ЭМЯ-наас иргэдийг чарганаас унаж гэмтэхээс сэргийлж, зөвлөмж гаргалаа. Өнгөрсөн онд чарганы гэмтлээс болж 1578 хүн гэмтсэн байна. Гэмтэл согог судлалын үндэсний төвөөс нэгтгэсэн мэдээллээр 2021 оны нэгдүгээр сараас арван нэгдүгээр сарын хооронд нийт 1578 хүн цана, чарганаас унажээ. Унаж бэртсэн 1578 хүний 567 нь том хүн, 1011 нь бага насны хүүхэд байна. Иймд зориулалтын чаргыг ашиглах, цана, чаргаар гулгахдаа болгоомжтой байхыг анхаарууллаа.
Архи, согтууруулах ундаа хэрэглэсэн үедээ 15 давхраас үсрэхээр завдаж байсан эмэгтэйг эсэн мэнд аварчээ. Тодруулбал : /2022.01.03/ Сүхбаатар дүүргийн 9 дүгээр хорооны 220 дугаар байрны 15 давхар орон сууцны барилгын 15 дугаар давхрын цонхны тавцангаас согтууруулах ундаа хэрэглэсэн 32 настай эмэгтэй Н үсрэхээр завдсан байна. Харин тухайн эмэгтэйг Нийслэлийн Аврах ангийн алба хаагчид тухайн эмэгтэйг эсэн мэнд буулган аварсан байна.
Хотын дарга Д.Сумъяабазар нийслэлийн утаа сүүлийн хоногуудад эрс нэмэгдсэнийг хэлж өндөрлөг газраас харвал өтгөн утаатай, бас өмхий үнэртэй байгааг олж тогтоосоноо хэллээ. Мөн нийслэлийн засаг даргад нилээд хүмүүсээс : Орлого багатай иргэд шахмал түлш авч чадахгүйн улмаас автомашины дугуй шатааж байна гэж “ховложээ”. Иймд хотын дарга Д.Сумъяабазарын хэлж байгаагаар : Нийслэлд үнэртэж байгаа өмхий утаа бол сайжруулсан түлшний утаа биш бөгөөд автомашины дугуй болон бусад хог шатаасны улмаас гарч буй утаа гэж хардлаа. Иймд хариуцсан албан тушаалтнууд ядуу, орлого багатай иргэдэд олгож буй сайжруулсан түлшний түгээлтийг хангаж ажилла хэмээн үүрэгдлээ.
Өнөөдөр Монгол лам нарын чуулган фэйсбүүк группээс АСРАЛЫН АЯН-3 хүмүүнлэгийн аяныг зохион байгууллаа. Уг аян жил бүр Үндэсний тусгаар тогтнолын баяраар хөдөө орон нутаг нийслэл болон гадаадад шавилан суугаа лам хуваргууд уламжлал болгон зохиодог байна. АСРАЛЫН АЯН 1 аянаар 2019 онд Монголд коронавирус халдвар тархаж эхлэхэд 20’000’000 төгрөгний бээлий, маск болон бусад хэрэгцээт зүйлсийг УОК-т хандивласан. АСРАЛЫН АЯН 2 аяны хүрээнд өнгөрсөн жил Нийслэлд хөл хорионд орон хоол хүнсний хомсдолд орсон 300-аад айл өрхүүдээр хүнс тарааж УОК-т бэлэн мөнгө, маск, бээлий зэрэг нэн хэрэгцээт зүйлсийн хандив өргөсөн. Энэ удаагийн АСРАЛЫН АЯН-3 аяны хүрээнд эрүүл мэндийн байгууллагуудад нэн чухал байгаа 21.5 сая төгрөгийн өртөгтэй тоног төхөөрөмжүүдийг Улаанбаатар хотын дүүргүүдийн 11 эмнэлэг буюу Эх нялхас, БГД-ийн хүүхдийн эмнэлэг, СХД хүүхдийн эмнэлэг, Түлэнхийн төв, Улсын 3 дугаар төв эмнэлэг улсын 1-р төв эмнэлэг, ЧД эмнэлэг, 1-р төрөх ӨРГӨӨ АМАРЖИХ, БЗД АМГАЛАН АМАРЖИХ, ХҮРЭЭ АМАРЖИХ, БАГАНУУР дүүргийн эмнэлгүүдэд хандивлалаа.
Н ийслэлийн Багахангай дүүрэгт Улсын төсвийн хөрөнгө оруулалтаар 125 айлын орон сууц ашиглалтад орлоо. Нийслэлийн Орон сууцны корпорац ХК-д 360 орчим иргэн дээрх орон сууцанд хамрагдах хүсэлтээ ирүүлэн, нээлттэй сонгон шалгаруулалт явуулжээ. Түүнээс зорилтот найман бүлгийн 94 өрхийг шалгаруулсан байна. Шалгуурт тэнцсэн иргэд 5-7 жилийн хугацаанд урьдчилгаа төлбөр төлөхгүй, хүүгүйгээр төлбөрөө төлж барагдуулах бөгөөд нэг ам.метрийн үнийг 700 мянган төгрөгөөр тооцон олгожээ.
Хотын дарга Д.Сумъяабазар хэлсэн үгэндээ : Өнөөдөр бид үндэсний тусгаар тогнолоо сэргээсэн өдрөө тэмдэглэж байна. Гэвч бид түүх, соёлгүй болчихвол тусгаар тогтнол дархлаагүй болно. Тиймээс Монгол Улсын анхны Ерөнхий сайд Т.Намнансүрэн амьдарч байсан, Улаанбаатар хотын анхны Европ хийцийн барилгуудын нэг гээд түүх, дурсгалын өв болсон "Гоожингийн өндөр"-ийг хамгаалалтад авч, газрын зөвшөөрлийг цуцалж, сэргээн засварлахаар боллоо. Ирэх оны 4-р улиралд багтаан сэргээн засварлах, орчныг нь тохижуулж, музейн зориулалтаар ашиглахыг хариуцсан хүмүүст үүрэг болголоо. Харин газар эзэмшилтэй холбоотой маргаан үүсч байна. -Гоожингийн өндөрийн газар ямар замаар хувьд шилжсэн болохыг хуулийн байгууллагаар шалгуулна. -Одоо газар эзэмшиж байгаа иргэнд яг бодитоор хэдэн төгрөгийн хохирол учирсан гэдгийг шүүхээр тогтоолгоно. Төсвийн мөнгийг тооцоо судалгаа, баталгаагүй зүйлд зарцуулж болохгүй. Шинэчлэх ажил, хуулийн маргаанаас гадна "Гоожингийн өндөр"-ийг яаралтай хамгаалалтад авах шаардлага үүсч байгаа. Үгүй бол санаатай санаандгүй байдлаар түүх, соёлын өвөө алдах эрсдэл өндөр. Нийслэлийн удирдлагын баг цаашид түүх, соёлын өвөө хамгаалж үлдэх, сэргээн засварлахад онцгой анхаарч ажиллана хэмээв.
Сүүлийн 24 цагийн хугацаанд шинээр 218 тохиолдол батлагдсан байна. Үүнээс нийслэлд 118, орон нутагт 50, зөөвөрлөгдсөн 41 тохиолдол бүртгэгджээ. Харамсалтай нь зүрхний архаг хууч өвчтөи нэг иргэн коронавирусын нэн хүнд хэлбэрээр нас барсан байна.
Хотын захын дүүргүүдэд амьдарч буй бяцхан иргэддээ боломжийнхоо хирээр бэлэг хувцас тоглоомын төвд тоглох эрхийн хамт бэлэглэв. Тэд идэр есийн хүйтнээр усаа зөөж түлшээ базааж ээж аавдаа тус дэм болон гүйж явахтай таарч баярлуулав. Гадаа хүйтэн ч халуун сэтгэл бидэнд бий Албан байгууллагууд анги хамт олон сошиол групп нэгдэлүүд шинэ жилийн баяраа тэмдэглэхийн зэрэгцээгээр бяцхан үрсээ баярлуулж нийгэмдээ өнгө нэмэрлэж байхыг бид уриалж байна. Арга хэмжээ маань жил бүр уламжлал болон үргэлжлэх болно. Мөн та бусдад туслахдаа камераа гэртээ үлдээж байгаарай. Хүндэтгэсэн : Мэдээллийн анхдагч бодит эх сурвалж Neguun.mn мультимедиа мэдээ мэдээллийн сайтын хамт олон Мэлхий ордонд төрөгсдийн групп Гэрэлт амартизатор авто сервис Гэрэлт авто сервис Candy world тоглоомын төвийн хамт олон
Цагдаагийн байгууллагаас 2021 оны 12-р сарын 20-26-ны хооронд хүн нас барсан 70 тохиолдолд "Хэргийн газрын үзлэг" хийхэд урьдчилсан байдлаар осгож, хөлдөж нас барсан 9, архи, согтууруулах ундаа хэтрүүлэн хэрэглэснээс 6 тохиолдол бүртгэгджээ. Засгийн газраас гамшгаас хамгаалах өндөржүүлсэн бэлэн байдлын зэргийг 2021 оны арванхоёрдугаар сарын 31-н хүртэл сунгах шийдвэр гаргасан. Энэ хүрээнд олны анхаарлыг татдаг шинэ жилийн баярыг нийтээр тэмдэглэх эсэх шийдвэр гаргаагүй бөгөөд төрийн байгууллагаас бусад байгууллага шинэ жилийн баярыг өргөн дэлгэр тэмдэглэсээр байгаа билээ. 2020 оны тухайд коронавирусийн халдварын нөхцөл байдлаас шалтгаалан зөвхөн гэр бүлийн хүрээнд баяраа тэмдэглэж байв. Тухайн жил баярын өдрүүдээр амиа алдсан иргэдийн тоо дариу 10 дахин бага байсан бол ийнхүү баяр наадам тэмдэглэж эхлээд 6 хоногийн дотор 70 хүн эндлээ. Уг нь Хүний амь нас, эрүүл мэндээс чухал баяр гэж баймааргүй. Сүүлийн өдрүүдэд баяр наадмаас үүдэн золгүй явдлаар төгсөж байгааг сэрэмжлүүлж байна.
Олимпын хошой медалт Н.Түвшинбаяр сайн найз болох улсын начин Э.Энхбатыг зодож хүнд гэмтээсэн. Солонгос улсад найман сар эмчлүүлсэн боловч ухаан оролгүй эх орондоо ирээд байсан улсын начин Э.Энхбат таалал төгсчээ Түүний ар гэр, төрөл төрөгсдөд гүн эмгэнэл илэрхийлье.
