Өнгөрсөн бямба гарагт /2021.12.25/ Дөнгөж төрсөн нярай хүүхдээ байрны гадаа хаясныг олж, хүүхдийн сувилалд шилжүүлжээ. Тодруулбал: Сонгинохайрхан дүүргийн 32-р байрны хойно өлгийтэй нярай хүүхдийг хаясан байжээ. Тус хэргийг Сонгинохайрхан дүүргийн цагдаагийн 3-р хэлтэс шалгаж байгаа бөгөөд хаягдсан нярайг Хүүхдийн төв сувилалд шилжүүлсэн байна.
Суданаас ирсэн 241 энхийг сахиулагчдаас шинжилгээ авахад 120 хүнээс халдвар илэрсэн байна. Эдгээр хүмүүсээс одоогоор омикрон илрээгүй, дельта болон альфа хувилбарууд илрээд байгаа аж. Өнөөдөр шинээр бүртгэгдсэн 328 тохиолдлын 119 нь нийслэлд, 84 нь орон нутагт бүртгэгджээ.
Ө нөөдрийн байдлаар дэлхийн 90 гаруй улсад КОВИД-19-ийн омикрон хувилбар бүртгэгдсэн байгаа. Засгийн газрын хуралдаанаар иргэдийг гэрийн тусгаарлалтад байлгаж тусгаарлалтын дөрөв дэх хоногт шинжилгээ авч байгаа ч шинжилгээнд хамрагдах нь 30 хувьтай байгаа бөгөөд гадаад улсаас ирж буй бүх иргэдтийг цаашид үргэлжлүүлэн гурав хоног тусгаарлана.
Өчигдөр 17:39 цагт Нийслэлийн Баянгол дүүргийн 20 дугаар хороо, Цамбагараваас Саппоро явах замд зорчигч тээвэрлэсэн автобус шатаж байна гэсэн дуудлагын дагуу Онцгой байдлын алба хаагчид 5 км замыг туулан 17:50 цагт очиход “Эрдэнэс Транс” ХХК-ийн “Нарангийн гол-Дүнжингарав” чиглэлийн автобусны доод эд анги шатаж байсныг 10 минут ажиллан унтраажээ.
“ Цагдаа иргэний харилцааны менежментийг сайжруулах нь “ сэдэвт сургагч багш бэлтгэх сургалтыг Цагдаагийн ерөнхий газраас зохион байгуулж байна. Цагдаагийн тусгай үүрэг гүйцэтгэдэг алба хаагчдаас сонгон онол, практик хослуулан зааж байгаа аж. Хүний эрхийн тухай иргэдтэй зөв харьцах хэвлэл мэдээллийн хэрэгсэлтэй харилцах техник хохирогчтой харилцах тактик арга зүй цахим орчин дахь мэдээллийн урсгал харилцааны ур чадвар эерэг хандлагыг төлөвшүүлэх мэдээллийн технологийн хувьсал хөгжил крипто валютын тухай жагсаал цуглаан хийх журмын тухай хуулийн хэрэглээ хүний бичиг баримт шалгах үзлэг хийх ажиллагаа дахь хууль тогтоомжийн хэрэглээ ажлаас халшрах хам шинж стресс менежмент болон тодорхой нөхцөл байдалд сэтгэл зүйгээ хянах удирдах чадварыг нэмэгдүүлэх цогц сургалтууд багтжээ. Мөн ЦЕГ - ын хэв журам олон нийттэй харилцах алба ТЦА - ын чиглүүлэх багш нар бодит жишээн дээр тулгуурлан дүн шинжилгээ хийн зөрчлийн хуулийг хэрэглэх талаарх мэдээллүүд оржээ.
Нас барсан өндөр насны тэтгэврийн зээлийг чөлөөлөх тухай хуулийн төс лийг УИХ-ын гишүүн Ц.Туваан санаачилж мэдээлэл өглөө. Тэрээр "Өнөөдөр манай улсад 450 мянган тэтгэвэр авагч бий. Өнөөдрийн нөхцөл байдалд өндөр настай хүмүүсийн зарим нь хорвоогийн жамаар ертөнцийн мөнх бусыг үзүүлсэн бол зээлийг нь ар гэрийнхэн нь төлж барагдуулдаг. Нас барсны гэрчилгээ авахын тулд зээлээ бүрэн барагдуулах ёстой байдаг. Иймээс Нас барсан өндөр насны тэтгэврийн зээл авагчийн тэтгэврийн зээлийг нэг удаад чөлөөлөх тухай хуулийн төслийг өргөн барьсан. Өнөөдөр Монгол Улсад бүрэн тэтгэврийн доод хэмжээ 350 мянган төгрөг, хувь тэнцүүлсэн тэтгэврийн доод хэмжээ 300 мянга орчим байгаа. Бараа бүтээгдэхүүний үнэ нэмэгдэж, инфляц хоёр оронтой тоонд орчихсон энэ үед тэтгэврийн мөнгө юунд ч хүрэлцэхгүй байна. Иймээс энэ хуулийн төслийг боловсруулж байна" хэмээв .
Энэ сарын 13-наас нийгмийн халамжийн тэтгэвэр болон тэтгэмж, хөнгөлөлт, хүүхдийн мөнгө, насны хишиг, эхийн алдар одонгийн мөнгө, хүнсний эрхийн бичиг болон асаргааны тэтгэмжийг олгож эхэлсэн. 2,4 сая иргэний гүйлгээнээс 54 мянган иргэний шилжүүлэг түр саатсан бөгөөд дансны мэдээлэл “Монгол банкны CAM” системийн шаардлага хангахгүй байгаатай холбоотой аж. Монголбанк бүх дансны мэдээллийг нэгдсэн нэг стандарт бүртгэлд оруулж байгаа бөгөөд “нэр данс зөрүүтэй” гэж аливаа гүйлгээ буцаагдахгүй болно гэсэн үг. Дээрх 54 мянган иргэний халамжийн мөнгийг энэ сарын 22-нд шилжүүлнэ.
Манай улс 12 дугаар сарын 03-наас 12 дугаар сарын 09-ний өдрүүдэд нийт 1146 автомашин, 350 вагон буюу 152.2 мян.тонн нүүрс 24 автомашин зэсийн баяжмал, 44 автомашин буюу 4.5 мян.тонн төмрийн хүдрийн баяжмал экспортолжээ. Одоогийн байдлаар улсын хэмжээнд АИ-92 /95,98/ автобензиний 39 хоногийн, нийслэлийн хэмжээнд нийт 54,151 тонн буюу 25 хоногийн нөөцтэй байна.
Тавантолгой түлш компанийн 10 хангамжийн баазаар дамжуулан иргэд шахмал түлшний хэрэглэсэн нэг шуудайгаа 300 төгрөгөөр буцаан өгөх боломжтой боллоо. 6300 ширхэг шуудай шахмал түлшийг Нийслэлээс орон нутаг руу тээвэрлэх зөрчил илрүүлсэн ба ЭХЯ, Тавантолгой түлш, мэргэжлийн хяналт, цагдаагийн байгууллага хамтран х яналт шалгалтын ажлыг эхлүүлээд байна. Шахмал түлшийг хувийн ашиг сонирхлын үүднээс орон нутаг руу зөөвөрлөхгүй байхыг анхааруулж байна.
Баянзүрх дүүргийн нутаг дэвсгэрт 12 сарын 5-ны өдөр онцгой байдлын алба хаагч ажил үүргээ гүйцэтгэж яваад цахилгаанд цохиулан амь насаа алдсан харамсалтай хэрэг гарлаа. Тодруулбал Баянзүрх дүүргийн 23 хорооны Улиастайн тойрог орчимд Нийслэлийн онцгой байдлын газрын харьяа Гал унтраах ангийн алба хаагч сэрэмжлүүлэг самбарыг буулгах гэж байгаад цахилгаан гүйдэлд цохиулан амь насаа алджээ.
