн төв,1-34 хорооны Засаг дарга, ажлын алба хамтран өөр өөрсдийнхөө чиг үүргийн хүрээнд Цагдаагийн байгууллагатай хамтран энэхүү аянд идэвхтэй оролцоорой” гэсэн юм. “АЮУЛГҮЙ ГУДАМЖ-ХЯНАЛТ” арга хэмжээ нь гурван үе шаттай хэрэгжих бөгөөд үүнд: 1.ЦАГДААГИЙН БАЙГУУЛЛАГА: Ерөнхий боловсролын сургууль, цэцэрлэг болон ойр орчмын тэмдэг тэмдэглэгээ болон бүсийн телекамержуулалтыг шалгаж, зөрчлийг засуулах, мэдэгдэл шаардлага хүргүүлэх, Дүүргийн нутаг дэвсгэрт гэмт хэрэг, зөрчил үйлдэгддэг эмзэг цэг, уулзвар гудамжинд ЗЦХ-ийн алба хаагчдын хамт хамтарсан шалгалт хийх, Согтууруулах ундаагаар үйлчилдэг газруудын орчим гэмт хэрэг зөрчил гарахаас урьдчилан сэргийлж эргүүл ажиллуулах, Тэнэмэл байдлаар амьдардаг, ахуйн хүрээнд байнга архидан согтуурдаг, архины хамааралтай хүнийг архины албадан эмчилгээнд хамруулах, 2. ДҮҮРГИЙН ЗДТГ БОЛОН ХОРООДЫН АЖЛЫН АЛБА: Дүүргийн нутаг дэвсгэрт гэмт хэрэг, зөрчлөөс урьдчилан сэргийлэх нэгдсэн эргүүл зохион байгуулах, Согтуурч мансуурсны улмаас өөртөө болон бусдад аюул учруулах эрсдэлтэй байдалд орсон хүнийг албадан эмчлүүлэх тухай хүсэлтийг согтуурах, мансууруулах донтой хүнийг холбогдох хуулийн хүрээнд албадан эмчилгээнд хамруулах, 3. ДҮҮРГИЙН ЭРҮҮЛ МЭНДИЙН ТӨВ: Архины албадан эмчилгээнд хамрагдах хүмүүсийн эрүүл мэндийн үзлэгийг зохион байгуулах юм.

ҮНДЭСНИЙ ИХ БАЯР НААДМЫН ҮЕЭР ХУДАЛДАА, ҮЙЛЧИЛГЭЭ ЭРХЛЭХ ХҮСЭЛТИЙГ ЦАХИМААР АВНА

12 / 28 0 сэтгэгдэл 143 үзсэнe

Үндэсний их баяр наадмын үеэр Баянзүрх, Хан-Уул, Чингэлтэй дүүрэгт үйл ажиллагаа явуулдаг иргэн, хуулийн этгээд Төв цэнгэлдэх хүрээлэнд, Баянгол, Сонгинохайрхан, Сүхбаатар дүүрэгт үйл ажиллагаа явуулдаг иргэн, хуулийн этгээд Хүй долоон худагт, "Монгол наадам цогцолбор" ОНӨТҮГ-аас Хүй долоон худгийн Соёл урлагийн талбайд гар урлал, бэлэг дурсгал, соёлын барааны худалдаа, хөдөлгөөнт тоглоомын үйлчилгээ эрхлэх хүсэлтийг https://service.ulaanbaatar.mn/home цахим бүртгэлийн системээр өнөөдрөөс буюу 2023 оны 6 дугаар сарын 28-ны өдрийн 08:00 цагаас 6 дугаар сарын 30-ны өдрийн 17:00 цаг хүртэл хүлээн авна. Тодруулбал, Баянгол дүүрэгт үйл ажиллагаа явуулдаг хуулийн этгээд Хүй долоон худагт, Монгол наадам цогцолбор ОНӨТҮГ-аас Хүй долоон худгийн Соёл урлагийн талбайд гар урлал, бэлэг дурсгал, соёлын барааны худалдаа, хөдөлгөөнт тоглоомын үйлчилгээ эрхлэх хүсэлтээ https://service.ulaanbaatar.mn/home цахим бүртгэлийн системээр бүртгүүлэх юм. Үүнд: 1. Хоол үйлдвэрлэл, үйлчилгээ эрхлэх хүсэлт гаргахад хоол үйлдвэрлэл, үйлчилгээний чиглэлээр тухайн дүүрэгт тогтвортой үйл ажиллагаа явуулдаг, стандартын шаардлага хангасан гал тогоо, тоног төхөөрөмж, багаж хэрэгсэл, мэргэжлийн ажиллагсад бүхий хуулийн этгээд байх шаардлага тавина.БҮРДҮҮЛЭХ МАТЕРИАЛЫН ЖАГСААЛТ: - Хоол үйлдвэрлэл, үйлчилгээ эрхлэх Бүртгэлийн хуудас; - Хүнсний чиглэлийн үйл ажиллагаа эрхлэгчийн мэдээллийн бүртгэлийн хуудас; /igov.mn/ - Тогоочийн мэргэжлийн үнэмлэх; - Тогооч болон ажилтнуудын эрүүл мэндийн урьдчилан сэргийлэх үзлэг шинжилгээнд хамрагдсан дэвтэр (сүүлийн 6 сард шинжилгээнд хамрагдсан байх). 2.Худалдаа эрхлэх чиглэлээр хүсэлт гаргахад худалдаа, үйлчилгээ (хүнсний худалдаа, гар урлал, бэлэг дурсгал, үндэсний хувцас, малгай, хүүхдийн тоглоомын худалдаа, бусад) чиглэлээр тухайн дүүрэгт үйл ажиллагаа явуулдаг иргэн, хуулийн этгээд байх шаардлага тавина.БҮРДҮҮЛЭХ МАТЕРИАЛЫН ЖАГСААЛТ: - Хүнсний худалдаа эрхлэх бол хүнсний чиглэлийн үйл ажиллагаа эрхлэгчийн мэдээллийн сангийн бүртгэлийн хуудас /igov.mn/, ажилтнуудын эрүүл мэндийн урьдчилан сэргийлэх үзлэг шинжилгээнд хамрагдсан дэвтэр (сүүлийн 6 сард шинжилгээнд хамрагдсан байх); - Худалдаалах бараа бүтээгдэхүүний нэр төрөл, зураг. 3. Хүй долоон худгийн Соёл урлагийн талбайд гар урлал, бэлэг дурсгал, соёлын барааны худалдаа, хөдөлгөөнт тоглоомын үйлчилгээ эрхлэх чиглэлээр хүсэлт гаргахад нийслэлийн нутаг дэвсгэрт тухайн чиглэлээр үйл ажиллагаа явуулдаг иргэн, хуулийн этгээд байх шаардлага тавина.БҮРДҮҮЛЭХ МАТЕРИАЛЫН ЖАГСААЛТ: - Худалдаалах бараа бүтээгдэхүүн, хөдөлгөөнт тоглоомын танилцуулга, зураг.

ГАВЬЯАТ ЭДИЙН ЗАСАГЧ Б.ШҮХЭРТИЙН ХҮҮХДҮҮД ТӨРӨӨС ЗЭЭЛ АВЧ ИНГЭЖ “ЗАВШЧЭЭ” !!!

12 / 26 0 сэтгэгдэл 535 үзсэнe

Банкир Б.Шүхэрт нь гэр бүл буюу үр хүүхдүүдийнхээ хамт хэд хэдэн хувийн компанитай.. “Нүүдэлчин групп” ХХК нь уул уурхайн салбарт “Мондулаан трейд” ХХК, “Уул уурхайн үндэсний олборлогч” ХХК”, “Нүүдэлчин айрон ресорс” ХХК, хүнсний үйлдвэрлэлийн салбарт “Эрдэнэт Фүүдс” ХХК, хөдөө аж ахуйн салбарт “Хишигтэн нүүдэлчин” ХХК-ийг үүсгэн байгуулж зургаан охин, нэг хараат компанитай. “Мондулаан Трейд” ХХК-ийн толгой компани болох “Нүүдэлчин групп”-ийн Төлөөлөн удирдах зөвлөлийн Ерөнхий дарга нь Шүхэртийн Жаргал, гишүүд нь Гавьяат эдийн засагч, банкир Б.Шүхэрт, түүний хүүхэд Шүхэртийн Бүтэд, Шүхэртийн Батнасан, Шүхэртийн Лхамсүрэн /Барилга хот байгуулалтын дэд сайд байсан/ нар байдаг. Гавьяат эдийн засагч Б.Шүхэрт өөрийн хүүхдүүдтэйгээ хамтарч байгуулсан гэр бүлийн компаниуд нь өнгөрсөн онд Гурилын үнэ тогтворжуулах хөтөлбөрөөс болон төрөөс авч болох өөр бусад зээл тусламжийг тултал авч байсан ч эргэн төлөөгүй аж ! Хөгжлийн банкны чанаргүй зээлдэгч компаниуд дунд "Мон дулаан трейд" багтсан бөгөөд МАН-ын гишүүн, уяач, Барилга хот байгуулалтын дэд сайд асан Ш.Лхамсүрэнгийн хамааралтай. Тус компани нь Төв аймгийн Заамар сумын нутаг дахь Зүүншандын амны алтны шороон ордыг ашиглах төсөл нэрээр 16 тэрбумын зээлийг 2018 оны аравдугаар сард авчээ. Хөгжлийн банк “Цуурай эх” компаний данс руу 9.9, Мон дулаан трейд компаний өөрийн данс руу 5.1 тэрбумыг шилжүүлжээ. Харин өнөөдрийн байдлаар тус компани 3.4 тэрбумын зээлээ л төлж барагдуулсан ба Хөгжлийн банкинд 19.4 тэрбумын өртэй. Шинжээчийн шалгалтаар “Мон дулаан трейд” компаний хувьцаа эзэмшигчээр "Нүүдэлчин групп", Ц.Баярсайхан, Ш.Мөнхнаст, М.Нямбаатар нар байгаа бөгөөд хамгийн их хувьцааг эзэмшиж буй “Нүүдэлчин групп” ХХК нь Монгол Улсын гавьяат эдийн засагч Балжиннямын Шүхэртийн үүсгэн байгуулсан компани. Харин Б.Шүхэрт нь Дэд сайд Ш.Лхамсүрэнгийн төрсөн аав юм. Аав хүү хоёр Хөгжлийн банкнаас авсан зээлийнхээ дийлэнх буюу 1.1 тэрбумаар Голомт банк дахь зээлээ хаасан бол 9.9 тэрбумыг шилжүүлэн авсан “Цуурайн эх” компани нь 6.6 тэрбумыг бэлнээр данснаасаа гаргаж, үлдсэн 3.3 тэрбумыг буцаагаад “Мон дулаан трейд” рүү шилжүүлжээ. Харин бэлнээр гаргасан 6.6 тэрбумаас 4.1 тэрбумыг нь Шүхэртийн охин Ш.Бүтэд өөрийнхөө компани болох “Нью Стандарт финанс” компани руугаа шилжүүлж авчээ. Өөрийнхөө компани руу шилжүүлэн авсан мөнгөнөөсөө өөрийнхөө хувьцаа эзэмшдэг “Чингис хаан” банк руу дүрмийн сан нэрийдлээр нэг тэрбумыг шилжүүлэхээс гадна төрсөн дүү Ш.Лхамсүрэн болон түүний төрсөн хүүгийн нэр дээрх зээлийн хүүг төлжээ. Энэ мэтээр ах дүү нарын үүсгэн байгуулсан компанийн сүлжээ алтны орд ашиглах, хайгуул хийх нэрийдлээр авсан Хөгжлийн банкны зээлээр өрөө дарж, зээлээ төлж, хувьцааныхаа дүрмийн санг нэмэгдүүлэн “Найрлаж” дуусгажээ. Хамгийн сонирхолтой нь ах дүүгийн группын шунал зөвхөн Хөгжлийн банкаар дуусаагүй. Тэд аавынхаа нэрээр байгуулсан “Нүүдэлчин групп”-ээр дамжуулан төрийн зээл олгох бүх л нүв сүвийг ашиглаж байсан бөгөөд ЖДҮХС-гаас мөн зээл авч байжээ. Ш.Лхамсүрэнгийн хувьцаа эзэмшдэг, тус группын охин компани болох “Дархан мах корпорац” компаниараа дамжуулан 950 сая төгрөгийн зээл авч байсан бол мөн Нүүдэлчин группын охин компани болох “Эрдэнэт фүүдс” ХХК нь Гурилын үнэ тогтворжуулах хөтөлбөрөөс зургаан тэрбумыг зээлж авсан аж.Энэ бүх зээлийг Б.Шүхэрт нь өөрийн хүү Ш.Лхамсүрэн, охин Ш.Бүтэд, тэдний дүү нар болох Ш.Жаргал, Ш.Батнасан тэднийг тойрон хүрээлэгч буюу Ц.Баярсайхан, Д.Батаа нартай хамтран хийдэг байжээ. 10-Н НАСТАЙ ХҮҮГ АВТОМАШИНААРАА ДАЙРЧИХААД БУУЖ ИРЖ ӨШИГЛӨЖ БУЙ “АДГУУС” БОЛ ТӨРӨӨС БҮХ ТӨРЛИЙН ЗЭЭЛ АВЧ “ЗУСАЛДАГ” ЭРХЭМ БАЙСАН УУ ? ! 2012 оны дөрөвдүгээр 23-ны өглөө 11 цаг 57 минутад 25 дугаар эмийн сангийн урд замд 10 настай хүү автын осолд орсон. Хэргийг 0966-УНИ улсын дугаартай Ланд круйзер-105 маркын машин жолоодож явсан 40 гаруй насны эр үйлдсэн. Жолооч 70 хувийн согтолттой хажуудаа гурван согтуу бүсгүй суулгаж явахдаа явган хүний гарцаар гарч явсан хүүг мөргөн 23 метр зайд чирч амь насыг нь хохироосон байдаг. Уг жолоочийг Ш.Алтанхуяг гэдэг. Мөн “Мон дулаан трейд” компанийн охин компани болох “Хишигтэн нүүдэлчин” компанийн гүйцэтгэх захирал. Осол гарах үед машинаас нэгэн согтуу хүн гарч ирэн, газар хэвтэж байгаа хүүхдийг өшиглөсөн байдаг. Дашрамд мэдээлэхэд : Ш.Алтанхуяг нь төрсөн эгчийнхээ 10 гаруй настай охиныг онц хэрцгийгээр амийг нь хороосон ба үүндээ ч ял шийтгэл авч хоригдож байсан гэх мэдээлэл бий. Үндсэндээ хоёр хүүхдийн амийг хороосон эрхэм төрөөс зээл тусламж авч түүнийгээ ч төлж барагдуулдаггүй эрхэм байсан аж...

ҮНДСЭН ХУУЛЬ ЗӨРЧИЖ, ҮНДЭСНИЙ АЮУЛГҮЙ БАЙДАЛД ЗАНАЛХИЙЛСЭН ӨМНӨГОВИЙН ДАРГА НАРЫГ ШҮҮХ ЦАГДАН ХОРИХ ШААРДЛАГАГҮЙ ГЭЖ ҮЗЭВ !

12 / 26 1 сэтгэгдэл 409 үзсэнe

Нийслэлийн прокурорын газраас Эрүүгийн хуулийн тусгай ангийн 22.1 дүгээр зүйлийн 2 дахь хэсэгт /Эрх мэдэл, албан тушаалын байдлаа урвуулан ашиглах/, заасан гэмт хэрэгт холбогдуулан яллагдагчаар татагдсан Ш.Эрдэнэжаргал, Х.Нэхийт нарт урьд авсан хязгаарлалт тогтоох таслан сэргийлэх арга хэмжээг өөрчлөн цагдан хорих таслан сэргийлэх арга хэмжээ авхуулах тухай саналыг Сүхбаатар дүүргийн Эрүүгийн хэргийн анхан шатны шүүхэд ирүүлснийг тус шүүх 2023 оны 12 дугаар сарын 25-ны өдөр хянан хэлэлцэж, Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.3-д заасан буюу “гэмт хэрэг үйлдэж болзошгүй талаар үндэслэл бүхий баримт, мэдээлэл байгаа” гэх үндэслэл тогтоогдохгүй байх тул прокурорын саналыг хүлээн авахаас татгалзаж шийдвэрлэв. БАЯНЗҮРХ, СҮХБААТАР, ЧИНГЭЛТЭЙ ДҮҮРГИЙН ЭРҮҮГИЙН ХЭРГИЙН АНХАН ШАТНЫ ШҮҮХИЙН ТАМГЫН ГАЗАР

ЯЛЛАГДАГЧ Б.БАДРААД ЦАГДАН ХОРИХ ТАСЛАН СЭРГИЙЛЭХ АРГА ХЭМЖЭЭ АВСАН ТУХАЙ

12 / 26 1 сэтгэгдэл 533 үзсэнe

Нийслэлийн прокурорын газраас Эрүүгийн хуулийн тусгай ангийн 22.1 дүгээр зүйлийн 2 дахь хэсэг /Эрх мэдэл, албан тушаалын байдлаа урвуулан ашиглах/, мөн хуулийн 18.6 дугаар зүйлийн 2 дахь хэсгийн 2.2-т /Мөнгө угаах/ заасан гэмт хэрэгт холбогдуулан яллагдагчаар татагдсан Б.Бадраад урьд авсан хувийн баталгаа гаргах таслан сэргийлэх арга хэмжээг өөрчлөн цагдан хорих таслан сэргийлэх арга хэмжээ авхуулах тухай саналыг Сүхбаатар дүүргийн Эрүүгийн хэргийн анхан шатны шүүхэд ирүүлсэн. Тус шүүх прокурорын саналыг 2023 оны 12 дугаар сарын 25-ны өдөр хянан хэлэлцэж, яллагдагч Б.Бадраад урьд авсан хувийн баталгаа гаргах таслан сэргийлэх арга хэмжээг өөрчлөн Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1.1, 1.3-д заасан үндэслэлээр Монгол Улсын хилээр орж ирсэн даруйд цагдан хорих таслан сэргийлэх арга хэмжээ авч шийдвэрлэлээ. БАЯНЗҮРХ, СҮХБААТАР, ЧИНГЭЛТЭЙ ДҮҮРГИЙН ЭРҮҮГИЙН ХЭРГИЙН АНХАН ШАТНЫ ШҮҮХИЙН ТАМГЫН ГАЗАР

“CHRISTMAS SALE” ХЯМДРАЛТАЙ ХУДАЛДАА BSB-Д

12 / 21 0 сэтгэгдэл 189 үзсэнe

ХАМГИЙН ТОМ ЭЛЕКТРОН БАРАА, КОМПЬЮТЕР, ГАР УТАСНЫ ДЭЛГ ҮҮ Р БОЛОХ BSB- ГИЙН Б Ү Х САЛБАР ДЭЛГ ҮҮ Р ҮҮ Д 12-Р САРЫН 22-НООС 25-НЫГ ДУУСТАЛ ЕРД ӨӨ 4- Х Ө Н Ө Д Ө Р CHRISTMAS SALE ЗАРЛАЖ Б Ү Х БАРАА - ГАА НЭМЖ 10% ХЯМДРУУЛЖ БАЙНА . ӨӨ Р ӨӨ Р ХЭЛБЭЛ, BSB-Д ХУДАЛДААЛАГДАЖ БАЙГАА Б Ү Х ЭЛЕКТРОН БАРАА , КОМПЬЮТЕР , ГАР УТАСНУУД ОДОО М Ө РД Ө ГД Ө Ж БАЙГАА ШИНЭ ЖИЛИЙН БАЯРЫН ХУДАЛДААНЫ БЭЛЭГ, УРАМШУУЛАЛ ДЭЭРЭЭ НЭМЭЭД 10% ХЯМДАРЧ БАЙНА! М Ө Н ТА Х Ү ССЭН БАРААГАА ХЯМДРАЛТАЙ Ү НЭЭР НЬ УРЬДЧИЛГАА Т Ө ЛБ Ө РГ Ү Й , ХАМГИЙН БАГА 1,8%-ИЙН Х ҮҮ ТЭЙ ЛИЗИНГЭЭР ГАЗАР ДЭЭР НЬ ЕРД ӨӨ 10- ХАН МИНУТАНД ШУУД ГАРГУУЛААД АВАХ БОЛОМЖТОЙ. BSB-ГИЙН Б Ү Х САЛБАР ДЭЛГ ҮҮ Р ҮҮ Д 12- Р С АРЫН 22, 23, 24-НИЙ БААСАН, БЯМБА, НЯМ ГАРАГУУДАД ОРОЙН 11:00 ЦАГ Х Ү РТЭЛ УРТАСГАСАН ЦАГААР АЖИЛЛАХ ТУЛ ТА ӨӨ РИЙН АЖЛАА АМЖУУЛЧААД, ЗАМЫН Т Ү ГЖРЭЛД САНАА ЗОВОЛГ Ү ЙГЭЭР BSB- ГИЙН АЛЬ НЭГ САЛБАРААР ЗОЧИЛЖ CHRISTMAS SALE-Д АМЖИЖ ОРОЛЦООРОЙ. CHRISTMAS SALE ХЯМДРАЛТАЙ ХУДАЛДАА НЬ ДАРХАН, ЭРДЭНЭТ, ДАЛАНЗАДГАД ХОТУУД ДАХЬ BSB-ГИЙН САЛБАР ДЭЛГ ҮҮ Р ҮҮ ДЭД М Ө Н АДИЛ ЯВАГДАЖ БАЙНА . ЭЛЕКТРОН БАРАА Ү ЗЭХ : КОМПЬЮТЕРЫН БАРАА Ү ЗЭХ : ГАР УТАС Ү ЗЭХ : САЛБАР ДЭЛГ ҮҮ Р ҮҮ ДИЙН ХАЯГ БАЙРШИЛ ХАРАХ : ХАРИЛЦАХ УТАС: 7722-0272 “CHRISTMAS SALE 10%” З Ө ВХ Ө Н BSB- Д

ГАЛ ТҮЙМЭРТ НИЙТ 7 ИРГЭН АМЬ НАСАА АЛДСАНААС 4 ХҮҮХЭД БАЙНА

12 / 19 0 сэтгэгдэл 152 үзсэнe

Нийслэлийн Хан-Уул дүүргийн 3 дугаар хороо 10 давхрын барилгын 4 давхарт гал гарч байна гэсэн дуудлага өнөөдөр буюу 19-ний өдрийн 07:02 цагт НОБГ-т ирсэн. Дуудлагын дагуу НОБГ-ын ХУД-ийн Онцгой байдлын хэлтсийн Гал түймэр унтраах, аврах 14, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид ажиллаж, 08:12 цагт галын тархалтыг зогсоож, бүрэн унтраахаар ажиллаж байна. Гал түймэрт нийт 7 иргэн амь насаа алдсан бөгөөд үүний 4 нь хүүхэд байна. Түймрийн голомтод ОБЕГ-ын Гал түймэртэй тэмцэх газрын дарга, хурандаа Ц.Нямбаяр удирдлага, зохион байгуулалтаар ханган ажиллаж байгаа юм гэж Онцгой байдлын ерөнхий газраас мэдээллээ.