Дуучин Хишигдалайгийн алтан партнер С.Зоригт тун удахгүй аав болох тухай цуурхал чих дэлсээд амжлаа. Үеийнхэн дундаасаа оройтож хайр сэтгэл, хамтын амьдралд хөл тавьсан С.Зоригтын найз бүсгүй А.Оюунтунгалаг жирэмсэн гэнэ шүү. Гярхай фэнүүд нь найз бүсгүйнх нь цодгор гэдсийг аль хэдийнээ анзаарсан бололтой. Тэд сүй тавиад хоёр жил болж байгаа юм.
Монгол Улсын Гавьяат тамирчин, Хөдөлмөрийн баатар, Японы мэргэжлийн сүмогийн 68 их аварга Д.Дагвадорж М.Отгонцэцэг гэх бүсгүйтэй нэг гэрт орж хөөрхөн охинтой болсон. Тэд гэр бүлийн аялалаа Япон улсаас эхлүүлсэн Дурсамж, үнэ цэнэ бүтээх энэхүү аялалаа тэд өөрсдийн цахим хуудаснаа сторигоор оруулж олон нийтэд дэлгэжээ. Асашёорюү Д.Дагвадорж анхны гэргий Тамираасаа албан ёсоор салж, тусдаа амьдарсаар багагүй хугацааг үдсэний эцэст өнгөрсөн жил шинэ амьдрал зохиосон. Тэд гэрлэлтээ батлуулахаас өмнө гурван жилийн турш болзож, нэгнээ таниж мэдсэний эцэст 2020 онд шинэ хүнээ өлгийдснөөр хамтын амьдралаа албан ёсоор ил болгосон.
“Нийслэл хүү” хэмээх нэрээрээ танигдсан реппер Цэцэ буюу Н Цэцэнбилэг чамгүй сайн тогооч гэнэ шүү. Гал тогоонд тогоочийн хувцас өмсөн өндөг хагалж, шарж байгаа бичлэг сошиал орчиноор нэлээдгүй явсан. Дуучин Д.Болд, Цэцэ нарыг сүүлийн үед уран бүтээлээсээ илүү элдэв янзын шоугаар харах болсон . Сүүлд тэрбээр ОДОДТОЙ БҮЖИГЛЭЕ шоунд оролцон үзэгч олны хайр хүндэтгэлийг хүлээгээд амжсан. Тэрбээр уран бүтээл гаргалгүй нэлээд нам жим байгаа. Харин саяхнаас тогоочийн төрхтэй олонд үзэгдэх болсон юм. Түүний хувьд Америк улсад ажиллаж байхдаа хоолны урлагийг сонирхон судалж чамгүй мэдлэгтэй болжээ.
Боксын холбооны Удирдах зөвлөлийн хурлаар Үндэсний шигшээ багийн тамирчин, Монгол Улсын гавьяат тамирчин Э.Цэндбаатарыг шигшээ багаас хөөх шийдвэр гаргасан билээ. Ингэснээр тэрбээр ирэх сард болох ДАШТ-д оролцох боломжгүй болоод байна. Э.Цэндбаатар өөрийн цахим хуудаснаа “Өнөөдөр дэлхийн аварга шалгаруулах тэмцээнд орно гээд бэлтгэлээ хийж байсан шүү. Одоо бэлтгэл хийх шаардлагагүй. Монголдоо ч байх шаардлага алга. Би хэнд ч гомдохгүй. Хэлэх зүйлээ хэлнээ хэмээн бичжээ.
Хошин урлагийн ууган хамтлагийн нэг “Х түц” продакшны захирал, жүжигчин Н.Онон АНУ-д хуульч мэргэжил эзэмшсэн н.Сарансүх гэх эмэгтэйг насныхаа ханиар сонгосон. Өдгөө хосууд маань гурван сайхан хүүхэдтэй ба нэг хүү хоёр охинтой аж. Хүүхдийнхээ ирээдүйд нэлээдгүй анхаарал хөдөлмөрч аав юм.Тэрээр хүүхдүүдээ урлагийн хүн болгохгүй гэж боддог гэнэ лээ. Хүү нь энэ оны хавар сургуулиа төгссөн ба цахим хуудаснаа жүжигчин маань “Бидний гурван хүүхдүүд 12 жил цуг сурч найзалсаар төгслөөдөө. Амьдралд тавтай морил'' хэмээжээ. Харин бага охин Сондорын төрсөн өдөр нь саяхан болж өнгөрсөн бөгөөд 13 нас хүрсэн юм. Жүжигчний хүүхдүүдийн зурагтай танилцана уу?
“Дэлхийн мисс”-д оролцож дээд амжилт үзүүлж монголынхоо нэрээр гаргаж чадсан мисс А.Баярцэцэг өдгөө жүжигчин мэргэжлээр дэлхийд нэр алдраа дуурсгаж явна. Amazonka, Netflix-ийн кинонд тоглох сонгон шалгаруулалтад тэнцэж, авьяас билэгээ гайхуулаад амжсан. Энэ удаад Лондон хотноо “Bloomsbury Festival”-ийн хүрээнд театрын жүжигт тэнцэж, тоглохоор болсон байна. Цахим хуудаснаа“Гайхалтай мэдээгээр өглөөг угтлаа. Анх удаа Bloomsbury Festival -н хүрээнд Лондонд театрын жүжгэнд дүр бүтээхээр тэнцжээ. Анхны тайзны бүтээл маань гэхээр догдолж бас сандарч байна шүү. Лондонд байгаа найзууд 10.24-нд ирж жүжгийг маань үзээрэй” гэж бичжээ.
Маск продакшны чадварлаг жүжигчин П.Эрдэнэзааны том хүү Э.Энэрэл гэр бүл зохиож аавыгаа өвөө хэмээх эрхэм алдарын эзэн болгожээ. П.Эрдэнэзааны хувьд эхнэртэйгээ ханилаад даруй 26 жил болсон бөгөөд удам залгах ганц хүү, гурван охинтой ажээ. Бага охин Монголжин энэ жил 8 настай агаад охиноо төрөх үеэр тэрбээр энэ тухайгаа твиттер хуудаснаа “Өнөөдөр миний амьдралын хамгийн баярт мөч…3 кг 300 грамм охинтой боллоо. Дөрвөн хүүхдийн аав боллоо доо.” хэмээн жиргэж байв. П.Эрдэнэзааны хувьд эхээс гурвуулаа айлын бага хүү П.Эрдэнэзаан юм. Тэрээр эхнэртэйгээ суухдаа доод тал нь дөрвөн хүүхэдтэй болох тухай ярилцаж байсан гэдэг.
"Ододтой бүжиглэе" шоуны бүжигчин охидын зүрхний эрлэг гэгддэг Ангууч буюу Баттөр холимог тулаанч, инфлүнсэр, модель булчинлаг сайхан биетэй, царайлаг, өөрийн гэсэн бизнестэй, карьер өндөртэй, бүжиглэдэг, жүжиглэдэг гээд бараг л төгс залуу. Саяхныг хүртэл ганц бие, хүсэмжит залуусын жагсаалтыг тэргүүлж явсан тэрээр найз бүсгүйгээ ил болгосон нь сошиал орчинд нэлээдгүй шуугиан дэгдээгээд амжсан. Тэрээр Номин гэдэг инстаграмд чамгүй олон дагагчтай бие хаа, царай зүсээрээ хэнээс ч дутахааргүй сайхан эмэгтэйг найз бүсгүйгээрээ сонгожээ. Тэрээр ихэр гэнэ шүү.
УИХ-ын дарга Г.Занданшатар 8-р сарын 25-нд тушаал гарган, УИХ-ын даргын Жижиг дунд үйлдвэрлэл, хөдөө аж, ахуй хариуцсан орон тооны бус зөвлөхөөр Магваны Билэгтийг томилжээ. М.Билэгт нь 1981 онд Барилгын техникум, Геодезийн техникч, 1989 онд Улс төрийн дээд сургууль, улс төр судлаач, 1999 онд Удирдлагын академи, бизнесийн удирдлагын менежерээр төгсөж байжээ. Гишүүнээр ажиллаж байх хугацаандаа "Өвөл болохоор хүйтэн болдог", "шодорго ёс шодорго ёс" үгсээрээ олонд нийлээд танигдаад авсан. Мөн дөрвөн жилийн туршид чуулганы хуралдааныг нэг ч таслаагүй суусан гэдэг.
Булган аймгийн Засаг дарга Б.Ариун-Эрдэнэ тус аймгийн нөөцийн газрын даргаар Г.Батдэлгэр гэх хүнийг томилсон гэх мэдээлэл олны анхааралд байна. Учир нь тус Г.Батдэлгэр гэгч давтан үйлдлээр хүнийг хил давуулан худалдаалсан, мөн бусдыг биеэ үнэлэхэд зуучилсан хэргээр шүүхээс түүний 150 мянган төгрөгийг хурааж, таван жил зургаан сарын хорих ялыг оноож байжээ. Г.Батдэлгэр нь бусадтай үгсэн хуйвалдаж Сингапур, Малайз, Макао зэрэг улсууд руу охид эмэгтэйчүүдийг "Өндөр цалинтай ажилд зуучилна" гэж хуурч мэхлэн, хил давуулан биеийг нь үнэлүүлэхээр бусдад худалдаалж байсныг Монголын шүүх тогтоож байв.Иймд шүүхээс ноцтой хэргээр ял сонсож байсан иргэн төрийн албанд найзын холбоогоор даргын ажилд томилогдсон байж болзошгүй асуудал нь олны анхаарлыг татаж эгдүүцлийг төрүүлж байгаа юм.
