PUBG MOBILE ТӨРЛИЙН ӨМНӨД АЗИЙН АВАРГА ШАЛГАРУУЛАХ ХАВРЫН ТЭМЦЭЭНД "STALWART ESPORTS" БАГ ТҮРҮҮЛЖЭЭ

05 / 23 0 сэтгэгдэл 534 үзсэнe

"PUBG Mobile Pro League - South Asia Championship Spring 2022" буюу PUBG Mobile тоглоомын Өмнөд Азийн аварга шалгаруулах тэмцээн амралтын өдрүүдэд боллоо. Бангладеш, Пакистан, Балба, Монгол улсын төлөөлөл 16 баг өрсөлдсөн тэмцээн Монгол улсын төлөөлөл "Stalwart Esports" баг түрүүлж 40 мянган ам.доллароор шагнуулав. Stalwart Esports арын багаасаа 50 оноо тасарч Өмнөд Азид бусдаасаа илүү гэдгээ баталлаа. Мөн Монгол улсын төлөөлөл "Seal Esports" баг 5-р, "IHC Esports" баг 7-р байр эзлэв. Хүснэгт: Stalwart Esports /Монгол/ - 40 000$ Trained to Kill /Балба/ - 28 000$ JyanMaara /Балба/ - 18 000$ i8 Esports /Пакистан/ - 10 000$ SEAL Esports /Монгол/ - 7 000$ DRS GAMING /Балба/ - 6 000$ IHC ESPORTS /Монгол/ - 5 500$ Skylightz Gaming /Балба/ - 5 500$ Deadeyes Guys /Балба/ - 4 000$ 52xRage Esports /Пакистан/ - 4 000$ Phantom Esports - 4 000$ High Voltage - 4 000$ The Grounders /Пакистан/ - 3 000$ Free Style /Пакистан/ - 3 000$ R3GICIDE /Пакистан/ - 3 000$ Team TUF /Пакистан/ - 3 000$

ЭРҮҮГИЙН 625 ХЭРЭГТ МӨРДӨН БАЙЦААЛТЫН АЖИЛЛАГАА ЯВУУЛЖЭЭ

05 / 23 0 сэтгэгдэл 569 үзсэнe

Авлигатай тэмцэх газрын Мөрдөн шалгах хэлтэс 2022 оны 5 дугаар сарын 16-20-ны өдрүүдэд гэмт хэргийн шинжтэй 22 гомдол, мэдээлэл хүлээн авч, нийт 111 гомдол, мэдээллийг шалгав. Үүнээс 11 гомдол, мэдээлэлд хэрэг бүртгэлтийн хэрэг нээж, 20 гомдол, мэдээлэлд хэрэг бүртгэлтийн хэрэг нээхээс татгалзах, 1 хэргийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 79 гомдол, мэдээллийг хянан шалгаж байна. Түүнчлэн эрүүгийн 625 хэрэгт мөрдөн байцаалтын ажиллагаа явуулснаас 7 хэргийг шүүхэд шилжүүлэх, 6 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 609 хэрэг шалгагдаж байна. Өнгөрсөн долоо хоногт эрүүгийн 3 хэрэгт нийт 17 объектод нэгжлэгийн ажиллагаа явуулсан. АТГ-ын мөрдөгчид гэмт хэрэг гарахад нөлөөлсөн шалтгаан, нөхцөлийг арилгуулахаар мөрдөгчийн 2 мэдэгдэл бичиж, холбогдох байгууллагуудад хүргүүлжээ. Хэргийг шүүхэд шилжүүлэх саналтайгаар прокурорын байгууллагад шилжүүлсэн хэргүүдээс дурдвал: Хөгжлийн бэрхшээлтэй хүний хөгжлийн ерөнхий газрын ерөнхий нягтлан бодогч Х хахууль өгөгчийн ашиг сонирхлын үүднээс гүйцэтгэх ёсгүй үйлдлийг хийснийхээ хариуд тус компанийн эзэмшигч У-аас хахууль авсан гэх; Экологийн цагдаагийн албаны чиглэлийн ахлах байцаагч, цагдаагийн дэд хурандаа Т-ын хуулиар тогтоосон чиг үүргээ хэрэгжүүлэх явцад Хүрээлэн буй орчны эсрэг гэмт хэрэг мөрдөн шалгах хэлтсийн экологийн шинжээч, цагдаагийн дэслэгч М нь хөндлөнгөөс нөлөөлөхийг оролдсон гэх; Дархан-Уул аймгийн Цагдаагийн газрын Замын цагдаагийн тасгийн дарга Х нь албан үүрэг, бүрэн эрхээ урвуулан ашиглаж, тус аймгийн Засаг даргын Тамгын газрын Хөгжлийн бодлогын хэлтсээс зөвшөөрлийг олгосон. Мөн нэр бүхий аж ахуйн нэгжийн захирал Э нь хүнд даацын ачааны автомашины зөвшөөрөл авахаар уулзахад Замын цагдаагийн тасгийн гадна талбайд сагсны талбай барих ажилд хандив өгөхийг шаардаж 1.5 сая төгрөгийг ахлах мөрдөгч Ү-д өгүүлсэн гэх; Тээврийн цагдаагийн албаны ахлах мөрдөгч, цагдаагийн хошууч А нь согтууруулах ундааны зүйл хэрэглэсэн үедээ тээврийн хэрэгсэл жолоодож зам тээврийн осол гаргасан иргэн Б-ыг шалгахдаа жолоодох эрхийг нь хасахгүйгээр буюу хахууль өгөгчийн ашиг сонирхлын үүднээс албаны чиг үүргээ хэрэгжүүлээгүйн хариуд хахууль авсан гэх; “Дулааны 4 дүгээр цахилгаан станц” ТӨХК-ийн “Эрчим зоог” цайны газрын дарга Г нь албаны бүрэн эрх, албан тушаалын байдлаа урвуулан ашигласан гэх; Дундговь аймгийн Баянжаргалан суманд хэрэгжүүлэх "Ус цэвэршүүлэх төхөөрөмж" төслийн төсвийг 51,325.2 мянган төгрөгөөр баталсан бөгөөд тендерт нэр бүхий компани ганцаар оролцож шаардлагатай бичиг баримтуудыг ирүүлээгүй, шаардлага хангаагүй байхад "хамгийн сайн тендер"-ээр шалгарсан гэх, Ц-д холбогдох хэрэг; Хөвсгөл аймгийн Хөдөлмөр, халамжийн үйлчилгээний газрын дарга Э нь Хөвсгөл аймагт хуваарилагдан ирсэн 1 тэрбум төгрөгийг Хөдөлмөр эрхлэлтийн зөвлөлийн зөвшөөрөлгүйгээр, хүүгүй мөнгийг өөрийн хамаарал бүхий иргэдэд олгож, төсвийн мөнгөнөөс завшсан гэх.

МОНГОЛ УЛСЫН 2021 ОНЫ ТОП-100 АЖ АХУЙН НЭГЖИЙГ ТОДРУУЛЛАА

05 / 23 0 сэтгэгдэл 651 үзсэнe

2021 онд ТОП-100 ААН-ийн нийт төлсөн татварын хэмжээ өмнөх жилээс 26 хувиар өсч 5.3 их наяд төгрөгт хүрсэн нь Монгол Улсын нийт татварын орлогын 47 хувийг бүрдүүллээ. Борлуулалтын орлогын хэмжээ ДНБ-ий 82 хувьтай дүйцэж, ажиллагсдын тоо 8.3 мянгаар нэмэгдэж 99 мянгад хүрлээ. Ерөнхий сайд Л.Оюун-Эрдэнэ ТОП таван аж ахуйн нэгжийн удирлагуудад хүндэтгэл үзүүлэн, өргөмжлөл гардуулав. 2021 ОНЫ ТОП АРВАН КОМПАНИ 1. "Эрдэнэт үйлдвэр" 2. "Оюу толгой" ХХК 3. "Эрдэнэс таван толгой" ХК 4. ХААН банк 5. Голомт банк 6. УБТЗ 7. ХХБ 8. Төрийн банк 9.НИК 10. “Энержи ресурс” Шагнал гардуулсны дараа Ерөнхий сайд Л.Оюун-Эрдэнэ үг хэлэв. - Амаргүй цаг үеийг бип хамтдаа туулж байна. Шилдэг ААН-ийн үүргээ амжилттай биелүүлж та бүхэнд Засгийн газрын нэрийн өмнөөс талархал илэрхийлж байна. Хүнд сорилтод давуу тал байдаг. Шинэ нөхцөл, шинэ өөрчлөлт шинэчлэлтийг биднээс шаардаж байна. Шинэ зууныг хамтлаа эхлүүлцгээе. Засгийн газар "Шинэ сэргэлтийн бодлого"-ыг боловсруулан танилцуулсан. Эдийн засгийн шинэ бүтцийг бий болгоно. Эдийн засгийн суурийг хамтдаа бүтээцгээ гэж уриалж байна гэв. Мөн Санхүүгийн зохицуулах хороо ТОП 100 ААН-д бонд гаргахад нь дэмжлэг үзүүлэхээ илэрхийлэв. Шагнал гардуулах ёслолд ХНХ-ын сайд А.Ариунзаяа, Монголбанкны Ерөнхийлгөгч Б.Лхагвасүрэн, МҮХАҮТ-ын Ерөнхий нарийн бичгийн дарга С.Баясгалан, Санхүүгийн зохицуулах хорооны дэд дарга Т.Цэрэнбадрал нар оролцо

УНТЭ-ийн дөрвөн давхрын цонхоор хүн унаж, нас барлаа

05 / 23 0 сэтгэгдэл 848 үзсэнe

Өнөөдөр Улсын нэгдүгээр төв эмнэлгийн дөрвөн давхраас хүн унаж нас барлаа. Одоогоор цагдаагийн байгууллагаас хэргийн газрыг битүүмжилж, үзлэг шалгалтын ажиллагаа явуулж байгаа бөгөөд нас барсан эрэгтэйн цогцсыг шүүхийн шинжилгээний хүрээлэнд хүргүүлжээ. Эх сурвалжийн мэдээлж байгаагаар, талийгаач 52 настай эрэгтэй нь тус эмнэлгийн Дотоод шүүрлийн тасагт хэвтэн эмчлүүлж байсан бөгөөд эмнэлгийн дөрвөн давхрын цонхоор үсэрч, амь насаа хохироосон болох нь хяналтын камерын бичлэгээр нотлогджээ. Хэргийг Сүхбаатар дүүрэг дэх цагдаагийн нэгдүгээр хэлтэст үргэлжлүүлэн шалгаж байна.

ТӨРИЙН ҮЙЛЧИЛГЭЭГ СУМ, БАГТ ГАЗАР ДЭЭР НЬ ОЧИЖ ҮЙЛЧЛЭХ “ЯВУУЛЫН ОФФИС” БАГ НОМГОН СУМЫН 5 БАГТ 2022 ОНЫ 05 ДУГААР САРЫН 16-НААС 20-НЫ ХООРОНД АЖИЛЛАЛАА

05 / 21 0 сэтгэгдэл 252 үзсэнe

“Явуулын оффис”-ын багт ГХБХБГазар, татварын хэлтэс, Нийгмийн даатгалын хэлтэс, ХХААГазар, ХХҮГазар, БОЭТөвийн эмч, шүдний эмч, Өмгөөлөгч, үсчин, гуталчин зэрэг төрийн болон хувийн хэвшлийн байгууллагууд хамтарч давхардсан тоогоор Номгон сумын 5 багийн 133 өрхийн 509 иргэнд төрийн үйлчилгээ, эрүүл мэндийн урьдчилан сэргийлэх үзлэг оношилгоо хийж, дараагийн шатны эмнэлгийн шинжилгээнд хамрагдах шаардлагатай 35 иргэнд эрүүл мэндийн зөвлөгөө өгч, анхан шатны эмчилгээ үйлчилгээг үзүүлж ажиллалаа.

ТӨРИЙН ҮЙЛЧИЛГЭЭГ СУМ, БАГТ ГАЗАР ДЭЭР НЬ ОЧИЖ ҮЙЛЧЛЭХ “ЯВУУЛЫН ОФФИС” БАГ НОМГОН СУМЫН 5 БАГТ 2022 ОНЫ 05 ДУГААР САРЫН 16-НААС 20-НЫ ХООРОНД АЖИЛЛАЛАА

05 / 21 0 сэтгэгдэл 484 үзсэнe

“Явуулын оффис”-ын багт ГХБХБГазар, татварын хэлтэс, Нийгмийн даатгалын хэлтэс, ХХААГазар, ХХҮГазар, БОЭТөвийн эмч, шүдний эмч, Өмгөөлөгч, үсчин, гуталчин зэрэг төрийн болон хувийн хэвшлийн байгууллагууд хамтарч давхардсан тоогоор Номгон сумын 5 багийн 133 өрхийн 509 иргэнд төрийн үйлчилгээ, эрүүл мэндийн урьдчилан сэргийлэх үзлэг оношилгоо хийж, дараагийн шатны эмнэлгийн шинжилгээнд хамрагдах шаардлагатай 35 иргэнд эрүүл мэндийн зөвлөгөө өгч, анхан шатны эмчилгээ үйлчилгээг үзүүлж ажиллалаа.

АНХААР !!! Согтуу жолооч айлын хашаа, гэрийг дайрч, нэг иргэн амиа алджээ

05 / 20 0 сэтгэгдэл 755 үзсэнe

Нийслэлийн Баянзүрх дүүргийн 9 дүгээр хороонд суудлын автомашин айлын хашаа, гэрийг мөргөсөн осол гарчээ. Улмаар нэг хүн дарагдсан тухай дуудлагыг өчигдөр /05.19/-ийн 21:03 цагт Онцгой байдлын байгууллагад мэдээлсэн байна. Хэргийг тодруулбал, Дуудлагын дагуу Нийслэлийн Аврах ангийн алба хаагчид 16 км замыг туулан 21:25 цагт очиход иргэн Б “Приус-30” загварын суудлын автомашиныг согтуугаар жолоодож яваад иргэн Ш-ийн хашаа болон таван ханатай гэрийг мөргөжээ. Улмаар гэрт байсан иргэн Ш /47 настай, эрэгтэй/ дарагдаж нас барсан байна. Уг хэргийг тус дүүргийн Тээврийн цагдаагийн албаны бүрэлдэхүүнд шилжүүлэн өгчээ.

ЦАГДААГИЙН АЛБА ХААГЧИД АЛБАНЫ АВТОМАШИНААРАА ИРГЭНЭЭ ДАЙРЧ АМЬ НАСЫГ НЬ ХОХИРООЖЭЭ

05 / 20 0 сэтгэгдэл 1 401 үзсэнe

Өнгөрсөн амралтын өдрөөр буюу 14-15 шилжих шөнө алба хаагчид албаны машинтай иргэнийг дайрч амь насыг нь хохироожээ. Гэсэн хэдий ч шалгалтын ажиллагаа явагдаж байхад алба хаагчид ажил үүргээ биелүүлсээр л байна гэх мэдээллийн мөрөөр манай сурвалжлах баг Дундговь аймагт ажиллаа.

ТЕГ-ААС Б.БААСАНЦОГТЫГ СУЛЛАЖЭЭ

05 / 19 0 сэтгэгдэл 627 үзсэнe

Тагнуулын ерөнхий газраас өмгөөлөгч Б.Баасанцогт нарын хүмүүсийг өнгөрсөн сард баривчилсан. Тодруулбал: Б.Баасанцогтыг 2022 оны дөрөвдүгээр сарын 4-ний өдрөөс нэг сарын хугацаанд цагдан хорих шийдвэр гаргасан. Улмаар анхан шатны шүүхээс түүнийг дахин нэг сар буюу зургадугаар сарын 7-ныг хүртэл саатуулах шийдвэр гаргаад байсан юм. Гэвч Б.Баасанцогтын өмгөөлөгчид түүний таслан сэргийлэх арга хэмжээг өөрчлүүлэхийн тулд Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн ерөнхий шүүгчид гомдол гаргасныг шүүх хянан хэлэлцээд, энэ сарын 13-ны өдөр сулласан байна. Ийнхүү түүнд холбогдох хэргийг гадуур байцааж мөрдөн шалгахаар болжээ.

Д.ЭРДЭНЭБИЛЭГИЙГ ЦАГДАН ХОРИХ ХУГАЦААГ СУНГАЛАА

05 / 19 0 сэтгэгдэл 547 үзсэнe

Нийслэлийн прокурорын газраас Эрүүгийн хуулийн ерөнхий ангийн 1.9 дүгээр зүйлийн 1, 3.5 дугаар зүйлийн 1 дэх хэсгийг тус тус журамлан, мөн хуулийн тусгай ангийн 22.1 дүгээр зүйлийн 2 дахь хэсэгт зааснаар эрүүгийн хэрэг үүсгэж яллагдагчаар татагдсан Д.Эрдэнэбилэгийг цагдан хорих хугацааг 1 сарын хугацаагаар сунгах тухай саналыг 2022 оны 5 дугаар сарын 18-ны өдөр Сүхбаатар дүүргийн Эрүүгийн хэргийн анхан шатны шүүхэд ирүүлсэн байна. Тус шүүхээс дээрх саналыг хүлээн авч Эрүүгийн хэрэг хянан шийдвэрлэх тухай хуулийн 14.10 дугаар зүйлийн 2 хэсэгт заасан “Хэргийн ээдрээ төвөгтэй байдлыг харгалзан яллагдагчийг цаашид цагдан хорих зайлшгүй шаардлагатай бол...” гэх үндэслэлээр цагдан хорих хугацааг 2022 оны 5 дугаар сарын 21-ний өдрөөс 1 сарын хугацаагаар сунгаж шийдвэрлэв. Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн тамгын газар