ОХУ ГАДААДЫН 48 ОРНЫ ЭСРЭГ ЭКСПОРТЫН ХОРИГ ТАВИЛАА

03 / 11 0 сэтгэгдэл 1 068 үзсэнe

ОХУ эм, эмнэлгийн бүтээгдэхүүн, машин механизмын эд анги, хөдөө аж ахуйн зэрэг 200 гаруй бараа, бүтээгдэхүүнд экспортын хориг тавилаа. Энэхүү хориг арга хэмжээг АНУ болон барууны улсуудаас авсан нөхөрсөг бус арга хэмжээний эсрэг тавьж байгаа гэдгээ тус улсын Сангийн сайд мэдээлжээ. Хоригт хамрагдах улсуудын хувьд АНУ, Европын холбоо тэргүүтэй 48 орон байна. Эдгээр орнуудын нэрс бүрэн зарлагдаагүй байна. Гэхдээ Гүржийн салан тусгаарласан бүс нутаг болох Өмнөд Оссет, Абхаз болон Евразийн эдийн засгийн холбооны гишүүн орнуудыг экспортоос чөлөөлж болно гэж мэдэгджээ. Цаашлаад оросын далайн боомтууд дээрх гадаадын хөлөг онгоцын үйл ажиллагааг хязгаарлах арга хэмжээ авч болзошгүй аж.

ӨНГӨРСӨН 3 ХОНОГИЙН ХУГАЦААНД НОЦТОЙ ЗАМ ТЭЭВРИЙН ОСЛЫН УЛМААС 11 ХҮН АМИА АЛДЖЭЭ

03 / 11 0 сэтгэгдэл 880 үзсэнe

Гуравдугаар сарын 7-ноос 10-ны хооронд зам тээврийн ослын улмаас 11 хүний амь хохирсны хоёр нь нийслэлд, орон нутагт есөн хүний амь нас эндсэн байна. Цагдаагийн байгууллагад бүртгэгдсэн зам тээврийн ослын улмаас 28 хүн гэмтэж бэртсэний 11 хүүхэд байна. Явган зорчигч мөргөх хэлбэрээр 15 осол бүртгэгдэж, 16 хүн гэмтэж, 1 хүний амь хохирсон Мөргөлдөх хэлбэрээр 3 осол бүртгэгдэж, 3 хүн гэмтсэн. Онхолдох хэлбэрээр 1 осол бүртгэгдэж 1 хүн гэмтэж, 1 хүний амь хохирсон. Үл хөдлөх зүйл мөргөх хэлбэрээр 1 осол бүртгэгдэж 1 хүн гэмтсэн. Орон нутагт o Онхолдох хэлбэрээр 7 осол бүртгэгдэж, 4 хүн гэмтэж, 6 хүний амь хохирсон байна. o Явган зорчигч мөргөх хэлбэрээр 2 осол бүртгэгдэж, 2 хүн гэмтсэн. o Мөргөлдөх хэлбэрээр 2 осол бүртгэгдэж 3 хүний амь хохирсон. o Үл хөдлөх зүйл мөргөх хэлбэрээр 1 осол бүртгэгдэж 1 хүн гэмтсэн. Энэ 7 хоногт хүүхэд өртсөн 12 осол бүртгэгдэж 11 хүүхэд гэмтэж, 2 хүүхдийн амь хохирсон байна. Хүүхдийн автомашинд тээвэрлэхдээ зориулалтын суудалд суулгах, суудлыг бүсийг зүүж хэвшүүлэх шаардлагатай байна. Мөн 10 хүртэлх насны хүүхдийг бие даан хөдөлгөөнд оролцуулахгүй байх, зам тээврийн осолд өртсөн тохиолдолд гэмтсэн эсэхээс үл хамааран 102 тусгай дугаарт дуудлага мэдээлэл өгөх талаар хүүхдүүдтэйгээ ярилцаж, зааж сургахыг зөвлөж байна.

СОГТУУРСАН ҮЕДЭЭ ГАЛ ТАВЬСНЫ УЛМААС ИРГЭДИЙН ГУРВАН ТЭЭВРИЙН ХЭРЭГСЭЛ ШАТЛАА

03 / 11 0 сэтгэгдэл 384 үзсэнe

БЗД -т байрлах "Century апартмент" хотхоны баригдаж байгаа Б блокийн В1 давхрын зогсоолд эрэгтэй 32 настай Т согтуурсан үедээ "Isuzu Elf" маркийн ачааны автомашин дээр байсан барилгын хогон дээр санаатайгаар гал тавьжээ. Үүний улмаас иргэн /М/-н эзэмшлийн toyota highlander, иргэн /М/-н эзэмшлийн toyota prius 30, иргэн Б-н эзэмшлийн Lexus rx 450 маркийн гурван тээврийн хэрэгслүүд шатсан байна. Тус хэргийг БЗДЦХ-1 хэлтэс шалгаж байна.

ЭЦЭГ, ЭХИЙН ХАЙХРАМЖГҮЙ БАЙДЛААС БОЛЖ 4 НАСТАЙ ХҮҮХЭД БУУНЫ СУМАНД ОНОГДОЖ БЭРТЖЭЭ

03 / 11 0 сэтгэгдэл 785 үзсэнe

Эцэг, Эхийн бас нэг хайхрамжгүй жишээ Ховд аймгийн Алтай суманд боллоо. Тодруулбал : Тус суманд оршин суух Б- гийн 4 настай хүү Дробинк маркийн бууг оролдож байгаад сум алдаж, гэмтэн ГССҮТ-д хэвтэн эмчлэгдэж байна. Тухайн буу яагаад цэнэгтэй байсан зэрэг асуудал ч сөхөгдөж байна. Иймэрхүү Эцэг, Эхийн хайхрамжгүй байдлаас болж бяцхан үр хохирсоор л...

ХОГИЙН ЦЭГЭЭС УУТАНД ХИЙЖ ХАЯСАН НЯРАЙ ХҮҮХДИЙН ЦОГЦОС ОЛДЛОО

03 / 11 0 сэтгэгдэл 482 үзсэнe

ЭХЭМҮТ -ийн дэргэд байрлах хогийн цэгт нярай хүүхдийн цогцос байна гэх дуудлага мэдээлэл өчигдөр буюу 3.10-ны 11 цагын орчимд цагдаагийн байгууллагад бүртгэгджээ. Дуудлагын дагуу бүрэлдэхүүн шалгалт хийхэд тухайн хогийн цэгт хар уутанд хийсэн эрэгтэй нярай хүүхдийн цогцос олджээ. Тус хэргийг БГДЦХ -1 шалгаж байна.

“ЭРДЭНЭТ ҮЙЛДВЭР” –ЭЭС ЗАРЛАСАН ТЕНДЕРТ ЯЛЛАГДАГЧААР ТАТАГДСАН ЭТГЭЭД ОРОЛЦОЖ БОЛДОГ...

03 / 10 0 сэтгэгдэл 732 үзсэнe

“Эрдэнэт үйлдвэр” бол монголын саалийн үнээ. Үүнийг нь ч иргэд амьдрал дээр мэдэрч, үр шимийг нь хүртсэн. Нэг үгээр хэлбэл, Засгийн газраас шийдвэр гаргаж айл өрх, аж ахуйн нэгжийн цахилгаан, дулаан, усны төлбөрийг төрөөс даахаар шийдвэрлэж байв. Энэ мөнгийг “Эрдэнэт үйлдвэр” төлсөн. Энэ нь тус үйлдвэрийг хэр хэмжээний үр ашигтай ажилладаг болохыг нь төвөггүйхэн илтгэчихсэн. Тэгвэл “Эрдэнэт үйлдвэр” шууд худалдан авалт нэрээр цөөн тооны хувийн компаниудад боломж олгож, “угжиж” байсан байж болзошгүй баримтууд хэвлэлүүдээр ил болж байсан бол энэ удаад тендер зарлахдаа ашиг сонирхолд автдаг , танил талдаа олгодог байж болзошгүй асуудал сөхөгдөж байна. Хамгийн сүүлийн жишээ л гэхэд зарлагдсан тендертээ нэг хүний нэр дээрхи хоёр ч байгууллагыг оролцуулдаг. Нэгийг нь шалгаруулдаг. Түүгээр ч зогсохгүй тухайн нэр дээрээ хоёр ч компанитай / Од дөл ХХК болон Механик сервис ХХК / этгээд өнгөрсөн 2019 оноос хойж хуулийн байгууллагад яллагдагчаар татагдан маргаан заргатай яваа этгээдийн нэр дурьдагдаж байна. Түүнийг Ш.Давааням гэх бөгөөд тэрээр саалийн үнээ гэгддэг эрдэнэт тойрсон тендерт оролцохын тулд өөрийн нэр татагдсан хэрэг маргааныг хэрэгсэхгүй болгож өгөөч хэмээн бичиг шидлэж суугаа бололтой. Ш.Давааням гэх эрхэмийг ийнхүү хэрэг маргаанд нэр нь холбогдож яллагдагчаар татагдсан явааг тус үйлдвэрийн хуулийн хэлтсийнхан мэдсэн ч мэдээгүй сонссон ч сонсоогүй мэтээр явдаг асуудлын ард Орхон аймгийн прокурорын газрын ерөнхий прокурор Л.Батгэрэл гэх эрхэм бий гэх мэдээлэл ч байна. Мэдээллийг нэхэн сурвалжлах болно. Эргэн сануулахад : Эрдэнэт үйлдвэрээс зарласан өндөр үнэтэй тендерт ашиг сонирхол явагддаг эсэхийг тодруулахыг хүссэн хэвлэлийнхнээс ингэж зугатдаг аж.

“ЗАЙСАН ХИЛЛ” ЦОГЦОЛБОРТ БАЙРЛАХ ЦАХИМ ТОГЛООМЫН ТӨВД 25 НАСТАЙ /ЭМЭГТЭЙГ/ ХҮЧИРХИЙЛСЭН ХЭРЭГ ГАРЧЭЭ

03 / 10 0 сэтгэгдэл 1 012 үзсэнe

Хан-Уул дүүрэгт байрлах “Зайсан хилл” цогцолборт хүчингийн хэрэн гарсан бөгөөд уг хэргийг тодруулбал хоёрдугаар сарын 28-ны өдөр тус цогцолборт байрлах, цахим тоглоомын төвд Сонгинохайрхан дүүргийн иргэн 25 настай эмэгтэйг хүчирхийлсэн хэрэг гарчээ. Уг хэрэгт 20 настай эрэгтэй гурван гэрчийг холбогдуулан, цагдаагийн байгууллагаас шалгаж эхлээд байгаа юм байна. “Зайсан хилл” цогцолборыг тойрсон удаа дараа зөрчил гарсан учир “Зайсан хилл”-ийн тусгай зөвшөөрлийг түдгэлзүүлж шүүхэд өгөхөөр болжээ.

МОНГОЛ-ЭНЭТХЭГИЙН НАЙРАМДАЛ СУРГУУЛИЙГ БАЙГУУЛНА

03 / 10 0 сэтгэгдэл 264 үзсэнe

Тодруулбал: БШУ-ны Дэд сайд Г.Ганбаяр, Бүгд Найрамдах Энэтхэг улсаас Монгол улсад суугаа Онц бөгөөд Бүрэн Эрхт элчин сайд М.П. Сингх болон холбогдох албаны хүмүүсийг хүлээн авч уулзалт зохион байгууллаа. Тухайлбал: Монгол улс, Бүгд Найрамдах Энэтхэг улстай боловсролын салбарт хамтран хэрэгжүүлж буй БНЭУ-ын хөнгөлөлттэй зээлийн хүрээнд БЗД-ийн 22-р хорооны нутаг дэвсгэрт баригдах Атал Бахари Важпайн нэрэмжит Мэдээллийн технологийн боловсрол, Аутсорсингийн төвийн байгуулах ажлыг эрчимжүүлэх асуудлаар талууд санал солилцсон бөгөөд. Энэхүү төв ашиглалтанд орсноор олон улсын түвшинд үнэлэгдэхүйц мэргэжлийн өндөр ур чадвартай мэдээллийн технологийн мэргэжилтнүүд бэлтгэгдэж, гадаад аутсорсингийг хөгжүүлэх олон талын ач холбогдолтой болох юм. Төслийн ажлыг эрчимжүүлэх зорилгоор БШУЯ, ШУТИС-ийн МХТС-ийн холбогдох мэргэжилтнүүдээс бүрдсэн төсөл хэрэгжүүлэх нэгж байгуулахаар төслийн үйл ажиллагаа, хэрэгжилт илүү үр дүнтэй болно гэж найдаж байгаагаа дэд сайд хэллээ. Уулзалтын төгсгөлд Энэтхэгийн ЗГ-ын буцалтгүй тусламжаар баригдах Монгол-Энэтхэгийн Найрамдал ЕБС байгуулах ажлыг эрчимжүүлэхэд чармайлт гарган ажиллахыг БНЭУ-аас Монгол улсад суугаа Элчин сайд М.П. Сингхээс хүслээ.

ХӨГЖЛИЙН БАНКНЫ ЗЭЭЛДЭГЧ НАРЫГ ИЛ БОЛГОСОН 48 ХОНОГИЙН ХУГАЦААНД ЯМАР ҮЙЛ ЯВДАЛ БОЛОВ

03 / 10 0 сэтгэгдэл 728 үзсэнe

Монгол Улсын Хөгжлийн банкнаас олгосон зээлийн багц , эргэн төлөлтийн мэдээллийг 2022 оны гуравдугаар сарын 9- ний өдрийн байдлаар шинэчлэн мэдээлж байна . Монгол Улсын Хөгжлийн банкнаас олон нийтэд зээлийн мэдээллийг 2022 оны 1 дүгээр сарын 20- ны өдрөөс хойш буюу өнөөдрийг хүртэлх 48 хоногийн хугацаанд нийт 78,824,445,439 / далан найман тэрбум найман зуун хорин дөрвөн сая дөрвөн зуун дөчин таван мянга дөрвөн зуун гучин ес / төгрөгийн зээлийн эргэн төлөлт хийгдээд байгаа талаар мэдээллээ . Зээлийн эргэн төлөлтийг ангиллаар авч үзвэл . хэвийн зээлдэгчийн ангилал дахь зээлийн эргэн төлөлт 15,455,163,264 төгрөг байгаа бол , анхаарал хандуулах ангиллын зээлийн эргэн төлөлт 47,230,269,226 төгрөг , чанаргүй зээлийн ангиллын зээлийн эргэн төлөлт 16,139,012,949 төгрөг тус тус төлөгдөөд байгаа талаар мэдээлсэн юм .

ОН ГАРСНААС ХОЙШ ШАТАХУУНЫ ҮНЭ 340 ТӨГРӨГӨӨР НЭМЭГДЖЭЭ

03 / 10 0 сэтгэгдэл 590 үзсэнe

Дэлхийн зах зээл дээр газрын тосны үнэ эрчимтэй өсөж байгаа тай холбоотойгоор шатахууны ийнхүү үнэ нэмэгдэж байгаа талаар УУХҮЯ - наас тайлбар өгч байна . Шатахуун импортлогчид АИ -92 автобензиний жижиглэнгийн үнэ литр тутамдаа 100 төгрөгөөр нэмж, 2390 болоод байгаа бөгөөд . АИ -95 болон АИ -85 бусад бүтээгдэхүүний үнэ нэмэгдээгүй байна. АИ-92 шатахууны үнийг чөлөөлөх шийдвэр өнгөрөгч оны арваннэгдүгээр сард гарсан. Түүнээс хойш литр тутамдаа 340 төгрөгөөр нэмэгдээд байгаа юм .