ХҮРГЭН АХ НЬ 10 НАСТАЙ ДҮҮГЭЭ ГАЛТ ЗЭВСГЭЭР ТОЛГОЙН ТУС ГАЗАР НЬ БУУДАН ХОРООЖЭЭ

10 / 14 0 сэтгэгдэл 976 үзсэнe

Архангай аймгийн Цагдаагийн байгууллагад бүртгэгдлээ "Хүүхэд буудуулж нас байна" гэх ноцтой дуудлага мэдээлэл бүртгэгдсэн байна. Тус дуудлага мэдээллийн дагуу цагдаагийн бүрэлдэхүүн, прокурор, шинжээч эмч нарын баг шалгалтын ажиллагаа яаралтай явуулжээ. Тодруулбал : Архангай аймаг "Өндөр-Улаан сум Азарга баг Шаргачны эх Ханхын дэнж" гэх газарт эр.10 настай Х-г түүний хүргэн ах болох эр.38 настай Д нь Чех карабин маркийн галт зэвсгээр баруун нүдний доод хэсэгт буудаж амь насыг нь хөнөөсөн байна. Одоогоор Архангай аймаг дахь цагдаагийн газар тус ноцтой хэргийг шалгаж байгаа юм байна.

НҮХЭН ЖОРЛОНД НЭГ ЖИЛ ГАРУЙН ДАРАА ХҮНИЙ ЦОГЦОС БАЙГААГ ХАРСАН ГЭДЭГ НЬ ХАЧИРХАЛТАЙ АСУУДАЛ ЮМ

10 / 13 0 сэтгэгдэл 1 021 үзсэнe

Өнгөрсөн зун 2020 оны долдугаар сарын 31-нийн оройн 22:35 цагт Нийслэлийн Налайх дүүргийн 6 дугаар хорооны нутаг дэвсгэрт буюу Мэлхий хадны ойролцоох “Тэнгэрийн энерги бясалгалын төв”-өөс иргэн Б.О 25 настай эмэгтэй ор сураггүй алга болж цагдаа, онцгой байдлын олон алба хаагчид болон ард иргэд, гэр бүлийнхэн нь хамтарч Тэрэлж орчмыг бүтэн самнаж хайсан ч түүнийг олоогүй билээ.Тэгвэл бүсгүйн цогцос нэг жил гаруйн дараа буюу энэ аравдугаар сарын 11-ний өдрийн 17 цагийн орчимд нүхэн жорлонгоос олдсон байж магадгүй байна. Учир нь ЦЕГ-аас "Б.О бүсгүйн цогцос мөн эсэхийг тогтоохоор ажиллаж байна" гэж мэдэгдсэн. Тодруулбал, цогцос олдсон гэх өдөр 17:30 цагт Нийслэлийн онцгой байдлын албанд “Налайх дүүргийн 6 дугаар хороо, Ээлтэй гэх газар цогцос байна” гэсэн дуудлага иржээ. Ингээд Налайх дүүргийн алба хаагчид болон мэргэшсэн шинжээч, прокурор зэргийг оролцуулан үзлэг хийж 4 метрийн гүнтэй модон жорлонг эвдэж цогцсыг гаргасан байна. Мөн хэргийн газраас эд мөрийн баримтаар, футволк, өмд цамц, дотуур хувцас тус бүр нэг ширхэг,оймс, гутал тус бүр нэг хосыг хураан авжээ. Хачирхалтай нь, цогцос “бясалгалын төв”-ийн хажуу хашааны айлын нүхэн жорлон биш тус төвийн жорлонгоос олджээ. Мөн нүхэн жорлон нь төв замын хажууханд юм байна. Б.О бүсгүй алга болсон өдрөө ээжтэйгээ утсаар ярьж, “Намайг ирж аваарай” гэж дуудсан байдаг. Ингээд 22:35 цагийн үед “ээж ирчих шиг боллоо” гэсээр гарч яваад, эргэж ирээгүй гэдэг. Харин 2020 оны наймдугаар сард 100 гаруй цагдаа, онцгой байдлын албан хаагч Тэрэлжийг самнаж, хил гаргасан, хүн авч явсан зэрэг олон таамгийг дэвшүүлж, байж болох бүхий л газрыг үзсэн гэсэн атал яагаад ойролцоох нүхэн жорлонд үзээгүй нь хачирхалтай. Эсвэл гадны нөлөөтэй ч байж болзошгүй юм.Тэгэхээр тус газар “хаяг”-аа авсан ч бясалгалын төв, цагаан хоолны чиглэлээр үйл ажиллагаа явуулдаг байж магадгүй байгаа юм. Харин тус газрын нүхэн жорлонд нэг жил гаруйн дараа хүний цогцос байгааг харсан гэдэг нь бас л хачирхалтай байгаа юм. Учир нь тус нүхэнд хүн хөл алдаж унасан гэхэд маш жижиг, тойрог хэмжээтэй юм байна.

ХӨЛ ХОРИОНЫ ҮЕЭР АРХИДСАН ЦАГДААГИЙН ХУРАНДАА НАРЫН ХОХИРОГЧ БОЛЖ НЭГ ИРГЭН “СОХОРЧЭЭ”

10 / 13 0 сэтгэгдэл 1 294 үзсэнe

Монголчууд короновирусын цар тахалд нэрвэгдэж хатуу хөл хорио тогтоогоогүй ч хамаг байгууллагын хаалга хаалттай бүлэг бөөгнөрөл архидан согтуурахыг хориглосон цаг үеэр буюу өнгөрөгч 2021 оны 03р сарын 19 нөөс 20 нд шилжих шөнө цагдаагийн хэд хэдэн хурандаа нар нийлж архидан согтуурч цэргийн баяраа тэмдэглэжээ.Харин баярын золиос болж нэг иргэн өдгөө өрөөсөн нүд нь сохорсон таагүй мэдээ байна. Учир нь тус баяр тэмдэглэлтээс үүдэн нэгэндээ тэр дундаа цагдаагийн байгууллагатай хамааралгүй иргэнд цагдаагийн алба хаагч байсан хүн одоо цагдаагийн байгууллагад ажиллаж буй алба хаагчдынхаа ятгалгаар халдаж ийн ноцтой гэмтэл учруулжээ. Хохирогч тэр цагаас хойш буюу өнгөрсөн 3р сараас хойш гурван ч удаа хүнд хагалгаанд орсон боловч нүд нь хараагүй болж хохирсон байна. Хэргийн талаар тодруулбал : Өнгөрөгч 2021 оны 03р сарын 19нд СБД-ийн 3р хороонд байрлалтай ZOLO нэртэй зочид будалд 1995...96..97 онд тухайн үеийн цагдаагийн дээд сургуулийг төгссөн байж болзошгүй этгээдүүд буюу нэг ангийн онжавууд нийлж архидан согтуурчээ. Ингэх үедээ энгийн иргэн болох бизнес эрхлэгч иргэн Г-г дуудсан бөгөөд дуудан ирүүлж хамт байх хугацаандаа иргэн Г-тэй энгийн иргэн ,,тангараг өргөсөн цагдаа гэдгээрээ ялгавартай байдлаар харьцаж иргэнийг илтэд айлган сүрдүүлж байсныг илтгэх аудио бичлэг ч бичигдэн үлджээ. “Бид нэг ангид 4-н жил хамт сурсан цагдаагийн байгууллагад 20н жил зэрэгцэн ажилласан тул чи муу мэт нь барахгүй амжихгүй шүү” гэх мэтээр дарамталж байсан гэх . Иргэн Г-д Итгэл гэх ХУД-ийн ЦХ2-оос гавьяаны амралтандаа гарсан иргэн халдаж нүд рүү нь цохиж бяцалжээ. Харин Итгэлийг иргэн Г-д гар хүрэх хүртэл нь өдөөн турхирч байсан гэгддэг Э.Оргил нь одоо ч ЦЕГ-ын Хуулийн хэлтсийн чиглэлийн ахлах мэргэжилтэнээр ажиллаж байгаа бөгөөд цагдаагийн дэд хурандаа цолтой мөн Б.Батсүх гэгч Өмнөговь аймгийн хэрэг бүртэх мөрдөн байцаах тасгийн дарга цагдаагийн хурандаа цолтой. Тэдэнтэй хамт Эрхэмээ гэх цагдаагийн байгууллагад бүртгэлтэй мөн л хурандаа дэд хурандаа цолтой байж болзошгүй эдгээр эрхмүүд иргэн Г –г сохрох хэмжээнд хүртэл нь халдаж хохирооход нөлөөлжээ. Гэвч өдгөө эдгээр гурван эрхэм цагдаагийн байгуулагад ажилласаар байгаа бол Иргэн Г Монголд эмчлэгдэх эмчилгээ нь дууссан ч хараа оролгүй хохироод байна. Одоо тэрээр жолоо барих хоол бэлтгэх гэхчилэн энгийн амьдралын горимоор аж төрөх боломжгүйд хүрч групп тогтоолгох хэмжээнд хүрээд байгаа бол эдгээр албан тушаалтнууд усанд хаясан чулуу мэт таг чиг алга болж амиа хичээх болжээ.Мөн иргэнд гар хүрснийхээ дараагаар тус зочид буудалд буудласан бүртгэл дүрс бичлэг зэргийг нь устгаж амжсан гэх мэдээлэл ч байна. Нэр дурьдагдах хүмүүсээс одоо гурав нь цагдаагийн байгууллагад ажил үүргээ гүйцэтгэсээр байгаа бол хохирогчийн зүгээс тэдэнд ёсзүйн хариуцлага хүлээлгэх ёстой гэх байр суурьтай байгаа юм. Дашрамд мэдээлэхэд эдгээр цагдаагийн албан тушаалтнууд ийн цар тахлын хорио цээрийн үед зочид буудалд архидан согтуурсаныхаа дараагаар бүгд өөр өөрсдийн автомашинаа жолоодон тарцгаасан гэх мэдээлэл ч бий юм. Үргэлжлэл бий...

13 НАСТАЙ ОХИН СОГТУУРУУЛАХ УНДААНЫ ЗҮЙЛ ХЭРЭГЛЭЖ, БИЕЭ АВЧ ЯВАХ ЧАДВАРГҮЙ ҮЕДЭЭ БУСДАД ХҮЧИНДҮҮЛЖЭЭ

10 / 13 0 сэтгэгдэл 1 953 үзсэнe

Булган аймагт насанд хүрээгүй буюу 13 настай охин согтууруулах ундааны зүйл хэрэглэж, биеэ авч явах чадваргүй үедээ бусдад хүчиндүүлсэн хэрэг 2021.10.12- нд гарсан байна. Тодруулбал : Булган аймаг: Булган сум 5-р баг “Дэвшилт сонины газрын хашаан дотор гэртээ насанд хүрээгүй эмэгтэй хүүхэд хүчиндүүлсэн байж болзошгүй байдалтай гэртээ орж ирлээ” гэсэн мэдээллийг 10-р сарын 12-ны 06:40-д цагдаад дуудлага мэдээлэл өгчээ. Тус хэргийг цагдаагийн бүрэлдэхүүн шалгахад: Тус багт суух Д.М /эм.13н/ согтууруулах ундааны зүйл хэрэглэж, биеэ авч явах чадваргүй үедээ бусдад хүчиндүүлсэн байж болзошгүй гэх хэрэгт эд мөрийн баримтаар цагаан өнгийн эмэгтэй хүний дотуур хувцас 1 ширхгийг хураан авч, тэмдэглэл 2 үйлдэн Булган аймаг дахь цагдаагийн газар шалгаж эхэлсэн гэх. Хамгийн харамсалтай нь тухайн охиныг эмнэлэгт үзүүлсэн бөгөөд эмнэлгийн дүгнэлтээр охин хальс хуучин урагдалтай хэмээн гарсан байна. Ингэснээр 13 хан настай буюу өсвөр насны хүүхэд бэлгийн хүчирхийллийн золиос ийнхүү болсоор байна. Бага насны хүүхэд хэрхэн архи, согтууруулах ундааны зүйлс хэрэглэсэн. Эсвэл хэн бага насны хүүхдэд согтууруулах ундаа өгч бэлгийн дур хүслээ хангасан зэрэг олон асуудал дагуулсаар байгаа юм. Монгол улсад сүүлийн 5 жилд 1400 гаруй өсвөр насны охин бэлгийн хүчирхийлэлд өртсөн гэх харамсалтай тоон мэдээлэл гарч байна. Хүчирхийлэлд өртсөн охид амь нас, эрүүл мэндээрээ хохирч, ирээдүйд итгэх итгэлээ алдсаар байгаа. 2017 онд 137 охин 2018 онд 309 охин 2019 онд 350 охин 2020 онд 328 охин 2021 оны эхний найман сарын байдлаар 228 охин бэлгийн халдашгүй дархан байдлын эсрэг гэмт хэргийн хохирогч болоод байна. Хүүхэд бол бидний ирээдүй. Тиймээс тухайн асуудалд нийгмээрээ анхаарч, гэмт хэргийн хохирогч болсон охидын сэтгэл зүйн эмгэгийг эмчлэх, нийгэмших, нэр төрөө хамгаалахад нь чиглэсэн оновчтой төрийн бодлого яаралтай шаардлагатай

Ш.РАДНААСЭД: ЗААВАЛ ЯЛ ӨГ, ЭСВЭЛ ЦАГААТГА ГЭСЭН ХУУЛИЙН ТӨСӨЛ ОРУУЛЖ ИРЛЭЭ

10 / 12 0 сэтгэгдэл 619 үзсэнe

Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийг хэлэлцэхийг Хууль зүйн байнгын хорооны хуралдаанаар дэмжлээ. Төсөл санаачлагчийн илтгэлтэй холбогдуулан УИХ-ын гишүүд асуулт асууж, Б.Энхбаяр, Б.Пүрэвдорж нарын гишүүдээс хариулт, тайлбар авсан юм. УИХ-ын гишүүн Н.Учрал, Н.Алтанхуяг нь анхан шатны шүүхээс хэргийг буцаах зохицуулалтыг үлдээх нь зүйтэй гэдэг байр суурийг илэрхийлж, холбогдох үндэслэл, тайлбарыг хэлж байлаа. Хэрэг буцааж болохгүй гэдэг хуулийн зохицуулалт дор хэргийг нягтлахгүйгээр, шүүх заавал шийдвэр гаргах шахалтад орох эрсдэлтэй гэдэг байр суурийг илэрхийлж байв. Түүнчлэн шүүхээс өмнөх мөрдөн байцаах, прокурорын шатны үйл ажиллагааг сайжруулахгүйгээр, шууд шүүх эцсийн шийдвэрийг гаргаж байхыг хуульчлах нь эрсдэлтэй гэв. Эрүүдэн шүүвэл яах уу. Тэр хохирлыг шүүхийн шатанд яаж зөвтгөх юм бэ. Шүүх хурал дээр хохирогч эсвэл гэрч мэдүүлэгээсээ татгалзвал яах уу. Шүүх буцаах ямар ч боломж байхгүй. Заавал яллана эсвэл цагаатгаад явуулна. Энэ дотроо авах нэг зүйл нь прокурор хэрэг татдаг байдлыг өөрчлөх нь зөв л байх. Тэр тусмаа олны анхаарал татсан хэргүүд шүүх рүү шилжихгүй байх вий дээ. Мөрдөн байцаалтын шатанд хэрэг замхраад алга болдог болох вий дээ гэж харагдаж байна хэмээлээ.

МОНГОЛД АНХ УДАА БАРИЛГЫН САЛБАРТ КОЙН ЗАДРАНА

10 / 12 0 сэтгэгдэл 945 үзсэнe

2021 оны 10 дугаар сарын 10-ны өдрөөс эхлүүлэн интернет орчинд барилгын салбарт анх удаа койн задрах мэдээлэл гарч эхэллээ. Энэхүү койн нь “GERT COIN” нэртэйгээр гарч байгаа бөгөөд тус койн багт банк санхүү, барилга, урлаг спортын нөлөө бүхий олны танил хүмүүс байгаа гэсэн албан бус мэдээлэл байна. Тун удахгүй олон нийтэд дэлгэрэнгүй мэдээлэл нь хүрэх бөгөөд бид мэдээллийг цаг алдалгүй хүргэнэ. Мэдээлэл авах Холбоос линк :

Ч.УЛААН САЙД АСАН “УРТ ГАРТ”-ЫН ХАЛДЛАГАД ӨРТСӨН ҮҮ ...

10 / 12 0 сэтгэгдэл 1 059 үзсэнe

ХХААХҮ-ийн сайд асан Чүлтэмийн Улаан гэх эрхэм МУ-ын их хурлын гишүүнээр 6-н удаа сонгогдсон байдаг.Тэгвэл түүний гэрт “Хулгайч” нэвтэрч эд зүйсийг нь хулгайлсан байж болзошгүй байна. Тодруулбал : ХУД-4-р хороо “Зэд вилла хотхоны … тоотын цонхоор хулгайч орсон байна” гэсэн дуудлага мэдээлэл өчигдөр буюу 2021 оны 10-р сарын 11-ны өдрийн 21:00 цагийн орчимд цагдаагийн байгууллагад бүртгэгджээ. Ингээд иргэн Ч.Улааны эзэмшлийн таун хаусын цонхны салхивчийг түлхэн хулгайч орж мөнгөн аяганы 11 ширхэгтэй иж бүрдэл, хуучин цагийн дунд гарын мөнгөн аяга, бага гарын мөнгөн аяга, хаш бугуйвч тус бүр 1ш, хаш ээмэг 1 хос, нийт 5 төрлийн 15 ширхэг эд зүйл алдагдсан байна. Цагдаагийн байгууллага шалгалтын ажиллагаа явуулж байна.

ХӨРӨНГӨ ОРУУЛАЛТЫН НЭМЭЛТ ӨӨРЧЛӨЛТИЙГ ЭСЭРГҮҮЦЭХ ШАЛТГААН БОЛ 50000 АМ.ДОЛЛАРЫН БОСГОТОЙГООР ГАДНЫХАН ҮЙ ОЛНООРОО ОРЖ ИРНЭ !!!

10 / 11 0 сэтгэгдэл 952 үзсэнe

ХӨРӨНГӨ ОРУУЛАЛТЫН НЭМЭЛТ ӨӨРЧЛӨЛТИЙГ ЭСЭРГҮҮЦЭХ ШАЛТГААН БОЛ 50000 АМ.ДОЛЛАРЫН БОСГОТОЙГООР ГАДНЫХАН ҮЙ ОЛНООРОО ОРЖ ИРНЭ !!! Тэдний дийлэнх нь Хятадууд байх нь тодорхой. Бид тэднийг Монголд том бүтээн байгуулалт хийж үйлдвэр байгуулна гэдэгт итгэхгүй. Хэдий хөрөнгө оруулалтын энэ нөхцөл нь тэднийг сууришуулах асуудлаас тусдаа асуудал байсан ч 50000 ам.доллар бүхий этгээд нь орж ирсэн л бол энэ улсаас ховхрохгүй иргэншил авахаар зүтгэнэ. Тиймээс УИХ болон тэрхүү нэр бүхий гишүүд улс оронд учрах эцсийн үр дагварыг нь тооцоолж бодоогүйн дээр даалгавар авсан мэт зөрүүдлэн зүтгүүлж байгаа цаад учир юу вэ? Үнэхээр л гадны хөрөнгө оруулалтгүйгээр хөгжихгүй болохгүй байгаа юм бол Монголд маш том бүтээн байгуулалтанд 700 - 1 тэрбум гаруй долларын хөрөнгө оруулахыг хүссэн барууны орны бизнесмэнүүдийн хүсэлт үл тоогдон унаж 50 хан мянгаар ямарч бүтээн байгуулалт хийж чадахгүй жижиг гаруудад болохоор боломж олгох гээд зүтгэж буй нь үндэсний аюулгүй байдалд ноцтой асуудал учруулах зүйл мөн юм.

ХАРААНЫ БЭРХШЭЭЛТЭЙ ИРГЭН АВАРГА ДЭЭД СУРГУУЛИЙН АРЫН ТОГТООЛ УСАНД ЖИВЖ ЭНДЖЭЭ

10 / 11 0 сэтгэгдэл 1 068 үзсэнe

Харааны бэрхшээлтэй иргэн “Аварга дээд сургуул”-ийн арын тогтоол уанд живж эндсэн харамсалтай осол болсон байна.Үүнд хариуцлагагүй барилгын компанийн буруутай үйл ажиллагаанаас үүдэлтэйгээр ийн эрдэнэт хүний амь нас эрсэджээ. Тодруулбал : Аварга дээд сургуулийн хойд талын тогтоол усанд хүн унаж эндсэн талаархи дуудлага мэдээлэл цагдаагийн байгууллагад өнгөрөгч Баасан гаригт бүртгэгджээ. Ингэхэд ХУД ийн 1р хорооны иргэн 39н настай эрэгтэй, иргэн Э барилгын ухсан нүхэнд унаж нас барсан байжээ. Эх сурвалжийн өгч байгаа мэдээллээр амь хохирогч харааны бэрхшээлтэй эмнэлэгийн хяналтад байдаг гэх мэдээлэл бий юм. Харин энэ осол гарах боломж нөхцлийг бий болгосон барилгын компанид хариуцлагын асуудал хөндөгдөх учиртай. Учир нь тус барилгын компани нүх ухаад орхисон тул ус тогтож тус нүхэнд тогтсон тогтоол усанд хүн унаж эндэв. Цаашид хэд хичнээн иргэн амь нас эрүүл мэндээрээ хохирохыг бид таашгүй. Сэрэмж сонор илүүдэхгүй бөгөөд нийслэлчүүд энэ мэт алхах тутамдаа аюул заналхийлэл дор аж төрсөөр байна. Аз жаргалтай улаанбаатарчууд эрсдэлээр дүүрэн боловч энэ мэт иргэний амь насыг хохироосон асуудалд хариуцлага яригдаж засч залруулах нэн яаралтай шаардлагатай байна.

ГЭРТЭЭ ХАРИХААР ГАРСАН 14 НАСТАЙ ЭРЭГТЭЙ ХҮҮХЭД СУРАГГҮЙ АЛГА БОЛЖЭЭ

10 / 11 0 сэтгэгдэл 332 үзсэнe

Говь - Алтай аймгийн Дэлгэр сумын нутагт амьдардаг эрэгтэй хүүхэд сураггүй алга болжээ. Тодруулбал, хөрш айлаасаа гараад гэртээ харихаар явсан 14 настай эрэгтэй хүүхэд гэртээ ирээгүй бөгөөд одоогоор хаана байгаа нь тодорхойгүй сураггүй алга болсон байна. Алга болсон гэх хүү 10 сарын 7- ны өдрийн оройн 22 цагийн орчимд цагдаагийн байгууллагад алга боллоо гэх мэдээлэл ирсэн аж. Түүнээс хойш тав хоногийн турш Гуулин тосгоны нийт 40 орчим хүн тасралтгүй эрэн хайсаар байна.