НӨӨЦИЙН МАХЫГ ЗАХ ЗЭЭЛИЙН ХАНШААС 2000-3000 ТӨГРӨГӨӨР ХЯМД ХУДАЛДАНА

03 / 10 0 сэтгэгдэл 715 үзсэнe

Нийслэлийн хүн амын хаврын улирлын махны хэрэгцээнд зориулан 12 аж ахуйн нэгж 7858.9 тонн махны нөөцөлжээ. Энэ сарын 15-наас нийслэлийн есөн дүүргийн 457 хүнсний дэлгүүрээр худалдаж эхэлнэ. Нөөцийн махны хадгалалт, чанар, аюулгүй байдал, савлагаанд хяналт шалгалт хийж, худалдаанд гаргах бэлтгэл ажлыг хангажээ. Үнийн хувьд үхрийн ястай мах 10700 төгрөг хонины ястай мах 8600 төгрөг ямааны ястай мах 6400 төгрөг Нөөцийн махыг 457 цэгээр борлуулна.

ХОЙД ЭЦЭГТЭЭ ЗОДУУЛЖ УХААНГҮЙ ИРСЭН ГЭХ 3 НАСТАЙ ХҮҮГИЙН БИЕИЙН БАЙДЛЫН ТАЛААР ГССҮТ-ӨӨС ТОДРУУЛЖ БАЙНА…

03 / 09 1 сэтгэгдэл 994 үзсэнe

ГССҮТ-ийн эмчилгээ, үйлчилгээ хариуцсан дэд захирал Р.ГАНТУЯА: - Манай төвд 2023 оны 3 дугаар сарын 08-ны 09 цагт шалтгаан тодорхойгүй, биеийн байдал маш хүнд хүүхэд хүргэгдэж ирсэн. Яаралтай тусламжийн эмч нар үзлэг шинжилгээ хийгээд хүүхдийн биеийн байдал маш хүнд, зөөлөн эдийн няцрал ихтэй, сээр нурууны гуравдугаар нугалмын их биеийн хугаралтай, баруун шууны хугаралтай, тархины хүнд гэмтэлтэй хүүхэд байсныг эрчим эмчилгээнд оруулж, өнөөдөр 2 дахь өдрөө эмчилж байна. - Өнөөдөр Эх нялхсын эмнэлэгтэй хамтарч дахин нарийн мэргэжлийн үзлэг оношилгоог хийлээ. Бүдүүн гэдэс орчим зөөлөн эдийн няцралтай гэдэг нь нэмэлтээр тогтоогдсон. Амьсгалын аппаратад байна. Биеийн байдал маш хүнд, эмнэлгээс шаардагдах бүх тусламжийг нь үзүүлсээр байна. Цаашдын тавиланг нь тодорхойлж хэлэхгүй боломжгүй байна - Сүүлийн үед бага насны хүүхдүүд бусдад зодуулж, бэртэж гэмтэх, өндрөөс унах тохиолдол нэмэгдсээр байна. Тиймээс эцэг эхчүүд анхааралтай, сонор сэрэмжтэй байж, хөршийн холбоогоо сайжруулахыг анхааруулж байна.

ЦЭНЭГЛЭЖ БАЙСАН ГАР УТСАА ОРОЛДОЖ БАЙГААД ЦАХИЛГААНД ЦОХИУЛЖ НАС БАРЖЭЭ

03 / 09 0 сэтгэгдэл 696 үзсэнe

Цагдаагийн байгууллагад 2023 оны 3 дугаар сарын 08-ны өдрийн 12 цаг 10 минутад Дорноговь аймгийн Сайншанд сумын нэгдсэн эмнэлэгт “Цахилгаанд цохиулсан хүүхэд ирээд нас барсан” гэх дуудлага, мэдээлэл бүртгэгдсэн. Дуудлага, мэдээллийг тус аймгийн цагдаагийн газраас шалгахад тус суманд оршин суух хаягтай, 14 настай, эрэгтэй “Т” гэгч хүүхэд уртасгагч залгуурт цэнэглэж байсан гар утсаа оролдож байгаад цахилгаанд цохиулж нас барсан хэрэгт мөрдөн шалгах ажиллагаа явуулж байна.

“BRAVO CIRCUS-2” ОЛОН УЛСЫН ЦИРКИЙН ТОГЛОЛТ ЭНЭ САРЫН 24-НӨӨС ЭХЛЭН ТОГЛОГДОНО

03 / 09 0 сэтгэгдэл 614 үзсэнe

"Bravo Circus" олон улсын циркийн тоглолт өнгөрсөн оны аравдугаар сарын 21-30-ны өдрүүдэд Монгол Бөхийн өргөөнд тоглогдсон. Тэгвэл сурагчдын амралтад зориулж, "Bravo Circus-2" тоглогдохоор бэлтгэл ажил хэдийн хангагджээ. Тоглолтод дэлхийн циркийн урлагийн шилдэгийн шилдэг 12 улсын 88 жүжигчид болон сургуультай амьтдын үзүүлбэрүүдээр хүүхэд багачуудыг баярлуулах юм. Энэ талаар “Шинэ цирк” төвийн захирал, найруулагч Д.Зоригт "Энэ удаад өмнө нь Монголд тоглогдож байгаагүй, цоо шинэ үзүүлбэрүүдийг бэлдсэн. Онцолбол, олон жилийн өмнө Монголоос аялан тоглолтоор очиж тоглож байсан циркийн хаан үзүүлбэр буюу агаарын нислэгийн номерыг шинээр эргэн толилуулах гэж байна. Ямар нэгэн хамгаалалтгүйгээр 15-20 метрийн өндөрт агаарт чөлөөтэй дүүлэн нисдэг агаарын үзүүлбэр бий. Циркийг алиалагчидгүйгээр, амьтадгүйгээр, акробатын номеруудгүйгээр, агаарын үзүүлбэргүйгээр төсөөлөхийн аргагүй. Эд бол циркийн цохилох зүрх гэж хэлж болно. Тиймээс дэлхийд алдартай Гиннесийн номд бичигдэж байсан Францын ах дүү акробатчид, Казакийн дамнуурган дээр үсрэгчид хэмээх шилдэг үзүүлбэр мөн Киргизийн нэрд гарч яваа залуу алиалагч, жонглёрчин ирнэ. ОХУ, Казахстан, Киргиз, Португал, Франц, Хятад зэрэг 10-аад орны мэргэжлийн жүжигчид хуран чуулна" хэмээсэн байдаг. Гэр бүлээрээ үзэхэд хамгийн тохиромжтой урлаг бол яах аргагүй циркийн урлаг байдаг. Гэр бүлийн халуун дулаан уур амьсгалыг мэдрүүлэхээс гадна хүүхдийн ертөнцийг ч танин мэдэхэд асар өндөр хувь нэмэр оруулдаг аж. Манай улсын хувьд сүүлийн жилүүдэд циркийн урлагийн тоглолт зохион байгуулагдах нь тун ховордсон тул эцэг эхчүүд та бүхнийг үр хүүхдүүдтэйгээ халуун дулаан уур амьсгал бүрдүүлж, нэгэн өдрийг аз жаргалтай өнгөрөөхийг урьж байна. ТАСАЛБАР ХУДАЛДАН АВАХ ЛИНК Хайртай гэр бүлийнхэнтэйгээ өнгөрөөх мартагдашгүй үдшийн хамгийн тухтай суудлыг та эртлэн захиалаад аваарай. Тоглолтод Дэлхийн циркийн урлагийн шилдгийн шилдэг 12 улсын 88-н жүжигчид болон сургуультай амьтад оролцоно. Та яг одоо: линкээр дарж ороод суудлаа сонгоорой. Лавлах утас: 8877-0003, 8986-2966

ГУРВАН НАСТАЙ ХҮҮГ ХОЙД ЭЦЭГ НЬ ЗОДОЖ, УХААНГҮЙ БАЙДАЛТАЙ ЭМНЭЛЭГТ ХҮРГЭЭД ЗУГТЖЭЭ

03 / 09 4 сэтгэгдэл 1 225 үзсэнe

Цагдаагийн байгууллагад 2023 оны 03 дугаар сарын 08-ны өдөр ГССҮТ-өөс “Гэмтлийн эмнэлэгт бага насны хүүхэд биедээ ил харагдах гэмтэлтэй, ухаангүй байдалтай ирсэн” гэх мэдээлэл ирүүлсний дагуу шалгалтын ажиллагааг явуулж ажиллаж байна. Шалгалтын явцад 3 настай, эрэгтэй Б-г төрсөн эх Л, түүний хамтран амьдаргч Э нар эмнэлгийн байгууллагад хүргэсэн бөгөөд Л-ийн хамтран амьдрагч 34 настай, эрэгтэй Э нь эмнэлэгийн байгууллагад хүргэсний дараагаар зугтаасан байна. Э нь 3-6 насны хүүхдүүдийг гэртээ харж үлдэхдээ 3 настай, эрэгтэй Б-г зодсон байж болзошгүй нөхцөл байдал урьдчилсан байдлаар тогтоогдсон бөгөөд цагдаагийн байгууллагаас шуурхай эрэн сурвалжлах ажиллагааг явуулж холбогдогч Э-г баривчлан мөрдөн шалгах ажиллагааг үргэлжлүүлж байна. Хохирогч хүүгийн биеийн байдал хүнд, одоогоор ухаангүй эмнэлгийн байгууллагад эмчлэгдэж байна.

БНСУ-Д АЖИЛЛАХ ХҮСЭЛТЭЙ ИРГЭД СОЛОНГОС ХЭЛНИЙ ТҮВШИН ТОГТООХ ШАЛГАЛТАД БҮРТГҮҮЛЭХ ЗААВАР

03 / 09 0 сэтгэгдэл 1 042 үзсэнe

БНСУ-д ажиллах хүсэлтэй иргэдийн солонгос хэлний түвшин тогтоох шалгалтын бүртгэл өнөөдөр эхэлж байна. Бүртгэл маргааш/2023.03.10/ 17:30 цагт дуусна. ehalamj.mn цахим бүртгэл, мэдээллийн нэгдсэн санд бүртгүүлэхдээ дараах зааврын дагуу бүртгүүлэхийг ХНХЯ-наас зөвлөлөө. Бүртгүүлэх заавар: Хэрэв ehalamj.mn сайтад нэвтрэх өөрийн цахим хаяг, нууц үгийг мартсан бол 77771220 тусгай дугаарт хандаж нэвтрэх эрхээ сэргээлгэх боломжтой. Төлбөр төлөх хэсэгт гарч ирж буй гүйлгээний утга нь Q үсгээр эхэлсэн 11 оронтой тоо байхыг анхаарна уу. Системд ухаалаг гар утас, компьютер, таблет зэргээс нэвтрэх боломжтой. Бүртгүүлэх иргэн харьяалал хамаарахгүй бөгөөд цэсээс өөрийн оршин суух нийслэл, аймаг, дүүргийг сонгоно. Бүртгүүлэхэд гадаад паспорт болон иргэний үнэмлэхний аль нэгээр бүртгүүлэх боломжтой. Мөн хугацаа нь дууссан гадаад паспортоор бүртгүүлж болно. Иргэний үнэмлэхний лавлагаагаар бүртгэл хийгдэхгүй. Солонгос хэлний анхан шатны хэлний мэдлэг шалгах тестийн 5 асуултын 3 асуултад зөв хариулсан тохиолдолд бүртгэл үргэлжлүүлэн хийгдэнэ. Бүртгүүлэх явцад төлбөрийн хураамж төлөх дансны дугаар, гүйлгээний утга автоматаар гарч ирнэ. Бүртгэл хийгдэж, цахим системд заасан хугацаанд төлбөр төлөгдсөний дараа бичиг баримтыг зургаар оруулна. Бүртгүүлэх бичиг баримт нь /гадаад паспорт эсвэл иргэний цахим үнэмлэх/ болон цагаан дэвсгэр дээр бараан хувцастай эгц урдаас харсан (хэмжээ 3.5х4.5см) 1 хувь цээж зургийг урьдчилан зурган файлаар бэлтгэн заасан хэмжээг бүрэн багтааж цахимаар оруулна. /Сүүлийн 3 сарын дотор авхуулсан байх, селфи зураг оруулж болохгүй./ Дахин нэвтэрч ороход нэвтрэх нэр нь регистрийн дугаар, нууц дугаар нь бүртгүүлсэн гар утасны дугаар байна. Нийт бүртгүүлэх боломжтой дээд хязгаарын тоо нь 14,000 байна. Үүнээс: Солонгос хэлний түвшин тогтоох шалгалтаас сонгож авах хүний тоо 2,404, эцсийн шалгаруулалт буюу хэлний шалгалт, ур чадварын шалгалтын дүнг нэгтгээд өндөр онооны дарааллаар төлөвлөж буй тоонд тэнцүүлнэ. Ижил оноотой бол багтана. /Харааны харалган буюу өнгө ялгах чадваргүй бол хасагдана./ Солонгос хэлний шалгалт өгч тэнцсэн иргэн ур чадварын шалгалтад ороогүй тохиолдолд эцсийн шалгаруулалтаас хасагдана. Төлбөр хураамжийн талаарх мэдээлэл Бүртгэлийн системээс гүйлгээний утгыг зааж өгөх бөгөөд заавал тухайн утгаар шилжүүлсэн байна. /Гүйлгээний утга латин “Q” үсгээр эхэлсэн байна/ Өөрийн бүртгэлтэй утасны дугаарыг зөв бичнэ. Төлбөр төлөгдөж, баталгаажсан иргэнд ХХҮЕГ-ын 131288 тусгай дугаараас бүртгүүлсэн гар утасны дугаарт 5040.... дугаарыг мессэжээр илгээнэ. Бүртгэл хураамжийг бүртгэл хийгдэх өдөр буюу 9, 10-ны өдрүүдэд 28 ам.доллартой тэнцэх монгол төгрөгийг бүртгэлийн программд гарч ирсэн дансанд тухайн өдрийн Төрийн банкны зарласан /Зарах/ ханшаар тооцуулан тушаана. /Урьдчилан тушаах боломжгүй/ Бүртгэлийг цуцлуулах зайлшгүй шаардлага гарвал 2023 оны гуравдугаар сарын 13-20-ны дотор орон нутгийн иргэд аймаг, дүүргийн Хөдөлмөр, халамжийн үйлчилгээний газар, хэлтэс/ хураамжийг буцаан авах боломжтой. Дээрх хугацаанд хүсэлт гаргаагүй тохиолдолд буцаахгүй. Бүртгүүлэх иргэдэд тавигдах шаардлага 18- 39 настай байх (1983 оны 3-р сарын 10-наас 2005 оны 3-р сарын 09-ны өдрийн хооронд төрсөн байх); Хорих ялтай эсвэл түүнээс илүү хүнд ялтай гэмт хэрэгт холбогдоогүй байх; БНСУ-аас албадан гаргах буюу тус Улсыг орхин явах захирамж гаргуулж байгаагүй байх; БНСУ-ын ЭСЯ-нд виз мэдүүлж татгалзсан хариуг удаа дараа авсан бол гэрээний цахим визийн зөвшөөрөл татгалзах эрсдэлтэй; БНСУ-д суралцах болон хөдөлмөрийн гэрээт ажилтнаар ажиллах оршин суух хугацаандаа зөрчил /замын хөдөлгөөний дүрэм зөрчиж, төлбөр төлөөгүй, торгууль төлсөн, сайн дураараа нутаг буцаж ирсэн иргэд/ Хэдийгээр бүртгэгдэж ажлын санал ирдэг ч БНСУ-ын Хууль зүйн яамнаас шалгагдаж татгалзсан хариу ирдэг тул бүртгүүлэхгүй байх; Монгол Улсаас гарах эрхээ хязгаарлуулаагүй байх; Харааны харалган буюу өнгө ялгах чадвартай байх (нурууны үений диск, гарын сарвуу дутуу тохиолдолд хэлний шалгалтад орж болох хэдий ч 2 дахь шалгалтад ажил үүрэг гүйцэтгэх чадамжгүй гэж үзэн хасах болно); Мэргэжлийн бус ажилчны E-9, усан онгоцны ажлын E-10 визээр БНСУ-д 5 жил буюу 60 сар, түүнээс дээш жил ажиллаагүй байх; Хууль бусаар оршин суугчаар ажиллаж, амьдарч байгаад БНСУ-ын өршөөлийн тухай хуулиар нутаг буцаж ирсэн иргэд Е-9 ангиллын визээр бүртгүүлэх боломжгүй.

АВЛИГААС ХУРААСАН ХӨРӨНГИЙГ ЭХ ХҮҮХДИЙН ЭМЧИЛГЭЭ ТУСЛАМЖИД ЗОРИУЛНА

03 / 09 0 сэтгэгдэл 520 үзсэнe

Засгийн газрын 2023 оны гуравдугаар сарын 7-нд болсон ээлжит хуралдаанаар Эрүүл мэндийн тусламж, үйлчилгээний талаар авах арга хэмжээний хүрээнд авлига, албан тушаалын гэмт хэргийн улмаас улсад төвлөрүүлсэн орлого, төрд хураагдсан хөрөнгийг эх, хүүхдийн эрүүл мэнд, хавдар, эрхтэн шилжүүлэн суулгахтай холбогдох эрүүл мэндийн тусламж, үйлчилгээнд шаардлагатай эмнэлгийн тоног төхөөрөмж худалдан авах, барилга барихад зарцуулах чиглэл баримтлан ажиллахыг Монгол Улсын сайд, Засгийн газрын Хэрэг эрхлэх газрын дарга Д.Амарбаясгалан, Эрүүл мэндийн сайд С.Чинзориг, Сангийн сайд Б.Жавхлан, Хууль зүй, дотоод хэргийн сайд Х.Нямбаатар нарт үүрэг болголоо. Мөн авлига, албан тушаалын хэрэгт төрд хураагдсан барилга, байгууламжид үнэлгээ хийж, эмнэлгийн зориулалтаар ашиглах боломжийг судлан Засгийн газрын хуралдаанд танилцуулахыг Эрүүл мэндийн сайдад даалгасан. Мөн хуралдаанаар Хүн амыг эрт илрүүлэг, үзлэг, шинжилгээ, оношилгоонд хамруулах үйл ажиллагааны явцын талаар хэлэлцээд эрт илрүүлгийг эрчимжүүлэх, Эрүүл мэндийг дэмжих төвүүдийг ходоодны уян дурангийн аппаратаар нэмэлтээр хангахыг Эрүүл мэндийн сайд С.Чинзориг, Сангийн сайд Б.Жавхлан, аймаг, нийслэлийн Засаг дарга нарт үүрэг болголоо. Оюутан, суралцагчдын эрүүл мэндийн даатгалын хамрагдалтыг нэмэгдүүлэх, эрт илрүүлэг, үзлэг, шинжилгээ, оношилгоонд хамрагдах боломжийг бүрдүүлэх чиглэлээр хамтарч ажиллахыг Боловсрол, шинжлэх ухааны сайд Л.Энх-Амгаланд, эрүүл мэндийн салбарын цахим системийн хэвийн найдвартай үйл ажиллагаа явуулахад техник, хангамжийн бүрдэл, тасралтгүй бэлэн байдлыг ханган ажиллахыг Цахим хөгжил, харилцаа холбооны сайд Н.Учралд, хүн амын эрүүл мэндийн боловсролыг дэмжих салбар хоорондын хамтарсан цогц арга хэмжээний төлөвлөгөө боловсруулж танилцуулахыг Эрүүл мэнд болон Боловсрол, шинжлэх ухааны сайд нарт тус тус даалгав. Түүнчлэн “Шүд” арга хэмжээний төлөвлөгөө боловсруулах, Нүүр, ам судлалын үндэсний төв байгуулах асуудлыг судалж Засгийн газрын хуралдаанд танилцуулахыг салбарын сайдад үүрэг болгов.

“RFID”-ГҮЙ МАШИНЫГ ЕСДҮГЭЭР САРААС ХӨДӨЛГӨӨНД ОРОЛЦУУЛАХГҮЙ

03 / 09 0 сэтгэгдэл 1 661 үзсэнe

Засгийн газар 2022 оны есдүгээр сарын 28-нд хуралдаж, цахим гэрчилгээнд хамрагдаагүй тээврийн хэрэгслийг энэ оны гуравдугаар сараас хөдөлгөөнд оролцуулахгүй гэж мэдэгдсэн. Гэхдээ албаныхан цахим гэрчилгээг энэ сараас олгож эхэлсэн учир тус хугацааг ирэх есдүгээр сар болгожээ. Энэ талаар нийслэлээс "Нийт 161 уулзварт цахим гэрчилгээ унших "RFID" төхөөрөмж суурилуулсан. Тиймээс тээврийн хэрэгсэл бүр цахим гэрчилгээтэй болно. Уулзварт суурилуулсан "RFID" төхөөрөмж нь тээврийн хэрэгслийн цахим гэрчилгээг таньж, бүртгэнэ. Өмнө нь хяналтын камер автомашины улсын дугаарыг хянадаг байсан. Харин цахим гэрчилгээ олгосноор тухайн гэрчилгээгээр хянах боломж бүрдэнэ. Ингэснээр өдөрт хэчнээн машин явж байгаа бодитой тоо гарна. Мөн торгуультай тээврийн хэрэгслийг замын хөдөлгөөнд оролцуулахгүй байх боломж бүрдэнэ. Цахим гэрчилгээ тухайн тээврийн хэрэгслийн бүх мэдээллийг агуулна. Зөрчилтэй тээврийн хэрэгсэл замын хөдөлгөөнд оролцсон тохиолдолд цагдаагийн байгууллага хянаж, шалгах боломж бүрдэнэ. Түүнчлэн жолооч нарын хариуцлага нэмэгдэнэ. 2015 оноос хойш 40 гаруй тэрбум төгрөгийн торгууль төлөгдөөгүй байна. Үүний зэрэгцээ нийслэлд зам ашигласны төлбөрийг машинаа хэр их унаснаас нь хамаарч тооцоолдог байхаар зорьж байна. Гэхдээ журамд өөрчлөлт оруулж байж хэрэгжих боломжтой" гэсэн юм. ШИНЭ МАШИНД ЧИП АВАХАД ТӨЛБӨРТЭЙ Замын хөдөлгөөнд оролцож буй нийт нэг сая тээврийн хэрэгсэлд RFID чип буюу техникийн хяналтын цахим гэрчилгээ наах ажлыг энэ сард эхлүүлээд буй. Энэ арга хэмжээг хэрэгжүүлэхэд 18 тэрбум төгрөгийн хөрөнгө оруулалтын тооцоо гаргаснаас одоогоор 13 тэрбум төгрөгийг батлаад байгаа юм. НЗДТГ-ын хөрөнгөөс гурван тэрбум төгрөг, жолоочийн албан журмын нөөц сангаас 10 тэрбум төгрөг баталсан. Үүнд RFID чип суурилуулах, мэдээллийн нэгдсэн сан, олон улс, улсын чанартай авто зам дагуух төлбөр авах цэгүүдийг цахимжуулах ажлууд багтсан гэдгийг албаныхан онцолж буй. Гэвч зарим мэргэжлийн судлаачид RFID бол маш эртний технологи. Пассив RFID tag /шошготой автомашиныг зайнаас бүртгэх нь маш олон сул талтай. Хэрэглэгчийг тагнах бололцоо бий болгох эрсдэлтэйг сануулж байна. Одоогоор Улаанбаатар хотын хэмжээнд 161 цэгт RFID уншигч суурилуулжээ. RFID чипийг тээврийн хэрэгсэлд суурилуулахдаа техникийн хяналтын үзлэгийн төв, нийслэлийн нэг цэгийн үйлчилгээний төв, томоохон худалдааны төвүүдийг түшиглэн зохион байгуулах аж. Чипийг үнэгүй суурилуулах бөгөөд импортоор орж ирэх тээврийн хэрэгслийн хувьд гааль дээр төлбөрөө төлж авна. Тээврийн хэрэгслийн торгууль, татвар, даатгал, замын хөдөлгөөний зөрчил зэрэг бүх асуудлыг энэ системээр шийднэ хэмээн албаны хүмүүс мэдээлсэн. Улсын хэмжээнд орон нутагт 470 мянга орчим, нийслэлд 650 мянга орчим тээврийн хэрэгсэл бүртгэлтэй байна.

СӨҮЛ ЧИГЛЭЛД 2.5 САЯ ТӨГРӨГӨӨР НИСДЭГ БАЙСАН БОЛ ОДОО 1.2-1.5 САЯ БОЛСОН

03 / 07 3 сэтгэгдэл 987 үзсэнe

Зам, тээврийн хөгжлийн сайд С.Бямбацогт Сөүл чиглэлд 2.5 сая төгрөгөөр нисдэг байсан бол одоо хоёр талдаа 1.2-1.5 сая төгрөгөөр нисдэг болсон” хэмээн мэдээлсэн. Тэрээр “Монгол Улсын Засгийн газрын шинэ сэргэлтийн бодлогод агаарын тээврийн либералчлалыг хөгжүүлэх, олон улсын нислэгийн тоог нэмэгдүүлэх, орон нутгийн нислэгийг сэргээх, Чингис хаан нисэх онгоцны буудлыг олон улсын агаарын тээврийн зангилаа төв болгох зорилт тусгагдсан. Мөн 2023-2025 оныг “Монголд зочлох жил” болгон зарласан" гэв. Тэрээр "Нислэгийн тийз хямдруулах хүрээнд: Улаанбаатар-Бээжин чиглэлд МИАТ ТӨХК 1.2 сая төгрөгөөр Улаанбаатар-Истанбул чиглэлд 2022 онд хоёр талдаа 4 сая төгрөгөөр нисдэг байсан бол МИАТ ТӨХК 2.2 сая төгрөгөөр Улаанбаатар-Сөүл чиглэлд 2.5 сая төгрөгөөр нисдэг байсан бол одоо хоёр талдаа 1.2-1.5 сая төгрөгөөр нисдэг болж тийзний үнэ 2 дахин буураад байна. Ойрын үед орон нутгийн 9 чиглэлд нислэгтэй болгож, орон нутгийн нислэгийн үнийг бууруулж, орон нутгийн иргэд нь илүү хөнгөлөлттэй үнээр зорчих боломжийг бүрдүүлнэ" гэжээ. МИАТ компанийн лавлахаас тийз ямар үнэтэй байгааг асуухад "Одоогоор 1.2 сая төгрөгийн үнэтэй тийз байхгүй байна" гэв. Хэзээ нисэхээс шалтгаалаад үнийн дүн хэлбэлзэж байгааг лавлах ажилтан тайлбарлалаа. Хэрвээ дөрөвдүгээр сарын 1-15-ны хооронд нисвэл ямар үнэтэй болохыг асуухад "Том хүн 1.8 сая, хүүхэд 1.4 сая төгрөгөөр нисэх боломжтой байна" гэсэн хариултыг өгсөн юм. Зам, тээврийн хөгжлийн сайд С.Бямбацогт мэдээлэлдээ мөн "2023 онд 50 орчим улстай агаарын харилцааны хэлэлцээр байгуулж, 105 чиглэлд нислэг үйлдэх боломжийг бий болгоно. Ерөнхий сайд Л.Оюун-Эрдэнийн БНСУ-д хийсэн айлчлалын үр дүнд нислэгийн давтамж 7 хоногт 44 удаа байсныг 80 хүртэлх нислэг болгож нэмэгдүүллээ. Өөрөөр хэлбэл Монгол Солонгосын хооронд өдөрт 11 нислэг хийгдэх боломж бүрдлээ. Японы чиглэлд нислэгийн давтамж 7 хоногт 26 байсныг 62 Тайландын чиглэлд 7 хоногт 10 байсныг 30 болгож З дахин Монгол-Туркийн чиглэлд 7 хоногт 6 байсныг 34, УБ-Бээжингийн чиглэлд 7 хоногт 42 удаа нислэг үйлдэх боломж бүрдүүллээ. Мөн өнөөдрийн Засгийн газрын хуралдаанаар Катар, Кувейт улстай агаарын харилцааны хэлэлцээр байгуулах эрхийг олголоо. Ингэснээр Ойрх дорнод, баруун азийн орнууд руу шууд нислэгтэй болж, экспортын ачааны эргэлт нэмэгдэж, аялал жуулчлалыг хөгжүүлэх өндөр ач холбогдолтой юм. Энэ оны 06 дугаар сард АНУ-тай “OPEN SKY” хэлэлцээрт гарын үсэг зурснаар бүрэн хүчин төгөлдөр болж хоёр улсын авиа компаниуд Монгол Америкийн хооронд дурын хот руу шууд нислэг үйлдэх боломж бүрдэнэ. 2023 онд Австрали улстай “OPEN SKY” хэлэлцээр хийнэ. Мөн энэ оны эхний хагас жилд багтаан ГРЕК, УНГАР, ИХ БРИТАНИ улстай шууд нислэг үйлдэх агаарын харилцааны хэлэлцээр байгуулна. Эдгээр хэлэлцээрүүдийг байгуулснаар дэлхийн гол агаарын тээврийн зангилаа цэгүүд рүү ямар нэг хязгаарлалтгүй, чөлөөтэй, шууд нисэх боломж бүрдэнэ. Нислэгийн томилгоог авиа компаниуд хоорондоо зөвшилцөж харин сайд түүнийг нь зөвхөн батламжилдаг болсноор тэгш боломж, чөлөөт өрсөлдөөнийг бий болголоо" гэжээ.

Ч.МАРАЛМАА ХУД-ИЙН НУТАГ ДЭВСГЭРЭЭС ГАРВАЛ ШИЙТГЭЛИЙГ ХОРИХ ЯЛ БОЛГОЖ ӨӨРЧИЛНӨ

03 / 07 0 сэтгэгдэл 550 үзсэнe

Шүүхийн хэлэлцүүлэгт шинжлэн судалсан, хавтаст хэрэгт авагдсан нотлох баримтыг үндэслэн Ч.Маралмааг автотээврийн хэрэгслийн хөдөлгөөний аюулгүй байдал, ашиглалтын журам зөрчин их хэмжээний хохирол учруулах гэмт хэрэг үйлдсэн гэм буруутайд тооцсон. Тохиолдлын шинжтэй нөхцөл байдлын улмаас анх удаа гэмт хэрэг үйлдсэн, гэмт хэрэг үйлдсэний дараа хохирогчид бусад туслалцаа үзүүлсэн, учруулсан хохирлыг нөхөн төлсөн, насанд хүрээгүй хохирогчийн хууль ёсны төлөөлөгчийн гаргасан “хорихоос өөр төрлийн ял оногдуулах” тухай хүсэлт зэргийг харгалзан түүнд 3 жилийн хугацаагаар тээврийн хэрэгслийг жолоодох эрхийг хасаж, 2 жилийн хугацаагаар зорчих эрхийг хязгаарлах ял шийтгэв. Мөн хугацаанд Хан-Уул дүүргийн нутаг дэвсгэрээс явахыг хориглож, эрүүл мэндэд учирсан гэм хорын хохиролд 1.7 сая төгрөгийг гаргуулан Эрүүл мэндийн даатгалын ерөнхий газарт олгох, хохирогчийн хууль ёсны төлөөлөгч, иргэний нэхэмжлэгч нар нь цаашид гарах хохирлыг жич нэхэмжлэх эрхтэй болохыг дурдаж шийдвэрлэв. Эрүүгийн хуульд заасны дагуу дээрх гэмт хэрэг үйлдсэн тээврийн хэрэгсэл жолоодох эрхгүй хүнд 1 жилээс 3 жилийн хугацаагаар тээврийн хэрэгсэл жолоодох эрх авахыг хязгаарлаж хасах нэмэгдэл ял оногдуулж, 6 сараас 3 жил хүртэл хугацаагаар зорчих эрхийг хязгаарлах, эсхүл 6 сараас 3 жил хүртэл хугацаагаар хорих ял оногдуулах бөгөөд ялтан зорчих эрхийг хязгаарлах ялыг биелүүлээгүй бол эдлээгүй үлдсэн хугацааны 1 хоногийг хорих ялын 1 хоногоор тооцож хорих ялаар солино. Тоймыг бэлтгэсэн: Баянзүрх дүүргийн Эрүүгийн хэргийн анхан шатны шүүхийн шүүгч Д.Шинэхүү 15 цаг 07 минут 2023.03.06 Баянзүрх дүүргийн эрүүгийн хэргийн анхан шатны шүүхээс Ч.Маралмаагийн тээврийн хэрэгсэл жолоодох эрхийг гурван жилээр хасаж, хоёр жил зорчих эрхийг хязгаарлах ял оногдуулав. Эрүүгийн хуулийн 27.10 дугаар зүйл. Автотээврийн хэрэгслийн хөдөлгөөний аюулгүй байдал, ашиглалтын журам зөрчих 2.2.тээврийн хэрэгсэл жолоодох эрхгүй хүн; 2.4.их хэмжээний хохирол учруулж үйлдсэн бол тээврийн хэрэгслийг жолоодох эрхийг нэг жилээс гурван жил хүртэл хугацаагаар хасаж зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ. 09 цаг 03 минут 2023.03.06 Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд өнөөдөр /2023.03.06/ урсгал сөрж, 12 настай хүүхэд гэмтээн, долоон автомашин мөргөсөн иргэн Ч.Маралмаад холбогдох хэргийн гэм буруугийн шүүх хуралдаан болно. Шүүх хуралдааныг өмнө нь өмгөөлөгч эмнэлэгт хэвтсэн зэрэг шалтгаанаар хоёр удаа хойшлуулаад буй юм. Хэргийг сануулахад, Ч.Маралмаа нь 2022 оны аравдугаар сарын 10-ны өдөр Баянзүрх дүүргийн 26 дугаар хороо, “Олимп” хотхоны хойд замд “Toyota Landcruiser 200” маркийн тээврийн хэрэгслийг жолоодон замын хөдөлгөөнд оролцохдоо Монгол Улсын Замын хөдөлгөөний дүрмийн 3.7, 12.3, 11.5-т заасан заалтуудыг тус тус зөрчсөний улмаас эсрэг урсгал сөрөн 7 автомашин мөргөсөн. Мөн явган хүний замаар явж байсан 12 настай С, Э нарыг дайрч, эрүүл мэндэд нь хохирол учруулсан гэх хэрэгт Эрүүгийн хуулийн 27.10 дугаар зүйлийн 2 дахь хэсгийн 2.2, 2.4 дэх хэсэгт зааснаар /Автотээврийн хэрэгслийн хөдөлгөөний аюулгүй байдал, ашиглалтын журам зөрчих/ яллах дүгнэлт үйлдэн, Баянзүрх дүүргийн эрүүгийн хэргийн анхан шатны шүүхэд шилжүүлсэн.