"ИХ-ХУРД-9" НААДАМД "CAR CINEMA" АЖИЛЛАХААР БОЛЛОО

07 / 13 0 сэтгэгдэл 805 үзсэнe

“Их хурд-9” наадмаар юу үзэж болох вэ? ✅Монголын хамгийн том тулганд гал бадраах ёслол ✅Азарга, Их нас, Шигшмэл морьдын уралдаан ✅Хүчит бөхийн барилдаан ✅Сурын харваа ✅ARTGER boodog boys – Хоолны шоу ✅Сайхан хос морьтон шалгаруулах тэмцээн ✅Морин харваа, шонхор, бүргэдийн үзүүлбэр ✅Жороо морьдын уралдаан ✅Адуучин тэмцээн ✅“Алтан” азарга, “Мөнгөн” гүү, “Молор” унаганы эздийг тодруулах үйл ажиллагаа ✅Амьд хөгжмийн тоглолт ✅Рок попын дуучдын тоглолт ✅Монголын шилдэг DJ нарын шоу ✅Car cinema ✅Offroad автомашины үзүүлбэр ✅Мото цуглаан ✅“Их хурд төгөл” мод тарих ёслол ✅Өглөөний наранд цацал өргөх ёслол “ИХ ХУРД” шигшмэл хурдан морьдын уралдаан 2022 оны 7-р сарын 23,24-ний өдрүүдэд Хэнтий аймгийн Чингис хотод 9 дэх удаагаа зохион байгуулагдана. Ерөнхий зохион байгуулагч: Монголын морин спорт, уяачдын холбоо Хамтран зохион байгуулагч: Хэнтий аймгийн Засаг даргын тамгын газар, “Чилагун” агентлаг ☎️Мэдээлэл авах утас: 91993939"

ЕРӨНХИЙ САЙД Л.ОЮУН-ЭРДЭНЭ ӨВӨЛЖИЛТИЙН БЭЛТГЭЛ АЖИЛТАЙ ТАНИЛЦЛАА

07 / 13 0 сэтгэгдэл 599 үзсэнe

Монгол Улсын Ерөнхий сайд Л.Оюун-Эрдэнэ 2022-2023 оны өвөлжилтийн бэлтгэл ажлыг хангах хүрээнд “Таван толгой түлш” ХХК-ийн зүүн үйлдвэр дээр ажиллалаа. Энэ жил тус компани өвөлжилтийн бэлтгэл ажлын хүрээнд 200000 тонн сайжруулсан шахмал түлшний нөөц бүрдүүлэх, үйлдвэрлэлийн хэвийн үйл ажиллагааг хангах ажлыг хийж байна. Одоогийн байдлаар 50 мянган тонн сайжруулсан шахмал түлшний нөөц бүрдүүлжээ. Мөн баруун бүсийн үйлдвэрийн үйл ажиллагааг үе шаттай зогсоох, зүүн болон дөрөвдүгээр үйлдвэрийн хүчин чадлыг нэмэх, хөрөнгө оруулалт засвар угсралтын ажлууд хийгдэж байна. Шахмал түлшний чанарыг сайжруулах зорилгоор “Таван толгой түлш” ХХК шахмал түлшин дэх хүхэрлэг хийн агууламжийг 50 хүртэл хувь бууруулах судалгаа хийж, эхний үр дүн гарч үйлдвэрлэлийн туршилтад оруулжээ. Ерөнхий сайд Л.Оюун-Эрдэнэ сайжруулсан шахмал түлшний, нөөц бүрдүүлэх, чанарыг сайжруулах, баруун бүсийн үйлдвэрийг нүүлгэн шилжүүлэх ажлыг эрчимжүүлэх, үйлдвэрлэлийн үйл ажиллагааг хэвийн горимд оруулахад онцгой анхаарал хандуулж ажиллахыг үүрэг болголоо. Мөн наймдугаар сарын 1 гэхэд өгсөн үүрэг даалгаварыг биелүүлэхийг сануулж, хэрэгжилтийг долоо хоног бүр өөрийн биеэр шалгана хэмээв .

"ИХ ХУРД-9" НААДАМ МҮХХ-ТОЙ ХАМТРАН МОНГОЛЫН ҮНДЭСНИЙ СУРЫН ХАРВААГ ЗОХИОН БАЙГУУЛНА

07 / 13 0 сэтгэгдэл 651 үзсэнe

"ИХ ХУРД-9" НААДАМ МҮХХ-ТОЙ ХАМТРАН МОНГОЛЫН ҮНДЭСНИЙ СУРЫН ХАРВААГ ЗОХИОН БАЙГУУЛНА Дэлгэрэнгүй мэдээллийг 94119677 утсаар лавлана уу “Их хурд-9” наадмаар юу үзэж болох вэ? Монголын хамгийн том тулганд гал бадраах ёслол Азарга, Их нас, Шигшмэл морьдын уралдаан Хүчит бөхийн барилдаан Сурын харваа ARTGER boodog boys – Хоолны шоу Сайхан хос морьтон шалгаруулах тэмцээн Морин харваа, шонхор, бүргэдийн үзүүлбэр Жороо морьдын уралдаан Адуучин тэмцээн “Алтан” азарга, “Мөнгөн” гүү, “Молор” унаганы эздийг тодруулах үйл ажиллагаа Амьд хөгжмийн тоглолт Рок попын дуучдын тоглолт Монголын шилдэг DJ нарын шоу Car cinema Offroad автомашины үзүүлбэр Мото цуглаан “Их хурд төгөл” мод тарих ёслол Өглөөний наранд цацал өргөх ёслол “ИХ ХУРД” шигшмэл хурдан морьдын уралдаан 2022 оны 7-р сарын 23,24-ний өдрүүдэд Хэнтий аймгийн Чингис хотод 9 дэх удаагаа зохион байгуулагдана. Ерөнхий зохион байгуулагч: Монголын морин спорт, уяачдын холбоо Хамтран зохион байгуулагч: Хэнтий аймгийн Засаг даргын тамгын газар, “Чилагун” агентлаг Мэдээлэл авах утас: 91993939"

СЭРЭМЖЛҮҮЛЭГ: ҮЕРИЙН АЮУЛТАЙ ТҮВШИНД ХҮРСЭН ГОЛ ГОРХИУД

07 / 13 0 сэтгэгдэл 661 үзсэнe

7 дугаар сарын 13-ны өдрийн байдлаар Эг, Сэлэнгэ, Зэлтэр, Хэрлэн голын усны түвшин өмнөх өдрийнхөөс 25-50 см нэмэгдэж, Зэлтэр гол үерийн түвшинг 5 см давсан байна. Мөн түүнчлэн Үүр, Онон, Улз голын адаг болон Хэрлэн голын эхээр үерийн түвшинг 15-45 см, Хархираа гол үерийн аюултай түвшинд хүрч хүчтэй үерлэж ээ. Маргааш буюу 7 дугаар сарын 14-нд Сэлэнгэ мөрөн Хутаг-Өндөр сум Сүхбаатар хот орчимд болон Хэрлэн гол Мөнгөнморьт сум Багануур дүүрэг орчимд усны түвшин 5-15 см нэмэгдэх хандлагатай байна. Ойрын өдрүүдэд нутгийн баруун болон төвийн зарим хэсгээр үргэлжилсэн болон түр зуурын бороо орох төлөвтэй байгаа тул дээрх голууд болон баруун, төвийн аймгуудаар урсан өнгөрөх гол мөрний усны түвшин тухайн хугацаанд орсон хур борооны эрчимжил хэмжээнээс шалтгаалан богино хугацаанд огцом нэмэгдэх, жижиг гол хуурай сайраар сүйтгэл ихтэй уруйн үер буух магадлал өндөр байна. Иймд голын эрэг дагуу суурьшиж, нутаглаж буй малчид, тариаланчид болон аялаж зугаалж байгаа нийт ард иргэдийг сонор сэрэмжтэй байхыг анхааруулж байна. Ус, цаг уур, орчны судалгаа мэдээллийн хүрээлэн Гадаргын усны судалгааны хэлтэс

ХЯТАДЫН ТАЛ МОНГОЛООС НҮҮРС АВАХАА ЗОГСООЛОО

07 / 13 0 сэтгэгдэл 1 060 үзсэнe

Монголтой хил залгаа Ганц Мод боомтод COVID-19 халдварын хоёр тохиолдол илэрсэн тул нүүрс авах гаалийн бүртгэлээ зогсоолоо . Урд хөрш Гашуун Сухайт-Ганц мод боомтын чиглэлээр машинаар нүүрс импортлохоо бүр мөсөн зогсоох талаар хэлэлцэж эхэлжээ. Ингэснээр чанартай коксжсон нүүрсний дотоод өндөр үнийг хадгалан үлдэх боломжтой аж. Одоо коксжсон нүүрс тонн нь 400-470 ам.доллар байгаа юм .

О.ХАНГАЙ: ТҮРҮҮ БӨХИЙН ШАГНАЛААР ЭХЭМҮТ-ИЙГ ТОХИЖУУЛАН ХҮҮХДҮҮДИЙН ТӨЛӨӨ ЗОРИУЛЖ БАЙГААДАА БАЯРТАЙ БАЙНА

07 / 13 0 сэтгэгдэл 891 үзсэнe

Тулгар төрийн 2231, Их Монгол улсын 816, Ардын хувьсгалын 100, 101 жилийн ой Үндэсний их баяр наадам нартай, хуртай сайхан боллоо. Хүчит бөхийн барилдаан тун сонирхолтой болж энэ удаагын наадамд Улсын харцага О.Хангай уран мэх, хүч бяраа гайхуулан түмэн олноо баясгалаа. Тэрээр аваргуудыг дарж Улсын шинэ аварга болсон юм. Ингэснээр Ховд нутгаас 82 жилийн дараа шинэ аваргаа өлгийдөн авлаа. Мөн энэ удаад түрүү бөхийн нэрэмжит шагналаар улсын хэмжээнд үйл ажиллагаа явуулж буй Эх хүүхдийн эрүүл мэндийн үндэсний төвийн хүүхдийн зөвлөх поликлиникийн тасгийг тохижуулах бөгөөд энэ талбайг үйлчлүүлэгч нарт тухтай, хэрэгцээтэй болгон тохижуулахаар засварын ажлыг эхлүүлээд байна. Олон түмнийхээ хайр хүндлэлийг хүлээсэн энэ жилийн түрүү бөх О.Хангай өөрийн бай шагналыг хүүхэд багачуудын төлөө зориулж буйдаа тун талархалтай байгаа юм. Улсын аварга О.Хангай “Юун түрүүнд энд хуран цугласан болон нийт монголын ард түмэндээ баяр наадмын мэндийг хүргэе. Төрийн их баяр цэнгэл наадамд түрүүлж, түрүү бөхийн бай шагналыг нийгмийн сайн сайхны төлөө, ялангуяа хүүхдүүдийн сайн сайхны төлөө зориулж байгаад баяртай байна” гэв.

МОНГОЛ УЛСЫН 25 ДАХЬ АВАРГА, ЗАЛУУ АРСЛАН ТӨРСӨН САЙХАН НААДАМ БОЛЛОО

07 / 13 0 сэтгэгдэл 1 135 үзсэнe

Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадмын хүчит бөхийн барилдаанд 1,024 бөх хүч үзсэн билээ. Тэднээс Сэлэнгэ аймгийн Харьяат, "Таван Хан" дэвжээний бөх, улсын харцага Б.Орхонбаяр Ховд аймгийн Буянт сумын харьяат, "Аврагч" спорт хорооны бөх, улсын харцага О.Хангай нар үзүүр түрүү булаалдав. Арвын даваанд О.Хангай давж, Монгол Улсын 25 дахь АВАРГА болсон бол Б.Орхонбаяр ес давж, Монгол Улсын АРСЛАН боллоо. 2000-2020 ОНЫ ХОРООНД ТҮРҮҮЛСЭН БОЛОН ҮЗҮҮРЛЭСЭН БӨХЧҮҮД МӨН ЭНЭ УДААГИЙН НААДАМД А.СҮХБАТ БОЛОН Г.ӨСӨХБАЯР НАРЫН АСУУДАЛ ИХЭЭХЭН ОЛНЫГ ХАМРАВ. А.Сүхбат Г.ӨСӨХБАЯР

ШРИ-ЛАНКА УЛС ЭДИЙН ЗАСГИЙН ХЯМРАЛД ОРЖ, ДАМПУУРЛАА ЗАРЛАСАН НЬ ЕРӨНХИЙЛӨГЧ РАЖАПАКСАГИЙН ЗАСАГ ЗАХИРГААТАЙ ХОЛБООТОЙ ГЭЖ ҮЗЭЖ БАЙНА

07 / 13 0 сэтгэгдэл 923 үзсэнe

Шри-Ланка улс эдийн засгийн хямралд орж, дампуурлаа зарласан нь ерөнхийлөгч Ражапаксагийн засаг захиргаатай холбоотой гэж үзэж байна. Шри-Ланка улс нь Их Британийн колоничлолоос 1948 онд онц эрх, 1972 онд бүрэн эрхтэйгээр гарч тусгаар тогтносон Бүгд Найрамдах Ардчилсан Социалист Шри-Ланк Улс гэдгээ зарласан юм. Ерөнхийлөгчийн засаг захиргаатай шууд холбон тайлбарлаж байгаа юм. Тус улсыг 20 орчим жилийн турш үе дамжин удирдаж ирсэн гэр бүлийн буруу хэмээн иргэд олон нийт үзэж байгаа юм. Харин Шри-Ланка Улсын засаг захиргаа дампуурлаа цар тахалтай холбон тайлбарлаж байгаа юм. Өнөөдрийн байдлаар Шри-Ланка улс олон сая фунт стерлингийн гадаад өрийг төлж чадахгүйд хүрч дампуурлаа зарлаад байгаа юм. Шри-Ланкад хүнсний бүтээгдэхүүний үнийн өсөлт, шатахууны хомстлын улмаас олон долоо хоног эсэргүүцлийн жагсаал өрнөж буй. Хуучин засгийн газрын томчуудын үл хөдлөх хөрөнгийг галдан шаатаасаар байна. Шри-Ланка гадаадын зээлдэгчдэд 50 тэрбум ам.доллар (40 тэрбум фунт стерлинг) өртэй ч төлөх боломжгүй гэж мэдэгдсэн. Шри-Ланка ойрын хэдэн сарын турш импортын бараа бүтээгдэхүүн худалдан авах валютын хомсдолд ороод байна. Хүнс, шатахууны хомсдол нь үнэ өсөхөд хүргэсэн. Одоо инфляци 30 хувьд хүрч байна. Цахилгаан тасарч, эм тарианы хомсдол эрүүл мэндийн тогтолцоог сүйрлийн ирмэгт хүргэсэн. Дөрөвдүгээр сарын эхээр нийслэл Коломбо хотын гудамжинд хүмүүс эсэргүүцлээ илэрхийлж эхэлсэн бөгөөд эсэргүүцлийн ажиллагаа арлын бусад хэсэгт тархжээ. Нийт эргэлтийн эдийн засаг зогсонги байдалд орж, иргэд ядуурлын ирмэгт туллаа. Шри-Ланкад 2019 оны эцсийн байдлаар 7.6 тэрбум ам. доллар буюу 5.8 тэрбум фунт стерлингийн гадаад валютын нөөцтэй байжээ. 2020 оны гуравдугаар сар гэхэд түүний нөөц 1.93 тэрбум ам. доллар (1.5 тэрбум фунт стерлинг) болж буурчээ. Саяхан засгийн газар энэ тоо ердөө 50 сая ам.доллар (40.5 сая фунт) хүртэл буурсан гэж мэдэгдэв. Засгийн газар мөн шаардлагагүй дэд бүтцийн төслүүдийг санхүүжүүлэхийн тулд Хятад зэрэг улс орнуудтай асар их өр тавьжээ. Аж үйлдвэрийн тэргүүлэгч орнууд болох Канад, Франц, Герман, Итали, Япон, Их Британи, АНУ-аас бүрдсэн "G7" бүлэг Шри-Ланкад өрийн дарамтаас гарахад тусламж үзүүлнэ гэж мэдэгдсэн ч өнөөдрийн байдлаар тус улс хүнд байдалтай байсаар л байна. Сүүлийн үеийн мэдээллээр Шри-Ланка улсын ерөнхийлөгч цэргийн нисэх онгоцоор эх орноосоо гэр бүлээ аван дүрвэсэн гэдгийг мэдэгдээд байна. Готабаяа Ражапакса Лхагва гарагт огцрох шийдвэрээ зарлах төлөвтэй байгаа. Тэрбээр баривчлагдахаас болгоомжилж, эх орноосоо дүрвэсний дараа огцрохоор төлөвлөсөн байж магадгүй юм. Ражапаксаг огцорвол ерөнхий сайд Ранил Викремесингх оронд нь үүрэг гүйцэтгэгчээр томилогдох ёстой. Гэхдээ Викремесингх бас огцрох бодолтой байгаагаа Бямба гарагт мэдэгдсэн юм. Тухайн өдөр жагсагчид түүний хувийн орон сууцыг галдан шатааж байв. Хэрвээ ерөнхий сайд огцорвол ерөнхийлөгчийг парламентын спикер орлох магадлалтай. Гэвч одоогийн спикер нь ерөнхийлөгч Ражапаксагийн холбоотон тул Шри-Ланкын олон нийт хүлээн зөвшөөрөх магадлал бага байна. Ерөнхийлөгчийг хэн ч орлосон тохиолдолд 30 хоногийн дотор парламентаас шинэ ерөнхийлөгчийг сонгох ёстой. Сонгогдсон шинэ ерөнхийлөгч нь Ражапаксагийн бүрэн эрхийн үлдсэн хугацаанд буюу 2024 оны сүүлч хүртэл ажиллах юм. Улс орноо хорь орчим жилийн турш захирсан Ражапаксагийн гэр бүлийн хаанчлал улс орноо дампууруулснаар өндөрлөж байна. Буруу менежмент буруу засаг захиргааны бодлого ямар ч тогтвортой байдлыг үгүй хийдэг гэдгийг харж болох юм.

ЕВРО, АМ.ДОЛЛАРЫН ХАНШ 20 ЖИЛИЙН ТҮҮХЭНДЭЭ АНХ ДАРАА ТЭНЦЛЭЭ

07 / 13 0 сэтгэгдэл 545 үзсэнe

Сүүлийн 20 жилийн түүхэнд анх удаа Америк доллар, Евро хоёрын ханш тэнцлээ. Европын холбооны валют болох еврогийн ханш өнгөрсөн дөрөв дэх өдрөөс 12 хувиар унасан нь Орос-Украины дайнтай холбоотой инфляц, эрчим хүчний хангамжийн тодорхойгүй байдлаас үүдэлтэй хэмээн албаны хүмүүс үзэж байна. Украины дайнтай холбоотой эдийн засгийн хямрал, эрчим хүчний үнийн өсөлт Европын Холбооны валютын ханшийг унагаад байна. Европын Холбоо байгалийн хийн хэрэглээнийхээ 40 хувийг ОХУ-аас хоолойгоор дамжуулан авдаг. Одоо тус холбооны орнууд Оросын эрчим хүчний хараат байдлаас гарахыг хичээж байна. Саяхан Оросын тал Европын орнуудад нийлүүлдэг хийн хэмжээгээ багасгасан нь нөхцөл байдлыг улам хүндрүүлжээ. Тухайлбал Умард Урсгал хоолойгоор Германд нийлүүлдэг хийн хэмжээгээ 60 хувиар багасгасан нь Герман улсыг хүнд байдал оруулжээ. Евро бүсийн инфляц 8.6 хувьд хүрсэн тул Европын Төв Банк энэ сард багтаан бодлогын хүүгээ өсгөх төлөвлөгөөтэй байгаа гэнэ. 2011 оноос хойш анх удаа ийм арга хэмжээ авах гэж байна. Евро бүсийн хамгийн том эдийн засагтай Герман улс 1991 оноос хойш анх удаа гадаад худалдааны алдагдал хүлээснээ өнгөрсөн долоо хоногт зарласан юм. Шатахууны үнийн өсөлт, тээвэр ложистикийн саатал үүнд голлон нөлөөлжээ. Еврогийн ханшийн уналт Европ тивд аялах Америкчуудад сайн мэдээ болж байгаа ч дэлхийн эдийн засгийн тогтвортой байдалд муугаар нөлөөлөхөөр байна.

БАЯРЫН ӨДРҮҮДЭД ӨРХ ДҮҮРГИЙН ЭМНЭЛГҮҮДИЙН АЖИЛЛАХ ХУВААРЬ

07 / 11 0 сэтгэгдэл 611 үзсэнe

Баяр наадмын өдрүүдэд нийслэл дэх эрүүл мэндийн байгууллагууд хэрхэн ажиллах талаар Нийслэлийн Эрүүл мэндийн газрын Лавлагаа шатлалын тусламж үйлчилгээ хариуцсан мэргэжилтэн Д.Энхтүвшингээс тодрууллаа. -Нийслэлийн Эрүүл мэндийн газрын даргын тушаал гарч баяр наадмын өдрүүдэд эмнэлгийн тусламж үйлчилгээний тасралтгүй байдлыг урьдын адил хангаж ажиллаж, эрүүл мэндийн газрууд шуурхай штабын хариуцлагатай жижүүр гарган бэлэн байдлыг хангаж ажиллана. Ингэхдээ долоодугаар сарын 11-18-н хүртэл нийслэлийн Шүд, эрүү нүүрний төвийн хоёр кабинет, дүүргийн эрүүл мэндийн төвүүдийн гэмтэл, мэс засал, дотор, шүдний кабинет 10:00-15:00 цагийн хооронд ажиллана. Мөн Өрхийн эрүүл мэндийн төвийн үйл ажиллагаанд зохицуулалт хийж 10:00-15:00 цагийн хооронд ажиллах юм гэлээ. Эх сурвалж: Нийслэлийн сургалт, судалгаа, олон нийттэй харилцах газар