НАМЭХ-НЫ 2021 ОНЫ СУДАЛГААГААР ЭМЭГТЭЙЧҮҮДЭД САНХҮҮГИЙН ЧАДАВХТАЙ, ӨӨРТӨӨ ИТГЭЛТЭЙ БАЙХ НЬ ШИЙДВЭР ГАРГАХ ТҮВШИНД ХҮРГЭХ ДУУ ХООЛОЙ ХҮЧТЭЙ БАЙЖ ЧАДНА ГЭЖ СУДАЛГААГААР ГАРЧЭЭ

03 / 07 0 сэтгэгдэл 613 үзсэнe

НАМЭХ-ны 21 аймаг, есөн дүүргээс түүврийн аргаар санамсаргүйгээр авсан "Эмэгтэйчүүдийн амьдралын чанар-2021" судалгааны тайланг танилцуулж байна Энэхүү судалгаар эмэгтэйчүүдэд хуримтлал хэрэгтэйг харууллаа гэж дүгнэж байна. Өөрөөр хэлбэл эмэгтэйчүүд санхүүгийн чадавхтай, өөртөө итгэлтэй байх нь шийдвэр гаргах түвшинд хүргэх дуу хоолой хүчтэй байж чадна гэдэг нь судалгаанаас харагдаж байна гэв. "Эмэгтэйчүүдийн санхүүгийн асуудал маш чухал байгаа бөгөөд. Тэд гэр бүлдээ, төрд ч санхүүгийн хараат байдаг нь санхүүгийн эрх чөлөө маш хязгаарлагдмал байгааг харуулж байна. Судалгаанд оролцсон гурван эмэгтэй тутмын нэг нь үндсэн цалингийн орлоготой, 10 эмэгтэй тутмын нэг нь үндсэн цалингийн хажуугаар хувиараа бизнес эрхэлж, өрхийн орлогоо бүрдүүлж байна. Энэ орлогынхоо 81.5 хувийг ихэвчлэн байрны түрээс, ипотекийн зээл, байр ашиглалтын зардал, хоол хүнсний хэрэгцээнд зарцуулж байна гэсэн үг юм. Тус судалгаанд оролцсон 5 эмэгтэй тутмын нэг нь ипотекийн зээлтэй байгаа бол. Зургаан эмэгтэй тутмын нэг нь түрээсийн байранд амьдарч байна гэж гарчээ. Байр хэний өмчлөлд байна вэ гэхээр 77.7 хувь нь нөхрийн өмчлөлд байгаа бол ердөө 25.3 хувь нь эхнэр, байна. Энэ нь эмэгтэйчүүдэд эд хөрөнгө эзэмших эрх хязгаарлагдмал байна гэсэн үг юм. Судалгааны хамгийн сонирхолтой хэсэг нь: Эмэгтэйчүүд гэр бүл, үр хүүхэд, ээж аавтайгаа ихэнх цагийг өнгөрүүлдэг бол эрчүүд эсрэгээрээ найз нөхөд, хамт олон, ангийн уулзалтад цагаа зарцуулдаг гэж гарчээ. Энэ бүхнээс дүгнээд хархад эмэгтэйчүүдэд ямар их дарамт байдаг нь энэхүү судалгаанаас харагдаж байгаа юм.

ДЭНЖИЙН МЯНГАД ӨСӨЖ ТӨРСӨН ЗАЛУУС НЭГДЭН БУЯНТ ДЭНЖИЙН МЯНГА ТББ БАЙГУУЛАН ДЭНЖИЙН МЯНГАД ОЛОН ЗҮЙЛС ХИЙХЭЭР ТӨЛӨВЛӨЖЭЭ.

03 / 07 0 сэтгэгдэл 5 609 үзсэнe

ДЭНЖИЙН МЯНГА Д ӨСӨЖ ТӨРСӨН ЗАЛУУС НЭГДЭН "БУЯНТ ДЭНЖИЙН МЯНГА" ТББ БАЙГУУЛАН ДЭНЖИЙН МЯНГАД ОЛОН ЗҮЙЛС ХИЙХЭЭР ТӨЛӨВЛӨЖЭЭ. Тэдний хамгийн эхний үйл ажиллагаа Олон улсын эмэгтэйчүүдийн эрхийг хамгаалах өдрийг тохиолдуулан Дэнжийн мянга орчмын 9, 10,11-р хорооны өрх толгойлсон ээжүүд болон эмэгтэйчүүдээ баярлууллаа. Хамгийн гол нь сэтгэлийн дэм гэж сайхан үг байдаг. Үүний нэгэн адил Дэнжийн мянгаар овоглосон залуус нэгдэн төрийн бус байгууллага байгуулан ийнхүү өсөж төрсөн газартаа жоохон ч гэсэн гэгээлэг бүхнийг эхлүүлэхээр зорьж байна. Тус байгууллага нь ашгийн бус бөгөөд ийнхүү залуус өөрсдийн сэтгэлээр эхний ээлжид ийнхүү эмэгтэйчүүд, ээжүүдээ баярлуулаад дараа дараагийн үйл ажиллагаагаа эхлүүлэх төлөвлөгөөтэй байгаа гэнэ. Цар тахлын улмаас 2 жил гаран ажил орлогогүй бүхий л салбар хэцүүхэн байсан ч залуус сэтгэл байхад бусад зүйл аяндаа бүтдэг юм гэдгийг ийнхүү харуулж Дэнжийн мянгад сайн сайхныг түгээж эхлээд байна. Залуус нэгдэн нийлж Дэнжийн мянгын гэр хорооллуудаар байхгүй байгаа тоглоомын талбай цаашлаад гэмт хэргийн гаралт эхтэй нутаг дэвсгэрт ч гэсэн Цагдаа хууль хүчний байгууллагатай нийлэн таслан сэргийлэх үйл ажиллагаанд ч идэвхтэй оролцоно гэдгээ илэрхийллээ. Мөн Дэнжийн мянгаар овоглодог Татар хамтлагийнхан маань төрийн бус байгууллагынхаа үйл ажиллагааг дэмжин хамтран ажиллана гэдгээ илэрхийлж тус аянд нэгдсэн юм. Үүгээр ч зогсохгүй Дэнжийн мянгад өсөж төрсөн Боксын Олон улсын хэмжээний мастер, Гавьяат тамирчин мэргэжлийн боксын рингэнд хүч үзэж буй Э.Цэндбаатар мөн тухайн үйл ажиллагаанд оролцож ах нартайгаа хамт гэдгээ илэрхийллээ. Санаа зорилго нь бүтэмжтэй байж санасан бүхнээ саадгүй бүтэх болтугай гээд Төрийн бус байгууллагын бүхий л залуустаа сайн сайхныг хүсэн ерөөж амжилт хүсье.

ОХУ-ЫН РУБЛИЙН ХАНШ ТӨГРӨГИЙН ЭСРЭГ 28% СУЛАРСАН ҮЗҮҮЛЭЛТТЭЙ БАЙНА

03 / 07 0 сэтгэгдэл 747 үзсэнe

ОХУ болон УКРАИН хоорондын дайн эхэлснээс хойш ОХУ-ын рубль дэлхийн бүх валютуудын эсрэг суларч байгаа бөгөөд . ОХУ-ын рублийн ханш сүүлийн нэг сарын хугацааны хамгийн өндөр түвшинтэй харьцуулахад 28.6 хувиар суларсан үзүүлэлт болж байна. Рубль төгрөгийн эсрэг өнөөдрийн байдлаар 27.18 төгрөгтэй тэнцэж байна .

БНСУ-С МОНГОЛДОО ИРЭЭД УДААГҮЙ БАЙСАН 15 НАСТАЙ ОХИН 12 ДАВХРААС ҮСЭРЧ АМИА АЛДЖЭЭ

03 / 07 0 сэтгэгдэл 1 089 үзсэнe

Тодруулбал: Өнгөрсөн шөнө буюу гуравдугаар сарын 7-ны өдөр шөнийн 00:29 цагт Сонгинохайрхан дүүргийн 37-р хороонд байрлах "Содон" хорооллоос өсвөр насны хүүхэд өндрөөс унаж нас барсан харамсалтай хэрэг гарлаа. Уг хэрэг гарах болсон шалтгаан нөхцөлийн тодруулахад, талийгаач охины аав нь нас бараад олон жил болсон бөгөөд. Талийгаач охин ээжтэйгээ хамт БНСУ-д амьдарч байхдаа тус улсын хүүхдүүдэд дээрэлхүүлдэг байсан гэх мэдээлэл байгаа бөгөөд. Тус улсад байхдаа үеийн хүүхдүүдэд шоовдорлуулаад сэтгэл санааны гутралд орсон байсан бөгөөд хэрэг гарахаас гурван сарын өмнө Монголд иржээ. Эх орондоо ирээд удалгүй хүчирхийлэлд өртөж байсан, сэтгэл санааны хямрал болон, ганцаардмал байдлаас болж энд байхад хэцүү байгаа талаараа найздаа зурвас бичиж байсан нь мөрдөн шалгалтаар тогтоогдсон байна. БНСУ-д суралцаж, амьдарч байгаа хүүхдүүд тухайн улсын хүүхдүүдэд дээрэлхүүлж, тодорхой хэмжээнд дарамтанд байдаг талаар баримтаас цухас дурдвал. Өнгөрсөн онд БНСУ-д суралцаж, амьдарч байсан 13 настай Монгол охиныг 15-16 настай Солонгос охидууд олон цагийн турш зодож тамласан нь бичлэг ил тод болж. Энэ асуудлаар тус улсаас хүчирхийлэл үйлдсэн Солонгос улсын өсвөр насны охидод ял шийтгэл авч байсан. Харин энэ хэрэг мөн адил өсвөр насны Монгол охиныг БНСУ-д амьдарч байх хугацаанд нь тус улсын сургуулийн сурагчид ихэд гадуурхаж, хүчирхийлдэг байснаас үүдэн амьдралд дөнгөж хөл тавьж байгаа 15-хан настай жаахан охин амь насаа алдах учир шалтгаан нь болоод байгаа нь харамсалтай юм. Уг хэргийг Сонгинохайрхан дүүргийн цагдаагийн 3-р хэлтэст шалгаж эхлээд байна.

НИЙСЛЭЛИЙН ДАРААХ 88 ЦЭЦЭРЛЭГ НЭМЭЛТЭЭР 2019 ОНООС ХОЙШИХ ЦЭЦЭРЛЭГИЙН НАСНЫ ХҮҮХДҮҮДИЙГ БҮРТГЭЖ БАЙНА

03 / 07 0 сэтгэгдэл 683 үзсэнe

Тодруулбал : Боловсролын Мэдээллийн технологийн төвтэй хамтран parent.edu.mn системээр Нийслэлд цэцэрлэгийн элсэлт, бүртгэлийг хоёрдугаар сарын 18-наас 24-ний өдрүүдэд зохион байгуулсны дараа найман дүүргийн 88 цэцэрлэгт нийт 3575 хүүхдийг элсүүлэх сул орон тоо одоогоор байгаа юм байна. Тиймээс тэдгээр сул орон тоонд нэмэлтээр хүүхэд авахаар дараах цэцэрлэгүүд нэмэлт бүртгэл явуулж байна. Тухайлбал: Өнөөдрийн байдлаар нийслэлийн хэмжээнд төрийн болон төрийн бус өмчийн цэцэрлэгт 111.566 хүүхэд сургуулийн өмнөх боловсрол эзэмшиж байгаа бөгөөд. Өнгөрсөн сард цэцэрлэгийн бага бүлэгт, мөн цэцэрлэгийн анги танхимын хүрэлцээ, багтаамжийг харгалзан дунд, ахлах, бэлтгэл бүлэгт нэмэлт элсэлт, бүртгэлийг зохион байгуулахдаа 10597 хүүхдийг элсүүлсэн бол. Үүнээс гадна төрийн өмчийн цэцэрлэгүүдийн онцлог, ачаалал зэргийг харгалзан тодорхой хаяг байршлын шалтгааны улмаас цахимаар бүртгүүлэх боломжгүй болон зорилтот бүлгийн хүүхдийн баримт бичгийн бүрдэлийг үндэслэн 8112 хүүхдийг бүртгэж, элсүүлсэн байна. Дараах цэцэрлэгүүдэд хандан, харьяаллын дагуу хүүхдээ элсүүлэн суралцуулах боломжтой болоод байгаа юм .

УИХ-ЫН ДЭД ДАРГА БӨГӨӨД ЦАГААТГАХ АЖЛЫГ УДИРДАН ЗОХИОН БАЙГУУЛАХ УЛСЫН КОМИССЫН ДАРГА С.ОДОНТУЯА ӨМНӨГОВЬ АЙМАГТ АЖИЛЛАЖ БАЙНА

03 / 04 0 сэтгэгдэл 267 үзсэнe

Тус ажлын албаныхан Өмнөговь аймгийн цагаатгах ажлыг удирдан зохион байгуулах салбар комиссын үйл ажиллагаатай танилцаж, цагаатгалын үйл ажиллагаатай холбоотой зөвлөмж, мэдээллийг өгөв. Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хууль хэрэгжиж эхэлснээс хойш Өмнөговь аймгийн хэмжээнд 400 гаруй иргэн тус бүр 1 сая төгрөгийн нөхөх олговрыг аваад байгаа юм. Энэ хуулийн 2018 оны нэмэлт өөрчлөлтийн хүрээнд 34 иргэн 80, 40 сая төгрөгийн нөхөх олговор авахаар шүүхийн шийдвэр гарснаас 15 иргэн нөхөх олговроо авч, 19 иргэн авахаар хүлээгдэж байна.Мөн ажлын хэсгийнхэн нөхөх олговор авахаар хүлээж байгаа хэлмэгдэгчийн үр хүүхэд, ар гэрийнхэнтэй уулзаж хүндэтгэл үзүүллээ.

”ЭЛЕКТРОН ТАМХИНЫ ХЭРЭГЛЭЭНЭЭС ХҮҮХДИЙГ ХАМГААЛАХ” АЯН ЭХЭЛЛЭЭ

03 / 04 0 сэтгэгдэл 547 үзсэнe

Монгол Улсын Шадар сайд Боловсрол, соёл, шинжлэх ухааны сайдын хамтарсан тушаалаар Олон улсын хэрэглэгчдийн өдөр буюу 3 дугаар сарын 15-ны өдрийг “Хүүхэд-Эрхэм хэрэглэгч” сэдвийн хүрээнд тэмдэглэн өнгөрүүлдэг билээ.2022 оны хувьд “21 нас хүрээгүй хүнд сордог электрон тамхи, түүний дагалдах хэрэгслийг худалдаалахыг таслан зогсоох, ялангуяа сургууль, цэцэрлэгийн орчимд тамхийг худалдаалахгүй” байх чиглэлийг Шударга өрсөлдөөн, хэрэглэгчийн төлөө газраас өгсөн. Дээрх чиглэлийн хүрээнд Өмнөговь аймгийн Засаг даргын 2022 оны 03 дугаар сарын 02-ны өдрийн А/184 тоот Захирамжаар “Электрон тамхины хэрэглээнээс хүүхдийг хамгаалах” аян зохион байгуулан ажиллаж байна.

АЙМГИЙН УДИРДЛАГУУД УУЛ УУРХАЙН ААН-тэй ОНЛАЙН ХУРАЛ ХИЙЛЭЭ

03 / 04 0 сэтгэгдэл 274 үзсэнe

Төсвийн тухай хуулийн 23 дугаар зүйлийн “23.6.10.аж ахуйн нэгжийн орлогын албан татварын 40 хувь.” гэж заасны дагуу 2022 оноос ААНОАТ-ын орлогын татвар төлөгчийн үйл ажиллагааны чиглэл, хаяг байршлын бүртгэл, сегментийн ангилалд үндэслэн аймгийн төсөвт хуваарилдаг болсон. Том, дунд сегментийн татвар төлөгчийн татварын орлогыг татвар төлөгчийн үйл ажиллагааны чиглэлээс хамааруулан, үйл ажиллагааны байршлаар тодорхойлсон “Цахим төлбөрийн баримтын систем”-ийн төлбөрийн баримтын борлуулалтын орлогын нийт дүнг тодорхойлон, тухайн татвар төлөгчийн тайлант хугацаанд төлсөн орлогын дүнд харьцуулан сар бүр хуваарилалт хийнэ. Энэ асуудалтай холбоотойгоор татвар төлөгч бүрийн Е-баримтаар нь орлогыг нь хаанаас эх үүсвэртэй орлого вэ гэдгийг ялгана. Баримтыг дистрикт кодоор ангилна. Дистрикт код гэдэг нь аймаг болгоныг кодолсон код юм. Үл хөдлөх эд хөрөнгийн албан татварын хувь хэмжээг шинэчлэн тогтоох тухай аймгийн ИТХ-ын 2021 оны 12 сарын 02-ны 4/5 тоот тогтоол гарсан. Уг тогтоолыг уул уурхайн компаниудад И-майлаар хүргүүлсэн. Тиймээс энэхүү тогтоолоор Уул, уурхайн компани ҮХЭХ-н албан татварын 2 хувь, уул, уурхайн туслан гүйцэтгэгч компани 1,5 хувь болон өөрчлөгдсөн. Төсвийн тухай хуульд нэмэлт өөрчлөлт орж, 2022 оноос Хувь хүний орлогын албан татварын тухай хуулийн 7.1-д заасан орлогод ногдох албан татвар, Газрын төлбөр, ҮХЭХАТатварууд сумын төсвийн орлогод төвлөрөхөөр тусгагдсан байгаа тул сум орон нутгийн төсөвт төвлөрүүлэх орлогоо хуульд заасан хугацаанд бүрэн төвлөрүүлэх тал дээр анхаарч ажиллах шаардлагатай байна. Онлайн хуралд ААН-ийн захирал, Санхүү хариуцсан удирдах албан тушаалтан, ерөнхий нягтлан бодогч нар оролцлоо. Оролцох компаниуд: Оюу толгой, Цагаан өвөлжөө, Саус гоби сэндс, Монголын алт МАК, Хүрэн толгой коал майнинг, Эрдэнэс таван толгой, Таван толгой, Энержиресурс, Хур эрдэнэ баялаг, Баатарван транс, Хангад-Эксплорэйшн, Мөнх ноён суварга, Өсөх зоос, Жавхлант орд

Д.КЁКҮШЮЗАНБАТБАЯР, Т.БАЯСГАЛАН НАРЫН ТАСЛАН СЭРГИЙЛЭХ АРГА ХЭМЖЭЭГ ХЭВЭЭР ҮЛДЭЭЛЭЭ

03 / 04 0 сэтгэгдэл 1 091 үзсэнe

Нийслэлийн Прокурорын газраас яллах дүгнэлт үйлдэж ирүүлсэн Д.Кёкүшюзанбатбаяр нарын нэр бүхий дөрвөн шүүгдэгчид холбогдох эрүүгийн хэргийг Хан-Уул дүүргийн Эрүүгийн хэргийн анхан шатны шүүх таван өдрийн турш хянан хэлэлцэв. Шүүх хуралдаанаар нэмэлт мөрдөн шалгах ажиллагаа хийлгэх зайлшгүй шаардлагатай гэж үзэн хэргийг Нийслэлийн прокурорын газарт буцааж, шүүгдэгч нарт урьд авсан таслан сэргийлэх арга хэмжээг хэвээр үргэлжлүүлж шийдвэрлэлээ. Эргэн сануулахад шүүгдэгч нарт Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ аваад байгаа. Эрүүгийн хэрэг хянан шийдвэрлэх тухай хуулийн 14.5 дугаар зүйл.Хязгаарлалт тогтоох таслан сэргийлэх арга хэмжээ 1.Яллагдагч эрүүгийн хэрэг хянан шийдвэрлэх ажиллагаанд саад учруулахгүй байх, түүнийг дахин гэмт хэрэг үйлдэхээс урьдчилан сэргийлэх зорилгоор тогтоосон газар, нутаг дэвсгэрээс гарч явах, Монгол Улсын хилээр гарахыг хязгаарлах, тодорхой газар очих, тодорхой хүнтэй уулзахыг хориглох, тогтоосон замаар зорчихыг яллагдагчид даалгаж, хязгаарлалт тогтоох таслан сэргийлэх арга хэмжээг авах эсэхийг прокурорын саналыг үндэслэн шүүх шийдвэрлэнэ.

ӨМГӨӨЛӨГЧ Г.БАТБАЯРЫН ОХИН Б.АРИУНЗАЯАГ МОНГОЛ УЛСЫН ХИЛЭЭР ГАРАХЫГ ХОРИГЛОЛОО

03 / 04 0 сэтгэгдэл 664 үзсэнe

Нийслэлийн Сүхбаатар дүүргийн Прокурорын газраас яллагдагч Б.Ариунзаяад Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1 дэх хэсэгт заасан “...Монгол Улсын хилээр гарахыг хязгаарлах хязгаарлалт тогтоох, мөн тодорхой хүнтэй уулзахыг хориглох буюу хохирогч М болон түүний ар гэрийхэнтэй уулзахыг хориглох...” хязгаарлалт тогтоох таслан сэргийлэх арга хэмжээ авах тухай саналыг 2022 оны 03 дугаар сарын 04-ний өдөр ирүүлснийг хүлээн авч мөн өдөр хянан хэлэлцлээ. Шүүхээс хавтас хэрэгт авагдсан бичгийн нотлох баримтууд болоод шүүхийн хэлэлцүүлэгт гаргасан прокурорын дүгнэлт, өмгөөлөгчийн санал зэргийг судалж үзээд прокуророос гаргасан “...Тодорхой хүнтэй уулзахыг хориглох буюу хохирогч М болон түүний ар гэрийнхэнтэй уулзахыг хориглох...” хязгаарлалт тогтоох санал нь үндэслэлгүй байх тул хүлээн авахаас татгалзав. Харин Эрүүгийн хэрэг хянан шийдвэрлэх тухай хуулийн зорилтод нийцүүлэн 2022 оны 03 дугаар сарын 04-ний өдрөөс эхлэн Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авч, шүүгчийн захирамжийн хувийг Хил хамгаалах ерөнхий газарт даруй хүргүүлэхийг шүүгчийн туслахад, захирамжийн хэрэгжилтэд хяналт тавьж ажиллахыг Хил хамгаалах ерөнхий газарт тус тус даалгаж шийдвэрлэлээ.