ШҮҮХ ЗАСАГЛАЛЫН ЭРХ МЭДЛИЙГ БУЛААСАН МОНГОЛЫН АНХНЫ ХЗДХ-ИЙН САЙД

11 / 27 1 сэтгэгдэл 673 үзсэнe

УИХ-ын гишүүн Б.Энхбаярыг ХЗДХ-ийн сайдаар ажиллаж байх үед Улаанбаатар хотын төвд баригдсан “Аюуд” тауэр нэртэй оффис, үйлчилгээний барилгын маргаан олон нийтийн анхаарлын төвд орж ирсэн юм. БНХАУ-ын аж ахуйн нэгж болон Монгол Улсын компаниуд хамтран хөрөнгө оруулалт хийж эхлүүлсэн “Аюуд” тауэрийн өмчлөлийн маргаан эрчимжиж, талууд гомдлоо ЦЕГ, ЭЦА, УМБГ, УБЕГ-аас эхлээд шат шатны шүүхийн байгууллагад илгээж байсан нь зарим албан тушаалтны хувьд аманд нь өөрөө ороод ирсэн шар тос мэт санагдсан байхыг үгүйсгэх аргагүй. “Аюуд” тауэрын өмчлөлийн маргааш ид ширүүссэн 2023 оны намар Б.Энхбаяр ХЗДХ-ийн сайдаар томилогдсон. Гэвч маргааныг гардан хүлээж авсан сайд асуудлыг хуулийн хүрээнд ул суурьтай шийдвэрлэгдсэнгүй. Харин ч эсрэгээрээ Монгол Улсад хүчин төгөлдөр мөрддөг хууль эрх зүйн акт, санкцын дагуу биш, хуулийн сахиулах үүрэгтэй сайдын үүрэг, хариуцлагын дагуу биш өөрийн, хувь хүний үзэмжээр шийдэгдсэн нь өдгөө Б.Энхбаярыг маргаантай талуудын нэгнээс, тодорхой хэлбэл Хятад компаниас авлига авсан байх боломжтой гэж хардагдахад хүргээд байна. Хоёр компанийн дунд үүссэн маргааныг эргэн сөхөж, товчлон хүргэе. Монгол Улсын иргэн А.Бат-Эрдэнийн эзэмшдэг “Аюуд” ХХК нь БНХАУ-ын хөрөнгө оруулалттай “Хуашенконстракшн Монгол” ХХК-иуд 2008-2009 оны үед дундын хөрөнгө босгож, Улаанбаатар хотын төвд “Аюуд” тауэр нэртэй оффис, үйлчилгээний барилга барьж эхэлжээ. 2013 оноос барилгын үйл ажиллагаа нь зогсонги байдалд орсон бөгөөд 2015 онд “Аюуд” компани Хятадын хөрөнгө оруулалттай “Хуашенконстракшн Монгол” ХХК-ийн мэдэлд байсан “Аюуд” тауэрын 60 хувийг дангаараа эзэмших эрхийг УБЕГ-аар гаргуулсан гэдэг гомдол сүүлийн жилүүдэд төрийн бүх шатны байгууллагуудыг дарах болсон байдаг. Уг маргааныг Монгол Улсын Иргэний хэргийн шат шатны шүүх, Хонгконгийн Олон улсын арбитрын шүүх хянан хэлэлцэх гэж байгаа. 2017 оноос хойш Эрүүгийн цагдаагийн алба, УМБГ, дүүргүүдийн Цагдаагийн хэлтэс, АТГ гэх мэт хууль хүчний бүхий л байгууллагууд энэ хэргийг шалгасан ч маргааныг эцэслэж дийлээгүй байдаг. Үүнээс хойш энэ хэрэг Л.Оюун-Эрдэнийн Засгийн газрын авлигатай тэмцэх кампанит ажлын хүрээнд эргэн сэргэсэн бөгөөд ХЗДХ-ийн сайдаар ажиллаж байсан Х.Нямбаатар Ажлын хэсэг томилон шалгаж байсан аж. Гэсэн хэдий ч 2023 оны аравдугаар сард Б.Энхбаяр ХЗДХ-ийн сайдаар томилогдон асуудлыг бантан болгоод хаяжээ. Б.Энхбаяр ХЗДХ-ийн сайдаар ажиллахдаа энэ маргаан дээр өөрийгөө товойлгон гаргах дуртай шударга үнэний дуу хоолой болж чадаагүйд асуудлын гол нуугдаж буй юм. Учир нь Б.Энхбаяр Монгол Улсын Иргэний хэргийн шат шатны шүүх, Хонконгийн Олон улсын арбитрын шүүх зэрэг компанийн эд хөрөнгө, хувь нийлүүлсэн асуудал, маргааныг хянан шийдвэрлэдэг байгууллагын шийдвэрийг үл тоосон шийдвэр гаргасан нь олон улсын Арбитрын шүүхийн өмнө Монгол Улсын Засгийн газрыг нүүрийг түлээд эхэлжээ. Өөрөөр хэлбэл, Б.Энхбаяр хуулийн бүхий л байгууллагууд хянаж, дүгнэлт гаргаж яваа шат дараатай ажиллагааг үл тоомсорлож, 2024 оны нэгдүгээр сарын 16-нд сайдын Албан даалгавар бичиж, “Улсын бүртгэлийн Ү-2203024452 дугаартай Сүхбаатар дүүргийн 1 дүгээр хороо, Соёл амралтын хүрээлэн /14242/, Олимпын гудамж 5 тоот хаягт байрлах 14, 386.5 м.кв талбай бүхий үйлчилгээний зориулалттай үл хөдлөх эд хөрөнгө (70 хувийн гүйцэтгэлтэй буюу дуусаагүй барилга)-ийн хамтран өмчлөгчөөс “Хуашенконстракшн Монгол” ХХК-ийг хасаж, “Аюуд” ХХК-ийн өмчлөлд шилжүүлэн бүртгэсэн 2014 оны 08 дугаар сарын 24-ний өдрийн улсын бүртгэлийг хууль тогтоомжид нийцүүлэн залруулж, “Хуашенконстракшн Монгол” ХХК-ийн өмчийн эрхийг сэргээх үүрэг өгчээ. Хэн нэгний гэм буруутайг зөвхөн шүүх л тогтоодог. Хэн нэгэн сайд шүүх байгууллагын хянан шийдвэрлэх ёстой эрх мэдлийг булаан авч, ямар ч маргааныг талуудын хэн нэгэнд ашигтай шийдэж өгөх ёсгүй. Харин Б.Энхбаяр бол шүүх засаглалаас том гэдгээ харуулсан Монголын анхны сайдаар тодорсон байна.

ЗАЛУУЧУУДЫН ХӨГЖЛИЙГ ДЭМЖИХ, ЗАЛУУ ГЭР БҮЛИЙГ ОРОН СУУЦЖУУЛАХ БОДЛОГЫГ ХЭЛЭЛЦЭВ

11 / 27 0 сэтгэгдэл 105 үзсэнe

Засгийн газрын ээлжит хуралдаан 2024 оны арваннэгдүгээр сарын 27-нд болж дараах асуудлуудыг хэлэлцэн шийдвэрлэлээ. Залуучуудын хөгжлийг дэмжих, залуу гэр бүлийг орон сууцжуулах бодлогыг хэлэлцэв Монгол Улсын Засгийн газар 2025 оныг Залуусыг дэмжих жил болгон зарласан. Энэ хүрээнд Залуучуудын хөгжлийг дэмжих дунд хугацааны стратегийн талаар Соёл, спорт, аялал жуулчлал, залуучуудын сайд Ч.Номин, Залуу гэр бүлийг орон сууцжуулах бодлого, стратегийн талаар Гэр бүл, хөдөлмөр, нийгмийн хамгааллын сайд Л.Энх-Амгалан нар Засгийн газрын хуралдаанд танилцуулга хийлээ. Ипотекийн зээлийн хөтөлбөрийг 2013 оноос хэрэгжүүлсэн. Энэ хугацаанд нийлүүлэлтийг нэмэгдүүлэхгүйгээр эрэлтийг огцом өдөөж зах зээл дээрх байрны үнийг нэмэгдүүлсэн, зорилтот бүлэгтээ чиглэхгүй, орлого өндөртэй, урьдчилгаа төлбөр төлөх чадвартай иргэдийг хамруулсан. Хөтөлбөрийн зээл авах өргөдөл хоёр жил гаруй хүлээх дараалал үүссэн. Хуримтлагдсан өргөдлийг шийдвэрлэхэд 40-55 сар зарцуулахаар байна. Түргэн шийдвэрлэхээр барилгын нийлүүлэлт хэрэгцээг гүйцэхгүй учраас үнэ өсөж, зөвхөн борлуулагч талд ашигтай байдал үүсэхээр байна гэдгийг Л.Энх-Амгалан сайд хэллээ. Урьдчилгаа төлбөрийн 50 хувийг Зээлийн батлан даалтын сангаас санхүүжүүлэх, мөн залуучуудын урьдчилгаа төлбөрийн хуримтлалыг урамшуулах зорилгоор банканд зөвхөн орон сууцны урьдчилгаа төлбөр бүрдүүлэхэд зориулсан Орон сууцны урьдчилгаа төлбөрийн хадгаламж бий болгосноор залуу өрхийг дэмжих боломжтой зэрэг саналыг тавьсан байна. “Залуучуудын хөгжлийг дэмжих стратеги төлөвлөгөө 2025-2029” -г Засгийн газрын дараагийн хуралдаанд танилцуулж батлуулахыг Соёл, спорт, аялал жуулчлал, залуучуудын сайд Ч.Номин даалгав. Отроор өвөлжиж, хаваржих малчдад эрүүл мэнд, нийгмийн хамгааллын үйлчилгээг шуурхай, хүртээмжтэй хүргэхэд анхаарна Хөдөө аж ахуйн салбарын 2024-2025 оны өвөлжилт, хаваржилтын бэлтгэл ажлыг хангасан болон ургац хураалтын дүнгийн талаар Хүнс, хөдөө аж ахуй, хөнгөн үйлдвэрийн сайд Ж.Энхбаяр Засгийн газрын гишүүдэд танилцууллаа. Танилцуулгатай холбогдуулан, -Аймаг, сумын аюулгүйн нөөцөд бэлтгэх өвс, тэжээлийн бүрдүүлэлтийг цаг алдалгүй шуурхай зохион байгуулах, -Өвөлжилт хүндэрч зам даваа хаагдахаас урьдчилан сэргийлэх, учирч болзошгүй эрсдэлийг үнэлэх болон малын тэжээлийн импортод дэмжлэг үзүүлэх холбогдох шийдвэрийн төслийг боловсруулах, -Отроор өвөлжиж, хаваржих малчдад эрүүл мэнд, нийгмийн хамгааллын үйлчилгээг шуурхай, хүртээмжтэй хүргэх чиглэлээр хэрэгжүүлэх арга хэмжээний саналыг боловсруулах, -Тариалангийн талбайн хөрсний үржил шимийг хамгаалах, хүнсний ногооны механикжуулалт, хадгалалтын нөхцөлийг сайжруулах, газар тариалан, мал аж ахуй, боловсруулах үйлдвэрийн уялдааг хангасан цогц бодлогыг эрчимжүүлж ажиллахыг холбогдох албан тушаалтнуудад даалгалаа. малчдын өвс, тэжээл бэлтгэл, аймаг, сумын өвс, тэжээлийн аюулгүйн нөөц бүрдүүлэлт, ус, хашааны хүрэлцээ хангамж, малчин өрхийн бэлтгэл зэрэг үндсэн үзүүлэлтээр дүгнэхэд тус салбарын өвөлжилт, хаваржилтын бэлтгэл улсын хэмжээнд 90 орчим хувьтай байна. Дөрвөн улирлын турш жуулчин хүлээн авах боломж бүрдүүлнэ Жуулчдын урсгалыг нэмэгдүүлж, дөрвөн улирлын турш жуулчин хүлээн авах зорилтын хүрээнд хэрэгжүүлэх арга хэмжээний тухай Засгийн газрын тогтоол гаргалаа. -Нислэгийн тийзийн үнийг зуны улирлынхтай харьцуулан 40 хүртэл хувь хөнгөлөх асуудлыг судалж шийдвэрлэх, дотоодын нислэгийн тоо, давтамжийг жуулчдын амралтын өдрүүдийн аялалтай уялдуулж нэмэх, хуваарийг баталгаажуулах, -Ховд, Мөрөн, Чойбалсан, Даланзадгад, Дэглий цагаан, Чингис зэрэг нисэх буудлыг 3C, 4C, 4D ангиллаар ажиллуулж, Алтай Таванбогд, Буйр нуур орчмын бүсэд 4C ангиллын нисэх буудал байгуулах ажлыг эхлүүлэх, -БНСУ-аас жуулчлалаар ирэх иргэдэд үзүүлэх визийн чөлөөлөлтийн хугацааг сунгах, визгүй нэвтрэх улс орны тоог зохих журмын дагуу нэмэгдүүлэх, -Хил орчмын аялал жуулчлалын үйл ажиллагааг идэвхжүүлэх, -Цагааннуур, Боршоо, Арцсуурь, Ханх, Эрээнцав, Хавирга, Сүмбэр, Шивээхүрэн, Гашуунсухайт зэрэг боомтын үйл ажиллагааг олон улсын зэрэглэлийн түвшинд идэвхжүүлж, аяллын хөтөлбөрийг дэмжих зорилгоор ажиллах цагийг уртасгах, амралтын өдрүүдэд ажиллах боломжийг хөрш орнуудтай тохиролцон, холбогдох хэлэлцээрт тусгах асуудлыг судалж шийдвэрлэх, -Монгол Улсад хилийн боомтоор орж ирэх жуулчдад газар дээр нь богино хугацаанд виз олгох, бүлэг жуулчин нэвтрүүлэх тусгай гарц бий болгох, -Цагаан сар: Билгийн тооллын хаврын тэргүүн сарын баяр, “Хөх сувд”, “Мазаалай” цас, мөсний наадам, “Талын түмэн адуу”, “Нүүдэлчдийн өвөл” зэрэг арга хэмжээг олон улсынх болгон өндөр түвшинд зохион байгуулах, -Жуулчдад үйлчлэх ариун цэврийн байгууламжийг зохих байршилд стандартын дагуу байгуулах зэрэг аялал жуулчлалыг хөгжүүлэхэд тулгамдаж байгаа асуудлыг шийдвэрлэх чиглэлээр арга арга хэмжээг авч хэрэгжүүлэхийг тус тогтоолоор Засгийн газрын холбогдох гишүүд, албан тушаалтнуудад үүрэг болголоо.

Б.ЭНХБАЯР ХЯТАДУУДТАЙ “НӨХЦӨӨД” ХЭДЭН ТЭРБУМЫГ ОЛОВ

11 / 27 4 сэтгэгдэл 652 үзсэнe

Манай сайт өнгөрсөн удаад Хууль зүй, дотоод хэргийн сайд асан, УИХ-ын гишүүн Б.Энхбаяр Хятадуудыг өмөөрч, хувь хүний өмчийн маргаанд оролцож, шүүхээс давсан шийдвэр гаргасан тухайг мэдээлсэн. Тэгвэл албан даалгавар нэрээр Хятадуудыг өмөөрч хууль зөрчтөлөө ноцтой үйлдэл гаргасан Б.Энхбаяр дахин яаж хууль зөрчсөнийг үргэлжлүүлэн өгүүлье. Б.Энхбаяр дахин яаж хууль зөрчсөн бэ!!! Түүний 2024.01.16-ны өдрийн 1/1 дугаартай албан даалгаврын 2 дахь хэсэг нь ХХЕГ-ын дарга Х.Лхагвасүрэнд хаяглагдаж бас л холбогдох албан тушаалтанд хариуцлага ногдуулахыг шаардсан нь ноцтой. Албан даалгаврын: 2.1-т Эрх бүхий байгууллагын шийдвэргүйгээр БНХАУ-ын иргэн Hang Feilong, Zhang Dong нарыг Улсын хилээр нэвтэрсэн зорчигч тээврийн хэрэгслийн бүртгэл, мэдээллийн нэгдсэн санд бүртгэснийг залруулж холбогдох албан тушаалтанд хариуцлага ногдуулах”. 2.2 “Улсын хилээр нэвтэрсэн зорчигч тээврийн хэрэгслийн бүртгэл, мэдээллийн нэгдсэн сан” дахь “саатуулах мэдээлэлд бүртгэгдсэн” гэсэн төлөв нь эрх зүйн зохицуулалтгүй байх тул тус мэдээллийн сангаас хасах, цаашид дотоод хяналтыг сайжруулах. Хэрвээ уншигч та анзаарсан бол Б.Энхбаярын энэхүү албан даалгавар гээч нь Хятадын “Хуашинконстракшн Монгол” компанид илтэд үйлчилсний цаана авлигын шинжтэй үйлдэл байсныг нотлож байна. Монгол Улсад орж ирсэн хятадуудыг Б.Энхбаяр яагаад орж ирээгүй болгох гэсэн юм бол… Тухайлбал, УБЕГ-аас ХХЕГ-т 2023.05.05-нд 6/5111 албан бичгээр дараах мэдээллийг хүссэн байдаг. Үүнд: Улсын бүртгэлийн ерөнхий хуулийн 18 дугаар зүйлд заасны дагуу тус газарт “Хуашинконстракшн Монгол” /ГХО/ ХХК-ийн бүртгэлтэй холбоотой хяналт шалгалтын ажиллагаа хийгдэж байна. БНХАУ-ын иргэн Hang Feilong, Гүйцэтгэх захирал Zhang Dong нарын Монгол Улсын хилээр орж ирсэн болон гарсан талаарх мэдээллийг тус газарт ирүүлж хамтран ажиллахыг хүсье гэсэн байдаг Хариуд ХХЕГ-аас 2023.05.29-ны өдрийн 2-4в/3098 дугаар бүхий албан тоотыг УБЕГ-руу хүргүүлсэн байна. Үүнд: БНХАУ-ын иргэн Hang Feilong нь Буянт-Ухаа агаарын замын боомтоор 2018.01.18-ны өдөо орсон,21-ний өдөр гарсан. БНХАУ-ын иргэн Zhang Dong нь Буянт-Ухаа агаарын замын боомтоор 2019.11.30-ны өдөр гараад Чингис хаан агаарын замын боомтоор 2022.09.25- ны өдөр улсын хилээр орсон бүртгэлд тус тус авагдсан гэх мэдээллийг УБЕГ-ын Хяналт шалгалтын газрын дарга Б.Ганзоригт хүргүүлжээ. Баримтаас харахад БНХАУ-ын хоёр иргэн хоёулаа Монгол Улсад ирсэн болохыг нь ХХЕГ-ын лавлагаа нотлоод байхад Б.Энхбаяр яагаад Хятад иргэдийг Улсын хилээр орж ирээгүй мэтээр албан даалгавар үйлдэж ХХЕГ, УБЕГ-ын ажилтнууд Монгол Улсын хуулийг мөрдөж ажилласных нь төлөө хариуцлага ногдуулахыг даалгасан нь хэрээс хэтэрсэн үйлдэл биш үү Б.Энхбаяраа. Хужаа нарт давуу байдал олгосон Б.Энхбаярыг шалгах цаг нь болжээ Тэгэхээр Б.Энхбаярт шүүхээс давж элдэв янзын шийтгэвэр, албан даалгавар хэрэгжүүлэх эрх түүнд байхгүй гэдгийг тэр хэнээс ч илүү мэдэж байгаа. Учир нь Хууль зүй, дотоод хэргийн сайд байсан хүн илтэд нэг компанийн талд үйлчилж, хувийн өмчийн хөрөнгөд халдаж Хятадуудад үйлчилсний цаана асар их мөнгө, авлигын асуудал байсан гэдгийг түүний албан даалгавар нотолж байна. Шуудхан хэлэхэд Б.Энхбаяр сайдаар ажиллаж байх хугацаандаа БНХАУ-ын иргэний “Хуашинконстракшн Монгол” ХХК-д хуулиар олгоогүй давуу байдлыг бий болгосон нь түүнийг шалгах хангалттай үндэслэл. Тиймээс алхам бүртээ шударгын дүрд тоглож яваа Б.Энхбаярыг АТГ болон тусгай субъектийнхэн шалгах цаг нь иржээ. Бид дараагийн удаад сайд асны хэвлэлд өгсөн Засгийн газрын тогтоол нь ганцхан “Аюуд” ХХК-нд зориулагдсан тогтоол байсан уу гэх баримтыг хүргэх болно. СЭТГҮҮЛЧ: Р.САРУУЛ

МОНГОЛ УЛС АНХДУГААР ҮНДСЭН ХУУЛИА БАТАЛЖ, БҮГД НАЙРАМДАХ УЛСАА ТУНХАГЛАСНЫ 100 ЖИЛИЙН ОЙН ЭНЭ ӨДӨР САЛБАРЫНХАА АХМАДУУДТАЙ УУЛЗАЖ, ХҮНДЭТГЭЛ ҮЗҮҮЛЛЭЭ

11 / 26 0 сэтгэгдэл 53 үзсэнe

Уулзалтаар ахмадууд маань салбартаа оруулсан үнэт хувь нэмэр, арвин туршлага, бүтээлч үйлсээ бидэнтэй хуваалцан, соёл, урлаг, спорт, аялал жуулчлал, залуучуудын хөгжлийн салбарт бүтээсэн бахархам замналаа дурсан ярилцсан онцгой өдөр байлаа. Мөн бид өнгөрсөн хугацаанд соёл, спорт, аялал жуулчлал, залуучуудын салбарт хийж хэрэгжүүлсэн ажлаа танилцуулж, ахмадуудынхаа үнэтэй санал, зөвлөмжийг сонсож, ирээдүйн зорилтоо хуваалцлаа. Салбарынхаа ахмадуудад эрүүл энх, аз жаргал, сайн сайхан бүхнийг хүсэн ерөөе!

ДАГТАРШИХААС НЬ ӨМНӨ ОЙР ОРЧМЫН 50 МЕТРЫН ЦАСАА ЦЭВЭРЛЭХИЙГ ААН-ҮҮДЭД УРИАЛАВ

11 / 26 0 сэтгэгдэл 172 үзсэнe

Нийслэлийн нутаг дэвсгэрт үргэлжлэн орсон цасыг 100 гаруй техник хэрэгслээр 900 орчим ажилтан албан хаагч цэвэрлэж нийтийн эзэмшлийн гудамж замд халтиргаа гулгаа үүсэхээс урьдчилан сэргийлэн ажиллаж байна. Иргэн, аж ахуй нэгжүүд та бүхэн орчныхоо 50 метр цасыг дагтаршиж, халтиргаа үүсэхээс өмнө цэвэрлэхийг уриалж байна.

МОНГОЛЫН ДААТГАЛЫН САЛБАРЫН 90 ЖИЛИЙН ОЙН ЦОГЦ АРГА ХЭМЖЭЭ “ДИЖИТАЛ ГАЛЕРЕЙ” АРГА ХЭМЖЭЭ ЗОХИОН БАЙГУУЛАГДЛАА.

11 / 22 0 сэтгэгдэл 120 үзсэнe

Өнөөдөр буюу 11 сарын 21 өдөр Монгол улсад даатгалын тогтолцоо үүсэж бэхэжсэний 90 жилийн ойн цогц арга хэмжээ болж өнгөрлөө. Арга хэмжээг Монголын Даатгалын Холбоо, Санхүүгийн Зохицуулах Хороо болон даатгалын компаниуд хамтран шинэлэг байдлаар зохион байгууллаа. Арга хэмжээний хүрээнд "Даатгал-нийгэм эдийн засгийн дархлаа" бодлогын форум болж, шийдвэр гаргагчид, нөлөө бүхий эрхмүүд цуглан даатгалын нийгэм, эдийн засагт үзүүлж буй эерэг нөлөөллийг танилцуулж, даатгалын салбар дахь хөрөнгө оруулалт, хууль эрх зүйн орчин, цаашлаад даатгалын салбарын хүртээмжтэй байдлыг нэмэгдүүлэх боломжуудын талаар хэлэлцүүлгийг хийлээ. Уг форумыг СЗХ-ны дарга Д.Баярсайхан нээн үг хэлэхдээ даатгалын салбар улам өсөн бэхжиж, их амжилтаар дүүрэн 90 жилийн ойгоо угтаж байгааг цохон тэмдэглэж, салбарын эрх зүйн орчныг олон улсын жишигт нийцүүлэн сайжруулах зорилгоор даатгалын салбарын багц хуульд өөрчлөлт оруулахаар эрчимтэй ажиллаж байгааг онцлов. Мөн уг арга хэмжээнд Монгол улсын даатгалын салбарт гарч буй нийтлэг тохиодог эрсдэлүүдийг шинэлэг байдлаар танилцуулж, дэвшилтэт шийдлүүдийг санал болгох Бүүт хэсгүүд ажиллав. Хамгийн ихээр сонирхол татах хэсэг нь 360 хэмийн ДИЖИТАЛ ГАЛЕРЕЙ байсан бөгөөд Монгол улсад даатгалын салбар хэрхэн үүсэж бий болсныг илэрхийлэх түүхэн товчоон, салбарын онцлох тоо баримтуудыг дурдсан видео болон алдарт зураач Леонардо да Винчигийн дижитал уран бүтээлийн үзэсгэлэнгээр аялуулсан байна. Уг арга хэмжээ нь технологийн шийдлээр дамжуулан Монгол улсын нийгмийн болон байгаль орчны эрсдэлүүдийг даван туулахад туслах шинэлэг шийдлүүдийг танилцуулснаар даатгалын салбар шинэлэг түвшинд хүрч олон улсын жишигтэй хөл нийлүүлэн алхаж буйг батлах томоохон үйл явдал боллоо.

СОЁЛЫН ЭКСПОГ ЗОХИОН БАЙГУУЛЛАА

11 / 21 0 сэтгэгдэл 46 үзсэнe

Соёлын бүтээлч сар 2024 аяны хүрээнд “Соёлын экспо”-г Улаанбаатар зочид буудлын "UB Event hall" их танхимд 2 өдрийн турш зохион байгуулж, дизайн, соёлын өв, уран зураг ба гар урлал, медиа урлаг, хөгжим, дижитал тоглоом, хүнс, хэвлэл, хэвлэн нийтлэлийн чиглэлийн үйлчилгээ эрхэлдэг 38 байгууллага, аж ахуйн нэгжүүд бүтээгдэхүүн, үйлчилгээгээ 1500 гаруй хүүхэд, залуус, иргэдэд сурталчиллаа. Мөн экспод салбарын экспертүүд илтгэл, хэлэлцүүлэг өрнүүлж, хүүхэд залууст тулгамдаж буй асуудлуудыг хамтаар хэлэлцэж, урлагийн тоглолт, энтертайнмент хосолсон арга хэмжээ боллоо.

МАЛ АЖ АХУЙН САЛБАРЫН НЭМҮҮ ӨРТӨГ, ХҮРТЭЭМЖТЭЙ ХӨГЖЛИЙН ДЭМЖИХ САНАМЖ БИЧИГ БАЙГУУЛЛАА

11 / 20 0 сэтгэгдэл 165 үзсэнe

Хүнс, хөдөө аж ахуй, хөнгөн үйлдвэрийн яам болон БНСУ-ын “Глобал Сивик Шэйринг” Олон улсын байгууллага Монгол Улсад мал аж ахуйн салбарын мэргэжилтэн, ажиллах хүчнийг чадавхжуулах замаар үйлдвэрлэлийн чанар, бүтээмжийг сайжруулах, эрдэм шинжилгээ, судалгааны ажлыг үйлдвэрлэлд нэвтрүүлэх нөхцөл боломжийг бүрдүүлэх, мал аж ахуйн үйлдвэрлэлийн нэмүү өртгийн сүлжээг бэхжүүлэх, хүртээмжтэй хөгжлийг дэмжихэд хамтран ажиллах санамж бичиг байгууллаа. “Глобал Сивик Шэйринг” байгууллага нь 2002 оноос Монгол Улсад орон нутгийн хөгжлийн үйл ажиллагаа явуулж “Малын банк” зээлийн хөтөлбөр, “Өвс, тэжээлийн фонд” тусламжийн хөтөлбөр, “Орон нутгийн удирдагч иргэн бэлтгэх сургалт” төсөл, “Хоршооны засаглалыг бэхжүүлэх замаар өрхийн орлогыг нэмэгдүүлэх” төсөл зэрэг мал аж ахуйн хөгжлийн урт болон дунд хугацааны төсөл, хөтөлбөрүүдийг амжилттай хэрэгжүүлж ирсэн юм. Тус байгууллага 2021 оноос БНСУ-ын КОЙКА байгууллагын таван сая ам.долларын буцалтгүй санхүүжилттэй “Хүртээмжтэй мал аж ахуй” төслийг хэрэгжүүлж байна. “Хүртээмжтэй мал аж ахуй” төсөл нь мал аж ахуйн үйлдвэрлэлийн бодлогын орчинг сайжруулах, хоршооны үйл ажиллагааг засаглалын болон үйл ажиллагааны түвшинд дэмжих, мал аж ахуй эрхлэгчид болон тус салбарын мэргэжилтэн, төрийн албан хаагчдыг чадавхжуулах замаар үйлдвэрлэлийн чанар, бүтээмжийг дээшлүүлэх, өртгийн сүлжээг бэхжүүлэх зорилгоор 2021-2035 онд хэрэгжихээр урт хугацаанд төлөвлөгдсөн. 2021-2025 онд хэрэгжих эхний үе шатны төсөл нь дөрөв дэх жилдээ хэрэгжиж байна. “Хүртээмжтэй мал аж ахуй” төслийн хүрээнд Сонгинохайрхан дүүргийн 21 дүгээр хороонд сүүний үхрийн эрчимжсэн аж ахуйг хөгжүүлэх мастер төлөвлөгөөг боловсруулж эхний хувилбарыг бэлэн болгосон юм. “Глобал Сивик Шэйринг” Олон улсын байгууллагын Монгол дахь салбарын захирал Жу Хёнь Жү “Тус мастер төлөвлөгөө нь батлагдаж, хэрэгжсэнээр Нийслэл хот орчмын эрчимжсэн мал аж ахуйг шинжлэх ухааны үндэслэлтэй, системтэй хөгжүүлэх боломж бүрдэж малын эрүүл мэнд, үржлийн бүртгэл, мэдээлэлд суурилсан үйлдвэрлэлийн төлөвлөлт хийх, мал аж ахуйн гаралтай хүнсний чанар, гарц сайжрах болох, орон нутгийн онцлог үйлдвэрлэл, хөдөө аж ахуйн кластерийн сонгомол жишээ болох юм” хэмээн байр сууриа илэрхийллээ. ХХААХҮЯ-ны Төрийн нарийн бичгийн дарга Т.Жамбалцэрэн “Төслийг үр дүнтэй хэрэгжүүлэх, мал аж ахуйн салбарын нэмүү өртөг шингэсэн бүтээгдэхүүн үйлдвэрлэлийг хөгжүүлэх, салбарын мэргэжилтнүүдийг чадавхжуулахад яамны зүгээс дэмжиж ажиллах болно” хэмээн онцоллоо.

“AR GALLERY-ҮНЭТ БҮТЭЭЛҮҮД” ТУСГАЙ ҮЗЭСГЭЛЭНД УРЬЖ БАЙНА

11 / 20 0 сэтгэгдэл 65 үзсэнe

“Соёлын бүтээлч сар” аяны хүрээнд “Монголын Уран зургийн Галерей”-аас зохион байгуулж буй “AR GALLERY-ҮНЭТ БҮТЭЭЛҮҮД” төслийн тусгай үзэсгэлэн 2024 оны 11 дүгээр сарын 18-аас 12 дугаар сарын 05-ны өдрүүдэд зохион байгуулагдана. Үзэсгэлэнгийн нээлтийн ёслол 11 дүгээр сарын 18-ны өдрийн 16:00 цагт тус галерейн үзэсгэлэнгийн их танхимд болно. Монголын Уран зургийн Галерейн уран зургийн сан хөмрөг 2009 оны 5 дугаар сарын 19-ний өдөр гал түймрийн аюул тулгарч Монголын дүрслэх урлагийн сор болсон Монголын түүх, нийгмийн байдал, ахуйн болон байгалийн сэдэвт, хөрөг зургууд, орчин үеийн чиглэлийн бүтээл 1000 орчим бүтээлүүд өртсөн юм. Тухайн цаг үеэс хойш Монгол Улсын орчин цагийн дүрслэх урлагийн сор болсон галд өртсөн үнэт бүтээлийг авран хамгаалах чиглэлээр Монголын Уран зургийн Галерей нь сэргээн засварлах, сэргээн бүтээлгэх олон талт ажлыг санаачлан хэрэгжүүлсээр ирсэн бөгөөд 2024 онд “AR GALLERY-ҮНЭТ БҮТЭЭЛҮҮД” төслийг санаачлан хэрэгжүүлж олон нийтэд танилцуулахад бэлэн боллоо. Тус төслийн зорилго нь галын гэмтэлтэй уран зургийг AR технологийн тусламжтайгаар анхны эх бүтээлээр нь сэргээн үзэх, хосгүй үнэт бүтээлийн дүрүүдтэй бодитоор танилцах боломжийг үзэгчдэд олгох юм. Хосгүй үнэт бүтээлүүд нь AR технологид суурилсан сонирхолтой дэглэлттэй байхаас гадна Англи, Монгол болон дохионы хэлээр тайлбарладаг “Виртуал тайлбарлагч”-тай байна. Эрхэм Та бүхнийг “AR GALLERY-ҮНЭТ БҮТЭЭЛҮҮД” тусгай үзэсгэлэнд хүрэлцэн ирэхийг урьж байна. Өвлөн бүтээх өнөө ирээдүй Монголын Уран Зургийн Галерей The National Art Gallery Of Mongolia

НОМИН-ГИЙН BLACK FRIDAY “ХЯМДРАЛЫН ШОК” ХУДАЛДАА 10 ДАХЬ ЖИЛДЭЭ

11 / 20 0 сэтгэгдэл 217 үзсэнe

Үнэнч хэрэглэгчид, үйлчлүүлэгчдэдээ бодит хямдралыг мэдрүүлдэг НОМИН-гийн BLACK FRIDAY хямдралтай худалдаа 10 дах жилдээ зохион байгуулагдах гэж байна. Энэ жилийн BLACK FRIDAY “Хямдрал аар гэрэлтүүлье ” уриан доор 2024 оны 11 сарын 22 , 23 , 24 -ний өдрүүдэд өглөөний 09:00 цагаас оройн 22:00 цаг хүртэл Нийслэлийн 3 дүүргийн 3 байршилд, хөдөө орон нутгийн 4 салбарт тус тус зохион байгуул ахаар болжээ. BLACK FRIDAY хямдралтай худалдаагаар гэр ахуй, цахилгаан бараа, бэлэн хувцас, барилгын материал, гоо сайхан, хүнс, даатгалын бүх төрлийн 10,000 гаруй нэр төрлийн дэлхийд танигдсан чанартай брэндүүдийн хэрэгцээт бүх бараа, бүтээгдэхүүнүүд хаана ч байхгүй хамгийн доод 10-80% хүртэлх бодит хямдралтай үнээр худалдан авалт хийх боломжийг хэрэглэгч, үйлчлүүлэгчдэдээ олгох юм. Хямдралтай худалдаа явагдах салбарууд: 1. НОМИН Их Дэлгүүр 2. НОМИН Макро Моол НОМИН Агуулах Худалдаа Чулуун-Овоо НОМИН Агуулах Худалдаа Дархан НОМИН Агуулах Худалдаа Эрдэнэт НОМИН Агуулах Худалдаа Дорнод НОМИН Агуулах Худалдаа Ховд салбаруудад тус тус зохион байгуулагдана. BLACK FRIDAY худалдааны үеэр хэрэглэгч та бүхэн бүх төрлийн Fintech зээлийн аппликейшнуудын “Одоо аваад, дараа төл” үйлчилгээг бүрэн ашиглаж, хүссэн бараагаа хамгийн хямдаар худалдан авах боломжтой. ТҮРҮҮЛЖ ИР СЭН НЬ , ТОМЫГ АВНА. 202 4 .11. 19