ИРГЭДЭД ҮНЭ ТӨЛБӨРГҮЙ ҮЙЛЧЛЭХ АВТОБУСНУУД

07 / 11 0 сэтгэгдэл 1 048 үзсэнe

Тулгар төрийн 2230, 2231, Их Монгол Улсын 815, 816 жил, Ардын хувьсгалын 100, 101 жилийн ой, Үндэсний их баяр наадмын өдрүүдэд нийтийн тээврийн үйлчилгээнд үндсэн /хотын доторх болон хот орчмын/ 107 чиглэлд их, дунд багтаамжийн 674, зуслангийн гурван чиглэлд тав, шөнийн тээврийн үйлчилгээний гурван чиглэлд зургаа, нийт 685 автобус үйлчилгээнд ажиллуулахаар Нийслэлийн Нийтийн тээврийн газраас төлөвлөөд байна. БОГИНО ЭРГЭЛТИЙН АВТОБУС НААДАМЧДАД ҮНЭ ТӨЛБӨРГҮЙ Үндсэн чиглэлийн 685 автобус дээр нэмэлтээр зургаан чиглэлд 56 автобусыг наадамчдад зориулж явуулах юм. Эдгээрийн гурав нь богино эргэлтийн чиглэл байх бөгөөд богино эргэлтийн автобуснууд иргэдэд үнэ төлбөргүй үйлчилнэ. Тодруулбал, Дүнжингарав худалдааны төв-Төв цэнгэлдэх хүрээлэн, Вокзал-Төв цэнгэлдэх хүрээлэн, Хүй долоон худгийн Галт тэрэгний зогсоол буюу “Давааны зөрлөг”-өөс Морь барианы газар руу наадамчдад үнэ төлбөргүй үйлчилнэ. Зөвхөн богино эргэлтийн автобусанд иргэд үнэгүй зорчих юм. БОГИНО ЭРГЭЛТИЙН ЧИГЛЭЛҮҮДИЙН ТӨЛӨВЛӨЛТ / ҮНЭГҮЙ / ХҮЙ ДОЛООН ХУДАГ РУУ ЗӨВХӨН КАРТААР ҮЙЛЧИЛНЭ Хүй долоон худаг руу Төв цэнгэлдэх хүрээлэн, Боловсролын их сургууль, Таван шараас нийтийн тээврийн автобусаар үйлчлэх юм. Үйлчилгээний хөлс 1500 төгрөг бөгөөд төлбөрийг зөвхөн картаар төлнө гэдгийг мэргэжилтнүүд анхаарууллаа. Долдугаар сарын 11, 12-ны өдрүүдэд Төв цэнгэлдэх хүрээлэн буюу Гандийн гудамжны автобусны зогсоолоос 10 автобус долоон минут тутамд, долдугаар сарын 13-ны өдөр хотын төв “МУБИС”-ийн баруун тал буюу “Улаанбаатар зочид буудал”-ын автобусны зогсоолоос 06:00 цагаас их багтаамжийн таван автобус 10 минут тутамд “Хүй долоон худаг” руу 1500 төгрөгийн тарифаар үйлчилнэ. Мөн долдугаар сарын 11-15-нд Хүй долоон худгийн шөнийн арга хэмжээнд зориулж 18:00-03:00 цагийн хооронд зургаан автобус “Таван шар-Хүй долоон худаг” чиглэлд үйлчилнэ. ХҮЙ 7 ХУДАГ ЧИГЛЭЛД ХҮРЭХ ЧИГЛЭЛҮҮДИЙН МЭДЭЭЛЭЛ /1500 ТӨГРӨГ / ГЭРЭЭТ БАЙГУУЛЛАГЫН ТАКСИ ЗАМ ХААСАН ЧИГЛЭЛД Ч ЗОРЧИНО Төв цэнгэлдэх хүрээлэн орчим болон Таван шарын дөрвөн түр зогсоолоос Нийслэлийн Нийтийн тээврийн газартай гэрээтэй ажилладаг найман аж ахуйн нэгжийн 383 такси иргэдэд үйлчилнэ. Албан ёсны гэрээт байгууллагын таксинууд зам хаасан чиглэлд үйлчлэх бөгөөд эрх авсан 180 такси байгаа аж. Такси үйлчилгээний зогсоолууд: Төв цэнгэлдэх хүрээлэнгийн урд тал: Нийслэлийн гудамж, “Хурд” хорооллын хойд зогсоол; Төв цэнгэлдэх хүрээлэнгийн хойд тал: Махатма Гандийн гудамж, “Ж” зогсоолын баруун талын зогсоол Төв цэнгэлдэх хүрээлэнгийн баруун тал: Чингисийн өргөн чөлөө, Наадам центрийн баруун талын зогсоол, Таван шарын хойд автобусны зогсоолын зүүн талаас албан ёсны гэрээ бүхий компанийн таксинууд үйлчилгээ үзүүлэх юм байна. Наадмын эхний хоёр өдөр Төв вокзалаас Давааны өртөө хүртэл галт тэрэг 2000 төгрөгийн тарифаар үйлчилнэ.

МОРИНЫ ОЛИМП БОЛОХ “ИХ ХУРД” ШИГШМЭЛ ХУРДАН МОРЬДЫН УРАЛДААН 9 ДЭХ УДААГАА

07 / 08 0 сэтгэгдэл 1 500 үзсэнe

Морины олимп болох “Их хурд” шигшмэл хурдан морьдын уралдаан 9 дэх удаагаа Их эзэн Чингис хааны өлгий нутаг Хэнтий аймагт зохион байгуулагдана. “Их хурд” наадам өмнө нь Үндэсний их баяр наадам болон бүсийн наадамд амжилттай уралдаж эхний есөн байрт орсон хурдан хүлгүүд урилгаар оролцдог байсан бол энэ жил тэргүүлэгчдийн хурлын шийдвэрээр хүсэлт гаргасан БҮХ УЯАЧ, МОРЬД оролцох боломжтой боллоо. “Их хурд-9” наадмаар юу үзэж болох вэ? Монголын хамгийн том тулганд гал бадраах ёслол Азарга, Их нас, Шигшмэл морьдын уралдаан Хүчит бөхийн барилдаан Сурын харваа ARTGER boodog boys – Хоолны шоу Сайхан хос морьтон шалгаруулах тэмцээн Морин харваа, шонхор, бүргэдийн үзүүлбэр Жороо морьдын уралдаан Адуучин тэмцээн “Алтан” азарга, “Мөнгөн” гүү, “Молор” унаганы эздийг тодруулах үйл ажиллагаа Амьд хөгжмийн тоглолт Рок попын дуучдын тоглолт Монголын шилдэг DJ нарын шоу Car cinema Offroad автомашины үзүүлбэр Мото цуглаан “Их хурд төгөл” мод тарих ёслол Өглөөний наранд цацал өргөх ёслол Ерөнхий зохион байгуулагч: Монголын морин спорт, уяачдын холбоо Хамтран зохион байгуулагч: Хэнтий аймгийн Засаг даргын тамгын газар, “Чилагун” агентлаг Мэдээлэл авах утас: 91993939 ШАГНАЛ: Түрүүлсэн морьны эзэнд 3 өрөө байр, уралдаанч хүүхдэд 1 өрөө байр, ХААНА: Хэнтий аймгийн Чингис хот, ХЭЗЭЭ: 2022 оны 7 сарын 23,24-ний өдрүүдэд болно.

АЯН ЗАМД АМИНЧХАН ҮЗЭЛТЭЙ БИШ АМЬ НЭГТЭЙ ЯВЦГААЯ

07 / 08 0 сэтгэгдэл 667 үзсэнe

Монгол Улс нийт 6.511.4 км асфальтан буюу бидний хэлж заншсанаар засмал замтай. Энэ урт замыг зөвхөн ганцаараа ашиглаж, эзэмшдэг мэт аминчхан хандлагатай жолооч нар байдаг. Зам дээр чулуу гаргаж тавьчхаад буцааж авалгүй орхино. Цонхоор хогоо хаяна. Замын зорчих хэсгийг эвдэлж, сүйтгэнэ. Замаа бүрэн чөлөөлөхгүй зогсоод бие засна. Шаардлага тавихаар "Чамд ямар хамаатай юм...". Энэ мэт би л болж байвал бусад нь яах вэ гэх шиг амиа бодсон үйлдэл их ээ. Жишээ нь автомашин нь эвдэрсэн тохиолдолд зориулалтын зогсоолд зам чөлөөлж зогсохгүй. Зөрж өнгөрөх хоёрхон урсгалтай замын нэгийг бүхлээр нь таглаж автомашинаа зогсоогоод янзална. Ослын тэмдгээ мартчихсан эсхүл байхгүй бол том том чулуу овоолж тавиад орлуулна. Ингээд автомашинаа янзалж дуусаад өнөөх чулуугаа тэр чигт нь орхиод хөдөлнө. Энэ чулуу нь ардаас ирж яваа өөр олон автомашины жолоочид саад болж байдаг. Зам дээр гэнэтхэн гарч ирсэн энэ саадаас болж сандарч, мэгдсэн жолооч, рулээ огцом эргүүлж, замын шон мөргөх, онхолдох гээд том хохиролтой ноцтой осол гарч, олон хүний амь нас, эрүүл мэнд эрсдэхэд хүрнэ. Нэг жолоочийн ийм аминчхан хандлага нэг гэр бүлийн амьдралыг дуусгах ч аюултай тул орон нутгийн замд зорчиж яваа жолооч та бусдыг ч мөн хүндэтгэж, улсын чанартай авто замыг улсаараа ашигладаг гэдгийг санаж яваарай. Авто замаар зөвхөн та ганцаараа зорчдоггүй. Мөн замын тэмдэг салхинд эргээд буруу харчихсан, зам дээр чулуу, мод байвал та зүгээр хараад өнгөрөлгүй, таны ард яваа бусдын аюулгүй байдлын төлөө засаад яваарай гэж уриалж байна. Бусдын буруутай үйлдлийг засаж зөвөөр үлгэрлэе. Аян замд аминчхан үзэлтэй биш амь нэгтэй явцгаая. #Аажуу явбал аяндаа хүрнэ дээ.

ЯПОНЫ ЕРӨНХИЙ САЙД АСАН ШИНЗО АБЭ БУУДУУЛЖЭЭ

07 / 08 0 сэтгэгдэл 1 016 үзсэнe

Японы Ерөнхий сайд асан Абэ Шинзо өнөөдөр буюу Баасан гаргийн өглөө Нара мужид үг хэлж байхдаа халдлагад өртөж, буудуулжээ. Абэгийн ойр дотны болон Либерал ардчилсан намын эх сурвалжуудын мэдээлж буйгаар тэрбээр буудуулж цус алдан, эмнэлэгт хүргэгдсэн гэж NHK мэдээлэв. Халдлага гарах мөчид тэнд байсан хүмүүс буун дуу сонссон байна. Токиогийн амбан захирагч асан Йоичи Масузэ өөрийн твиттер хуудаснаа "Ноён Абэ зүрх, уушиг нь зогссон байдалтай байгаа" гэж мэдэгджээ. Цагдаа нар орон нутгийн цагаар 11:30 цагийн орчимд Абэ руу халдсан этгээдийг баривчилжээ. Гар буу хэрэглэхийг хориглодог Япон улсад буутай холбоотой гэмт хэрэг ховор тохиолддог байна. Бид энэ талаар эргэн дэлгэрэнгүй мэдээлэх болно. Эх сурвалж: NHK

НААДМААР МОНГОЛ ХЯТАДЫН ХИЛИЙН БООМТУУД ХЭВИЙН АЖИЛЛАНА

07 / 06 0 сэтгэгдэл 1 447 үзсэнe

Үндэсний их баяр наадам, Ардын хувьсгалын ойн баярын өдрүүдэд хилийн боомтууд амардаг. Энэ удаад Монгол Улсын гадаад харилцааны яам болон БНХАУ-ын гадаад хэргийн яам харилцан тохиролцсоны үндсэн дээр 2022 онд Монгол Улсын нийтээр тэмдэглэх баяр наадмын өдрүүдэд Монгол Хятадын хилийн боомтууд цагийн хуваарийн дагуу ажиллахаар болжээ.

БАРИЛГЫН САЛБАРТ МӨРДӨЖ БУЙ СТАНДАРТ, НОРМ ДҮРМИЙН ШИНЭЧЛЭХ АСУУДЛЫГ ХЭЛЭЛЦЛЭЭ

07 / 06 0 сэтгэгдэл 572 үзсэнe

Нийслэлийн Засаг даргын зөвлөлийн хурал боллоо. Өнөөдрийн хурлыг Нийслэлийн Засаг даргын эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн удирдан зохион байгуулав. Хурлаар Барилгын салбарт мөрдөж буй стандарт норм дүрмийг шинэчлэх, хэрэгжилтийг сайжруулах тухай хэлэлцлээ. Нийслэлийн хэмжээнд барилга барьж эхлэхээс ашиглалтад өгөх хүртэлх хугацаанд нийтдээ 33 хууль, 26 дүрэм, 86 стандарт мөрдөгдөж байна. Харин нийслэлийн нутгийн захиргааны байгууллага үйл ажиллагаандаа 702 стандарт, 619 норм, дүрэм, 57 журмыг мөрдөж ажиллаж байна. Нийслэлийн нутгийн захиргааны байгууллагын холбогдох ажилтнуудаас нийтдээ 219 стандарт, 80 барилгын норм, дүрмийг шинэчлэх, 39 стандартыг шинээр боловсруулах санал гарчээ. Саналуудыг нэгтгэн хянаж, 86 үндэсний стандарт, барилгын 80 норм, дүрмийг шинэчлэн боловсруулахаар Стандарт хэмжилзүйн газар, Барилгын хөгжлийн төвд саналаа хүргүүлжээ. Өнөөдрийн байдлаар нийслэлийн хэмжээнд иргэдийн амьдрах орчны аюулгүй байдал алдагдсан 4700 орчим байршил байгаагаас нийтийн эзэмшлийн зам талбай, орц гарц, хүүхдийн тоглоомын талбай, СӨХ-дын эзэмшил газар зэрэг байршлууд давамгайлж байгаа аж. Асуудлыг шийдвэрлэхийн тулд Хот байгуулалтын тухай хуульд нэмэлт өөрчлөлт оруулах шаардлага тулгамдаж буйг Хотын стандарт, хяналтын газрын дарга С.Төмөрдулам тодотгов. Нөгөөтээгүүр, барилга байгууламж, зураг төслийн чанарыг дээшлүүлэх, бүтээн байгуулалтын ажлын хяналтыг сайжруулах, тохижилт бүтээн байгуулалтын зураг төслийг нийслэлийн холбогдох байгууллагуудтай зөвшилцөх зэрэг саналыг мөн хэлж байлаа. 51 ТӨСЛИЙН ГАЗАР ЧӨЛӨӨЛӨЛТ БҮРЭН ХИЙГДЖЭЭ Газрыг нөхөх олговортойгоор чөлөөлөхөд гарч буй хүндрэлтэй асуудлыг Засаг даргын зөвлөлийн гишүүдэд танилцууллаа. Нийслэлийн хэмжээнд бүтээн байгуулалт өрнөхтэй зэрэгцэн газар чөлөөлөлтийн асуудал хөндөгддөг. 2022 оны бүтээн байгуулалтын ажлын нөлөөлөлд өртсөн иргэн, хуулийн этгээдийн газрыг чөлөөлөх ажил нийслэлийн хэмжээнд ид өрнөж байна. Нийслэлд баригдаж буй авто замын байгууламжийн 34 ажлын нөлөөлөлд 443 нэгж талбар, сургууль цэцэрлэгийн барилгын 14 ажлын нөлөөлөлд 119 нэгж талбар, эмнэлэг, хорооны цогцолборын барилга байгууламжийн ажлын нөлөөлөлд өртсөн тав, нийтдээ 172 нэгж талбарыг чөлөөлөх юм байна. Эдгээрээс 51 төслийн газар чөлөөлөлт бүрэн хийгдээд байгаа юм. Иргэн, аж ахуйн нэгжийн ашиглах, эзэмших эрх бүхий газруудыг чөлөөлөхдөө тодорхой үнэ хөлс олгодог. Гэтэл энэхүү үнэлгээ нь зах зээлийн үнээс эрс ялгаатай төдийгүй эзэмших, ашиглах эрхийн үнэлгээ ч адилгүй байдаг аж. Мөн тухайн газартаа олон жил суурьшсан боловч газар эзэмших эрхийн гэрчилгээ аваагүй иргэд цөөн боловч байсаар байна. Үүнээс үүдэн газар чөлөөлөлтөд багагүй бэрхшээл үүсдэг гэдгийг Нийслэлийн Газар зохион байгуулалтын албанаас мэдээллээ. “ТЭРГҮҮНИЙ ӨМЧ ЭЗЭМШИГЧ” БАЙГУУЛЛАГУУДЫГ ШАЛГАРУУЛЖЭЭ Нийслэлийн өмчийг эзэмшүүлэх гэрээний 2021 оны биелэлтийг дүгнэжээ. Тус гэрээг нийслэлийн өмчит 788 байгууллагатай байгуулсан байдаг бөгөөд тэдгээрийн 96.3 хувь буюу 760 байгууллага гэрээгээ дүгнүүлжээ. Үлдсэн 28 байгууллагын 17 нь шинээр байгуулагдсан, үйл ажиллагаагаа эхлээд удаагүй, өмч эзэмшлийн гэрээ байгуулаагүй тул дүгнэх боломжгүй байжээ. Ажлаа дүгнүүлсэн байгууллагуудын 81.2 хувь нь “бүрэн хангалттай” үнэлгээ авсан байна. 16.2 хувь буюу 123 байгууллага хангалттай үнэлгээ авсан бол 2.6 хувь буюу 20 байгууллага нь ажил сайжруулах шаардлагатай нь тогтоогджээ. Гэрээт байгууллагуудын хувьд өмч хөрөнгийн эзэмшил, ашиглалт, хадгалалт, хамгаалалтын хувьд хангалттай сайн үнэлгээтэй байгаа төдийгүй өөрсдийн боломжоор хандив, тусламжаар хөрөнгө бий болгох, ашиглалтыг сайжруулах чиглэлд санаачилгатай ажилласныг Зөвлөлийн хурлын үеэр танилцуулсан. Төсвийн санхүүжилт хангалттай биш байгаа ч дотоод нөөц бололцоогоо ашиглан урсгал засвар, тохижилт хийсэн газрууд цөөнгүй байна. Тухайлбал, Налайх дүүргийн 123 дугаар цэцэрлэг хуучин зоорийг буулгаж, түүхий эд материалыг нь ашиглан ажилчид нь шинээр хүлэмж барьж, тоглоомын талбайгаа тохижуулсан байна. Нийслэлийн 152 дугаар цэцэрлэг Германы хамтын ажиллагааны нийгэмлэгийн хөрөнгө оруулалтаар 400 гаруй сая төгрөгийн засвар, шинэчлэлийн ажил хийсэн байна. Түүнчлэн Баянзүрх дүүргийн Сувиллын цэцэрлэг, яслийн 10 дугаар цогцолбор, 20, 146, 147, 172, 213 дугаар цэцэрлэг, 120 дугаар сургууль, Сонгинохайрхан дүүргийн 104 дүгээр сургууль, 38, 55 дугаар цэцэрлэг, Өнөр цогцолбор сургууль өмч хөрөнгийн хадгалалт, хамгаалалт, түүнийг сайжруулахад анхаарч ажилласныг цохон тэмдэглэсэн. Сайны сүүдэрт саар байгаагийн жишээнд орон нутгийн өмчит байгууллагын зарим нь барилга байгууламжийн хувийн хэрэг огт хөтөлдөггүй зөрчил илэрчээ. Сүүлийн жилүүдэд шинээр баригдсан зарим барилгууд нь цэвдэгтэй газарт баригдсан болон барилгын гүйцэтгэл чанарын шаардлага хангаагүйгээс цууралт үүссэн, хана туурга нь хагарсан гэх мэт зөрчил мөн байсаар байна. Саарын жишээнд Багахангайн Эрүүл мэндийн төв, Баянгол дүүргийн ЗДТГ, Баянгол хүүхдийн зуслан ОНӨТҮГ, Хонхор тосгоны Эрүүл мэндийн төв, Энэрэл эмнэлэг, Сонгинохайрхан дүүргийн 107 дугаар сургууль, Сүхбаатар дүүргийн Хүрээ амаржих газар, Сүхбаатар дэвшил ОНӨААТҮГ, Хан-Уул дүүргийн 165 дугаар цэцэрлэг, 59, 63 дугаар сургууль зэргийг дурдаж байлаа. Дүгнүүлсэн байгууллагын 292 буюу 53.9 хувь нь эзэмшил газраа баталгаажуулсан, газартай холбоотой ямар нэгэн зөрчилгүй байжээ. Нийслэлийн өмчийг эзэмшүүлэх гэрээг дүгнэн есөн дүүрэг тус бүрд “Тэргүүний өмч эзэмшигч” байгууллагуудыг шалгаруулсан байна. Тухайлбал: Багануур дүүрэг-Боловсрол цогцолбор сургууль Багахангай дүүрэг-Онцгой байдлын хэлтэс Баянгол дүүрэг-47 дугаар цэцэрлэг Баянзүрх дүүрэг-Сувиллын цэцэрлэг, яслийн 10 дугаар цогцолбор Налайх дүүрэг-123 дугаар цэцэрлэг Сонгинохайрхан дүүрэг-104 дүгээр сургууль Сүхбаатар дүүрэг-135 дугаар цэцэрлэг Хан-Уул дүүрэг-Засаг даргын Тамгын газар Чингэлтэй дүүрэг-Нийслэлийн Цагдаагийн удирдах газар багтжээ. Цаашид гэрээний биелэлтийн дүнгээр ажил сайжруулах үнэлгээ авсан, гэрээний үүргийн биелэлтээ дүгнүүлээгүй хуулийн этгээдэд сануулах арга хэмжээ авах, нийслэлийн өмчийн эд хөрөнгийн эзэмшил, ашиглалт, хадгалалт, хамгаалалтыг сайжруулах, байнгын ашиглалтад хүлээн авсан ч нийслэлийн өмчид бүртгэгдээгүй барилга байгууламжуудыг бүртгэлд тусгах, нийслэлийн өмчит байгууллагуудын эзэмшил газрыг шинэчилсэн бүртгэлд түргэн шуурхай хамруулах зэрэг ажлыг нийслэлийн хэмжээнд зохион байгуулахаар Нийслэлийн Засаг даргын зөвлөлийн хурлын тэмдэглэлд тусгалаа.

ЭНХ ЦАГИЙН ДАЙНЫ ТАЛБАР, ЭР ЦЭРГИЙН АЛБА

07 / 05 0 сэтгэгдэл 900 үзсэнe

Цэрэг гэдэг нь зэрэг гэсэн команд.Эх орноо хамгаалахаар эр цэргийн албанд мордсон ээж аавын үрс ч мөн адил ЗЭРЭГ цэрэг татлагаас эр цэргийн албанд татагддаг.Гэвч тэднийг цэргийн ангид очих үед юу хүлээж байгааг ХЭН Ч ТААЖ мэдэшгүй болж.Өглөөхөн инээгээд өнгөрсөн цэрэг, Өдөр бурхан болдог энэ ЦЭРГИЙН АЛБА ЭНХ ЦАГИЙН ДАЙНЫ ТАЛБАР болж. Бид мартаагүй, мартах ч үгүй... Баримт 1: Дотоодын цэргийн 05 дугаар ангийн хугацаат цэргийн алба хаагч Н бүхэлдээ ходоод нь задарч нас барсан. Баримт 2: Хан-Уул дүүргийн 12-р хороо “Зэвсэгт хүчний 326-р анги”-д 19 настай цэрэг салаан даргадаа зодуулсны улмаас биедээ хүнд гэмтэл авч, улмаар ТТАХНЭ-т эмчлэгдэж байхдаа нас барсан. Баримт 3: Сүхбаатар аймгийн Онгон сумын хилийн цэргийн ангийн хугацаат цэргийн алба хаагч Б жижигхэн бутнаас өөрийгөө боомилж нас барсан хэрэг гарсан. Талийгаачийн ар гэрийнхэн гаднын нөлөөтэй хэмээн үзэж буй. Баримт 4: Дорнод аймгийн Халхгол сум дахь Хилийн цэргийн 0198-р ангийн алба хаагч Г амиа хорлосон байдалтай олдсон. Баримт 5: Дундговь аймгийн хилийн цэргийн 0129 дүгээр ангид гэрээт цэргийн алба хааж байсан 21 настай залуу харуулын байрандаа өөрийгөө боомилж, амиа хорлосон харамсалтай хэрэг гарсан. Сүүлийн 3 жилийн байдлаар 15 хугацаат цэргийн албан хаагч “ГАДНЫ НӨЛӨӨТЭЙГӨӨР” амь насаа алдсан харамсалтай мэдээ бий.Үүний 8-н 2019 онд, 6-н 2020-2021 онд, он гарснаас хойш 1 бүртгэгдээд байна.Энэ байдлаас үүдэн иргэдийн хувьд эр цэргийн албанд хүүхдээ явуулах нь дайны талбарт амь эрсдүүлсэнтэй адил хэмээн үзэж явуулахаас татгалзах боллоо. Бидний аав, ах нарын үед /1970-2000/ он хүртэл ЦЭРГИЙН АНГИД ЯВАГДСАН ДИАГРАММ, яраглал, тамлал, хүний ёсноос гаж үйлдлүүд одоо ч гэсэн арилахгүй улам далд хэлбэрт шилжиж байна.Өнөөдөр эр цэрэгт явах сонирхолтой эрчүүдийн тоо жил ирэх тусам буурч, Цэргийн албанд сайн дураараа явагчид багаслаа.Гэтэл Батлан хамгаалахын яам удаа дараа энэ олон цэргийн амь нас эрсдчихээд байхад ОЙШООСОН зүйлгүй, сахилга бат хууль дүрмээ сайжруулахгүй байсаар байна. Ингэж ард иргэдийн ӨСГӨН БОЙЖУУЛСАН эх орны хөвгүүдийг ЭР ЦЭРЭГ болгох гэж яргалдаг ЯРГАЛЛАА ЯГ ОДОО ЗОГСООХ хэрэгтэй.Эсвэл цэргийн ангидаа хаалттайгаар нь тамлаад болдоггүй юм бол ГЭРЭЭР НЬ ЦЭРГИЙН АЛБА хаалгах арга хэрэглэе.Ямартай ч Цэргийн албанд татагдан очиж, ЭРДЭНЭТ АМЬ НАСАА үрэгдүүлж буй хөвгүүдийгээ энэ ард түмэн мартахгүй.Цаашид дахин хэний ч аавын хүү АМЬ НАСАА АЛДАХГҮЙ ГЭДЭГ БАТАЛГААГ ГАРГАЖ ӨГӨХИЙГ БАТЛАН ХАМГААЛАХ ЯАМНААС ШААРДАЯ. Хүний үрийн амь насаар тоголдог БАТЛАН ХАМГААЛАХ САЛБАРТ, ХҮНИЙ ҮНЭРИЙН БАГАХАН Ч ГЭСЭН ХЭЛТЭРХИЙГ ҮЛДЭЭХГҮЙ БОЛ ЭХ ОРНОО ХАМГААЛАХ ЭР ХҮН нэг ч үлдэхгүйн дээ...

ХОТЫН ТӨВӨӨР ЗОРЧИХ АВТО МАШИНУУД КМ ТУТАМДАА ТАТВАР ТӨЛНӨ

07 / 05 0 сэтгэгдэл 1 102 үзсэнe

Автозамын түгжрэлийг бууруулахын тулд Хотын дарга Д.Сумъяабазар автозам ашигласны төлбөр журамд өөрчлөлт оруулахаар болжээ. Тодруулбал : Хотын А бүсэд зорчих нийслэлд бүртгэлтэй буюу УБ сери дугаартай автомашинууд километр тутамдаа 15 төгрөг, орон нутагт бүртгэлтэй автомашинууд километр тутамдаа 45 төгрөгийн татвар нэмж төлж байхаар зохицуулж буй гэх. Ингэснээр автозамын түгжрэл багагүй хэмжээгээр буурах бөгөөд иргэдийн хөдөлгөөний дутагдал гэх эрүүл мэндийн асуудал болно хэмээн үзэж буй аж. Уг журмыг 2023 оны нэгдүгээр сарын 1-нээс хэрэгжүүлнэ. -Суудлын автомашин 20-40 мянган төгрөг -Ачааны автомашин 40-70 мянган төгрөг -Автобус 40-60 мянган төгрөг -Механизм 30-60 мянган төгрөг -Мотоцикль 10 мянган төгрөгийн татвар өгөхөөр болгожээ. Мөн нийслэлд нэвтрэх орон нутгийн тээврийн хэрэгслийн төлбөрийг 1000-5000 төгрөг байхаар тогтсон байна.

АНХААР : 33 ИРГЭН (ХҮҮХЭД 8) ДОЛООН САРЫН БАЙДЛААР УСАНД ЭНДЖЭЭ

07 / 05 0 сэтгэгдэл 670 үзсэнe

2022 он гарсаар 10 аймгийн 17 сум, нийслэлийн 5 дүүрэгт усны ослын 28 тохиолдлоор 33 иргэн (хүүхэд 8) амь насаа алдсан бөгөөд ихэнх нь амралт зугаалгаар явж байх үедээ архи согтууруулах ундаа хэтрүүлэн хэрэглэх, бага насны хүүхдийг хараа хяналтгүй орхисноос шалтгаалж усанд осолдсон байна. Иймд гол, мөрөн, нуурын эрэг дагуу нутаглаж буй иргэд, малчид, аж ахуйн нэгж байгууллага, аялал зугаалгаар яваа хүмүүс үер, усны аюулаас байнга сонор сэрэмжтэй байх, архи согтууруулах ундаа хэрэглэсэн үедээ гол, ус руу орохгүй байх, бага насны хүүхдэд тавих хараа хяналтыг сайжруулах, зам товчлох, цаг хожих зорилгоор гүүр гарамгүй газраар гол, ус гатлахгүй байхыг онцгойлон анхааруулж байна гэж Онцгой байдлын ерөнхий газраас анхаарууллаа. Баяр наадам ойртож байгаа энэ үед анхаарал сонор сэрэмжтэй байхыг зөвлөж байна.

МОНГОЛ УЛСЫН ТУСГААР ТОГТНОЛЫН СҮҮЛЧИЙН НААДАМ ЭНЭ ЖИЛ ТОХИОХ УУ???

07 / 05 0 сэтгэгдэл 1 621 үзсэнe

Бид наадам наадам гээд л хөл хөөрцөглөөд л байдаг.Хөдөө гадаа явья улсаас нь хүртэл харж үзээд 9 хоног амруулчихая Нутаг усандаа оччихоод ир, Сумынхаа наадмыг үзчихээд ир гээд ДУУН ДЭЭР бөөн баяр цэнгэл.Гэтэл энэ жилийн наадам чинь БИДНИЙ СҮҮЛЧИЙН НААДАМ БИШ байгаа даа. Учир нь Монгол улсын нийт өр 96 их наяд төгрөгөнд хүрч нэг иргэнд ноогдох өрийн хэмжээ 30 саяд хүрчихлээ.Тэгтэл дахиад 655 сая ам долларын зээл авах асуудал яригдаад байж байхад бид хажууд нь БАЯР ЁСЛОЛ ЯРИАД сууж байдаг.ГҮЙ ЭЭ МӨН Ч ТААРЧ ДЭЭ.ӨР ГЭДЭГ БОЛ ГАЗАР НУТАГ, АРД ТҮМНИЙГ ЧИНЬ БАРЬЦААЛЖ БУЙ ХАРЬ УЛСЫН БОДЛОГО.ӨР ХЭДИЙ ЧИНЭЭ ИХ АВНА ТӨДИЙ ЧИНЭЭ ЭХ ОРОН ГАЗАР НУТАГГҮЙ БОЛНО ГЭСЭН ҮГ. Тэгтэл бид чинь ТУСГААР ТОГТНОЛОО зарлаад дөнгөж 101 дэхь жилийнхээ нүүрэн дээр явж байна.Хамгийн хачирхалтайн Монгол улсын засгийн газарт зээл авах асуудлыг улам хурдасгах, цаашлаад шат дамжлагыг багасгах, чирэгдэлгүй болгох тал дээр санал орж байх.Тэгснээ бас авч буй зээлээ юунд зарцуулах, түүний зохицуулалт, төсөл хөтөлбөрийн хэрэгжүүлэлт гэх зүйлс тодорхойгүй яригдаж байх. ЭНЭ ЧИНЬ ОДОО ЮУ БОЛЖ БАЙНА.... Биднийг ЖАРГАЛАНТАЙН АРГАГҮЙ БАЯРЛАЖ ЦЭНГЭЖ БАЙХ ҮЕД, ЭХ ОРНЫГ ЧИНЬ БУЛААХ ЗЭЭЛ ЧИМЭЭГҮЙХЭН ОРЖ ИРЭХ НЬ.Хамгийн ичгэвэртэйн МОНГОЛ УЛС НЬ ӨӨРӨӨ ГАДААДААС ОРЖ ИРСЭН ЗЭЭЛ ТУСЛАМЖНААСАА ХАЛАМЖИЙН МӨНГӨ ТАРААХ ХҮРТЛЭЭ ДОРОЙТОЖ ЭХЛЭЖ.Ийм байхад Бид өнөөдөр НААДМЫН БИЛЕТ, АЙМАГ СУМЫН НААДАМ ЯРИХ НЬ ХЭР Л ЗӨВ ЮМ БОЛ ДОО. Өртэй монгол чинь, өвчтэй монгол болж дуусаж байх хойгуур энэ эх орны баялаг, газар нутагт ТУСЛАМЖ НЭРТЭЙ зээлүүд хөвөрсөөр байгаа нь САЙНЫ ЦОНДОН ЛАВТАЙЯА биш л байлтай.Иргэн бүр эргэн төлөх зарчимтай ЗЭЭЛИЙН АСУУДАЛД, бид одооноос нухацтай хандахгүй бол ЭРГЭН ТӨЛӨХ ГЭЭД ХИЧЭЭГЭЭД Ч ЭХ ОРНЫ ЧИНЬ БАЯЛАГ ХҮРЭХГҮЙ болчихвол энэ жилийн НААДАМ ЭХ ОРОН ТУСГААР ТОГТНОЛЫН МААНЬ СҮҮЛИЙН НААДАМ БОЛОХ ХАТУУ Ч ГЭСЭН ҮНЭНТЭЙ НҮҮР ТУЛАХ ВИЙ. Тэр зээлнийхэн үр шимийг нь ЭХЛЭЭД ИХЭС ДЭЭДСҮҮД ХҮРТЭЖ, Тэдний тавьсан өрийг дарахаар бид ӨДӨР ШӨНӨГҮЙ МӨЛХӨХ ВИЙ. Монгол үнэхээр ГУТАМШИГТАЙ юм.Ардчилал гарсан 30 жилд Ардчилалын нэрийг барьсан анхдагчид баяжиж, Ард түмэн үгүйрэн хоосров.Анхнаасаа ардчилсан хувьсгал нэрийн доор ЛУйварын механизм ажилаагүй бол монгол улс арай өөрөөр ч хөгжих боломж байсныг үгүйсгэхгүй юм.Яагаад гэвэл Ардчилалаас үүдэлтэй ӨРИЙН ДАРАМТЫН СИСТЕМ, АВЛИГАЛ ХЭЭЛ ХАХУУЛЬ, ГАДААД ӨРИЙН АСУУДАЛ ЯРИГДАЖ ЭХЭЛСЭН.Гэтэл өнөөдөр Монгол улсын нийт өр 96 ИХ НАЯД төгрөг энэ өрийг яаж дарахав.Ардчилал нэрийн доор Луйвардсан газар нутаг, аж үйлдвэрлэлийн паркууд, өмч хувьчлал үүнээс үүдэн БИД ЭНЭ ЖИЛИЙН НААДМЫН ДАРААГААС ЭХ ОРОНГҮЙ БОЛОХ ГЭЖ БАЙНА.Энд зөвхөн ӨНӨӨДӨР ТӨР БАРЬЖ БУЙ ЗАСГИЙН УДИРДЛАГА ГЭХЭЭС ИЛҮҮТЭЙГЭЭР ӨМНӨХ ТӨР БАРИГЧДАД ТАВИХ ХАРИУЦЛАГЫГ АРД ТҮМЭН шаардах цаг ирээд байна. Амьд явахад Улсын наадам үздэг гэдэг бол УЛС ОРНЫХОО ТУСГААР ТОГТНОЛЫГ АЛДВАЛ АМЬД ЯВААД Ч хүний нутагт наадах эрхгүй болох ЦАГ ИРЖ БАЙНА.Монголчуудад наадаж цэнгэхээс илүү, эх орныхоо ЭЗЭН БОЛОХ, СҮҮЛИЙН ЖИЛҮҮДИЙГ ТУСГААР ТОГТНОЛТОЙГОО ХАМТ дурсаж явах ҮЕ ОЙРТОЖ БАЙНА.