Монголтой хил залгаа Ганц Мод боомтод COVID-19 халдварын хоёр тохиолдол илэрсэн тул нүүрс авах гаалийн бүртгэлээ зогсоолоо . Урд хөрш Гашуун Сухайт-Ганц мод боомтын чиглэлээр машинаар нүүрс импортлохоо бүр мөсөн зогсоох талаар хэлэлцэж эхэлжээ. Ингэснээр чанартай коксжсон нүүрсний дотоод өндөр үнийг хадгалан үлдэх боломжтой аж. Одоо коксжсон нүүрс тонн нь 400-470 ам.доллар байгаа юм .
Тулгар төрийн 2231, Их Монгол улсын 816, Ардын хувьсгалын 100, 101 жилийн ой Үндэсний их баяр наадам нартай, хуртай сайхан боллоо. Хүчит бөхийн барилдаан тун сонирхолтой болж энэ удаагын наадамд Улсын харцага О.Хангай уран мэх, хүч бяраа гайхуулан түмэн олноо баясгалаа. Тэрээр аваргуудыг дарж Улсын шинэ аварга болсон юм. Ингэснээр Ховд нутгаас 82 жилийн дараа шинэ аваргаа өлгийдөн авлаа. Мөн энэ удаад түрүү бөхийн нэрэмжит шагналаар улсын хэмжээнд үйл ажиллагаа явуулж буй Эх хүүхдийн эрүүл мэндийн үндэсний төвийн хүүхдийн зөвлөх поликлиникийн тасгийг тохижуулах бөгөөд энэ талбайг үйлчлүүлэгч нарт тухтай, хэрэгцээтэй болгон тохижуулахаар засварын ажлыг эхлүүлээд байна. Олон түмнийхээ хайр хүндлэлийг хүлээсэн энэ жилийн түрүү бөх О.Хангай өөрийн бай шагналыг хүүхэд багачуудын төлөө зориулж буйдаа тун талархалтай байгаа юм. Улсын аварга О.Хангай “Юун түрүүнд энд хуран цугласан болон нийт монголын ард түмэндээ баяр наадмын мэндийг хүргэе. Төрийн их баяр цэнгэл наадамд түрүүлж, түрүү бөхийн бай шагналыг нийгмийн сайн сайхны төлөө, ялангуяа хүүхдүүдийн сайн сайхны төлөө зориулж байгаад баяртай байна” гэв.
Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадмын хүчит бөхийн барилдаанд 1,024 бөх хүч үзсэн билээ. Тэднээс Сэлэнгэ аймгийн Харьяат, "Таван Хан" дэвжээний бөх, улсын харцага Б.Орхонбаяр Ховд аймгийн Буянт сумын харьяат, "Аврагч" спорт хорооны бөх, улсын харцага О.Хангай нар үзүүр түрүү булаалдав. Арвын даваанд О.Хангай давж, Монгол Улсын 25 дахь АВАРГА болсон бол Б.Орхонбаяр ес давж, Монгол Улсын АРСЛАН боллоо. 2000-2020 ОНЫ ХОРООНД ТҮРҮҮЛСЭН БОЛОН ҮЗҮҮРЛЭСЭН БӨХЧҮҮД МӨН ЭНЭ УДААГИЙН НААДАМД А.СҮХБАТ БОЛОН Г.ӨСӨХБАЯР НАРЫН АСУУДАЛ ИХЭЭХЭН ОЛНЫГ ХАМРАВ. А.Сүхбат Г.ӨСӨХБАЯР
Шри-Ланка улс эдийн засгийн хямралд орж, дампуурлаа зарласан нь ерөнхийлөгч Ражапаксагийн засаг захиргаатай холбоотой гэж үзэж байна. Шри-Ланка улс нь Их Британийн колоничлолоос 1948 онд онц эрх, 1972 онд бүрэн эрхтэйгээр гарч тусгаар тогтносон Бүгд Найрамдах Ардчилсан Социалист Шри-Ланк Улс гэдгээ зарласан юм. Ерөнхийлөгчийн засаг захиргаатай шууд холбон тайлбарлаж байгаа юм. Тус улсыг 20 орчим жилийн турш үе дамжин удирдаж ирсэн гэр бүлийн буруу хэмээн иргэд олон нийт үзэж байгаа юм. Харин Шри-Ланка Улсын засаг захиргаа дампуурлаа цар тахалтай холбон тайлбарлаж байгаа юм. Өнөөдрийн байдлаар Шри-Ланка улс олон сая фунт стерлингийн гадаад өрийг төлж чадахгүйд хүрч дампуурлаа зарлаад байгаа юм. Шри-Ланкад хүнсний бүтээгдэхүүний үнийн өсөлт, шатахууны хомстлын улмаас олон долоо хоног эсэргүүцлийн жагсаал өрнөж буй. Хуучин засгийн газрын томчуудын үл хөдлөх хөрөнгийг галдан шаатаасаар байна. Шри-Ланка гадаадын зээлдэгчдэд 50 тэрбум ам.доллар (40 тэрбум фунт стерлинг) өртэй ч төлөх боломжгүй гэж мэдэгдсэн. Шри-Ланка ойрын хэдэн сарын турш импортын бараа бүтээгдэхүүн худалдан авах валютын хомсдолд ороод байна. Хүнс, шатахууны хомсдол нь үнэ өсөхөд хүргэсэн. Одоо инфляци 30 хувьд хүрч байна. Цахилгаан тасарч, эм тарианы хомсдол эрүүл мэндийн тогтолцоог сүйрлийн ирмэгт хүргэсэн. Дөрөвдүгээр сарын эхээр нийслэл Коломбо хотын гудамжинд хүмүүс эсэргүүцлээ илэрхийлж эхэлсэн бөгөөд эсэргүүцлийн ажиллагаа арлын бусад хэсэгт тархжээ. Нийт эргэлтийн эдийн засаг зогсонги байдалд орж, иргэд ядуурлын ирмэгт туллаа. Шри-Ланкад 2019 оны эцсийн байдлаар 7.6 тэрбум ам. доллар буюу 5.8 тэрбум фунт стерлингийн гадаад валютын нөөцтэй байжээ. 2020 оны гуравдугаар сар гэхэд түүний нөөц 1.93 тэрбум ам. доллар (1.5 тэрбум фунт стерлинг) болж буурчээ. Саяхан засгийн газар энэ тоо ердөө 50 сая ам.доллар (40.5 сая фунт) хүртэл буурсан гэж мэдэгдэв. Засгийн газар мөн шаардлагагүй дэд бүтцийн төслүүдийг санхүүжүүлэхийн тулд Хятад зэрэг улс орнуудтай асар их өр тавьжээ. Аж үйлдвэрийн тэргүүлэгч орнууд болох Канад, Франц, Герман, Итали, Япон, Их Британи, АНУ-аас бүрдсэн "G7" бүлэг Шри-Ланкад өрийн дарамтаас гарахад тусламж үзүүлнэ гэж мэдэгдсэн ч өнөөдрийн байдлаар тус улс хүнд байдалтай байсаар л байна. Сүүлийн үеийн мэдээллээр Шри-Ланка улсын ерөнхийлөгч цэргийн нисэх онгоцоор эх орноосоо гэр бүлээ аван дүрвэсэн гэдгийг мэдэгдээд байна. Готабаяа Ражапакса Лхагва гарагт огцрох шийдвэрээ зарлах төлөвтэй байгаа. Тэрбээр баривчлагдахаас болгоомжилж, эх орноосоо дүрвэсний дараа огцрохоор төлөвлөсөн байж магадгүй юм. Ражапаксаг огцорвол ерөнхий сайд Ранил Викремесингх оронд нь үүрэг гүйцэтгэгчээр томилогдох ёстой. Гэхдээ Викремесингх бас огцрох бодолтой байгаагаа Бямба гарагт мэдэгдсэн юм. Тухайн өдөр жагсагчид түүний хувийн орон сууцыг галдан шатааж байв. Хэрвээ ерөнхий сайд огцорвол ерөнхийлөгчийг парламентын спикер орлох магадлалтай. Гэвч одоогийн спикер нь ерөнхийлөгч Ражапаксагийн холбоотон тул Шри-Ланкын олон нийт хүлээн зөвшөөрөх магадлал бага байна. Ерөнхийлөгчийг хэн ч орлосон тохиолдолд 30 хоногийн дотор парламентаас шинэ ерөнхийлөгчийг сонгох ёстой. Сонгогдсон шинэ ерөнхийлөгч нь Ражапаксагийн бүрэн эрхийн үлдсэн хугацаанд буюу 2024 оны сүүлч хүртэл ажиллах юм. Улс орноо хорь орчим жилийн турш захирсан Ражапаксагийн гэр бүлийн хаанчлал улс орноо дампууруулснаар өндөрлөж байна. Буруу менежмент буруу засаг захиргааны бодлого ямар ч тогтвортой байдлыг үгүй хийдэг гэдгийг харж болох юм.
Сүүлийн 20 жилийн түүхэнд анх удаа Америк доллар, Евро хоёрын ханш тэнцлээ. Европын холбооны валют болох еврогийн ханш өнгөрсөн дөрөв дэх өдрөөс 12 хувиар унасан нь Орос-Украины дайнтай холбоотой инфляц, эрчим хүчний хангамжийн тодорхойгүй байдлаас үүдэлтэй хэмээн албаны хүмүүс үзэж байна. Украины дайнтай холбоотой эдийн засгийн хямрал, эрчим хүчний үнийн өсөлт Европын Холбооны валютын ханшийг унагаад байна. Европын Холбоо байгалийн хийн хэрэглээнийхээ 40 хувийг ОХУ-аас хоолойгоор дамжуулан авдаг. Одоо тус холбооны орнууд Оросын эрчим хүчний хараат байдлаас гарахыг хичээж байна. Саяхан Оросын тал Европын орнуудад нийлүүлдэг хийн хэмжээгээ багасгасан нь нөхцөл байдлыг улам хүндрүүлжээ. Тухайлбал Умард Урсгал хоолойгоор Германд нийлүүлдэг хийн хэмжээгээ 60 хувиар багасгасан нь Герман улсыг хүнд байдал оруулжээ. Евро бүсийн инфляц 8.6 хувьд хүрсэн тул Европын Төв Банк энэ сард багтаан бодлогын хүүгээ өсгөх төлөвлөгөөтэй байгаа гэнэ. 2011 оноос хойш анх удаа ийм арга хэмжээ авах гэж байна. Евро бүсийн хамгийн том эдийн засагтай Герман улс 1991 оноос хойш анх удаа гадаад худалдааны алдагдал хүлээснээ өнгөрсөн долоо хоногт зарласан юм. Шатахууны үнийн өсөлт, тээвэр ложистикийн саатал үүнд голлон нөлөөлжээ. Еврогийн ханшийн уналт Европ тивд аялах Америкчуудад сайн мэдээ болж байгаа ч дэлхийн эдийн засгийн тогтвортой байдалд муугаар нөлөөлөхөөр байна.
Баяр наадмын өдрүүдэд нийслэл дэх эрүүл мэндийн байгууллагууд хэрхэн ажиллах талаар Нийслэлийн Эрүүл мэндийн газрын Лавлагаа шатлалын тусламж үйлчилгээ хариуцсан мэргэжилтэн Д.Энхтүвшингээс тодрууллаа. -Нийслэлийн Эрүүл мэндийн газрын даргын тушаал гарч баяр наадмын өдрүүдэд эмнэлгийн тусламж үйлчилгээний тасралтгүй байдлыг урьдын адил хангаж ажиллаж, эрүүл мэндийн газрууд шуурхай штабын хариуцлагатай жижүүр гарган бэлэн байдлыг хангаж ажиллана. Ингэхдээ долоодугаар сарын 11-18-н хүртэл нийслэлийн Шүд, эрүү нүүрний төвийн хоёр кабинет, дүүргийн эрүүл мэндийн төвүүдийн гэмтэл, мэс засал, дотор, шүдний кабинет 10:00-15:00 цагийн хооронд ажиллана. Мөн Өрхийн эрүүл мэндийн төвийн үйл ажиллагаанд зохицуулалт хийж 10:00-15:00 цагийн хооронд ажиллах юм гэлээ. Эх сурвалж: Нийслэлийн сургалт, судалгаа, олон нийттэй харилцах газар
Тулгар төрийн 2230, 2231, Их Монгол Улсын 815, 816 жил, Ардын хувьсгалын 100, 101 жилийн ой, Үндэсний их баяр наадмын өдрүүдэд нийтийн тээврийн үйлчилгээнд үндсэн /хотын доторх болон хот орчмын/ 107 чиглэлд их, дунд багтаамжийн 674, зуслангийн гурван чиглэлд тав, шөнийн тээврийн үйлчилгээний гурван чиглэлд зургаа, нийт 685 автобус үйлчилгээнд ажиллуулахаар Нийслэлийн Нийтийн тээврийн газраас төлөвлөөд байна. БОГИНО ЭРГЭЛТИЙН АВТОБУС НААДАМЧДАД ҮНЭ ТӨЛБӨРГҮЙ Үндсэн чиглэлийн 685 автобус дээр нэмэлтээр зургаан чиглэлд 56 автобусыг наадамчдад зориулж явуулах юм. Эдгээрийн гурав нь богино эргэлтийн чиглэл байх бөгөөд богино эргэлтийн автобуснууд иргэдэд үнэ төлбөргүй үйлчилнэ. Тодруулбал, Дүнжингарав худалдааны төв-Төв цэнгэлдэх хүрээлэн, Вокзал-Төв цэнгэлдэх хүрээлэн, Хүй долоон худгийн Галт тэрэгний зогсоол буюу “Давааны зөрлөг”-өөс Морь барианы газар руу наадамчдад үнэ төлбөргүй үйлчилнэ. Зөвхөн богино эргэлтийн автобусанд иргэд үнэгүй зорчих юм. БОГИНО ЭРГЭЛТИЙН ЧИГЛЭЛҮҮДИЙН ТӨЛӨВЛӨЛТ / ҮНЭГҮЙ / ХҮЙ ДОЛООН ХУДАГ РУУ ЗӨВХӨН КАРТААР ҮЙЛЧИЛНЭ Хүй долоон худаг руу Төв цэнгэлдэх хүрээлэн, Боловсролын их сургууль, Таван шараас нийтийн тээврийн автобусаар үйлчлэх юм. Үйлчилгээний хөлс 1500 төгрөг бөгөөд төлбөрийг зөвхөн картаар төлнө гэдгийг мэргэжилтнүүд анхаарууллаа. Долдугаар сарын 11, 12-ны өдрүүдэд Төв цэнгэлдэх хүрээлэн буюу Гандийн гудамжны автобусны зогсоолоос 10 автобус долоон минут тутамд, долдугаар сарын 13-ны өдөр хотын төв “МУБИС”-ийн баруун тал буюу “Улаанбаатар зочид буудал”-ын автобусны зогсоолоос 06:00 цагаас их багтаамжийн таван автобус 10 минут тутамд “Хүй долоон худаг” руу 1500 төгрөгийн тарифаар үйлчилнэ. Мөн долдугаар сарын 11-15-нд Хүй долоон худгийн шөнийн арга хэмжээнд зориулж 18:00-03:00 цагийн хооронд зургаан автобус “Таван шар-Хүй долоон худаг” чиглэлд үйлчилнэ. ХҮЙ 7 ХУДАГ ЧИГЛЭЛД ХҮРЭХ ЧИГЛЭЛҮҮДИЙН МЭДЭЭЛЭЛ /1500 ТӨГРӨГ / ГЭРЭЭТ БАЙГУУЛЛАГЫН ТАКСИ ЗАМ ХААСАН ЧИГЛЭЛД Ч ЗОРЧИНО Төв цэнгэлдэх хүрээлэн орчим болон Таван шарын дөрвөн түр зогсоолоос Нийслэлийн Нийтийн тээврийн газартай гэрээтэй ажилладаг найман аж ахуйн нэгжийн 383 такси иргэдэд үйлчилнэ. Албан ёсны гэрээт байгууллагын таксинууд зам хаасан чиглэлд үйлчлэх бөгөөд эрх авсан 180 такси байгаа аж. Такси үйлчилгээний зогсоолууд: Төв цэнгэлдэх хүрээлэнгийн урд тал: Нийслэлийн гудамж, “Хурд” хорооллын хойд зогсоол; Төв цэнгэлдэх хүрээлэнгийн хойд тал: Махатма Гандийн гудамж, “Ж” зогсоолын баруун талын зогсоол Төв цэнгэлдэх хүрээлэнгийн баруун тал: Чингисийн өргөн чөлөө, Наадам центрийн баруун талын зогсоол, Таван шарын хойд автобусны зогсоолын зүүн талаас албан ёсны гэрээ бүхий компанийн таксинууд үйлчилгээ үзүүлэх юм байна. Наадмын эхний хоёр өдөр Төв вокзалаас Давааны өртөө хүртэл галт тэрэг 2000 төгрөгийн тарифаар үйлчилнэ.
Морины олимп болох “Их хурд” шигшмэл хурдан морьдын уралдаан 9 дэх удаагаа Их эзэн Чингис хааны өлгий нутаг Хэнтий аймагт зохион байгуулагдана. “Их хурд” наадам өмнө нь Үндэсний их баяр наадам болон бүсийн наадамд амжилттай уралдаж эхний есөн байрт орсон хурдан хүлгүүд урилгаар оролцдог байсан бол энэ жил тэргүүлэгчдийн хурлын шийдвэрээр хүсэлт гаргасан БҮХ УЯАЧ, МОРЬД оролцох боломжтой боллоо. “Их хурд-9” наадмаар юу үзэж болох вэ? Монголын хамгийн том тулганд гал бадраах ёслол Азарга, Их нас, Шигшмэл морьдын уралдаан Хүчит бөхийн барилдаан Сурын харваа ARTGER boodog boys – Хоолны шоу Сайхан хос морьтон шалгаруулах тэмцээн Морин харваа, шонхор, бүргэдийн үзүүлбэр Жороо морьдын уралдаан Адуучин тэмцээн “Алтан” азарга, “Мөнгөн” гүү, “Молор” унаганы эздийг тодруулах үйл ажиллагаа Амьд хөгжмийн тоглолт Рок попын дуучдын тоглолт Монголын шилдэг DJ нарын шоу Car cinema Offroad автомашины үзүүлбэр Мото цуглаан “Их хурд төгөл” мод тарих ёслол Өглөөний наранд цацал өргөх ёслол Ерөнхий зохион байгуулагч: Монголын морин спорт, уяачдын холбоо Хамтран зохион байгуулагч: Хэнтий аймгийн Засаг даргын тамгын газар, “Чилагун” агентлаг Мэдээлэл авах утас: 91993939 ШАГНАЛ: Түрүүлсэн морьны эзэнд 3 өрөө байр, уралдаанч хүүхдэд 1 өрөө байр, ХААНА: Хэнтий аймгийн Чингис хот, ХЭЗЭЭ: 2022 оны 7 сарын 23,24-ний өдрүүдэд болно.
Монгол Улс нийт 6.511.4 км асфальтан буюу бидний хэлж заншсанаар засмал замтай. Энэ урт замыг зөвхөн ганцаараа ашиглаж, эзэмшдэг мэт аминчхан хандлагатай жолооч нар байдаг. Зам дээр чулуу гаргаж тавьчхаад буцааж авалгүй орхино. Цонхоор хогоо хаяна. Замын зорчих хэсгийг эвдэлж, сүйтгэнэ. Замаа бүрэн чөлөөлөхгүй зогсоод бие засна. Шаардлага тавихаар "Чамд ямар хамаатай юм...". Энэ мэт би л болж байвал бусад нь яах вэ гэх шиг амиа бодсон үйлдэл их ээ. Жишээ нь автомашин нь эвдэрсэн тохиолдолд зориулалтын зогсоолд зам чөлөөлж зогсохгүй. Зөрж өнгөрөх хоёрхон урсгалтай замын нэгийг бүхлээр нь таглаж автомашинаа зогсоогоод янзална. Ослын тэмдгээ мартчихсан эсхүл байхгүй бол том том чулуу овоолж тавиад орлуулна. Ингээд автомашинаа янзалж дуусаад өнөөх чулуугаа тэр чигт нь орхиод хөдөлнө. Энэ чулуу нь ардаас ирж яваа өөр олон автомашины жолоочид саад болж байдаг. Зам дээр гэнэтхэн гарч ирсэн энэ саадаас болж сандарч, мэгдсэн жолооч, рулээ огцом эргүүлж, замын шон мөргөх, онхолдох гээд том хохиролтой ноцтой осол гарч, олон хүний амь нас, эрүүл мэнд эрсдэхэд хүрнэ. Нэг жолоочийн ийм аминчхан хандлага нэг гэр бүлийн амьдралыг дуусгах ч аюултай тул орон нутгийн замд зорчиж яваа жолооч та бусдыг ч мөн хүндэтгэж, улсын чанартай авто замыг улсаараа ашигладаг гэдгийг санаж яваарай. Авто замаар зөвхөн та ганцаараа зорчдоггүй. Мөн замын тэмдэг салхинд эргээд буруу харчихсан, зам дээр чулуу, мод байвал та зүгээр хараад өнгөрөлгүй, таны ард яваа бусдын аюулгүй байдлын төлөө засаад яваарай гэж уриалж байна. Бусдын буруутай үйлдлийг засаж зөвөөр үлгэрлэе. Аян замд аминчхан үзэлтэй биш амь нэгтэй явцгаая. #Аажуу явбал аяндаа хүрнэ дээ.
Японы Ерөнхий сайд асан Абэ Шинзо өнөөдөр буюу Баасан гаргийн өглөө Нара мужид үг хэлж байхдаа халдлагад өртөж, буудуулжээ. Абэгийн ойр дотны болон Либерал ардчилсан намын эх сурвалжуудын мэдээлж буйгаар тэрбээр буудуулж цус алдан, эмнэлэгт хүргэгдсэн гэж NHK мэдээлэв. Халдлага гарах мөчид тэнд байсан хүмүүс буун дуу сонссон байна. Токиогийн амбан захирагч асан Йоичи Масузэ өөрийн твиттер хуудаснаа "Ноён Абэ зүрх, уушиг нь зогссон байдалтай байгаа" гэж мэдэгджээ. Цагдаа нар орон нутгийн цагаар 11:30 цагийн орчимд Абэ руу халдсан этгээдийг баривчилжээ. Гар буу хэрэглэхийг хориглодог Япон улсад буутай холбоотой гэмт хэрэг ховор тохиолддог байна. Бид энэ талаар эргэн дэлгэрэнгүй мэдээлэх болно. Эх сурвалж: NHK
