ЕРӨНХИЙ САЙД Л.ОЮУН-ЭРДЭНЭ ҮЕ ҮЕИЙН ЕРӨНХИЙ САЙД НАРЫГ ХҮЛЭЭН АВЧ УУЛЗАНА

11 / 01 0 сэтгэгдэл 911 үзсэнe

Монгол Улсын Ерөнхий сайд Л.Оюун-Эрдэнэ 2021 оны арваннэгдүгээр сарын 2-нд үе үеийн Ерөнхий сайд нарыг хүлээн авч уулзана. Уулзалтаар Ерөнхий сайд Л.Оюун-Эрдэнэ цар тахлын үеийн эдийн засаг, эдийн засгийг эрчимжүүлэх Шинэ сэргэлтийн бодлого болон инфляци, тээвэр ложистик, гадаад харилцаа зэрэг цаг үеийн асуудлаар мэдээлэл хийж, Засгийн газрын тэргүүнээр ажиллаж асан эрхмүүдтэй санал солилцохоор төлөвлөж байна. Уулзалтад 1990 оноос хойш Монголын Улсын Ерөнхий сайдаар ажиллаж байсан Ерөнхий сайд нар уригджээ. Эх сурвалж:Засгийн газрын хэвлэл мэдээлэл, олон нийттэй харилцах газар

ХРИСТИЙН СҮМИЙН НОМЛОГЧ ЭРЭГТЭЙ ШАВЬ НАРАА "ХҮЧИРХИЙЛДЭГ" ЮМ БИШ БИЗ !

10 / 31 0 сэтгэгдэл 1 282 үзсэнe

Баянзүрх дүүргийн нутаг дэвсгэрт үйл ажиллагаа явуулдаг нэгэн христийн сүмд эрэгтэй хүүхдийг ихэвчлэн сургалтад хамруулдаг гэх. Ингэхдээ тэдэнд гадаад хэлээс гадна хүмүүжлийн олон талт хичээлийг заадаг байна. Тэндэхийн номлогч гэх дунд эргэм насны гадаад эр бий бөгөөд гаднаас нь харахад эелдэг даруухан зантай, тусламж гуйсан болгонд өглөгийн гараа сунгаж тусалдаг. Харин нэр бүхий өмгөөлөгчийн батлан мэдээлж байгаагаар тус номлогч 10 гаруй настай нэгэн хүүгийн биеийнх нь эмзэг хэсэгт нь өдөр бүр шахуу хүрч, таалахыг оролддог талаар хүүгийн ээж өмгөөлөгчид хандсан аж. Дээрх ээжийн мэдээлсэнээр номлогчийн энэ бузар үйлдэл ганц нэгээр тогтохгүй байх магадлалтай бололтой. Харин тус хэргийн талаар хохирогч хүү цагдаагийн байгууллагад мэдэгдэж, мэдүүлэг өгөхөөс татгалзжээ. Шашны байгууллагад тавих хараа хяналтыг чангаруулж, тагнуул, цагдаа, прокурорын байгууллагууд хяналт, шалгалтыг шат дараалж зохион байгуулж заншихгүй бол Монголчууд шашны нөлөөнд торлогдож, ирээдүй хойч үе маань бэлгийн хүчирхийллийн золиос болсон ч хуулдийн байгуулллагаас татгалзаж тэдний үйлдлийг гааруулсаар байж мэдэх нь ээ.

ХУГАЦАА НЬ ДУУССАН ЭМИЙГ ЯАРАЛТАЙ ТУСЛАМЖИД ХЭРЭГЛЭЖ БАЙВ...ХАРИН ОДОО ЯАЖ БУЙ БОЛ ?

10 / 31 0 сэтгэгдэл 925 үзсэнe

Сонгинохайрхан дүүрэгт үйл ажиллагаа явуулдаг “Ану булган” ХХК-ийн эмнэлэгт хугацаа нь дууссан дөрвөн нэрийн таван цувралын эмийг яаралтай тусламжийн шүүгээнд хадгалж байсан зөрчлийг НМХГ-аас илрүүлж байв. Тус ноцтой зөрчлийг эрүүл мэндийн байгууллагуудад төлөвлөгөөт шалгалтыг хийж байх үеэр илрүүлж байсан. Тэгвэл төлөвлөгөөт шалгалтын үеэр Сонгинохайрхан дүүрэгт үйл ажиллагаа явуулдаг “Ану булган” ХХК-ийн эмнэлэгт хугацаа нь дууссан дөрвөн нэрийн таван цувралын эмийг яаралтай тусламжийн шүүгээнд хадгалж байжээ.Тус эмийг улсын ахлах байцаагчийн актаар хураан авч, Зөрчлийн тухай хуулийн дагуу торгууль ногдуулан устгуулахаар холбогдох газарт шилжүүлсэн байдаг. Тэгвэл одоо эм эмийн хэрэгсэл хил гааль хаагдсантай холбоотой ховрын бараа болсон энэ цаг үеэд эмнэлэгүүд хэрхэж байгаа бол ?

БНСУ-Д АЖИЛЛАЖ, АМЬДАРЧ БАЙСАН МОНГОЛ ИРГЭД ОР СУРАГГҮЙ АЛГА БОЛСООР БАЙГАА ЮУ

10 / 31 0 сэтгэгдэл 920 үзсэнe

БНСУ-д ажиллаж, амьдарч байсан 22 Монгол иргэн ор сураггүй алга болсон талаар Монгол Улсаас БНСУ-д суух Элчин сайдын яамнаас албан ёсоор мэдээлж байсан цаг саяхан. Уг мэдээллийг сураггүй алга болсон иргэдийн ар гэрийнхэний гаргасан мэдээллийн дагуу эрэн сурвалжилж байсан юм. Эдгээр иргэдийн ихэнх нь БНСУ-д хөдөлмөр эрхлэхээр очсон бөгөөд зарим нь хууль бусаар амьдарч байгаад сураггүй алга болсон байдаг. Одоогоор хайж байгаа иргэдийн дунд 10 жил холбоо бариагүй иргэн ч байдаг аж.

МОНГОЛД ДЭЛХИЙН ЗАРИМ УЛС ОРОНД ХУУЛИАР НЬ ХОРИГЛОСОН, ГАЖ БУРУУ УРСГАЛЫН ЖАГСААЛТАД ОРСОН СҮМ, ХИЙД ЦӨӨНГҮЙ БАЙНА

10 / 31 0 сэтгэгдэл 1 124 үзсэнe

Монгол Улс 70 гаруй шашны урсгалтай болжээ.Ингэж гаарах болсон нэг шалтгаан нь сүм хийдийн үйл ажиллагааг зохицуулсан ямар ч хууль эрх зүйн орчин Монголд байхгүйтай холбоотой. Нийслэлийн хэмжээнд шашны 15 урсгалын 321 сүм, хийд үйл ажиллагаа явуулж байна. Тодруулбал, буддын 80, христийн 189, шашны бусад урсгалын 52 сүм хийд үйл ажиллагаа явуулж байгаа. Эдгээр сүм хийд дотор дэлхийн зарим улс оронд хуулиар нь хориглосон, гаж буруу урсгалын жагсаалтад орсон сүм, хийд цөөнгүй бий аж. Жишээлбэл, БНСУ-ын христийн Шинчонжи урсгалын хэд хэдэн салбар Монголд үйл ажиллагаа явуулдаг. Эх сурвалжийн мэдээлж байгаагаар Улаанбаатар хотод энэ гаж урсгалын хэд хэдэн том цуглаан бий.Тэр цуглаанд нь хэдэн зуугаар тоологдох итгэгчийг бэлтгэдэг гэх. “Шинчонжи” гэдэг нь “Шинэ тэнгэр, газар” гэсэн утгатай. “Шинчонжи урсгал нь маш их идэвхтэй үйл ажиллагаа явуулж байгаа, нийгэмд сөрөг үр дагаврыг авч ирж буй гаж урсгал. Энэ гаж урсгал Монголд хэд хэдэн салбартайгаар сургалт семинарыг өргөн цар хүрээтэйгээр хийдэг чуулган. Тэд худлаа ярихыг нүгэл гэж үздэггүй. Ариун зорилгынхоо төлөө худал ярих нь байх ёстой үзэгдэл гэж үздэг. “Мүүнийн шашин”, “Шинэ тэнгэр, газрын сүм”, “Төгс хүчит бурхны сүм”, “Ээж бурхан”, “Еховагийн гэрчүүд” зэрэг нэлээд өргөн цар хүрээтэй гаж урсгалын сүмүүд далд хэлбэрээр Монголд үйл ажиллагаа явуулсаар байна. Монголд ойролцоогоор христийн шашны 30 орчим гаж урсгалын чуулган үйл ажиллагаа явуулдаг гэх албан бус тоо бий. Хэдийгээр ардчилсан нийгэмд иргэн хүн шашин шүтэх, эс шүтэх эрхтэй ч хэн дуртайд нь тархиа угаалгаж, мухар сүсэгт автсаар байх уу гэдгийг бодолцох цаг нэгэнт болжээ.

Х.БУЛГАНТУЯА БУРУУ ГАРЫН ХҮН БОЛОЛТОЙ ...

10 / 31 0 сэтгэгдэл 1 071 үзсэнe

Гадныхан өөрийн талд үйлчлэх эд хөрөнгөд дуртай удам судар муутай эрлийз нөхдийг сонгон авдаг гэлцпэг. Түүний нэг жишээ : “Рио Тинто” компани Х.Булгантуяаг сонгон авч Австралид сургуульд сургаж , сургуулиа төгсөнгүүт тэрбум төгрөг өгч Сангийн яамны дэд сайд болгосоноос харагдана. Тухайн үед Оюутолгойтой холбогдсон татварын маргаан тэдний талд тэгж шийдэгдсэн байдаг. Зориуд бэлтгэгдсэн ийм нөхдийг гадныхан улс төрд оруулж Монгол Улсыг хилийн цаанаас удирдаж байна” хэмээх үгийг ч хамгийн сүүлд Х.Ганхуяг, Х.Булгантуяа нар “Хөрөнгө оруулалтын” гэх хууль УИХ-д оруулж ирсэнээрээ нотолсон байдаг. Гадны захиалгатай байж болох энэ хуулийг угсаа гарал эргэлзээтэй, гадныхантай хамтран ажилладаг, тархи толгойгоо угаалгасан нөхдөөр хийлгэсэн гэх мэдээлэл ч олон нийтлэгдсэн. Үүний зэрэгцээ Х.Булгантуяа дэд сайд байхдаа улсаа “Эдийн засгийн хориг”-т оруулж байсан түүхтэй. (ФАТФ-ын хар жагсаалтад санаатайгаар оруулсан гэх мэдээлэл байсан ч УИХ-д дэвшсэн нь Рио Тинтогийн нөлөө байсан гэх) Нэгэн цагт Монгол Улсыг хорлож байсан тэрээр өдгөө парламентаар дамжуулан Монгол Улсыг харийнханд өгөх бодлого оруулах гэсэн болчимгүй бодлогыг нь цаг тухайд нь таслан зогсоохоор нэгдсэн иргэдийн ч гарцаагүй зөв бөгөөд ингэж л хянуур сэрэмжтэй хяналттай байх нь зүйн хэрэг юм.

ҮНСИЙГ ЦЕМЕНТТЭЙ ХОЛЬЖ БАРИЛГА БАРЬХАД ХҮРГЭСЭН НОЦТОЙ ҮЙЛДЭЛД ТӨРИЙН АЖИЛТНУУД Ч ОРОЛЦЖЭЭ !

10 / 31 0 сэтгэгдэл 969 үзсэнe

Гоо сайханч мэргэжилтэй, эрхэлсэн тодорхой ажилгүй эмэгтэй 2019 оны есдүгээр сарын 14-ний өдрөөс 2020 оны 10 дугаар сарын 20-ны өдөр хүртэлх хугацаанд “Пума сервис” ХХК-ийн хашааг түрээсэлж хуурамч цемент үйлдвэрлэж, түүнийгээ зардаг байжээ. Ингэхдээ “Мак цемент” ХХК-ийн барааны тэмдэг буюу “Мак евро цемент” гэсэн цемент болон уутыг ашиглаж цемент болон үнсийг хольж, бусдад худалддаг байсан нь илэрсэн. Учир нь түүний хуурамчаар хийсэн цемент худалдаж авсан “Ай Би Эс групп” ХХК, “Оршил” констракшн ХХК-иуд тухайн цементээр орон сууцны давхруудын цутгалтын ажил хийсэн бөгөөд тус цементээр хийсэн ажил нь шаардлага хангахгүй, хөлөөр үрэхэд шороо болж бутраад байжээ. Тиймээс дахин хуулж, ажлаа дахин хийх болсон гэх мэт эдийн засаг болон цаг хугацааны хувьд их хохирол амссан байна.Тэгвэл энэ хууль бус ажиллагаанд төрийн өмчит компанийн ажилтнууд хүртэл оролцдог байсан нь ил болжээ.Тодруулбал, залилан мэхлэгч эмэгтэйд үнс нийлүүлдэг байсан этгээдүүд нь “Дулааны 4 дүгээр цахилгаан станц” Төрийн өмчит хувьцаат компанийн ажилтнууд бөгөөд “Зуухан” цехийн цахилгааны шүүлтүүрээс гарч байгаа хуурай үнсийг бусдад худалдаж, ашиг олдог байжээ. Ингэхдээ компанийн хашаа руу үнс ачих машиныг бүртгэхгүй оруулж гарахад зарлагын баримт үйлдэхгүйгээр гаргаж байсан нь илрээд байна. Тиймээс тэднийг АТГ-т эрүүгийн хэрэг үүсгэн мөн шалгаж байна.

ҮНДЭСЛЭЛГҮЙ ХӨРӨНГӨЖСӨН БАЙЖ БОЛЗОШГҮЙ Ц.НЯМДОРЖИЙГ АТГ-ААС ШАЛГАЖ ЭХЭЛСЭН ҮҮ

10 / 31 0 сэтгэгдэл 869 үзсэнe

Засгийн газрын Хэрэг эрхлэх газрын дарга Ц.Нямдоржийг УИХ-ын дахь АН-ын бүлгийн зөвлөх Д.Мөнх-Эрдэнийн өгсөн гомдлын дагуу албан тушаалын эрх мэдлээ урвуулан ашигласан байж болзошгүй гэх үндэслэлээр АТГ-аас шалгаж эхэлсэн гэх мэдээлэл байна. Түүнийг өөрийн хамаарал бүхий этгээдээ төрийн өндөр дээд албанд томилоход нөлөөлсөн байж болзошгүй гэх үлндэслэл байгаа аж.Тэрээр өөрийн төрсөн хүү Н.Анхбаярыг Гадаад харилцааны яамны Төрийн нарийн бичгийн даргаар томилж, үйл ажиллагаанд хяналт тавьж, чиглэл өгч удирдаж байгаа нь хууль зөрчсөн асуудал хэмээн хууль, хяналтынхан үзжээ. Засгийн газрын 2021 оны долдугаар сарын 29-ний хуралдаанаар Гадаад харилцааны яамны Төрийн нарийн бичгийн даргаар Н.Анхбаярыг томилсон байдаг. Үүнээс өмнө түүний аав Ц.Нямдорж нь ЗГХЭГ-ын даргаар томилогдсон байсан.үний зэрэгцээ АТГ-аас Ц.Нямдоржийг хууль хяналтын байгууллагаас үндэслэлгүй хөрөнгөжсөн байж болзошгүй гэх хэрэгт буруутган шалгаж эхэлсэн бйаж болзошгүй аж. Ц.Нямдорж нь ХАСХОМ-тээ тус бүр нь 500 сая төгрөгийн үнэ бүхий хоёр амины орон сууцтай хэмээн бүртгүүлсэн. Ингэхдээ дээрх орон сууцыг худалдаж авсан хөрөнгийн эх үүсвэр нь тодорхойгүй байгаа учраас хөрөнгийн эх үүсвэрийг нь шалгах ажиллагаа эхэлсэн гэх мэдээлэл ч байна.

ӨРШӨӨЛӨӨР СУЛЛАГДСАН ЭТГЭЭД 4 НАСТАЙ ДАГАВАР ОХИН БОЛОН 6 НАСТАЙ ТӨРСӨН ХҮҮГЭЭ УДАА ДАРАА ХҮЧИРХИЙЛДЭГ БАЙЖЭЭ

10 / 28 0 сэтгэгдэл 827 үзсэнe

Хан-уул дүүрэгт дагавар охиноо хүчиндсэн хэрэг гарч цагдаагийн байгууллагаас түүнийг саатуулан шалгасан байна. Уг шалгалтаар тэрээр 4 настай дагавар охиноо удаа дараа хүчинддэг байсан бөгөөд 6 настай төрсөн хүүхдээч хүчинддэг байжээ. Тус хэргийг үйлдсэн эрэгтэй 45 настай Б нь 2016 онд 7 настай дагавар охиноо хүчиндсэн хэргээр Орхон аймгийн шоронд ял эдэлж байгаад өршөөлөөр суллагдсан байна. Бага насны хүүхдээ удаа дараа хүчирхийлсэн этгээдүүдэд өршөөл үзүүлсний улмаас дахин хоёр бага насны хүүхэд хохирлоо. Хохирогч хүүхдүүдийг одоогоор 108 хүүхэд хамгаалах төв хүлээлгэн өгчээ.

УГААР МЭДРЭГЧ АЖЛААГҮЙГЭЭС БОЛЖ 1-52 НАСНЫ 8 ХҮН НЭГ ӨДӨРТ УГААРТАН ЭМЧИЛГЭЭ ХИЙЛГЭВ

10 / 28 0 сэтгэгдэл 890 үзсэнe

Галлагааны цаг эхэлсэн энэ үед иргэд ихээхэн угаартах боллоо. Угаартаж байгаа тохиолдолууд нь угаар мэдрэгч ажлаагүйгээс болон өөрсдийн хайхрамжгүй байдлаар гарсаар байна. 2021.10.26-нд БЗД-ийн Чулуут .... тоотод Эрэгтэй 21 настай О, эмэгтэй 20 настай Н, эрэгтэй 1 настай Б, эмэгтэй 1 настай Н нарын 4 хүн угаартан ЭХЭМҮТ-д хордлого тайлах эмчилгээ хийлгэсэн байна. Мөн СХД-ийн Зээл ... тоотод эмэгтэй 52 настай О, эмэгтэй 41 настай Б, эмэгтэй 22 настай А, эмэгтэй 5 настай А нарын 4 хүн угаартан хордлого тайлах эмчилгээ хийлгэжээ. Тухайн иргэдийн гэрт байдаг угаар мэдрэгч ажлаагүй гэх. Хэрэв магадгүй энэ байдлаар тухайн иргэд угаартан нас барахыг ч үгүйсгэхгүй юм. Тиймээс иргэд аль болох сонор сэрэмжтэй байж. Хүйтний улиралд угаар мэдрэгчээ шалгаж байхыг зөвлөж байна.