Б.ЖАВХЛАН: МОНЦЕМЕНТ, МАКЦЕМЕНТ ДОТООДЫНХОО ЭРЭЛТИЙГ ХАНГАЖ ДИЙЛЭХГҮЙ БАЙНА

09 / 14 0 сэтгэгдэл 543 үзсэнe

Засгийн газрын ээлжит хуралдаан өнөөдөр болж, импортын цементийн татварыг арванхоёрдугаар сарын 31 хүртэл тэглэх шийдвэр гаргажээ. Дотоодын цементийн хэрэгцээгээ бүрэн хангах үйлдвэрүүдтэй мөртлөө тэднийг дэмжих бус, импортын бүтээгдэхүүний татварыг тэглэж буй нь шүүмжлэл хүлээж байна. Энэ талаар Сангийн сайд Б.Жавхлан хэлэхдээ: “Тооцоолсноор, энэ шийдвэр хэрэгжсэнээр зах зээлд үүсээд буй 500-600 мянган төгрөгийн үнийн өсөлт 400 мянга орчимд очих бүрэн боломжтой. Монцемент, Макцемент бүрэн хүчин чадлаараа ажиллаж байгаа. Гэвч дотоодын өсөн нэмэгдэж байгаа эрэлтийг хангаж дийлэхгүй байна. Үүнд Хөтөлийн цементийн үйлдвэр зогссон нь ч нөлөөлж буй. Хөтөл, Монцемент, Макцемент тус бүр 1 сая тонн цемент үйлдвэрлэх боломжтой. Гэвчиг бүрэн хүчин чадлаараа ажиллах бололцоо байхгүй байгаа тул богино хугацааны, түр зуурын арга хэмжээ авахаас өөр аргагүй болж байна. Эцсийн эцэст нийтийн, хэрэглэгчдийн эрх ашгийг хамгаалсан шийдвэр юм. Хөтөлийн хувьд төлөвлөгөөний дагуу, техникийн шинэчлэлийн улмаас зогссон гэдэг тайлбар өгч байгаа. Нийт 30 хувийн татвар гэдэг дотоодын үйлдвэрүүдээ тултад дэмжиж ирсэн бодлого. Гэтэл эцсийн дүндээ зах зээлийн хэт савлагаанаас хамгаалах ийм арга хэмжээ авахаас өөр арга байхгүй боллоо. Хугацаа он дуустал гарлаа, цаашид яахыг тухайн үеийн нөхцөл байдлаас шалтгаалж шийднэ” гэсэн тайлбар өглөө.

БЭЛГИЙН ДАРАМТ ҮЗҮҮЛДЭГ ГЭХ Б.ПҮРЭВ-ОЧИР ДАСГАЛЖУУЛАГЧИЙГ ҮҮРЭГТ АЖЛААС НЬ ЧӨЛӨӨЛЛӨӨ

09 / 14 0 сэтгэгдэл 1 135 үзсэнe

Монгол Улсын боксын шигшээ багын тамирчин охидод бэлгийн дарамт үзүүлж, хэл амаар байнга доромжилж байсан гэх асуудал 2017 оноос үүсчээ. Энэ талаарх гомдлыг тус холбооны тамирчин охид хамтран Олимпийн холбоонд хүргүүлсэн байна. Энэ дагуу Монголын боксын холбооны ахлах дасгалжуулагч Б.Пүрэв-Очирыг ажлаас нь өчигдөр шөнө чөлөөлсөн талаар ХЗДХ-ийн сайд Х.Нямбаатар өөрийн твиттер хуудсандаа жиргэжээ. Ингэхдээ, "Боксын холбооны Удирдах зөвлөл өчигдөр хуралдаж эмэгтэй багийн дасгалжуулагчийг чөлөөлсөн. Мөн Боксын холбооны зүгээс түүнтэй холбогдох хэргийг холбогдох хууль тогтоомжийн хүрээнд шалгуулахаар цагдаагийн байгууллагад хандсан болно" гэсэн байна.

“ҮНЭГҮЙ.МН САЙТАД БАЙР ТҮРЭЭСЛҮҮЛНЭ” НЭРИЙДЛЭЭР БУСДЫГ ЗАЛИЛАХ НЬ ИХЭСЧЭЭ

09 / 14 0 сэтгэгдэл 483 үзсэнe

Баянгол дүүрэг дэх цагдаагийн газрын Нэгдүгээр хэлтсийн Эрүүгийн цагдаагийн тасгийн алба хаагчид “Үнэгүй.мн сайтад байр түрээслүүлнэ” гэх зар нийтэлж бусдыг залилсан этгээдүүдийг илрүүлэн шалгаж байна. Тодруулбал, 19 настай, эмэгтэй “А” болон 23 настай, эрэгтэй “Т” нар нь 2022 оны 06 дугаар сараас хойш цахим орчинд байр түрээслүүлэх худал зар нийтэлж, одоогоор 17 удаагийн үйлдлээр бусдыг залилсан нь тогтоогдоод байна. Иймд байр түрээслэхээр залилуулсан иргэд тус цагдаагийн хэлтэст хандан хамтран ажиллах хэрэгтэй байна: Байр, орон сууц зарах, түрээслэх зар, мэдээллийг ашиглан бусдыг залилах тохиолдол цагдаагийн байгууллагад бүртгэгдэж байгаа тул аливаа мэдээллийн үнэн, зөв эсэхийг сайтар нягталж энэ төрлийн гэмт хэргээс урьчилан сэргийлэхийг цагдаагийн байгууллагаас сэрэмжлүүлж байна.

ЦЕМЕНТИЙН ИМПОРТЫН ТАТВАРЫГ ОН ДУУСТАЛ ТЭГЛЭЛЭЭ

09 / 14 0 сэтгэгдэл 468 үзсэнe

Сангийн сайд Б.Жавхлан Засгийн газарт санал оруулж цементийн импортын татварыг он дуустал тэглэв. Ташрамд дурдахад, өнөөдрийн ЗГ-ын хуралдаанаар хувийн хэвшлээр гүйцэтгүүлэх ажил, үйлчилгээний талаар авах зарим арга хэмжээний тухай Засгийн газрын тогтоол, автомат удирдлагатай чингэлэг тээврийн терминал байгуулах тухай Засгийн газрын тогтоол болон бусад 25 асуудлыг хэлэлцэж буй юм.

НДЕГ-ЫН ДАРГА Д.ЗОРИГТЫГ АЛБАН ӨРӨӨНДӨӨ МӨРИЙТЭЙ ТОГЛОСОН ГЭХ ҮНДЭСЛЭЛЭЭР ҮҮРЭГТ АЖЛААС НЬ ЧӨЛӨӨЛӨВ

09 / 14 0 сэтгэгдэл 670 үзсэнe

Засгийн газрын хуралдаанаас гарсан шийдвэрийг ЗГХЭГ-ын дарга Д.Амарсайхан танилцуулав. Тэрбээр, Төрийн хяналтыг сайжруулах зорилгоор Ерөнхий сайд дэргэдээ 11-11 төвийг ажиллуулж, төрийн байгууллагуудтай холбоотой гомдол саналыг шуурхай шийдвэрлэх чиглэлээр ажиллаж байна. НДЕГ-ын дарга Д.Зоригттой холбоотой гомдол 11-11 төвд ирсэн. Уг гомдол мэдээлэл нь гэрэл зургаар нотлогдсон тул Ерөнхий сайд холбогдох албан тушаалтныг чөлөөлөх үүргийг ХНХ-ын сайдад өгсөн. Төрийн албан хаагч мөрийтэй тоглохыг хуулиар хориглодог. Төрийн албан хаагч ямар мөнгөөр, ямар хүмүүстэй, хэзээ хаана мөрийтэй тоглосныг шалгах, уг мөрийтэй тоглоомд төрийн өөр албан тушаалтан оролцсон бол хариуцлага тооцох үүргийг ХЗДХ-ийн сайдад өглөө гэв.

ЯПОНД ТЭМБҮҮГИЙН ТОХИОЛДОЛ 10 МЯНГАД ДӨХЖЭЭ

09 / 14 0 сэтгэгдэл 1 141 үзсэнe

Энэ жил Японд тэмбүүгийн тохиолдлын тоо эрс нэмэгдэж, 2021 оны нийт өвчлөлөөс давсан тоо баримт үзүүлэв. Тэмбүү нь ихэвчлэн бэлгийн замаар дамждаг бактерийн халдвар юм. Өвчин авсан хүмүүст ямар ч шинж тэмдэг илрэхгүй ба хүндэрсэн тохиолдолд аюултай юм. Хэрэв эмчлэхгүй бол өвчтөнд тархи эсвэл зүрхний ноцтой асуудал үүсч болно. Японы Халдварт өвчин судлалын үндэсний хүрээлэнгийн мэдээлснээр нэгдүгээр сараас есдүгээр сарын 4-ний хооронд 8155 тохиолдол бүртгэгдсэн нь өнгөрсөн оны мөн үеийнхээс 1.7 дахин их буюу 1999 онд харьцуулж болохуйц мэдээлэл гарснаас хойших хамгийн өндөр үзүүлэлт юм. Японд 2021 онд нийт 7983 бүртгэгдэж байжээ. Хэрэв тохиолдлууд одоогийн хурдаараа өссөөр байвал жилийн нийт тоо 10,000-аас давж магадгүй юм. Японы халдварт өвчний нийгэмлэгийн тэмбүүгийн эсрэг арга хэмжээг хянадаг Кобе их сургуулийн дэд профессор Шигемура Кацуми хамгаалалтгүй бэлгийн хавьталд орох нь халдвар авах эрсдэлийг нэмэгдүүлдэг гэж мэдэгджээ. Шигемура илүү олон хүмүүс интернетээр танилцдаг, тодорхойгүй тооны хамтрагчтай бэлгийн харьцаанд ордог тул тархаж байна гэж үзэв. Шигемура тэмбүү өвчнийг эмчлэх боломжтой тул халдвар авах эрсдэлд санаа зовж буй хүн бүр шинжилгээ өгөхөөс эргэлзэх хэрэггүй гэж онцолжээ. Эх сурвалж: NHK Japan

ӨВӨРХАНГАЙ АЙМАГТ ДАДЛАГА СУРГУУЛИЛТ НЭРЭЭР НЭГЭН БАГШИЙН ТОЛГОЙГ ГАЛДАН ШАТААЖЭЭ

09 / 14 0 сэтгэгдэл 3 578 үзсэнe

Өвөрхангай аймгийн ХАРХОРИН сумын ЗДТГ болон ОНЦГОЙ БАЙДЛЫН газар сургуулийн багш нарын дунд сургалт явуулжээ. Энэ үеэр тус сумын 2-р сургуулийн биеийн тамирын багшийн толгойд хамгаалах бүрэн хэрэгсэл өмсүүлэлгүй галдан шатаажээ. Эх сурвалжийн зүгээс тус багшийн биеийн байдал хүнд сум орон нутгийн удирдлагууд болон сургуулийн удирдлагуудад гомдолтой байгаа аж.

АХУЙН ГАЛ ТҮЙМРИЙН УЛМААС 3-8 НАСТАЙ ЭРЭГТЭЙ ХҮҮХДҮҮД ЭНДЛЭЭ

09 / 14 0 сэтгэгдэл 645 үзсэнe

Дархан уул аймгийн Дархан суманд Л.Э ийн эзэмшлийн 8:8 хэмжээтэй байшин шатаж, Э.М 8 настай эрэгтэй, Э.М 3 настай эрэгтэй хоёр хүүхэд нас барж. Э.М 1 ой 10 сартай эрэгтэй хүүхэд түлэгдсэн байна. Хэргийг Дархан уул аймгийн цагдаагийн газар шалгаж байна.

Х.НЯМБААТАР: ГАДНЫ ИРГЭДИЙГ МОНГОЛ УЛСАД ОРЖ ИРЭХЭД 72 ЦАГ ВИЗГҮЙ ЗОРЧИХ ЭРХ НЭЭЖ ӨГӨХИЙГ СУДАЛЖ БАЙНА

09 / 13 0 сэтгэгдэл 370 үзсэнe

Хууль зүй, дотоод хэргийн сайд Х.Нямбаатар “Өдрийн сонин”-ын өнөөдөр /2022.09.13/-ийн дугаарт гадаадын хөрөнгө оруулагчдыг монголд татахын тулд эрх зүйн ямар таатай орчин бүрдүүлэх, тэдэнд татварын ямар урамшуулал үзүүлэх талаар ярилцлага өгчээ. Тэрээр тус ярилцлагынхаа үеэр, “Хил орчмын аялал жуулчлалын хүрээнд гадны иргэдийг Монгол Улсад орж ирэхэд 72 цаг визгүй зорчих эрх нээж өгөхийг судалж байна” гэжээ. Эх сурвалж: ӨДРИЙН СОНИН

ЕРӨНХИЙЛӨГЧ У.ХҮРЭЛСҮХ ШХАБ-ЫН ДЭЭД ХЭМЖЭЭНИЙ УУЛЗАЛТАД ОРОЛЦОНО

09 / 13 0 сэтгэгдэл 442 үзсэнe

Шанхайн хамтын ажиллагааны байгууллагын гишүүн орнуудын Төрийн тэргүүнүүдийн 22 дахь удаагийн дээд хэмжээний уулзалт Узбекстан улсын Самаркан хотод энэ сарын 15-16-ны өдрүүдэд болно. Дээд хэмжээний уулзалтад Монгол Улсын Ерөнхийлөгч У.Хүрэлсүх биечлэн оролцох аж. Энэ талаар Ерөнхийлөгчийн тамгын газрын дарга Я.Содбаатар "Монгол Улсын Ерөнхийлөгч У.Хүрэлсүх Шанхайн хамтын ажиллагааны байгууллагын хуралд оролцоно. Энэ үеэр БНХАУ болон ОХУ-ын удирдлагуудтай гурван талт уулзалт хийхээр төлөвлөж байна. Эдийн засгийн хамтын ажиллагаа тэр дундаа нүүрсний экспортын асуудлыг хөндөнө" гэсэн юм. Шанхайн хамтын ажиллагааны байгууллагын ажиглагч гишүүний статус хүртсэн хоёрдахь улс нь Монгол юм. Манай улс 2004 оноос хойш тус хуралд ажиглагчийн байр сууринаас оролцож байна.