БНХАУ-ЫН ИРГЭН BRANDON SHANE-ЫГ 100 МЯНГАН ТӨГРӨГӨӨР ТОРГОЛОО

07 / 08 0 сэтгэгдэл 215 үзсэнe

Гадаад улсын иргэн Brandon Shane O,NEAL Сүхбаатарын талбайн гол хэсэгт зогсоод “Би Монголд ирээд байна, энэ залууг харахын тулд” гэж Чингис хааны хөшөө рүү зааж, “Чи өвөг дээдэст минь яаж хандаж байсан шиг би одоо үр хойчид чинь тэгж хандах болно” гэж хэлээд, инээж буй бичлэг өнгөрсөн долоо хоногт нийгмийн сүлжээнд цацагдсан. Уг бичлэгтэй холбогдуулан цагдаагийн байгууллагаас зөрчлийн хэрэг нээн шалгаж эхэлсэн тухай мэдээлж байв. Өнөөдөр Сүхбаатар дүүргийн Эрүүгийн хэргийн анхан шатны шүүхэд зөрчлийн хэргээр шүүх хуралдаан болж 100 000 төгрөгийн торгуулийн шийтгэл оногдуулжээ. Зөрчлийн тухай хуулиас: 5.2 дугаар зүйл.Танхайрах 1.Олон нийтийн газарт, эсхүл орон байранд: 1.1.хэрүүл маргаан үүсгэж; 1.2.бусдыг өдөөн хатгаж; 1.3.бусдын амгалан тайван байдал алдагдуулж; 1.4.олон нийтийг үл хүндэтгэж; 1.5.үйлчилгээний болон дарааллын журам зөрчиж биеэ авч явах нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний 100,000 төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна.

Л.ОЮУН-ЭРДЭНЭ: ХАМТАРСАН ЗАСГИЙН ГАЗАР БАЙГУУЛАХ ЗӨВШИЛЦӨХ САНАЛАА АН, ХҮН НАМД ТАВЬСАН

07 / 05 0 сэтгэгдэл 263 үзсэнe

УИХ-ын 2024.07.05-ны өдрийн чуулганы үдээс хойших хуралдаанаар Монгол Улсын Ерөнхий сайдыг томилох асуудлыг хэлэлцэж буй бөгөөд үүнтэй холбогдуулан УИХ-ын гишүүд асуулт асууж, хариулт авлаа. УИХ-ын гишүүн, АН-ын гишүүн Б.Жаргалан: МАН энэ удаагийн парламентад 68 суудал авч олонх болсон. Өөрөөр хэлбэл Үндсэн хуулиар олгогдсон эрхийн дагуу МАН бие даан засаглах боломжтой болсон байгаа. Өчигдөр МАН-ын даргын гарын үсэгтэй Хөгжлийн тулгамдсан асуудлыг шийдвэрлэх тухай гэсэн гарчигтай зөвшилцөлд урьж байна гэсэн албан бичиг АН-д ирсэн. Тиймээс Ерөнхий сайдад нэр дэвшиж байгаа УИХ-ын гишүүн Л.Оюун-Эрдэнээс аль аль намд зөвшилцөлд хүрэх тухай бичиг явуулсан талаар болон яагаад бие даан ЗГ байгуулах эрхээсээ татгалзаж байгаа тухай асууя. УИХ-ын гишүүн, МАН-ын дарга Л.Оюун-Эрдэнэ: Нэгэнтээ бид тогтолцооны өөрчлөлтийг хийчихсэн учраас заавал шийдвэрлэх ёстой тулгамдсан асуудал бий. Тухайлбал, бид өнгөрсөн 30 жилийн турш эрчим хүчний үнийг чөлөөлж, либералчлах тухай ярьсан. Гэтэл эрчим хүчний үйлдвэрийн үнэ, хэрэглээний үнээс хэд дахин бага байдаг. Эрчим хүчний салбарт хөрөнгө оруулалт хийх ямар ч боломжгүй, Дөрөвдүгээр цахилгаан станц, станцын шугамууд шийдэгдэхгүй 30 гаран жил болсон. Тиймээс энэ мэт олон асуудлыг шийдвэрлэхийн тулд бид зөвшилцөх шаардлагатай байгаа гэдэг утгаараа ХҮН нам, АН хоёрт саналаа тавьсан байгаа.

Г.ЗАНДАНШАТАРЫГ ЕТГ-ЫН ДАРГААР ТОМИЛЖЭЭ

07 / 03 0 сэтгэгдэл 318 үзсэнe

Монгол Улсын Ерөнхийлөгч У.Хүрэлсүх ШХАБ-ын дээд хэмжээний уулзалтад оролцохоор мордсон билээ. Тэрбээр явахаасаа өмнө ЕТГ-ын даргаар УИХ-ын дарга асан Г.Занданшатарыг томилсон байна. Тодруулбал, Өмнө нь ЕТГ-ын даргаар ажиллаж байсан Я.Содбаатарыг МАН-ын Ерөнхий нарийн бичгийн даргын үүрэг гүйцэтгэгчээр МАН-ын Удирдах зөвлөлөөс томилсон юм. Г . Занданшатар товч намтараас : 1977-1987 онд Баянхонгор аймгийн Өлзийт сумын дунд сургууль, нийслэлийн Ерөнхий боловсролын 77 дугаар дунд сургуульд суралцаж төгссөн. 1987-1992 онд ОХУ-ын Эрхүүгийн Улс ардын аж ахуйн дээд сургуульд суралцаж, Санхүү-эдийн засагч мэргэжил эзэмшсэн. АНУ, БНЭУ, БНСУ, Швед, Голланд зэрэг улсуудад банк, санхүү, бизнесийн удирдлагын чиглэлээр сургалт дүүргэсэн. Эдийн засгийн ухааны магистр. 1992-1995 онд Зах зээлийн коллеж буюу одоогийн Худалдаа, үйлдвэрлэлийн дээд сургуульд багш, судлаач, 1995-1998 онд Хөдөө аж ахуйн банкинд эдийн засагч, хэлтэс, газрын захирал, 1998-2000 онд Монголбанкны Сургалтын төвийн менежер, Хөдөө аж ахуйн банкинд Монголбанкны бүрэн эрхт төлөөлөгч, 2000-2003 онд Хаан банкны дэд захирал, 2003-2004 онд Монгол Улсын Хүнс, хөдөө аж ахуйн дэд сайд, 2004-2012 онд Монгол Улсын Их Хурлын гишүүн, 2009-2012 онд Монгол Улсын Гадаад харилцааны сайд, 2012-2013 онд Монгол Ардын намын Ерөнхий нарийн бичгийн дарга, 2013-2015 онд АНУ-ын Стэнфордын их сургуулийн Хөгжил, ардчилал, хуулийн засаглалын хүрээлэнд судлаач, 2016-2024 онд Монгол Улсын Их Хурлын гишүүн, 2017-2019 онд Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга, 2019-2024 онд Монгол Улсын Их Хурлын даргаар ажиллаж байсан юм.

ГЭР ШАТСАНЫ УЛМААС 2 НАСТАЙ ХҮҮХЭД НАС БАРЖ, 31 НАСТАЙ ЭРЭГТЭЙ ЭМНЭЛЭГТ ХҮРГЭГДЖЭЭ

07 / 03 0 сэтгэгдэл 313 үзсэнe

Хэнтий аймгийн Хэрлэн сумын Сариг 5 дугаар багийн Тариаланчдын 17Б гудамжинд өнгөрсөн шөнө гэр шатаж, 1 хүүхэд амиа алдан, 1 хүн түлэгдлээ. Энэ тухай дуудлагыг онцгой байдлынхан 7-р сарын 3-ны 00:09 цагт хүлээн авсан байна. Тус аймгийн Онцгой байдлын газрын Гал түймэр унтраах, аврах 32 дугаар ангийн албан хаагчдыг 00:12 цагт очиход, иргэн Б-ын 4 ханатай гэр бүрэн шатаж байсан аж. Уг гал түймэрт 31 настай, эрэгтэй түлэгджээ. Түүний биеийн байдал хүнд, 3 дугаар зэргийн түлэгдэлтэй байсан тул аймгийн Нэгдсэн эмнэлэгт хүргэсэн байна. Эл түймэрт 2 настай охин өртөж, нас барсан байна.

УИХ-ЫН ДАРГААР Д.АМАРБАЯСГАЛАНГ СОНГОСНООР АНХДУГААР ЧУУЛГАН ТҮР ЗАВСАРЛАЛАА

07 / 02 0 сэтгэгдэл 216 үзсэнe

УИХ-ын даргаар Д.Амарбаясгалангаар сонгох тогтоолыг 121 гишүүний саналаар баталснаар анхдугаар чуулган түр завсарлалаа. Үдээс хойш хуралдаан үргэлжлэх юм. Харин тогтоолын төсөлд холбогдуулан УИХ-ын нэг гишүүн санал хэлсэн нь Х.Тэмүүжин байв. Тэрбээр "Ямар ч хэлэлцүүлэггүй гар өргөх дэг хийсэн байна. Шинээр бүрэлдэж буй парламент өмнөх жаягаас өөрөөр шийдэх эрх чөлөөтэй байх ёстой. Үүнийг бодно биз. Таван зүйл хэлэхийг хүсэж байсан юм. УИХ-ын дарга парламентат ёсыг бэхжүүлэх Үндсэн хуулийн гол багана. Мөртлөө ҮАБЗ-д орж, парламентаас гадуур эрх мэдэл эдэлдгийг зогсоох ёстой. ҮАБЗ Ерөнхийлөгчөөр удирдуулж, парламентаас төлөөлөл орох бол ХЗБХ, АБГБХ-ны гишүүн орох нь зөв. Хоёрт, тусгай хяналтын дэд хорооны чиг үүргийг сайжруулахгүй бол гүйцэтгэх ажил гадаад бодлогын асуудал шиг гадуур өнгөрдөг болсон байна. Тийм учраас энэ удаагийн УИХ үнэхээр хүний эрхийн асуудалд анхаарна гэвэл иргэний хамгааллын энэ асуудлыг дотоод хяналт руу шилжүүлээсэй. Ямар ч парламент гүйцэтгэх эрх мэдэлтэйгээ холилдож суудаггүй. Төрийн ордноос Засгийн газраа гаргана гэдэгт итгэж байна. Эвслийн Засгийн газар байгуулна гэж ярьж байна. Ингэвэл парламент суларна. Одоо хяналтаа сайжруулъя. Ямар ч тохиолдолд аудит, ХЭҮК зэрэг байгууллага хяналтаа хараат бусаар тавьдаг байя. Мөн авлигатай тэмцэх ёсыг парламентаас эхлүүлэх ёстой. Парламент авлигаас ангид байх зарчмыг үлгэрлэнэ гэдэгт итгэж байна" гэлээ.

НААДМААР ҮНЭ ТӨЛБӨРГҮЙ ҮЙЛЧЛЭХ НИЙТИЙН ТЭЭВРИЙН МАРШРУТ

07 / 02 0 сэтгэгдэл 385 үзсэнe

Үндэсний их баяр наадмын өдрүүд буюу долоодугаар сарын 10-13 хүртэл Төв цэнгэлдэх хүрээлэн, Хүй долоо худаг хүртэл 15 их багтаамжийн автобус үнэ төлбөргүй үйлчнэ.

ХАР ТАМХИНЫ ХЭРГЭЭР ЭРЭН СУРВАЛЖЛАГДАЖ БАЙСАН МУ-ЫН ИРГЭН У-Г КИРГИЗ УЛСАД БАРИВЧИЛЖЭЭ

07 / 02 0 сэтгэгдэл 305 үзсэнe

Киргизийн Дотоод хэргийн яамны Интерполын товчоо монголын талтай хамтран шуурхай эрэн хайх ажиллагааг явуулж 41 настай монгол иргэн Г.У-г Бишкек хотод саатуулжээ. Г.У нь 2022 оноос хойш хар тамхи, сэтгэцэд нөлөөт бодисыг хууль бусаар борлуулж, үйлдвэрлэсэн хэргээр эрэн сурвалжлагдаж байсан аж. Эрэн сурвалжлагдаж байсан этгээдийг Первомайский дүүргийн Дотоод хэргийн хэлтсийн мөрдөн байцаах албанд хүлээлгэн өгсөн бөгөөд Бүгд Найрамдах Киргиз улсын эрх бүхий байгууллага шилжүүлэн өгөхөөр шалгаж байгаа юм байна. Мөн тус улсын цагдаагийн ерөнхий газрын Хар тамхитай тэмцэх хэлтсээс сэжигтэнтэй холбоотой 100 гаруй хар тамхи тараасан хэргийг илрүүлжээ. Түүнчлэн шалгалтын явцад иргэн У нь Киргизэд хар тамхи түгээх суваг байгуулахаар очсон” хэмээжээ.

АН-ЫН ДАРГА Л.ГАНТӨМӨР УИХ-ЫН ГИШҮҮНИЙ ҮНЭМЛЭХ ОЛГОХ ҮЙЛ АЖИЛЛАГААНД ИРСЭНГҮЙ

07 / 01 5 сэтгэгдэл 456 үзсэнe

2024 оны УИХ-ын ээлжит сонгуульд нэр дэвшиж, ялалт байгуулсан хүмүүст УИХ-ын гишүүний үнэмлэх гардуулах ёслолын үйл ажиллагаа болж байна. Тэгвэл Ардчилсан намын жагсаалтын нэгдүгээрт бичигдсэн тус намын дарга Л.Гантөмөр үнэмлэх гардуулах үйл ажиллагаанд ирсэнгүй.

АЯЛЛЫН ОНГОЦ ОСОЛДОЖ, 2 ХҮН ГЭМТЖЭЭ

07 / 01 632 сэтгэгдэл 2 199 үзсэнe

Төв аймаг Эрдэнэ сум Өгөөмөр багийн нутаг дэвсгэрт Цонжин болдог цогцолбороос зүүн тийш аяллын зориулалттай хоёр хүний суудалтай нисдэг тэрэг осолдож, унажээ. Энэ талаар ЦЕГ-ын хэвлэл мэдээллийн төвөөс тодруулахад “2024 оны зургаадугаар сарын 30-ны өдөр аяллын зориулалттай жижиг нисдэг тэрэг унаж осолдлоо гэх дуудлага мэдээлэл бүртгэгдсэн. Ослын улмаас хоёр хүн гэмтэж, эмнэлгийн байгууллагад хүргэгдсэн. Уг дуудлага мэдээллийн дагуу Тээврийн цагдаагийн албанаас шалгалтын ажиллагааг явуулж байна” гэв.

ОНЦГОЙ БАЙДЛЫН АЛБА ХААГЧИД 44 ИРГЭНИЙ АМЬ НАСЫГ АВРАН ХАМГААЛЛАА

07 / 01 11 сэтгэгдэл 265 үзсэнe

Улсын хэмжээнд өнгөрсөн долоо хоногт /2024.06.24-30/ нийслэлийн 8 дүүрэг, 13 аймгийн 30 суманд аюулт үзэгдэл, ослын 93 удаагийн дуудлага бүртгэгдлээ. Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 44 иргэний амь насыг авран хамгаалсан. Харин гамшиг, аюулт үзэгдлийн улмаас 8 хүн нас барж, 5 хүн гэмтэж бэртсэн байна. Нийт дуудлагын 46 нь гал түймэр, 25 нь хүний үйл ажиллагаатай холбоотой осол, 19 нь ус, цаг уурын гаралтай аюулт үзэгдэл, 3 нь биологийн гаралтай аюулт үзэгдэл байна.