19,9 ТЭРБУМЫН ШИНЭЧЛЭЛ ХИЙСЭН “ГААЛИЙН ТӨВ ЛАБОРАТОРИ” ХУУРАМЧ АРХИНД ШИНЖИЛГЭЭ ХИЙХ ЧАДАМЖГҮЙ ХЭВЭЭР БАЙНА

04 / 02 2 сэтгэгдэл 558 үзсэнe

Монгол улсын Засгийн газраас 19.9 тэрбум төгрөгийн тоног төхөөрөмжийн шинэчлэлийг 2022 онд Гаалийн Ерөнхий газрын төв лабораторид хийлгэхээр төсвөөс олгосон байдаг. Гэвч өнөөдөр Гаалийн Ерөнхий газар түүний харьяа гаалийн байгууллагууд хурааж авсан хуурамч архиныхаа шинжилгээг хийх чадамжгүй ажилласан хэвээр байна. Учир нь Гаалийн байгууллага 2024 ОНЫ 1 САРД УЛСЫН ХИЛЭЭР ХУУРАМЧ АРХИ ХУУЛЬ БУСААР НЭВТРҮҮЛЖ БАЙГАА ТУХАЙ МЭДЭЭЛЭЛ ӨГЧ, ХУРААЖ АВСАН ХУУРАМЧ АРХИНЫ ШИНЖИЛГЭЭНИЙ ХАРИУ УДАХГҮЙ ГАРНА ХЭМЭЭН МЭДЭГДЭЖ БАЙВ Тухайн үед Цагаан сарын баяр болох гэж буйтай холбогдуулан Замын-Үүдийн гаалиар өдөрт л гэхэд 200-300 хуурамч архи оруулахыг завдсан зөрчил илрүүлэн шалгаж байгаа хэмээн сэрэмжлүүлэг мэдээлэл цацагдаж байсан. Уг мэдээлэл өгснөөс хойш 2 сар өнгөрч байгаа боловч Гаалийн Ерөнхий газар хурааж авсан хуурамч архиа лабораторийн шинжилгээгээр баталгаажуулж чадаагүй өдийг хүрлээ. Үүний цаад учир нь Гаалийн Ерөнхий газрын харьяа гаалийн лаборатори нь архины чанарт шинжилгээ хийдэггүй, зөвхөн барааны ангиллын кодыг л тодорхойлдог аж. Тэгвэл Монгол улс улсын хилээр нэвтрүүлэхийг завдсан, нэвтрүүлсэн хуурамч архинд ч шинжилгээ хийх чадамжгүй, гаалийн лабораторид 19,9 тэрбум төгрөг зарцуулсан болж таарч байгаа юм. Гаалийн төв лабораторийн дарга С.Цэрэнчимэд Монгол улсын ерөнхийлөгч У.Хүрэлсүхтэй садан төрлийн холбоотой гэх дата мэдээлэл бий. 2023 онд тус лабораторийн дарга С.Цэрэнчимэдийг сайн ажиллаж байгааг нь үнэлэн “ҮЙЛЧИЛГЭЭНИЙ ГАВЬЯАТ АЖИЛТАН ” цолоор шагнасан. Гаалийн Ерөнхиий газар улсаас хөрөнгө мөнгө шийдүүлж, хүнээ шагнуулсан шигээ сайн ажилладаг байсан бол хилээр Монгол хүний эрүүл мэндэд ноцтой хохирол учруулж болохуйц архи согтууруулах ундааны зүйл орж ирэхгүй байх байсан. Хилээр орж ирж олон тооны хуурамч архийг хаанаас ямар шугамаар орж ирсэн болох, ямар бодис агуулагдсан болох, ямар бодис нь хүний биед ямар аюултайг мэдээгүй өдийг хүргэсэн байгаа нь анхаарал татаж байгаа юм. Хилээр орж ирж байгаа хуурамч архийг шинжилж чадахгүй байгаа лабораторийн хүчин чадлыг нэмэгдүүлэхээр Улсын төсвөөс гаргуулан авсан 19,9 тэрбум төгрөг хаачсан нь тодорхойгүй замхарчээ. Харин одоо ч Гаалийн төв лабораторийн дарга С.Цэрэнчимэд ажлаа гүйцэтгэсээр байгаа. Түүнийг даргаар ажиллаж байгаа хугацаанд Улсын төсвийн мөнгө хаачсан нь тодорхойгүй замхарсан байхад хариуцлага тооцоогүй бөгөөд өнөөдөр ч лабораторийн шинэчлэлийг хийж, хуурамч архины дээжийн шинжилгээний хариу гараагүй байна. Түүний талаар эргэлт.мн сайтад 2022 оны 9 сарын 23-ны өдөр нийтлэхдээ: “Ерөнхийлөгч У.Хүрэлсүхийн эхнэр буюу тэргүүн хадагтай Л.Болорцэцэгийн төрсөн ах Л.Болдбаатарын эхнэр Сэд-Очирын Цэрэнчимэд нь Гаалийн ерөнхий газрын харьяа Гаалийн төв лабораторийн даргаар томилогдон ажиллаж байгаа ажээ. Гаалийн төв лаборатори нь Монгол Улсын хилээр орж болон гарч байгаа бүх төрлийн бараа, бүтээгдэхүүнд хяналт, шинжилгээ хийх үүрэгтэй байгууллага. Товчхондоо асар их эрх мэдэлтэй албан тушаал гэсэн үг. ГЕГ-ын харьяа Гаалийн төв лаборатори нь Монгол Улсын хилээр орж болон гарч байгаа бүх төрлийн бараа, бүтээгдэхүүн, байгалийн баялаг, тэдгээрийг зөөж, тээвэрлэж байгаа тээврийн хэрэгсэл гээд бүгдэд хяналт, шалгалт, шинжилгээ хийх үүрэгтэй байгууллага. Товчхондоо Монгол Улсын Үндэсний аюулгүй байдлыг сахин хамгаалж байгаа нэг чухал нэгж гэсэн үг. Гэтэл энэ чухал албан тушаал Ерөнхийлөгч У.Хүрэлсүхийн хадам ахын эхнэр нь хашиж байна” хэмээж байжээ.

НӨАТ-ААС ЧӨЛӨӨЛӨГДӨХ БАРАА, АЖИЛ ҮЙЛЧИЛГЭЭ

04 / 02 0 сэтгэгдэл 518 үзсэнe

НӨАТ-аас чөлөөлөгдөх бараа, ажил үйлчилгээг Татварын ерөнхий газраас мэдээллээ. Тодруулбал, НЭГ. Дараах БАРАА НӨАТ-аас чөлөөлөгдөнө Гаалиар татваргүй нэвтрүүлэхийг зөвшөөрсөн хувийн хэрэглээний бараа; Гадаадын дипломат төлөөлөгчийн газар, Нэгдсэн үндэсний байгууллага, түүний төрөлжсөн салбарын хэрэгцээнд зориулан импортоор оруулсан бараа; Гадаад улсын Засгийн газар, олон улсын байгууллагаас буцалтгүй болон хүмүүнлэгийн тусламж, хөнгөлөлттэй зээлээр авсан бараа; Хөгжлийн бэрхшээлтэй иргэний тусгай зориулалтын хэрэгсэл, тоног төхөөрөмж, автотээврийн хэрэгсэл; Иргэний агаарын хөлөг, хөдөлгүүр болон газар дээрх дадлагажуур, тэдгээрийн эд анги, бүрэлдэхүүн хэсэг, Орон сууцны зориулалтаар ашиглаж байгаа байр, Эмчилгээний цус, цусан бүтээгдэхүүн, эд эрхтэн; Хийн түлш, түүний сав, тоног төхөөрөмж, тусгай зориулалтын машин механизм, техник хэрэгсэл, тоноглол; Монголбанкнаас хийлгэсэн мөнгөн тэмдэгт, мөнгөн дэвсгэрт; Борлуулсан алт; Эрдэм шинжилгээ, судалгааны ажлын туршилтын бүтээгдэхүүн; Экспортод гаргасан ашигт малтмалын бүтээгдэхүүн; Улс хоорондын шуудангийн илгээмж; Газрын тостой холбогдсон машин, техник, материал, химийн болон тэсрэх бодис, сэлбэг хэрэгсэл; Газрын тос; Чөлөөт бүсэд зорчигчийн худалдаж авсан гурван сая төгрөг хүртэл үнийн дүнтэй бараа. Банк, банк бус санхүүгийн байгууллага болон бусад хуулийн этгээдээс гаргасан шаардах эрх; Үр тариа, төмс, хүнсний ногоо, суулгац, жимс жимсгэнэ, үйлдвэрлэсэн гурил; Мах махан бүтээгдэхүүн, сүү, сүүн бүтээгдэхүүн; ЖДҮ-ийн тоног төхөөрөмж, сэлбэг хэрэгсэл; Инновацийн түүхий эд, материал, урвалж бодис; Импортын мод, бэлдэц, модон материал; Экспортод гаргасан түүхий, угаасан, самнасан ноолуур, арьс шир; Соёлын өвийг судалж шинжлэх, сэргээн засварлахад ашиглах материал, техник, тоног төхөөрөмж, бодис, багаж хэрэгсэл; Монгол Улсад суугаа дипломат төлөөлөгчийн болон консулын газрын албан ажлын болон тэдгээрт ажиллагсдын хувийн хэрэгцээнд зориулж худалдан авсан бараа, гүйцэтгэсэн ажил, үзүүлсэн үйлчилгээ; Сэргээгдэх эрчим хүчний тоног төхөөрөмж, түүний дагалдах хэрэгсэл, сэлбэг ХОЁР. Дараах ҮЙЛЧИЛГЭЭ НӨАТ-аас чөлөөлөгдөнө Банк болон банк бус санхүүгийн байгууллага, хадгаламж зээлийн хоршооны үйлчилгээ; Даатгалын үйлчилгээ; Үнэт цаас, хувьцаа гаргах, баталгаа гаргах үйлчилгээ; Нийгмийн болон эрүүл мэндийн даатгалын сангийн үйлчилгээ; Орон сууц хөлслүүлэх үйлчилгээ; Боловсролын үйлчилгээ; Эрүүл мэндийн үйлчилгээ; Шашны байгууллагын үйлчилгээ; Төрийн байгууллагаас үзүүлж байгаа үйлчилгээ. Нийтийн тээврийн үйлчилгээ; Гадаадын жуулчдад үзүүлсэн /туроператор/ үйлчилгээ; Соёлын өвийг сэргээн засварлах үйлчилгээ; Оршуулгын үйлчилгээ. Мал эмнэлгийн үйлчилгээ. Нотариатын үйлчилгээ, Виртуал хөрөнгийн үйлчилгээ. Сангийн яамнаас баталсан “Эдийн засгийн бүх төрлийн үйл ажиллагааны салбарын ангилал”-ыг үндэслэн НӨАТ ногдох болон татвараас чөлөөлөх бараа, үйлчилгээг тодорхойлно.

ЕРӨНХИЙ САЙД Л.ОЮУН-ЭРДЭНЭ БНСУ ДАХЬ АЙЛЧЛАЛЫН ҮЕЭР УЛААН БУУДАЙ ЭКСПОРТЛОХ ХАМТЫН АЖИЛЛАГАА ЭХЛҮҮЛЛЭЭ

04 / 02 0 сэтгэгдэл 414 үзсэнe

Монгол Улсын Ерөнхий сайд Л.Оюун-Эрдэнэ БНСУ-д хийж буй ажлын айлчлалын хүрээнд 2024 оны дөрөвдүгээр сарын 01-ний өдөр БНСУ-ын Ерөнхий сайд Хан Дог Сү-тэй Сөүл хотноо уулзлаа. Ерөнхий сайд Л.Оюун-Эрдэнэ БНСУ-аас чанартай эм импортлох, Солонгосын эмийн үйлдвэрлэлийн стандартыг Монголд нутагшуулах, эрүүл мэндийн салбарын хамтын ажиллагааг эрчимжүүлэх сонирхолтой буйгаа илэрхийлж Монголоос улаан буудай, тэжээлийн буудай экспортлох боломжийг танилцууллаа. Мөн талууд Монгол Улсын Засгийн газрын дэвшүүлсэн Бүсчилсэн хөгжлийн бодлогын хүрээнд нийслэл Улаанбаатар хотын дахин төлөвлөлт тухайлбал, нүхэн гарц, гүүр, автозамын бүтээн байгуулалт зэрэг дэд бүтцийн төслийг хэрэгжүүлэхэд хамтран ажиллах боломжтой гэдэгт санал нэгдэв. БНСУ-ын Экспорт-Импорт банк, Монгол Улсын Хөгжлийн банк хооронд хамтран ажиллах, туршлага солилцох, хамтын ажиллагааны санамж бичиг байгуулах зэрэг асуудлаар ярилцлаа .

ТЭТГЭВЭР, ТЭТГЭМЖИЙН ХЭМЖЭЭГ НЭМЛЭЭ

04 / 02 0 сэтгэгдэл 573 үзсэнe

Тэтгэвэр, тэтгэмжийн хэмжээг 2024 оны дөрөвдүгээр сарын 1-ний өдрөөс нэмлээ. Ингэснээр: Нийгмийн даатгалын сангаас олгож байгаа болон цэргийн алба хаасны тэтгэвэр авагчийн тэтгэвэр Монгол Улсын Засгийн газрын 2020-2024 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний 2.5.5-д “цалин хөлс, тэтгэвэр, тэтгэмжийг инфляц, хөдөлмөрийн бүтээмжтэй уялдуулан үе шаттайгаар нэмэгдүүлнэ” гэж, Монгол Улсыг 2021-2025 онд хөгжүүлэх таван жилийн үндсэн чиглэлийн 3.1.5-д “нийгмийн даатгалын сангийн болон халамжийн тэтгэвэр, тэтгэмжийн хэмжээг инфляцын түвшин болон хүн амын амьжиргааны доод түвшинтэй уялдуулан нэмэгдүүлнэ” гэж тус тус заасан. Энэ хүрээнд Засгийн газраас нийгмийн даатгалын сангаас олгож байгаа болон цэргийн алба хаасны тэтгэвэр авагчийн тэтгэвэр бодох цалингийн итгэлцүүрийг 9 жилийн дараа шинэчлэн баталж, тэтгэврийн хэмжээг хэрэгжүүлсэн. Мөн нийгмийн даатгалын сангаас олгож байгаа болон цэргийн алба хаасны тэтгэвэр авагчийн тэтгэврийн хэмжээг 2020 онд 25.0-40.0 мянган төгрөгөөр, 2022 онд 15-43 хувиар, 2023 онд 10 хувиар тус тус нэмэгдүүлсэн. Мөн 2024 оны 04 дүгээр сарын 01-ний өдрөөс нийгмийн даатгалын сангаас олгож байгаа болон цэргийн тэтгэвэр авч байгаа тэтгэвэр авагчийн тэтгэврийн хэмжээг 100.0 мянган төгрөгөөр нэмлээ. Энэхүү арга хэмжээнд 499.2 мянган тэтгэвэр авагч хамрагдаж 449.3 тэрбум төгрөг зарцуулж, дундаж тэтгэврийн хэмжээ 685.6 байгааг 785.6 мянган төгрөгт хүргэж 14.6 хувиар нэмэгдүүлж байна. Түүнчлэн бүрэн тэтгэврийн доод хэмжээ 550.0 байгааг 650.0 мянган төгрөгт, хувь тэнцүүлэн тогтоосон тэтгэврийн доод хэмжээ 440.0 байгааг 540.0 мянган төгрөгт хүрнэ. Дундаж тэтгэврийн хэмжээг 2019 (372.5 мянган төгрөг) онтой харьцуулахад 2.1 дахин өсөж байна. Халамжийн тэтгэвэр, тэтгэмж Нийгмийн даатгалын сангаас тэтгэвэр авах эрх үүсээгүй ахмад настан, хөгжлийн бэрхшээлтэй иргэн, тэжээгч нь нас барсан хагас болон бүтэн өнчин хүүхдүүд гэх зэрэг нийгмийн зүгээс анхаарал халамж зайлшгүй шаардлагатай 65.6 мянган иргэн нийгмийн халамжийн тэтгэвэр авч байна. Мөн 16 хүртэлх насны байнгын асаргаа шаардлагатай хөгжлийн бэрхшээлтэй хүүхэд нийгмийн халамжийн тэтгэвэртэй тэнцүү хэмжээгээр амьжиргааг дэмжих мөнгөн тэтгэмж олгодог бөгөөд энэ тэтгэмжид нийт 12.8 орчим мянган хүүхэд хамрагддаг. Энэхүү нийгмийн халамжийн тэтгэвэр болон хөгжлийн бэрхшээлтэй хүүхдийн амьжиргааг дэмжих мөнгөн тэтгэмжийг 2020 онд 100 мянган төгрөгөөр, 2023 онд 12.8 хувиар тус тус нэмэгдүүлж байсан бөгөөд 2024 оны 4 дүгээр сарын 1-ний өдрөөс 15.4 хувь буюу 50 мянган төгрөгөөр нэмэгдүүлэн 375 мянган төгрөг болголоо. Тэтгэвэр, мөнгөн тэтгэмжийн хэмжээг 2019 (174.0 мянган төгрөг) онтой харьцуулахад 2.1 дахин нэмэгдэж байна. Харин ахмад настан, хөгжлийн бэрхшээлтэй иргэнийг асарч байгаа иргэний тэтгэмж 2020 онд 84.5 мянган төгрөг, хөгжлийн бэрхшээлтэй хүүхэд асарч байгаа иргэний тэтгэмж 123.1 мянган төгрөг байсныг 2023 оны 7 дугаар сарын 1-ний өдрөөс 2-3 дахин нэмэгдүүлж 275 мянган төгрөг болгосон. Энэхүү тэтгэмжийг мөн энэ оны 4 дүгээр сарын 1-ний өдрөөс 10 хувь нэмэгдүүлж 302.5 мянган төгрөг болголоо. Энэхүү арга хэмжээнд 67.4 мянган хүн хамрагдана. Монгол Улсын 2024 оны төсөвт нийгмийн халамжийн тэтгэвэр, тэтгэмжийн хэмжээг нэмэгдүүлэхэд зориулж 60.9 тэрбум төгрөгийн хөрөнгийг баталсан гэж Хөдөлмөр, Нийгмийн Хамгааллын Яамнаас мэдээллээ.

ӨНӨӨДӨР ЦАХИЛГААНЫ ХЯЗГААРЛАЛТ ХИЙХ БАЙРШЛУУД

04 / 02 0 сэтгэгдэл 645 үзсэнe

Өнөөдөр буюу 2024 оны дөрөвдүгээр сарын 2-ны өдөр цахилгааны шугам тоноглолд засвар үйлчилгээ хийх хуваарийг танилцуулж байна.

Ж.ГАНБАТ: 1072 ХУВЬЦААНЫ 256 МЯНГЫГ ЭНЭ ДОЛОО ХОНОГТ ИРГЭДЭД ОЛГОНО

04 / 02 0 сэтгэгдэл 496 үзсэнe

"Эрдэнэс Тавантолгой" ХК-ийн 1072 хувьцааны 2023 оны ногдол ашиг хэзээ олгогдох нь иргэдийн дунд хүлээлт үүсгээд байгаа юм. Тэгвэл тус компанийн Бүрэн эрхт төлөөлөгч Ж.Ганбат энэ талаар сэтгүүлчдэд мэдээлэл өглөө. Тэрбээр “ЭТТ” ХК 1072 хувьцааны ногдол ашиг тараахад бэлэн болсон. Аудитын байгууллагаар бүх тайлан орж эцэслэгдсэн. 1072 хувьцааны 2023 оны ногдол ашиг буюу нэг хүнд ногдох 256 орчим мянган төгрөг энэ долоо хоногт буюу маргааш нөгөөдөр хоёр иргэдийн дансанд орно" гэлээ.

СЭРЭМЖЛҮҮЛЭГ: 16-24 НАСНЫ ЗАЛУУС ХҮЙТЭН ЗЭВСЭГ АШИГЛАЖ ДЭЭРЭМ ХИЙЖЭЭ

04 / 02 0 сэтгэгдэл 416 үзсэнe

Цагдаагийн байгууллагад энэ оны 04 дүгээр сарын 01-ний өдөр “Сүхбаатар дүүргийн 2-р хорооны нутаг дэвсгэрт 14-16 насны 2 эрэгтэй хүүхдийг үл таних хүмүүс амь биед нь аюултай аргаар хутга тулган гар утсыг нь дээрэмдчихлээ” гэх дуудлага мэдээлэл ирүүлсэн. Дуудлага мэдээллийн дагуу цагдаагийн байгууллагаас шуурхай эрэн сурвалжлах ажиллагаа явуулж, 24 настай, эрэгтэй П, 16 настай, эрэгтэй Т нар нь дээрх гэмт хэргийг бусадтай бүлэглэн, тээврийн хэрэгсэл ашиглан үйлдсэнийг олж, тогтоон Сүхбаатар дүүргийн цагдаагийн газрын хоёрдугаар хэлтсийн алба хаагчид Баянзүрх дүүргийн нутаг дэвсгэрээс баривчилж ажиллалаа. Энэ төрлийн хэргийн эрх зүйн зохицуулалт: Эрүүгийн хуулийн 17.2 дугаар зүйл /Дээрэмдэх/ "Бусдын эд хөрөнгийг илээр, хүч хэрэглэхгүйгээр, хууль бусаар авсан бол зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ." гэж хэрэв хүндрүүлэх бүрэлдэхүүнтэй үйлдсэн бол 5-12 жилийн хорих ял шийтгэхээр хуульчилсан. Сэрэмжлүүлэг: Иргэд Та бүхэн шөнө, оройн цагаар гудамж талбай, олон нийтийн газраар явахдаа өөрийн болон бусдын аюулгүй байдалд анхаарах, гэрэлтүүлэгтэй газраар зорчих, өөрийн өмч, хөрөнгө гар утас, эд зүйлсийг сонор сэрэмжтэй авч явахыг цагдаагийн байгууллагаас сэрэмжлүүлж байна. Мөн энэ төрлийн гэмт хэргийн сэжигтэй тохиолдолтой таарах, хохирогч болсон тохиолдолд нэн даруй цагдаагийн байгууллагын 102 дугаарт хандана уу.

ЯАРМАГ ОРЧМЫГ ХАМГИЙН ТҮРҮҮНД БҮСЧЛЭН, ЖИШИГ БАЙДЛААР ХӨГЖҮҮЛЭХ БОЛОМЖТОЙ

04 / 01 0 сэтгэгдэл 86 үзсэнe

Хан-Уул дүүргийн “УРАН ХӨДӨЛГӨӨНТ ГИМНАСТИК”-ийн тэмцээний шилдгүүд тодорч, нийслэлийн тэмцээнд оролцох эрхээ гардан авлаа Хан-Уул дүүргийн Засаг даргын “Зөв хүүхэд-Зөв ирээдүй” хөтөлбөрийн хүрээнд дүүргийн сургуулийн өмнөх боловсролын байгууллагын хүүхдийн бие бялдрыг чийрэгжүүлэх, ур чадварыг хөгжүүлэх, гимнастикийн дасгал хөдөлгөөнөөр хичээллэх сонирхлыг өрнүүлэх, цэцэрлэгийн орчин дахь биеийн тамир, сургалт хүмүүжлийн ажлын чанар үр нөлөөллийг дээшлүүлэх зорилгоор уран хөдөлгөөнт гимнастикийн тэмцээн “Буянт-Ухаа” спортын цогцолборт энэ сарын 30-ны өдөр зохион байгуулагдлаа. Тэмцээнд дүүргийн төрийн болон хувийн хэвшлийн 18 цэцэрлэгийн 600 орчим гимнастикч хүүхдүүд, 150 гаруй багш сурган хүмүүжүүлэгчид, 2000 гаруй эцэг, эх, хөгжөөн дэмжигчид оролцсон өргөн хэмжээний тэмцээн амжилттай зохион байгуулагдаж, өндөрлөлөө. “Шилдэг хувцаслалт” номинацид Б.Баярмаа эрхлэгчтэй 65 дугаар цэцэрлэг “Онцлох баг” номинаци буюу VI байрт В.Алтангэрэл эрхлэгчтэй 243 дугаар цэцэрлэг. Тэргүүн байрт Э.Батнавч эрхлэгчтэй 250 дугаар цэцэрлэг Дэд байрт Д.Туяа эрхлэгчтэй 223 дугаар цэцэрлэг Гутгаар байрт Л.Оюунцэцэг эрхлэгчтэй 144 дүгээр цэцэрлэгийн хамт олон тус тус шалгарлаа. Тус тэмцээний эхний дөрвөн байрт шалгарсан шилдэг цэцэрлэгүүд Нийслэлийн шигшээ тэмцээнд оролцох эрхтэй болж, дүүргээ төлөөлөн оролцоно.

ЯАРМАГ ОРЧМЫГ ХАМГИЙН ТҮРҮҮНД БҮСЧЛЭН, ЖИШИГ БАЙДЛААР ХӨГЖҮҮЛЭХ БОЛОМЖТОЙ

04 / 01 0 сэтгэгдэл 55 үзсэнe

Ус тогтсон байршлуудад хариу арга хэмжээ авч байна Дөрөвдүгээр сарын 1-ний 15:00 цагийн байдлаар Геодези, Усны барилга байгууламжийн газарт авто замд ус тогтсон талаар болон шар усны тухай 11 дуудлага, мэдээлэл ирсэн. Дуудлагын дагуу 26 албан хаагч, 11 хоёр помптой ажиллаж байна. Хан-Уул дүүргийн 21 дүгээр хороо Архивчдын гудамжинд уулын шар ус явган зам болон авто зам давж орж ирж байсан тул шороо асган, авто зам болон явган хүний зам руу ус орохоос сэргийлэн боолт хийгээд байна.

ИРЭХ ОНООС ЦАЛИНТАЙ ЭЭЖИЙН 50 МЯНГАН ТӨГРӨГИЙГ НЭМНЭ

03 / 29 0 сэтгэгдэл 242 үзсэнe

Өнөөдөр ХНХ-ын сайд Х.Булгантуяа "Хүүхдийн мөнгө бол хүүхдийн тоогоороо олгогдох ёстой. Цалинтай ээжийн мөнгийг нэмэхээр тусгасан. Гэхдээ энэ жил сонгуулийн жил учраас халамжийн хөтөлбөрүүд сонгуулийн хуулиар хориотой. Цалин тэтгэвэр бол өөр байдаг. 2025 онд цалинтай ээжийн мөнгийг нэмэхээр төсвийн хүрээгээ Сангийн яам руу хүргүүлсэн. 50 мянган төгрөгөөр олгоход жилд 100 орчим тэрбум төгрөг болдог. Хөдөлмөрийн хөлсний доод хэмжээгээр олгоно гэвэл жил 660 тэрбум төгрөг болдог ч юм уу, ямар ч байсан өөрчлөлт оруулна" хэмээв.