ОРОН НУТГИЙН ЗАМД НОЦТОЙ ОСОЛ ГАРЧЭЭ

12 / 14 0 сэтгэгдэл 241 үзсэнe

Хэнтий аймгаас 3 км- ийн зайд 44 хүн тээвэрлэж явсан автобус осолдсон байна . Азаар хүн амь эрсдээгүй талаар эх сурвалж мэдээлж байна . Тухайн зорчигч тээврийн компани ноцтой осол гаргачихаад нуун дарагдуулжээ Тодруулбал өнөөдөр буюу энэ сарын 13- ны 13:34 цагийн орчимд жолооч Э нь До . Хэрлэн - УБ чиглэлд 44 зорчигчтой " Айсбн " ХХК - ны .... ДОА улсын дугаартай тээврийн хэрэгсэл жолоодож явахдаа ноцтой осол гаргасан байна . Эх сурвалжийн мэдээлж байгаагаар гэрлийн гялбаанд орж зам дээр байсан өвс преслэгч машин мөргөж зам тээврийн осол гарчээ .

БГД-ИЙН ИТХ-ЫН АЖЛЫН АЛБАНААС 2023 ОНД УЛС, НИЙСЛЭЛ, ДҮҮРГИЙН ТӨСВИЙН ХӨРӨНГӨ ОРУУЛАЛТААР ХЭРЭГЖҮҮЛЖ БАЙГАА БҮТЭЭН БАЙГУУЛАЛТЫН ТАЛААР ИРГЭДЭД МЭДЭЭЛЭЛ ХҮРГЭХ, 2024 ОНЫ ТӨСӨВТ САНАЛ АВАХ ХЭЛЭЛЦҮҮЛГИЙГ ЗОХИОН БАЙГУУЛЛАА

12 / 12 0 сэтгэгдэл 180 үзсэнe

Баянгол дүүргийн 3, 26 дугаар хорооны иргэдийг хамруулсан цахим хэлэлцүүлгийг 2023 оны 12 дугаар сарын 09-ний өдөр, мөн 10, 11 дүгээр хорооны иргэдийг танхимаар хамруулсан хэлэлцүүлгийг /2023.12.11/ тус тус зохион байгууллаа. Хороодын иргэд уулзалт хэлэлцүүлэгт идэвхтэй оролцож, ДИТХ-ын Төлөөлөгч Н.Энхчимэг, Ц.Түмэндэмбэрэл, Ц.Гантулга, Ү.Амартүвшин, Засаг дарга Л.Отгонбаяр, С.Баярчимэг нарын 2022-2023 онд хийж хэрэгжүүлсэн ажлын тайлантай танилцав. Иргэдийн зүгээс гэр хорооллын дахин төлөвлөлт, халуун усны газар, хүүхдийн тоглоомын талбай, гэр хорооллын дундах авто зам, гэрэлтүүлгийн чиглэлээр ирэх оны төсөвт хөрөнгө оруулалт тусгаж, хүмүүсийн амьдрах орчныг сайжруулах шаардлагатай байгаа талаар санал бодлоо илэрхийлж байлаа. Хэлэлцүүлэг уулзалт нь төрийн үйлчилгээг иргэдэд хүргэх чиглэлээр хийж гүйцэтгэсэн ажлаа тайлагнах, хороодоос сонгогдсон төлөөлөгчид иргэдийн санал хүсэлтийг 2024 оны төлөвлөгөөндөө тусгах, төр иргэний түншлэлийг бэхжүүлэх зорилготой юм. Арга хэмжээнд мөн Баянгол дүүргийн Засаг даргын Тамгын газрын Газар зохион байгуулалтын алба, Санхүү төрийн сангийн хэлтэс, Төлөвлөлт, гүйцэтгэлийн удирдлагын хэлтэс, Тохижилт нийтийн аж ахуйн хэлтэс, Хүнс худалдаа, үйлчилгээний хэлтэс, Боловсролын хэлтсийн мэргэжилтнүүд оролцож иргэдийн асуултад хариулж, мэдээлэл өгч байна.

“ӨВӨЛДӨӨ БЭЛДЭЖ, ӨНТЭЙ ӨВӨЛЖЬЕ” ӨДӨРЛӨГ БОЛЛОО

12 / 12 0 сэтгэгдэл 252 үзсэнe

Иргэдийг угаарын хийн хордлогоос урьдчилан сэргийлэх, эрсдэлээс хамгаалах зорилтын хүрээнд “ӨВӨЛДӨӨ БЭЛДЭЖ, ӨНТЭЙ ӨВӨЛЖЬЕ” өдөрлөг Баянгол дүүргийн спорт хорооны гадна талбайд өнөөдөр /2023.10.11/ зохион байгуулагдлаа. Баянгол дүүргийн ЗДТГ- аас зохион байгуулсан тус өдөрлөгт дүүргийн Тохижилт үйлчилгээний хэлтэс болон Онцгой байдлын хэлтэс, Улаан загалмайн хороо, дүүргийн гэр хороодын Засаг даргын ажлын алба, “Таван толгой түлш” ХХК-ны Хэрэглэгчдэд үйлчлэх төв, Гор газ ХХК, Экологийн цагдаа, Жэрэс ОУТББ нар “Өвөлдөө бэлдэж, өнтэй өвөлжье” өдөрлөгийг зохион байгууллаа . Хүйтний улирал эхэлж байгаатай холбогдуулан ахуйн гал түймэр, угаарын хийн хордлогоос урьдчилан сэргийлэх, гамшгийн эрсдэлийг хэрхэн бууруулах зэрэг мэдээллийг иргэдэд хүргэ сэн . Өдөрлөгийн үеэр ахуйн хүрээний гал түймэр, угаарын хийн хордлогоос урьдчилан сэргийлэх мэдээлэл хүргэж, зөвлөмж тараан , ахуйн хүрээнд гарсан галыг унтраах, гал унтраагуур болон анхан шатны багаж хэрэгсэл ажиллуулах үзүүлэх сургалт хийлээ. Мөн галлагааны зөв горим, айл өрхүүдийн пийшин, зуух янданг хэрхэн зөв хөөлж угаарын хийн хордлогоос урьдчилан сэргийлэх, угаарын хийн хордлогод өртсөн иргэнд үзүүлэх анхны тусламж сэдвээр зөвлөмжийг иргэд олон нийтэд хүргэж, зуухны аюулгүй байдлыг хангах, галлагааг зөв хийх, бага насны хүүхдийг хараа хяналтгүй гэрт нь цоожилж үлдээхгүй байхыг Баянгол дүүргийн Онцгой байдлын хэлтсээс анхааруул лаа. Мөн Баянгол дүүргийн Улаан загалмайн хорооноос иргэдэд угаарын хийн хордлогоос урьдчилан сэргийлэх, анхны тусламж үзүүлэх зөвлөмж мэдээлэл хүргэсэн бол “ Тавантолгой түлш” ХХК-ийн хэрэглэгчдэд үйлчлэх төвөөс сайжруулсан түлш борлуулах “Сайн” картыг шинээр олгон сунгалт хийх, агаарын бохирдлыг бууруулах хүрээнд авч хэрэгжүүлж буй түлш хэмнэх, утааг бүрэн шатаах, эрсдэлээс урьдчилан сэргийлэх “Бортого”- ны хэрэглээ, ач холбогдлын талаар заавар зөвлөгөөг өгсөн юм.

Зүүн бүс: Хариуцлагатай уул уурхайг эдийн засгийн тэргүүлэх чиглэл болгон хөгжүүлнэ.

12 / 08 0 сэтгэгдэл 238 үзсэнe

Уул уурхай хүнд үйлдвэрийн яам, Ашигт малтмал газрын тосны газар, Монголын уул уурхайн үндэсний ассоциаци, Олборлох үйлдвэрлэлийн ил тод байдлын санаачилгын үндэсний зөвлөл хамтран зохион байгуулсан “Хариуцлагатай уул уурхай” зүүн бүсийн өдөрлөг 2023 оны 11-р сарын 16, 17-ны өдрүүдэд Дорнод аймгийн Чойбалсан хотод амжилттай болж, өндөрлөлөө. Эрдэс баялгийн салбарын ашиг тус, үр нөлөөлөл, ил тод байдлыг оролцогч талуудад зөвөөр хүргэх, хариуцлагатай уул уурхайн төслүүдийг олон нийтэд таниулах, оролцогч талуудын хамтын ажиллагааг сайжруулах зорилготой тус чуулганд Дорнод, Хэнтий, Сүхбаатар аймгийн ЗДТГ, төрийн захиргаа, иргэний нийгмийн байгууллага, орон нутгийн иргэд болон тус бүсэд ашигт малтмалын хайгуул, олборлолтын чиглэлээр үйл ажиллагаа явуулж буй аж ахуйн нэгж байгууллага тэргүүтэй 200 гаруй төлөөлөл оролцов. Уул уурхай, хүнд үйлдвэрийн яамны Статистик, судалгааны хэлтсийн дарга Б.Дэлгэржаргал чуулганыг нээж хэлсэн үгэндээ “Уул уурхайн салбар Монгол Улсын эдийн засагт дотоодын нийт бүтээгдэхүүний 24 хувь, гадаадын шууд хөрөнгө оруулалтын 83 хувь, аж үйлдвэрийн салбарын 72 хувь, экспортын 94 хувийг дангаараа бүрдүүлж байна” хэмээгээд хариуцлагатай уул уурхайг хөгжүүлэхэд төр, иргэний нийгмийн байгууллага, орон нутгийн иргэд, тухайн бүсийн уул уурхайн компаниуд мэдээллээ ил тод нээлттэй солилцож, нэгдмэл ойлголтод хүрч ажиллах нь чухал гэдгийг тодотгов. Монголын Уул уурхайн үндэсний ассоциацийн Гүйцэтгэх захирал Г.Эрдэнэтуяа “Хариуцлагатай уул уурхайг хариуцлагагүй уул уурхайгаас ялгаж салгах нь чухал. Хууль тогтоомж, дүрэм журмын дагуу үйл ажиллагаа явуулж, нийгмийн хариуцлагын хүрээнд ил тод ажилладаг компаниудыг “Хариуцлагатай уул уурхай эрхлэгч” гэж кодексжүүлэх ажил амжилттай хэрэгжиж байна. Зүүн бүсэд, ялангуяа Дорнод аймагт уул уурхайн олборлох үйлдвэрлэл эрхэлж байгаа компаниуд кодексээ авсан” гэдгийг илтгэлдээ онцоллоо. Зүүн бүсийн өдөрлөгт Хэнтий, Сүхбаатар, Дорнод аймгийн Засаг дарга нар оролцож, аймаг, орон нутгийн хөгжлийн зорилт дахь уул уурхайг хөгжүүлэх үндсэн чиглэлүүдээ танилцуулсан юм. Мөн оролцогч талууд зүүн бүсийн уул уурхайн өнөөгийн байдлы г хэлэлцэж, хууль тогтоомж, төрийн бодлогын хэрэгжилт, салбар хоорондын уялдаа холбоо, тэр дундаа орон нутагт уул уурхайг хөгжүүлэхэд тулгарч буй зарим саад бэрхшээлийн талаар нээлттэй ярилцлаа. Энэ үеэр Ашигт малтмал газрын тосны газрын: Газрын тос, бүтээгдэхүүний газрын дарга Б.Түвшинжаргал " Петро Чайна" компанийн бүтээгдэхүүн хуваах гэрээтэй холбоотой асуудлаар хэлэлцүүлэгт оролцогчдын асуултад хариулав. Тэрбээр “Тус компани Монгол улсын төсөвт нэг өдөрт нэг тэрбум төгрөг төвлөрүүлдэг. Байгаль орчны нөхөн сэргээлт, ажиллах хүч гэх мэт иргэний нийгмийн байгууллагуудын тавьж байгаа шаардлагыг хуулийн дагуу шийдэх ёстой гэдгийг бид дэмждэг. АМГТГ-аас иргэний нийгмийн байгууллага, орон нутгийн иргэдтэй хамтарч ажиллахад үргэлж нээлттэй” гэдгийг цохон тэмдэглэв. Мөн энэ өдөр Зүүн бүсэд ашигт малтмалын хайгуул, олборлолтын чиглэлээр үйл ажиллагаа явуулдаг “Степ голд” компанийн Ерөнхийлөгч Ц.Бямбацэрэн, “Цайрт Минерал” ХХК-ийн Гүйцэтгэх захирал С.Батхүү, “Шинь шинь” ХХК-ийн гүйцэтгэх захирал Сун Гүй Мин нар хариуцлагатай уул уурхайн жишиг төслүүдээ танилцуулж, илтгэл тавьсан юм. Монгол Улсын ДНБ-ий таван хувийг зүүн бүс бүрдүүлдэг бөгөөд алт, нүүрс, жонш, холимог металл, төмрийн хүдэр, газрын тосны чиглэлээр компаниуд олборлолт, баяжуулалт, экспортын үйл ажиллагаа явуулдаг. Тэдгээрийн нэг “Степ голд” ХХК-ийн үйл ажиллагаатай оролцогчид газар дээр нь танилцаж, мэдээлэл, туршлага солилцсоноор “Хариуцлагатай уул уурхай” зүүн бүсийн чуулган өндөрлөлөө.

ЗЭВСЭГТ ХҮЧНИЙ ...... ДУГААР АНГИЙН АХМАД "Э" НЬ АХЛАХ АХЛАГЧ "Н"-Г ХУВИЙН ТААРАМЖГҮЙ ХАРЬЦААНЫ УЛМААС ХУТГАЛЖ, МӨН ӨӨРИЙГӨӨ ГЭМТЭЭЖЭЭ

12 / 08 0 сэтгэгдэл 373 үзсэнe

Завхан аймгийн цагдаагийн газарт 2023 оны 12 дугаар сарын 07-ны өдөр Зэвсэгт хүчний ...... дугаар ангийн үүдэнд хутгалуулсан хүн байна гэх дуудлага, мэдээлэл бүртгэгдсэн. Тус аймгийн цагдаагийн газраас хойшлуулшгүй мөрдөн шалгах ажиллагаа явуулахад шалган нэвтрүүлэх байрны орчим тус ангийн ажилтан, ахмад "Э" нь ахлах ахлагч "Н"-г хувийн таарамжгүй харьцааны улмаас хутгалж, мөн өөрийгөө гэмтээсэн нөхцөл байдал тогтоогдож, эмнэлгийн тусламж, үйлчилгээнд хамрагдсан байна. Мөрдөн шалгах ажиллагаа хуулийн дагуу явагдаж байгаа ба олон нийтийн цахим сүлжээнд хүний амь хохирсон гэх андуурсан мэдээлэл явж байгааг үүгээр залруулж байна.

АМГТГ-ЫН АЛБАН ХААГЧИД ЖЕНДЭРТ СУУРИЛСАН ХҮЧИРХИЙЛЭЛТЭЙ ТЭМЦЭХ 16 ХОНОГИЙН АЯНД НЭГДЛЭЭ

12 / 05 0 сэтгэгдэл 175 үзсэнe

АМГТГ-ын Жендэрийн салбар зөвлөл албан хаагчдын хамт тус аянд нэгдэж, хүчирхийллийг таслан зогсоох, түүнээс урьдчилан сэргийлэх санаачилгыг дэмжин, өөрсдийн нөөц бололцоонд тулгуурлан холбогдох үйл ажиллагааг санаачлан зохион байгуулахаар ажиллаж байна. Дэлхийн 180 гаруй улс жил бүрийн 11 дүгээр сарын 25-аас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг. Энэхүү аяны зорилго нь аливаа хүчирхийллийн эсрэг хөдөлгөөнд нэгдэж, хэзээ ч “хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” байхыг уриалдаг. Тус аяныг Монгол Улсад анх удаа 1997 оноос эхлэн ТББ-ын санаачилгаар зохион байгуулж эхэлсэн ба Жендэрийн үндэсний хороо нь 2017 оноос аливаа хүчирхийлэл, ялгаварлан гадуурхалт, түүнээс урьдчлан сэргийлэх зорилтын хүрээнд төрийн болон төрийн бус, олон улсын байгууллагуудыг идэвхийлэн санаачлан уриалж, тэмдэглэн өнгөрүүлж байна. Энэ жил Олон улсад “Охид эмэгтэйчүүдийн хүчирхийллээс сэргийлэхэд хөрөнгө оруулья” уриан дор Монгол Улс “Хүндлэл хамгийн тод гэрэл” уриан дор тэмдэглэж байна.

БШУ-НЫ САЙДААР АХЛУУЛСАН АЖЛЫН ХЭСГИЙНХЭН БАЯНГОЛ ДҮҮРЭГТ АЖИЛЛАЛАА

12 / 05 0 сэтгэгдэл 191 үзсэнe

2023-2024 оны хичээлийн жилд Улаанбаатар хотод 3 ээлжид шилжих эрсдэлтэй 47 сургуул ь бий. Энэ асуудлыг шийдвэрлэх зорилгоор БШУЯ, НЗДТГ - тай хамтран ажиллахаар болсон бөгөөд Б ШУ-ны сайдаар ахлуулсан А жлын хэсг ийнхэн дүүргүүдэд ажиллаж байгаа юм. Тэгвэл өнөөдөр У ул уурхай, хүнд үйлдвэрийн сайд Ж.Ганбаатар, БШУ-ны сайд Л.Энх-Амгалан, Боловсролын Ерөнхий газрын дарга Т.Ням-Очир, БГД-ийн Засаг даргын үүргийг түр орлон гүйцэтгэгч Д.Жаргалсүрэн болон салбарын яам , Нийслэлийн Засаг даргын Тамгын газар, Сангийн яам, Үндэсний аудитын газар, Боловсролын Ерөнхий газар, Барилгын хөгжлийн төв, Нийслэлийн боловсролын газар зэрэг байгууллагын холбогдох хүмүүс багт сан Ажлын хэсгийнхэн Баянгол дүүрэгт ажиллалаа. Ингэхдээ 2023-2024 оны хичээлийн жилд гурван ээлжээр хичээллэх эрсдэл үүсээд байгаа Эрдмийн Өргөө Цогцолбор сургуул ийн өргөтгөлийн барилгын ажлын явцтай танилцаж, гүйцэтгэгч компанийнхантай уулзсанаас гадна 28 болон бусад сургуулийн удирдлагуудтай уулзалт зохион байгууллаа. Баянгол дүүрэгт 2023-2024 оны хичээлийн жилд дөрвөн сургуулийн 116 бүлгийн 5050 хүүхэд гурван ээлжээр хичээллэх эрсдэл үүсээд байгаа. Тодруулбал, Эрдмийн Өргөө цогцолбор сургуулийн 40 бүлгийн 1600, Нийслэлийн 28-р сургуулийн 46 бүлгийн 2070, Нийслэлийн 141-р сургуулийн 16 бүлгийн 720, Оюуны Ундраа цогцолбор сургуулийн 14 бүлгийн 660 хүүхэд гурван ээлжээр хичээллэх эрсдэл үүсээд байгаа юм. Эдгээрээс Эрдмийн Өргөө цогцолбор сургуулийн ачаалал хамгийн өндөр нь бөгөөд тодруулбал, дүүргийн 5, 6, 25, 28, 29, 30 дугаар хорооны нийт 6200 гаруй хүүхэд өнгөрсөн онд хичээллэсэн. Ингэхдээ гурван ээлжээр хичээллэхгүйн тулд "Эрхэт Эрдэм" сургуулийн байрыг түрээсэлж, зохицуулалт хийж байсан юм. Тэгвэл энэ хичээлийн жилд тус сургуульд суралцах хүүхдийн тоо 400 гаруйгаар нэмэгдэж нийт 6600 орчим хүүхэд суралцах судалгаа гарсан байна. Иймд 2018 оноос эхлүүлсэн 640 хүүхдийн хүчин чадалтай өргөтгөлийн барилгыг 9 дүгээр сарын 1-ээс өмнө ашиглалтад оруулах асуудлаар Ажлын хэсгийнхэн тухайн сургуулийн өргөтгөлийн барилгын ажлыг гүйцэтгэж байгаа “Солид констракшин” ХХК-ийн удирдлагуудтай уулзаж, санал солилцлоо. Гүйцэтгэгчийн зүгээс өргөтгөлийн барилгыг 2018 онд эхлүүлсэн ч захиалагч тал болон Ковид-19 цар тахал зэрэг олон шалтгаанаас болж барилгын ажил удааширсан. Гэхдээ өөрсийн бүх боломжид тулгуурлаж барилгыг хүлээлгэж өгөхөөр ажиллаж байна. Одоо барилгын гүйцэтгэл 90 хувьтай байна. Барилгыг дуусгахын тулд нэмэлт санхүүжилт шаардлагатай гэсэн. Ажлын хэсгийнхэн ярилцаж, санал солилцоод Техникийн комиссыг хуралдуулахаар болсон бөгөөд харин өргөтгөлийн барилгыг хичээлийн шинэ жилээс өмнө барьж ашиглалтад оруул гэсэн үүрэг даалгаврыг гүйцэтгэгч компанийн удирдлагуудад өглөө. Мөн дүүргийн 11-р хороонд байрлах 960 хүүхдийн хүчин чадалтай 28 дугаар сургуулийн барилгын явц болон тулгамдаж байгаа асуудлын талаар сургуулийн удирдлагууд мэдээлэл өгсөн. Тус сургуулийн барилгын гүйцэтгэгч “Содон номин констракшн” ХХК 2022 оны 4 дүгээр сард барилгын ажлыг эхлүүлсэн бөгөөд энэ оны долдугаар сарын 31-ний өдөр хүлээлгэж өгөх байсан. Гэвч өнөөдрийн байдлаар зоорийн давхрын төмөр бетон, араг бүтээцийн ажил дуусаж хоёрдугаар давхрын карказ угсралтын ажил хийгдэж байгааг Гүйцэтгэгчдийн зүгээс нэмэлт санхүүжилт олгох, магадлалын нэгдсэн дүгнэлтийг Үндэсний аудитын газарт шалгуулах шаардлагатай байгаа. Барилга ирэх онд барилга ашиглалтад орно гэсэн мэдээллийг өглөө. Мөн 28-р сургуулийн удирдлагуудын зүгээс 2023-2024 оны хичээлийн жилд МҮИС-ийн байрыг түрээсэлж зохицуулалт хийхээр төлөвлөсөн гэдгийг хэлсэн юм. Түүнчлэн Баянгол дүүргийн 26-р хороо, Нарны хороололд байрлах 141 дүгээр сургууль гурван ээлжээр хичээллэх эрсдэл үүссэн. Иймд тус сургуулийн зүгээс 24-р хороо, “Коёо таун”-нд байрлах 5 давхар барилгыг түрээсэлж хичээллүүлэхээр холбогдох газарт саналаа хүргүүлсэн гэсэн мэдээллийг холбогдох албаныхан өгсөн. Мөн Баянголд дүүрэгт гурван ээлжээр хичээллэх эрсдэл үүсээд байгаа бас нэг сургууль нь дүүргийн 18 дугаар хороонд байрлах “Оюуны ундраа цогцолбор сургууль”. Тэгвэл 2023-2024 оны хичээлийн жилд “Русская гимназия” сургуулийн байрыг түрээсэлж зохицуулалт хийхээр мөн л холбогдох саналаа дээд шатны байгууллагад хүргүүлсэн байна. Түүнчлэн ирэх хичээлийн жилд тус сургуулийн ачаалал нэмэгдэх тул 22 дугаар сургуулийн хуучин барилга, заалыг буулгаж 960 хүүхдийн хүчин чадалтай сургууль барих боломжтой гэдгийг дүүргийн удирдлагууд Ажлын хэсгийнхэнд танилцууллаа.

“ГАЗРЫН ТОСНЫ ЭРЭЛ, ХАЙГУУЛЫН АЖИЛД ГЕОФИЗИКИЙН АРГУУДЫГ ХЭРЭГЛЭХ НЬ” СЭДЭВТ СУРГАЛТ, ХЭЛЭЛЦҮҮЛЭГ ЗОХИОН БАЙГУУЛАВ

11 / 28 0 сэтгэгдэл 180 үзсэнe

Ашигт малтмал, газрын тосны газрын Газрын тосны хайгуулын хэлтсээс “ГАЗРЫН ТОСНЫ ЭРЭЛ, ХАЙГУУЛЫН АЖИЛД ГЕОФИЗИКИЙН АРГУУДЫГ ХЭРЭГЛЭХ НЬ” сэдэвт сургалт, хэлэлцүүлгийг эрлийт гэрээт “Коммонмакс” компанитай хамтран 2023 оны 11 дүгээр сарын 24-ний өдөр зохион байгууллаа. Сургалтад Уул уурхай, хүнд үйдвэрийн яам, Үндэсний геологийн алба болон Монголын алт (МАК) ХХК, “Макс Ойл” ХХК, “Шунхлай Энержи” ХХК, “Түмэн Ойл” ХХК, “Капкорп Монголиа” ХХК, “Cмарт Ойл Монголиа” ХХК, “Тэлмэн Ресурс” ХХК, “Жи Өү Эйч” ХХК, “Тахь Ресурс” ХХК, “Метангаз Ресурс”, цооногийн геофизикийн судалгааны “Галакси Жео” ХХК, “Жи энд Ди Эс” ХХК, чичирхийллийн судалгааны “Эрдсан Петролиум” ХХК, “Бичил сейсм” ХХК, “Геосигналс” ХХК, “Татах хүч” зэрэг компаниудын төлөөлөл оролцов. АМГТГ-ын ГТХХ-ийн мэргэжилтэн C.Пүрэвсүрэн “Газрын тосны талбайнуудад хийгдсэн геофизикийн судалгааны ажлын өнөөгийн байдал’’, Үндэсний геологийн албаны Геомэдээллийн төвийн ажилтан Н.Сайнжаргал “Геофизикийн мэдээллийн сан бүрдүүлэлт, өнөөгийн байдал”, Няфтяники ХХК-ийн геофизикч Зөвлөх инженер Р.Галцог “Монгол орны тунамал хурдаст зарим хотгоруудад харимхай долгионы тэсэлгээт эх үүсвэрээр хоёр хэмжээст чичирхийллийн судалгаа гүйцэтгэсэн туршлага ба давуу талууд”, Монгол улсын зөвлөх инженер, доктор Ц. Түдэв “Газрын тосны эрэл, хайгуулын ажилд геофизикийн аргыг хэрэглэх онцлог”, “Монкаротаж” ХХК-ийн ерөнхий инженер Д. Батсайхан “Цооногийн геофизикийн арга, аргачлал”, Геофизик одон орон судалгааны төвийн инженер, доктор Э.Батмагнай “Магнето теллурикийн арга зүй ба хэрэглээ, Монгол оронд хийгдэж буй судалгааны ажлын одоогийн төлөв”, “Ди Кю И интернэйшнл” ХХК-ийн VSP инженер Ван Юу “Цооногийн геофизикийн судалгааны ВСП (VSP-vertical seismic profile) аргачлал”, “Петро Матад” ХХК-ийн Хайгуул ашиглалтын газрын дэд захирал Э.Болор “Гурав хэмжээст чичирхийллийн судалгааны ажлын арга, аргачлал”, “Метангаз Ресурс” ХХК-ийн геофизикч Ч.Чингүн “Хоёр хэмжээст чичирхийллийн судалгааны ажлын арга аргачлал (Bибратор, утасгүй технологи, НДМХ –н хайгуулын Тавантолгой XXXIII)”, “Синожео И энд Пи сервис Монголиа” ХХК-ийн дэд захирал Шин Жиюбин “Cмартсоло утасгүй технологийг ашиглан гүйцэтгэсэн хоёр болон гурав хэмжээст чичирхийллийн судалгааны үр дүн” талаар тус тус илтгэл тавьж, оролцогчдын сонирхсон асуултад хариуллаа. Мөн энэ үеэр геофизикийн салбарын цаашдын үйл ажиллагаа, газрын тосны хайгуулын ажилд ашиглаж байгаа техник, технологи арга, аргачлалын талаар харилцан туршлага судалж, хэлэлцүүлэг өрнүүлэв. Түүнчлэн мэргэжлийн компани болон Бүтээгдэхүүн хуваах гэрээт компаниудаас цаашид энэ чиглэлийн сургалт хэлэлцүүлгийг уламжлал болгон зохион байгуулах, геофизикийн чиглэлээр хийж гүйцэтгэсэн судалгааны ажлын өгөгдөл, мэдээллийг тодорхой түвшинд олон нийтэд нээлттэй байлгах талаар саналаа илэрхийлэв. АМГТГ-аас мэдээллийн ил тод байдлыг хангаж, хуулийн хүрээнд авч хэрэгжүүлж байгаа ажлаа танилцуулахын зэрэгцээ сургалт, хэлэлцүүлгийг тогтмол явуулахыг зорьж байна.

ЭМЭЭЛТИЙН ӨМХИЙ МАХНЫ ХЭРГИЙН ШҮҮХ ХУРАЛ МАРГААШ БОЛНО

11 / 27 3 сэтгэгдэл 660 үзсэнe

Нэгүүн.мн сайтын хамт олон Эмээлтэд байрлах “Эм Ди Си Пи” ХХК-ийн мах боловсруулах үйлдвэрт өмхийрсөн махыг цагаан бодистой усанд хийж шинэ мах шиг болгож байгаа талаар цуврал мэдээ, сурвалжилга, нийтлэл бэлтгэн олон нийтэд хүргэсэн. Уг цуврал бүтээлийн араас Мэргэжлийн хяналтын ерөнхий газраас шалгалт хийж, боловсруулсан маханд илрэх нянгийн дээд хэмжээ 10 мянга байх ёстой бол “Эм Ди Си Пи” ХХК-ийн боловсруулсан махан дахь нянгийн хэмжээ 3000 дахин их байжээ. Иймд тус компанийн 2018 онд авсан тусгай зөвшөөрлийг хүчингүй болгож, агуулахад хадгалж байсан 175 тн махыг битүүмжлээд байв. Улмаар хэргийг нь шалгаж байхад тус үйлдвэрээс хүний эрүүл мэндэд шууд болон шууд бусаар хор хохирол учруулж болзошгүй хэд хэдэн зөрчил илэрсэн байна. Хүнсний аюулгүй байдал дэглэм сахиулах асуудлыг Зөрчлийн хуульд заасны дагуу МХЕГ эрх хэмжээнийхээ хүрээнд Зөрчлийн хэрэг нээгээд энэ асуудлыг шалгасан. Үүний дараа шинжээчийн дүгнэлтээр гэмт хэргийн шинжтэй байж болзошгүй байна гээд МХЕГ-аас нийслэлийн прокурорт асуудлыг шилжүүлсэн. Уг хэрэгт хэрэг бүртгэлтийн хэрэг нээж, ЭЦА шалгаж, мөрдөн байцаалт дуусч, хэргийг шүүхэд шилжүүлсэн байна. Тодруулбал, БНХАУ-ын иргэн Чен Бин /Chen Bin/ “Эм Ди Си Пи” ХХК-ийн хууль ёсны төлөөлөгчөөр Н.Цогтгэрэл нарын гэм буруутай эсэхийг маргааш буюу 2023-11-28-ны өдөр Сонгинохайрхан дүүргийн эрүүгийн хэргийн анхан шатны шүүхэд 08:30 цагт хэлэлцэх юм. БНХАУ-ын иргэн Чен Бин болон “Эм Ди Си Пи” ХХК-д Эрүүгийн хуулийн 20.12.4, 24..1-д зааснаар яллах дүгнэлт үйлдсэн байна. Эрүүгийн хуулийн 20.12 дугаар зүйл.Эрүүл ахуйн шаардлага хангаагүй хүнсний бүтээгдэхүүн худалдах, түгээх … Эрүүл ахуйн шаардлага хангаагүй, хүний эрүүл мэндэд хохирол учруулж болох хүнсний, эсхүл хүнсний нэмэлт бүтээгдэхүүн зориуд худалдсан, түгээснээс хүний эрүүл мэндэд хүндэвтэр хохирол учирсан, эсхүл үлэмж хэмжээний хохирол учирсан бол… 4.Энэ зүйлийн 2 дахь хэсэгт заасан гэмт хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн бол хуулийн этгээдийг тодорхой төрлийн үйл ажиллагаа явуулах эрх хасаж хорин мянган нэгжээс нэг зуун хорин мянган нэгжтэй тэнцэх хэмжээний төгрөгөөр торгох ял шийтгэнэ. 24.8 дугаар зүйл.Байгалийн ургамлыг хууль бусаар бэлтгэх 1.Зохих зөвшөөрөлгүйгээр, хуульд зааснаас өөр зорилгоор нэн ховор, ховор ургамал, тэдгээрийн үр, эрхтэнийг түүсэн, бэлтгэсэн, худалдсан, худалдан авсан, хадгалсан, тээвэрлэсэн, боловсруулсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ гэж заасан байна. Энэ хэргийг Сонгинохайрхан дүүргийн Эрүүгийн хэргийн анхан шатны шүүхийн шүүгч С.Сэржмядаг даргалан энэ оны тавдугаар сарын 5-нд хэлэлцээд нянгийн бохирдолтой мах бэлтгэж, борлуулахыг завдсан үйлдлийг нь гэмт хэргийн шинжгүй гэх үндэслэлээр цагаатгаж байсан юм. Анхан шатны шүүхийн эл шийтгэх, цагаатгах тогтоолыг НПГ-ын хяналтын прокурор Б.Соёлмаа эсэргүүцэж, нийслэлийн Эрүүгийн хэргийн давж заалдах шатны шүүхэд хандсан бөгөөд шүүх бүрэлдэхүүн түүний эсэргүүцлийг үндэслэлтэй хэмээн үзэж, анхан шатны шүүхийн шийдвэрийг хүчингүй болгож, дахин хэлэлцүүлэхээр буцаасан түүхтэй. Өнөөдөр Эмээлтэд үйл ажиллагаа явуулдаг 32, экспортын тусгай зөвшөөрөлтэй 60 гаруй аж ахуйн нэгж үйл ажиллагаа явуулж байгаа. “Эм Ди Си Пи” компани нь эдгээрийн ААН-ийн нэг бөгөөд БНХАУ-ын иргэний өмчлөлд байдаг. Энэ компани БНХАУ руу мах экспортлох зөвшөөрөлгүй. Компанийн агуулахад тухайн үед дулааны аргаар боловсруулсан болоод боловсруулаагүй хонь ямааны нийт 234.8 тонн мах байсан. Дулааны аргаар мах боловсруулдаг ХКҮ компанийн хаяг шошготой 4842 хайрцаг 96 тонн мах илэрсэн. Хаяг шошгогүй 92 тонн ямааны мах байсан юм. Тухайн үйлдвэр нь эрүүл ахуй, барилга байгууламжийн шаардлага хангахгүй, техник технологийн шат дамжлагын дэвтэр байхгүй зэрэг олон зөрчил илэрч байсан юм.

НЕФТИЙН БҮТЭЭГДЭХҮҮНИЙГ ХИЛЭЭР ОРЖ ИРСЭН ДАРУЙД НЬ ШУУРХАЙ ТЭЭВЭРЛЭЖ БАЙНА

11 / 27 1 сэтгэгдэл 463 үзсэнe

Нефтийн бүтээгдэхүүний тээвэрлэлтийг хэрхэн зохион байгуулж байгаа талаар “ УБТЗ ” ХНН - ээс тодруулж асуухад дараах хариултыг өглөө . “Улаанбаатар төмөр зам” ХНН нийгмийн хариуцлагын хүрээнд нефтийн бүтээгдэхүүн, дулааны цахилгааны станцуудын нүүрс зэрэг улс орны аюулгүй байдал, нийгэм эдийн засагт чухал үүрэгтэй тээврийг тасралтгүй шуурхай зохион байгуулахад онцгой анхааран ажилладаг. Энэ хүрээнд ОХУ болон БНХАУ-аас импортоор орж ирж буй нефтийн бүтээгдэхүүнийг хилээр орж ирсэн даруйд нь хил гаалийн бүрдүүлэлт, ачаа тээврийн болон техникийн үзлэгийг технологит хугацаанаас богино хугацаанд гүйцэтгэж, хүрэх өртөөдөд нь шуурхай тээвэрлэн хүргэж байна. 2023 оны 11 дүгээр сарын.01-нээс 24-ний өдрийг дуусталх хугацаанд ОХУ болон БНХАУ-аас нийт 2390 цистерн вагон нефтийн бүтээгдэхүүн импортоор хүлээн авч, саатал тасалдалгүй 24 цагийн турш тээвэрлэх ажлыг зохион байгуулж байна. Нефтийн бүтээгдэхүүний тээвэрлэлтийг өнгөрсөн оны мөн үетэй харьцуулахад 551 вагоноор буюу 23 хувиар өсчээ. Тодруулбал, 2023 оны 11 дүгээр сард ОХУ-аас нийт 2226 цистерн вагон нефтийн бүтээгдэхүүн хүлээн авч тээвэрлэснээс АИ 92 бензин 708 вагон, АИ 95 бензин 30 вагон, дизелийн түлш 1280 вагон, ТС-1 онгоцны түлш 82 вагон, газ 39 вагон, керосин, бутан зэрэг бусад 87 вагоныг хүлээн авч тээвэрлэв. Мөн хугацаанд БНХАУ-аас нийт 164 цистерн вагон нефтийн бүтээгдэхүүн импортоор хүлээн авч тээвэрлэснээс бензин 29 вагон, дизелийн түлш 79 вагон, онгоцны түлш 56 вагон тус тус байна. Тэрчлэн “Улаанбаатар төмөр зам” ХНН-ийн зүгээс ОХУ-аас импортоор орж ирэх нефтийн бүтээгдэхүүнийг шуурхай тээвэрлэн Монгол Улсад оруулж ирэх асуудлаар “Оросын төмөр замууд” НХН-д албан бичиг хүсэлтээ хүргүүлж, байнгын холбоотой ажиллаж байна. “Улаанбаатар төмөр зам” ХНН нь нийгмийн хариуцлагын хүрээнд цаашид ч улс орны нийгэм, эдийн засагт онцгой үүрэгтэй нефтийн бүтээгдэхүүний тээврийг тасралтгүй, шуурхай, найдвартай тээвэрлэхэд онцгой анхааран ажиллах болно” гэж “УБТЗ” ХНН-ээс хариуллаа.