“САМУРАЙ” БОНДООС БУСАД ӨР, ТӨЛБӨРИЙГ ЗЭЭЛЭЭР ДАХИН САНХҮҮЖҮҮЛНЭ

10 / 24 0 сэтгэгдэл 494 үзсэнe

Ирэх онуудад санхүүгийн урсгал дансны алдагдлыг нөхөхөөргүй түвшинд байна. Үүнд, санхүүгийн дансны голлох орох урсгалыг бүрдүүлж буй Оюу толгойн далд уурхайн төслийн ажлууд жигдэрч байгаатай холбогдуулан хөрөнгө оруулалт төлөвлөгөөний дагуу алгуур буурна. Харин гарах урсгалын хувьд Гэрэгэ бондын үлдэгдэл 540 орчим сая ам.доллар, МУХБ-ны Евро бондын 500 сая ам.доллар, МУХБ-ны Самурай бондын 235 сая ам.доллар, Хуралдай бондын 600 сая ам.доллар, Хятадын ардын банкны своп хэлцэл зэрэг томоохон хэмжээний эргэн төлөлтүүд хүлээгдэж байна. Суурь төсөөлөлд Самурай бондоос бусад өр, төлбөрүүдийг гадаад бонд, зээлээр дахин санхүүжүүлнэ гэж үзсэн. Хэрвээ эдгээр гадаад өр, төлбөрүүдийг дахин санхүүжүүлэх боломжгүй, эргэн төлөх шаардлага үүссэн тохиолдолд гадаад санхүүжилтийн хэрэгцээ улам нэмэгдэх эрсдэлтэй байна.

АНУ-Д МОНГОЛ ЭРЭГТЭЙ ХАМТРАН АМЬДРАГЧАА ХҮЧИРХИЙЛЖ, ОНЦ ХЭРЦГИЙГЭЭР ХӨНӨӨСӨН ХЭРЭГ ГАРЧЭЭ

10 / 24 0 сэтгэгдэл 829 үзсэнe

Энэ сарын 18-ны өдөр (2022.10.18) АНУ-ын Чикаго хотын Нортфилд Тауншип хотхонд монгол эрэгтэй хамтран амьдрагчаа хүчирхийлж, онц хэрцгийгээр хөнөөсөн хэрэг гарчээ. Тодруулбал, Монгол Улсын иргэн Ш.Т гэгчийг аллага, бэлгийн хүчирхийлэл, биенд хүнд гэмтэл учруулсан хэргээр баривчилан бөгөөд одоогоор цагдаагийн газарт шалгагдаж байгаа аж. Хэрэг гарсны дараа цагдаа нар дуудлагаар очиход, таван сар хамт амьдарсан 61 настай монгол эмэгтэй ноцтой гэмтлийн улмаас газар дээрээ амьсгал хураасан байжээ. Шинжилгээгээр хохирогч эмэгтэй тархиндаа хүнд бэртэл авсны улмаас цус харвасан хэмээх дүгнэлт гарчээ.

ГАДАГШ ЗОРЧИХДОО ЛАМЫН УТЛАГА, РАШААН АВЧ ЯВАХГҮЙ БАЙХЫГ АНХААРУУЛЖ БАЙНА

10 / 24 0 сэтгэгдэл 1 055 үзсэнe

Лондон явсан хүнд рашаан, арц утлага дайж явуулаад арцыг нь хар тамхины нэг төрөл гэж үзээд, рашааныг нь шинжлээд 1 дусал нь 1000 м³ цэвэр ус бохирдуулах нянтай гэж гараад тэр хүний амьдрал дээсэн дөрөөн дээр байгаа талаар эх сурвалж мэдээллээ. Иймд утлага арцыг хар тамхины төрлийн зүйл гэж хүлээж авах эрсдэлтэй тул хүний дайвар ачаа авахгүй байхыг анхааруулж байна.

Л.ОЮУН-ЭРДЭНЭ: ОДОО ШҮҮХИЙГ Л ХАРЖ БАЙНА, ТА НАР Ч БАС НҮД ЦАВЧИЛГҮЙ ХАРААРАЙ

10 / 24 0 сэтгэгдэл 935 үзсэнe

“...АТГ-аас прокурорт, прокуророос шүүхэд шилжлээ” гэсэн мэдээлэл тасардаггүй хэдэн том хэрэг бий. “Эрдэнэт”-ийн 49 хувь, С.Зоригийг хөнөөсөн хэрэг, Хөгжлийн банкны хэрэг зэргийг дурдаж болно. Тэгсэн хэрнээ эдгээр хэргийг хэн, хаана гацаагаад байдаг нь тодорхойгүй. Хууль хяналтынхан ч нарийн мэдээлэл өгөхөөс аль болох зайлсхийдэг. Тэгвэл Ерөнхий сайд Л.Оюун-Эрдэнэ өнгөрсөн долоо хоногийн сүүлчээр ийм хэргүүдийн талаарх асуудлыг хөндсөн байна. Тэрбээр баасан гарагт буюу энэ сарын 19-нд болсон Засгийн газрын хуралдаан дээр дээрх хэргүүдтэй холбоотой нэр бүхий том компаниудын ТУЗ-дөө мэдэгдэлгүйгээр Засгийн газрын тогтоолоор томоохон дүнтэй зээл хуй, хөрөнгө оруулалтыг шууд шийддэг байсан баримт бичгүүд, одоог хүртэл нийтийн эрх ашгийг илтэд зөрчиж, нууцалж ирсэн элдвийн гэрээ сэлтийг ил болгох чиглэлийг өгчээ. Мөн маргааш нь буюу 20-ны бямба гаригт Иргэний хөдөлгөөний төлөөллүүдтэй уулзжээ. Уулзалтад 30 гаруй хүн очсон байна. Тэр үеэр Ерөнхий сайд “...Өнгөрсөн жил гаруйн хугацаанд Засгийн газраас “Эрдэнэт”-ийн 49 хувь, Хөгжлийн банк зэрэг нийтийн эрх ашгийг зөрчсөн томоохон асуудлуудыг шийдэхэд ихээхэн анхаарал тавьж ажилласан. Эдгээртэй холбоотой хэргийг мөрдөн шалгах үйл ажиллагаанд бүх талын дэмжлэг үзүүлсэн. Хөгжлийн банкны хэрэг дээр л гэхэд бүх баримт бичгийг хууль хяналтын байгууллагынханд гаргаж өгсөн. Одоо олон нийт, хууль хяналтынхны ярьдагчлан эдгээр “Олны анхаарал татсан томоохон хэргүүд” шүүхийн мэдэлд очиж байна. Өөрөөр хэлбэл, бидний хувьд шүүхийг л харж байна. Та нар ч бас нүд цавчилгүй, анхааралтай харж байгаарай” гэсэн байна. Эх сурвалж:"Зууны мэдээ" сонин

С.БАЯРЦОГТ, П.БАТСАЙХАН, ШҮҮГЧ ГУРАВ УЛСТӨРЧДӨД "ТАТГАЛЗАХЫН АРГАГҮЙ САНАЛ" ТАВЬДАГ БОЛСОН ГЭВ ҮҮ?

10 / 24 1 сэтгэгдэл 663 үзсэнe

Монголын улстөрчид бизнесийнхэн хийгээд хууль шүүхийнхэнтэй хэт дотносдог. Тэгээд улс төр, бизнес, хууль шүүхийн үйл ажиллагааг өөрсдийнхөөрөө хөдөлгөдөг. Чухамдаа тэр бүтцийг "хонгил" гэж нэрлэдэг. Гэхдээ "хонгил" зөвхөн өнөө цагийн улс төрийн эрх мэдлийг дагаж “баригддаггүй” аж. Ирээдүйд тэр эрх мэдэлд хүрэх улстөрчийг ч барааддаг юм байна. Өөрөөр хэлбэл, өнөөдөр Монголд дээрх зохион байгуулалт бүхий “хонгил” баригдаж байж болзошгүй байна. Тодруулбал, АН-ын даргад горилж буй Сангийн сайд асан С.Баярцогт, "АПУ"-гийн П.Батсайхан, бас нэг нөлөө бүхий шүүгч гурав улстөрчдийг дуудаж уулздаг болжээ. Хэн нэгийнхээ гэрт, эсвэл олон нийт төдийлэн мэдэхгүй газарт хамт сууж байгаад “бай”-г дууддаг. Ирэхээр нь тухайн улстөрчийн өөртэй нь юм уу, хамаарал бүхий этгээд, компанитай нь холбоотой хууль, шүүх дээр яваа асуудлыг "...Зохицуулна" хэмээдэг. Харин зохицуулахын тулд улс төрийн болон бусад дэмжлэг нэхдэг юм байна. Мэдээж хэрэг, улстөрчийн хувьд хоолойд тээглэсэн чухал асуудал гэдэг нь тодорхой. Тиймээс С.Баярцогт, П.Батсайхан, шүүгч гурвын тавьдаг “татгалзахын аргагүй санал”-д “...Үгүй” гэж хэлж чадалгүй гарч ирдэг байгаа юм. Гэвч тэднээс ийм санал авсан улстөрчид нэмэгдэж, энэ талаар улс төрийн хүрээнд жиг жуг яриад эхэлжээ. Учир нь тэдэнд дуудагдаж очсон улстөрчид ихэд бухимдалтай байна. Зарим нь тэдний тавсан “санал”-ын талаар холбогдох байгууллагуудад мэдэгдэхэд бэлэн байгаа юм байна. Дашрамд хэлэхэд, С.Баярцогтын хувьд 2016 оноос хойш Оюу толгойн асуудлаар шалгагдаж, гурван шатны шүүхээс хорих ял шийтгүүлсэн. Харин өнгөрсөн наадмын өмнөхөн хэргийг нь АТГ-ын саналаар Нийслэлийн прокурорын газраас хэрэгсэхгүй болгосон. Түүнээс хойш хот хөдөөгүй, тэр байтугай Америкт ч улс төрийн чухал уулзалтуудыг хийх болсон юм. Тэдгээрийн олонхид нь “АПУ”-гийн П.Батсайхан хамт явдаг. Мэдэгдэж буйгаар, зун Хөвсгөлд, намар Амарбаясгалант хийдэд очиход нь хамт л онгоцоор ниссэн байдаг. Эх сурвалж: “Зууны мэдээ” сонин

ХОРИХ АНГИЙН АЖИЛТНУУД ХООРОНДОО ЗОДОЛДСОН ҮЙЛДЛИЙГ НУУН ДАРАГДУУЛСАН УУ?

10 / 24 0 сэтгэгдэл 765 үзсэнe

Хоригдогчдын эрх гэж хамгийн их дуугардаг ХЭҮК-ынхон юу ч сонсоогүй байдаг нь хачирхалтай Хууль зүй, дотоод хэргийн яамнаас ажлын хэсэг гарч, ШШГЕГ-ын үйл ажиллагааг шалгаж буй гэдгийг тус яамны удирдлага мэдээлсэн. Тэгвэл ШШГЕГ-ын харьяа хорих ангийн удирдлагын нуун дарагдуулсан хүний эрхийг зөрчсөн үйлдлүүдийг сайтар шалгана гэдэгт итгэлтэй байна. Шүүхийн шийдвэр гүйцэтгэх ерөнхий газар (ШШГЕГ)-ын харьяа Сэлэнгэ аймаг дахь Цагдан хорих байр болон Мандал сум дахь хорих ангид хүмүүжиж байгаад суллагдсан иргэд хянагчдадаа зодуулсан тухай гомдол тус аймгийн Цагдаагийн газарт нэгэн зэрэг шахам ирснийг бид өмнө нь мэдээлсэн. Тодруулбал, тус аймгийн төв дэх Цагдан хорих байрны аж ахуй, үйлчилгээнд ажил хийж байгаад саяхан суллагдсан 19 настай Б, 31 настай Л нар хянагч А.Ариунбадрахад 2021 оны арванхоёрдугаар сарын 20-нд зодуулсан хэмээн өргөдөл өгсөн билээ. Бүтэн жил өнгөрчихөөд байхад яагаад гэнэт ийнхүү өргөдөл өгснийг гайхах хүн цөөнгүй. Тэгвэл орон нутгийн эх сурвалжуудын мэдээлснээр хорих ангийнхан хүний эрх зөрчсөн эл үйлдлээ ихэд нууцалж холбогдох албан тушаалтнуудтайгаа нийлж дарсан аж. Сэлэнгэ аймаг дахь ШШГА-ны дарга, төлөөлөгч, ээлжийн дарга зэрэг хүмүүс нь хяналтын прокурортойгоо нийлж хянагч А.Ариунбадрахын хүний эрх зөрчиж, ялтан 19 настай Б, 31 настай Л нарыг зодон биеийг нь хөх эрээн болгосон зураг, бичлэгийг ч устгаад уг үйлдлийг дарагдуулсан гэнэ. Үүний дараа хянагч А.Ариунбадрах хүсэлтээрээ ажлаасаа гарчээ. Уг хэргийг Сэлэнгэ аймгийн Цагдаагийн газрынхан нарийвчлан шалгаж буй бөгөөд шинэхэн мөрдөгч нь шударгаар шалгаж, прокурорууд нь хуулийн дагуу шийдвэрлэнэ гэдэгт итгэлтэй байна. ШШГЕГ-ын харьяа хорих ангиудад хоригдож буй хүмүүжигч нарыг эрх зөрчигдөж байхад хохирогчдын эрхийг ярьдаггүй атлаа хоригдлуудын эрхийг дээдлээд байдаг өнөөх Хүний эрхийн үндэсний комиссынхон юу ч мэдээгүй мэт байсаар, шалгаж очсон хэрнээ хэрэг явдлыг дуулаагүй мэт өнгөрөөж байгаа нь харамсалтай. Хорих ангиудын хянагч нар хүмүүжигчдээ зодсон асуудлаа нууцлаад өнгөрснөөс гадна эрх бүхий албан тушаалтнууд нь хоорондоо зодолдож нэгэндээ гэмтэл учруулсан үйлдлийг ч нууцлаад өнгөрсөн байгаа юм. Бидэнд олдсон мэдээллээр ШШГЕГ-ын харьяа Дархан-Уул аймаг дахь хорих 435 дугаар ангийнхан энэ сарын эхээр ангийнхаа ойг тэмдэглэсэн байх юм. Төрийн хэмнэлтийн хуулийг зөрчиж, тэрүүхэндээ нууцхан арга хэмжээ зохион байгуулсны дараа халамцаж муудалцсан эрх бүхий албан тушаалтнууд нь хоорондоо зодолдож нэг нь нэлээд хэд хоног хэвтрийн дэглэм сахисан гэдгийг орон нутгийн эх сурвалжууд хэлж байна. Өөр нэг эх сурвалж “Хорих 435 дугаар ангийн албан тушаалтнууд зодолдоод нэг хүнийх нь хамар хугарсан” хэмээв. Уг нь хорих 435 дугаар анги Сэлэнгэ аймгийн Сайхан сум буюу Хөтөлийн нутаг дэвсгэрт үйл ажиллагаа явуулдаг юм байна. Гэхдээ саяхан тус ангийн эрх бүхий албан тушаалтнууд тус сум дахь шүүх, прокурорын нөлөө бүхий албан тушаалтныг дагуулан Дархан-Уул аймаг дахь нэгэн караокед ирж уулзалдсан гэх мэдээлэл бий. Магадгүй энэ нь хорих ангийн албан тушаалтнууд хоорондоо зодолдсон хэргээ нуун дарагдуулах гэсэн санаархал ч байж болно гэж хардах хүн цөөнгүй байна. Юутай ч ХЗДХЯ-наас харьяа агентлаг болох ШШГЕГ-таа оруулсан шалгалтын дүнг маргааш гарна гэдгийг сайд нь ч, Төрийн нарийн бичгийн дарга нь ч хэлсэн. Энэ бүхний эцэст ШШГЕГ-т, түүний харьяа хорих ангиудад сахилга хариуцлага алдагдаж, хоригдогчдын эрх зөрчигдсөн асуудалд хариуцлага тооцох биз ээ.

ХЗДХЯ: ШШГЕГ-ЫН ДАРГА Д.ЗАГДЖАВЫГ ШАЛГАХ АЖЛЫН ХЭСГИЙН ДҮГНЭЛТ МАРГААШ ГАРНА

10 / 24 0 сэтгэгдэл 571 үзсэнe

Өнгөрсөн долоо хоногт ХЗДХЯ-ны Төрийн нарийн бичгийн дарга П.Сайнзориг хэвлэл, олон нийтэд мэдээлэл өгөхдөө "Хууль зүй, дотоод хэргийн сайдын тушаалаар Шүүхийн шийдвэр гүйцэтгэх ерөнхий газрын хууль дүрмийн хэрэгжилт, алба хаагчдын сахилга, ёсзүй болон санхүүгийн үйл ажиллагаанд шалгалт оруулсан. Мөн ШШГЕГ-ын дарга Д.Загджавтай холбоотой бүх үйлдлүүд болон бичиг баримтуудыг шалгаж байна. Энэ талаар нэмэлт мэдээ, мэдээлэл өгөх бол Ажлын хэсэгт хандах боломжтой. Тус төлөвлөгөөт бус шалгалтын дүн энэ сарын 25-нд гармагц Д.Загджавыг ажлаас чөлөөлөх эсэх асуудлыг шуурхай хэлэлцэнэ ” гэж байсан. Тэгвэл маргааш буюу аравдугаар сарын 25-ны өдөр ХЗДХ-ийн сайдын тушаалаар ШШГЕГ-ын дарга Д.Загджавтай холбоотой асуудлыг шалгах ажлын хэсгийн дүгнэлтийг зарлах аж. ШШГЕГ-ын дарга, Бригадын генерал Д.Загджавын хувьд : - Өвөрхангай аймгийн Хархорин сум дахь ШШГЕГ-ын харьяа хорих 423 дугаар ангид ял эдэлж байсан хүн ил харагдах гэмтэл шархгүйгээр нас барсан. - Сэлэнгэ аймгийн Мандал сум дахь ШШГЕГ-ын харьяа хорих 413 дугаар ангийн Цагдан хорих байранд саатуулагдаж байсан хүн учир битүүлгээр нас барсан. - Өмнөговь аймгийн Ханбогд сум дахь ШШГХ-ийн Цагдан хорих байранд 64 настай Б ил харагдах гэмтэл шархгүй нас барсан. - Сэлэнгэ аймгийн Мандал сум дахь ШШГЕГ-ын харьяа хорих 413 дугаар ангиас хоригдол оргосон. - ШШГЕГ-ын харьяа хорих 441 дүгээр ангийн нягтлан бодогч албан тушаалаа урвуулж, хоригдлуудын “Тавантолгой түлш”-д ажиллаж нүүрс ууталсны хөлс болох төлбөрийн дансны хуулгыг зассан хэрэгт холбогдсон. -Хамгийн сүүлд Төв аймгийн Мөнгөнморьт сум дахь ШШГЕГ-ын харьяа хорих 417 дугаар ангийн дарга, дэд хурандаа О.Нямбаатар согтуудаа цагдаагийн офицерын биед халдсан байна. Цагдаагийн офицер хуулиар хүлээсэн нийтийн хэв журам сахиулах албан үүргээ гүйцэтгэж байх үед нь хорих 417 дугаар ангийн дарга, дэд хурандаа О.Нямбаатар зодсноос болж, толгойдоо гэмтэл авчээ. Хамгийн ноцтой нь тэрбээр өөрийн хөрөнгө орлогын мэдүүлэгтээ бүртгүүлээгүй орд газар, аж ахуйн нэгжийнхээ лицензийг гадаадынханд худалдахаар явж буй талаар бид өмнө дэлгэрэнгүй баримтуудыг мэдээллэсэн билээ. Дээрх бүх ажлын хариуцлага алдсан үйлдлүүдэд хэрхэн хариуцлага тооцохыг маргааш харах л үлдлээ!

АН-ЫН НӨМӨРТ ШУРГАСАН О.МАГНАЙГИЙН ГАДААДЫН ИРГЭНИЙГ ТОНОН ДЭЭРЭМДСЭН ХЭРГИЙГ Ч СӨХӨЖ ШИЙДВЭРЛҮҮЛЭЭСЭЙ

10 / 24 2 сэтгэгдэл 723 үзсэнe

Монгол Улсын Ерөнхий сайд Л.Оюун-Эрдэнэ ХБНГУ-д албан ёсны айлчлал хийж “Транспэрэнси интернэйшнл” олон улсын байгууллагын ерөнхийлөгчтэй уулзахдаа авлигын гэмт хэргийг бууруулахад анхаарч, Засгийн газраас хийж хэрэгжүүлж буй ажлаа танилцуулсан. Үүний дараахан буюу өнгөрсөн долоо хоногийн лхагва гарагт Хууль зүй, дотоод хэргийн сайд Х.Нямбаатар Засгийн газрын хуралдааны дараа мэдээлэл хийхдээ “Гадаадын хөрөнгө оруулагчдыг иргэний болон эрүүгийн хэрэгт холбогдуулан хууль хүчний байгууллагатай хамтарч тонон дээрэмдсэн асуудал яригдаж байгаа. Улсын ерөнхий прокурор болон мөрдөн шалгах чиг үүрэгтэй байгууллагын удирдлагууд аравдугаар сарын 28-нд ажлын хэсгийн санал дүгнэлтийг гардуулж өгнө. 2012-2022 оны хооронд гадаадын хөрөнгө оруулалттай аж ахуйн нэгжүүд хэрхэн хохирсон, энэ хэрэгт хэн хэн холбогдсон, хэргийг хэрхэн хаасныг олон нийтэд ил болгоно. Төрийн өндөр албан тушаалд ажиллаж байсан хүмүүсийн холбогдсон хэргүүдийн жагсаалтыг аравдугаар сарын 28-нд дэлгэрэнгүй мэдээлнэ” хэмээн мэдэгдсэн билээ. Үүнээс үзэхэд Л.Оюун-Эрдэнийн тэргүүлсэн Засгийн газар авлигатай хийх тэмцлээ улам чамбайруулж, авлигын төсөөллийн индексийг хоёр жилийн дотор хоёр оронтой тоонд багтаах том зорилтдоо хүрэхээр эрчимтэй ажиллаж байх шиг. Гадаадын хөрөнгө оруулагчдыг элдэв хэрэгт холбогдуулан өмч хөрөнгийг нь дээрэмддэг явдал манайд байсан уу гэвэл тийм. Сүүлийн үед хэвлэл мэдээллийн хэрэгслээр ҮАБЗ-ийн нарийн бичгийн дарга асан А.Гансүхийн хамаарал бүхий хүмүүс, Улсын ерөнхий прокурорын төрсөн дүүгийн хөрөнгө оруулсан аж ахуйн нэгжийнхэн нийлж, Японы иргэн, “Суруга Монгол” компанийн хөрөнгө оруулагчийг дээрэмдсэн гэх асуудлыг дэвэргэн бичиж буй. Харин ШӨХТГ-ын дарга асан, АН-ын нарийн бичгийн дарга хэмээх албан тушаалд томилогдож үзсэн Отгонжаргалын Магнай тэргүүтний холбогдсон, гадаадын иргэний хөрөнгийг дээрэмдсэн гэх хэргийг яагаад сөхөхгүй байна вэ. Эрүүгийн хэрэгт холбогдоод ивээл хүсэн АН-ын нөмөрт шургалсан О.Магнайд холбогдох хэргийг АТГ-ынхан шалгаж дуусаад яллах дүгнэлт үйлдүүлэхээр НПГ-т хүргүүлээд буй билээ. Тэрбээр Ливан улс дахь Монголын Өргөмжит консулаар ажиллаж байсан Мохамад Зухуэр Итаны хөрөнгийг ээжийнхээ нэр дээрх аж ахуйн нэгжид хууль шүүхийнхэн болон газрын албаныхантай хуйвалдан шүүхийн шийдвэр гүйцэтгэх албаныхны оролцоотойгоор авч өгсөн хэрэгт холбогдоод буй. Тодруулбал, нийслэлийн Газар зохион байгуулалтын албаны нэр бүхий удирдах албан тушаалтнууд ШӨХТГ-ын даргаар ажиллаж байсан О.Магнайгийн хамаарал бүхий этгээдэд Сүхбаатар, Баянзүрх дүүргүүдийн нутаг дэвсгэрт хууль бусаар газар эзэмших эрхийн гэрээ, гэрчилгээ олгож албан үүрэг, бүрэн эрхээ урвуулан ашиглаж давуу байдал бий болгосон гэх хэргийг АТГ-ынхан шалгаж дуусан шүүхэд шилжүүлэх саналаа илэрхийлэн яг сарын өмнө НПГ-т хүргүүлчихээд буй. Тэгвэл өдгөө О.Магнайгийн өдүүлсэн хууль бус үйлдлийн гар хөл болсон шүүхийн шийдвэр гүйцэтгэх байгууллагын алба хаагчдын хэргийг ч бас хууль сахиулах байгууллагынхан нэмж шалгаж дуусаад прокуророос яллах дүгнэлт үйлдүүлэхээр НПГ-ын хяналтад хүргүүлээд байгаа. Нийслэлийн шүүхийн шийдвэр гүйцэтгэх газар (НШШГГ)-ын даргаар ажиллаж байсан, өдгөө ШШГЕГ-ын дарга, бригадын генерал Д.Загджавын багт багтан ШШГЕГ-ынхаа Хорих ял эдлүүлэх албаны Тусгай бүлгийн даргаар томилогдсон хурандаа Б.Цогжаргал нарын дөрвөн албан тушаалтан О.Магнайгийн хамаарал бүхий хүнд давуу байдал бий болгосон хэрэгт холбогдоод буй юм. Хэвлэл мэдээллийн хэрэгсэлд О.Магнай Ливан улсын иргэнийг луйвардсан хэмээн бичиж байсан ч тэгсхийгээд мартагдсан. Энэ хэргийн талаар тодруулан хүргэе. Баянгол дүүргийн нутагт Ливан улсын иргэн Мохамад Зухуэр Итаны хөрөнгөө оруулж барьсан 11 давхар шилэн фасадтай, дөрвөн тэрбум төгрөгөөр үнэлэгдэх барилгыг зарсан газрынхаа төлбөрт хэмээн дээр дурдсан НШШГГ-ын эрх бүхий албан тушаалтнуудтай нийлэн 724 сая төгрөгөөр үнэлүүлэн авсан байдаг. Үүнийгээ О.Магнай надад хамаагүй, ээжийн эзэмшлийн компанийнх хэмээн тайлбарласан нь олон нийтийн сүлжээгээр цацагдсан билээ. Дээрх гадаадын иргэнд О.Магнай 2014 онд 300 мянган ам.доллароор зарсан газар дээрээ барилга бариулчихаад ийнхүү үнэлүүлж шилжүүлэн авахад дээрх хүмүүс албан тушаалаа ашиглан оролцсон хэрэгт буруутгагдсан юм. Шийдвэр гүйцэтгэгч нар 2018 оны тавдугаар сарын 16-нд шийдвэр гүйцэтгэх ажиллагаа явуулж дээрх Ливаны иргэний эзэмшлийн “Седарс” ХХК-ийн мэдэлд байсан Баянгол дүүргийн нутаг дахь 11 давхар объектыг хураан авч 724 сая төгрөгөөр үнэлж, хоёр хоногийн дараа О.Магнайгийн ээжийн эзэмшлийн “Дархан цамхаг” ХХК-д шилжүүлсэн нь бусдын эд хөрөнгийг хууль зөрчин авсан гэж үзэх үндэслэлтэй байсан учраас ийнхүү хурандаа Б.Цогжаргал нарын дөрвөн хүнийг эрх мэдэл, албан тушаалаа урвуулсан хэмээн яллагдагчаар татсан. Нийслэлийн шүүхийн шийдвэр гүйцэтгэх газар (НШШГГ)-ын дарга асан, хурандаа Б.Цогжаргал, Баянгол дүүрэг хариуцсан шийдвэр гүйцэтгэгчээр ажиллаж байсан Г.Идэрчулуун, Х.Саруул, Б.Батцэрэн нарт холбогдох хэргийг өмнө нь Сүхбаатар дүүргийн Эрүүгийн хэргийн анхан шатны шүүх хэлэлцсэн ч нэмэлт ажиллагаа хийлгэхээр буцааж байсан юм. О.Магнайгийн ээж С.Отгонжаргал шүүхэд нэхэмжлэл гаргаж, “Седарс” ХХК-иас 723.8 сая төгрөг гаргуулахаар болсон байдаг. Ингээд төлбөр авагч иргэн С.Отгонжаргалд хурандаа Б.Цогжаргал давуу байдал бий болгохын тулд тасгийн дарга, ахлах шийдвэр гүйцэтгэгч Х.Саруул, Б.Батцэрэн, 143 дугаар тойргийн шийдвэр гүйцэтгэгч Г.Идэрчулуун нарт “Илүү хурдан шуурхай ажиллаж, үр дүн гарга” гэх зэргээр үүрэг даалгавар өгч, дээрх компанийн хөрөнгийг шилжүүлсэн байдаг. Ингэхдээ Баянгол дүүргийн нутагт байрлах 332 ам метр талбай бүхий газрыг нь 25 хувийн гүйцэтгэлтэй байсан дутуу барьсан барилгын хамт С.Отгонжаргалын итгэмжлэгдсэн төлөөлөгч О.Магнай, Ж.Очирхуяг нартай уулзсаны дараа шилжүүлэн гадаадын хөрөнгө оруулалттай компанийг 1.1 тэрбум төгрөгийн хөрөнгөөр нь хохироосон хэрэгт холбогдоод буй. Түүгээр ч зогсохгүй “Седарс” компанийн газар эзэмших гэрчилгээг хүчингүй болгон, “Төлбөр авагч С.Отгонжаргалын нэр дээр шилжүүлэн шинээр гэрчилгээ олгож хариу ирүүлнэ” гэсэн албан бичиг Б.Цогжаргал бичиж, нийслэлийн Газар зохион байгуулалтын алба, Баянгол дүүргийн Улсын бүртгэлийн тасагт хүргүүлсэн нь ч тодорхой болсон. Уг нь С.Отгонжаргалын нэхэмжлэлтэй хэргийг хариуцсан шийдвэр гүйцэтгэгч Ю.Оюунаа албан үүргээ гүйцэтгэсээр байхад нь “Хариуцсан шийдвэр гүйцэтгэгч нь байхгүй учир энэ материалд ажиллагаа хий” хэмээн доод албан тушаалтнууддаа үүрэг өгч О.Магнайд давуу байдал олгосныг хууль сахиулагчид тогтоосон билээ. Түүгээр ч зогсохгүй “Седарс” ХХК-ийн итгэмжлэгдсэн төлөөлөгчөөр ажиллаж байгаад төлөөлөх эрх нь дууссан Ц.Цэцэнбилэг гэх хүнийг “Эрүүгийн болон зөрчлийн хэрэг үүсгэнэ, цагдан хорино” гэж дарамталж байгаад “С.Отгонжаргалд өгөх 723.8 сая төгрөгийн төлбөрт “Седарс” ХХК-ийн эзэмшлийн газар болон дутуу баригдсан барилгыг шилжүүлэхэд татгалзах зүйлгүй” хэмээн бичүүлж авсан гэдгийг ч хууль сахиулах байгууллагынхан тогтоосон байдаг юм.

ӨМНӨГОВЬ АЙМАГТ ПРОКУРОРЫН БАЙГУУЛЛАГА ҮҮСГЭН БАЙГУУЛАГДСАНЫ ТҮҮХТ 90 ЖИЛИЙН ОЙ ТОХИОЛОО

10 / 23 0 сэтгэгдэл 257 үзсэнe

1932 онд анх Монгол гэрт ажлаа эхлүүлж байсан аймгийн Прокурорын байгууллага нь эдүгээ 90 жилийнхээ түүхэн ойг тэмдэглэж байна. Түүхт ойн баярын хуралд аймгийн Засаг дарга Р.Сэддорж оролцож баяр хүргэн мэндчилгээ дэвшүүллээ. Монгол Улсын нутаг дэвсгэрт эрүүгийн болон зөрчлийн хууль тогтоомжийн хэрэгжилтийг нэг мөр хангуулах, хэрэг бүртгэх, мөрдөн байцаах, ял эдлүүлэх ажиллагаанд хяналт тавих, шүүх хуралдаанд төрийн нэрийн өмнөөс оролцох үндсэн чиг үүргээ нэр төртэй гүйцэтгэж ирсэн Прокурорын газрын ахмад ажилтнууд, албан хаагчид, зочид төлөөлөгчид оролцлоо. Орон нутгийн зүгээс Прокурорын газрын үндсэн чиг үүргээ гүйцэтгэхэд үргэлж дэмжиж ирсэн төдийгүй аймгийн Засаг даргын 2020-2024 оны үйл ажиллагааны “НУТГИЙН ХИШИГ” хөтөлбөрийн хүрээнд оффисын барилгыг засварлах, тоног төхөөрөмж, автомашинаар хангах, албан хаагчдыг орон сууцаар хангах зэргээр хөрөнгө оруулалт хийх, ажилчдын нийгмийн асуудлыг үе шаттайгаар шийдвэрлэн ажиллаж байгаа бөгөөд цаашид ч Прокурорын байгууллагын үйл ажиллагаа, албан хаагчдын нийгмийн асуудлыг шийдвэрлэх хүрээнд бүхий л талаар дэмжин ажиллахаа аймгийн Засаг дарга хэлсэн үгэндээ онцоллоо. Баярын хурлын үеэр Төрийн дээд шагнал болон ардын хувьсгалын 100 жил, аймаг байгуулагдсаны 90 жилийн ойн медаль аймгийн Засаг даргын жуух бичиг зэргээр ажил хөдөлмөрөөрөө манлайлсан шилдэг ажилтнууд шагнагдлаа.

УУЛ УУРХАЙ ХҮНД ҮЙЛДВЭРИЙН САЙД Ж.ГАНБААТАР ӨМНӨГОВЬ АЙМАГТ АЖИЛЛАЖ БАЙНА

10 / 23 0 сэтгэгдэл 238 үзсэнe

УИХ-ын гишүүн, Уул уурхай хүнд үйлдвэрийн сайд Ж.Ганбаатар болон албаны бусад хүмүүс Өмнөговь аймгийн Ханбогд, Цогтцэций сумдын нутагт үйл ажиллагаа эрхэлж буй уул уурхайн бүтээн байгуулалт ажлын явц, хил боомтын асуудалтай газар дээр нь танилцлаа. Аймгийн Засаг дарга Р.Сэддорж болон холбогдох албаны хүмүүс Уул уурхайн сайдыг орон нутагт томилолтоор ирэх үеэр цаг үеийн нөхцөл байдлыг танилцуулан хамтран ажиллаж байна. Гашуун сухайтын хилийн боомтын үйл ажиллагаа, чингэлэгт терминалын бүтээн байгуулалт, Таван толгой-Гашуун сухайт чиглэлийн төмөр замын ажлын явц, мөн Таван толгой-Гашуун сухайт чиглэлийн нүүрс тээврийн авто зам, параллель замын бүтээн байгуулалт, Таван толгойн бүлэг ордод үйл ажиллагаа явуулж байгаа уурхайнуудын үйл ажиллагаа, Оюу толгойн ил уурхай, баяжуулах үйлдвэр, далд уурхайн бүтээн байгуулалтын ажлын явцтай тус тус танилцаж байна.