6 НАСТАЙ ОХИНЫГ АХ, ЭГЧТЭЙ НЬ ХАМТ АРХИ УУСАН ХҮН ХҮЧИНДЖЭЭ

10 / 15 0 сэтгэгдэл 1 250 үзсэнe

Цагдаагийн байгууллагад өчигдөр буюу /2021.10.14/-ны 18:43-д манай эгчийн 6 настай охиныг хүчиндсэн байна гэх дуудлага мэдээлэл бүртгэгджээ. Тодруулбал : ЧД-т баригдаж байгаа эзэнгүй байшин дотор 6 настай охиныг ах, эгчтэй нь хамт архи уусан хүн хүчиндсэн байна. Цагдаагийн байгууллагаас шуурхай шалгахад : Тус тоотод суух Чингэлтэй дүүргийн харьяат С.Б /эр.43н/ согтуурсан үедээ 6 настай охиныг хүчиндсэн болхоно тогтоогджээ. Одоогоор тус хэргийн ЧДЦХ-1 шалгаж байна.

ЭРХ БАРИГЧИД ЭРХ МЭДЛИЙН ТӨЛӨӨ АХИН ДОТООДДОО ТАЛЦАЖ ЭХЭЛСЭН ҮҮ

10 / 14 0 сэтгэгдэл 633 үзсэнe

Монгол Улсын Засгийн газрын бүтэц, бүрэлдэхүүнд өөрчлөлт оруулах асуудлаар хуулийн төслийг өнөөдөр /2021.10.14/ Засгийн газраас өргөн барьсан. Тодруулбал, тус хуулийн төсөлд Эдийн засаг хөгжлийн яам болон Цахим хөгжил, харилцаа холбооны яамыг шинээр байгуулахаар болсон. Засгийн газраас хуулийн төслөө өргөн барихдаа Монгол Улсын Ерөнхийлөгчтэй зөвшилцсөн бөгөөд 2022 оны төсөвт ч зардлаа тусгажээ. Тэгвэл дээрх хоёр яамыг шинээр байгуулснаар сайд нь хэн байх вэ гэдэг асуудал олон нийтийн анхаарлыг татаад байгаа.Учир нь Үндсэн хуулийн нэмэлт, өөрчлөлтөөр Ерөнхий сайд болон дөрвөн сайд нь давхар дээлтэй байх зохицуулалттай учраас дээрх хоёр яамны сайдыг гаднаас томилох уу, эсвэл Үндсэн хуульдаа “халдаж” УИХ-ын гишүүдээс сонгох уу гэдэг нь одоогоор тодорхойгүй байна. Эрх баригч МАН 2019 онд Үндсэн хуульд нэмэлт, өөрчлөлт оруулсан. Харин энэ удаад дахин Үндсэн хуульд гар хүрэхээр бол зөвхөн өөрсдөдөө зориулах уу эсвэл дараагийн парламент руу эрхийг нь шилжүүлэх үү гэдэг дээр эрх баригчид хоёр хуваагдсан гэх мэдээлэл байна. Учир нь сайд болох хүсэлтэй нэг хэсэг нь Үндсэн хуульдаа нэмэлт, өөрчлөлт оруулж шинэ яамны хоёр сайдыг УИХ-ын гишүүдээс сонгох ёстой гэсэн байр суурьтай байгаа бол нөгөө нэг хэсэг нь өөрсдөдөө зориулж, албан тушаалд очихын тулд Үндсэн хуульд гар хүрсэн ч хуулийн хэрэгжилтийг дараагийн парламентад шилжүүлэх ёстой гэсэн үзэл баримтлалтай байгаа гэнэ. Эцсийн шийдвэрийг УИХ-ын дарга, гишүүд гаргана. Хоёр яам шинээр байгуулах хуулийн төслийг Засгийн газраас өргөн барьсантай зэрэгцэн эрх баригч нам дахиад л хоёр хэсэг хуваагдаж, талцах маргах бололтой.Үүний зэрэгцээ хоёр яам шинээр байгуулах сургаар МАН дотор сайдын суудал горилогчдын марафон ч эхэлж, даргынхаа үүдээр эргэлдэх болж олон нийтээр ч өөрсдийгөө хайрлуулж буй нэгэн болж жүжих амбицлалтууд ч нэгэнт эхэлжээ. Цахим хөгжлийн яаман дээр Харилцаа холбоо, мэдээлэл технологийн газрын дарга Б.Болор-Эрдэнэ, УИХ-ын гишүүн Н.Учрал нарын нэрс яригдаж байгаа бол Эдийн засаг хөгжлийн яамны сайдаар УИХ-ын гишүүн Б.Чойжилсүрэн, Үндэсний хөгжлийн газрын дарга Х.Батжаргал нарын нэрс яригдаж байгаа гэх бор шувуу ниссээр байгааг хэвлэлүүд онцлох болсон.Харин Үндсэн хуульд өөрчлөлт оруулахгүй бол Харилцаа холбоо, мэдээлэл технологийн газрын дарга Б.Болор-Эрдэнэ, Үндэсний хөгжлийн газрын дарга Х.Батжаргал нарын газрыг яам болгож, толгойлуулж таарах бололтой. Эсэргээрээ өөрчлөлт оруулбал, УИХ-аас хоёр сайд томилохоор яригдах юм.

ХЭНТИЙД НЭГ ИРГЭНД 2.7 САЯ , НИЙСЛЭЛЧҮҮДЭД НЭГ БҮР 300К ХУВААРИЛСАН “ШОГ” ТӨСӨВ

10 / 14 0 сэтгэгдэл 591 үзсэнe

2022 оны улсын төсвийн төслийг УИХ-аар хэлэлцэж байгаа. Ирэх онд улсын төсвийг 18 их наядын зардал, 16 их наядын орлоготойгоор төсөөлсөн. Аймгуудаас Хэнтий аймагт нийт төсвийн 10 хувь буюу 214 тэрбум төгрөгийг төсөвлөсөн нь тус аймгийн нэг иргэнд 2.7 сая төгрөг оногдохуйц төсөв бол харин нийслэл Улаанбаатар хотын нэг иргэнд 300 мянган төгрөг төсөвлөгдөхүйц төсөв төлөвлөгджээ. Үүний зэрэгцээ Орхон аймагт ирэх жилд ердөө гурван төсөл хэрэгжүүлэх бол Хэнтий аймагт 89 төслийг хэрэгжүүлэхээр тусгаад байгаа харьцангүй төлөвлөгөө байна. Хэнтий бол Ерөнхийлөгч, Ерөнхий сайд, Хууль зүйн сайдын нутаг. Тиймээс тэд төрийн өндөр дээд албан тушаалын байдлаа урвуулан ашиглаж давуу эрхээ хэт давамгай эдлэж өөрсдийн сонгогдсон тойрогтоо, өөрсдийн нутаг нугадаа төсвийн мөнгөнөөс ийн асар их хэмжээгээр хуваарилж дараагийн сонгуульдаа санал авахад бэлтгэж эхэлсэн байж болзошгүй гэх хардлага хаа сайгүй хөвөрч байна. Дашрамд мэдээлэхэд : Өнгөрсөн 2021 оны төсвийн хөрөнгийг 21 аймагт хуваарилсан жагсаалтыг харахад ч Хэнтий аймагт хамгийн их буюу 125.8 тэрбум төгрөгийг төсөвлөсөн. Улаанбаатар хотын нэг иргэнд 90 мянган төгрөг ногдож байсан бол Хэнтийн нэг иргэнд 1.6 сая төгрөгийг улирагч жил хуваарилж байжээ. Эндээс харахад төрөөс төсвөөс ийн илт давуу төсөв төсөл хөтөлбөр хэрэгжүүлж зарцуулж цацаж буй тус аймаг бүтээн байгуулалт хөгжил цэцэглэлт ажлын байр амжиргааны төвшнөөрөө асар үсрэнгүй түүчээлэхийг бид зөвхөн атаархангуй ажиглаж тэд аархангүй зарцуулах бололтой ...

АВЛИГА, АЛБАН ТУШААЛАА УРВУУЛАН АШИГЛАСАН ДАРГА НАРЫГ ҮРГЭЛЖЛҮҮЛЭН ШАЛГАСААР БАЙНА

10 / 14 0 сэтгэгдэл 998 үзсэнe

Дорноговь аймгийн Замын-Үүд суманд Авлигатай тэмцэх газар, Тагнуулын ерөнхий газар, Цагдаагийн ерөнхий газрын хууль хяналтынхан Замын-Үүдийн боомтын дарга нарт хуулийн хүрээнд гүйцэтгэх ажиллагаа явуулсан. Энэ хүрээнд хууль, хяналтынхан нэр бүхий албан тушаалтнуудын гар утас, компьютер зэрэг мэдээлэл холбооны хэрэгслийг нь чагнаж, өөрийнх нь болон хамаарал бүхий этгээдийнх нь дансны мэдээллийг цуглуулж гүйцэтгэх ажиллагаа явуулсан байдаг. Харин гүйцэтгэх ажиллагааны үр дүнд “БНХАУ-ын Эрээн хотоос Монголын хил рүү ачаа, бараа оруулдаг компани, хил, гаалийн нэр бүхий албан тушаалтнуудтай сүлбэлдэж авлига авдаг байсан байж болзошгүй” зөрчил илэрсэн байдаг. Улмаар хууль хяналтынхан “Хил дээрх төрийн үйлчилгээ, ачаа тээврийн хөдөлгөөний царцсан шалтгаан авлигачдаас үүдэлтэй болохыг гүйцэтгэх ажиллагааны явцад илрүүлсэн” гэдгээ Засгийн газарт танилцуулж байсан. Үүний хүрээнд хууль, хяналтынхан Замын-Үүдэд очиж төрийн байгууллагын нэр бүхий дарга нарыг баривчилж, орных нь хүмүүсийг тэр дор нь томилсон. Тодруулбал, ·Замын-Үүд дэх Гаалийн газрын дарга Д.Зоригоог үүрэгт ажлаас нь чөлөөлж, Улаанбаатар хот дахь Гаалийн газрын даргын үүргийг түр орлон гүйцэтгэгч Б.Отгонсүхийг, ·Хилийн цэргийн 0108 дугаар ангийн захирагч, хурандаа Б.Нямбатыг үүрэгт ажлаас нь чөлөөлж, В.Намхайнямбууг, ·Авто тээврийн Үндэсний төвийн Замын-Үүд дэх салбарын дарга А.Хатансайханыг үүрэгт ажлаас нь чөлөөлж, Дорноговь аймгийн Автотээврийн төвийн дарга Ж.Сүхбаатарыг, ·Замын-Үүд боомт дахь Хилийн мэргэжлийн хяналтын албаны даргын үүргийг түр орлон гүйцэтгэгч С.Цогбадрахыг үүрэгт ажлаас нь чөлөөлж, НМХГ-ын дарга Л.Эрдэнэчулууныг, ·Замын-Үүд дэх сум дундын цагдаагийн хэлтсийн замын цагдаагийн дарга, цагдаагийн хошууч, Х.Уранбаярыг үүрэгт ажлаас нь чөлөөлж, дээрх дарга нарыг томилсон байдаг. Харин сумын Засаг дарга Б.Анхбаярыг эрүүгийн хэрэг үүсгэж, яллагдагчаар татаж, нэр бүхий дарга нарын хамт 48 цаг саатуулж, хэрэг бүртгэл нээж, шалгалтын ажиллагааг үргэлжлүүлсэн.Харин өдгөө авлига, албан тушаалаа урвуулан ашигласан дарга нарын хэрэг юу болсон талаар Улсын прокурорын ерөнхий газраас тодруулахад “Тэдэнд холбогдох хэргийг үргэлжлүүлэн шалгаж байгаа” хэмээн хэвлэлийхэнд хариулж ам таглаж аргацааж байгаа бололтой.

МОНГОЛЫН МАРГААШ ДУУСДАГГҮЙН ҮЛГЭР “ДАРХАНЫ ЗАМ” ДЭЭР НҮҮРЛЭСЭЭР БАЙНА

10 / 14 0 сэтгэгдэл 1 083 үзсэнe

Улаанбаатар-Дархан чиглэлийн замын бүтээн байгуулалт үргэлжилсэн хэвээр.. Уг нь хоёр жилийн өмнө ашиглалтад оруулна гэж амлаж байсан уг замын ажил дөрөв дэх жилтэйгээ золгох гэж байна. Тодруулбал, төлөвлөгөө ёсоор 2019 онд ашиглалтад орох байсан ч сунжирсаар 2022 он хүртэл хойшлоод байгаа. Энэ тухай Зам тээврийн хөгжлийн сайд Л.Халтар хэлэхдээ ирэх оны намар бүтээн байгуулалт дуусна гэсэн. Монголын маргааш дуусдаггүйн үлгэр Дарханы зам дээр нүүрлэж байна. Жил бүр Дарханы замыг мөдхөн нээх юм шиг ярьдаг ч бодит байдал дээр тоос шороо боссон там шиг замаар иргэд зорчиж, эрүүл мэнд, амь нас, эд хөрөнгөөрөө хохирсоор.Дарханы замын бүтээн байгуулалт эхлэхээс өмнө 2017 оны эхний долоон сард ослын шинжтэй 53 хэрэг бүртгэгдэж байв. Энэ тоо 2018 оны мөн үед 75 болж 41.5 хувиар нэмэгдсэн нь замын ажилтай холбоотойн зэрэгцээ 300 гаруй иргэн 200 сая төгрөгийн хохирол амссан байна.Хамгийн ноцтой нь : Ослоор бэртсэн болон амь насаа алдсан иргэдийн статистик : 2019 онд 25 иргэн амь насаа алдсан бол 79 хүн бэртжээ. 2020 онд гурван хүн нас барж 25 хүн гэмтсэн байна. 2021 оны эхний хагас жилийн байдлаар 20 гаруй хүн зам дээр амиа алдаж, 40 гаруй нь гэмтжээ. Хамгийн сүүлд, Дарханы замд “Тоёота Приус-20” маркийн автомашин “Ниссан Санни” маркийн автомашинтай мөргөлдөж, ослын улмаас нэг хүн амиа алдсан ноцтой осол өнгөрсөн сарын 26-нд гарсан. Энэ мэт ослууд цөөнгүй гардаг нь ч өдгөө ердийн үзэгдэл мэт болж иргэд ч дөжирчээ. Цөөхөн хүн амтай мөртлөө жилд 100 шахам иргэнээ бид зам дээр алдсаар. Үүний буруутан жолооч нар болоод дуусдаг. Гэтэл цаг тухайд нь замын бүтээн байгуулалтаа хийж чадаагүй төрийн хариуцлагагүй бодлогоос болж өчнөөн хүн амь нас, эрүүл мэндээрээ хохирч байгаа хохирлын талаар хэн ч хөнддөггүй. Энэ бүхэнд салбарын сайд нь бүү хэл гүйцэтгэгч компаниудын нэг нь ч хариуцлага хүлээж уучлал гуйсан нь үгүй. Хэчнээн гэр бүл энэ зам дээр хагацал, зовлон амссаныг хэлэхэд бэрх. Улаанбаатар-Дархан чиглэлийн замыг дөрвөн эгнээ болгон өргөтгөж, 204.11 км урт байхаар төлөвлөөд байгаа. Үүний 137 км авто замыг энэ оны долдугаар сард нээсэн. Энэ бүтээн байгуулалт нь нийт таван багц ажил хийгдэхээс хоёр, дөрөвдүгээр замын ажил одоо ч дуусаагүй асуудалтай хэвээр байна. Зам тээврийн хөгжлийн яамны мэдээлснээр аравдугаар сарын сүүл хүртэл замын бүтээн байгуулалт үргэлжлэх нь. Гэвч ирэх оны намар нь Дарханы зам тоос боссон хэвээрээ, салбарын сайд нь дахин “зун бороо хур ихтэй байлаа" гэж өөрсдийнхөө хариуцлагагүйн үйлдлийг тэнгэр хангайд тохоод сууж байх вий. Монголын маргааш дуусдаггүйн үлгэр Дарханы зам дээр нүүрлэж байна.

КОВИДООР ДАЛИМДУУЛЖ МӨНГӨ УГААХ ЯВДАЛ ГААРСААР БАЙГАА ЮУ

10 / 14 0 сэтгэгдэл 935 үзсэнe

Төрийн нэрээр төсөөс хумсалж ковидоор далимдуулж мөнгө угаах явдал гаарсаар байна.Үүнийг нь өдөр бүр авч байгаа шинжигээний тоо эмнэлэгийн ачаалал орны хүрэлцээ зэргээс илтэ ажиглаж болохоор байгаа.Ковидтой зэрэгцэн мөнгөний урсгал онцгой комисс эрүүл мэндийн салбар луу урссаар байгаа ч бодитой зарцуулалт тайлагнал ил тод байдал бол огт хангалтгүй байсаар... Хувийн байгууллагууд pcr шинжилгээг 50-98 мянган төгрөгийн төлбөртэй авдаг. Өдөрт 10,000 хүний шинжилгээ хийж байгаа бол өдөрт гарч байгаа дундаж зардал хамгаалах хувцас хэрэглэлтэйгээ нийлээд 500 сая төгрөг өдөр бүр гарч байна. Өдөрт 500-700 сая төгрөгийн өртөгийг зөвхөн шаардлагагүй шинжилгээнд рсг нэрээр урсгаж байгаа бөгөөд хоногт хагас тэрбум, долоо хоногт 3.5 тэрбум төгрөг зарцуулагдаж байна. Эрүүл мэндийн сайд С.Энхболд хилийн чанадад зорчих иргэдийг “Интермед” эмнэлэгт шинжилгээ өгөх тушаалыг гаргасан нь нилээд шүүмжлэл дагуулсан.Сайд санал болгосон эмнэлэг нь pcr шинжилгээг 98 мянган төгрөгөөр авдаг. Өдөрт 100-200 хүн шинжилдэг буюу дунджаар өдөрт 150 хүн шинжилгээ өгдөг гээд тооцоолоход өдрийн орлого 14.7 сая төгрөг болж байна. Сард 100 сая төгрөгийн орлого орох боломжийг сайд нь өгчихсөн асуудлын ард ямар нэгэн тохироо байхыг үгүйсгэхгүй. Саяхан МИАТ-аар ирсэн хүмүүсийг буулгахгүй бухимдуулж өчнөөн цагаар хүлээлгэн чирэгдүүлж байгаад шинжилгээ авсан ч эерэг сөрөг гэдгээр нь тусгаарлалгүй зүгээр л нийтэд нь нийгэмд нь чөлөөтэй гаргаж явуулсан байдаг. Энд зөвхөн өвдсөн эсвэл эрүүл эсэх нь хамаагүй зөвхөн шинжилгээ авах мөнгө татах ашигг сонирхол л илтэд цухалзсан. Хамгийн анх коронавирус илэрч эхлэхэд гадаад дотоодоос ирсэн иргэдийг бүр 21 хоног хөл хорьж байв. Ингэхдээ тусгаарлалтын мөнгийг өөрсдөөс нь авдаг байсан бол сүүлдээ 21 хоног нь долоо болж хоногийн мөнгө нь 50 мянга болж буурсан байдаг. Тусгаарлалтын мөнгө том тоо.Түүний захиран зарцуулал задаргаа ч хэзээ хэзээнээс далд л байсаар ирсэн ...

ЭМД-ГҮЙ БОЛ “ИРГЭН АМЬ ЭРСЭДДЭГ” ЦАГ ИРЖЭЭ

10 / 14 0 сэтгэгдэл 896 үзсэнe

Эрүүл мэндийн даатгалгүй гэх шалтгаанаар эмнэлэгийн байгууллага бараадаж чадаагүй амь нас нь эрсэдсэн байж болзошгүй нөхцөл байдал тогтоогджээ. Тодруулга : Амь хохирогч сүүлийн 10 хоногийн турш бие нь өвдсөн, Эрүүл мэндийн 14-р төв олгой ургасан гэж оношилсон боловч тус иргэнийг даатгалгүй хэмээн эмнэлгийн байгууллага хүлээж авахаас татгалзжээ. Ийнхүү эмнэлгийн байгууллага хүлээж аваагүй 10 хоног шаналсан иргэн гэртэй нас баржээ.

ХЭЛ АМ ТАТАЛСААР ИРСЭН СХД-ИЙН СЭНТИЙ ЗОЧИД БУУДАЛД ХҮЧИНГИЙН ХЭРЭГ ГАРЧЭЭ

10 / 14 0 сэтгэгдэл 1 382 үзсэнe

Тус зочид буудал нь тусгай үүргийн онгоцоор ирсэн иргэдийг тухайн үед 21 хоногоор тусгаарлалтад байлгаж байсан бөгөөд тухайн үед зочид буудлын ариун цэвэр, орчин нөхцөл хангалтгүй байсан талаар иргэд мэдээлж байсан. Уг нь тухайн үед улсын онцгой комисс болон мэргэжлийн байгууллагууд зочид буудлууд дээр хараа хяналт тавьж ажиллах ёстой ч энэ мэт байдлаар ариун цэвэр хангалтгүй буудалд иргэдийн хүлээн авч байсан юм. Тэгвэл тус зочид буудалд /2021.10.14/-нд хүчиндүүлсэн дуудлага мэдээлэл бүртгэгджээ. Тодруулбал : Сэнтий зочид буудалд хүчиндүүлсэн гэх мэдээллийг 10.13-ны 07:50-д цагдаагийн байгууллага авч шалгалтын ажиллагаа явуулахад : СДБ-8 ..-р байрны .. тоотод суух Д.Л /эм.29н/-г Баян-Өлгий аймаг дугаар тоотод суух Д.Е /эр.29н/ нь тус буудлын 502 тоот өрөөнд хүчиндсэн хэргийг СХДЦХ-1 шалгаж байна. Наад захын ариун цэвэр хангалтгүй энэ мэт буудлуудад ноцтой хэргүүд гарсаар байгаа нь зочид буудал болон дэн буудлуудаа цэгцлэх цаг болсон гэдгийн сануулсаар байна.

ХҮРГЭН АХ НЬ 10 НАСТАЙ ДҮҮГЭЭ ГАЛТ ЗЭВСГЭЭР ТОЛГОЙН ТУС ГАЗАР НЬ БУУДАН ХОРООЖЭЭ

10 / 14 0 сэтгэгдэл 1 009 үзсэнe

Архангай аймгийн Цагдаагийн байгууллагад бүртгэгдлээ "Хүүхэд буудуулж нас байна" гэх ноцтой дуудлага мэдээлэл бүртгэгдсэн байна. Тус дуудлага мэдээллийн дагуу цагдаагийн бүрэлдэхүүн, прокурор, шинжээч эмч нарын баг шалгалтын ажиллагаа яаралтай явуулжээ. Тодруулбал : Архангай аймаг "Өндөр-Улаан сум Азарга баг Шаргачны эх Ханхын дэнж" гэх газарт эр.10 настай Х-г түүний хүргэн ах болох эр.38 настай Д нь Чех карабин маркийн галт зэвсгээр баруун нүдний доод хэсэгт буудаж амь насыг нь хөнөөсөн байна. Одоогоор Архангай аймаг дахь цагдаагийн газар тус ноцтой хэргийг шалгаж байгаа юм байна.

НҮХЭН ЖОРЛОНД НЭГ ЖИЛ ГАРУЙН ДАРАА ХҮНИЙ ЦОГЦОС БАЙГААГ ХАРСАН ГЭДЭГ НЬ ХАЧИРХАЛТАЙ АСУУДАЛ ЮМ

10 / 13 0 сэтгэгдэл 1 060 үзсэнe

Өнгөрсөн зун 2020 оны долдугаар сарын 31-нийн оройн 22:35 цагт Нийслэлийн Налайх дүүргийн 6 дугаар хорооны нутаг дэвсгэрт буюу Мэлхий хадны ойролцоох “Тэнгэрийн энерги бясалгалын төв”-өөс иргэн Б.О 25 настай эмэгтэй ор сураггүй алга болж цагдаа, онцгой байдлын олон алба хаагчид болон ард иргэд, гэр бүлийнхэн нь хамтарч Тэрэлж орчмыг бүтэн самнаж хайсан ч түүнийг олоогүй билээ.Тэгвэл бүсгүйн цогцос нэг жил гаруйн дараа буюу энэ аравдугаар сарын 11-ний өдрийн 17 цагийн орчимд нүхэн жорлонгоос олдсон байж магадгүй байна. Учир нь ЦЕГ-аас "Б.О бүсгүйн цогцос мөн эсэхийг тогтоохоор ажиллаж байна" гэж мэдэгдсэн. Тодруулбал, цогцос олдсон гэх өдөр 17:30 цагт Нийслэлийн онцгой байдлын албанд “Налайх дүүргийн 6 дугаар хороо, Ээлтэй гэх газар цогцос байна” гэсэн дуудлага иржээ. Ингээд Налайх дүүргийн алба хаагчид болон мэргэшсэн шинжээч, прокурор зэргийг оролцуулан үзлэг хийж 4 метрийн гүнтэй модон жорлонг эвдэж цогцсыг гаргасан байна. Мөн хэргийн газраас эд мөрийн баримтаар, футволк, өмд цамц, дотуур хувцас тус бүр нэг ширхэг,оймс, гутал тус бүр нэг хосыг хураан авжээ. Хачирхалтай нь, цогцос “бясалгалын төв”-ийн хажуу хашааны айлын нүхэн жорлон биш тус төвийн жорлонгоос олджээ. Мөн нүхэн жорлон нь төв замын хажууханд юм байна. Б.О бүсгүй алга болсон өдрөө ээжтэйгээ утсаар ярьж, “Намайг ирж аваарай” гэж дуудсан байдаг. Ингээд 22:35 цагийн үед “ээж ирчих шиг боллоо” гэсээр гарч яваад, эргэж ирээгүй гэдэг. Харин 2020 оны наймдугаар сард 100 гаруй цагдаа, онцгой байдлын албан хаагч Тэрэлжийг самнаж, хил гаргасан, хүн авч явсан зэрэг олон таамгийг дэвшүүлж, байж болох бүхий л газрыг үзсэн гэсэн атал яагаад ойролцоох нүхэн жорлонд үзээгүй нь хачирхалтай. Эсвэл гадны нөлөөтэй ч байж болзошгүй юм.Тэгэхээр тус газар “хаяг”-аа авсан ч бясалгалын төв, цагаан хоолны чиглэлээр үйл ажиллагаа явуулдаг байж магадгүй байгаа юм. Харин тус газрын нүхэн жорлонд нэг жил гаруйн дараа хүний цогцос байгааг харсан гэдэг нь бас л хачирхалтай байгаа юм. Учир нь тус нүхэнд хүн хөл алдаж унасан гэхэд маш жижиг, тойрог хэмжээтэй юм байна.