САЙД АСАН Б.БАТ-ЭРДЭНЭ ГИШҮҮНИЙГ ТӨРИЙН НУУЦ ЗАДРУУЛСАН ГЭХ МЭДЭЭЛЭЛ ТОГТООГДВОЛ 1-5 ХҮРТЭЛХ ЖИЛЭЭР ХОРИХ ЯЛ ЭДЛЭНЭ

07 / 23 0 сэтгэгдэл 1 570 үзсэнe

Сэтгүүлч Н.Өнөрцэцэгт шүүхээс илт худал мэдээллийг олон нийтэд тараасан, төрийн нууц мэдээллийг олж авсан, хадгалсан, татвар төлөхөөс зайлсхийсэн гэх таван үндэслэлээр 4 жил 9 сарын хорих ял оноосон. Шүүхээс хорих ял оноосон нэг үндэслэлийг төрийн нууц мэдээлэл олж авсан гэж үзэж буй. Тухайн төрийн нууц мэдээллийг БОАЖ-ын сайд асан, УИХ-ын гишүүн Б.Бат-Эрдэнэ түүнд дамжуулсан хэмээн ар гэрийнхэн нь мэдээлэл хийсэн. Төрийн нууцыг задруулсан нь батлагдсан тохиолдолд Эрүүгийн хуулийн 19.12 дүгээр зүйлд зааснаар "Төрийн маш нууцад хамаарах мэдээ, баримт бичиг, эд зүйлийг итгэмжлэгдэн хариуцсан, албан тушаал, ажил үүргийн хувьд мэдсэн этгээд задруулсан нь эх орноосоо урвах, гадаадын тагнуулын алба, байгууллага, иргэнтэй хууль бусаар хамтран ажиллах гэмт хэргийн шинжгүй бол гурван жил хүртэл хугацаагаар эрх хасаж нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ" гэсний дагуу шийтгүүлэх хуультай аж. Дашрамд сануулахад, Төрийн болон албаны нууцын тухай хуулийн 5.1.1 дэх хэсэгт "ТӨРИЙН НУУЦ" гэж Монгол Улсын хууль тогтоомжийн дагуу төрийн нууцад хамааруулсан, задруулах, үрэгдүүлэх тохиолдолд үндэсний аюулгүй байдал, үндэсний ашиг сонирхолд аюул, занал, хохирол учруулах төрийн хамгаалалтад байх мэдээллийг" хэлнэ хэмээн тодорхойлсон байдаг.

ЭМИЙН ЧАНАР, АЮУЛГҮЙ БАЙДЛЫГ ХЯНАХ ЛАБОРАТОРИЙГ САЙЖРУУЛАХ АЖИЛ УРАГШИЛЖ БАЙНА

07 / 23 0 сэтгэгдэл 227 үзсэнe

Манай улсад тулгамдаж байгаа эмийн чанарын асуудлыг эмийн чанарыг хянах олон улсын стандарт, шаардлагад нийцсэн лабораторитой болсноор шийдвэрлэх боломжтой. Энэ хүрээнд УИХ-ын гишүүн, Эрүүл мэндийн сайд Т.Мөнхсайхан, Дэлхийн эрүүл мэндийн байгууллагын Монгол Улс дахь Суурин төлөөлөгч Др. Сокорро Эскалантэ нар Халдварт өвчин судлалын үндэсний төвийн Нэгдсэн лабораторид ажиллалаа. Эм, эмнэлгийн хэрэгслийн хяналт, зохицуулалтын газрын харьяа Эмийн лабораторийг ХӨСҮТ-ийн Нэгдсэн лабораторийн ашиглагдахгүй байгаа зай талбайд нүүлгэн шилжүүлэхээр Халдварт өвчин судлалын үндэсний төв, Эм, эмнэлгийн хэрэгслийн хяналт зохицуулалтын газрын удирдлагууд зөвшилцлөө. Ингэснээр манай улсын эмийн чанарыг хянах үйл ажиллагаа стандартын дагуу явагдах төдийгүй цаашид эм, эмийн бүтээгдэхүүнээ экспортод гаргахад чухал нөлөө үзүүлэх юм.

600 ЯЛТНЫГ ХОРИХ ЯЛ ЭДЛЭХЭЭС ХУГАЦААНЫ ӨМНӨ СУЛЛАЖ, ХЯНАЛТ ТОГТООЖЭЭ

07 / 23 0 сэтгэгдэл 884 үзсэнe

Монгол Улсын Шүүхийн 2024 Оны Хагас Жилийн Шүүн Таслах Ажиллагааны Мэдээллийг Шүүхийн Ерөнхий Зөвлөл (шез) Нээлттэй Байршуулжээ. Энэ Оны Эхний Хагас Жилд Хорих Ял Эдлэхээс Хугацааны Өмнө Тэнсэн Сулласан, Ялаас Чөлөөлсөн Байдлыг Танилцуулъя. Эрүүгийн Хуулийн Ерөнхий Ангийн 6.12, 6.13 Дугаар Зүйл Эрүүгийн Хэрэг Хянан Шийдвэрлэх Тухай Хуулийн 37.6, 37.7 Дугаар Зүйлд Заасны Дагуу Эрх Бүхий Байгууллагаас Тодорхойлолт, Дүгнэлт Гарган Ирүүлсэн Нийт 969 Хүний Материалыг Хянан Хэлэлцсэн Байна. Улмаар 11 Ялтанд Холбогдох Дүгнэлт Саналыг Хэрэгсэхгүй Болгож, 12 Ялтныг Өвчний Учир Хугацаанаас Өмнө Хорих Ял Эдлэхээс Чөлөөлжээ. Мөн Хугацаанд 600 Ялтныг Хорих Ял Эдлэхээс Хугацааны Өмнө Суллаж, Хяналт Тогтоосон Байна. Харин 261 Ялтанд Холбогдох Дүгнэлт, Саналыг Бусад Байдлаар Хянан Шийдвэрлэснийг Мэдээлэв.

ЖИВЖ БАЙСАН 2 ИРГЭНИЙ АМИЙГ АВАРЧЭЭ

07 / 23 0 сэтгэгдэл 454 үзсэнe

Өчигдөр /2024.07.22/ Баянзүрх дүүргийн 20 дугаар хороо Улиастайн гүүрний харалдаа Туул голд машин живж байна гэсэн дуудлага 20:10 цагт бүртгэгдэж Аврах ангийн алба хаагчид шуурхай үүрэг гүйцэтгэж автомашинд зорчиж явсан 2 иргэний амь насыг авран хамгааллаа. Гол, мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчихыг зөвлөж байна.

"ТӨРИЙН НУУЦ ГЭХ МЭДЭЭЛЛИЙГ ӨГСӨН САЙД НЬ БОАЖ-ЫН САЙД АСАН Б.БАТ-ЭРДЭНЭ" ГЭЖ Н.ӨНӨРЦЭЦЭГИЙН ДҮҮ МЭДЭГДЛЭЭ

07 / 23 0 сэтгэгдэл 642 үзсэнe

Zarig.mn сайтын сэтгүүлч Н.Өнөрцэцэгт 4 жил 9 сарын хорих ялыг Сүхбаатар дүүргийн Эрүүгийн хэргийн анхан шатны шүүхээс оногдуулаад буй. Тодруулбал, түүнд Эрүүгийн хуулийн 13.11 дүгээр зүйлийн 2.1 /Хувь хүний нууцыг задруулах/, 13.14 дүгээр зүйлийн 1 /Худал мэдээлэл тараах/, 18.3 дугаар зүйлийн 1 /Татвар төлөхөөс зайлсхийх/, 18.6 дугаар зүйлийн 1 /Мөнгө угаах/, 19.11 дүгээр зүйлийн 1 /Төрийн нууцыг хууль бусаар олж авах/-д зааснаар яллах дүгнэлт үйлдсэн байдаг. Харин Н.Өнөрцэцэгийн гэр бүлийнхэн өнөөдөр /2024.07.23/ мэдээлэл хийх үеэрээ Төрийн нууц гэх мэдээллийг өгсөн бол одоогийн УИХ-ын гишүүн Б.Бат-Эрдэнэ гэж мэдэгдлээ. Н.Өнөрцэцэгийн дүү, "Төрийн нууцтай холбоотой гэж яриад байгаа боловч өгсөн сайд нь хэн бэ гэдгийг хүмүүс мэдэхийг хүсэж байгаа. Энэ бол угаасаа сэтгүүлчид ихэнх нь мэдэж байгаа. Мөн хүмүүс твиттер фейсбүүкээр яриад байгаа. Би одоо тэр хүнийг нь хэлье гэж бодож байна. Тэр хүн бол Байгаль орчны сайд Б.Бат-Эрдэнэ гэж хүн. Одоо УИХ-ын гишүүн болсон. Төрийн нууц гэдэг бол энгийн сэтгүүлчид хийсээд очдог зүйл биш. Яагаад төрийн нууцыг хадгалж байх ёстой хүн нь төрийн нууцаа сэтгүүлчид дамжуулаад яагаад өөрөө ялаас цэвэр мултраад, яагаад манай эгч ялтан болоод байж байгаа юм бэ” гэсэн юм.

"ЧИНГИС ХААН” НИСЭХ БУУДЛЫН АЛБАН ТУШААЛТНЫ ХЭРГИЙГ ШАЛГАСАН ГЭЖ АТГ-ААС МЭДЭЭЛЛЭЭ

07 / 22 0 сэтгэгдэл 471 үзсэнe

А влигатай тэмцэх газраас "чингис хаан” олон улсын нисэх буудал дахь гаалийн газрын удирдах албан тушаалтан “л” нь албан тушаалын эрх мэдлээ урвуулан ашиглаж хахууль авсан гэх хэргийг прокурорын байгууллагад шилжүүлжээ. “Улаанбаатар спорт менежмент” ХК-ийн удирдах албан тушаалтан “Т” нь бусдад давуу байдал бий болгосны хариуд хахууль авсан гэх, “Эрдэнэт үйлдвэр” ХХК-ийн удирдах албан тушаалтан “Д” нь албаны эрх ашгийн эсрэг албан тушаалын байдлаа урвуулан ашиглаж, үйлдвэрийн ашиг сонирхолд хүнд хор уршиг учруулсан гэх зэрэг эрүүгийн хэргүүдийн мөрдөн шалгах ажиллагааг дуусгаж, шүүхэд шилжүүлэх саналтай прокурорт хүргүүлжээ. Эрүүгийн 916 хэрэгт мөрдөн байцаалтын ажиллагаа явуулжээ. Авлигатай тэмцэх газрын Мөрдөн шалгах хэлтэс 2024 оны долдугаар сарын 8-21-ний өдрүүдэд гэмт хэргийн шинжтэй 118 гомдол, мэдээллийг шалгасан байна. Үүнээс найман гомдол, мэдээлэлд хэрэг бүртгэлтийн хэрэг нээж, 33 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 77 гомдол, мэдээллийг хянан шалгаж байна. Түүнчлэн эрүүгийн 916 хэрэгт мөрдөн байцаалтын ажиллагаа явуулснаас өнгөрсөн долоо хоногт гурван хэргийг шүүхэд шилжүүлэх, 12 хэргийг хаах, нэг хэргийг нэгтгэн шалгаж байна. Мөрдөн шалгах ажиллагаанд одоогоор 900 хэрэг шалгаж байна гэдгийг мэдээллээ.

ӨНӨӨ ШӨНӨӨС ГАДААД ХАРИЛЦААНЫ ЯАМНЫ БАРУУН ТАЛЫН АВТО ЗАМЫГ ХААНА

07 / 22 0 сэтгэгдэл 264 үзсэнe

Энэ удаад буюу долоодугаар сарын 23-ны 00:00 цагаас долдугаар сарын 25-ны өдрийн 06:00 цагийн хооронд Сүхбаатар дүүрэг, Олимпын гудамж, Гадаад харилцааны яамны баруун талд дулааны шугамын өргөтгөлийн ажил хийх тул авто замыг хаахаар болжээ. Иймд жолооч нар бусад замыг сонгон хөдөлгөөнд оролцохыг санууллаа.

ЭНЭ САРЫН 23-НЫГ ДУУСТАЛ НӨАТ-ЫН БУЦААН ОЛГОЛТООСОО ТАТВАР ТӨЛӨХ ХҮСЭЛТИЙГ ХҮЛЭЭН АВНА

07 / 22 0 сэтгэгдэл 466 үзсэнe

II улирлын НӨАТ-ын буцаан олголтоосоо татвар төлөхийг хүсвэл 2024 оны долдугаар сарын 23-ны өдрийг дуустал ebarimt системээр татварын нэхэмжлэл бүхий асуулгад “ТИЙМ” гэсэн товчийг дарснаар таны хүсэлт бүртгэгдэж, татвар төлөгдөх юм байна. Төлөх боломжтой татварын төрөл Автотээврийн хэрэгслийн албан татвар Галт зэвсгийн албан татвар Үл хөдлөх эд хөрөнгийн албан татвар Газрын төлбөр /газар эзэмшигч/ Газрын үл хөдлөх эд хөрөнгийн албан татвар /газар өмчлөгч/ Малын тоо толгойн албан татвар Авто замын байгууламж ашигласны төлбөр Үүний дараа НӨАТ-ын буцаан олголтын мөнгийг иргэдийн дансанд шилжүүлэх бололтой.

СЭРЭМЖЛҮҮЛЭГ: 11 НАСТАЙ ХҮҮХЭД БОРООНЫ ТОГТООЛ УСАНД ЖИВЖ АМИА АЛДЖЭЭ

07 / 22 0 сэтгэгдэл 429 үзсэнe

Цагдаагийн байгууллагад он гарснаас хойш усны ослын 80 гаруй тохиолдлын дуудлага бүртгэгджээ. Эдгээрийн 17 нь хүүхэд байна. Тухайлбал, өчигдөр (2024.07.21) Ховд аймгийн Дарви суманд бага насны хүүхэд борооны тогтоол усанд живж нас барсан гэх дуудлага, мэдээлэл иржээ. Дуудлагын дагуу цагдаагийн албан хаагчид очиж ажиллахад Улаанбаатар хотын Чингэлтэй дүүрэгт оршин суух хаягтай 11 настай хүүхэд борооны тогтоол усанд живж нас барсан байв. Хэргийг Ховд аймгийн цагдаагийн газар шалгаж байна. Иймд иргэд та бүхэн аадар бороо орох, голын усны түвшин нэмэгдэх зэрэг болзошгүй аюулаас сэрэмжтэй байж аливаа эрсдэлээс урьдчилан сэргийлэхийг цагдаагийн байгууллагаас анхааруулж байна.

УЛААНБААТАРТ ОРОН СУУЦНЫ ҮНЭ ӨМНӨХ ОНЫ МӨН ҮЕЭС 11 ХУВИАР ӨСЧЭЭ

07 / 22 0 сэтгэгдэл 592 үзсэнe

Энэ оны зургаадугаар сарын байдлаар Улаанбаатар хотод орон сууцны үнэ өмнөх оны мөн үеэс 11 хувиар өсөж, өмнөх сараас өөрчлөлтгүй байгааг Үндэсний статистикийн хорооноос мэдээллээ. Шинэ орон сууцны нэг метр квадрат талбайн дундаж үнэ дөрвөн сая төгрөг болж , Хан-Уул дүүрэгт хамгийн өндөр буюу 4.12 сая төгрөгийн үнэтэй байна. Харин хуучин орон сууцны нэг метр квадрат талбайн дундаж үнэ 3.88 сая төгрөг болж, Сүхбаатар дүүрэгт хамгийн өндөр буюу 4.50 сая төгрөгт хүрчэ э .