С.Энхболд: Энхийг сахиулагчдаас S генийн алдагдал илэрсэн хэмээн мэдэгдсэн ч энэ нь эцсийн хариу биш

Засгийн газрын хуралдааны шийдвэрийг танилцуулах үеэр Эрүүл мэндийн сайд С.Энхболд цар тахлын нөхцөл байдлын талаар мэдээлэл хийлээ. С.Энхболд: ДЭМБ Омикрон хувилбарыг бүртгэснээс хойш сар гаруйн хугацаа өнгөрлөө. Энэ хугацаанд Омикрон хувилбар дэлхийн 138 улсад бүртгэгдээд байна. Энэхүү хувилбарын халдварлах чадвар маш өндөр, хурдан тархаж байгаа. Голлох шинж тэмдэг нь халуурах, толгой өвдөх, үе мөч өвдөх, ханиалгах, хоолой өвдөх зэргээр илэрч байгаа. Энэ нь амьсгалын дээд замын буюу томуу төст өвчинтэй адил шинжтэй. Манай улсын хувьд халдварын тохиолдлын тоо нэмэгдэж эхэлж байгаа. Энэ нь шинэ жилийн арга хэмжээ, хөл хөдөлгөөн нэмэгдсэнтэй холбоотой. Омикрон хувилбар бүртгэгдсэнээс хойш хилийн тандалтыг эрчимжүүлсэн. Өнөөдрийн байдлаар буюу Омикрон хувилбар бүртгэгдсэнээс хойш 104 онгоцоор 10,544 зорчигч ирсэн. Тэднээс 411 тохиолдол зөөвөрлөгдөн ирж, батлагдсан. Эдгээр тохиолдлууд дотор энхийг сахиулах ажиллагаанд оролцоод ирсэн 244 алба хаагчийн 231-ээс нь халдвар илэрсэн. Тэдний 96 хувь нь хөнгөн, үлдсэн 4 хувь нь хүндэвтэр хэлбэртэй байна. Манай улсад вирусийн хувилбар тогтоох зорилгоор геномын дараалал тогтоодог аппаратыг арванхоёрдугаар сард суурилуулсан. Ингээд өнгөрсөн сарын 20-ноос шинжилгээ хийж эхэлж байгаа. Эцсийн хариу нь гараагүй байна. Тодорхой үе шаттай хийгддэг учир шинжилгээний хариу хүлээгдэж байна. Мөн 10, 11, 12 дугаар сарын 100 сорьцыг Япон улс руу илгээсэн. Өмнө нь альфа, дельта хувилбарыг тодорхойлохын тулд тус улс руу сорьц илгээж байсан. Хариу нь энэ сарын сүүлээр ирнэ. Урьдчилсан байдлаар энхийг сахиулагчдаас S генийн алдагдал илэрсэн байх боломжтой гэж зарлаж байсан. Энэ нь эцсийн хариу биш. PCR шинжилгээн дээр тусгай вариант ашигладаг оношлуурыг ашигладаг. Ингэхэд S ген тодорхойлогдохгүй хэд хэдэн тохиолдол гарсан. Үүнийг дараагийн шатны шинжилгээгээр геномын дараалал тодорхойлдог аппаратаар баталгаажуулна. Энэ явц нь хийгдэж байгаа” юм байна.

"GLOBAL RESIDENCE" ИРГЭДЭД МАРГААНТАЙ ХӨРӨНГИЙГ САНАЛ БОЛГОЖ , ХУДАЛДАН БОРЛУУЛЖ БАЙНА !!!

"GLOBAL RESIDENCE" ИРГЭДЭД МАРГААНТАЙ ХӨРӨНГИЙГ САНАЛ БОЛГОЖ ХУДАЛДАН БОРЛУУЛЖ БАЙНА !!! 4 сая еврогийн хөрөнгө оруулалт хийсэн Германы иргэнийг эзгүй хойгуур хамтарч ажиллахаар тохирсон Монгол компани нь хуурамч бичиг баримт бүрдүүлээн гадны хөрөнгө оруулалттай орон сууцыг өөрийн дураар иргэдэд худалдан борлуулжээ. Харин одоо арбитрын шүүхээс тогтоол шийдвэр нь гарч тус "GLOBAL RESIDENCE" гэх хотхоныг м2 нь 3 сая 600 мянгаар захиалсан иргэд болоод зарим байрандаа нүүж орсон айл өрхүүд иргэд хохирч магадгүй нөхцөл байдал үүссэн гэх мэдээлэл байна. Иймд дараах мэдээлэлд анхаарлаа хандуулна уу мөн бид уг асуудлыг цааш сурвалжласаар байх болно.

ДӨРӨВДҮГЭЭР САРЫН 2-НООС ШАХМАЛ ТҮЛШНИЙ ҮНЭ 3750 ТӨГРӨГ БОЛЖ НЭМЭГДЭНЭ

А йл өрхүүдийн цахилгаан, дулааны төлбөрийг зургадугаар сар хүртэл тэглэх Засгийн газрын шийдвэр гарсан. Тодруулбал : Орон сууцны айл өрхийн сард хэрэглэх 250 кВт.цаг хүртэл, гэр хорооллын айл өрхийн сард хэрэглэсэн 350 кВт.цаг хүртэл цахилгаан эрчим хүчний төлбөрийг ирэх тавдугаар сарыг дуустал хугацаанд төр хариуцна. Мөн шахмал түлшийг хүйтний эрч сулартал 50 хувийн хөнгөлөлттэй буюу нэг шуудайг нь 1875 төгрөгөөр борлуулж байна. Дөрөвдүгээр сарын 1-нийг хүртэл түлшний үнэд өөрчлөлт орохгүй. Харин дөрөвдүгээр сарын 1-нээс хойш шахмал түлшийг өмнөх үнээр буюу 3750 төгрөгөөр борлуулж эхлэх аж. “Тавантолгой түлш” ХХК өнөөдрийн байдлаар 22.1 мянган тонн шахмал түлшний нөөцтэй бөгөөд сар шинийн баяр өнгөртөл хүрэлцэнэ хэмээн тооцжээ.

НЯРАЙ ХҮҮХДЭЭ ЗАМ ДАГУУ ХАЯЖ ЯВСАН ЭЦЭГ ЭХИЙГ ЭРЭН ХАЙЖ БАЙНА

Н ийслэлийн Сонгинохайрхан дүүргийн нутаг дэвсгэр болох Нэгдүгээр хорооллын арын зам дагуу 2021 оны арванхоёрдугаар сарын 20-доор төрөөд хэдхэн хонож буй нярайг өлгийдөн тавьсан байсныг нэгэн иргэн олон цагдаад мэдэгджээ. Нярай 3.4 кг жинтэй, 50.5 см урттай, хэвийн өсөлт бойжилттой хүүхэд байсан бөгөөд Нялхсын клиник сувилалд шилжүүлсэн байна. Одоогоор төрөөд 10 гаруйхан хонож буй нярайн эцэг, эхийг тогтоохоор эрэн сурвалжлах ажиллагаа явуулж байгаа аж.

СБД-ИЙН ЭМНЭЛЭГ ИРГЭДИЙГ ХҮЛЭЭЖ АВАХГҮЙ ЧИРЭГДҮҮЛСЭЭР , ИРГЭНИЙ БИЕ МУУДАН ХУВИЙН ЭМНЭЛЭГ БАРААДАХААР ЯВЖЭЭ

И МАРТ-Д ХУДАЛДААЛАГДДАГ БҮТЭЭГДЭХҮҮНҮҮДИЙН БУЦААЛТ ИХ БАЙДАГ УУ ?

И-март дэлгүүртэй холбоотой гомдол мэдээллийн дагуу манай сурвалжлах баг сурвалжлан ажиллав.Иргэдийн мэдээллээр ХУД дэх И март дэлгүүрт хугацаа нь дууссан бүтээгдэхүүний буцаалт их байдаг бөгөөд иргэд хоолны хордлого ихээр авсан гэх мэдээлэл ч байсан юм.

ХЯТАД ИРГЭДИЙГ ДЭЭРЭМДСЭН МОНГОЛЧУУДАД 12 ХҮРТЭЛХ ЖИЛИЙН ХОРИХ ЯЛ ОНООЖ БОЛЗОШГҮЙ АЖ

Өнөөдөр буюу 2022 оны 01-р сарын 04-ны өдөр ЦЕГ-ийн ХМТ -өөс мэдээлэл хийлээ. Энэ үеэр БНХАУ-ын иргэдийг дээрэмдсэн иргэдийг олж илрүүлсэн талаар мэдээлсэн юм.

УЛСЫН БҮРТГЭЛИЙН ХЭЛТЭСТ ЦАХИМ МАШИН БУЮУ КИОСК МАШИН ШИЙДВЭРЛЭЖ ӨГЛӨӨ

Орон нутгийн төсвийн хөрөнгөөр Улсын бүртгэлийн хэлтэст цахим машин буюу киоск машин шийдвэрлэж өглөө. “Цахим Өмнөговь хөтөлбөрийн хүрээнд иргэн төвтэй төрийн үйлчилгээний орчинг бүрдүүлэх зорилгоор өөрөө өөртөө уг машиныг шийдэж өгсөн юм. Ингэснээр улсын бүртгэлийн лавлагаа үнэгүй гарах, гадаад паспорт захиалах, эд хөрөнгийн эрхийн улсын бүртгэлийн мэдүүлэг хэвлэх, үйлчилгээний хөлс, тэмдэгтийн хураамж төлбөр төлөх зэрэг олон үйлчилгээг эндээс авах боломжтой болж байгаа юм. Иргэдэд ойр хялбар, хурдтай, хүртээмжтэй байдлыг бүрэн хангаж, цаг хугацааны болон эдийн засгийн бодит хэмнэлтийг бий болгоно аймгийн ЗДТГ-ын ОНХА-аас мэдээллээ.

УЛСЫН БҮРТГЭЛИЙН ХЭЛТЭСТ ЦАХИМ МАШИН БУЮУ КИОСК МАШИН ШИЙДВЭРЛЭЖ ӨГЛӨӨ

Орон нутгийн төсвийн хөрөнгөөр Улсын бүртгэлийн хэлтэст цахим машин буюу киоск машин шийдвэрлэж өглөө. “Цахим Өмнөговь хөтөлбөрийн хүрээнд иргэн төвтэй төрийн үйлчилгээний орчинг бүрдүүлэх зорилгоор өөрөө өөртөө уг машиныг шийдэж өгсөн юм. Ингэснээр улсын бүртгэлийн лавлагаа үнэгүй гарах, гадаад паспорт захиалах, эд хөрөнгийн эрхийн улсын бүртгэлийн мэдүүлэг хэвлэх, үйлчилгээний хөлс, тэмдэгтийн хураамж төлбөр төлөх зэрэг олон үйлчилгээг эндээс авах боломжтой болж байгаа юм. Иргэдэд ойр хялбар, хурдтай, хүртээмжтэй байдлыг бүрэн хангаж, цаг хугацааны болон эдийн засгийн бодит хэмнэлтийг бий болгоно аймгийн ЗДТГ-ын ОНХА-аас мэдээллээ.

ӨРШӨӨЛӨӨР СУЛЛАГДСАН ДАРУЙДАА ЗАЛИЛАХ ГЭМТ ХЭРЭГ УДАА ДАРАА ҮЙЛДЭН 200 ГАРУЙ ИРГЭНИЙГ ХОХИРООЖЭЭ

Ховд аймгийн харьяат Б-д оноосон хоёр жилийн хорих ялыг Орхон аймгийн Сум дундын эрүүгийн хэргийн анхан шатны шүүхээс 2021 оны долдугаар сарын 1-ний өдөр Өршөөл үзүүлэх тухай хуульд хамруулж, Зорчих эрхийг хязгаарлах ялаар дүйцүүлэн сольж хорих ангиас суллажээ. Гэвч Б гэгч нь суллагдсан даруйдаа залилах гэмт хэрэг үйлдэж өнгөрч долдугаар сараас хойш 200 орчим иргэнийг мэхэлж, 70 гаруй сая төгрөгийн хохирол учруулсан тул Нийслэлийн цагдаагийн удирдах газрын Хулгайлах гэмт хэрэгтэй тэмцэх хэлтсийн алба хаагчид энэ сарын 29-ний өдөр дайчлан баривчилсан байна. Тус хэлтсийн Мөрдөн байцаах тасгийн дарга, цагдаагийн хурандаа М.Болдбаатар "Ховд аймгийн харьяат уг этгээд зарын дагуу бараа материал хүргэж өгнө, ажил үйлчилгээ эрхэлнэ гэх байдлаар гэмт хэрэг үйлдсэн. Улмаар Өмнөговь, Дорноговь, Баянхонгор, Дархан-Уул болон нийслэлийн зургаан дүүрэгт оршин суух иргэдийг хохироосон байна. Иймд иргэд, олон нийт цахимаар худалдан авалт хийхдээ баталгаатай, найдвартай газарт хандаж, үйлчлүүлэхийг цагдаагийн байгууллагаас сэрэмжлүүлье" гэлээ. Цахим орчинд орон сууц түрээслэх болон, бараа материал худалдах нэрийдлээр хуурамч зар байршуулан энэ оны долдугаар сараас хойш 200 гаруй иргэнийг тухайн Б гэгч нь хохироогоод байсан юм.