ЛОМБАРДУУД ЗЭЭЛИЙН ХҮҮГ ДУРААРАА ТАВЬДАГ БАЙСАН АСУУДАЛ ЭЦЭСЛЭГДЭЖ ХҮҮГ УРЬДЧИЛЖ АВАХЫГ ХОРИГЛОЛОО

11 / 04 0 сэтгэгдэл 555 үзсэнe

Өнөөдөр УИХ-ын нэгдсэн хуралдаанаар мөнгөн зээлийн үйл ажиллагааг зохицуулах тухай хуулийн төслийн нэгдсэн хэлэлцүүлэг явагдаж, уг хуулийг баталж байгаа талаар гишүүд байр сууриа илэрхийллээ. Засгийн газраас тус хуулийг боловсруулж, ажлын хэсгийг Д.Цогтбаатар гишүүн даргалж, ажлын хэсэгт Ж.Чинбүрэн, Г.Амартүвшин, Ч.Ундрам, М.Оюунчимэг гишүүд орж ажилласан байна. УИХ-ын гишүүн Д.Цогтбаатар "Санхүүгийн зах зээл, ялангуяа жижиг бизнес эрхэлж буй хүмүүсийн үйл ажиллагаанд хуулийн зохицуулалт хийснээр илүү тодорхой үйл явцтай болж байгаа юм. Энэ чиглэлийн салбарт эрх зүйн бүрэн зохицуулалт байгаагүй зөвхөн иргэний хуулиар зохицуулагддаг байсан. Үүнээс болж хэрэглэгч эд хөрөнгөө зохих хэмжээнд үнэлүүлж чадахгүй алдах, хэтэрхий өндөр хүүтэйгээр мөнгө зээлж авах зэрэг асуудал байсан. Засгийн газрын зүгээс тус асуудалд 2020-2024 оны үйл ажиллагааныхаа хүрээнд зээлийн хүүг бууруулж, ЖДҮ дэмжих хууль тогтоомжийг сайжруулж, зах зээлд тус дэм болох талаас хуулийн зохицуулалтыг нэмэгдүүлнэ хэмээн зорилго тавьж ажилласан. Энэхүү хууль батлагдсанаар зээлийн хүүг дураараа тавьдаг байсан асуудал эцэслэгдэж байна. Санхүүгийн зохицуулах хорооны дэргэд уг хуулийн ажлын зөвлөл байгуулагдаж, тус зөвлөлд салбарын төлөөлөгчид нь бүгд орж ажиллана. Зөвлөлөөс зээлийн хүүгийн дээд хэмжээг тогтоож өгнө. Ингэснээр ломбардын үйл ажиллагаа эрхэлж буй газрууд ил тод хэлбэрээр зээлийн хүүгээ тавьж өгөх юм. Мөн ямар нэгэн бизнест зөвшөөрөл өгөх маягаар бизнесийг улам хүндрүүлэх биш харин бүртгэлжүүлэх хэрэгтэй. Тиймээс тодорхой хэмжээний бизнесийн үйл ажиллагаа эрхэлж байгаа хүмүүс бүртгүүлээд цаашдаа үйл ажиллагаагаа явуулж болно. Бүртгэлжүүлэх ажлыг хялбаршуулах үүднээс тодорхой хэмжээнд заасан мөнгөн дүнгээс дээш орлоготой бизнес эрхлэгчдийг Санхүүгийн зохицуулах хороо бүртгэнэ. Харин тодорхой хэмжээнд заасан орлогоос доош орлоготой бол орон нутгийн түвшинд бүртгэдэг байдлаар зохицуулсан байгаа. Хөдөө, орон нутагт үйл ажиллагаа явуулж буй ААН-үүд орон нутагтаа бүртгүүлэх боломжийг бий болгон өгсөн. Мөнгөн зээлийн үйл ажиллагаа эрхэлдэг компаниуд бодит байдалд хяналтаас гадна байсан. Тиймээс тодорхой хэмжээний хянах тогтолцоог санхүүгийн зохицуулах хороонд олгож байгаа. Тухайлбал, бид бүхэн Цагдаагийн ерөнхий газраас маш олон барьцаалах зээлийн үйл ажиллагаа явуулж буй үйл явц дунд барьцааны хөрөнгөд хулгайн шинж чанартай зүйл гардаг мэдээллийг олж үзсэн. Иймд гэмт хэрэгтэй тэмцэхэд энэ үйл ажиллагааг ойлгомжтой, тодорхой болгох шаардлагатай зүйлсийг тус хуулийн зүйл, заалтад тусгасан. Мөнгөн зээлийн үйл ажиллагааг зохицуулах тухай хуулийг баталснаар бизнесийн салбар илүү ойлгомжтой, хуулийн зохицуулалттайгаар хэрэглэгчдийн эрх ашиг нь хамгаалагдсан нөхцөл байдал руу шилжсэн. Гэхдээ бизнес эрхэлж буй хүмүүсийн үйл ажиллагааг төрөөс хааж, боогдуулаагүй" хэмээн ярилаа. УИХ-ын гишүүн Г.Амартүвшин “Мөнгөн зээлийн үйл ажиллагаа буюу ломбардын үйл ажиллагааг зохицуулах хуулийг өнөөдөр албан ёсоор баталлаа. Энэхүү хуулийн ач холбогдол нь иргэдийн барьцаа хөрөнгийг байгаа хэмжээнээс нь доор үнэлгээтэйгээр барьцаалж авах, маш өндөр хүүтэй өдрийн зээл зэрэг асуудлыг зохицуулсан чухал хууль батлагдлаа. Хуулийн төслийн дагуу зээлийн хүүг урьдчилж авахыг хориглосон байгаа. Хулгайд алдагдсан үнэт эдлэлийг барьцаа нэрээр зарж байгаа үйл явцыг энэхүү хуулиар хааж, зохицуулалт хийсэн" хэмээв.

ДӨРВӨН САЯ АМ. ДОЛЛАРЫН ХЭРЭГТ ХОЛБОГДСОН ЕРӨНХИЙ ПРОКУРОР АСАН Д.ДОРЛИГЖАВЫН ДҮҮ Д.БААТАР ГАДААДЫН ХӨРӨНГӨ ОРУУЛАГЧДЫГ ХОХИРООСОН ХЭРЭГТ НӨЛӨӨЛЖ БАЙНА УУ?

11 / 04 0 сэтгэгдэл 1 265 үзсэнe

Айлган сүрдүүлэх, элдэв гэмт хэрэгт гүтгэх, нэр төрд нь халдах, Монгол Улсаас албадан гаргах замаар гадаадын хөрөнгө оруулагчдын хөрөнгө, бизнесийг дээрэмддэг бүлэг буюу төрийн өндөр албан тушаал хашиж байсан хүмүүсийн өдүүлсэн хэргийг Хууль зүй, дотоод хэргийн сайд Х.Нямбаатар зарлаж, хууль бусаар хэрэгсэхгүй болгосон хэргүүдийг сэргээн шалгаж эхэлсэн билээ. Дээрх бүлэгт Үндэсний аюулгүй байдлын зөвлөлийн нарийн бичгийн дарга, Тагнуулын ерөнхий газрын дарга, Улсын ерөнхий прокурор, мөрдөх болон хууль хяналтын байгууллагын дээд, дунд шатны ажилтнууд байгааг тэрбээр онцолсон. Түүнчлэн гадаад, дотоодын хөрөнгө оруулагчдыг хохироосон хэргийн талаар иргэдээс мэдээлэл авч эхэлснээ дуулгасан юм. АИХ-ын депутат, УБХ-ын гишүүн, Шадар сайд, Батлан хамгаалахын болон Хууль зүйн сайд гээд төрийн өндөр албан тушаал хашиж байсан Д.Дорлигжав, түүний төрсөн дүү Д.Баатарын өдүүлсэн хэрэг ч дээрх жагсаалтад багтаж, хэргийг нь сэргээн шалгахаар болоод байгаа. Эргэн сануулахад, Д.Дорлигжав нь Улсын ерөнхий прокуророор ажиллаж байхдаа “Алтан дорнод Монгол” компанийн захирал Т.Ганболдыг шоронд хорьж, дөрвөн сая ам.долларыг дүүгийнхээ компанийн дансаар авсан байдаг. Гэвч энэ хэргийг хэрэгсэхгүй болгосныг Хууль зүй, дотоод хэргийн сайд Х.Нямбаатар сэргээн шалгуулахаа мэдэгдсэн. Бидэнд олдсон мэдээллээр Д.Дорлигжавын дүү Д.Баатар дээрх хэргээс гадна гадаадын хөрөнгө оруулагчдыг хохироосон байж болзошгүй байгааг доор өгүүлье. Д.Баатар нь Сүхбаатар аймгийн Сүхбаатар сум дахь Төхөмийн уурхайгаас хүрэн буюу эрчим хүчний нүүрс олборлон БНХАУ руу экспортолдог “Олгой булаг” компанийг эзэмшигчдийн нэг. Түүнээс гадна иргэн Д.Эрдэнэ (компанийн гүйцэтгэх захирал) С.Гомборагчаа, Д.Даваадэмбэрэл, Б.Батбилэг нар дээрх компанийн хувьцаа эзэмшигч юм байна. Компанийн гүйцэтгэх захирал Д.Эрдэнэ нь 2017 онд БНХАУ-д очиж “Мэндүн энержи” компанийн эзэн Сүн Лина, Ли Занхуа нартай уулзан Монгол Улсын Сүхбаатар аймгийн Сүхбаатар сумын Төхөмийн хүрэн нүүрсний уурхайн MV- 017611 тоот дугаар бүхий лизенцийг үзүүлэн хөрөнгө оруулагч хайж байгаагаа ярьсан байна. Тэрбээр уул уурхайн “Олгой булаг” компанийн 70 хувийг эзэмшигч хэмээн өөрийгөө танилцуулсан ч үнэн хэрэгтээ 15 хувьтай байсан нь сүүлд тогтоогджээ. Түүнд итгэсэн Хятадын иргэн дээрх хоёр хүн “Олгой булаг” компанид 93 сая гаруй юань буюу 10 гаруй тэрбум төгрөгийн хөрөнгө оруулж, гэрээ байгуулсан аж. Түүнээс гадна Сүхбаатар суманд ерөнхий боловсролын сургуулийн барилга барих, зам тавих, замын тэмдэг, тэмдэглэгээ хийхэд зориулж нэмж 40 шахам сая юанийн хөрөнгө оруулсан гэх. 2017 оны арванхоёрдугаар сарын 5-нд байгуулсан хөрөнгө оруулалтын болон хамтран ажилллах гэрээний 6.2.4 дэх хэсэгт “Хөрөнгө оруулагч талын зөвшөөрөлгүйгээр гэрээт талбайд ижил төрлийн үйл ажиллагаа явуулах, гуравдагч оператор компани оруулахгүй” байхаар тусгасан байдаг аж. Дээрх гэрээг үндэслэн 2020 оны арванхоёрдугаар сарын 25-ны өдөр байгуулсан ОМ-2020 SL дугаартай “Нүүрс худалдах, худалдан авах” гэрээнд “Төхөмийн уурхайн батлагдсан нөөц болох 68.4 сая тонн нүүрсийг олборлож дуустал хоёр талын хамтын ажиллагаа үргэлжилнэ” гэж заажээ. Гэвч БНХАУ-д дэгдсэн цар тахал, хөл хорионы улмаас хөрөнгө оруулагчид Монголд ирж, уул уурхайн олборлолтод оролцох боломжгүй болсон байна. Тэд хөрөнгө оруулагч талын төлөөний хүнээрээ Гоу Пин (монгол нэр нь Сэргэлэн)-ыг томилж, албан хэрэгцээндээ унах “Ланд круйзер-200” автомашин авч өгсөн юм билээ. Уурхайн хөрс хуулалтыг “Ивээлт долоон од” хэмээх хятад эзэнтэй компаниар гүйцэтгүүлэхээр гэрээ байгуулсан байна. “Ковид-19” цар тахлын улмаас нутагтаа хөл хорионд орж, Монголд ирж чадахгүй болсон хөрөнгө оруулагчдаа хууран мэхлэх ажиллагаа энэ үеэс эхэлсэн бололтой.” Юуны түрүүнд хуулсан хөрсний хэмжээ, зардлыг хууль бусаар нэмэгдүүлсэн” гэж хөрөнгө оруулагчид үзэж байгаа юм билээ. Энэ талаар “Ивээлт долоон од” компанийн хятад эзэн Ли Вэйшин “Олгой булаг” компанийн гүйцэтгэх захирал Д.Эрдэнэ, хөрөнгө оруулагч талын төлөөлөгч Гоу Пин нар намайг хууль бус ажиллагаандаа татан оруулахаар ятгасан. Тэдэнд “Би ийм хууль бус зүйлд оролцохгүй” гэж хэлсэн. Хөрс хуулалтын хэмжээг хуурамчаар нэмэгдүүлж, зардлыг нь миний нэрээр тэд авсан. Үүннэс болоод би 100 гаруй сая төгрөгийн алдагдал хүлээсэн” хэмээн тухайн үед хууль сахиулах байгууллагын ажилтанд мэдүүлж байсан байх юм. Хамгийн ноцтой нь “Олгой булаг” компанийнхан хөрөнгө оруулагчидтай байгуулсан нүүрс худалдах гэрээгээ зөрчин тэдний мөнгөөр олборлосон нүүрсээ “Мэндүн энержи” компанид бус “Андын илч” ХХК-д нийлүүлж, ихээхэн ашиг олж, хөрөнгө оруулагчдаа хулхидсан аж. Бидэнд олдсон мэдээллээр бол “Олгой булаг” компанийнхан хөрөнгө оруулагчдаа хулхидан, бусдад нүүрс борлуулан нэг тэрбум шахам төгрөгийн орлого олжээ. Хятадын талын хөрөнгө оруулагчид “Олгой булаг” компанийн эздийн дээрх хууль бус үйлдлүүдийг шалгуулахаар Сүхбаатар аймгийн цагдаагийн хэлтэст хандсан байна. Хачирхалтай нь, дээрх хэргийг шалгахаар хүлээн авсан тус хэлтсийн ажилтан зургаан сар шахмын хугацаанд тодорхой ажиллагаа явуулаагүй талаар хөрөнгө оруулагч талын Монгол дахь төлөөлөгч прокурорт гаргасан гомдолдоо дурдсан байна. Дээрх хугацаанд Сүхбаатар аймгийн цагдаагийн хэлтсийн уг ажилтан хэрэгт холбогдуулан ганцхан хүнийг дуудаж байцаасан гэх мэдээлэл ч байна. Аргаа барсан хөрөнгө оруулагчид УЕПГ-т хандан хэргийг Улаанбаатар хотод шалгуулахаар болжээ. Улсын прокуророос дээрх хэрэгт харьялал тогтоон УМБА-нд шалгуулахаар болж, Чингэлтэй дүүргийн прокурор хяналт тавихаар болоод байгаа юм байна. “Олгой булаг” компанийн хувьцаа эзэмшигчдийн нэг нь Улсын ерөнхий прокурор асан Д.Дорлигжавын дүү Д.Баатар болохыг дээр дурдсан. Хөрөнгө оруулагч, тэдний Монгол талын төлөөлөгчдийн хардаж буйгаар Д.Баатар нь Ерөнхий прокурор асан ахынхаа нэр нөлөөгөөр компанидаа холбогдох хэргийг зориуд гацааж, удаашруулж байж болзошгүй байгаа аж. Гадаадын хөрөнгө оруулагчдын хөрөнгийг дээрэмддэг, тэдний нэр хүндийг санаатайгаар гутаан Монголоос хөөн гаргадаг улс төр, хууль хяналтын байгууллага дахь мафи маягийн бүлэглэлийн хууль бус үйлдлээс болж Монгол Улсын нэр хүнд дэлхийд шавартай хутгалдаж буйг Засгийн газар, Хууль зүй, дотоод хэргийн яамнаас удаа дараа мэдэгдсэн. Дээрх бүлэглэлийн үйлдлээс үүдэн хөрөнгө оруулагчид Монголоос нүүр буруулж байгааг сайд Х.Нямбаатар олон нийт, хэвлэлийнхэнд хандан хийсэн мэдэгдэлдээ дурдсан билээ. Тэгвэл хөрөнгө оруулагчаа молгидож, хохироосон дээрх асуудлыг Засгийн газар, Хууль зүй, дотоод хэргийн яамныхан анхааралдаа авах биз ээ.

ГААЛЬ ТӨРИЙН БАЙГУУЛЛАГА УУ, ЭСВЭЛ Б.АСРАЛТЫН ХУВИЙН КОМПАНИ УУ

11 / 04 0 сэтгэгдэл 1 376 үзсэнe

Г аалийн байгууллага улсын төсвийг тасалдуулж байсан удаагүй ба Б.Асралт даргын үед хөрөнгө их хийгдэж олон лабораторийн барилга шинээр барьж, боомтуудыг шинэчилж, ГЕГ оффисын том барилгатай болсон нь ч нөгөөх гаалийнхан өөртөө болоод баг хамт олондоо оруулж байгаа хэмжээ хязгааргүй хөрөнгө оруулалтыг нь ойрхоноос хардаг, мэдэх боломж илүү байдаг болохоор давхар утгатай нэр төдийгүй төр, засагтаа хүргэж байгаа хов гэлтэй. Гаалийн дарга нараас хамгийн их гардуулж азаартсан ч гарч ирээд ХАА-н ноолуурын биржийг толгойлж зангарагаа харуулсан чөмөгтэй эр бол Х. Баатар. Гаалийн үе үеийн дарга нар дотроос ам сайтай яригддаг, ажил албандаа үгүйлэгддэг дарга бол эдүгээ УИХ-ын гишүүн бөгөөд УИХ-ын Сахилга хариуцлага, Ёс зүйн байнгын хорооны дарга Б.Баттөмөр, УИХ-ын гишүүн асан Д.Цэвээнжав, Сангийн яамны Мониторингийн газрын дарга асан О. Ганбат нар ч гаалийн байгууллагаас нэр бүтэн явсан, гаалийн байгууллагыг мэргэжлийн өндөр түвшинд удирдсан, эх оронч дарга эгэл жирийн гаальчдад хэзээ мөнхөд үгүйлэгдсээр ирсэн байдаг. Одоо бол ус агаар мэт амин чухал болсон байна. Хэдий сайн дарга томилогдовч мөнөөх төрийн түшээд нь нэг их түвэг удалгүй эрхэм сайн даргыг эгнээндээ элсүүлэн КРАНДАХ АЖЛАА ГАРДАН ГҮЙЦЭЛДҮҮЛЭГЧ БОЛГОСОН БАЙХ НЬ ЕРДИЙН ҮЗЭГДЭЛ. Ийм болохоор дарга нар тогтвор суурьшилтай ажиллаж чадахгүй ээлжээ хүлээлгэн өгч өлзийтэй салахыг эрхэмлэдэг хэрэг. Энэ бүгдийг нуршихын учир энгийн.Эдүгээ ГЕГ-ын даргаар долоо дахь жилдээ хамгийн тогтвортой,асуудал дагуулахгүй ажиллаж чадаж байгаа гайхамшгийг бүтээгч, топ менежер Б.Асралтын тухай өгүүлэхээс аргагүй болж байна. Залуу хүн шүү дээ. Замыг нь нэгмөсөн алдуулчихвий гэх эмзэглэл ч төрж байна. ГААЛИЙН БАЙГУУЛЛАГА УР ЧАДВАРЫГ ҮНЭЛЖ ЧАДАХГҮЙ БОЛ УРУУДАЖ БУРУУТДАГ НЬ ЖАМ ЁСНЫ ҮЗЭГДЭЛ Мэргэжил болгонд ур чадвар агуулагддаг ч гаалийн байгууллага болон гаальчдийн тухайд онцгой сэдэв. Эх оронч байх, эцэг эхийнхээ мэргэжлийг өвлөх, дур сонирхолтой ажлаа хийх, дурлаж хийх, урам зоригтой ажиллах хүсэл эрмэлзлэлээр жигүүрлэдэг, нарийн мэргэшсэн, нандин мэдрэмжтэй, авьяас шаардсан ЭРХЭМ ЧУХАЛ АЛБА БОЛ ГААЛЬЧИН ЮМ. Гэтэл энэ чухал албыг хамгийн эхлээд,мөн түүнчлэн одоо хэр нь хүчгүй болгох алхамыг төрийн өндөр албыг тухай тухайн үедээ гүйцэтгэж ирсэн төрийн хар хайрцагны бодлогыг мэддэггүй, ер нь эс хэрэгжүүлэхийг хүссэн хүмүүсийн атгаг сонирхол дандаа гүйцэлдүүлж,уруудуулж, буруудуулж ирсэн байдаг. ГААЛИЙГ ЭХЛЭЭД ХУУЛИЙН ДАГУУ ХЭРЭГ БҮРТГЭХ ЧАДАМЖГҮЙ БОЛГОВ. ИНГЭСНЭЭР ГААЛЬЧИД УР ЧАДВАРАА АШИГЛАХ ШААРДЛАГАГҮЙ, ЭХ ОРНЫХОО ӨМНӨ ӨРГӨСӨН ТАНГАРАГАА САХИХ,ТҮҮНИЙГЭЭ БИЕЛҮҮЛЭХ ХАМГААЛАЛТГҮЙ БОЛОВ. ӨӨРӨӨР ХЭЛБЭЛ, ТӨР БУЗРЫГ ОРУУЛДАГГҮЙ БУЯНЫГ ГАРГАДАГГҮЙ БАЙГУУЛЛАГЫГ ҮНДСЭН ЧИГ ҮҮРГЭЭС НЬ 90 ХУВЬ ЧӨЛӨӨЛӨВ. ТӨРД ИНГЭХ ЯМАР ШААРДЛАГА БАЙВ. ЭНЭ ЭРҮҮЛ ТӨРИЙН ХИЙХ АЖИЛ МӨН БАЙСАН УУ. За ингээд үүнээс хойш түүнээс цааш Засгийн газрын хэрэгжүүлэгч агентлаг ГЕГ-ыг гардан удирдаж ирсэн САНГИЙН ЯАМ гэдэг том толгойтой байгууллагын САЙД нар өөр өөрсдийн эрх мэдлийг урвуулан ашиглаж улс эх орноосоо урвасан гэж болох үйлдэл хийж ирсэн байдаг. 2012 оны үес болов уу. Манай зангарагтай улстөрчдийн нэг болох Ч. Улаан хилээр хууль бусаар алт гаргах үйлдлийг илрүүлсэн гаальчдад олгодог урамшууллын арван хувийг олгохоо больсон явдал гаальчдын тухайд хоёр дахь том цохилт байв. Хэн амь насаараа дэнчин тавьж, хуулиар олгогдохоо байсан ажлыг хийх гээд зогсож байх билээ. Мөнхийн ашиг сонирхол дундуур үнэнчийн гүүр болж байсан арван хувийн урамшууллыг олгохоо больсоноор Монголбанкинд тушаах ёстой алт хууль бусаар хилээр гарч, далд эдийн засагт боломж олгон эх орончдод салаавч өгсөн. Ийм Сангийн сайд байсан цаг дурсамж болон үлдсэн ч хөнөөл нь улам бүр хүрээгээ тэлсээр … Б.Чойжилсүрэн Сангийн сайд болов. Тэр гаалийнхантай уулзаад нэг л үг хэлэв. “Итгэмжит зөвлөхийн 15 хувийн нэмэгдэл хэрэггүй. Та нар өөрсдөө болно биз дээ”. Өөрөөр хэлбэл, он удаан жил ажилласан туршлага,хуримтлуулсан баялаг мэдлэг чинь төрд хэрэггүй. Үүнийгээ өөрсдөө олборлож олж ав гэсэн үг. Ямар ч урамшуулал,ажилласан жилийн нэмэгдэл, байр орон сууцаар хангагдах боломж одоо гаальчдад байхгүй. Төрөөс хууль бусаар өгсөн гурав дахь цохилт энэ. Хорлонтой байгаа биз. Төрд ажилласны хохь. Авлига ав.авч чадахгүй бол зайл… Мэргэшсэн гаальчин, мэргэжилдээ үнэнч түүгээрээ амьдардаг хүмүүст өгч байгаа дарамт шахалт. Гаалийн төлөвлөгөө дандаа биелдэг. Гэсэн ч ийм нөхдийн шаардлага байхгүй. Энд авлига авч амьдрах ёстой. “Бузрыг оруулж Буяныг гаргаж амьдар” гэсэн далд сануулга. Ингэсний дараа жудаг сахиад явсан, яахаа мэдэхгүй байгаа жинхэнэ гаальчдын халааг хэн түрэмгийлэн эзэлж авдаг гээч. Дөрвөн жилийн өмнө гаалийн 50 байцаагч хуурамч дипломтой болох нь тогтоогдож ажлаасаа халагдацгаасан байдаг. Энэ нь ГЕГ-ын даргын 2017 оны 05 сарын 10-ны өдрийн А-106 тоот тушаалын дагуу ЧИГЛҮҮЛЭХ СУРГАЛТ-ыг 2017 оны 05 сарын 01-нээс мөн оны 08 сарын 03-ны хугацаанд зохион байгуулан Удирдлагын академи дээр гэнэт зохион байгуулж элсүүлсэн 80 хүнийг гаальчин болгох хөтөлбөрт сургалт байж таарах гээд байгаа юм. Тэдний 30 нь шүүхийн шийдвэрээр ажилдаа буцаж орсон санагдана. Энэ дунд урьд өмнө ГУБ-аар огт ажиллаж байгаагүй, Завхан аймагт цагдаад ажиллаж байхдаа хүн амины хэрэгт холбогдон ял эдэлж байсан Ерөнхийлөгч асан Н.Багабандийн ах Н.Молотовын хүүг шоронгоос гарган Замын-Үүдийн гаальд шүүхийн ямар ч шийдвэргүйгээр Гаалийн улсын ахлах байцаагчаар тавьсан байдаг. Чоно борооноор гэдэг л чухам энэ биз. Цар тахлын үеэр манай Хууль зүй, дотоод хэргийн сайд Х.Нямбаатар Замын-Үүд рүү тагнуул, Авлигатай тэмцэх газрынхныг дагуулан мафийнхныг ичээнд нь барьж байгаа аятай сүрийг үзүүлсэн. Үр дүн нь нийгэмд анзаарагдаагүй. Тухайн үед Замын-Үүдийн Гаалийн газрын дарга Д.Зоригоог дуулиантай баривчилж зөвхөн тэр жараахайн оффшор дансанд 36 тэрбум төгрөгтэй байгаа тухай сенсаац дэгдээсэн. Уг ажиллагааны үеэр Замын-Үүдийн гаальд ажиллаж байсан ГУБ нарыг шилжүүлэн татсан бөгөөд тэд бүгд Улаанбаатар хотын гааль, Шуудангийн гааль, ГЕГ-т ажилд орцгоосон байдаг юм. Мөн ГЕГ-т ажиллаж байсан Лхагвасүрэн, Базарваань, Бадрах нарыг Замын-Үүд рүү шагналын журмаар явуулсан гэх. Эдүгээ Эдийн засгийн хөгжлийн сайдаар ажиллаж байгаа Ч.Хүрэлбаатарын нэг ангийн найз Д.Зоригоо одоо ГЕГ-ын Бүрдүүлэлтийн газрын даргаар дэвшин ажиллаж байна. Тодотгож хэлэхэд, ГЕГ-ын дарга Б.Асралт багийн нөхдөө хэрэг түвэгт орооцолдсон ч буцааж аваад ахиад буруу гарын ажил хийх адын шуналыг нь дэвэргэж, айдас хүйдсийг нь үргээж, ар тал чинь баттай гэдгийг ахин дахин нотолж өгдөг талаараа гайхагддаг нэгэн. Ийм том “хөрөнгө оруулалтын жишээ” захаар нэг бий. Дахин жишээ татая, Жилийн өмнө их хэмжээний нүүрс хулгайгаар гарсан хэргийг ГЕГ-ын Бүрдүүлэлтийн газрын ажлын хэсэг хоёр сая тонн нүүрс хууль бусаар гаргасан болохыг шалгаж тогтоосон байдаг. Мөн цаг хугацаанд Гашуун сухайт дахь Гаалийн газрын орлогч даргаар ажиллаж байсан Б.Мөнх-Амар, Гаалийн улсын ахлах байцаагч Д.Эрдэнэбаяр нар дээрх хулгайн нүүрсийг бүрдүүлэлтгүй гаргасан нь тогтоогдож бүгдийг ажлаас түтгэлзүүлсэн ч ахлах байцаагч Д.Эрдэнэбаяраар хэргээ даалгуулаад бусад нь ажлаа хийцгээж байна. Тэр үед ажлаа өгөөд Шуудангийн гаалийн газрын даргаар ирсэн байсан Б.Даваасүрэн одоо ГЕГ-ын Хяналт шалгалтын газрын даргаар ажиллаж байна. Гашуун сухайтын гаалийн газрын даргын орлогч байсан Б.Мөнх-Амар Шуудангийн гаальд Гаалийн хяналт шалгалтын албаны даргаар ажиллаж байна. Энэ хэргийг гардан зохион байгуулж Б.Асралттай шууд харилцаж байсан П.Баттөр бас тушаал дэвшсэн. Хулгай хийгээд байхад нь, улсаа тоноод байхад нь, өргөсөн тангарагаасаа няцаж эх орноо арилжаад байхад нь толгойг нь илээд, тушаал дэвшүүлээд, бөөцийлж тордоод байдаг Б.Асралтыг төрийн албан хаагч гэх үү, төрд тэрсэлсэн ялтан гэх үү. Ийм увайгүй дээрэмчдийн толгойг илж суудаг агуу төртэй ард түмэн бид яаж аз жаргалтай амьдрах билээ. Мэргэшсэн,ажил мэргэжилдээ үнэнч, эх орондоо хайртай хүмүүсийг ямар ч ажиллах боломжгүй болгож байгаад төрийн өндөр сэнтийд заларч аваад цадаж ханахгүй иддэг зарим хүмүүсийн захын жишээ ийм. ХИЛ, ГААЛЬ, ТАГНУУЛ, АВТОТЭЭВЭР, МЭРГЭЖЛИЙН ХЯНАЛТЫН ТАВАН БАЙГУУЛЛАГЫН АМЫГ НЬ ҮДЭЖ, НҮДИЙГ НЬ СКОЧДОЖ БАЙГААД 252 ТЭРБУМ ТӨГРӨГИЙН НҮҮРС ЗУВЧУУЛСАН ГУРВАЛ Гаальд Б. Асралт, П.Баттөр, Б.Даваасүрэн гэдэг гурвал хүчээ авч байгаа тухай амтай болгон ярих болж. Муу, муухай бүхэн нь дэвэрсэн энэ цаг үед бараг л яаж тэр гурав шиг болох вэ гэж зүүдлэх нь халаг байх шиг. Мөн зүдсэн хэрэг шүү. Гааль энэ гурвын хувийн өмч шиг, гаальчид энэ бүлэглэлийн зарц шиг, Монгол Улсын төр хүчгүй, сул доройгоо хүлээн зөвшөөрсөний илэрхийлэл шиг харагдах нь монгол төрийн эмгэнэл юм. Хоёр сая тонн нүүрс гэдэг ГЕГ-ын Бүрдүүлэлтийн газар шалгасан л тоо баримт. Энэ тоо үнэн гэхэд эргэлзээтэй. Хоёр сая тонн нүүрс багаар бодоход 20,000 машин болно. Нэг машиныг дундажаар 100 тн нүүрс ачсан гэхэд 2,000,000 тн нүүрс байх гээд байна. Нэг тонн нүүрс хамгийн багадаа 36 ам доллар гэвэл дээрх нүүрс 252 тэрбум төгрөг болж байгаа юм. Улсынхаа бололцоотой албан тушаал дээр суусан болгон идэж, мэрж, хумсалсаар бүр бүхэл бүтэн мөргөцөг гаргасан тохиолдол ч бий. Ингэж бодохоор нуруу руу хүйт дааж нугасанд хутга шаах мэт бодогдоно. Ардчилал гэж алдуурсан унага шиг чавхдаж өнгөрөөсөн 30 жил биднийг ийн доройтуулжээ. Яг л үр могойн үлгэр. Түүний нэг жигүүрийг ГЕГ-ын энэ цагийн удирдлага манлайлж байгаа нь энэ. 1000 төгрөгийн ломбыг 7500 төгрөгөөр зараад бондойчихдог байсан нөхөд нүүрс хулгайлж томрохгүй бол нүдний булай болох гээд байсан юм болов уу. Томрох хэцүү. Том болсоноо илэрхийлэх бүр хэцүү. Тэр зовлонг нь Засгийн газар минь даахгүй өеөдөх дээрээ тулжээ. Хонь бүрэн, чоно цатгалан гарах боломж одоо нэгэнт үгүй болсон. Шинэ сэргэлтийн бодлого хэрэгжиж, Засаг тогтвортой ажиллаж, нам нь цэвэршье гэж байгаа бол Та нарт одоо нэн яаралтай цэвэрлэгээ хийхээс өөр боломж байхгүй. Яг адилхан байх уу,ялгаатай харагдах уу гэдэг эндээс эхлэнэ. Урсгал ус цэвэршихэд 14-20 хоног ордог гэсэн улс цэвэршихэд хэдий хугацаа ордог юм бол харах л үлдлээ. Зүгээр ч бас хараад суухгүй ээ. ШУДАРГА ЁСНЫ ШУУДУУ Ч ҮЛДЭЭГҮЙ ГААЛЬД ШУНАЛЫН ДЭВҮҮДИЙН ТОГТООСОН ХАНШ Л ТОДОРХОЙ Замын-Үүд дээр нэгэн ачаатай машинд шалгалт хийсэн, хийгээгүй асуудал дэгджээ. Энэ асуудал гаалийн хурлаар орж шалгасан гэх байцаагчийг нь ажлаас халжээ. Гаальд байдаг л нэг асуудал. Харин байдаггүй асуудал нь ажил давхар хариуцаж байсан Ахлах байцаагчийг халалгүй аваад үлджээ. Эндүү юм болов уу гэсэн үгүй байжээ. Хуулийн хариуцлага хүлээлгүй үлдсэн энхийн цагаан тагтаа, ахлах байцаагч Д.Батжаргал нь ГЕГ-ын Тамгын Газрын дарга Д.Бат-Эрдэнийн төрсөн ах учраас хууль үйлчлээгүй байж. Ахлах байцаагч Д.Батжаргалын эхнэр Улаанбаатар хотын гаальд бас байцаагчаар ажилладаг юм байна. Ах дүүсэг байдал ажлын байранд ихэдвэл яадгийг хэн хүнгүй мэдэх хойно. Гэхдээ ингэтлээ цус ойртох ямар ч байсан сайнгүй нь тодорхой. Адаглаад гаргаж байгаа шийдвэрүүд нь эргэлзээ дагуулж үнэн мөлхөж эхлэнэ. Гашуун сухайтын гаальд Батцоож гэх ГУБ ажиллахаар очиж. Дээрх хоёр сая тонн нүүрсний хулгай явж байх үеэр бололтой. Оны ялгаа шиг асуудал дэгдэж үнэнтэй шадарласан залуу мэс хэрэглэчихэж. Үүнийхээ улмаас ажлаасаа халагдаж. Гэсэн ч гурван шатны шүүхээр явсаар буруугүйгээ тогтоолгож арай гэж ажилдаа орох гэсэн авдаггүй ээ. Тэр залуу гаальчин ажил мэргэжилдээ үнэнч хандаж хууль бустай эвлэршгүй тэмцэж эр хүний арга хэмжээ авсаныхаа төлөө Асралт түүний багийн нөхдийн хорхойтой араанд зуугдсан нь энэ. Иймэрхүү жишээ зөндөө. Эрхэм төрийн түшээд Б.Асралтыг ойр дотнынхоо ганц нэг хүнийг авчих гэж зовоодог шиг байгаа юм. Мань хүн тэр болгон цааргалдаггүй бололтой билээ. Харин тэгэж орсон нөхөд асуудалд орооцолдвол Б.Асралтын хайр халамжийг ахиж хүсэлтгүй нь сайхан гэсэн. Гаальд юм бүхэн өөрийн гэсэн тогтсон ханштай. Хуулиар олгогдоогүй эрх,үүргийн харилцаа. Гэхдээ яг хууль шиг үйлчилнэ. Замын-Үүдэд очиж ажиллах сонирхолтой байцаагч хамгийн багадаа 15 сая төгрөг төлнө. Хэрвээ ахлах байцаагч болж чиглүүлье гэвэл 20-25 сая төгрөг төлнө. Харин Улаанбаатар хотын гаальд ажиллах бол 15-20 сая төгрөг төлнө. Энэ ханш тогтвортой үйлчилж байна.Наанаа ариун шударгыг яривч цаанаа бүх зүйлийг бузарлана. Үүнийг зохицуулж байдаг итгэлт хүн нь П.Баттөр. Нөгөө гурвалын орлогын нэг үндэс. Гаальд үнэгүй юм гэж нэг ч байхгүй. Яагаад гэвэл одоогийн удирдлага түүний нөхөд бузрыг оруулж буяныг гаргаж байгаа учраас тэр. Авлигаар орсон болгон тэдний өрөөсөн дугуй. Ядаж өгсөн мөнгөө олж авдаг юм байгаа биз дээ. Гаальд мэргэшсэн боловсон хүчний сэлгэлт хийхдээ сонгон шалгаруулалт зарлаж бас ч гэж шударга байхыг эрмэлздэг байв. Энэ байдал үеэ өнгөрөөж Улс төрийн боловсролын академи дээр ганц өдрийн дотор ямар ч заргүйгээр наян гаальчин шинээр ажилд авсан явдал хангалттай баталгаа болно. Энэ намар 30 гаальчин шууд Замын-Үүд рүү томилолт өвөртлөв. Дунджаар бодоход 600 сая төгрөг. Б.Асралт хүчээ авч байна. Түүний өөдөөс цор гэх ч хүнгүй болж. Ганц нэг гандан буурдаггүй, шударга нэгнийг гэрийн хорионд, ажлын дарамтад оруулж аваад тэтгэвэрт гарахаар нь айлгаж суудаг болж. Ингэтлээ дархлагдсан хүнтэй манай Ерөнхий сайд Л.Оюун-Эрдэнэ хариуцлага тооцож чадах болов уу??? АЛБАН ТУШААЛААРАА АШИГ ОЛЖ, АЖЛЫН БАЙРААРАА МӨНГӨ ХИЙЖ, УЛСАА УЛ БОЛГОДОГ ДАРГА НАР Дорнодын гаалийн газрын дарга асан Б.Винтов “Зээр дөрөө” ХХК гэдэг хувийн компанитай аж. Энэ компаниараа газрын тосны бүрдүүлэлт хийнэ. Мэдүүлэг бичнэ. Ашиг сонирхолын асар том зөрчилтэй ажиллаж ирсэн байдаг. Нэг үгээр хэлбэл, тус боомтоор хэдэн тн газрын тос гарсныг Монгол Улсын гааль бус Б.Винтов дарга мэдэж байсан хэрэг. Ингэж хардах үндэслэл өөрийнх нь ашиг сонирхолын зөрчил. Бас яг иймэрхүү ашиг сонирхлын зөрчилтэй хүний нэг нь одоо Дорнод аймгийн Гаалийн газрын даргаар ажиллаж байгаа Б.Гэрэлт-Од болон Баянхошуу боомтын салбарын эрхлэгч Эрдэнэтөгс нар. Энэ хоёр даргын тус бүр нэг нэг “Ланд 200” маркийн машин газрын тосны “Петро Чайна дачин Тамсаг”-ийн туслан гүйцэтгэгч компанид сар бүр, тус бүр 3000 ам. долларын түрээсээр ажиллаж байна. Ийм нөхцөлд хэний эрх ашиг урдчилан хангагдах вэ. Ер нь ажил үүргийнхээ хуваарийн дагуу хяналт тавих ёстой дарга нар энэ мэт байдлаар дөрлөгдөж, дөнгөлөгддөг байхыг үгүйсгэх аргагүй болсон байна. Энэ байдлыг Б.Асралт дарга мэдэхгүй гэхэд хэнбугай ч итгэхгүй. Ашиг орлогоос нь хуваалцдаг байхыг харин үгүйсгэхгүй. Гааль ийм л буруу дэвэлттэй байна. Алтаа баахан тавьж туусан. Галын дөл өөдөө гэдэг. Нүүрсний асуудал зөв дэгдэж дэгээнд загас жараахай биш тулууд нь баригдаж, барьж улс эх орон минь нэг НҮД ОРДОГ БАЙГАА. НҮДГҮЙ БОЛГОСОН НҮГЭЛТЭНГҮҮДИЙН НЭГЭЭХЭН ХЭСЭГ НЬ ГААЛИЙГ ТОЙРООД ДЭНГИЙН ЭРВЭЭХЭЙ ШИГ ЭРГЭЛДЭН БАЙНА. Аа тийм, нэгэн зүйлийг мартчихаж. Эрхэм журмын нөхөр Б.Асралт Танаа: Миний сонгуулийн сурталчилгаанд амжилттай ажилласан Учралзаяаг ажилд авна уу. УИХ-ын гишүүн Д.Тэрбишдагва хэмээн зурвас бичиж дээрх 80 шинэ гаальчдийн эгнээг бүрдүүлэлцсэн журмын нөхөд хангалттай олон байгааг сануулах юун. Аа бас тийм. Нууцын зэрэглэлд авахуулж байгаад 60 тэрбум төгрөгөөр тендергүй бариулсан ГЕГ-ын гоё барилгыг нууцлах ямар шаардлагатай байсаныг нотолж өгвөл сайн байна. Ажиллах барилга сайхан ч амьдрах боломж нь хүндэрч гаальд ажилласныхаа төлөөсөнд гадуурхагдаж суугаа төрийн мэргэшсэн ажилтнуудаа алаг үздэгээ больчихвол төрд минь л ач тустай юмсан. Аа бас тийм. УИХ-ын гишүүн Б.Бейсен саяхан Төрийн ордонд,их хурлын танхимд Ярантын боомтоор 400 000 тн нүүрс буюу 62 сая ам. долларын нүүрс хууль бусаар гарсан байх магадлал өндөр байна гэсэн мэдэгдэл хийсэн. Б.Асралт даргаар л битгий шалгуулаарай. Бүгдээрээ хамжиж байгаад шүүрэн шанага болгосон эх орноо бүтэн болгож авья. Үргэлжлэл бий…

ӨМНӨГОВЬ АЙМАГ “ДҮҮРЭН ХАНГАЛТТАЙ’ ҮНЭЛГЭЭ АВЛАА

11 / 04 0 сэтгэгдэл 357 үзсэнe

Хөгжил эрсдэл хоёр харилцан уялдаатай, болзошгүй гамшгийн үед бэлэн байх төлөвлөгөөтэй байх маш чухал… гэдгийг ОБЕГ-ын дэд дарга, бригадын генерал Б.Ууганбаяр сургалтын хаалтын үеэр хэлсэн үгэндээ онцоллоо. Мөн тэрээр байгууллага хоорондын уялдаа холбоо, мэдээллийг үнэн зөв солилцох, эвтэй хамтын ажиллагаа ямар ач холбогдолтой болохыг энэ удаагийн сургалт ойлгуулж чадсан гэдэгт итгэлтэй байгаагаа хэлээд Өмнөговь аймаг, Гамшгаас хамгаалах команд штабын сургуульд “онц, “дүүрэн хангалттай гэсэн үнэлгээг өглөө. Өмнөговь аймгийн Онцгой комисс газар хөдлөлтийн гамшгаас хамгаалах иж бүрэн төлөвлөгөөг боловсруулж, сургууль цэцэрлэгүүд гамшиг ослоос урьдчилан сэргийлэх, авран хамгаалах төлөвлөгөөг мөн гаргалаа. Аймгийн 12 алба, 21 мэргэжлийн анги, Үндэсний аюулгүй байдлын тусгайлсан чиг үүрэг бүхий байгууллагын 560, сумдын онцгой комиссын 278, Онцгой байдлын газрын 30 нийт 868 алба хаагч хамрагдсан дадлага сургуулийн дүнгийн хурал өнөөдөр болж сэтгэл зүтгэл ур чадвараа дайчлан ажилласан зарим хүмүүст “Онцгой байдлын төлөө медаль олгож, дадлага сургуулийг амжилттай зохион байгуулсан Өмнөговь аймагт ОБЕГ-аас #Талархал гардууллаа.

Б.ЖАРГАЛСАЙХАН: ҮНДЭСНИЙ ХӨРӨНГӨ ОРУУЛАЛТЫН БАНК 3 ЖИЛИЙН ӨМНӨ ДАМПУУРСАН

11 / 03 0 сэтгэгдэл 566 үзсэнe

Улс төрч Б.Жаргалсайхан өөрийн цахим хуудаснаа "Үндэсний хөрөнгө оруулалтын банкны 2019-2022 оны тайланг судалж үзлээ. 2022 оны байдлаар нийт зээлийн 94% чанаргүй. 62.7 тэрбум төгрөгийн зээлийн эрсдлийн сан байгуулсан. Хуримтлагдсан алдагдал 123 тэрбум. Өөрийн хөрөнгө нь хасах 68 тэрбум. Зүгээр л дампуурсан банк байна. Энэ байдал зөвхөн энэ жил биш 2019 онд л өөрийн хөрөнгөгүй болж, эрх хүлээн авагч томилох болзлоо 3 жилийн өмнө хангасан байжээ. Гэтэл Монголбанк ямар нэг арга хэмжээ авдаггүй, тэр байтугай мөнгө нэмж өгдөг нь ямар учиртай вэ? 2020 онд маш их муу зээлтэй нь тайлан дээр тодорхой байхад байгууллагын харилцах 32 тэрбумаар өссөн нь дандаа нийгмийн даатгал, эрүүл мэндийн даатгал, Эрдэнэт, Эрдэнэс Тавантолгой зэрэг татвар төлөгчид, ТӨК-ийн мөнгө байсан. Төрийн албаны дарга нар хуйвалдсан нь маш тодорхой байна. Банкны хүлээсэн алдагдал нь банкны холбогдох этгээдүүд буюу хувьцаа эзэмшигчдийн өөрсдийн зээл, авлагаас болсон гэж хөндлөнгийн аудит дүгнэжээ. Энэ бүх алдагдсан мөнгө хаачсан бэ? гэдгийг хотын мээр Сумъяабазар, сумоч Асашёорюү нараас л асуух ёстой болж таарлаа. Монголбанк хуулиа биелүүлж, эрх хүлээн авагч томилж, алдагдсан мөнгийг олж ир. Татвар төлөгчдийн мөнгөөр луйварчдын хулгайг төлөх ёсгүй. Цэгмидийн Лут-Очир" хэмээв.

ЗХЖШ-ЫН ДАРГААР БРИГАДЫН ГЕНЕРАЛ С.ГАНБЯМБЫГ ТОМИЛЛОО

11 / 03 0 сэтгэгдэл 414 үзсэнe

УИХ-ын чуулганы хуралдаанд ЗХЖШ-ын даргаар томилогдохоор нэр дэвшсэн, бригадын генерал С.Ганбямбыг танилцуулж, нийт гишүүдийн 67,7 хувиар уг албан тушаалд томилохыг дэмжлээ. Бригадын генерал С.Ганбямбын намтар С.Ганбямба нь 1975 онд Улаанбаатар хотод төрсөн, 1983-1993 онд Нийслэлийн 33 дугаар дунд сургууль, 1993-1997 онд Цэргийн их сургуульд “Артиллерийн команд-тактик”-ийн мэргэжил эзэмшин цэргийн ухааны бакалаврын зэрэг, 2007-2009 онд Батлан хамгаалахын удирдлагын академид “Стратеги-тактик, команд штаб”-ын мэргэжил эзэмшиж, цэргийн ухааны магистрын зэрэгтэй, “Онцгойлох үнэлгээтэй” төгссөн. 2017-2019 онд Оросын Холбооны Улсын Зэвсэгт хүчний Жанжин штабын академийг “Төрийн цэргийн аюулгүй байдал” мэргэжлээр суралцаж төгссөн бөгөөд одоо Үндэсний батлан хамгаалах их сургуулийн докторантурт суралцаж байна. Бригадын генерал С.Ганбямба нь Бүгд Найрамдах Турк Улсад 2003 онд “Энхийг сахиулах ажиллагааны анхан шатны дамжаа”, 2006 онд “Батальоны захирагчийн дамжаа”, 2014 онд Канад Улсад “Англи хэлний анхан шатны дамжаа”-г дүүргэжээ.

ЗАМЫН ҮҮД СУМ ДАРААГИЙН “ЦАГААН ХАД” БОЛОХОД ОЙРХОН БАЙГАА ЮУ ?

11 / 03 0 сэтгэгдэл 535 үзсэнe

Замын –үүд сум ын иргэд нүүрсний тортогоор амьсгалах болсоор уджээ.Учир нь т өрийн байгууллагуудын нурмал ачаа буюу нүүрс ачиж буулгах талбай нь хашаагүй шахуу стандартын шаардлага хангах гүй нөхцөл байдалтай байсаар уд сан учраас замын үүд сумын иргэд рүү нүүрс ний тортог хийсч , иргэд ч гомдол мэдээлэл ихээр хүргүүлэх болжээ. Улсын мэдэл дэх нүүрс буулгадаг газар нь ийнхүү стандартгүй талбайтай тул салхилах төдийд замын үүдчүүд тортогоор булуулж буй аж. Тэгвэл уг асуудлаар нь Замын үүд сумын гаалийн газрын даргаас тодруулахад : Синхр : О.ЦЭЕНРЭГЗЭН ЗАМЫН-ҮҮД ДЭХ ГААЛИЙН ГАЗРЫН ДАРГА Гаалийн газрын даргын өгч байгаа мэдээллээр ч мөн тус нүүрс ачиж буулгах талбай нь Замын үүд сумын захад байгаа учраас сумын хэмжээнд нөхцөл байдал хүнд байгаа иргэдийн гомдол ч ихээр ирдэг тул стандартын шаардлага хангасан талбай болгох шаардлагыг зохих шатны байгууллага аж ахуй нэгжүүдэд тавихаа иийнхүү илэрхийллээ.

"ЭРЭЛ"-ИЙН Б.ЭРДЭНЭБАТ НИЙСЛЭЛИЙН ПРОКУРОР Ц.АРИУНБОЛДОД АВЛИГА ӨГЧ ХЭРГЭЭ ХААЛГАСАН УУ

11 / 03 0 сэтгэгдэл 621 үзсэнe

"Эрэл" компанийн захирал Б.Эрдэнэбат нь Нийслэлийн прокуроруудад авлига өгч, хэргээ хаалгах гэж хэмээн "Номин Холдинг" компанийн захирал Ш.Баярсайхан АТГ-т ханджээ. Энэ талаар түүний өмгөөлөгч О.Батсүх "Номин Холдинг" компанийн захирал Ш.Баярсайхан нь өөрийг нь нэр бүхий этгээд залилсан үйлдлийг шалгаж байгаа хууль хяналтын байгууллагын ажилтан, албан хаагчидтай холбоотой гомдлыг АТГ-т гаргасан. Энэ гомдлыг дөнгөж сая АТГ-т өглөө. Ш.Баярсайхан нь 2016 онд Монголын томоохон компанийн үүсгэн байгуулагчид 20 тэрбум төгрөгөө залилуулсан. Энэ асуудал шалгагдаад анхан шатны шүүхээр хэрэг шийдвэрлэж, гэм буруутай этгээд хорих ял авсан. Улмаар Дээд шүүхээс гэмт хэрэг үйлдэгдсэн эсэх асуудлыг үгүйсгээгүй, зөвхөн Ш.Баярсайхан гэдэг хүнээс авсан 20 тэрбум төгрөгийг хэрхэн яаж зарцуулсаныг шалга хэмээн прокурорт буцаасан. Гэтэл энэ хэрэг прокурорт буцаагдсанаас хойш дахин шүүх рүү шилжээгүй. Хэрэг нь замхарсан, удааширсан. Мөрдөгч нь хэргийг хаах саналыг хэд хэдэн удаа гаргаад байгаа. Шалгагдаж байгаа хүн нь өмгөөлөгчөөрөө Нийслэлийн прокурорын газарт олон жил прокурор хийсэн, удирдах албан тушаал хашиж байсан хүнийг авсан. Энэ хүн өмгөөлөгчөөр орж ирсэнээс хойш энэ хэрэг удааширч байгаа. Магадгүй хэргийг хянаж байгаа прокурор, хуулийнханд хууль бусаар нөлөөлж, авлига зуучилж, хэргийг замхруулж болзошгүй гэж хардаж, энэ асуудлыг болон нэр бүхий прокуроруудыг шалгуулахаар АТГ-т хандаж байна . Ш.Баярсайханыг залилсан гэх хүний нэр одоо Хөгжлийн банкны асуудалд бас дурдагдаж байгаа. Хөгжлийн банкнаас олон тэрбум төгрөгийн хөрөнгийг барьцаалж зээл авсан хэрнээ нэг ч төгрөгийн эргэн төлөлт хийгээгүй. Мөн Хөгжлийн банканд барьцаалсан хөрөнгөө миний үйлчлүүлэгчид барьцаалж, зохиомол байдлыг зориудаар бий болгох, бодит байдлыг нуух замаар 20 тэрбум аваад залилчихсан. Өнөөдрийн байдлаар нэг ч төгрөг төлөөгүй. Хөгжлийн банктай холбоотой бас шалгагдаж байгаа. Гэтэл Хөгжлийн банктай холбоотой шалгагдаж байгаа хүмүүс хөрөнгөө барьцаалуулж, хоригдох нь хоригдож байна. Гэтэл ганцхан энэ хүнийг хуулийн байгууллага тойрч ажиллаад байна. Эрүүгийн хэрэг хуулийн тусгай ангид зааснаар залилах хэрэг нь хуурах, бодит байдлыг нуух, зохиомол байдлыг зориудаар бий болгох, итгэлийг урвуулан ашиглах замаар хүний эд хөрөнгийг авах үйлдлүүдийг аль нэгийг хийсэн бол гэмт хэргийн шинж хангагддаг гэж үздэг. Гэтэл миний үйлчлүүлэгчийг залилсан асуудалд энэ бүх үйлдэлд хангагддаг. Хөгжлийн банканд барьцаалсан хөрөнгөө өөр этгээдэд барьцаалж болохгүй байтал барьцаалаад 20 тэрбум төгрөг авсан байна ” гэлээ.

ГАМШГААС ХАМГААЛАХ КОМАНД ШТАБЫН СУРГУУЛЬ

11 / 03 0 сэтгэгдэл 208 үзсэнe

Монгол улсын шадар сайд аймгийн Засаг даргатай байгуулсан гэрээний дагуу Өмнөговь аймгийн гамшгаас хамгаалах команд штабын сургууль 2022 оны 11-р сарын 2-4 ний өдрүүдэд болж байна. Энэ хүрээнд өнөөдөр Ажнай талбайд гамшгаас хамгаалах бэлэн байдлын жагсаалын үзлэгийг 07:40 минутад зохион байгууллаа.

ХУУЛЬ БУСААР БНСУ-Д ОРШИН СУУЖ БУЙ ИРГЭДИЙГ ӨРШӨӨНӨ

11 / 02 0 сэтгэгдэл 776 үзсэнe

БНСУ-ын Хууль зүйн яамнаас тус улсад хууль бусаар оршин сууж буй гадаад иргэдийг сайн дуруураа нутаг буцах тохиолдолд өршөөл үзүүлэхээр болсон тухайгаа зарлалаа. Өөрсдийн хүслээр нутаг буцах бол 11-р сарын 7-ны өдрөөс өршөөлд хамрагдаж, ямар нэгэн торгууль төлөлгүй, гадаад пасспорт дээрээ хар тамга даруулалгүй гарах боломжтой болж байгаа аж. Тус өршөөлийн хугацаа ирэх 2023 оны хоёрдугаар сарын 28-нийг хүртэл үргэлжилнэ.