УКРАИНДЧУУДЫН АЮУЛГҮЙ БАЙДЛЫГ ХАНГАХ ҮҮДНЭЭС ОРОН НУТГИЙН АЛБАНЫ ХҮМҮҮСТЭЙ ЗӨВЛӨЛДӨЖ БАЙГААД “GOOGEL MAPS”-ЫГ ӨЧИГДӨР ХААЖЭЭ

02 / 28 0 сэтгэгдэл 848 үзсэнe

Google Maps хэрэглэгчдэд бодит цаг хугацаанд мэдээлэл өгдөг хоёр функцийг Украинд хаасан тухай тус компани өчигдөр мэдээлэл хийсэн. Идэвхгүй болгосон функцууд нь “ Google Газрын зургийн ” шууд замын хөдөлгөөний давхцлыг багтаасан бөгөөд энэ функцийг зарим судлаачид зөрчилдөөнийг алсаас хянахын тулд ашиглаж байсан бөгөөд мөн тухайн үед тухайн байршил хэр ачаалалтай болохыг харуулдаг “ Live Busyness ” функцийг багтаасан болно. Google энэ өөрчлөлтийг Украинчуудын аюулгүй байдлыг хангах үүднээс орон нутгийн албаны хүмүүстэй зөвлөлдсөний дараа хийсэн гэж тухай тус компани мэдэгдлээ.

ОЛОН УЛС ОХУ-ЫН SWIFT-Д ХОРИГ ТАВЬСАН НЬ МАНАЙ УЛСЫН ЗАРИМ БАРАА БҮТЭЭГДЭХҮҮНИЙ ҮНЭД НӨЛӨӨ ҮЗҮҮЛЭХ ҮҮ?

02 / 28 0 сэтгэгдэл 877 үзсэнe

Өнөөдөр Монголбанкы удирдлагууд цаг үеийн асуудлаар мэдээлэл хийлээ. Монголбанк 2022 оны эдийн засгийн өсөлтийг 5.1 хувь, инфляцыг 6 хувь дээр нэмэх, хасах хоёр хувьд тогтвортой байна гэж мэдэгдлээ. Монголбанкны ерөнхийлөгч Б.Лхагвасүрэн: "Монгол Улс Оросын холбооны улсаас нефть бүтээгдэхүүнээ бараг 100 хувь импортолж байгаа бөгөөд. Манай улс нефть бүтээгдэхүүний төлбөр тооцоогоо олон улсын SWIFT системээр дамжуулан хийдэг. ОХУ-ыг энэ системээс хасах хоригт оруулж, хаалт хийсэн билээ. Тодруулбал, ОХУ-ын Төв банк болон нэр бүхий таван том банкийг SWIFT системээс хассан. Хэрвээ манай улсын төлбөр тооцоо дамждаг банк багтсан бол гадаад төлбөр тооцоо зогсох эрсдэлтэй байдал үүснэ. Гэхдээ АНУ-ын талаас эрчим хүч, нефтийн төлбөр тооцоог хоригт багтаахгүй гэсэн яриа одоогоор байгаа. Тиймээс нефть бүтээгдэхүүн авдаг улсын хувьд боломж гарц гаргалгаа хайж ажиллана. Манай улс ОХУ-аас нефть бүтээгдэхүүн авахаас гадна Зүүн Европоос ОХУ-аар дамжин Алтанбулаг боомтоор хүнс болон хэрэглээний бараа бүтээгдэхүүн орж ирдэг. Энэ сүлжээнд мөн тодорхой хэмжээний эрсдэл үүсч магадгүй гэж үзэж байгаа. Туркээр дамждаг нэг зам, Беларусаар дамждаг нэг зам тус тус бий. Одоогоор эдгээр сүлжээ доголдсон, экспорт, импорт хаасан зүйл байхгүй байгаа. Гэхдээ бид бэлтгэлтэй байх хэрэгтэй байна. Өнөөдөр үдээс хойш Санхүүгийн тогтвортой байдлын зөвлөл /Сангийн яам, Монголбанк, Санхүүгийн зохицуулах хороо/ яг энэ асуудлаар хуралдаж, тодорхой гарц шийдэл хайна. Хоригт багтаагүй банк санхүүгийн хэрэгслээр төлбөр тооцоо хийх боломжуудыг эрэлхийлнэ. Мөн сард хэчнээн хэмжээний төлбөр тооцоо хийгдэж, хэдий хэр бараа бүтээгдэхүүн ОХУ-аас авч байгаа талаар нарийвчлан ярина. Мөн шаардлагатай нөөц бэлтгэн ажиллана" гэж мэдээллээ.

ОХУ БОЛОН УКРАИНЫ ХООРОНДЫН МӨРГӨЛДӨӨНИЙ ҮЕД ДЭЛХИЙН ХАМГИЙН ТОМ АЧАА ТЭЭВРИЙН 250 ТОНН АЧАА ТЭЭВЭРЛЭХ ХҮЧИН ЧАДАЛТАЙ АН-225 ОНГОЦ СҮЙРЧЭЭ

02 / 28 0 сэтгэгдэл 1 721 үзсэнe

Дэлхийн хамгийн том нисэх онгоц Антоновын "Мрия" буюу "мөрөөдөл" АН-225 ОХУ-ын цэрэг Украиныг эзлэн түрэмгийлэх үеэр сүйржээ. Украинаар "Мрия" буюу "мөрөөдөл" гэж нэрлэсэн асар том онгоц Киевийн ойролцоох нисэх онгоцны буудалд байрлаж байсан Хостомелийн нисэх онгоцны буудлыг Оросын арми эзэлсэн бөгөөд. “Maxar Technologies”-ийн хиймэл дагуулаас авсан зургууд нь АН-225-ыг хадгалж буй ангарын хэсэг ихээхэн хохирол амссан болохыг илтгэж байгаа аж. “Мрия” зургаан турбо сэнс хөдөлгүүрээр ажилладаг 250 тонн ачаа тээвэрлэх хүчин чадалтай. Ан-225 онгоцыг Антонов компани бүтээсэн бөгөөд анх 1988 онд нислэг үйлдэж, одоог хүртэл үйл ажиллагаагаа явуулж байгаа юм. Украины эрх баригчид онгоцыг сэргээн засварлана гэдгээ мэдэгджээ. "Орос манай "Мрия"-г устгасан ч хүчирхэг, эрх чөлөөтэй, ардчилсан Европын улс байгуулах бидний мөрөөдлийг хэзээ ч устгаж чадахгүй" хэмээн Украины Гадаад хэргийн сайд Дмитрий Кулеба твиттер хуудаснаа бичжээ. Антоновыг эзэмшдэг Украины Укроборонпром компани ням гарагт мэдэгдэл гаргаж, онгоцыг устгасан ч Оросын зардлаар сэргээн засварлах болно. Сэргээхэд гурван тэрбум ам.доллар шаардлагатай гэжээ. "Сэргээн засварлах ажилд гурван тэрбум ам.доллар, таван жил гаруй хугацаа шаардагдана" гэж мэдэгдэлд онцлон мэдээллээ.

“ОЮУТОЛГОЙ ХХК-ИЙН ГҮЙЦЭТГЭХ ЗАХИРАЛ АРМАНДО ТОРРЕС ҮҮРЭГТ АЖИЛЛАА ХҮЛЭЭЛГЭН ӨГЧЭЭ

02 / 28 0 сэтгэгдэл 1 043 үзсэнe

Тодруулбал:“Оюутолгой ХХК-ийн Гүйцэтгэх захирал Армандо Торрес ажлаа хүлээлгэн өгч, Гүний уурхайн төслийн захирал Жан Ван Тондер тус компанийн Гүйцэтгэх захирлын үүргийг давхар гүйцэтгэж байгаа бөгөөд. Одоогийн байдлаар "Оюутолгой" компанийн Төлөөлөн удирдах зөвлөл Армандо Торресийн оронд хэнийг томилох шийдвэр нь хараахан тодорхойгүй байгаа юм байна.

“ХӨГЖЛИЙН БАНК”-НЫ УДИРДЛАГУУД ЗЭЭЛДЭГЧ ЗЭЭЛДЭГЧ НАРТАЙ ХОЛБООТОЙ ЗАРИМ НОТЛОХ БАРИМТУУД УСТСАН БАЙХ МАГАДЛАЛТАЙ

02 / 28 0 сэтгэгдэл 847 үзсэнe

Торуулбал: Ямар ч хэрэг хянан шийдвэрлэх ажиллагаа нотлох баримт дээр үндэслэн явагдах ёстой. Нийт зээлдэгчийн зээлийн бүх материалыг бүрдүүлсэн эсэх талаар шалгалтын ажиллагаа явуулж дүн гарсан. Улмаар 47 зээлийн материал дутуу, алдаатай, ажилчид хоорондоо ажил хүлээлцэхдээ хэн нь нотлох баримтыг аваад устгачихсан нь тодорхойгүй буюу 66 хувьд нь зөрчилтэй гэж гарсан байна. Энэ талаар “Хөгжлийн банк”-ны удирдлагууд цаг үеийн асуудлаар мэдээлэл хийлээ. Хөгжлийн банкны дэд захирал Ж.Эрхэмбаатар: Анхан шатны шүүх дээр Хөгжлийн банкны нэхэмжлэлтэй нийт 16 хэрэг буюу үнийн дүнгээр илэрхийлбэл 750 орчим тэрбум төгрөгийн үнийн дүн бүхий хэрэг хянан шийдвэрлэх ажиллагаа явж байгаа. Хамгийн удаан явж байгаа нь “Монгол Драйвмилк” ХХК-тай холбоотой хэрэг. Сүхбаатар дүүргийн иргэний хэрэг 886 хоног шийдвэрлэгдэж чадаагүй байгаа бол хоёрдугаарт, “Эрэл” компанитай холбоотой хэрэг 497 хоног шийдвэрлэгдэж чадахгүй удаа дараа хойшилж байна. Гуравдугаарт, 365 хоногийн хоцролттой “Монгема” компани байна. Нэр дурдсан хоёр хэрэг Сүхбаатар дүүргийн иргэний хэргийн шүүгч н.Уранчимэг дээр гацсан. 2 дугаар сарын 14-ний Шүүхийн сахилгын хорооны хурлаар Хөгжлийн банкны гомдлыг авч хэлэлцээд тус шүүгчид тухайн үед хариуцлага тооцсон. Харин давж заалдах шатны шүүхэд нэг, хяналтын шатны шүүхэд зургаа буюу 173 тэрбум төгрөгийн хэрэг хянан шийдвэрлэх ажиллагаа хүлээгдэж байна. Нэгдсэн дүнгээр 1.2 их наяд төгрөгийн маргаан зөвхөн шүүхийн процестт явж байна. Хугацаа алдвал Хөгжлийн банк ханшын эрсдэлд орох магадлал өндөр байна гэсэн юм. Мөн хөгжлийн банк дээрх зээлүүдийг нэг өдөр олгоогүй. Хөтөл цементийн үйлдвэрийн зээлээс эхлээд улс төрийн нөлөөлөл орсон. Өөрсдийн хамаарал бүхий хүнээ албан тушаалд томилуулах байдлаар хэрэгжиж байсан. Үүнийг хууль хяналтын байгууллага шалгаад тодорхой болгочихсон. Хэдий ч эдгээр хүмүүс өнөөг хүртэл ажлаа хийгээд явж байна. АТГ –аас нэр бүхий албан тушаалтныг ажлаас чөлөөлж, арга хэмжээ тооцох тухай мэдэгдэх хуудас ирсэн. Энэ хүрээнд тодорхой хэмжээнд ажиллаж байна. Жишээ дурдвал, Хөгжлийн банкны иргэний хариуцагчаар татан оролцуулсан Н.Мөнхбат нартай холбоотой хэрэг байна. Энэ хэрэг дээр хэд хэдэн үйлдлийг шалгадаг. Хөгжлийн банкны барилгыг худалдан авсан асуудал мөн орно. Энэ хэрэгт хоёр хуульч томилоод ажиллуулсан ч нэг нь хэлтсийн даргын чиглэлийн дагуу шүүх хуралдаанд оролцоогүй. Хөгжлийн банкны Эрсдэлийн удирдлагын газрын дарга нь намайг ажил авсан өдрөөс хойш ирээгүй. Хэлтсийн дарга нь яллагдагчаар татагдаад шалгагдаж байгаа. Хурал болохоор Захирал нь яллагдагч, хохирогч нь ажилтан нь болоод хуралдах жишээний. Эхнээс нь тодорхой албан тушаалтнуудыг чөлөөлж байгаа. Зарим нэг гол хэргийн нотлох баримтууд алдсан, устгагдсан байж болзошгүй байдал тогтоогдож байна гэв.

БНХАУ УКРАИНД БАЙГАА ИРГЭДДЭЭ ЧАРТЕР НИСЛЭГЭЭР ТАТАЖ АВАХ БӨГӨӨД ТУС УЛСАД СУУГАА ИРГЭДЭЭ ТӨРИЙН ДАЛБААГАА ТАНИХ ТЭМДЭГ БОЛГОН БАЙРШУУЛАХЫГ УРИАЛЖЭЭ

02 / 28 0 сэтгэгдэл 857 үзсэнe

БНХАУ-аас Украин Улсад суугаа Элчин сайд Фан Шяорун энэ сарын 27-ны өдөр Хятад иргэдийг Украинаас нүүлгэн шилжүүлэхэд маш аюултай нөхцөл байдал үүсээд байна. Оросын цэргийн үйл ажиллагаа дуусаж, аюултай нөхцөл байдал намжсаны дараа иргэдээ нүүлгэн шилжүүлнэ гэж мэдэгдсэн байна. Тодруулбал: Украинд Хятадын 6000 гаруй иргэд байгаа бөгөөд . Тэдгээр иргэдийн дийлэнх нь Киев, Харьков, Львов, Одесса зэрэг хотуудад байгаа бөгөөд ихэнх нь оюутнууд байгаа юм байна . Украин дахь Хятадын ЭСЯ-ны мэдэгдсэнээр тус улс иргэдээ чартер нислэгээр авахаар ажиллаж байгаа хэдий ч одоогоор хэдийгээр иргэдээ татаж авах хугацаа нь тодорхойгүй байгаа гэлээ . Тиймээс ЭСЯ-наас нь иргэддээ аль болох гадагш гарахгүй байх, хүнсээ сайн нөөцлөх, хэрэв гадагшаа гарахаар бол өөртөө болон машин дээрээ Хятадын далбааг таних тэмдэг хэлбэрээр байршуулахыг зөвлөжээ.

МОНГОЛЫН “ПАРА” БАЙТ ХАРВААНЫ ТАМИРЧИД ДАШТ-ААС ТҮҮХЭНДЭЭ АНХНЫ МЕДАЛЬ ЭХ ОРОНДОО АВЧ ИРЛЭЭ

02 / 28 0 сэтгэгдэл 714 үзсэнe

АНЭУ-ын нийслэл Дубай хотноо энэ сарын 19-27-нд кохион байгуулагдсан пара байт харвааны ДАШТ болж манай улсын тамирчид амжилттай оролцож . Д.Сэлэнгээ, Б.Жавхлантөгс нар Монголын пара байт харвааны түүхэн дэх анхны ДАШТ-ий медалийг авч ирсэн таатай мэдээ тэй байна. Тус тэмцээнд манай улсаас дөрвөн тамирчин өрсөлдөж эмэгтэйчүүдийн багийн төрөлд Д.Сэлэнгээ, Б.Жавхлантөгс нар Энэтхэгийн багийг ялж хүрэл медаль хүртэж. Тэд урьдчилсан харваанд тавдугаар байрт эрэмбэлэгдэж, улмаар Туркийн багийг 5:4-өөр ялсан бөгөөд. Тус тэмцээний мөнгөн медальт ОХУ-ын багтай учраа таарч 6:0-ээр ялагдаж, хүрэл медалийн төлөөх харваанд Энэтхэгийн багийг (5:1) ялснаар. Монголын пара байт харвааны түүхэн дэх анхны ДАШТ-ий медалийг хүртсэн байна.

ХЭРЭГЦЭЭТ ТОНОГ ТӨХӨӨРӨМЖӨӨР ХАНГАЛАА

02 / 26 0 сэтгэгдэл 266 үзсэнe

Говь Гурвансайханы Байгалын Цогцолборт Газрын Хамгаалалтын захиргаа нь говь нутгийнхаа ургамал амьтдыг хамгаалах, тоо толгойг нэмэгдүүлэх, байгалийг онгон дагшинаар нь хадгалан үлдээхийн төлөө ажилладаг билээ. Байгаль хамгаалагчид эргүүлд гарах, ан амьтдаа тоолох, тэмдэг тэмдэглэгээ хийхэд орчин үеийн тоног төхөөрөмжүүдтэй байх шаардлага гардаг. Иймд тус хамгаалалтын захиргааны хамт олонд Аймгийн Засаг дарга Р.Сэддорж хэрэгцээт тоног төхөөрөмжүүдийг шийдвэрлэж хүлээлгэн өглөө. Үүнд: Смарт программд ашиглагдах ULEFONE ARMOR 8 GPS брендийн таблет, хоёр нүдний дуран, богино долгионы станц, авто машины суурин станц зэрэг тоног төхөөрөмжүүд багтсан байна.

“ЭРЭЛ” КОМПАНИ ХӨГЖЛИЙН БАНКНААС ЗЭЭЛ АВАХДАА ҮЙЛДВЭРЭЭ БОЛОН БҮХ ТОНОГ ТӨХӨӨРӨМЖӨӨ БАРЬЦААЛЖ ЗЭЭЛ АВСАН ГЭВ

02 / 25 0 сэтгэгдэл 488 үзсэнe

Хөгжлийн банкны асуудал ид дундаа өрнөж байгаа бөгөөд өнөөдөр “Эрэл” ХХК-ийн удирдлагууд Хөгжлийн банкны зээлийн асуудлаар мэдээлэл хийлээ. Тус компанийн ТУЗ-ийн дарга Б.Эрдэнэбат хэлэхдээ МАНАЙ “ЭРЭЛ” КОМПАНИ Хөгжлийн Банкнаас гурван удаа зээл авч, гэр хорооллыг орон сууцжуулах төсөл хэрэгжүүлсэн байдаг. Энэ хүрээнд 2013 онд 20 тэрбум төгрөгийн зээл авсан бөгөөд хугацаа нь 2020 онд дууссан. Дараа нь 2014 онд 13.1 сая еврогийн зээл, 2015 онд 9 сая ам.долларын зээл тус тус авсан. Тухайн зээлийн хугацаа энэ оны аравдугаар сард дуусгавар бол. Тухайн үед Хөгжлийн банкнаас зээл хүсэхдээ "Зургаа дахин их барьцаа хөрөнгө буюу үйлдвэрээ бүх тоног төхөөрөмжтэй нь хамт барьцаалж зээл авсан. 268 тэрбум төгрөгийн үнэлгээтэй хөрөнгө Хөгжлийн Банкны барьцаанд байгаа. Ирээдүйн орлого буюу дансыг барьцаалах саналыг банкнаас гаргасан. Гэтэл өнөөдөр төслийг хамгийн сайн хэрэгжүүлсэн аж ахуйн нэгжээ Хөгжлийн Банкнаас зээл авсан хамгийн муу ангилалд байлгаж байна. Эрэл компанийн 300 тэрбум төгрөгийн тухай ярьж байна. Би ийм мөнгө хаанаас гаргаж ирэх вэ? . Тогтолцооны хямралд орсон байна. Хэнийг ч сольсон нөхцөл байдал сайжрахгүй байна. Миний хувьд юм болгон дээр гарч ирж яриад байдаггүй

ҮНДЭСНИЙ ИТГЭМЖЛЭЛИЙН ТӨВИЙН ДАРГА С.СОРОНЗОНБОЛД ХУУЛЬ, ЖУРМАА ЗӨРЧИН БУСДАД ДАВУУ БАЙДЛААР ГЭРЧИЛГЭЭ ОЛГОЖЭЭ

02 / 25 0 сэтгэгдэл 1 465 үзсэнe

Үндэсний итгэмжлэлийн төвийнхөн эрүүл мэндийн лабораторийн чанар ба чадавхад тавих шаардлага хангасан байгууллагад олгох ёстой гэрчилгээг дүгнэлтээ гаргаагүй байхад өгчээ. Тус төвийн дарга С.Соронзонболд ийм хууль зөрчсөн үйлдэл гаргасан бололтой. Энэ талаар дэлгэрүүлэн хүргэе : БНХАУ улс руу нүүрс тээвэрлэдэг жолооч нарыг хил нэвтрүүлэхийн тулд PCR шинжилгээ авдаг болсон. Хахууль авч шинжилгээний хариуг өөрчилдөг байж болзошгүй дуулиан тэр үеэс өрнөж эхэлсэн. Шинжилгээний хариунууд зөрүүтэй гарч, эрүүл хүнийг “Ковид-19”-өөр өвдсөн, халдвартай хүнийг эрүүл гэж шинжилж байсан учраас цагдаа, тагнуулын байгууллага шалгаж эхэлжээ. Улмаар Өмнөговь аймагт үйл ажиллагаа явуулдаг лабораториудын шинжилгээ хийх болон хариу гаргаж буй явцыг судалжээ.Энэ үеэр “Сос медика” лабораторийнхон өөрийн байранд бус, ХӨСҮТ-д дээжээ авчран шинжлүүлдэг болохыг тогтоожээ. Ингээд лавшруулан судлахад ХӨСҮТ-тэй “Төлбөрт тусламж, үйлчилгээ үзүүлэх” гэрээ байгуулан дээжээ шинжлүүлэн, хариуг нь “Гэрэгэ” системд өөрийн байгууллагын албан бланк дээр гаргаж буйг ил болгосон байна. ХӨСҮТ-өөр шинжлүүлдэг шалтгаан нь “Медика Монголиа” компанийн лаборатори нь холбогдох байгууллагаас итгэмжлэлийн гэрчилгээ, PCR шинжилгээ хийх эрх аваагүйтэй холбоотой. Гэтэл саяхан Үндэсний итгэмжлэлийн төвийн дарга С.Соронзонболд эрх мэдлээ хэтрүүлэн тус лабораторийнхонд ML18 дугаартай итгэмжлэлийн гэрчилгээ ол­гожээ. Энэ нь холбогдох хууль журам, хамтын шийдвэр гаргах зарчмыг зөрчсөн гэж үзэх үндэслэлтэй байна. С.Соронзонболдын ийнхүү дураараа авирласан нь эрх мэдэл албан тушаалаа урвуулан ашигласан, бусдад давуу байдал олгосон авлигын гэмт хэргийн шинжтэй үйлдэл юм. “Медика Монголиа” компанийнхан лабораторио итгэмжлүүлэх хүсэлтийг өнгөрсөн оны аравдугаар сард гаргасан. Хүсэлтийг хүлээн авсан Үндэсний итгэмжлэлийн төвийн удирдлага үнэлгээний ажлын хэсэг томилдог журамтай. Ажлын хэсгийнхэн эхлээд бичиг баримтыг нь нягтлаад, оффисыг нь үзэж үнэлэх, гэрчлэх үнэлгээнүүд хийдэг. Үүний дараа үнэлгээний нэгдсэн тайлан бэлтгэж итгэмжлэлийн байгууллагад хүргүүлсний дараа техникийн хорооны хурлаар тайланг хэлэлцүүлэх, эсэхийг шийдвэрлэдэг зохицуулалттай. Техникийн хороо нь хуралдаад санал нэгтэй шийдвэр гаргах ёстой. Ингэснээр итгэмжлэл олгох, эсэх, түдгэлзүүлэх, хүрээг нь өргөтгөх, цуцлах зэрэг дүгнэлт гаргадаг. Гэтэл “Медика Монголиа” компанийн лабораторид энэ хууль журмын дагуу бус, дээрх явцыг зөрчин ISO 15189:2015 стандартын шаардлага хангасан тухай дээрх дугаартай итгэмжлэлийн гэрчилгээг энэ оны нэгдүгээр сарын 14-нд Үндэсний итгэмжлэлийн төвөөс олгожээ. Тус төвийнхөн “Медика Монголиа” компанийн эмнэл зүйн лабораторийн оффис дээр болон гэрчлэх үнэлгээ хийх явцад 20-иод үл тохиролтой гарсан байдаг. Үүнийгээ богино хугацаанд залруулсан гэсэн тайлан гаргасан ч үйл ажиллагааны хэрэгжилт нь бүрэн бус байхад С.Соронзонболд дарга техникийн хорооны хурлаар хэлэлцүүлэхээр оруулсан нь Итгэмжлэлийн үйл явцын журмын холбогдох заалтыг зөрчсөн үйлдэл аж. Мөн Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн 3.1.2 дахь хэсгийн “Стандартчилал, техникийн зохицуулалт, тохирлын үнэлгээний итгэмжлэлийн үйл ажиллагаанд бие даасан, хараат бус байх зарчмыг баримтална”, 3.1.4-ийн “үнэн зөв мэдээлэлд үндэслэсэн байх” гэж заасныг зөрчсөн үйлдэл байгаа юм. Ийнхүү хууль, журмаа зөрчин бусдад давуу байдал олгон, ISO 15189:2015 стандартын шаардлага хангасан гэх гэрчилгээ өгсөн байна.