Нийслэлийн онцгой байдлын алба Хөшигийн хөндий /Чингис хаан олон улсын нисэх онгоцны буудлын хурдны зам/ Автозамын зорчих хэсэгт автомашин шатаж байна гэсэн дуудлагыг 11:48 цагт хүлээн авчээ. Газар дээр очиход иргэн Ж-ийн“Форши Панамера” загварын суудлын автомашин шатаж байсныг 10 минут ажиллан унтраасан байна.
Яармагийн нүхэн гарцын зам барилгын аж ил төлөвлөгөөт хугацаанаасаа 11 хоногийн өмнө дуусаж хөдөлгөөнийг нээлээ. Үргэлжлүүлэн явган хүний орц, гарцыг хийх аж. Явган зорчигчдын орох, гарах хэсгийг хөгжлийн бэрхшээлтэй болон дугуйтай иргэд зорчих боломжтой байхаар налуу зам болон шаттай хийсэн ба нүхэн гарц усанд автахаас сэргийлэн ус зайлуулах, шүүрүүлэх худгийг мөн суурилуулжээ. Эх сурвалж: НЗДТГ
Эрүүл мэндийн даатгалын зөвлөлийн 2022 оны долдугаар сарын 4-ний өдрийн "Эмийн жагсаалтыг шинэчлэн батлах тухай" 11 тоот тогтоолоор "Эрүүл мэндийн даатгалын сангаас үнийн хөнгөлөлт үзүүлэх зайлшгүй шаардлагатай эмийн нэр төрөл, үнийн дээд хязгаар, хөнгөлөх хэмжээ"-г тогтоосон байдаг. Тус тогтоолд хүүхдийн уналт, таталтын эсрэг эмийг даатгалаас 100 хувь хөнгөлөх талаар дурд жээ. Төрөөс эмийн зардлыг нь хариуцан амбулаториор эмчлэх өвчний жагсаалтад багтсан тархины саажилт болон 0-19 насны уналт, таталттай хүүхдийн уналт, таталтын эсрэг эмийг ийнхүү 100 хувь хөнгөлөхөөр болжээ.
Суурьшлын бүс тэлж нийслэлийн ногоон бүс дэх тархац нутаг хумигдсанаар зэрлэгшсэн нохдод бариулж тоо толгой нь цөөрсөөр байгаа юм. “Агнуурын менежментийн тэх төв” ТББ-тай хамтран “Амьтныг шинжлэх ухааны зориулалтаар барьж, зөөвөрлөх журам”-ын дагуу Сонгинохайрхан дүүргийн 24, 42, Чингэлтэй дүүргийн 17, 19-р хорооны нутаг дэвсгэр Билгүүний энгэр, Сүхбаатар дүүргийн 24, 42-р хороодын нутаг дэвсгэрээс 100 тарвагыг олж нутагшууллаа .
Цэцэрлэг, сургуультай холбоотой иргэдээс ирж буй түгээмэл асуултанд Боловсрол шинжлэх ухааны яам хариулт өглөө. Үүнд: "Хүүхдээ цэцэрлэгт өгөхөд заавал вакцин хийлгэсэн байх ёстой юу" гэх түгээмэл асуулт эцэг эхчүүдээс иржээ. Цэцэрлэг, сургуулийн элсэлтэд вакцин хийлгэсэн байх шаардлага тавихгүй гэдгийг тус яамнаас мэдээллээ.
ХӨСҮТ -ын удирдлага есөн ажилтандаа орон сууцны урьдчилгаа болгож тус бүр 20 сая төгрөг олгохоор шийдвэрлэжээ. Хоёр техникч, хоёр сувилагч, гурван асрагч, нэг эмзүйч, нэг шил угаагч нийт есөн хүнд орон сууцны урьдчилгааны дэмжлэг үзүүлэхээр болжээ. Эрүүл мэндийн яамнаа 2022 оны наймдугаар сарыг “Эрүүл мэндийн ажилтны нийгмийн хамгааллыг дэмжих сар” болгон зарласан юм .
Байгаль орчин, аялал жуулчлалын сайдын 2022 оны 208 дугаар тушаалаар тухайн онд тусгай зориулалтаар агнуулах, бариулах ан амьтдын тоо хэмжээг баталсан. Тушаалд зааснаар Баян-Өлгий аймгийн Дэлүүн, Буянт, Ногооннуур, Толбо, Улаанхус, Алтай, Булган, Бугат, Цэнгэл, Алтанцөгц, Баяннуур зэрэг сумдын агнуурын бүс нутгуудаас тусгай зориулалтаар аргаль хонь, янгир ямаа, халиун буга агнана. Дээрх сумдын агнуур бүс нутгуудад агнуурын 316 халиун буга, 3128 толгой аргаль хонь, 1887 янгир ямаа байгаа. Үүнээс 28 тэх, 17 угалз, 5 халиун буга агнахыг зөвшөөрсөн байна. Монгол Улсын Засгийн газрын 2011 оны 23 дугаар тогтоолд зааснаар аргаль хонь 11 сая, янгир ямаа 2,7 сая, халиун буга 6,6 сая төгрөгийн экологи-эдийн засгийн үнэлгээтэй байдаг. Дээрх амьтдын нөөц ашигласны төлбөрийн 50-иас доошгүй хувийг тухайн агнуурын бүс нутгийн менежментийн төлөвлөгөөг хэрэгжүүлэхэд зарцуулах юм.
М эргэжлийн хяналтын байгууллагаас Долдугаар сарын 27-ноос энэ сарын 02-ны өдрүүдэд төлөвлөгөөт бус хяналт шалгалт хийжээ.Тус шалгалтаар амралт, аялал жуулчлалын газрууд нь ойн сан болон усан сангийн онцгой, энгийн хамгаалалтын бүсэд байрласан, эзэмшүүлсэн газраас илүү газарт хашаа, хайс татжээ. Иймээс хяналтын хэмжилт хийж хамтран ажиллах тухай албан бичгийг аймгийн Газрын харилцаа, барилга, хот байгуулалтын газарт хүргүүлээд байна. Засгийн газрын 2020-2024 оны үйл ажиллагааны хөтөлбөрийн хүрээнд “Эко жорлон” болон хөрсний бохирдлыг бууруулах арга хэмжээг авч хэрэгжүүлээгүй, хог хаягдлын гэрээ байгуулаагүй, түр цэг байгуулаагүй ил задгай хаясан, ус ашиглах дүгнэлт гаргуулаагүй зөрчил дутагдлууд нийтлэг илэрлээ. “Улаанбаатар төмөр зам” ХНН-ийн “Баянбуурал”, “Баянхангай Хараа гол” ХХК-ийн “Баян хангай”, “Баянгол ресорт девелопмент” ХХК-ийн Хүүхдийн зуслан, “Батсол” ХХК-ийн “Аваргууд” амралтын газар зэрэг таван аж ахуйн нэгжид зөрчлийн хэрэг нээн шалгаж, үйл ажиллагааг нь прокурорын тогтоолоор түр зогсоогоод байна. Эх сурвалж: МХЕГ
Яармагийн зам доогуур барьж буй нүхэн гарцыг угсарч дууслаа. Одоо цементээр бэхжүүлсэн суурийн ажил гүйцэтгэж байна. Нүхэн гарц барих замын хоёр урсгалыг энэ сарын 22 хүртэл ээлжлэн хааж, зам барилгын ажил хийх юм. Хөдөлгөөнийг нь хязгаарласан урд урсгалыг өнөө орой хучиж, маргааш буюу төлөвлөгөөт хугацаанаасаа 11 хоногийн өмнө нээхээр болжээ.
Өвөрхангай аймаг дахь хорих ангиас орго сон этгээдүүдийг эрэн сурвалжилж байна. Гантөмөрийн Сумъяабазар нь 22 настай, 165-170 см өндөртэй, 55-60 орчим кг жинтэй бол Амарсайханы Мөнхбат нь 23 настай, 175-180 см өндөртэй, 60-65 орчим кг жинтэй. Өвөрхангай, Баянхонгор, Төв аймаг болон Улаанбаатар хотод байж болзошгүй бөгөөд холбогдох мэдээллийг ц агдаагийн байгууллагын 102, 80117576 дугаарт мэдээлэл ирүүлнэ үү. Ач холбогдолтой мэдээллийг журмын дагуу үнэлж авна.
