ХААХ
НЭГҮҮН МЭДЭЭ
Хотын дарга Д.Сумъяабазар ТББ руу 1.6 тэрбум төгрөгийг соёлын арга хэмжээ нэрээр шилжүүлжээ
08 / 31 0 сэтгэгдэл 726 үзсэнe

Манай улсын хувьд сүүлийн хоёр жилийн хугацаанд урлаг соёлын арга хэмжээнүүд цуцлагдаж, Үндэсний их баяр наадмыг хүртэл цахимжуулсан. Тодруулбал, цар тахлаас сэргийлэх үүднээс Улаанбаатар хотод цахимаар зохион байгуулж, аймаг, сумдын баяр наадмыг зохион байгуулахгүй байх чиглэлийг Ерөнхий сайд өгсөн. Улмаар Үндэсний их баяр наадмаас хэмнэсэн зардлыг цар тахалтай тэмцэхэд зарцуулна гэв. Ингэснээр наадамчин олон Үндэсний их баяр наадмыг хоёр дахь жилдээ цэнхэр дэлгэцээрээ үзсэн билээ. Гэтэл зардал хэмнэх бус харин ч их хэмжээний мөнгийг “шамшигдуулсан” байж болзошгүй нөхцөл байдал үүсчээ. Хотын дарга Д.Сумъяабазар урлаг, соёлын арга хэмжээ хийнэ гэж нэгэн төрийн бус байгууллага руу 1 тэрбум 600 гаруй сая төгрөг шилжүүлжээ. Тодруулбал, Шинэ үеийн нэгдмэл залуус НҮТББ руу 2021 оны зургадугаар сарын 25-нд “УРЛАГ СОЁЛЫН САЛБАР ХОРОО” гэсэн утгатайгаар 994 сая төгрөг, 2021 оны долдугаар сарын 08-нд “УРЛАГ СОЁЛЫН САЛБАР ХОРОО ДУНДЫН САНХҮҮЖИЛТ” гэсэн утгаар 400 сая төгрөг, 2021 оны наймдугаар сарын 09-нд УРЛАГИЙН ТОГЛОЛТЫН ҮЛДЭГДЭЛ САНХҮҮЖИЛТ нэрээр 240 сая 967 мянган төгрөгийг тус тус шилжүүлжээ. Ингээд нийтдээ 1 тэрбум 634 сая 967 мянга 756 төгрөгийг ганцхан Төрийн бус байгууллага руу шилжүүлсэн баримт нь Шилэн дансны бүртгэл дээр ил болов. Хамгийн ноцтой нь “Шинэ үеийн нэгдмэл залуус” НҮТББ нь 2016 онд байгуулагдсан бөгөөд ямар ч тендер, сонгон шалгаруулалтад оролцож байгаагүй гэдэг нь дээр баримтаар нотлогдож байгаа юм. Харин үйл ажиллагааны чиглэл нь байгальд ээлтэй ногоон үйлдвэрлэл, ногоон хөгжлийг дэмжих, иргэдийг мэдээллээр хангах, сурталчлах, ижил зорилготой байгууллагуудтай хамтран ажиллахад оршино гэжээ. Ийнхүү Д.Сумъяабазар дарга Засгийн газрын тогтоол журам зөрчин урлаг соёлын арга хэмжээ зохион байгуулах эрхгүй нэр бүхий төрийн бус байгууллагад төсвөөс 1.6 тэрбум төгрөг шилжүүлсэн нь ашиг сонирхлын зөрчилтэй болох нь илчлэгдлээ.

АРД ТҮМЭН ТААШААСАН ТАВАН УЛСТӨРЧ
08 / 27 0 сэтгэгдэл 940 үзсэнe

Нийслэлийн иргэдээс УЛС ТӨРИЙН БАРОМЕТР хэмждэг MEC судалгааны компанийн 2021 оны наймдугаар сарын судалгааны үр дүнг танилцуулажээ. Судалгааны мэдээллийг наймдугаар сарын 20-22-нд Улаанбаатар хотод оршин суудаг 1000 сонгуулийн насны иргэдээс санамсаргүй түүврийн аргаар цуглуулсан байна. Иргэдэд таалагддаг улс төрчдийн рейтинг өмнөх сарынхаас 1-8 хүртэлх хувиар буурчээ. Иргэдэд үйл ажиллагаа нь таалагддаг улс төрчид : Ерөнхийлөгч У.Хүрэлсүх -30 хувь Ерөнхий сайд Л.Оюун-Эрдэнэ-25 хувь Ерөнхийлөгч асан Х.Баттулга-23 хувь УИХ-ын гишүүн Н.Алтанхуяг-16 хувь УИХ-ын гишүүн С.Ганбаатар-8 хувийн санал тус тус авчээ.

ХОЁР ЖИЛ ҮРГЭЛЖИЛСЭН ӨНДӨРЖҮҮЛСЭН БЭЛЭН БАЙДЛЫГ ДАХИН СУНГАЛАА
08 / 25 0 сэтгэгдэл 988 үзсэнe

Гарсан шийдвэрүүд: Өндөржүүлсэн бэлэн байдлын хугацааг он дуустал буюу арванхоёрдугаар сарын 31-ийг дуустал сунгалаа. Одоогийн хэрэгжиж байгаа улбар шар түвшинд ямар нэг өөрчлөлт гарахгүй. Авлигын асуудлаар гомдол гарч байгаа нийслэлд газар авах асуудлыг хойшлуулахаар боллоо. Аймгийнх хэвийн үргэлжилнэ. Өндөржүүлсэн бэлэн байдлын зэрэгт шилжүүлсэн хугацааг он дуустал сунгасан нь одоогийн хэрэгжиж буй зохицуулалт өөрчлөлтгүй үргэлжилнэ гэсэн үг. УОК-ийн шийдвэрийн дагуу гадаа талбайн тэмцээн уралдаан зохион байгуулахыг түр хориглосон. Хөдөлгөөний идэвхжил нэмэгдсэн өндөр эрсдэлтэй байгаа энэ үед түр шийдвэр гаргасан. Халдварын тохиолдол нэмэгдвэл зарим аж ахуй нэгжид цагийн зохицуулалт хийнэ. Засгийн газрын өнөөдрийн хуралдаанаар 24 асуудал хэлэлцэхээр төлөвлөсөн. Өнгөрсөн долоо хоногт байгуулсан үндэсний дөрвөн хорооны асуудлыг хэлэлцэж байна. Мөн төрийн банкны стратегийг өөрчлөх асуудал ярилцаж буй. Агаарын тээвэр буюу Чингис хаан боомтын ажиллагаа одоогийн зохицуулалтаар хэвээр үргэлжилнэ. ЭМ-ийн сайд С.Энхболд: Нийт хүн амын урьдчилан сэргийлэх ирт илрүүлгийн шинжилгээг хэрэгжүүлэхээр яригдаж байна. Манай улсад тэргүүлэх өвчлөлийн таван чиглэлийг авч үзнэ. ЭМДС-аас олгодог насны багцыг шинэчлэх, хүн амыг жилд нэг удаа урьдчилан сэргийлэх үзлэгт хамрагддаг байх ажлыг хийх ажлын хэсэг гарсан. Багц шинжилгээ нь 13-45 мянган төгрөг. Насны багцын нэр төрлийг олшруулж, хөдөө орон нутгийн дэд бүтэц, чадавхыг эрчимжүүлнэ. 2021 оны 1 сарын 1-нээс эхлэн бүх иргэдийг урьдчилан сэргийлэх үзлэгт хамруулахаар бэлдэж байна. Өдөрт гарч байгаа нийт тохиолдлын 30 орчим хувийг хүүхдийн өвчлөл эзэлж байна. Вакцинжуулалттай холбоотой хүүхдийн өвчлөл буурсан.

СОНГИНОХАЙРХАН ДҮҮРГИЙН НӨХӨН СОНГУУЛЬД ГОРЬЛОГЧИД
08 / 24 0 сэтгэгдэл 1 124 үзсэнe

УИХ-ын 18, 28 дугаар тойргийн нөхөн сонгуулийн гараан дээр хэн гэдэг эрхмүүд зогсох нь тодорч эхэллээ. УИХ-ын 28 дугаар тойрогт нэр дэвшиж, сонгогдсон Д.Сумъяабазар УИХ-ын бүрэн эрхээсээ өөрийн хүсэлтээр чөлөөлөгдөж, Хотын дарга болсон бол Хэнтий аймгийн 18 дугаар тойргоос сонгогдсон У.Хүрэлсүх Монгол Улсын Ерөнхийлөгчөөр сонгогдсноор УИХ дахь тэдний суудал эзэнгүй болсон юм. Тиймээс ч 18, 28 гэсэн хоёр тойрогт УИХ-ын хоёр гишүүний орон тоо гарсан тул тус тойргуудад нөхөн сонгууль явуулах хуулийн зохицуулалт үүссэн. Тэгвэл дээрх хоёр тойргийн нөхөн сонгуулийг 2021 оны аравдугаар сарын 10-ны өдөр зохион байгуулахаар болсон юм. Энэ хүрээнд улсын их хурлын гишүүн болох гэсэн эхрмүүд эхнээсээ тодорч эхэллээ. Тэдний түүчээ болж эрх баригч МАН-аас засаг даргын нэгдүгээр орлогчоор хангалтгүй ажиллан ажлаа өгч 2-р орлогч болсон Ж.Сандагсүрэн, Мөн саяхан МАН-тай эвлэлдэн нэгдсэн МАХН-ын дарга, Монгол улсын 3 дахь ерөнхийлөгч асан Н.Энхбаярын хүү Н.Батшугар нарын нэрс яригдаж эхэллээ. Эдгээр эрхмүүдээс нэг нь л гишүүн болох боломж бүрдэж байгаа юм. Нэг ёсондоо хотын даргын хүн гишүүн болох уу? аль эсвэл эвлэлдэн нэгдэх тохироо хийсэн амлалтандаа хүрч Н.Энхбаярын хүү Н.Батшугарыг дэвшүүлэх үү гэдэг дээр МАН-ын бага хурал ширүүхэн болох нь ээ. Үүнтэй зэрэгцэн бусад улс төрийн хүчнүүд ч нөхөн сонгуульд горьлогчидоо сонгож эхлээд байна. Хөдөлмөрийн үндэсний намаас гэхэд л одоогийн байдлаар таван хүний нэр яригдаж эхэллээ. Тэдний дунд өнгөрсөн ерөнхийлөгчийн сонгуульд чамалхааргүй амжилт үзүүлсэн Д.Энхбат болон Депакто Д.Жаргалсайхан, "Жүр үр" компаниар овоглодог Б.Мөнхзул, ХҮН-ын өмнөх дарга Б.Найдалаа, Зүй ёс намын дарга Б.Насанбилэг нар яригдаж эхлээд байна. Харин Ардчилсан намын хувьд одоог хүртэл дотоод асуудлаа шийдээгүй хуваагдалтай байгаа хэдий ч энэ удаагийн сонгуульд маш их ач холбогдол өгч, рейтинг өндөр улс төрчийг нэр дэвшүүлэх нь тодорхой. Дотоод асуудлаа цэгцлээгүй байгаач сөрөг хүчин болох Ардчилсан намаас С.Эрдэнэ, М.Тулгат нарын тэргүүлж буй АН-аас СХД-ийн нөхөн сонгуульд Л.Гантөмөр, Консул асан Д.Мөнх-Эрдэнэ нарыг нэр дэвшүүлэх талаар яригдаж эхэллээ. Бүтэн хоёр жилийн хугацаанд ийнхүү сонгуульдсаар дуусах бололтой. ХЭНТИЙ: аймгийн 18-р тойрогт мөн л танил эхрмүүд өрсөлдхөөр биеэ бэлдсээр л байна. 18 дугаар тойргийн нөхөн сонгуульд тус аймгийн Засаг дарга асан Н.Ганбямба, МИАТ-ын дэд захирал асан Н.Энхбаатар болон УИХ-д сонгогдсон ч хүчингийн хэрэгт нэр холбогдож хэцүү нэртийн хаалга татсан Д.Гантулга нар яригдаж байгаа бол АН-аас УИХ-ын гишүүн асан Б.Гарамгайбаатар, тус намын генсек байсан Ц.Баатархүү нарын нэрс дуулдаж байгаа юм.Мөн түүнээс гадна Ерөнхий сайд Н.Алтанхуягийн зөвлөхөөр ажиллаж байсан М.Хүдэрбаатарын нэр ч сонсогдож байна. Тухайн Ээлжит бус болон нөхөн сонгууль зохион байгуулахтай холбогдон гарах зардлыг УИХ тухай бүрд нь баталж улсын төсвөөс санхүүжүүлэх, зардлыг Засгийн газрын нөөц сангаас гаргахаар зохицуулсан байдаг. Тиймээс УИХ-ын сонгуулийн 18 болон 28 дугаар тойрогт явагдах УИХ-ын гишүүний нөхөн сонгуулийг зохион байгуулахтай холбоотой улсын төсвөөс санхүүжүүлэх зардлын хэмжээг 2 тэрбум 287 сая төгрөгөөр баталаад байгаа юм. Ингэснээр нэг ёсондоо намар цагын нээлт хийчээл сургууль бус нөхөн сонгуулын өрсөлдөөнөөр эхлэх нь ээ.

1 ... 286 287 288 289 290 291 292 293 294 295