САХАЛ Т.ЭРДЭНЭБИЛЭГ ХАМГИЙН ӨНДӨР ДҮНТЭЙ ЗЭЭЛ АВЧ “ЗАЛГИСАН”...

02 / 15 0 сэтгэгдэл 1 532 үзсэнe

Зээлээ төлөөгүй компаниудаас хамгийн өндөр дүнтэй буюу 212 тэрбум төгрөгийн өр төлбөртэй нь “Сахал” хочит Т.Эрдэнэбилэгийн хамаарал бүхий “Кью Эс Си” компани. Оффшор бүсэд хамааралтай гэгддэг энэ компани “Уул уурхай, металлургийн цогцолбор байгуулах” төслийн хүрээнд Хандгайт өртөөнөөс Төмөртэйн уурхай хүртэл 33.4 км урт төмөр зам, ачиж, буулгах терминал барихаар Хөгжлийн банктай 2014 онд зээлийн гэрээ байгуулж, 71.3 сая ам.долларын зээл авчээ. Гүйцэтгэгч компани энэ ажлыг 60 тэрбум төгрөгийн төсөвт багтаан дуусгаж, 2015 онд хүлээлгэж өгсөн, захиалагч нь 120 сая доллараар (концессоор) Засгийн газарт худалдсан тухай мэдээлэл байсан ч Хөгжлийн банкнаас авсан зээлээ одоо болтол төлөөгүй.

ХӨГЖЛИЙН БАНК НИЙТ 74 УДААГИЙН ЗЭЭЛ ОЛГОСНЫ 53 ХУВЬ НЬ ЧАНАРГҮЙ ЗЭЭЛ БАЙНА

02 / 15 0 сэтгэгдэл 352 үзсэнe

Хөгжлийн банкнаас авсан зээлээ эргэн төлөлгүй “Чанаргүй” зээлийн ангилалд орж, шүүхийн нэхэмжлэл хүлээж авсан 25 компанийн нэрийг олон нийтэд зарласан. 2011 онд банк байгуулагдсанаас хойш 74 удаагийн зээл олгосны 53 хувь нь /зээлийн дүнгээр/ чанаргүй зээлийн ангилалд багтжээ. Асуудал өндрөө авч, хэвлэл мэдээлэл болон олон нийтийн сүлжээгээр цацагдсаны дараа 40 тэрбум төгрөгийн зээл эргэн төлөгджээ. УИХ-ын гишүүн Ц.Анандбазар 17,5 тэрбум, Ч.Ундрал 3,6 тэрбумын зээлээ 100 хувь төлж барагдуулжээ. Гэхдээ энэ хоёр хүний зээл Хөгжлийн банкнаас зарласан 26 зээлдэгчийн жагсаалтад байхгүй. Зээлээ эргэн төлөөгүй 52 иргэн, аж ахуй нэгжийг АТГ-т шилжүүлсэн, данс, хөрөнгийг битүүмжилсэн тухай өнгөрөгч долоо хоногт мэдээлсэн. Зарим зээлдэгчийг Эрүүгийн цагдаагийн газар “мөнгө угаасан” хэргээр шалгаж эхэлсэн. Чухамдаа зээлийн асуудлыг өндөр авахуулж, олны анхааралд оруулсан эзэд нь УИХ-ын гишүүд өөрсдөө. УИХ-д шинээр сонгогдсон гишүүн Г.Дамдинням, Г.Амартүвшин, Х.Ганхуяг нар дундын компаниараа дамжуулж 33,15 тэрбум төгрөгийн зээл авсан. Хүн тус бүрт 11,05 тэрбум төгрөг оногдсон гэсэн үг. Мөн гишүүн С.Бямбацогт 80,6 тэрбум, гишүүн асан М.Билэгт 51,6 тэрбум, А.Сүхбат 23,5 тэрбум, Б.Элдэв-Очир 28,1 тэрбум, Ц.Гарамжав 112 тэрбум, Б.Ундармаа 75,5 тэрбум... гэх мэтчилэн зээл авчээ. Тэгвэл хөгжлийн банкийг тоносон нөхдийг хоёр ангилж болхоор байна.Нэгдүгээрт, албан тушаал, эрх мэдэл, улс төрийн нөлөөгөө ашиглаж, хууль зөрчиж (ашиг сонирхлын зөрчил үүсгэсэн) зээл авсан УИХ-ын гишүүд, улстөрчид. Хоёр дахь нь улстөрчидтэй үүсгэсэн холбоо сүлбээгээрээ дамжуулан хууль зөрчиж (зээлийг зориулалт бусаар зарцуулсан) зээл авсан бизнес бүлэглэлүүд...

САР БҮРИЙН 1-НИЙ ӨДӨР СОГТУУРУУЛАХ УНДААГ ХУДАЛДААЛАХЫГ ЗӨВШӨӨРЧЭЭ

02 / 15 0 сэтгэгдэл 718 үзсэнe

Хотын дарга захирамж гаргаж сар бүрийн нэгний өдөр архи согтууруулах ундаа худалдах, түүгээр үйлчлэхийг хориглосон шийдвэрийг хүчингүй болгох тухай Нийслэлийн засаг даргын захирамж гарчээ. Тухайлбал: захирамжид нийслэлийн нутаг дэвсгэрт сар бүрийн 1-ний өдрийн 00:00 цагаас 2-ны өдрийн 00:00 цаг хүртэлх хугацаанд согтууруулах ундаа худалдах, түүгээр үйлчлэхийг хориглосон шийдвэрийг хүчингүй болгосонтой холбогдуулан үйл ажиллагаандаа Архидан согтуурахтай тэмцэх тухай хуулийн 7, 8 дугаар зүйл, 9 дүгээр зүйлийн 9,2 дахь хэсэгт заасан хориглолтыг чанд мөрдөж ажиллахыг ААН, байгууллага, иргэдэд үүрэг болгосугай гэжээ. Мөн цар тахлын үед бүх үйлчилгээг 00:00 цагт зогсоодог байсан бол уг захирамжийг хүчингүй болгосон байна. Түүнчлэн зориулалтын байртай ресторан, баар, кафе 05:00 цаг хүртэл, зориулалтын байртай дэлгүүр, хоолны газрууд 24 цагаар ажиллах боломжтой болжээ.

ХИЛИЙН БООМТУУД ДЭЭР 220 БӨМБӨЛӨГ ҮҮСГЭХЭД ТЭЭВРИЙН КОМПАНИУД 45 ТЭРБУМ ЗАРЦУУЛСАН БОЛОВЧ ИХЭНХ НЬ НЭГ Ч ТЭЭВЭР ХИЙГЭЭГҮЙ

02 / 15 0 сэтгэгдэл 613 үзсэнe

Гашуунсухайт, Шивээхүрэн, Замын-Үүд хилийн боомтуудад тулгамдаж буй асуудал, гарц шийдлийн талаар төрийн болон төрийн бус байгууллага, тээврийн компаниудын төлөөлөл зөвлөлдөх уулзалт зохион байгуулж . "Zero Covid boomt 2022" зөвлөлдөх уулзалт зохиож хилийн боомтуудаа ковидгүй боомт болгон экспортоо эхлүүлэх зорилгоор. Монгол Улсын хуурай замын 42 боомтын өмнөд бүст орших, БНХАУ-тай хиллэдэг 13 боомтоос нүүрс тээврийн хамгийн том гарц болсон Гашуунсухайт, Шивээхүрэн, Замын-Үүд боомт чиглэлд тээвэр логистик үйл ажиллагаа эрхэлдэг 260 орчим аж ахуйн нэгжийн 20 мянга тээвэрчин ажиллаж байгаа бөгөөд. цар тахлын нөлөөнөөс улбаалан экспорт буурч төр засаг, боомтын зөвлөлөөс олон арга хэмжээ авч хэрэгжүүлсэн. Тухайлбал 2021 оны сүүлийн хагас жилийн дотор 43 зүйл заалт бүхий шаардлага хангасан 220 бөмбөлөг үүсгэхэд тээврийн компаниуд нийтдээ 45 тэрбум төгрөг зарцуулсан боловч тэдгээрийн 50-аас дээш хувь нь нэг ч тээвэр хийгээгүй байна.

УОК, ЭМЯ : ХАЛДВАРЫН ЭРСДЭЛ ОГТ БАЙХГҮЙ БОЛСОН ГЭСЭН ҮГ БИШ УЧИР БЭЛЭН БАЙДЛЫГ ХАНГАЖ АЖИЛЛАНА

02 / 15 0 сэтгэгдэл 652 үзсэнe

Ө чигдрөөс Монгол Улс вакцинд хамрагдах, маск зүүх, хүн хоорондын зай барихаас бусад цар тахлын хязгаарлалтыг цуцалж байгааг Засгийн газар зарласан . Харин УОК, ЭМЯ болон холбогдох бусад байгууллага өмнөх шигээ хэвээр ажиллах юм байна. Энэ талаар УОК-ын дарга, Шадар сайд С.Амарсайхан "УОК-ын үйл ажиллагаа цалгардаж, удааширч болохгүй. Бид өөрсдөө "Шар" буюу өндөржүүлсэн бэлэн байдлаас өдөр тутмын бэлэн байдал руу шилжиж буй асуудал биш. Эдийн засгийн салбарын үйл ажиллагааг хэвийн явуулах, иргэдийн эдийн засгийг сэргээхтэй холбоотой төр засгийн бодлого, шийдвэр гарч байгаа. Түүнээс халдварын эрсдэл огт байхгүй боллоо гэсэн үг биш учраас УОК-ын Шуурхай штаб, ЭМЯ, аймаг, нийслэлийн удирдлагууд, холбогдох төрийн захиргааны байгууллагууд өмнөх шигээ уялдаа холбоотой байж, бүх шатанд бэлэн байдлыг хангаж ажиллана. УОК-ын шуурхай штабт нийслэл, тагнуул, эрүүл мэнд, цагдаагийн байгууллага гээд бүх шатны төрийн байгууллагын төлөөлөл ажиллаж байгаа. Манай машинууд дайчлагдсан байгаа. Ямар нэг байдлаар ажилтан, албан хаагчдаа татах, дайчилгаанд байгаа машин тэргийг дур зоргоороо татах асуудал УОК-ын гишүүд болон холбогдох байгууллагын удирдлагуудад байж болохгүйг хатуу анхааруулъя" хэмээн хэллээ

ХӨГЖЛИЙН БАНКИЙГ ТАТАН БУУЛГАЖ, ӨРИЙГ ЗГ ТӨЛӨХГҮЙ

02 / 14 0 сэтгэгдэл 954 үзсэнe

Ерөнхий сайд Л.Оюун-Эрдэнэ Хөгжлийн банкны чанаргүй зээлдэгчдийн асуудлаар: "Хөгжлийн банкнаас олгосон нийт 75 орчим зээл, 66 зээлдэгчийн мэдээлэлд дүгнэлт гаргаж ЗГ-ын хуралдаанд танилцуулсан. Би өөрийн байр сууриа тодорхой илэрхийлэхэд Хөгжлийн банкны зээлийг хоёр хувааж үзнэ. Шинэ сэргэлтийн бодлогын хувьд татан буулгахгүй. Мөн ЗГ хариуцлагагүй зээлдэгчийн өмнөөс төлөхгүй. Харин цаашдаа экспорт, импортыг дэмжиж олон улсын үйл ажиллагааны дагуу ажиллуулах болно. Харамсалтай нь үүсгэн байгуулагдсан цагаасаа хойш банк шиг биш харин хадгаламж зээлийн хоршоо эсвэл сангийн үйл ажиллагаа шиг байсаар ирсэн. Зээлийн 3,2 их наяд төгрөг үлдэгдэлтэй болж 1,7 их наяд төгрөг чанаргүй зээлийн ангилалд орсон. Нэгдүгээрт, зориулалтын дагуу ашиглагдсан зээлээр хэрэгжиж байгаа төсөл цар тахлын улмаас тасалдсаныг нь хэвийн гэж үзнэ. Хоёрдугаарт, улс төрийн нөлөөлөл ашиглаж, зээлээ зориулалтын бусаар өөр зүйлд ашиглаж, барьцаа хөрөнгө хангалтгүй зээл бий. Мөн шүүхэд шилжүүлж маргаан үүсгэсэн нь ч бий. Эдгээрээс болж баялаг бүтээгчдийн нэр хүндийг унагасан, улсын хөгжилд чухал хувь нэмэр оруулах ёстой хөгжлийн банкны зарим алдагдуулсан нөхөдтэй хатуу арга хэмжээ авах болно. Экзим банк буюу илүү том түвшинд зээл гаргадаг, мега төслүүдэд зээл олгож, санхүүжүүлж байж Монгол Улс эдийн засгийн хувьд илүү бэхжих боломжтой. Бидний хувьд Хөгжлийн банк байгуулагдсан 2011 оноос хойш бүх хэргүүд, дээрх асуудлуудыг Эрүүгийн хуулийн дагуу мөнгө угаах гэмт хэргээр шалгаж өгөх хүсэлтийг ерөнхий прокурорт гаргасан. Зээл зөрчигдсөн гэдэг асуудлын ихэнх нь иргэний хуулиар, 2011 онд буюу хөөн хэлэлцэх хугацаа дууссан гэх шалтгаанаар мултарч үлдэх боломжтой учир энэхүү зүйлчлэлийг өөрчлөөд энэ бол зээл биш харин мөнгө угаах гэмт хэрэг, улсын татвар төлөгчдийн санхүүжилтэд ноцтой хохирол учруулсан агуулгаар шалгах хүсэлт бүхий бичиг хүргүүлсэн ба зарим зээлдэгчийн хөрөнгийг битүүмжилж байна. Үүнийг баялаг бүтээгчдийн эсрэг хийж байгаа үйлдэл гэж ойлгож болохгүй, харин ч тэдний төлөө, цаашдаа бизнесийн чөлөөт өрсөлдөөнийг бий болгох, хувийн хэвшлийн төлөө, Хөгжлийн банк зөв зарчмын дагуу ажилладаг байхын төлөө хийж байна. Жагсаавал 15 хүрэхгүй хүн л 1,7 их наяд төгрөгийн голлох зээлдэгч байгаа юм. Шаардлагатай бол зарим үл хөдлөх хөрөнгийг дуудлага худалдаагаар борлуулж, хохиролгүй болгох олон улсын зарчмын дагуу шийдвэрлэнэ. Тиймээс Хөгжлийн банктай холбоотой асуудлыг Эрүүгийн хуулийн дагуу шийдвэрлэнэ" хэмээв .

АВТОБУСНЫ ЧИГЛЭЛД ӨӨРЧЛӨЛТ ОРЛОО

02 / 14 0 сэтгэгдэл 809 үзсэнe

Сургууль, цэцэрлэгийн үйл ажиллагаа эхэлсэнтэй холбоотойгоор өнөөдрөөс замын хөдөлгөөний ачаалал эрс нэмэгдээд буй. Автобусны хүрэлцээг нэмэгдүүлэх зорилгоор маргаашаас /2022.02.15/зарим чиглэлийг уртасгаж, өөрчлөлт оруулахаар болжээ. Ч:57 чиглэлийг Улаанчулуутын эцсээс Алтан овоо чиглэлийг 1.8 км буюу гурван зогсоолоор сунгаж, Ч:18А чиглэлийг Хасбаатарын гудамж буюу Бичил зургадугаар хорооллоор хотын төвийн чиглэлд үйлчилгээ үзүүлэхээр төлөвлөжээ. Тус чиглэл нь III, IV хороолол-ДЦС-3-Ард кинотеатр чиглэлд зорчдог байсныг ийнхүү өөрчилжээ. Ч:57 чиглэлийн автобус Ч:57Б болж, "Алтан овоо48-Улаанчулуут-Их наран-МУИС" болж өөрчлөгдөв. Ч:18А чиглэл Ч:18Б болж "3,4 дүгээр хороолол-Бичил6-ДЦС-3-Цэцэг төв" болж өөрчлөгдөв .

ОЛИМПИЙН АВАРГА Н.ТҮВШИНБАЯРЫГ ХҮНИЙ АМЬ ХЭРЦГИЙГЭЭР ХӨНӨӨСӨН ХЭРЭГТ ЯЛЛАГДАГЧААР ТООЦЛОО

02 / 14 0 сэтгэгдэл 1 927 үзсэнe

Олимпийн аварга Н.Түвшинбаяр нь дотон найз, улсын начин Э.Энхбатыг зодож, хүнд гэмтэл учирууллаж улмаар амиа алдсан харамсалтай хэрэг гарсан билээ Н.Түвшинбаярт холбогдох хэргийн зүйлчлэлийг Хан-Уул дүүргийн Прокурорын Газрын хяналтын прокурор өөрчилсөн байна. Тодруулбал Эрүүгийн хуулийн 11.1-2.1 дэхь хэсгийн "хүний эрүүл мэндэд хүнд хохирол санаатай учруулсан" гэсэн зүйлчлэлээр шалгагдаж байсан түүнд эрүүгийн хуулийн 10.1-2.1-дэхь хэсгийн "Хүнийг онц харгис хэрцгийгээр хөнөөсөн" гэж, эрүүгийн хэрэг үүсгэжээ.

ХӨГЖЛИЙН БАНКНЫ ЛУЙВАР ОДОО Л ИЛЭРЧ БАЙНА УУ

02 / 14 0 сэтгэгдэл 934 үзсэнe

Луйвар гэдгийг нь мэдсээр байж бүтэн 10 жил үргэлжлүүлсэн Засгийн газар өөрөө гэнэт шүгэлдэж, өөрсдийгөө шүүхэд өгөхийн учир юу вэ? Хөгжлийн банк анх байгуулагдсан 2011 оноос эхлэн улс төрчдийн оролцоотой ЛУЙВАР гэдэг нь тодорхой байсан. Бүр анхны Чингис, Самуурай бонд босгосны “хөлсөнд” дэлхийд байхгүй их мөнгө төлснийг тухайн үед бичиж л явлаа. Үүнээс хойш Хөгжлийн банкны мөнгөөр МИАТ-ын онгоц авч, Таван толгойд 4,3 тэрбумаар зөвлөгөө авч, Эгийн голын цахилгаан станцын судалгааг 3,1 тэрбумаар хийлгэж байв. Нийслэлд гудамж төсөл, Архангайн төвийн бүх замыг цементээр хулдаж, ТОСК-ын байранд хэнийг оруулах эсэхээр маргалдаж, Хөгжлийн банк улс төрчдийн шахааны хүмүүсээ багтаахгүй орон тоо нь 2 дахин өсч байв. Бондын тэрбум төгрөгийг Хөгжлийн банкны ажилчдад хөнгөлттэй зээлээр олгож, Хөгжлийн банкны захирал Б.Мөнхбат Хонконгт 5000 доллараар зугаалж, 2016 оны сонгуулиар хэвлэлийнхэнд 1 тэрбум төгрөг сурталчилгаа нэрээр тарааж байлаа. Хөгжлийн банкнаас санхүүжүүлсэн ажлын төсөвт өртөг хэдэн зуу дахин нэмэгдэж, 38 хувийн гүйцэтгэлтэй замыг шинээр барина гэж хуураад 43,6 тэрбумыг нэмж авсан. Наргиж өгсөн дөө. Ил цагаан дээрэм 10 жил үргэлжилж байхад өнөөдөр гэнэт илрүүлсэн мэт жүжиглэх баатрууд. Түүнд нь итгээд өмнөхөө мартчихсан загасны ой санамжтай өөрсдийгөө яалтай билээ. УИХ, ЗГ-аас ажлын хэсгүүд бараг жил болгон гарч шалгаж, дүгнэлтээ гаргаж байлаа. - 2016 онд УИХ-ын гишүүн Ж.Энхбаяраар ахлуулсан УИХ-ын ажлын хэсэг -2017 онд дэд сайд Б.Энхбаяраар ахлуулсан ЗГ-ын ажлын хэсэг - 2019 онд ЗГХЭГ-ын дарга Л.Оюун-Эрдэнээр ахлуулсан ажлын хэсэг - 2022 онд УИХ-аас дахиад шинээр ажлын хэсэг. Ажлын хэсгийн дүгнэлтэд 1,3 их наяд төгрөгийн зөрчилтэй байгааг ч дурьдсан нь бий. 2016 онд шүү дээ. Гэтэл энэ их луйвар, гэмт хэргийг тухайн цаг үед бүх шатанд мэдэж байсан атлаа яагаад 10 жил үргэлжлүүлэв? Өнгөрсөн хугацаанд дээрхи өр төлбөрийг яагаад төлүүлсэнгүй вэ? Хөгжлийн банкны луйврыг хийсэн хүмүүс нь УИХ, ЗГ-ын гишүүд өөрсдөө. Өөрсдийнхөө хамаарал бүхий компаниудад зээл авснаас гадна төрийн өмчит маш олон компаниуд зээл авсан. ТОСК, Эрдэнэс Монгол, Эрчим хүчний яам, ДЦС ... гээд хөвөрч өгнө. Өнөөдөр зээлээ төлж чадахгүй байгаа компаниудын 50-иас дээш хувь нь Төрийн өмчит компаниуд. Хувийнхан бас ч буух хаяг, буцах эзэнтэй. Гэтэл төрийн өмчит компаниудын идэж уусан мөнгийг хэн хариуцах вэ? Тэр үеийн дарга удирдлагууд нь хэд хэд солигдож, хэн нь хариуцах нь мэдэгдэхээ больсон. Дорноговийн Алтанширээд баригдах газрын тосны үйлдвэрт 158 тэрбум төгрөг Хөгжлийн банкнаас өгчээ. Өнөөдөр үйлдвэр баригдах бүү хэл төхөөрөмжүүдийн патентаа ч олон улсаас авч чадаагүй байна. Сонгуулиар 2022 онд ашиглалтад орно гэж тархи угаасан. Одоо 2025 он болчихсон тууж явна. Магадгүй бүр баригдахгүй болоход битгий гайхаарай. Бүтэхгүй болсон талаар мэдээлүүд сонсогдох болсон. Эрдэнэт үйлдвэрийн техник хэрэгслийг барьцаалаад зээл авсан хувийн компани ч бий. Өнөөдөр энэ асуудлыг шүүхэд өгч байгаа нь Засгийн газар өөрөө өөрийгөө л л өгч байгаа юм. Хөгжлийн банкны бүх удирдлагыг Засгийн газар хийсэн шүү дээ. Гол нь шүүхэд өгсөн цагаас эхлэн зээлийн хүү зогсох учраас магадгүй өөрсдөд нь ашигтай. Эцэст нь хэлэхэд: Хөгжлийн банкны луйвар өнөөдөр гэнэт бий болсон зүйл биш. Засгийн газар өөрсдөө удирдаж энэ гэмт хэргийг 10 жилийн турш үргэлжлүүлчихээд өнөөдөр гэнэт “шүгэл үлээж“ жүжих нь бүр ч сонирхолтой. Хөгжлийн банкны 10 жил үргэлжилсэн адал явдлыг судлаач Ганаагаас бусад нь бичсэнгүй. Эсвэл бүгд мартчихсан уу? Ажлын хэсгүүдийн дүгнэлтүүдээс тавилаа. Он сарыг нь сайн хараарай. Сэтгүүлч Б.Отгон 2022.02.10

БАЯРЫН ӨДРҮҮДЭД НУУЦААР МОРИНЫ УРАЛДААН ЗОХИОН БАЙГУУЛЖ,НЭГ ХҮН НАС БАРЖ НЭЛЭЭДГҮЙ ХҮМҮҮС БЭРТЭВ

02 / 14 0 сэтгэгдэл 1 168 үзсэнe

Засгийн газрын 2019 оны тогтоол оор жил бүрийн арваннэгдүгээр сарын 1-нээс тавдугаар сарын 1-ний өдрийг хүртэлх хугацаанд хурдан морины уралдаан, сунгаа, үсэргээ зохион байгуулахыг хориглосон. Засаг дарга нар уг тогтоолын хэрэгжилтэд хяналт тавьдаг. Гэсэн хэдий ч долоон аймагт сар шинийн баярын өдрүүдэд морины уралдаанууд зохион байгуулагдсан байна. Тодруулбал:Хоёрдугаар сарын 13-ны өдрийн 16:42 цагт “Дорноговь аймгийн Улаанбадрах сумын нутаг дэвсгэрт тээврийн хэрэгсэл онхолдож, хүн нас барсан гэсэн дуудлага мэдээлэл Цагдаагийн ерөнхий газарт иржээ. Тухайн осол нь тус сумын хоёрдугаар баг “Хонгорын элс” гэх газарт аж. Суудлын тэрэг онхолдож дотор нь сууж явсан 2иргэний нэг нь нас барж, нөгөөх нь гэмтэл аван эмнэлэгт хүргэгджээ.Уг хэргийг Дорноговь аймаг дахь цагдаагийн газар шалгаж байна. Урьдчилсан байдлаар малчид сунгаа хийж, морьд дагаж яваад онхолдсон гэх мэдээлэл байгаа бөгөөд шалгалтын ажиллагаа үргэлжилж байна. Мөн 2022 оны нэгдүгээр сарын 27-ны өдөр Архангай аймгийн Ихтамир сумын "Элстэй" гэх газар хурдан морины уралдаанд бэлдэж байсан 12 настай, уралдаанч хүү мөсөн дээр унаж, моринд өшиглүүлэн дунд чөмгөө хугалжээ. Хүүхдийн биеийн байдал сайнгүй байгаа аж.