12-13 ОРЧИМ НАСНЫ ХҮҮ ЧАРМАЙ НҮЦГЭН ХҮҮ АЙЖ, ТҮГШСЭН БАЙДАЛТАЙ ТӨВ ЗАМААР АЛХАЖ БАЙЖЭЭ

Өнгөрөгч шөнө /2022.05.25/ 03:00 цагийн үед СХД-ийн 29-р хороо, Драгон төвийн орчим 12-13 орчим насны хүү чармай нүцгэн хүү айж, түгшсэн байдалтай төв замаар алхаж байжээ. Улмаар эл явдлыг харсан иргэн хүүг хүчирхийллийн хохирогч болсон байхвий хэмээн сэрэмжилж, цагдаагийн 102 дугаарын утас руу залгасан байна. Тэрбээр энэ тухайгаа цахим орчинд: “Яаралтай цагдаагийн 102 дугаар руу залгалаа. Гэвч зогсоо зайгүй завгүй дохио өгөөд байв. Аргаа бараад СХД-ийн цагдаа гэж хайтал зурагт харагдаж байгаа 70-тай дугаар нь ашиглалтад байхгүй. Дараагийн 94-тэй дугаарыг олоод залгатал манай 3-р хэлтэс байна чи 94-тэй дугаар руу залга гэлээ. Дахиад л өгсөн өөр дугаар руу нь залгатал “Замынхаа урд талд бол манай дүүрэг бишээ 8822 дугаар шүү тийшээ залга” гэв. Би ч за яадаг ч байсан энэ нялх амьтныг ямар ч шалтгаантай байсан орхиж болохгүй гэсэн бодлоор дахиад л залгав. 2,3 удаа залгатал өнөөх БГД-ийн цагдаа гуай нь утсаа авсангүй ээ. Нөгөө хүү ч цаашаа алхаж одов. Ардаас нь нилээн дагасан ч би өөрөө тэр хүүг айлгаад байгаа бололтой юу ч хийж чадалгүй үлдлээ. Үнэхээр энэ хүү хүчирхийлэлд өртөөгүй өөр ямар нэг шалтгаанаар ингэж яваа байсан ч ийм шөнөөр хараа хяналтгүй ингэж явуулах эцэг эхийг олж анхааруулах хэрэгтэй. Иргэний үүргээ бүрэн биелүүлж чадаагүй надад ч хариуцлага тооцмоор. Бас ганцхан зам гараад учир шалтгааныг нь гаргаад өгч болдоггүй цагдаа, хуулийн тогтолцоонд ч болдог бол хариуцлага тооцмоор байна” гэжээ.

ШИВЭЭХҮРЭН БООМТЫН НЭВТРЭХ ЧАДВАРЫГ НЭМЭГДҮҮЛЭХ АЧАА ТЭЭВРИЙН ТЕРМИНАЛ 9 САРД АШИГЛАЛТАД ОРНО

Монгол улсын Ерөнхий сайд Л.Оюун-Эрдэнэ болон Засгийн газрын гишүүд УИХ-ын гишүүн Д.Бат-Эрдэнэ, аймгийн Засаг дарга Р.Сэддорж нар Шивээхүрэн-Сэхээ боомтод ажиллаж байна. 7 сар гаруйн хугацаанд хаалттай байсан Шивээхүрэнгийн боомт өчигдрөөс хэвийн горимд шилжсэн. Цаашид тус боомтын нэвтрэх чадварыг нэмэгдүүлэх арга хэмжээг авч ажиллана.

ШИВЭЭХҮРЭН БООМТЫН НЭВТРЭХ ЧАДВАРЫГ НЭМЭГДҮҮЛЭХ АЧАА ТЭЭВРИЙН ТЕРМИНАЛ 9 САРД АШИГЛАЛТАД ОРНО

Монгол улсын Ерөнхий сайд Л.Оюун-Эрдэнэ болон Засгийн газрын гишүүд УИХ-ын гишүүн Д.Бат-Эрдэнэ, аймгийн Засаг дарга Р.Сэддорж нар Шивээхүрэн-Сэхээ боомтод ажиллаж байна. 7 сар гаруйн хугацаанд хаалттай байсан Шивээхүрэнгийн боомт өчигдрөөс хэвийн горимд шилжсэн. Цаашид тус боомтын нэвтрэх чадварыг нэмэгдүүлэх арга хэмжээг авч ажиллана.

ТӨРИЙН ӨМЧИТ БИО КОМБИНАТ ХХК Д ХОХИРСОН ИРГЭН ОДОО БОЛТОЛ ЭРХ НЬ ЗӨРЧИГДСӨӨР БАЙНА

БОРНУУР СУМАНД ХЯТАДУУД ИРГЭДИЙГ АЙЛГАДАГ БАЙСАН БОЛ ОДОО СПОРТ ӨДӨРЛӨГ ЗОХИОН БАЙГУУЛАХ БОЛЖ ТҮҮНИЙГ НЬ ТӨР ЗАСАГ НЬ ДЭМЖЖЭЭ

“ХАН ВИЛЛА” БАРИЛГЫН ТАЛБАЙД БАГА НАСНЫ ХҮҮХЭД ДЭЭР ТӨМӨР УНАСАН ОСОЛ ГАРЛАА !!!

САРМАГЧНЫ ЦЭЦЭГ ӨВЧНИЙ ТУУРАЛТ НҮҮР, ГАРЫН АЛГА, ХӨЛИЙН УЛ, АМ, НҮД ЗЭРЭГ БИЕИЙН АЛЬ Ч ХЭСЭГТ ГАРЧ БОЛНО

Сармагчны цэцэг өвчний (monkeypox) вирус нутагшмал тархалттай орноос гадна Их Британи, Умард Ирландын Нэгдсэн Вант Улс, АНУ, Канад, Испани, Португал, Швед, Итали зэрэг нутагшмал бус 11 оронд бүртгэгдээд байна. Тиймээс Дэлхийн Эрүүл Мэндийн Байгууллага (ДЭМБ) судлаачидтай хамтран нөхцөл байдлыг үнэлж, тандалт судалгааг өргөжүүлэх, улс орнуудад заавар зөвлөгөө өгөхөөр ажиллаж байна. Олон улсад бүртгэгдсэн энэ өвчний үед дараах шинж тэмдэг илэрч байгаа аж. Тодруулбал Халуурах Толгой өвдөх Булчин, үе мөчөөр өвдөх Арьсаар тууралт гарах Тунгалгийн булчирхай хавдах Бие арзайх Тууралт нь ихэвчлэн халуурч эхэлснээс хойш 1-3 хоногийн дотор гарах бөгөөд шаргал шингэнээр дүүрсэн шархлаат тууралт байдаг. Уг өвчний тууралт нүүр, гарын алга, хөлийн ул, ам, бэлэг эрхтэн, нүд зэрэг биеийн аль ч хэсэгт гарч болно хэмээн Эрүүл Мэндийн Яамнаас (ЭМЯ) мэдээллээ. Африк тивээс гаралтай сармагчны цэцэг өвчин нь Poxviridae овгийн Orthopoxvirus төрөлд багтдаг сармагчны вирусээр үүсгэгддэг, цагаан цэцэг өвчинтэй төстэй боловч хүндрэл багатай. Уг өвчний шинж тэмдэг ихэвчлэн 2-4 долоо хоног үргэлжилдэг ба сармагчны цэцэг өвчин нь өвчтэй хүн, амьтантай ойр харьцах үед дуслаар эсхүл вирусээр бохирдсон эд зүйлсээр дамжин халдварладаг. Өвчнөөс урьдчилан сэргийлэх аргын талаар Нийгмийн Эрүүл Мэндийн Үндэсний Төвөөс (НЭМҮТ) зөвлөлөө. Тодруулбал Зэрлэг амьтанд хүрэх, зэрлэг амьтны мах, бусад эрхтнийг түүхийгээр идэхийг хориглох Мах, махан бүтээгдэхүүнийг сайтар болгож идэх Гараа тогтмол угаах, халдвартай хүний эд зүйлсийг хуваалцахаас зайлсхийх Эмнэлгийн ажилтан, мэргэжилтнүүд халдвар хамгааллын дэглэмийг чанд сахихыг анхааруулж байна.

АТҮТ-ИЙН ДАРГА Б.ГҮРСОРОНЗОН ТА АЖЛАА ӨГНӨ ҮҮ !!!

АТҮТ -ийг өөрийнхөө байрандаа үнэгүй байлгаж, дагалдах үйлчилгээнүүдийн түрээсээр хөлжихийг санаархагчид үеийн үед байсаар ирсэн. Энэхүү эрх ашгаас хол байж ёстой АТҮТ-ийн дарга Б.Гүрсоронзон будлиан хутгаж, хариуцлагаас мултрахын тулд ажилчдаараа тайлбар өгүүлэн өөрөө сэтгүүлчээс зугтан байна. Нураах шүүхийн шийдвэр гарсан барилгад үйл ажиллагаа явуулна, улсын комисс хүлээж аваагүй барилгад түрээсийн төлбөр төлөхгүй суухыг санаархаж байна. Түүний энэ санаархлын хамсаатан нь дугаарын ченж Олзвой, мөнгө хүүлэгч Б.Лхагвасүрэн нар. Хамсаатнууд нь сэтгүүлчийг мөнгөөр дуугүй болгох гэж үзнэ, мөнгийг нь авахгүй бол сүрдүүлдэг Буруу гарын улс. Буруу гарын улс нь дугаарын дуудлага худалдааг будлиантуулж, зохиомол үнийн хөөрөгдөл үүсгэж, тэрүүхэндээ мафижсан гэдгийг учир мэдэх нэгэн нь хэлдэг, ярьдаг. Монгол улсын жирийн иргэн нь ганц машинаа оношилгоонд оруулах гэж зовж байхад дугаарын ченж нь 107 машин хаанаас ч юм гаргаж ирээд, л оношилгоонд оруулчихсан зарчихсан, будлиантуулсан байгаа юм. Б.Гүрсоронзон даргаа таны үед АТҮТ-ийн хотын салбарууд үүдээ барилаа. Таны дарга байх үед алба хаагчид чинь аавын хаалга татсаар байна. Удахгүй алба хаагчид чинь аавын хаалга татах нь ээ. Төрийн хуулийг төрийн дарга л хамаагүй гэх эрх мэдэлтэй юм Ерөнхий сайд аа? ЭХ сурвалж : tac.mn

Д.ГАНБАТ: ДОРОМЖЛОХ, ГҮТГЭХ ЗААЛТЫГ ЭРҮҮГИЙН ХУУЛЬД ОРУУЛЖ БОЛОХГҮЙ

УИХ дахь АН-ын бүлэг өнөөдөр /2022.05.23/ ээлжит хуралдаанаа хийлээ. Хуралдааны дараа тус намын бүлгийн дарга, УИХ-ын гишүүн Д.Ганбат нар мэдээлэл хийв. Тэрбээр "Эрүүгийн хуулийн өөрчлөлтийг хэлэлцэнэ. Үүнд, дэмжих боломжгүй хэдэн заалт байна. Тухайлбал, хэвлэлийнхэн та бүхэнтэй холбоотой доромжлох, гүтгэх заалтыг Эрүүгийн хуульд оруулж ирж байна. Бид 2015 онд Эрүүгийн хуульд өөрчлөлт оруулж байсан. Хэвлэлд үзэл бодлоо илэрхийлсний төлөө гүтгэх заалтаар эрүүгийн хариуцлага хүлээж болохгүй. Нөгөө талаараа Эрүүгийн хэрэг хянан шийдвэрлэх тухай хуульд мөрдөгч эрүүгийн хариуцагчдыг албадан ирүүлэх тухай заалт оржээ. Энэ бол хор хөнөөлтэй зохицуулалт юм. "гэв.

Я.Содбаатар: Уур амьсгалын өөрчлөлт, цөлжилттэй тэмцэхэд гаднын хөрөнгө оруулалтыг татах ач холбогдолтой хурал манай улсад болно

НҮБ-ын цөлжилттэй тэмцэх конвенцын талуудын 17 дугаар бага хурлыг (COP17) 2026 онд Монгол Улсад зохион байгуулах талаар Ерөнхийлөгчийн Тамгын газраас мэдээлэл хийлээ. Ерөнхийлөгчийн Тамгын Газрын дарга Я.Содбаатар "НҮБ-ын цөлжилттэй тэмцэх суурь конвенцод 196 орон нэгдэн ороод байна. Бүгд Найрамдах Кот Д’Ивуар Улсын Абиджан хотноо болсон хуралд 189 орны 7,000 гаруй төлөөлөгч нар оролцсон. Уг конвенцын талуудын 17 дугаар бага хурлыг 2026 онд Монгол Улсад зохион байгуулахаар боллоо. Манай улсад болох уг хуралд үүнээс олон төлөөлөгч ирэх магадлалтай. Дэлхийн уур амьсгалын өөрчлөлт, цөлжилт, газрын доройтлыг бууруулах чиглэлээр олон орны төлөөлөгч, төр засгийн удирдлагууд ирж байр сууриа илэрхийлдэг томоохон хурлыг анх удаа эх орондоо хийхээр болоод байна. Энэ нь Монгол Улсын байгаль орчин, уур амьсгалын өөрчлөлт, цөлжилтийн эсрэг гаргаж байгаа үйл ажиллагааны идэвх чармайлтыг өндрөөр үнэлж байна гэж бид үзэж байна. Олон улсын тавцанд Монголчууд өөрсдийгөө сурталчлах, цөлжилттэй тэмцэж байгаа өнөөгийн нөхцөл байдлаа олон улсын түвшинд гаргаж тавьж, үнэн зөвөөр ойлгуулах, уур амьсгалын өөрчлөлт, цөлжилттэй тэмцэх чиглэлээр гаднын хөрөнгө оруулалтыг татах, техник технологийг нэвтрүүлэхэд уг хурлын гол ач холбогдол оршиж байгаа. Бэлтгэл ажил их чухал" гэлээ. Байгаль орчин, аялал жуулчлалын сайд Б.Бат-Эрдэнэ "Тавдугаар сарын 9-20-ны хооронд явагдсан цөлжилтийн эсрэг конвенцод Монгол Улс албан ёсны гишүүн орныхоо хувьд оролцоод ирлээ. Сая 15 дугаар дээд хэмжээний уулзалт амжилттай болсон. 16 дугаар хурлын хувьд Саудын Араб улс зохион байгуулна. Амьдралын эх нь газар гэсэн уриатайгаар энэ удаагийн хурал амжилттай зохион байгуулагдсан. Цөлжилт хүн төрөлхтний өмнө тулгамдсан асуудал болоод байгааг дэлхийн бүх орны төлөөлөгч нар илэрхийлж байна. Ерөнхийлөгчийн санаачилсан "Тэрбум мод" үндэсний хөдөлгөөний талаар бид ярилцсан. Энэ нь зөвхөн мод тарьж ургуулах тухай асуудал биш. Хөрсний доройтол, цөлжилтийн эсрэг хийгдэж байгаа маш том агуулгатай ажил юм. 17 дугаар хурлыг Монгол Улсад амжилттай зохион байгуулахын тулд хичээн ажиллах болно. Өнөөдрөөс ажлын хэсгээ байгуулж, COP17-г амжилттай зохион байгуулахын тулд "Тэрбум мод" үндэсний хөдөлгөөн, хөрсний судалгаа, чийгшилтийн асуудлыг бүс нутгийн хэмжээнд хэлэлцэн шийдвэрлэх шаардлагатай" гэв.