ИД ӨРНӨЖ БУЙ НИЙГМИЙН ТЭМЦЛИЙН ҮР ДҮНД АРДЫН НАМ БИШ АРД ТҮМЭН ХОЖИХ ЁСТОЙ !!!

02 / 11 0 сэтгэгдэл 443 үзсэнe

ЖДҮ-г тоносон нь жижигхэн треэйлэр байсан.Жинхэнэ дуулиан болж буй “Хөгжлийн банк”-ны асуудлын ард засгийн тэргүүн Л.Оюун-эрдэнэ намаа цэвэрлэх зорилго өвөртлөн өрнөж буй үйл явдлуудыг чимээгүй ажиглан суугаа бололтой. Дөрвөн жилийн өмнө У.Хүрэлсүх намын цэвэрлэгээгээ 60 тэрбум болон ЖДҮ-ийн хэргээр эхэлж байв. УИХ-ын 49 гишүүний болон төрийн дарга нарын тэгш хүртээмжтэй хувааж ЖДҮХС-гаас авсан зээлийн асуудал нийгэмд ил болж , Ардын нам авлигатай тэмцэхээ зарласан. : “Хулгай хүн амь, хүчингийн хэрэгт холбогдоно, концессдоно, ЖДҮ-днэ, ер нь та нар бүх юмыг хийж байгаа. Ийм төр байж болохгүй. Цаашдаа Монголын төрд олигархи, хулгайч нар сонгогдох ёсгүй. Хэн нь хулгайч вэ гэдгийг ард түмэн мэддэг болсон. ЖДҮ-гийн хэрэгт холбогдсон хүмүүсийг сонгуульд нэр дэвшүүлэхгүй” гэж У.Хүрэлсүх мэдэгдэж байсан бол өчигдөр МАН-ын Ерөнхий нарийн бичгийн дарга Д.Амарбаясгалан : “Ард иргэд, улс орноо доромжилсон улстөрчид, улс төрийн нөлөө бүхий хүмүүстэй хатуу хариуцлага тооцож, зээлийг эргэн төлүүлж, Монгол Улсыг хохиролгүй болгох, намаасаа хөөх” арга хэмжээ авна гэв. ЖДҮХС-гаас өөрийн хамаарал бүхий компанидаа зээл авч өгсөн дуулиан хэсэгтээ улс төрд түймэр тарьж, Ардын намын нэг бүлэглэл нөгөөгөө намнах шалтаг, шалтгаан тавьж өгсөн. Өнөөдөр ч мөн адил Хөгжлийн банкны зээлээр далимдуулж нэг бүлэглэл нь нөгөөгөө намнах улс төрийн процесс өрнөж байна. Өөрөөр хэлбэл, Ардын нам наанаа бүх эрх мэдлийг авч, цул мэт харагдавч цаана нь асар том дажин өрнөж эхэлжээ. Гэвч ЖДҮХС-гаас зээл авсан цөөн хүмүүс албан тушаалаасаа огцорсон, дөрвөн хүн шүүхээр ял сонссоныг эс тооцвол Хөгжлийн банкны хэрэг явдал ингэж дуусах магадлал өндөр. ЖДҮХС-гаас өөрийн хамаарал бүхий компанидаа зээл авсан хэрэгт ХХААХҮ-ийн сайд Б.Батзориг 40 сая төгрөгөөр, Г.Солтан, Б.Ундармаа, Д.Дамба-Очир нарыг хорих ялаар шүүхээр шийтгэж, бусад нь эрх мэдэл, албан тушаалтайгаа үлдсэн. Х.Болорчулуун, Ц.Даваасүрэн, Н.Учрал нар. Авлига авч байгаад газар дээрээ баригдсан "Эрдэнэс Монгол"-ын Д.Хаянхярваа гэхэд 40 сая төгрөгөөр торгуулаад өнгөрсөн бол АТГ-аар шалгагдаж, шүүхийн хаалга татаж явсан УИХ-ын гишүүн асан Л.Энхболдыг “Эрдэнэс Монгол”-ын дэд захирлаар томилогдоход АТГ ашиг сонирхлын зөрчилгүй гэсэн бичиг үйлдэж өгсөн. ЖДҮХС-гаас зээл аваад, түүнийгээ зориулалтын бусаар зарцуулсан гэж хууль хяналтынхан тогтоочхоод байхад Ардын намынхан албан тушаалаар шагнасан.Иймээс өнөөдрийн өрнөж буй Хөгжлийн банкны үйл явдлыг харахад нийгэмд “түймэр” асаах тусмаа жинхэнэ тийрэнгүүд нь ард нь нуугдаад, албан тушаалтайгаа үлдэх магадлалтай. Гэвч нийгмийн хэт их хөөсрөл, улс төрийн зорилготой, зохион байгуулалттай дайралтуудаас харахад хэдэн “жараахай”-уудыг шалгаж, мөрдсөн дүр эсгээд, улс төрийн цэвэрлэгээ ч дуусна, дуулианд ч цэг тавигдана. Найдваргүй гэх 52 компанийн нэрийг АТГ нуух биш зарлах ёстой. Тэр тусмаа 1.7 их наядын найдваргүй зээл үүсээд, өчнөөн удаж байхад Монголбанк, Сангийн яам, Хөгжлийн банкныхан яагаад өнөөдрийг хүртэл хав дарав…Зүй нь Л.Оюун-Эрдэнэ журмын нөхдийнхөө авлигатай жинхэнээсээ тэмцье гэвэл асуудлыг хөөсрүүлэхээс илүү АТГ-т шударга ажиллах боломжийг л олгох ёстой.

Н.ТҮВШИНБАЯРТ ХОЛБОГДОХ ШҮҮХ ХУРАЛ ЭХЭЛЛЭЭ

02 / 11 0 сэтгэгдэл 495 үзсэнe

2021 оны арванхоёрдугаар сарын 21-ны өдөр Н.Түвшинбаярыг Хан-Уул дүүргийн эрүүгийн хэргийн анхан шатны шүүхийн шийдвэрээр цагдан хорьсон. Өөрийн амь нас, эрүүл мэндэд аюул учруулж болзошгүй үндэслэлээр түүний цагдан хорих хугацааг энэ оны нэгдүгээр сарын 13-ны өдөр нэг сараар сунгасан. Хан-Уул дүүргийн эрүүгийн хэргийн анхан шатны шүүхэд яллагдагч Н.Түвшинбаярын хорих хугацаа дуусаж байгаа тул үргэлжлүүлэн сунгах эсэхийг шийдвэрлэх шүүх хурал эхэллээ .

Ж.БАТБАЯСГАЛАНГИЙН ТОМИЛГОО ЦАГДАА НАРТ “ГАЙ Л БОЛОВ”

02 / 11 0 сэтгэгдэл 985 үзсэнe

Өнгөрсөн арванхоёрдугаар сарын 15-ны өдрийн Нийслэлийн Иргэдийн Төлөөлөгчийн Хурлын тогтоолоор "Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл"-ийн дэргэдэх Иргэний олон нийтийн зөвлөлийн гишүүдийг шинэчлэн баталжээ. Тус олон нийтийн зөвлөл нь долоон гишүүнтэйгээр гэмт хэргээс урьдчилан сэргийлэх чиглэлд цагдаагийн байгууллагаас хийж буй үйл ажиллагаанд хяналт тавих, хамтарч ажиллах, иргэдийг соён гэгээрүүлэх зорилготой. Тэгвэл НИТХ-ын дарга Ж.Батбаясгаланг нь нийслэлийн гэмт хэргээс урьдчилан сэргийлэх ажлыг зохицуулах салбарын зөвлөлийн даргаар ажилладаг учраас тэрээр НИТХ-аар дээрх асуудлыг хэлэлцүүлж, баталсан байна. Түүний баталсанаар олон нийтийн зөвлөлд : НИТХ-ын дарга Ж.Батбаясгалангийн зөвлөх асан н.Биндэръяа гэх залуу Ийгл телевизийн сэтгүүлч Ж.Төгсжаргал Сэтгүүлч Г.Гэрэл Мисс Д.Долгион “Эра” загварын төвийн захирал, загвар өмсөгч, мисс Д.Эрдэнэтуяа Эдийн засагч н.Дөлгөөн Уул, уурхайн инженер н.Жаргалсайхан нар багтжээ. Дээрх хүмүүсийг нийслэлийн Гэмт хэргээс урьдчилан сэргийлэх төсвөөс цалинжуулж байгаа. Уг ажилд жилд 1.2-1.5 тэрбум төгрөг төсөвлөдөг.Гэтэл тус зөвлөлийн долоон гишүүн нь хуулийн мэдлэг, мэдээлэл нимгэн гэмт хэргээс урьдчилан сэргийлэх чиглэлд ажиллаж байгаагүй хэрнээ цагдаагийн байгууллагын үйл ажиллагаанд хөндлөнгөөс оролцож төвөг, чирэгдэл учруулж эхэлжээ.Эх сурвалжийн мэдээллээр дээрх гишүүд нь цагдаа нарыг юу хийж байна ажлаа хянуул гэх зэргээр загнах болсон нь мэргэжлийн байгууллагын ажилчдад хүндрэл учруулж эхэлжээ. Дашрамд мэдээлэхэд дээрх гишүүд нь бүгд НИТХ-ын дарга Ж.Батбаясгалантай хамааралтай гэх мэдээлэл ч бий.

БАТЛАН ХАМГААЛАХЫН САЙД Г.САЙХАНБАЯР ГУРВАН ТЭРБУМ ТӨГРӨГӨӨР ТАВИЛГА АВАХ ТЕНДЕР ЗАРЛАВ

02 / 11 0 сэтгэгдэл 1 044 үзсэнe

Төрийн худалдан авах ажиллагааны цахим системд хоёр тендер зарлажээ.Үүнд "ҮБХИС-ийн номын сангийн барилгын тавилга хэрэгсэл"-д 758 сая 605 мянга 200 төгрөг, "ҮБХИС-ийн Удирдлагын академийн барилгын тавилга хэрэгсэл"-д 2 тэрбум 294 сая 111 мянга 800 төгрөгийг тусгаж зардлыг "Улсын төсөв"-өөс гаргахаар болжээ.Харин тендер шалгаруулалтыг гуравдугаар сарын 14-ний өдөр явуулна.

АРИУН ЦЭВРИЙН ХЭРЭГЛЭЛИЙГ ХУУЛЬЧЛАХ ХҮРТЭЛХ ХЭМЖЭЭНД АВААЧСАН Ц.МӨНХЦЭЦЭГ ГИШҮҮНД ЯМАР АШИГ СОНИРХОЛ БАЙНА ВЭ

02 / 11 0 сэтгэгдэл 415 үзсэнe

УИХ-ын гишүүн Ц.Мөнхцэцэг охидод ариун цэврийн хэрэгслийг үнэгүй олгохоор хуульчлах хэрэгтэй талаар цахим хуудсаараа дамжуулан мэдээлсэн. Тэгвэл тус асуудал нийгэмд нэлээдгүй маргаан дагуулж, нэг хэсэг нь хүний эрхийн наад захын хэрэгцээ шүү дээ гэж байхад нөгөө тал нь охидын ариун цэврийн хэрэгслийг төр даах юм гэнэ, хийх ажлаа олж ядсан юм хэмээн эрс буруушаав. Тэгвэл сургуулийн орчинд охидын ариун цэврийн хэрэглэлийг төрөөс бодлогоор зохицуулж үнэ төлбөргүйгээр тараах хуультай болохдоо тулахад татвар төлөгчдийн даатгалын мөнгөөр тус ажлыг хийнэ. Монгол улсын хэмжээнд 10-18 насны 220 мянга гаруй охид байна. Тэгвэл сард нэг удаа ариун цэврийн хэрэглэлийг үнэгүй олгоход 10 мянган төгрөгөөр тооцвол улсын төсвөөс ганцхан сард л гэхэд 2 тэрбум 200 сая төгрөг төсөвлөх шаардлагатай гэсэн судалгаа гаргажээ. Харин нэгэн багш цахим орчинд ангийн "Хүүхдүүдээсээ 3000 төгрөг хурааж аваад, 2 төрлийн ариун цэврийн хэрэгсэл, хурууны лент зэргийг аваад шүүгээндээ хийчихдэг. Хэрэгтэй нь авч, боломжтой үедээ нөхөж хийдэг. Хэнд ч хичээл таслах гэх мэт асуудал гараагүй" хэмээн бичсэн байв. Энэ бол бас нэгэн шийдэл мөн. Өөр талаас нь хараад үзвэл хэтэрхий халамжийн бодлого руу чиглээд байх шиг. Хувь хүний өөрийн зохион байгуулалт, эцэг эхийн хараа хяналт, өсвөр насны хүүхдэдээ тавих анхаарал халамжийг тэр бүр төр хариуцаад явна гэдэг нэг бодлын хэтэрхий туйлширсан асуудал юм. Дашрамд мэдээлэхэд УИХ-ын гишүүн хууль санаачлан батлуулснаар 20-30 сая төгрөг авдаг нь ариун цэврийн хэрэглэлийг хуульчлах хүртэл хэмжээнд аваачсан байж болзошгүй гэж олон нийт ч хардаж эхлэх болжээ.

ШАТАХУУН ИМПОРТЛОГЧ КОМПАНИУД АВТО БЕНЗИНИЙ ҮНЭЭ ДАХИН НЭМЛЭЭ

02 / 11 0 сэтгэгдэл 500 үзсэнe

Шатахуун импортлогч компаниуд авто бензиний үнээ дахин нэмж, АИ-92 авто бензин литр тутамд 2285-2290 төгрөгийн үнэтэй болов. Монголбанкнаас экспортод бүтээгдэхүүнээ гаргадаг компаниудыг дэмжих зорилгоор репо санхүүжилт олгож эхэлсэн. Энэ зээлийн зориулалтыг өөрчлөн, инфляцын өсөлтийг хязгаарлах зорилгоор өнгөрсөн онд шатахуун импортлогч ААН-үүдэд нийт 300 тэрбум төгрөгийн зээл олгожээ. Ингэхдээ Төв банк УУХҮЯ-нд шатахууны үнийг тогтвортой байлгах шаардлага тавьсан ч биелсэнгүй. Шатахуун импортлогчид өнгөрсөн сард АИ92 шатахууны үнийг литр тутамд 20, АИ95-ын үнийг 50 төгрөгөөр нэмсэн. АИ92 нэг литр нь 2240 төгрөг болсон. Импортлогч аж ахуйн нэгжүүд үнээ нэмэхгүй бол шатахууны хомстол үүсэх эрсдэлтэйг анхааруулсаар ирсэн юм.

"АЛАГ ХАЙРХАН БУГАТ"ХХК -ИАС БОЛЖ ХОХИРСОН ИРГЭД ОРЦОНД ХОНОГЛОЖ БАЙНА

02 / 11 0 сэтгэгдэл 329 үзсэнe

“Алаг Хайрхан Бугат’’ ХХК нь нэг байран дээр давхардсан олон тооны захиалга авч иргэдийг хохироосон үйлдэл гаргалаа.Анх захиалга өгснөөс хойш дөрвөн жилийн хугацаанд иргэд мөнгө санхүү, сэтгэл санаагаараа хохирон өдийг хүрч арга мухардсандаа захиралынх нь гэрээ гадаа өлсгөлөн зарлан хаалга дэрлэн хэвтэнэ. [video= ]

ХӨГЖЛИЙН БАНКТАЙ ХОЛБООТОЙ ЗЭЭЛДЭГЧ ААН БОЛОН, ЗЭЭЛ ГАРГАХАД ОРОЛЦСОН ИРГЭДИЙН ХӨДЛӨХ БОЛОН, ҮЛ ХӨДЛӨХ 186 ХӨРӨНГИЙГ БИТҮҮМЖИЛЖ, 13 ДАНС ХААЖ ЗАХИРАН ЗАРЦУУЛАХ ЭРХИЙГ НЬ ХЯЗГААЛСАН БАЙНА

02 / 10 0 сэтгэгдэл 208 үзсэнe

Хөгжлийн банкнаас олгогдсон зээлүүд холбогдох хууль тогтоомжуудад нийцсэн эсэх , эрх мэдэл албан тушаалаа урвуулан ашигласан , хээл хахууль авсан эсэх , улмаар төрд хохирол учруулсан эсэхийг тогтоохоор ажиллаж байгаа бөгөөд өнөөдрийн байдлаар хяналт шалгалт хийж . Мөрдөн шалгалтын явцад нийт 186 үл хөдлөх хөрөнгө , 124 тээврийн хэрэгсэл , нэг үйлдвэрийн барилга , 13 дансыг битүүмжилж , захиран зарцуулах эрхийг нь хязгаарласан бол 8.5 тэрбум төгрөгийн зээл эргэн төлөгдсөн байгааг тогтоожээ

ХӨВСГӨЛ АЙМАГТ ГУРАВДУГААР САРЫН 3-4 ХООРОНД “ХӨХ СУВД” МӨСНИЙ БАЯР УЛАМЖЛАЛТ ЁСООРОО БОЛНО

02 / 10 0 сэтгэгдэл 596 үзсэнe

Хөвсгөл аймагт өвлийн аялал жуулчлалыг хөгжүүлэх зорилгоор жил бүр уламжлал болон зохион байгуулдаг “Хөх сувд” мөсний баяр 20 дахь жилдээ болох гэж байна. Уг баяр нь энэ оны гуравдугаар сарын 3, 4-ний өдрүүдэд тэмдэглэхээр аймгийн Засаг даргын Тамгын газраас шийдвэрлэсэн байна. Энэ жил Хөвсгөл нуурт “Хөх сувд” зохион байгуулагдах болсонтой холбогдуулан Байгаль орчин, аялал жуулчлалын яам Төрийн нарийн бичгийн даргаар ахлуулан зохих шийдвэрүүдийг гаргасан бөгөөд Тухайлбал: БОАЖЯ-наас Нуурын мөсөн дээр авто машин, техник зогсоохгүй байх. Машин зогсох талбайг тусгайлан өөр газар бэлдэх. Ариун цэвэр, эрүүл ахуйн шаардлага хангасан (био 00) гэх мэт ажиллууд зохион байгуулах шийдвэр гарчээ .

ИРГЭД ТӨВ ТАЛБАЙД ЖАГССАН ХЯТАД ИРГЭДИЙН АСУУДЛААР ТАЙЛБАР ӨГХИЙГ ШААРДАЖ БАЙНА

02 / 10 0 сэтгэгдэл 576 үзсэнe

[media= ]