Төрийн сайдын ажлыг, холбооны ерөнхийлөгч, хэд хэдэн ажлын хэсгийн ахлагчтай зэрэг хийдэг гэгээнтэн

09 / 16 0 сэтгэгдэл 933 үзсэнe

Нэг хүн хичнээн олон ажлыг зэрэг хийж чадах вэ? гэдэг уралдааныг ХЗДХ-ын сайд Х.Нямбaaтар тэргүүлэх нь дамжиггүй боллоо. 2020 оны сонгуульд ялалт байгуулж улсын их хурлын гишүүн болсон тэрээр төд удалгүй ХЗДХ-ын сайдын сэнтийд заларсан. Үүгээр ч зогсохгүй тэрээр Монголын бokcын xoлбооны Epөнхийлөгчөөр coнгогдoxод л ихээхэн шүүмжлэл дагуулж эхэлсэн. УИХ-ын гишүүн ХЗДХ-ийн сайд Монголын боксын холбооны ерөнхийлөгч Мөнгө угаах, терроризмыг санхүүжүүлэхтэй тэмцэх Үндэсний зөвлөлийн дарга Оюутолгойн ажлын хэсгийн ахлагч Авлигын индексийг бууруулах зорилго бүхий Ажлын хэсгийн ахлагч Гадаадын хөрөнгө оруулагчдын эрх ашгийг хамгаалах ажлын хэсгийн ахлагч Улсын их хурлын гишүүн, салбарын сайд, холбооны ерөнхийлөгч хэд хэдэн ажлын хэсгийн axлагч болсон нь ч шүүмжлэлийг улам л лавшруулав бололтой. Ганц хүнд л томдохоор олон ажлыг хашиж байгаа түүнийг давхар дээлтэй сайд гэж хэлхэд ч ахaдна. Тэрээр долоо, долоо хоногт л шинэ ажил авсаар байна. Тиймээс ч түүний сүүлийн үед эрх мэдэл албан тушаалд дурлагч хэмээн шүүмжлэх иргэд олон боллоо. Ганц хүний толгойгоор энэ их ажлыг хийж чадах нь юу л бол.

“SM” ЭМНЭЛЭГТ 39 НАСТАЙ ЭРЭГТЭЙ ЭРХТЭН ТОМРУУЛАХ ХАГАЛГААНЫ ҮЕЭР НАС БАРЖЭЭ

09 / 16 0 сэтгэгдэл 2 800 үзсэнe

Есдүгээр сарын 4- ний өдөр өглөө SM эмнэлэгт 39 настай эрэгтэй мэс засал хийлгэж байгаад харамсалтайгаар нас барсан хэрэг гарлаа. Тодруулбал, тухайн өдөр амь хохирогч хамрын таславчны муруй тэгшлүүлэх хагалгаанд орсон. Мөн бэлэг эрхтэн томруулах хагалгаанд орсон байгаа юм. Улмаар 14 цагт эмнэлгийн зүгээс ар гэрийнхэнд нь өндөр халуунтай байна гэх мэдээллийг өгсөн байна. Ийнхүү талийгаачийг нэгдүгээр эмнэлэгт яаралтай хүргэсэн ч оройн 17 цаг эмчилгээ хийлгэж байгаад нас барсан байна. Тухайн эмнэлэг өвчтөнд нэг удаадаа хоёр хагалгаа хийсэн гэх мэдээлэл байгаа юм. Энэхүү хэрэг Хан Уул дүүргийн цагдаагийн нэгдүгээрт хэлтэст шалгагдаж байгаа аж. Хохирогчийн ар гэрийнхний зүгээс эмнэлэгтэй холбогдоход хагалгаа хийлгэхээр өгсөн төлбөрийг буцаан төлөөд тохиролцох санал тавьсан гэх ярилцлагыг талийгаачийн төрсөн ах хэвлэлд хандан мэдээлэл өгсөн. Нас барсан өвтөнд хагалгаа хийсэн гэх унтуулгын эмчийн өгсөн мэдээллээр бол хагалгааны эхний үе шат хэвийн байсан гэх. Харин хагалгааны явцад гэнэт бие нь муудахад хожимдож арга хэмжээ авсан, ар гэрийнхэнд нь олон цагийн дараа дуулгасан, илүү мэдээлэл өгөхгүй нууж байгаа зэрэг олон мэдээллийг ар гэрийнхэн нь хэлж байна. Мөн тухайн эмнэлэгийн мэргэжлийн ур чадваргүйн улмаас хүний амь насанд хүрсэн асуудлыг цагдаагийн байгуулагынхан шалгаж тогтоох байх гэдэгт найдаж байгаагаа дуулгалаа. Дашрамд дурьдахад, SM эмнэлэгийн одоогийн үйл ажиллагаа явуулж байгаа байршилд Тод каннам гэх нэртэй гоо сайхны мэс заслын эмнэлэг байсан. Код каннам эмнэлэгт одоогоос хоёр жилийн өмнө 29 настай эмэгтэй хэвлий орчмын өөх соруулах хагалгаа хийлгэж байгаад мөн л хагалгааны үеэр биеийн байдал огцом муудаж нас барж байв. Энэхүү хэрэг хуулийн байгууллагынхнаар шалгагдаж байгаад тухайн Тод каннам эмнэлгийн мэс заслын эмч, тус эмнэлгийн захирал нар ял сонсож, эмнэлгийн үйл ажиллагааг бүрэн хаах шийдвэрийг шүүхээс гаргаж байсан билээ.

Интермед эмнэлэг үйлчлүүлэгч нь таалагдахгүй бол худлаа хариу гаргадаг уу

09 / 16 0 сэтгэгдэл 918 үзсэнe

Интермед эмнэлгийн Ковид-19 халдвар илрүүлэх Drive-Through буюу автомашинтай шинжилгээ өгөх цэг нээгдсэн цагаас эхлэн өдөрт дунджаар 400-600 хүний түргэвчилсэн оношилгоог хийжээ. Энэ хугацаанд нийт 11.000 хүнийг олон хүний бөөгнөрөл үүсгэлгүй, эмнэлгийн орчинд оруулахгүйгээр эрсдлийг бууруулан шинжилгээг авснаа тэд сурталчилдаг. Тэгвэл Синдерелла арьс гоо заслын эмнэлэгийн захирал, ерөнхий эмч Б.Уянга өөрийн цахим хуудаснаа “Интермедийг хамгийн найдвартай гэж бодоод түргэвчилсэн өгөхдөө шинжилгээ авч байгаа сувилагч нь маш бүдүүлэг байсныг өөрт нь сануулж хэлсний төлөө хариу эерэг гаргасан байдал үүслээ. Хариундаа итгэхгүй 24 цагийн PCR 1 удаа түргэвчилсэнээр 2 удаа өгөхөд гурвуулаа сөрөг гарлаа. Интермед Эмнэлэг Хүний сэтгэл зүй цаг хугацаагаар ингэж тоглолт хийсэн хүнтэй хариуцлага тооцох болно.. Хэрвээ энэ хариундаа итгээд өч дөчнөөн эм уусан бол эрүүл мэндээрээ давхар хохирох байж. Хичнээн хүн ингэж хохирсон бол” гэжээ.

Э.Цэндбаатар ДАШТ-д оролцох хүсэлтээ МҮОХ-нд хүргүүллээ

09 / 15 0 сэтгэгдэл 888 үзсэнe

МУГТ Э.Цэндбаатар ДАШТ-д оролцох хүсэлтээ МҮОХ-ны Тамирчны комиссын дарга Д.Отгондалайд хүргүүллээ. Тэрбээр хүсэлтдээ “ ...МБХ-ны хурлын дараа бусдад зодуулан эрүүл мэндээрээ хохирсон байхад маргааш өдөр нь намайг удахгүй болох ДАШТ-д оролцуулахгүйн тулд Монгол Улсын шигшээ багаас хасах шийдвэр гаргасан. Тиймээс МҮОХ тамирчдын эрхийг хамгаалах үндсэн үүргийнхээ дагуу тамирчин миний эрх ашгийг хамгаалах тал дээр туслалцаа үзүүлэх хүсье” хэмээн бичжээ. Боксын холбоо ТББ учраас тамирчныг Монгол Улсын шигшээ багаас хасах эрхгүй. Шигшээ багийн тамирчныг хасах эрхийг БТСГ гаргадаг юм байна. Энэ талаар Э.Цэндбаатар "Би Дэлхийн аваргын алтан шаргал медалийг эх орондоо авчирмаар байна. 60 кг бол миний үндсэн жин. Рингэн дээр ямар тоглолт гаргадгаа би бүгдэд харуулмаар байна. Ялагч баймаар байна" хэмээн ярилаа.

Увс аймгийн удирдлагууд аймагтаа хатуу хөл тогтоочихоод өөрсдөө нуурын эргээр зугаалж явна

09 / 15 0 сэтгэгдэл 1 124 үзсэнe

Жил бүрийн есдүгээр сарын 15-нд Сангийн яам ирэх оны төсвийн төслийг өргөн мэдүүлдэг. Энэ хуулийн анхны төслийг өнөөдөр танилцуулав. Мөн төрийн худалдан авалттай холбоотой судалгааны үр дүнг Засгийн газрын гишүүдэд танилцуулсан. Коронавируст халдварын тархалтыг бууруулах, урьдчилан сэргийлэх зорилгоор Увс аймагт хэрэгжүүлж буй хязгаарлалт, зохион байгуулалтын дэглэмд өөрчлөлт орсон. Тодруулбал, есдүгээр сарын 13-н буюу өнөөдрөөс есдүгээр сарын 26-ны өдрийг дуустал хугацаанд аймгийн хэмжээнд үйл ажиллагаа явуулж байгаа ресторан, цайны газар, кофе шопыг хүргэлт хийхийг зөвшөөрөн, заалаар үйлчлэхийг нь хориглолоо. Мөн баар, караоке, спорт заал, соёл урлагийн арга хэмжээ, урлаг, спортын дугуйлан, хурим найр, хүлээн авалт, үзэсгэлэн худалдаа, аялал зугаалга, нийтийг хамарсан бусад арга хэмжээг тус тус хязгаарласан. Түүнчлэн хүнс, барааны зах, барилгын материалын дэлгүүрүүдийн ажиллах цагийн хуваарийг өдөр бүр 10:00-17:00 цаг, супермаркет, хүнсний бөөний төв, дэлгүүрүүдийн ажиллах цагийн хуваарийг өдөр бүр 08:00-20:00 цаг хүртэл ажиллуулж, архи согтууруулах ундаа худалдан борлуулах үйл ажиллагааг өдөр бүрийн 15:00 цагаас хойш хязгаарласан шийдвэрээ хэвээр үлдээсэн байна.

Ц.АНАНДБАЗАР-ын эзэмшилд байсан газрын зөвшөөрлийг ЦУЦАЛЛАА

09 / 15 0 сэтгэгдэл 815 үзсэнe

БЗД-ийн 4-р хороонд байрлах Жуковын хөшөөний ард талын талбайг нийтийн эдэлбэр газар болгохын төлөө иргэд эсэргүүцлээ илэрхийлсээр байсан. Тэгвэл уг асуудлаар өнөөдөр /2020.09.15/-ийн хуралдаанаар Жуковын хөшөөний ард талын талбайд олгосон газрын зөвшөөрлийг цуцлан нөхөн сэргээлт хийж, цэцэрлэг барих шийдвэр гаргасан байна. Тодруулбал, энэхүү талбай нь УИХ-ын гишүүн Ц.Анандбазарын эзэмшилд байсан. Тэгвэл газар эзэмшлийн эрхийг цуцалж, нөхөн сэргээлт хийхээр болжээ.

Зайсангийн аманд газар авч баяжсан хэргээр АТГ-д шалгагдаж байгаа Ц.Ганхүүг албан тушаалаас нь чөлөөллөө

09 / 15 0 сэтгэгдэл 1 068 үзсэнe

Монгол Улсын Засгийн газрын өнөөдрийн хуралдаанааразар зохион байгуулалт, геодизи зураг зүйн газрын даргаар ажиллаж байсан Ц.Ганхүүг албан тушаалаас нь чөлөөлсөн байна. Ц.Ганхүүгийн оронд газар олголтын ажлыг цахимжуулж ил, тод болгох шуурхай ажиллах боловсон хүчнийг томилох үүргийг өгчээ. Ц.Ганхүү нь Газар зохион байгуулалт, геодизи зураг зүйн газрын даргын албыг 2015 оноос хойш хашсан бөгөөд Зайсангийн аманд “Инэл Зайсан виллаж”, “Чариот Резиденс” хотхоныг эхнэр, хүү, дүү нарын компаниар бариулж үндэслэлгүйгээр хөрөнгөжсөн байх магадлалтай гэж үзэн АТГ-аас шалгаж эхлээд байсан юм. Засгийн газрын өнөөдөр /2021.09.15/-ийн хуралдаанаар Ц.Ганхүүг албан тушаалаас нь чөлөөлсөн байна. Ц.Ганхүүгийн оронд газар олголтын ажлыг цахимжуулж ил, тод болгох шуурхай ажиллах боловсон томилох үүргийг өгчээ. Ц.Ганхүү нь Барилга хот байгуулалтын яам, Нийслэлийн захирагчийн алба, Барилгын хөгжлийн төвд удирдах алба хашиж байсан нь дээрх хотхонуудыг барихтай харшлах бөгөөд барилгын газар олголт болон барилга барихад шаардагддаг тусгай зөвшөөрлүүдийг авахад нөлөөлдөг байж болзошгүй гэж үзэн мөнгө угаасан, албан тушаалын байдлаа ашигласан, хахуульд зуучласан гэсэн үндэслэлээр шалгаж байна. АТГ-аас Ц.Ганхүүгийн гэр, ажлын өрөө, ойр дотны хүмүүсийн гэрт нэгжлэг хийж их хэмжээний бэлэн мөнгө, валют зэргийг хураан авсан гэх мэдээллүүд өмнө нь хэвлэлээр гарч байсан юм.

УИХ-ын гишүүн С.Одонтуяад холбогдох үйлдлийг тусгаарлан шалгаж байна

09 / 15 0 сэтгэгдэл 924 үзсэнe

УИХ-ын гишүүн С.Одонтуяа Улаанбаатар хотын гаалийн газрын Хяналт шалгалт хариуцсан орлогч дарга О.Цогтбаатарын гар утас руу зурвас бичиж, нэг танилынхаа импортоор оруулж ирсэн барааны гаалийн татвараас чөлөөлүүлсэн гэх үйлдлийг АТГ-ынхан үргэлжлүүлэн шалгаж байна. Өнгөрсөн долоо хоногт торгох ял шийтгүүлсэн О.Цогтбаатар тэргүүтэй тус газрын гаалийн улсын байцаагч Б.Хишигбат, У.Ариунаа, Д.Соёлмаа нарт холбогдох хэргийг анх шалгаж эхлэх үед Улаанбаатар хотын гаалийн газрын даргаар ажиллаж байсан Д.Солонго зэрэг хүмүүсийг холбогдуулан шалгаж эхэлсэн талаар хэвлэлүүд мэдээлж байсан. Тэгвэл Улаанбаатар хотын гаалийн газрын даргаар ажиллаж байсан Д.Солонго энэ хэрэгт ямар ч холбогдолгүй, хууль сахиулах байгууллагынханд ч шалгуулаагүйг мөрдөн шалгах болон прокурорын эх сурвалжууд баталсан юм. Тиймээс ташаа мэдээлэл цацсандаа түүнээс хүлцэл өчье. Тус газрын орлогч даргаар ажиллаж байсан О.Цогтбаатарын утас руу УИХ-ын гишүүн С.Одонтуяа зурвас бичиж Эрдэнэчимэг гэх найзынхаа импортолсон хуучин хувцаснаас авах гаалийн татварыг хөнгөлүүлсэн төдийгүй тухайн бараанаас нь иргэдэд үнэ төлбөргүй тараасан гэх үйлдлийг тусгаарлан шалгаж буй юм.

Их хэмжээний авлигал авсан ГЗБГЗЗ-ын газрын ДАРГА Ц.ГАНХҮҮГ ҮҮРЭГТ АЖЛААС НЬ ЧӨЛӨӨЛЛӨӨ

09 / 15 0 сэтгэгдэл 420 үзсэнe

Өнөөдрийн Засгийн газрын хуралдаанаас Газар зохион байгуулалт, геодези зураг зүйн газрын дарга Ц.Ганхүүг үүрэгт ажлаас нь чөлөөлөх шийдвэр гаргажээ. Учир нь тэрээр авлигал албан тушаалын байдлаа урвуулан ашигласан хэрэгт буруутган өнгөрсөн наймдугаар сард АТГ аас саатуулан шалгасан. Түүний гэрт нэгжлэг хийх үед их хэмжээний мөнгө болон долларыг хураан авсан байдаг. Энэ талаар Засгийн газрын хэрэгжүүлэгч агентлаг Газар зохион байгуулалт, геодези зураг зүйн газраас тодруулахад Ц.Ганхүү нь биеийн байдлын улмаас чөлөөлөгдөх өргөдлөө өөрөө гаргасан гэв. Тэрбээр 2016 онд Газар зохион байгуулалт, геодези зураг зүйн газрын даргаар томилогдсон байдаг.

ТӨРИЙН ТОМЧУУД ТЭРЭЛЖИД НУУЦААР ЗӨВЛӨЛДӨХДӨӨ ТӨСӨВӨӨ ТОХИРОЛЦОЖ , ДАВХАР ДЭЭЛ САНААРХСАН УУ

09 / 14 0 сэтгэгдэл 1 094 үзсэнe

Өнгөрсөн амралтын өдөр буюу бямба, ням гаригт МАН-ынхан Тэрэлжид маш нууц уулзалт хийсэн гэх мэдээллийг өнөөдөр хэвлэлүүд илчилж мэдээлж эхэллээ.Маш нууц гэж тодотгож болохуйц нь тус уулзалтад ирсэн хүмүүсийн гар утсыг унтраалгаж, өндөр хамгаалалт дор байлгасанаас үүдэлтэй. Эх сурвалжийн мэдээлж байгаагаагаар Ерөнхий сайд Л.Оюун-Эрдэнэ сайд нар болон УИХ-ын гишүүд, аймгийн Засаг дарга нарыг хүлээн авч уулзжээ.Уулзах шалтгаанаа 2022 оны төсвийн хуваарилалт, тодотголтой холбоотой асуудлыг хэлэлцэх гэж тайлбарласан ч бодит байдал дээр дотоод тохироогоо хийсэн гэх мэдээлэл байна.Тэгвэл тэд тэрэлжид эдгээр асуудлуудаар дотооддоо тохирсон байна.Үүнд : Засгийн газрыг огцруулах асуудлыг хөндөхгүй байх Ирэх арваннэгдүгээр сард товлогдсон Их хурлаар Л.Оюун-Эрдэнийг ямар ч эсэргүүцэлгүйгээр намын даргаар “Жинхлэх” Үндсэн хуульд нэмэлт өөрчлөлт оруулж гишүүд болон сайд нарыг тоог нэмэх зэрэг асуудлаар ярилцаж тэд тохироонд хүрчээ. Харин тус нууц уулзалтаас яг гурав хоногийн өмнө засгийн тэргүүн сайд нартаа : “Хэнийг ч огцруулахгүй. Тайван ажлаа хийж болно. Улс төрийн тохироо хангагдсан” гэж хэлжээ.Энэ нь 9 дээр доргүй нийслэл орон нутаггүй тохироогоо хийж тодорхой шийдэлд санал нэгдсэн гэдэг нь батлагдаж байна. Шийдэл бодитоор хэрэгжвэл ирэх арваннэгдүгээр сард болох Их хурлаар Л.Оюун-Эрдэнэ намын даргаараа жинхлэгдэж намрын чуулганаар Эдийн засгийн хөгжлийн яам, Цахим бодлогын яамыг байгуулж цаашлаад цар тахлын үеийн эдийн засгийн хөтөлбөр , 2022 оны улсын төсвийн тодотгол, Үндсэн хуулийн өөрчлөлт зэргийг хэлэлцэхээр төлөвлөжээ. Үндсэн хуулийн өөрчлөлтөөр УИХ-ын гишүүдийн тоог 99 болгох, сайд нарын тоог нэмэгдүүлж УИХ-аас сонгох 74 жижиг мандаттай сонгууль хийж 24-ийг намын жагсаалтаар оруулж ирэх гэх зэргийн асуудлыг хэлэлцэхээр төлөвлөжээ.Энэ нь харин ажил хэрэг болвол УИХ-ын гишүүд Засгийн газрын сайдаар ажиллаж “давхар дээл” нөмрөх боломж нөхцөл бүрдэх юм.