ДЭЛХИЙН САНХҮҮ ХӨРӨНГӨ ОРУУЛАЛТЫН САЙТУУД МОНГОЛЫН "GGCM КРИПТО ТӨСӨЛ"-ИЙГ ОНЦОЛЖ ЭХЭЛЛЭЭ
Дэлхийн томоохон санхүү хөрөнгө оруулалтын finance.yahoo.com, investing.com, marketwatch.com, benziga зэрэг сайтууд Монголын крипто төсөл болох GGCM-г онцолж эхэллээ. Тэд GGCM төслийг дараагийн үеийн дижитал хөрөнгө хэмээн тодорхойлсон бол тус салбарын 150 гаруй томоохон сайтууд хамгийн үр дүнтэй өсөх ирээдүйтэй крипто төслүүдийн нэг болох нь дамжиггүй гэж үзжээ. Турк улсын Истанбул хотод төвтэй Монголын GGCM баг нь богино хугацаанд чамгүй амжилттай ажиллаж олон улсад гарах бэлтгэлээ базааж дуусчээ. Иймд GGCM LLC компанийн Гүйцэтгэх захирал Ц.Алтайбаяртай холбогдоход : "Энэ сардаа багтаж IEO хийхээр төлөвлөж байгаа бөгөөд дэлхийд тэргүүлэх 25 биржтэй гэрээ хэлцэл хийсэн хэмээлээ. Улмаар тэд сарын хугацаанд 200 мянган дагагчтай болсон ба энэ тоогоо нэг саяд хүргэж дэлхийн хэмжээний томоохон төсөл болгохоор зорьж байгаа аж. Монгол залуус олон улсад хүлээн зөвшөөрөгдсөн томоохон компани болох цаг ойртож байгаагийн нэгэн жишээ GGCM төслийн багийн залуус ажээ.
НМХГ-ЫН ДАРГА Б.БАТШАГАЙ НЬ УИХ-ЫН ГИШҮҮН С.РАДНААСЭДИЙН МЕНЕЖЕР БАЙЖЭЭ
Олон нийт гарал үүсэл нь тодорхойгүй, элдэв төрлийн бодис хольсон байж болзошгүй хэмээн хаагдсан үйлдвэрүүдийн ард ямар нэг улс төрчид байх магадлалтай хэмээн үзэж буй.Тэгвэл, "Монгол эко мах" ХХК-ийн гүйцэтгэх захирал М.Цагаанбаатарын хувьд Алтайнхөх сэрх, Тарлан хайрхан трейдинг, Шимт өгөөж трейд ХХК гэдэг гурван компаний захирал аж. "Монгол эко мах" ХХК-д 2015 оны 11 дүгээр сарын 19-нд мах экспортлох эрхийн гэрчилгээг нь МХЕГ–ын дарга асан /одоо УИХ-ын гишүүн/ Ш.Раднаасэд гардуулж байсан гэх мэдээллийг SOLONGONEWS.MN сайт нийтэлж байжээ. Мөн махны асуудлуудын ард нэр холбогдон нотлогдох төрийн алба хаагчид тэр дундаа НМХГ-ын Б.Батшагай нь УИХ-ын гишүүн Ш.Раднаасэдийн сонгуулийн компанит ажилд менежер байсан бөгөөд менежерээс НМХГ-ын Экспорт импорт хилийн хорио цээрийн хяналтын газрын даргаар ажиллаж байгаад одоо ийнхүү НМХГ-ын даргаар томилогдоод буй аж. НМХГ-ын Экспорт импорт хилийн хорио цээрийн хяналтын газрынхан эхнээсээ оймсондоо мөнгө чихэж баригдаад байсан нь ч энэхүү махны бизнестэй холбоотой аж. Мөн УИХ-ын гишүүн С.Раднаасэдийн хүргэн Бат-эрдэнэ гэгч нь одоо ХУД-ийн МХГ-ын даргаар ажиллаж буй.
