УДАМ ДАМЖСАН УЛСТӨРЧИД

05 / 28 0 сэтгэгдэл 658 үзсэнe

Сонгуулийн сургаар удам дамжсан улстөрчдийн цуваа тасрахгүй бололтой. Сонгуулийн дараа болон сонгуулийн өмнө удам дамжсан улстөрчдийн үйлдэл олныг эгдүүцүүлдэг. Учир нь, УИХ-ын сонгуулийн дараа зарим улстөрчийн хүүхдүүд, ах дүү, хамаатан садан төрийн бүх шатны албан тушаалд томилогдох нь энгийн үзэгдэл болоод байгаа. Иймд 2024 оны УИХ-ын сонгуульд нэр дэвшиж буй улстөрчдийн хүүхдүүдийг танилцуулж байна. ЕРӨНХИЙЛӨГЧ АСАН Н.ЭНХБАЯРЫН ХҮҮ УИХ-ЫН ГИШҮҮН БАТШУГАР: Н.Энхбаярын хүү Э.Батшугар тэрбээр Сонгинохайрхан дүүргийн УИХ-ын нөхөн сонгуульд МАН-аас нэр дэвшиж гишүүн болсон түүхтэй. Энэ удаагийн сонгуульд тэрбээр 11 дүгээр тойрог буюу Сонгинохайрхан дүүрэгт нэр дэвшиж байгаа юм. ЕРӨНХИЙЛӨГЧ У.ХҮРЭЛСҮХИЙН ДҮҮ У.ОТГОНБАЯР: МАН-ын Бага хурлын гишүүн, Монгол Улсын Ерөнхийлөгч У.Хүрэлсүхийн төрсөн дүү У.Отгонбаяр УИХ-ын VI тойрог буюу Хэнтий, Дорнод, Сүхбаатар аймагт нэр дэвшиж байгаа. Ерөнхийлөгчийн дүү У.Отгонбаяр ахынхаа УИХ, Ерөнхийлөгчийн сонгуулиудад хамгийн өндөр санал авсан тойрогт МАН-аас өрсөлдөхөөр болсон юм. УИХ-ЫН ГИШҮҮН АСАН Н.БАТБАЯРЫН ОХИН ЖАРГАЛАН: Түүнийг УИХ-ын гишүүн асан Н.Батбаярын охин гэдгээр нь олон нийт илүүтэй танина. УИХ-ын гишүүн, Эдийн засгийн хөгжлийн сайд асан Н.Батбаярын охин Жаргалан Ардчилсан намаас нэр дэвшиж байгаа. УИХ-ЫН ДАРГА АСАН Р.ГОНЧИГДОРЖИЙН ОХИН УЯНГАХИШИГ: Г.Уянгахишиг аавынхаа үйл хэргийг үргэлжлүүлэхээр ХҮН-аас УИХ-ийн сонгуульд хүч үзэхээр болжээ. Түүний аав Р.Гончигдорж нь Монголын нэрт математикч, шинжлэх ухааны хөгжилд үнэтэй хувь нэмэр оруулсан эрдэмтнээс гадна УИХ-ын гишүүн, УИХ-ын дарга, Ардчилсан намын даргын албыг хашиж ирсэн туршлагатай парламентч гэдгийг олон нийт мэднэ. УИХ-ЫН ГИШҮҮН Ц.ШИНЭБАЯР АГСНЫ ХҮҮ БЯМБАСҮРЭН: Түүний аав 2008-2012 онд Дорнод аймгаас сонгогдож, УИХ-ын гишүүн болж байжээ. УИХ-ын гишүүн, Хамуг Монголын Хөдөлмөрийн намын дарга асан Ц.Шинэбаярын хүү Бямбасүрэн Дорнод аймагт Ардчилсан намаас нэр дэвшиж буй.

МАРТАЖ ҮЛ БОЛОХ СЭДЭВ...

05 / 27 0 сэтгэгдэл 596 үзсэнe

Цагдаагийн байгууллагад бүртгэгдсэнээр оны эхний дөрвөн сард 274 зам тээврийн осол гарч, ослын улмаас 297 хүүхэд бэртэж, 12 хүүхдийн амь нас хохирсон байна. Сонгууль хаяанд ирж жирийн иргэдээс эхлээд төрийн өндөрлөгүүд хүртэл сонгуулиар амьсгалж байгаа энэ үед зам тээврийн ослоос үүдэлтэй хэргүүдийг зориуд сөхөн дурдаж буй шалтгаан нь хүний амь нас, эрүүл мэндийг хохироосон авто ослууд нам дарагдаж байгаа учраас тэр. Тэр тусмаа хүүхдийн амь нас, эрүүл мэнд хохирсон авто ослын хамгийн сүүлийн жишээ нь Хайлааст орчимд буюу ЧД-ийн 15 дугаар хорооны нутаг дэвсгэрт болсон осол. Уг ослын улмаас 1 айлын амьдрал орвонгоороо эргэж цэцэг цэврүү шиг насандаа явсан 16-хан настай охин нарт хорвоогоос одож, нэг охиных нь хавирганууд бяцарч, нуруу нь хугарч, ач, зээ хоёр нь бүсэлхийнээс доош мэдээгүй болчхоод байгаа... Гэтэл эл хэрэг мартагдах шахаж байгаа нь нууц биш. Яг л Маралмаагийн хэрэг шиг. Эл хэргийг цухас эргэн сануулахад машин жолоодох эрхгүй тэрбээр согтуу найзынхаа машиныг барьж яваад БЗД-ийн 26-р хороо Олимп хотхоны хойд зам дээр 2022 оны 10 дугаар сард осол гаргаж 12 настай охиныг замын хашлаганд хавчуулан чирч явсны улмаас охиныг бэртээж гэмтээсэн байдаг... Үүнийг өгүүлэхийн учир нь эзэн холбогдогч нь тов тодорхой хэргүүд мөрдөн байцаал шүүх прокурорын шатандаа удааширч, улмаар ял зэм нь хөнгөрч байгаад олны зүгээс бухимдсаар байгаа юм. Манай улсын сүүлийн 5 жилийн статистикаар жилд дунджаар зам тээврийн осол 25 мянга орчим бүртгэгдэж, 500 хүн нас барж, 3400 хүн гэмтсэн байдаг. Цөөхөн хүн амтай монголчуудын хувьд энэ тоо бол ТОМ тоо. Эдгээр тоо баримтууд авто ослын тоо буурахгүйг гэрчилж буй бөгөөд жолоочийн хариуцлагагүй, анхаарал болгоомжгүй байдал нь ослын шалтгаан болдгийг харуулж байгаа юм. Нөгөөтэйгүүр бол эзэн холбогдогч, хохирогч гээд бүхий л зүйл нь тодоос тод энэ мэт хэргийг удаашруулалгүй, бүдгэрүүлэлгүй үтэр түргэн шийдэж байхгүй бол хэд хэчнээн Маралмаатангууд ял завшиж, ажилдаа хичээлдээ явахаар өглөө гэрээсээ гарсан жирийн иргэд амь нас эрүүл мэндээрээ хохирч, зарим нь эргэж ирэхгүйгээр одсоор байх нь.

2549 ИРГЭНД 45.3 ТЭРБУМЫН ХОХИРОЛ УЧРУУЛСАН “БЭЛТЭС МӨРӨН“ ХХK-Д ХОЛБОГДОХ ГЭМ БУРУУГИЙН ШҮҮХ ХУРАЛ ЭХЭЛЛЭЭ

05 / 27 0 сэтгэгдэл 492 үзсэнe

Нийслэлийн Чингэлтэй дүүргийн Прокурорын газраас Эрүүгийн хуулийн тусгай ангийн 17.3 дугаар зүйлийн (залилах) 3 дахь хэсгийн 3.1, 3.2, 18.6 дугаар зүйлийн (мөнгө угаах) 2 дахь хэсгийн 2.1, 2.2-т зааснаар яллах дүгнэлт үйлдэж ирүүлсэн Г.Нямдэлгэр, С.Ганбаатар, Р.Бузмаа, Г.Нямдалай, Г.Пүрэвсүрэн, Н.Уяабор, Ч.Очир, Д.Цэнгэнбаяр, Б.Мэндсайхан нарт холбогдох эрүүгийн хэргийн шүүх хуралдааныг өнөөдөр Хөвсгөл аймгийн Спортын ордонд зохион байгуулж байна. Гэм буруугийн шүүх хуралдаанд улсын яллагч 3, иргэдийн төлөөлөгч 1, шинжээч цахимаар 1, нэр бүхий хохирогч, хохирогчийн хууль ёсны төлөөлөгч 209, хохирогч нарын өмгөөлөгч 5, яллагдагч нарын өмгөөлөгч 6, нэр бүхий 4 иргэний хариуцагч, гэрч 1, шүүх хуралдааныг хөндлөнгөөс 34 ажиглагч шүүх хуралдаанд оролцож байгаа аж. Хэргийн талаар тодруулбал Хөвсгөл аймгийн нутаг дэвсгэрт 2021 оны дөрөвдүгээр сарын 7-ны өдрөөс 2022 оны тавдугаар сарын 12-ны өдрийн хооронд нийт 213,032,414,032 төгрөгийг иргэдээс татан төвлөрүүлж, Хамтран ажиллах санхүүгийн дэмжлэг үзүүлэх тухай гэрээг тэтгэврийн насныхан болон хөгжлийн бэрхшээлтэй, амьжиргааны түвшин доогуур иргэдэд туслах нэрээр байгуулж, 2,595 иргэнд 45,491,459,600 төгрөгийн буюу их хэмжээний хохирол учруулж, залилсан гэх хэрэгт Эрүүгийн хуулийн 17.3 дугаар зүйлийн 3 дахь хэсгийн 3.1, 3.2, 18.6 дугаар зүйлийн 2.2 дахь хэсгийн 2.1, 2.2-д зааснаар яллах дүгнэлт үйлдсэн юм. Эх сурвалж: Хөвсгөл аймаг дахь Шүүхийн тамгын газар

СОНГУУЛЬ 2024: САИН намаас тойрогт 39, жагсаалтаар 18 хүн нэр дэвшинэ

05 / 27 0 сэтгэгдэл 593 үзсэнe

САИН (Сайн Ардчилсан Иргэдийн Нэгдсэн Нам)-аас 2024 оны УИХ-ын сонгуульд нийт 57 хүнийг нэр дэвшүүлж буйгаа зарлалаа. Тодруулбал тойрогт 39, жагсаалтаар 18 нэр дэвшигчийг дэвшүүлэхээр тус намын бага хурлаас шийдвэрлэжээ. Улмаар Сонгуулийн Ерөнхий Хороонд нэр дэвшигчдийн холбогдох материалыг хүргүүлсэн байна. САИН намаас нэр дэвшиж буй хүмүүсийн нэрийг дараах байдлаар танилцуулав. 1-Р ТОЙРОГ АРХАНГАЙ, БАЯНХОНГОР, ӨВӨРХАНГАЙ Банзар Жавзмаа Мижиддорж Баттулга Авирмэд Үүрцайх Цэрэнбалжир Эрдэнэбаатар 2-Р ТОЙРОГ ХОВД, ЗАВХАН, УВС, ГОВЬ-АЛТАЙ Тулгаа Ариунтунгалаг Цэсмаа Ганбат Мягмар Нямгэрэл Дорж Мөнгөнцэцэг Баярсайхан Анундарь Базаржав Даваадорж Батнасан Мөнх-Алтай 3-Р ТОЙРОГ БАЯН-ӨЛГИЙ Пүрэвжав Эрдэнэцогт 4-Р ТОЙРОГ ХӨВСГӨЛ, БУЛГАН, ОРХОН Цэцгээ Одончимэг Дагважамц Сарантуяа Санжаасүрэн Пүрэвсүрэн 5-Р ТОЙРОГ ДАРХАН, СЭЛЭНГЭ, ТӨВ Батболд Тэлмүүн Мөнгөнзагас Эрдэнэбат Цэдэн Энхтуяа Базаргүр Ариунболд Батзориг Сэндэр 6-Р ТОЙРОГ ХЭНТИЙ, ДОРНОД, СҮХБААТАР Хоролжав Энхтулга Очгэрэл Баатархуяг 7-Р ТОЙРОГ ӨМНӨГОВЬ, ДУНДГОВЬ, ГОВЬСҮМБЭР, ДОРНОГОВЬ Нямхүү Галбадрах Даваасүрэн Нарангарав Дамдинбалжир Сарантуяа 8-Р ТОЙРОГ БАЯНЗҮРХ Нохойжав Батболд Баярсайхан Чимэгсайхан Энхболд Мэргэншагай 9-Р ТОЙРОГ БАЯНГОЛ Чулуунбат Нямсамбуу 10-Р ТОЙРОГ ЧИНГЭЛТЭЙ, СҮХБААТАР Баатаржав Алтанбагана Чойнбэрэл Туул Дашзэвэг Лхагвабаяр Намсрай Энхцолмон 11-Р ТОЙРОГТ СОНГИНОХАЙРХАН Аминдаваа Даваадорж Дулам Санчир Баасансүрэн Оюунжаргал 12-Р ТОЙРОГ ХАН-УУЛ Бямбасүрэн Жагар 13-Р ТОЙРОГ НАЛАЙХ, БАГАНУУР, БАГАХАНГАЙ Нагаанрагчаа Хангалбаатар Болдбаатар Болор ЖАГСААЛТ Лхамсүрэн Чойсүрэн Зэсэндэг Тунгалаг Чойжамц Төгсбилгүүн Гансүх Батсүх Цэгмид Төмөрбаатар Сайханбат Улаанаа Гүржав Батдэлгэр Өлзийбуян Сэргэлэнчимэг Дамдинсүрэн Мөнх-эрдэнэ Сосорбарам Амаржаргал Цэрэнлхан Отгонбаатар Энэбиш Оюунтүлхүүр Өлзийбаяр Ванганжалам Ванчиндорж Хоролмаа Санжаамижид Чинцогт Цоодол Төгсжаргал Нэргүй Ганбат Идэрбаатар Зөөлөн-Эгшиг

РЕППЭР ДЕСАНТ ХЭВЛЭЛИЙН БАГА ХУРАЛ ЗАРЛАЛАА

05 / 27 0 сэтгэгдэл 490 үзсэнe

Монголын хип хоп ертөнцөд төдийгүй олон улсад нэр хүнд, байр сууриа олсон реппэр desant ирэх 6 дугаар сарын 8-ны өдөр төв цэнгэлдэх хүрээлэнд "big fish" хэмээх бие даасан тоглолтоо хийхээр товлон, бүх цаг үеийн фенүүддээ бэлэг бариад байгаа билээ. Түүний хувьд 19 жил тасралтгүй уран бүтээл хийж ирсэн ба энэ удаагийн тоглолт нь анхны хамгийн том хэмжээний тоглолт болох гэж буйгаараа ихээхэн онцлогтой. Тодруулбал, реппэр desant-ын хувьд дөрөвдүгээр ангиасаа хип хоп хөгжимд дурлаж, 2005 онд буюу 10-р ангиасаа уран бүтээлээ хийж эхэлсэн гэдэг. Тэрбээр хип хоп урсгалд шинэ тэсрэлт авчирсан gangsta service, click click boom бүлгэмийг үүсгэн байгуулалцаж байсан ба одоо цагт хамгийн өндөр нэр алдарт хүрээд буй "тоонот" рекордсыг үүсгэн байгуулагчдын нэг гэдгийг олон нийт андахгүй. Мөн тэрбээр реп, хип хоп урсгалд шинэ үеийг төрүүлж чадсан "hustla music", "backyard" зэрэг төслүүдийг санаачлан хэрэгжүүлж, thunderz, black, mekh zakhq, maberrant гэх мэт олонд танигдаад буй артистуудын гарч ирэх замыг засаж байсан түүхтэй. 2014 онд click click boom бүлгэмд харьяалагдаж байхдаа анхны бие даасан "hotbox" тоглолтоо хийж байсан тэрбээр түүнээс хойш 10 жилийн дараа ийнхүү бие даасан тоглолтоо зарлаж байгаа нь хэд хэдэн шалтгаантай гэж болохоор. Нэгдүгээрт реппэр desant чанартай уран бүтээл хийхийг юу юунаас илүү эрхэмлэдэг учир маш удаан хугацаанд бэлтгэсний үр дүнд мэргэжлийн болон чанарын өндөр түвшинд хүргэсэн тоглолт хийхэд бэлэн болжээ. Мөн 10 жилийн дараах энэхүү тоглолт нь түүний хувьд анхны хамгийн том хэмжээний тоглолт болох гэж байна. Удаан хугацаанд бодож, төлөвлөсөн энэхүү тоглолтоо реппэр desant "өөрийн карьерын нэрийн хуудас" хэмээн мэдэгдэж байгаа ба өнгөрсөн бүх цаг хугацааныхаа уран бүтээл, өсөлт хөгжлийг илэрхийлэн 6 хэсэгт хуваан харуулах бөгөөд бүх үеийн хамтрагчид нь тоглолтод оролцож, 2007 оноос хойш гаргасан шилдэг уран бүтээлүүдээр түймэр тавьж, олон олон сюрприз барихаа амлаж буй. Жишээ болгон дурдахад, хамгийн нүсэр тайз засаж буй "big fish" тоглолтыг зохион байгуулагчид цаашид ч ийм хэмжээний тайз засагдахгүй гэдэгт бардам байгаагаа илэрхийлж байгаа бол найруулагчид нь тоглолтын үеэр алдарт hood дуу анх удаа тайзнаа дуулагдахыг мэдэгдэж байгаа. Ийнхүү реппер desant-ын нэрийн хуудас болох "big fish" тоглолттой холбоотой дэлгэрэнгүй мэдээллийг тоглолтын зохион байгуулагчидтай хамтран өөрийн биеэр өгөхөөр маргааш буюу 5 дугаар сарын 28-ны мягмар гарагт 12:00 цагаас төв цэнгэлдэх хүрээлэнд хэвлэлийн бага хурал зарлаад байна. Хэвлэлийн бага хурлаар дээр дурдсанаас гадна олон сюрпризийг задлах аж. Тоглолтын тасалбарыг: shoppy.mn big fish official concert gs25 сүлжээ дэлгүүрийн бүх салбараар Дэлгэрэнгүй мэдээллийг: 89980000, 99197150

ТАВАНТОЛГОЙ ТҮЛШ КОМПАНИ ЗҮҮН ҮЙЛДВЭРТЭЭ УГААЛГЫН ЦЕХ АШИГЛАЛТАД ОРУУЛЛАА.

05 / 27 0 сэтгэгдэл 169 үзсэнe

Тавантолгой түлш компани Зүүн үйлдвэртээ угаалгын цех ашиглалтад орууллаа. Энэ нь ажилтнуудынхаа хөдөлмөрийн орчин, нөхцлийг сайжруулах чиглэлээр хийж буй ажлуудын нэг юм. Угаалгын цех нь Нийтлэг Үйлчилгээний Хэлтэст харьяалагдах бөгөөд 4 хүний бүрэлдэхүүнтэй, ажлын 8 цагаар үйл ажиллагаа явуулж байна. Тус цех нь нэг удаадаа 35кг буюу хоногт ажлын 100-120 ширхэг хувцас угааж, хатаах хүчин чадал бүхий угаалга, хатаалгын гурван машинтай аж. Мөн хувцас угаах, хатаах, индүүдэхээс гадна оёдол засварын үйлчилгээг үзүүлэн ажиллаж байна.

ХӨДӨЛМӨРИЙН БААТАР Х.ЦАГААНБААТАР ДАРХАН-УУЛ АЙМГИЙН ИЗНН-ЫН ДАРГА БОЛЖЭЭ

05 / 24 0 сэтгэгдэл 648 үзсэнe

ИЗНН хэдхэн хоногийн өмнө Үндэсний хорооны хурлаа хийж УИХ-ын сонгуульд нэр дэвшигчдээ тодруулсан. Хөдөлмөрийн баатар Х.Цагаанбаатар тус намд элсэж Үндэсний хорооны хуралд нь оролцсон юм. Тэрээр өчигдөр ИЗНН-ын Дархан-Уул аймгийн намын хорооны даргаар сонгогджээ. Х.Цагаанбаатар "Намын хурал ардчилсан, шударга болсонд баяртай байна. Энэ намыг сонгож орсон. ИЗНН-д итгэл хүлээлгэж байгаа бүх хүнд баярлалаа. Монгол Улсынхаа ирэаэдүйн хөгжлийн төлөө хамтдаа зүтгэхийг хүсэж байна. Нийгэмд болохгүй байгаа олон зүйлийг өөрчлөхийн төлөө хамтдаа зүтгэх болно" гэжээ. Хөдөлмөрийн баатар Х.Цагаанбаатар 2016 оны сонгуулиар Тусгаар тогтнол, эв нэгдлийн намаас Дархан-Уул аймаг буюу 43 дугаар тойрогт нэр дэвшиж байсан юм. Мөн ИЗНН-д элсээд удаагүй байгаа дуучин М.Нарантуяа (Нара) тус намын дэд дарга болжээ.

ОРБИТЫН ЗАМЫГ ХААЖ, ШИНЭЧИЛНЭ

05 / 24 0 сэтгэгдэл 541 үзсэнe

Сонгинохайрхан дүүргийн 22 дугаар хороо, Цэргийн хотхоноос Хилчин холбоочдын гудамжны уулзвар хүртэлх авто замыг тавдугаар сарын 24-ний өдрийн 23:00 цагаас тавдугаар сарын 27-ны өдрийн 07:00 цагийн хооронд хааж, шинэчилнэ. Тус замыг асфальт бетоноор хучна. Мөн хучилтын бүтээцийн хөлдөлтөөс хамгаалах үе, буталсан чулуун суурийн ажил, хөвөөний дүүргэлт, зорчих хэсгийн тэгшилгээг хийнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.

НОСК: ҮЕРИЙН ЭРСДЭЛТЭЙ ГАЗАР АМЬДАРЧ БУЙ, ЗӨВШӨӨРӨЛГҮЙ АЙЛУУДЫГ СУУРЬШЛЫН ДӨРВӨН БҮС РҮҮ НҮҮЛГЭНЭ

05 / 24 0 сэтгэгдэл 601 үзсэнe

Нийслэлийн Онцгой байдлын газраас үер, усны аюулаас урьдчилан сэргийлэх, цаг үеийн нөхцөл байдлын талаар мэдээлэл өглөө. Нийслэлийн Онцгой байдлын газрын дарга А.Дашням "Өчигдөр оройноос эхлээд нийслэлд бороо орж байна. Өнөөдөр, маргааш үргэлжлэн бороо орох төлөвтэй байна. Нийслэлийн хэмжээнд үер усны нөхцөл байдалтай холбогдуулаад шуурхай хуралдаанаар үүрэг, чиглэл өгсөн. Улмаар үерийн эрсдэлтэй бүсэд амьдарч байгаа айл өрхүүдэд мэдээлэл өгч, урьдчилан сэргийлэх ажил зохион байгуулах үүрэг, чиглэл өгсөн. Бид маргаашаас эхлээд Баянзүрх дүүргийн 21, 27, 29 дүгээр хороонд эрсдлийн үнэлгээ хийнэ. Эрсдэл бүхий айлуудын аюулгүй байдлыг хангаж, зөвшөөрөлгүй айлуудыг суурьшлын дөрвөн бүсэд газар олгосон. Нүүх албан шаардлага өгнө. НОСК-той хамтарч, газраа орон сууцаар солих зэрэг олон санал тавьж, ажиллаж байгаа. Өнгөрсөн жилийн үер болсон газруудад далан суваг барьж, иргэдийн аюулгүй байдлыг хангах шат дараалсан арга хэмжээ авна" гэв.

МАРГААШ НИЙТИЙН ТЭЭВРИЙН 37 ЧИГЛЭЛД ӨӨРЧЛӨЛТ ОРУУЛНА

05 / 24 0 сэтгэгдэл 594 үзсэнe

“Улаанбаатар марафон-2024” олон улсын гүйлтийн тэмцээн маргааш буюу 2024 оны тавдугаар сарын 25-ны өдөр болохтой холбогдуулан Бага тойруу, Энхтайваны өргөн чөлөөний Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Сүхбаатарын гудамж, Их сургуулийн гудамж, Элчингийн гудамж, Хөх тэнгэрийн гудамж, Партизаны гудамж, Олимпын гудамж Самбуугийн гудамжны автозамуудын хөдөлгөөнийг тус тус хязгаарлах тул тухайн чиглэлд үйлчилгээ үзүүлдэг нийтийн тээврийн 37 чиглэлийн 317 тээврийн хэрэгслийн чиглэлд өөрчлөлт оруулахаар төлөвлөөд байна. Үүнд: • Их тойруугаар явах чиглэлүүдэд: Баянбүрд, Үндэсний шуудан, Сансарын ШТС зогсоолуудаар, • Нарны замаар явах чиглэлүүдэд: Жигүүр гранд, Замын цагдаагийн газар, Миний дэлгүүр зогсоолуудаар, • Босоо чиглэл буюу хойноос урагш явах чиглэлүүдэд: Ногоон нуур, 120 мянгат, Төв цэнгэлдэх хүрээлэн зогсоолуудаар, • Баруун 4 замыг дайран өнгөрөх чиглэлүүдэд МҮЭСТО, Элба төв, Бөмбөгөр худалдааны төв, Нарны титмийн зогсоолуудаар, • Зүүн 4 замыг дайран өнгөрөх чиглэлүүдэд: Сансарын үйлчилгээний төв, Хавдар судлалын эмнэлэг гэсэн чиглэлүүдэд тус тус үйлчилнэ. Түүнчлэн хотын төвийн буюу Их тойруу доторх гол гудамж, замууд хаагдах үед нийтийн тээврийн үйлчилгээний чиглэлүүд хойгуураа Их тойруугийн гудамж, урдуур Нарны зам, Намъяанжугийн гудамжаар явах бөгөөд хойноос урагш болон урдаас хойш явдаг босоо чиглэлүүд болох Баруун 4 зам, Нарны гүүр, Зүүн 4 замаар үйлчлэх ба орой 18:00 цагаас хойш үндсэн замналаар үйлчилгээ үргэлжилнэ.