ТӨРИЙН ШИЙДВЭРҮҮД “СОШИАЛ”-ААС ТӨРСӨӨР ...

12 / 10 0 сэтгэгдэл 1 110 үзсэнe

Нийгмийг, нийт ард түмнийг төлөөлөх чадамжгүй ч бүхэлд нь төлөөлж байгаа мэт харагдаж, үзэл бодлоо хүлээн зөвшөөрүүлдэг хэсэг бүлгийнхнийг “Сошиалчид” хэмээнэ. Улсынхаа Хууль зүйн сайдыг “Сошиал”-чидтай ам уралдуулан хэрэлдэхийг, хотын даргыгаа “Сошиал”-чдын дайралт бүхэнд хариулт өгөхийг хараад “Төрийн шийдвэр тогтоол” Сошиалаас хамааралтай болчихоод байна гэхэд нэг их хол зөрхөөргүй болчихоод байна. Монголыг улстөрчид удирдаад байна уу, сошиалчид удирдаад байна уу ? Сошиалчид дотроо хоёр төрөл байна.Зөвхөн өөрийн үзэл бодлоо илэрхийлдэг нэг төрлийнхөн. Харин нөгөө нь бусдын заавраар үнэнийг худал, худлыг үнэн болгож тараах замаар олон нийтийн үзэл бодлыг өөрчилж байдаг төрлийнхөн. Нийгэмд хамгийн аюултай боловч хамгийн их хандалт авдаг, хүчтэй төрлийнхөн нь үнэнийг худал, худлыг үнэн болгогч сошиалчид. Энэ төрлийн сошиалчдыг троллууд гэх бөгөөд тэднийг голдуу улстөрчид өөр өөрсдийн талд ажиллуулж, өрсөлдөгчдөө хэрхэн харлуулах, нийгмийн санаа бодлыг юу гэж өөрчлөх, юуг шүүмжилж, юуг магтахыг нь зааж, захиалга өгдөг. Ийм нэг захиалга дээр хэдэн зуун тролл ажиллаж зорилгоо гүйцэлдүүлэх хүртлээ зогсохгүй. “Үнэн гутлаа өмсөж байхад худал уул давсан байдаг” гэгчээр олон нийт тэр хэдэн зуун троллын захиалгатай, хуурамч үзэл бодолд шуудхан л итгэдэг болчихоод байна. Үүний уршгаар хүн алсан хүн ч ардын баатар болж болдог болчихжээ. Мөн троллуудын ажиллах механизм нь гурван янз. Эхнийх нь хэн нэг улстөрч, нам, төрийн байгууллагын хийх гэж байгаа ажил, гаргах гэж байгаа шийдвэрийг урьдчилаад “Зайлшгүй шаардлагатай” байгаа мэтээр олон нийтэд ухуулж, сэтгэлзүйг нь бэлтгэх арга. Тэгж тэд олон нийтийн үзэл бодлыг өөрсдийн талд бэлдсэний дараа шийдвэр гаргахад олон нийт үнэхээр л нүдээ олсон шийдвэр гэж таатай хүлээж авна гэсэн үг. Дараагийнх нь Аливаа шийдвэр гарсны дараа тухайн шийдвэр л “хамгийн зөв” гэж олон нийтэд ойлгуулах арга. Сүүлийн арга нь “ Нийгмийг шуугиулсан аливаа сенсацийг өөр сенсациар дарах” арга юм. “60 тэрбум”-ын хэргийн дуулиан “ЖДҮ”-чдийн сенсацид дарагдсан шиг. Өөрсдийх нь талын “но” ил болмогц өөр анхаарал татсан шуугиан гаргаж ирэх нь троллуудын сайн чаддаг зүйл. Энэ аргаараа тэд улсаа худалдсан асуудлыг ч дарж чадхаар хэмжээнд хүрчихээд байна. Троллууд энэ мэтээр олон нийтийн санаа бодлыг дураараа удирдах чадвартай учраас улстөрчид өрсөлдөгч нарынхаа троллуудаас учиргүй айна. Тиймдээ ч гаргасан шийдвэр, эхлүүлсэн ажлыг нь шүүмжилж эхэлмэгц гаргасан шийдвэрээ цуцалж байсан тохиолдлуудыг бид олон харсан. Троллуудын энэ их хүч чадал нь улстөрчид нэрээ хэт их хичээдэг л оршиж байна. Улстөрчид троллууд олон хандалт авах тусам өөрийг нь олон нийт муухайгаар харж эхэлнэ гэж айдаг учраас л тэдгээр троллууд төрийн толгойд гарчихаад байна.

ЭХНЭР, НУУЦ АМРАГТАЙГАА НЭГ ОРОНД ОРОХ ДУРТАЙ Д.СҮНДИЙД 3 ЖИЛИЙН ХОРИХ ЯЛ ОНООЛОО

12 / 08 1 сэтгэгдэл 18 536 үзсэнe

Ардчилсан намаас улсын их хурлын 2020 оны сонгуульд өрсөлдсөн Нэткапитал ББСБ-ын ТУЗ-ын дарга Д.Сүндий 2019 онд өөрийн эхнэр болох Н.Ундрахын бие халдаж хүнд гэмтэл учруулсан байдаг. Тухайн үед тэрээр тус хэргээ хэрэгсэхгүй болгохын тулд нэр бүхий цагдаагийн алба хаагч нарт хахууль өгсөн мөн хэрэгт холбогдох хавтас хэрэг болон цугларсан нотлох баримтыг устгуулсан болох нь АТГ-н шалгалтаар тогтоогдсон юм. Тухайн үед Д.Сүндийгийн эхнэр болох Н.Ундрах цагдаагийн байгууллагад мэдээлэл өгөхдөө ноцтой олон мэдээллийг дэлгэж байсан. Тэрээр хүчирхийлэл үйлдсэн түүний нөхөр Д.Сүндий өөрийн нууц амраг болох Халиун гэх эмэгтэйг гэртэй авчирч хууль ёсны эхнэр, хүүхдүүдтэйгээ хамтран амьдардаг байсан гэх. Үүгээрч зогсохгүй хамтран амьдрагч болох Халиунаатай хамт гурвуулаа нэг өрөөнд нэг орон дээр унтана хэмээн эхнэртэй хүч хэрэглэдэг байсан хэмээн түүний эхнэр Н.Ундрах дурьдсан байдаг. Тодруулбал, шүүгдэгч Д.Сүндий эхнэртээ гар хүрч, хүндэвтэр хохирол учруулсан хэрэгт холбогдон шалгуулж байхад нь түүнд ашигтай байдлаар уг асуудлыг шийдвэрлүүлэхээр 2020 оны дөрөвдүгээр сард Д.Баттөгс 20 сая төгрөг захирлаасаа авч, 10 саяыг нь Сүхбаатар дүүргийн Цагдаагийн газрын мөрдөгч Т.Батсайханд, тавыг нь Хан-Уул дүүргийн Цагдаагийн I хэлтсийн мөрдөгч, ахмад Г.Даваажавт өгч, үлдсэн таван сая төгрөгийг нь өөртөө байлгаж байгаад үрж дуусгасан нь шалгалтын явцад илэрсэн юм. “Нэткапитал” ББСБ-ын ТУЗ-ийн дарга Д.Сүндий болон түүний удирддаг компанид ажилладаг байсан Д.Баттөгс, Хан-Уул дүүргийн Цагдаагийн I хэлтсийн мөрдөгч, ахмад Г.Даваажав, Сүхбаатар дүүргийн Цагдаагийн газрын мөрдөгч Т.Батсайхан нарт холбогдох хэргийг Хан-уул дүүргийн шүүх хэлэлцэн холбогдох хүмүүст ял оноолоо. Хан-уул дүүргийн эрүүгийн хэргийн анхан шатны Шүүх : 1. Нэткапитал” ББСБ-ын ТУЗ-ийн дарга Д.Сүндий цагдаагийн нэр бүхий алба хаагчдад хээл хахууль өгч, өөрийнхөө гэмт хэргийг хууль бусаар хэрэгсэхгүй болгуулсан гэм буруутай хэмээн үзэж, нийтийн албанд томилогдох эрхийг таван жил хасаж, гурван жил хорих ял оноожээ. 2. Алба хаагчдад хахууль өгсөн Д.Сүндийгийн компанид ажилладаг Д.Баттөгсийн эрхийг мөн 5 жилээр хасаж, 14 сая төгрөгөөр торгох 3. Хан-Уул дүүргийн Цагдаагийн I хэлтсийн мөрдөгч, ахмад Г.Даваажавын эрхийг мөн 5 жилээр хасаж, 4 жилийн хорих ял 4. Сүхбаатар дүүргийн Цагдаагийн газрын мөрдөгч Т.Батсайханы эрхийг 5 жилээр хасаж, 4 жилийн хорих ялаар шийтгэлээ.

МОНГОЛ УЛСЫН 60 ИРГЭН САМАР ТҮҮЖ ЯВААД ХИЛ ЗӨРЧИН ОХУ-Д СААТУУЛАГДЛАА

12 / 08 0 сэтгэгдэл 696 үзсэнe

2021 оны 12 дугаар сарын 07-ны өдөр Монгол Улсын тодорхой тооны иргэд 5 нэгж техниктэй хоёр улсын хил зөрчиж, ОХУ-ын талд саатуулагджээ. Эдгээр иргэдийг өнөөдөр буюу 2021 оны 12 дугаар сарын 08-ны өдөр хилийн бүрэн эрхт төлөөлөгчийн туслагчийн уулзалтаар хүлээн авахаар ОХУ-ын талтай тохиролцсон. Тухайн хэсэг нь Хан Хэнтийн тусгай хамгаалалттай газар бөгөөд битүү ой хөвч, уулархаг, бартаа саад ихтэй, тасралтгүй хяналт зохион байгуулахад хүндрэлтэй хэсэг юм. 2021 оны 1,2 дугаар сард Хэнтийн аймгийн Өмнөдэлгэр, Батширээт, Сэлэнгэ аймгийн Хүдэр сумын нутагт байрлах хилийн зурваст хил орчмын дэглэм зөрчсөн 35 удаагийн 485 хүн. Арваннэг, арванхоёрдугаар сард мөн хил орчмын дэглэм зөрчсөн 5 удаагийн 68 хүнийг улсын хилээс 1-15 км зайд илрүүлэн саатуулж, холбогдох хууль тогтоомжийн дагуу хариуцлага тооцон ажилсан байна. Харин сүүлд саатуулагдаад байгаа 60 иргэний хувьд самар түүж яваад хил давсан хэмээн үзэж байгаа юм.

ЦАГДААГИЙН АЛБА ХААГЧЫГ ХҮН АМИНЫ ХЭРЭГТ БУРУУТАЙ ХЭМЭЭН ШҮҮХ ҮЗСЭН Ч ӨРШӨӨЛИЙН ХУУЛИАР ЦАГААДАВ !

12 / 08 0 сэтгэгдэл 1 278 үзсэнe

Төв аймгийн Угтаалцайдам суманд тус аймгийн цагдаагийн хоёр албан хаагч энгийн иргэний аминд халдсан байж болзошгүй хэрэг 2019 оны есдүгээр сарын 23-ны өдөр гарсан байдаг. Уг хэргийн шүүх хуралдаан энэ долоо хоногт Төв аймаг дахь Сум дундын шүүхэд болсон юм. Шүүхээс тухайн хоёр алба хаагчын нэг болох Ө-г хүн амины хэрэгт хамааралгүй хэмээн үзэж цагаатгасан бол түүнтэй хамт явсан цагдаагийн хошууч У-г уг хэрэгт гэм буруутай хэмээн тогтоосон байна. Гэхдээ Төв аймгийн цагдаа У-г гэм буруутайд тооцсон ч Өршөөлийн тухай хуулиар цагаадаж, хохирогчийн хууль ёсны төлөөгчид 20 сая төгрөг гаргуулахыг шүүхээс тогтоожээ. Ингэснээр хүн амьны хэрэгт холбогдоод байсан цагдаагийн алба хаагчдын хэрэг цагаадаж хаагдлаа.

РЕППЕР LIL THUG E ХИМИЙН ЭМЧИЛГЭЭГЭЭ ХИЙЛГЭН, БИЕ НЬ САЙЖИРЧ ЭХЭЛЖЭЭ

12 / 08 0 сэтгэгдэл 500 үзсэнe

Реппер, ая зохиогч, продюсер Lil Thug E нь 2021 оны есдүгээр сарын 17-ны өдөр УТНЭ-ийн шинжилгээний дүгнэлтээр цусны цочмог хорт хавдартай болох нь оношлогдсон билээ. Тиймээс түүний дотнын нөхөд, салбарынх нь уран бүтээлчид болон Монгол түмэн нь хандивын аян эхлүүлээд буй. Эмчилгээний нийт зардал болох 650 сая төгрөгийг бүрдүүлэхийн тулд монголчууд уг аянд идэвхтэй нэгдэж байна. Тэгвэл одоогийн байдлаар уг мөнгөн дүнгийн 93 хувь буюу 603.2 сая төгрөг бүрдсэн бөгөөд түүний биеийн байдал хэвийн, химийн эмчилгээндээ орж байгаа гэв. Lil Thug E-ийн хандивын аянд оролцохыг элэг нэгт монголчууддаа уриалж байна. ХАНДИВЫН ДАНС: ХААН БАНК – 5163496119, Л.Ганчимэг

СОГТУУРСАН ҮЕДЭЭ ЭХНЭРИЙНХЭЭ АМЬ НАСЫГ ХОХИРООЖЭЭ

12 / 08 0 сэтгэгдэл 524 үзсэнe

Чингэлтэй дүүргийн нутаг дэвсгэрт 12-р сарын 07-ны өдөр нэгэн ноцтой хэрэг бүртгэгджээ. Хэргийг тодруулбал дэнжийн дугаар тоотод оршин суух эрэгтэй 32 настай Д.Ганбат согтууруулах ундааны зүйл хэрэглэсэн үедээ өөрийн эхнэр болох эмэгтэй 31 настай О-ийн нүүрэн тус газар нь нэг удаа цохиж амь насыг нь хохироожээ. Одоогоор тус хэргийг Чингэлтэй дүүргийн цагдаагийн 2-р хэлтэс шалгаж байна. НЭМЭЛТ : Хэрэгт шалгагдаж байгаа Д.Г-нь манай эхнэр гэртээ нас барсан байна гэх утга бүхий зүйлийг өөрийн ах Э.Д-д мэдэгдсэнээр цагдаагийн бие бүрэлдэхүүн очиж шалгасан байна.

МОНЛАА ХХК МОНГОЛД “ДААМ” ГАРАХ ЭРХИЙГ ХЯТАДУУДАД ОЛГОЖ , ХАРИН МОНГОЛ АЖИЛЧДЫН ЦАЛИНГ ӨГӨЛГҮЙ ХОХИРООЖ , ТОНОГ ТӨХӨӨРӨМЖИЙГ НЬ ДЭЭРЭМДЖЭЭ

12 / 07 0 сэтгэгдэл 3 409 үзсэнe

Өнгөрөгч 2018 онд Дорноговь аймгийн Хатанбулаг суманд нутгийн иргэд зам хааж байгаад хужаа нартай цалингийн гэрээ байгуулж байжээ. Тэр нь Хатанбулаг сумыг ухаж там болгож байсан Монлаа компанийн Хятад улстай хамтарсан “Элстэйн төмрийн хүдрийн уурхай”-гаас хил рүү явдаг замыг хэсэг малчид машин мотоциклтойгоо хааж хэд хоносоны хүчинд 60 гаруй өрхөд сар тутамд 240 мянган төгрөгийн ногдол ашиг олгож байхаар 20 жилийн хугацаатай хэмээн тохирч , Монгол малчдыг Хятад ажилтнууд зарцалж дарласаар ирэх боломжоор хангаж өгчээ. Үүний ард Монлаа ХХК төмрийн хүдрийг нүсэр шалаанзуудаараа ачиж зөөвөрлөн ашиг олох ажиллагаагаа тасралтгүй явуулах боломж нөхцөлөөр хэсэгтээ л хангагдаж чаджээ. Тэгвэл тус компани хөгжлийн банкнаас 5.6 тэрбум төгрөг зээлж авсан боловч зээлээ эргэн төлж барагдуулаагүйгээр барахгүй ажилтнуудынхаа хөдөлмөрлөсөн хөлсийг нь ч төлдөггүй аж. Хятадуудад бөхөлзөж хэд дахин нугалан төлдөг боловч та бидний татварын мөнгөнөөс түр хэрэглээд эргүүлэн төлчихье хэмээн залилан залгиад зогсохгүй хөдөлмөрлөж хөлсөө дуслуулан яваа эгэл ажилчдыг ч хохироож хоцроочихоод хариуцлагаас мултарч хуулийг гууль болгохыг санаархах болжээ. Монголчуудын хөдөлмөрлөсөн хөлсийг үнэгүйдүүлэхийн зэрэгцээ короновирусын цар тахлын хөл хориотой хүнд цаг үед уурхай дээрээсээ ажилчдаа гэнэтхэн гэрээ цуцаллаа гэх шалтаг хэлж хөөж гаргахдаа гүйцэтгэгч байгууллагын 20 гаруй сая төгрөгийн багаж хэрэгсэл техник тоног төхөөрөмжийг нь өгөлгүй булаан авч үлдсэн байдаг. Тодруулбал : Өнгөрөгч 2020 оны 07-р сарын 01-ний өдөр хамтран ажиллах гэрээ байгуулж Монлаа ХХК-ын ерөнхий захирал Хишигжаргалын Энхсайхан захиалж Мастер генератор повер ххк-ийг ажил гүйцэтгүүлэхээр гэрээлж Монгол залуусыг ажиллуулсан хэрнээ цалинг нь олгоогүй дизел генераторынх нь засварыг гардан гүйцэтгэсэн залуус цалин ч гүй тоног төхөөрөмж үгүй хүндхэн байдал оржээ. 2020 оны 7-р сараас 2021 оны 7-р сар хүртэл гүйцэтгэхээр зааж бүтэн жилээр гэрээ байгуулсан боловч өнгөрөгч 2р сард ийнхүү үндэслэлгүйгээр байгуулсан гэрээгээцуцлалаа хэмээн хэлж тэр даруй ажилчдыг нь хөл хорионы үеэр хөл дүүжлэх унаа тэрэг ч гүй хөдөө уурхайгаасаа хөөхдөө хэд хэдэн тоног төхөөрөмжийг нь үлдээж хоцроон боловсон аргаар дээрэмджээ. Тэр хүртэл ажилласан ажилтнууд ажлын гүйцэтгэл өндөр үзүүлэлттэй байсан боловч одоо авсан цалин ч үгүй тоног төхөөрөмж ч үгүй үлдэж хоцорчээ. Хятадуудад бөхөлздөг Монгол компани болон удирдлагуудад нь дээрэлхүүлж дээрэмдүүлсэнээс хойш жил болж байна. Энэ жишгээр Монлаа гэх компанид хулхидуулсан залилуулсан олон аж ахуй нэгж олон иргэд байдаг гэдгийг уул уурхайн зарын дурын сайтаас орж харахад энэ мэт ил байна... Монлаа ХХК Монголд хэрхэн хуулиас далдуур ашиг хонжоо олж болох буруу бүхнийг түүчээлэн явааг хөгжлийн банкнаас зээлсэн мөнгөө эргүүлэн төлөөгүй байгаа энгийн жишээгээр нотлож болно. Зээлсэн мөнгөө эргүүлэн барагдуулдаггүйн зэрэгцээ улсад татвар төлөхөөс зайлсхийж урд хилээр бэлэн мөнгө их хэмжээгээр нь оруулж ирэн найман шарга дээр солиулж байгаад нэг бус удаа илчлэгдэж байжээ. Гэсэн хэдий ч өөрийн байгууллагын ажилтнуудынхаа нийгмийн болон эрүүл мэндийн даатгалыг ч төлдөггүй нийгмийн хариуцлага гэдгээ энэ мэтээр огт ухамсарлалгүйгээр 1997 оноос хойш өнөөг хүртэл буруу замаар будаа тээсээр яваа бололтой. Хятадад бөхөлздөг хэрнээ Монгол залуусаа залилж хохироож дээрэмдсэн Монлаа компанийн Хишигжаргалын Энхсайхан ерөнхий захирал болон түүний залгамж халаа болж яваа хүү Эрхэмсайхан нарт сануулж байгааг уламжиллаа. Мөн тус компанитай холбоотой ноцтой мэдээллүүдийг бид цувралаар мэдээлсээр байх болно...

ЗАЛУУ УРАН БҮТЭЭЛЧДИЙГ : "ХЯТАД СОЁЛЫГ СУРТАЛЧИЛСАН , ХУЖААГИЙН ШЭЭС" ГЭХ ЗЭРГЭЭР ЗҮХЭЖ ДОРОМЖЛОХ БОЛСНЫ ЦААД ШАЛТГААН ЮУНД БАЙНА ВЭ

12 / 07 0 сэтгэгдэл 5 704 үзсэнe

Нэг үеэ бодоход манай уран бүтээлчид гадны улсуудын уран бүтээлүүдийг гайхалтай коверлон дуулах болсон. Үүний нэг Ц.Отгонсүрэн, Ц.Оюунбилэг нар БНХАУ-д хэдийнээ хит болж амжсан нэгэн уран бүтээлийг коверлон Монгол хэлнээ дуулсан байдаг. Тус уран бүтээл ч олны таашаалд нийцэж, сошиалд ч тун хандаллтай байгаа. Гэвч өндгийг ч өөтэй хэмээн шүүмжилдэг муухай Монгол зангаар зарим иргэд Тэднийг Хятад дууг дуулахдаа буруу орчууллаа, Хятад хэл мэдэхгүй бололтой гэх зэргээр харлуулах оролдлого удаа дараа гарч үүний зэрэгцээ Хятад дууг эх хэлнээ амилуулан туурвисан уран бүтээлчдийг "Хятадуудыг сурталчиллаа" "Хятадын шээс" гэх зэрэг шүүмж гэхээс илүүтэй доромж харьцаа хандлагыг ч сошиол хэрэглэгчид үзүүлж амжжээ. Харин энэ мэт шүүмж болоод доромжийг тус дүүг коверлон дуулсан залуу уран бүтээлчид ойшоохгүй байгаа бeгeeд Хятад хэл дээрх дууг эх хэлнээ хөрвүүлэн дуулахдаа Монгол хэв маягт нийцүүлэн, тохирох үгсээр орлуулан олонд хүргэсэн хэмээж буй. Тэдний дуулсан уран бүтээл нь өнөөгийн нийгэмд нилээдгүй хандалтыг авсан бөгөөд гадаадын бусад орны уран бүтээлчид ч тус уран бүтээлийг eep eeрсдийнхөөрөe коверлон дуулж уралдаан тэмцээнд оролцох болсон уран бүтээл юм байна. Шүүмжлэл дагуулсан ч түүнээс илүү сайшаал хүртсэн тэдний уран бүтээлийг хүргье...

УЛСЫН НАЧИН Э.ЭНХБАТ СОЛОНГОСТ ЭМНЭЛГИЙН ОРОН ДЭЭР 8 САР АМЬДРАЛЫН ТӨЛӨӨ ТЭМЦЭЖ БАЙНА

12 / 07 0 сэтгэгдэл 11 565 үзсэнe

Монгол улсын анхны Олимпийн аварга, хөдөлмөрийн баатар Н.Түвшинбаяр дөрөвдүгээр сарын 2-ны өдөр согтууруулах ундаа хэрэглэсэн үедээ өөрийн сайн найз болох Улсын начин Э.Энхбатын биед ноцтой гэмтэл учруулсан байдаг. Ноцтой гэмтэл авсан Улсын начин Э.Энхбат Солонгос улсад 2 эмнэлэг дамжин өдгөө 8 дахь сардаа эмчлүүлж байна. Гэтэл түүнд гэмтэл учруулсан гэх Олимпийн аварга Н.Түвшинбаяр өнөөдрийн байдлаар хэл ам намжтал найрамдал зусланд хаус бариулан чимээгүйхэн амарч суугаа бололтой. Үүгээр ч зогсохгүй хэрэгт холбогдоод байгаа Н.Түвшинбаярын өмгөөлөгч Улсын начин Э.Энхбатыг арагшаагаа өөрөө савж унасан гэх утга бүхий гомдол гаргасан сурагтай. Эр хүний жудаг гэх зүйлийг үлгэрлэн нийт Монголчуудаа баярлуулан аварга хэмээн цоллогдож. Үүгээр ч зогсохгүй Үндэсний бөхөөр ч улсын цол авч Монгол түмний хайртай аварга болоод байсан юм. Тиймээс ч түүний 2008 оны 8-р сарын 25-нд Монгол Улсын Ерөнхийлөгчийн зарлигаар Монгол Улсын Хөдөлмөрийн баатар цол, Сүхбаатарын одон, Алтан соёмбо тэмдэг, Монгол Улсын гавьяат тамирчин цол олгож. Үүнийхээ дараа МҮОХ-ны ерөнхийлөгчөөр сонгогдон ажиллаж байхдаа ноцтой хэрэгт холбогдож олон нийтийн шүүмжлэлийн бай болсон байдаг. Гэтэл одоогийн байдлаар түүний сайн найз болох Э.Энхбат начингын биеийн байдал төдийлөн сайжралгүй 8 сарын нүүр үзэж байхад тэрээр Найрамдал зуслангийн хашаан дотор, хамгаалалттай бүсэд хувийн хаусдаа амарч суугаа бололтой. Харин цэл залуу эрүүл саруул байсан Улсын начин Э.Энхбат Солонгосын эмнэлэгт 8 сар тарчилж, амьдралд эргэн ирэх гэж тэмцсээр байна.

ОЛИМПИЙНАВАРГА Н.ТҮВШИНБАЯРТ 5-12 ЖИЛИЙН ХОРИХ ЯЛ ОНООХООР ЗҮЙЛ АНГИЙГ НЬ ХҮНДРҮҮЛЖЭЭ

12 / 07 0 сэтгэгдэл 11 674 үзсэнe

Монгол улсын хөдөлмөрийн баатар, Олимпийн аварга Н.Түвшинбаяр улсын начин Э.Энхбатын биед хүнд гэмтэл учруулсан хэргийг хуулийн байгууллага шалгаад нилээд удаан хугацаа өнгөрлөө. Тэгвэл уг хэргийг Хан-Уул дүүргийн цагдаагийн нэгдүгээр хэлтэст дахин шалгаж, нэмэлт мөрдөн байцаалт хийгээд, дахин Хан-Уул дүүргийн прокурорт яллах дүгнэлт үйлдүүлэхээр шилжүүлсэн талаар мэдээлэл гарсан. Тэгвэл прокуророос тухайн хэргийг Эрүүгийн хуулийн 11.1.2 дахь хэсэгт зааснаар хүний биед санаатай гэмтэл учруулах гэмт хэргийг үйлдэхдээ зэвсгийн чанартай зүйл ашигласан гэх зүйл ангиар яллах дүгнэлт үйлдэж, шүүхэд шилжүүлжээ. Өөрөөр хэлбэл зүйл ангийг нь хүндрүүлэн авч үзсэн байна. Хэрэв тухайн зүйл ангиар Олимпийн аварга Н.Түвшинбаярыг яллавал 5-12 жилийн хорих ял эдлэх юм. Н.Түвшинбаярт холбогдох тухайн хэргийг өмнө нь Монгол Улсын Эрүүгийн хуулийн 11.1.1 буюу бусдын биед санаатайгаар хүнд гэмтэл учруулсан гэх үндэслэлээр яллах дүгнэлт үйлдүүлэх санал гаргаж прокурорт шилжүүлээд байсан ч хохирогчийн өмгөөлөгчийн хүсэлтээр нэмэлт ажиллагаа хийлгэхээр мөрдөн байцаалтад буцаагаад байсан юм. Ингэснээр магадгүй Монгол түмний хайр хүндлэлийг хүртэж анхны Олимпын аварга хэмээн цоллогдож байсан аварга маань нэлээд удаан хугацааг төмөр торны цаана өнгөрүүлэхэд ойрхон иржээ.