Ч.МӨНХБАЯРТ ОНООСОН 10 ЖИЛИЙН ХОРИХ ЯЛЫГ ХЭВЭЭР ҮЛДЭЭЛЭЭ

12 / 21 0 сэтгэгдэл 638 үзсэнe

Ч.Мөнхбаярт холбогдох хэргийг Улсын дээд шүүхийн хяналтын шатны эрүүгийн хэргийн шүүх хуралдаанаар шүүгдэгч, түүний өмгөөлөгчдийн гаргасан гомдлыг хянан хэлэлцээд анхан болон давж заалдах шатны шүүхийн шийдвэрийг хэвээр үлдээж шийдвэрлэжээ. Сүхбаатар дүүргийн Эрүүгийн хэргийн анхан шатны шүүх дээрх хэргийг хянан хэлэлцээд Эрүүгийн хуулийн 19.4 дүгээр зүйлийн 1 дэх хэсэгт заасан гэмт хэрэг үйлдсэн гэм буруутайд тооцож, 10 жил хорих ял оногдуулсныг Нийслэлийн Эрүүгийн хэргийн давж заалдах шатны шүүх хэвээр үлдээлээ.

НҮҮРСНИЙ ХУЛГАЙТАЙ ХОЛБОГДСОН 81 ХҮНИЙ 5 НЬ УЛС ТӨРД НӨЛӨӨ БҮХИЙ ХҮМҮҮС

12 / 21 0 сэтгэгдэл 501 үзсэнe

Улсын Ерөнхий прокурор Б.Жаргалсайхан нүүрсний хулгайн хэрэгтэй холбоотой мэдээлэл хийлээ. Тэрбээр “БНХАУ-аас ямар ч нэрс ирээгүй. 2021 оны хоёрдугаар сарын 10-ны өдөр эрхзүйн нэг туслалцаа хүссэн. Хүсэлтийн хариу ирээгүй байна. 2019 оны есдүгээр сарын 6-ны өдөр гаргасан хүсэлт сая ирсэн. Нүүрстэй холбоотой хэрэгтэй, хилийн тодорхой цахим бүртгэлүүдэд өөрчлөлт орсон учраас боломжгүй гэх хариу байсан. Их хурлын тухай хуулийн 9.8-д Зайлшгүй саатуулах, цагдан хорих үзлэг нэгжлэг хийх шаардлага үүссэн үед УИХ-ын гишүүний эрхийг түдгэлзүүлэх шаардлага үүсдэг. Гэхдээ холбогдох байгууллагын саналыг үндэслэдэг. Нүүрсний хэрэгтэй холбогдсон 87 хуулийн этгээдийн 6 нь байгууллага, 81 нь хувь хүн байна. Тэдний 5 нь улс төрд нөлөө бүхий хүн байна. Аравдугаар сарын 25-ны өдөр АТГ-аас уг хэргийг шүүхэд шилжүүлэх саналтайгаар прокурорт шилжүүлсэн. Шийдвэр гараагүй байна. 463 хавтаст хэргийг хянахад нэлээн хугацаа шаардаж байна, цаг авч байна. Мөрдөгчөөс шалтгаалахгүй олон зүйл бий. 463 хавтаст хэрэг, 354 оролцогчийн гомдол хүсэлтийг хянах ажиллагаа явуулсан. Мөн 62 шүүх, эдийн засгийн шинжилгээ хийсэн. Хэрэгсэхгүй болсон 15 хэргийг сэргээн шалгаж байна" хэмээв.

Д.КЁКҮШЮЗАНБАТБАЯР НАРТ ХОЛБОГДОХ ХЭРГИЙН ШҮҮХ ХУРАЛ ДАХИН ХОЙШИЛЛОО

12 / 21 0 сэтгэгдэл 506 үзсэнe

Д.Кёкүшюзанбатбаяр нарын нэр бүхий дөрвөн шүүгдэгчид холбогдох хэргийн гэм буруугийн шүүх хуралдааныг өнөөдөр /2022.12.21/ 09.30 цагт товлосон .Гэвч Гэвч Нийслэлийн прокурорын газраас тус шүүх хуралдаанд оролцох хяналтын прокурор П.Ганбулган, М.Очбадрах нар нь олны анхаарал татсан хэргийн ажлын хэсэгт ажиллаж байгаа тул шүүх хуралдааныг тодорхой хугацаагаар хойшлуулж өгнө үү” гэсэн албан тоотыг шүүхэд ирүүлжээ. Ийнхүү ирэх сарын 10-ны өдрийг хүртэл хойшлуулж , шүүгдэгч нарт урьд авсан таслан сэргийлэх арга хэмжээг хэвээр үргэлжлүүлэхээр шийдвэрлэв.

С.ШААРИЙБУУ:. БИ МӨНГӨ АВЛАА ГЭЭД БАЯРЛАХГҮЙ, ЭЦЭГ ХҮНД ҮР ХҮҮХЭД ШИГ НЬ ҮНЭ ЦЭНЭТЭЙ ЗҮЙЛ ГЭЖ ҮГҮЙ

12 / 20 0 сэтгэгдэл 523 үзсэнe

2006 онд Малайз улсад мафийнханы гарт амиа алдсан Ш.Алтантуяагийн аав С.Шаарийбуу мэдээлэл хийхдээ : “Миний гэнэхэн охин тэр үеийн залуустай адилхан амьдрах гэж мэддэг, чаддаг юмаараа зүтгэж явсан. Би охиноо их санадаг. Санахгүй байхын арга байхгүй. Өнөөдөр би түүнийгээ дурсаж нэг минут хүндэтгэл үзүүлье. Та бүхэнд талархлаа. Ардчиллын сонгодог орон, азийн бар гэдэг Малайзын баруудтай би энэ хэргийн улмаас нүүр тулсан. Бодит байдал дээр бохир болгон асуудалтай тулсан. Миний охин өвчтэй хүүхдээ эмчлүүлэх гэж явсан. Ярьж чаддаг ч явж чаддаггүй хүүхэд байсан. Тэгээд хүүгээ өдөр бүр эмчилгээнд авч явж, би хүүгээ жирийн хүүхдүүд шиг гүйдэг болгоно гээд үүнийгээ зорьж явсан. Би багш хүн, надад охиндоо өгөх мөнгө байгаагүй. Орчуулгын ажлын хөлс мөнгө бүх зүйлээ хуулийн дагуу хийсэн байсан. Миний охин Орос, Хятадад сурч байсан, орос, англи, хятад хэлтэй сэргэлэн хүүхэд. Баригдахаасаа өмнөх өдөр цагдаад очиж өөрөө компьютер дээр шивж өгсөн байдаг. “Миний амь нас аюултай байдалд байна. Хэрвээ ямар нэг эрсдэл учирвал Багиндатай холбоотой” гээд өөрөө бичиж өгсөн байдаг. Шүүхийн шийдвэр гарснаас хойш ах дүү, шавь нар, танил тал, сэтгүүлч нар холбогдож баяр хүргэж байгаа нь ГАЙХШРАЛ төрүүлж байна. Хэдхэн мөнгөн тоонд бүү анхаарлаа хандуулаарай. Би мөнгө авлаа гээд баярлахгүй байна. Хүний амь түүнээс ч илүү үнэ цэнэтэй. Эцэг хүнд үр хүүхэд шиг нь үнэ цэнэтэй зүйл гэж үгүй” хэмээв.

СОЁЛЫН ТӨВ ӨРГӨӨНИЙ ГУРВАН ӨРӨӨГ ЖАГСАГЧДАД АШИГЛУУЛНА

12 / 20 0 сэтгэгдэл 424 үзсэнe

Сүхбаатарын талбайд жагсаж буй иргэдээс Нийслэлийн Засаг дарга бөгөөд Улаанбаатар хотын Захирагчид ирүүлсэн хүсэлтийн дагуу Соёлын төв өргөө /СТӨ/-ний гурван өрөөг ашиглуулахаар болсныг Нийслэлийн Засаг даргын Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө мэдэгдлээ. Тодруулбал, хүйтний эрч чангарч буй энэ өдрүүдэд СТӨ-ний нэг өрөөнд иргэдэд эрүүл мэндийн тусламж үйлчилгээ үзүүлэх бол, нэг өрөөнд цагдаагийн алба хаагч нар байрлаж, аюулгүй байдлыг нь хангана. Түүнчлэн жагсагчдад дулаацах, амрах зориулалтаар нэг өрөөг гаргаж, мөн СТӨ-ний ариун цэврийн өрөөг ашиглуулахаар боллоо. Жагсаалд оролцож байгаа иргэдийн аюулгүй байдлыг хангахаар нийслэлийн зүгээс шаардлагатай арга хэмжээг шат дараатай авч, ирүүлсэн хүсэлтүүдийг боломж бололцоондоо тулгуурлан шийдвэрлэсээр байна. Тухайлбал, дулаалга, халаалттай хоёр гэр, галын хор, кабелийн утас, ширээ, сандал, зурагт зэрэг шаардлагатай зүйлсийг жагсагчдад олгож, ДДЭШ сувгийн антеннийг холбуулсан.

"КАПИТАЛ" БАНКНЫ УДИРДЛАГУУДАД ЯЛЛАХ ДҮГНЭЛТ ҮЙЛДЛЭЭ

12 / 20 0 сэтгэгдэл 534 үзсэнe

Капитал банкны гүйцэтгэх захирал А, гүйцэтгэх захирлын орлогч Я, дэд бөгөөд Зээлийн газрын захирал Д нар нь Монгол банкнаас тогтоосон банкны өөрийн хөрөнгийн хүрэлцээ, төлбөр гүйцэтгэх чадвар, зээлийн төвлөрлийн зохистой харьцааны шалгуур үзүүлэлтийг хангаж ажиллаагүйн улмаас хэвийн үйл ажиллагаа алдагдуулсан хэрэгт яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд шилжүүлсэн байна. Дээрх хэргийн улмаас иргэн болон аж ахуйн нэгж, байгууллагад нийт 104 тэрбум 651 сая төгрөгийн хохирол учирснаас мөрдөн шалгах ажиллагааны явцад 94 тэрбум 889 сая төгрөг нөхөн төлөгджээ. Улмаар Нийслэлийн прокурорын газраас "Капитал" банкны удирдах албан тушаалтнуудад холбогдох эрүүгийн хэрэгт яллах дүгнэлт үйлдэн, шүүхэд шилжүүллээ.

УНААЧ ХҮҮХДҮҮДИЙН ЭРХ АШИГ ХӨНДӨГДӨЖ ХӨДӨЛМӨРИЙН МӨЛЖЛӨГТ ӨРТӨЖ БАЙНА

12 / 20 0 сэтгэгдэл 469 үзсэнe

Судалгааны баг хурдан морь унаач хүүхдүүдийн эрх ашиг хөндөгдөж боолчлолын хэлбэр рүү дөхсөн гэдэг дүгнэлт гаргасан талаар Б.Нямжав мэдээллээ. Тэрбээр "Хүүхдийн эрхийн 180 дугаар конвенцод албадан болон боолчлолын хэлбэрүүдийн шинжийг тодорхойлсон байдаг. Энэ шинжүүд агуулагдаж байгаа бол боолчлолын хэлбэр рүү дөхөж байна гэсэн үг. Улмаар хүүхдийн хөдөлмөрийн тэвчишгүй хэлбэр мөн гэж үздэг. Өөрөөр хэлбэл, хурдан морь унаач хүүхдийн асуудалд хүүхдийн эрхийн конвенцод заасан хэв шинж нэлээд өндөр үзүүлэлттэй байсан. Яагаад гэвэл, хурдан морь унаач хүүхэд гэрээсээ хол байрлаж, уртасгасан цагаар ажилладаг нь үүнтэй холбоотой юм. Хөдөлмөрийн улмаас морь унаач хүүхэд өвлийн хүйтэнд оргон зугтсан байсан. Хүүхдүүд өглөө 06:00 цагаас шөнийн 00:00 цаг хүртэл ажиллаж байна. Тэдний ихэнх нь 5-7 наснаасаа эхэлж морь унадаг. Тиймээс хэт бага насны хүүхэд хөдөлмөр эрхэлж байгаа нь илүү эмзэг сэдэв болж байгаа юм. Үүнийг нийгэмд хоёр янзаар авч үзэж байгаа. Тухайлбал, нэг хэсэг нь уламжлал гэж харж байгаа бол нөгөө хэсэг нь хүүхдийн хөдөлмөрийн мөлжлөг гэж үздэг. Бид хурдан морь унаач хүүхдүүдийн төлөөллөөс ярилцлагын аргаар судалгаа авсан. Гэтэл хэд хэдэн ноцтой жишээ гарч ирсэн. Тухайлбал,тэвчишгүй Тухайн хүүхэд баруун аймгаас зүүн аймагт очиж хурдан морь унасан байдаг. Бүр сургуульд суралцах ямар ч боломжгүй нөхцөлд ажилласан байгаа юм. Мөн хурдан морь унаж байгаа хүүхдэд хүчээр тамхи татуулах, ёс зүйгүй харилцаа хандлагын дунд байлгах гэх мэт хүмүүжил, ёс зүйд сөргөөр нөлөөлөх хүчин зүйлс нэлээд ажиглагдсан. Тиймээс Морин спорт уяачдын холбоо, Үйлдвэрчний эвлэл, Засгийн газрын гурван талт харилцаагаар зохицуулж, тодорхой хэмжээнд шийдвэр гаргах нь зүйтэй гэж судлаачид үзсэн" гэлээ .

“УБТЗ” ХНН: ЭРЭЭН ӨРТӨӨНД 17 ГАЛТ ТЭРЭГ ӨГСӨН НЬ ТЕХНИКИЙН БОЛОМЖ ӨССӨНИЙГ ХАРУУЛСАН ҮЙЛ ЯВДАЛ БОЛЛОО

12 / 19 0 сэтгэгдэл 496 үзсэнe

Хэдхэн хоногийн өмнө “Улаанбаатар төмөр зам” ХНН Замын-Үүд өртөөгөөр Хятадын талд түүхэндээ анх удаа 17 галт тэрэг өгсөн явдал нь ковид цар тахлын улмаас сульдаж тамирдсан Монгол Улсын эдийн засгийг идэвхтэй дэмжиж, экспортын тээврийн хэмжээг нэмэгдүүлэхэд онцгой анхааран ажиллаж байгааг харуулсан. Цаашдаа экспортын галт тэргийг нэмэгдүүлэх боломж нөхцөлийн талаар “УБТЗ” ХНН - ээс тодрууллаа. -Монгол Улсаас төмөр замаар гарч байгаа экспортын ачааны 90 гаруй хувийг гүйцэтгэдэг Замын-Үүд - Эрээн өртөө хоорондын галт тэрэг солилцоог нэмэгдүүлэх замаар экспортын тээврийн хэмжээг өсгөх нь Монгол Улсын санхүүгийн үзүүлэлт сайжирч, улсын төсөвт төвлөрөх татвар, валютын орлого нэмэгдэх үндсэн нөхцөлүүдийн нэг юм. УБТЗ цаашдаа галт тэрэг солилцоог 20 хүртэл нэмэгдүүлэх бодлоготой ажиллаж байна. УБТЗ-аар зөвхөн энэ жил 48 сая тонн ачаа тээвэрлүүлэх экспортын захиалга ирсэн нь цаашдаа галт тэрэг солилцоог зайлшгүй нэмэгдүүлэх шаардлагатайг харуулж байна. УБТЗ-ын хувьд галт тэрэг солилцоог нэмэгдүүлэхийн тулд хүчин чадлаа өсгөх шаардлагатай бүхий л арга хэмжээг жил бүр авч хэрэгжүүлж ирсэн. Энэ жил л гэхэд Замын-Үүд - Шаргын овоо хооронд хос зам тавьж байгаагаас гадна Замын-Үүд - Эрээн хоорондын нарийн царигийн төмөр замыг мөн хос болгох ажлыг хийж байна. Энэ ажлыг хийснээр УБТЗ-ын нэвтрүүлэх хүчин чадал өснө. Мөн гол замын гурван зүтгүүр авч тээх хүчин чадлаа нэмэгдүүллээ. Түүнчлэн, УБТЗ-ын удирдлага удаа дараа хүсэлт тавьсны үр дүнд Хятадын төмөр зам Эрээн өртөөний ачаа хүлээн авч боловсруулах хүчин чадлыг энэ жил нэмэгдүүлэх өргөтгөл, шинэчлэлийн ажлыг хийсэн. Ийнхүү гадаад болон дотоод талдаа галт тэрэг солилцоог нэмэгдүүлэх техникийн боломж бүрдсээр байна. Цаашдаа галт тэрэг солилцоог нэмэгдүүлэхийн тулд Орос-Монгол-Хятад гурван улсын төмөр замуудын хэлэлцээрээр хоногт солилцох галт тэрэгний тоогоо албан ёсоор тохирох шаардлага үүссэн. Жил бүр хуралдаж ачаа тээврийн хэмжээгээ тохирдог энэхүү хэлэлцээрээр өнөөдрийг хүртэл хоногт 14 галт тэрэг өргөн царигаар Эрээн өртөөнд хүлээлгэн өгөхөөр тохирсон байдаг. Энэ нь өнөөдөр жил бүр өсөн нэмэгдэж байгаа экспортын тээврийн хэрэгцээг хангаж чадахгүй байна. Тийм учраас энэ асуудлыг гурван улсын төмөр замуудын хэлэлцээрээр удахгүй нааштайгаар шийдвэрлэнэ гэж итгэж байна” гэж хариуллаа.

ДАГАВАР ОХИНОО ХҮЧИНДСЭН ГАДААД УЛСЫН ИРГЭНД ЯЛ ОНОГДУУЛАВ

12 / 16 0 сэтгэгдэл 1 151 үзсэнe

Гадаад улсын иргэн Тан нь олон удаагийн үйлдлээр өөрийн дагавар хүүхэд болох 11 настай охиныг хүчиндсэн гэмт хэрэгт холбогдуулан прокуророос яллах дүгнэлт үйлдэж хэргийг шүүхэд шилжүүлжээ. Хэрэгт авагдсан баримтуудаар, шүүгдэгч Тан нь анх 2012 онд “хөдөлмөр эрхлэгч” ангиллаар, 2019 оныг хүртэл Монгол Улсад оршин суух зөвшөөрөлтэйгээр орж ирсэн, 2019 оноос хойш оршин суух зөвшөөрөлгүй буюу Монгол Улсын нутаг дэвсгэрт хууль бусаар оршин суусан, энэ хугацаанд Монгол Улсын иргэн Д-тэй хамтран амьдарч, дундаасаа 2 хүүхэдтэй болсон, мөн авто засварын газар ажиллуулдаг байжээ. Түүнчлэн, Тан нь “өрх гэрийн амьжиргааг авч явдаг” гэдгээр шалтаглан өөрийн дагавар охин болох бага насны хүүхдийг хүчээр бэлгийн харьцаанд орохыг тулгаж, хохирогчтой бэлгийн харьцаанд ордог байсан ба шүүхийн хэлэлцүүлэгт тэрээр гэм буруугаа хүлээн зөвшөөрч байна гэж мэдүүлсэн байна. Эрүүгийн хуульд бага насны буюу 14 хүртэлх насны хүүхэдтэй бэлгийн харьцаанд орсон бол 12-20 жил хүртэл хугацаагаар, эсхүл бүх насаар хорих ял шийтгэхээр заасан. Шүүхээс гадаад улсын иргэн Тан-ыг үргэлжилсэн үйлдлээр хүчиндэх гэмт хэргийг бага насны хүүхдийн эсрэг үйлдсэн гэм буруутайд тооцож, 14 жилийн хугацаагаар хорих ял шийтгэж, уг ялыг хаалттай хорих байгууллагад эдлүүлэхээр шийдвэрлэв. Түүнчлэн, энэ гэмт хэргийн хохирогч нь энэ гэмт хэргийн улмаас сэтгэл санаа, эрүүл мэндийн хувьд хүнд хохирол амсаж, цаашид эмчилгээ хийлгэх шаардлага үүссэн тул хохирогчийн хууль ёсны төлөөлөгчөөс холбогдох зардлаа гэм буруутай этгээдээс жич нэхэмжлэх эрхийг нь нээлттэй үлдээсэн байна.

МАЛАЙЗ УЛСАД ОНЦ ХЭРЦГИЙГЭЭР АМИА АЛДСАН Ш.АЛТАНТУЯАГИЙН ГЭР БҮЛД 5 САЯ РИНГГИТ / 1,1 сая ам.доллар орчим /ОЛГОХ ШҮҮХИЙН ШИЙДВЭР ГАРЛАА

12 / 16 0 сэтгэгдэл 884 үзсэнe

2006 онд Малайз улсын цагдаагийн тусгай албанд ажилладаг Азилах болон Сирул Азхар Умар гэх этгээдүүд Монгол улсын иргэн Ш.Алтантуяаг хүчээр автомашиндаа суулган авч явж буудан хөнөөгөөд, цогцсыг нь дэлбэлсэн онц ноцтой гэмт хэрэг гарсан байдаг. Тэгвэл 16 жилийн турш шийдэгдээгүй өдийг хүрсэн хэрэг дээр Ш.Алтантуяагийн гэр бүл ялж, Малайзын дээд шүүхийн шийдвэрээр талийгаачийн гэр бүлд 1.5 сая сингапур долларыг олгох шийдвэр гаргасан байна. Энэ мөнгийг Малайз улсын Засгийн газар болон хэрэгт холбогдсон этгээдүүдээс гаргуулах юм. Аллага үйлдсэн хоёр этгээд 2015 онд Малайзын холбооны шүүхээс цаазаар авах ял сонссон ч Азилах гэх этгээд энэ аллагыг Малайзын Ерөнхий сайд асан Нажиб Разакын захиалгаар гүйцэтгэсэн гэдгийг хэлснээр дахин шүүх процесс явагдсан байдаг. Ийнхүү 16 жилийн дараа аймшигт хэрэг эцэслэгдлээ.