Мал эмнэлгийн импортын олон улсын гэрчилгээг нийт 235 аж ахуйн нэгж, иргэний хүсэлтээртөрлийнмал амьтны гаралтай түүхий эд бүтээдэхүүнд олгожээ. Мал, амьтан, тэдгээрийн гаралтай түүхий эд бүтээгдэхүүний олон улсын мал эмнэлгийн гэрчилгээний цахимаар ирүүлсэн хүсэлтийг www.IVC.mahis.gov.mn хүлээн авч бүртгэл, мэдээллийн нэгдсэн санд 744 аж ахуйн нэгж иргэн бүртгэгдэж, нийтхүсэлтийг цахимаар шийдвэрлэн ажиллаа.
Мал эмнэлгийн ерөнхий газар мал, амьтны эрүүл мэндэд хамаарах асуудлаар малчид, иргэдийг сонсох, тэдэнд тулгамдсан асуудлыг шуурхай шийдвэрлэх, мал, амьтны гоц халдварт өвчний тохиолдлыг эрт илрүүлэх зорилгын хүрээнд Дэлхийн банкны МАА ЭЗЭН төслөөс санхүүжүүлж, “Мал эмнэлгийн тусламжийн утас” идэвхгүй тандалтын туршилтын төслийн үйл ажиллагааг өнөөдрөөс эхлүүлж байна. Туршилтын төслийг оператор компанийн тусламжтайгаар гүйцэтгэх ба оператор нь малчид, иргэдээс дуудлага хүлээн авч зөвлөгөө өгөх, МЭЕГ-ын албан хаагчидтай шуурхай холбогдох боломж бүрдүүлэхээс гадна сар тутамд санамсаргүй байдлаар зарим аймаг, сумын малчдыг сонгон утсаар ярьж мал, амьтны гоц халдварт өвчний асуудал байгаа эсэх талаар мэдээллийг цуглуулж Мал эмнэлгийн ерөнхий газарт хүлээлгэн өгнө. Тандалтаар цуглуулсан мэдээллийг 7 хоног болон сар тутам ирүүлснээр мэдээлэлд дүн шинжилгээ хийх боломж бүрдэж байгаа төдийгүй малчид, иргэдийн тулгамдсан асуудлыг шуурхай шийдвэрлэх боломжийг нэмэгдүүлэх юм. Та Мал эмнэлгийн тусламжийн утасдугаарт холбогдоно уу.
Хүнсний өргөн хэрэглээний бараа, бүтээгдэхүүний үнэ нэг сарын дотор 5.6 хувиар өссөн байна. Энэ нь зөвхөн долоодугаар сарын дүн мэдээ. Үнийн өсөлтийн 85 хувийг талх, гурил, будаа, сүү, өндөг, хүнсний ногооны үнийн өсөлт бүрдүүлжээ. Харин мах, махан бүтээгдэхүүний үнэ өмнөх жилүүдтэй харьцуулахад багаар буюу өмнөх оны мөн үеэс 0.9 хувиар өссөн байна. Дотоодын бараа, үйлчилгээний үнэ энэ оны долоодугаар сард 6.6 хувиар өссөн нь нийт инфляцын 3.6 нэг хувь буюу 65.3 хувийг бүрдүүлэв. Харин импортын инфляцын нийт инфляцад үзүүлэх нөлөө 2023 оноос эхлэн алгуур буурч тогтворжоод байна. Хэдийгээр инфляц тогтворжиж байгаа ч импортын бараа бүтээгдэхүүний өсөлт өндөр түвшинд байгаа нь төгрөгийн бодит ханш чангарч буйг "Банкны салбарын тойм" судалгаанд дурджээ. Хэрэглээний бараа үйлчилгээний үнийг тодорхойлдог инфляц энэ оны хагас жилд улсын хэмжээнд 5.5 хувьтай гарсан нь өмнөх оны мөн үеэс 3.7 нэгж хувиар буурсан үзүүлэлттэй байгаа юм.
Нийслэлийн Засаг Даргын 2024 оны “Хүн, малын гоц халдварт болон тарваган тахал өвчнөөс урьдчилан сэргийлэх талаар авч хэрэгжүүлэх зарим арга хэмжээний тухай” А/948 дугаар захирамжийн дагуу холбогдох мэргэжлийн байгууллагууд 08 дугаар сарын 15-ны өдрөөс эхлэн авто тээврийн шалган нэвтрүүлэх товчоодод 24 цагаар хяналт шалгалтыг зохион байгуулан ажиллаж байна. Энэ хугацаанд хяналт шалгалтын хүрээнд давхардсан тоогоор 750 албан хаагч үүрэг гүйцэтгэн, нийт 25000 гаруй тээврийн хэрэгсэлд үзлэг шалгалт хийж, 14 удаагийн үйлдлээр 51 ширхэг тарваганы махыг илрүүлэн Зоонозын өвчин судлалын үндэсний төвд хүлээлгэн өгч шинжлүүлэхэд тарваган тахал өвчний үүсгэгч илрээгүй байна. Түүнчлэн тарваганы мах, түүхий эд тээвэрлэсэн, зөөвөрлөсөн хуулийн этгээдэд 3.2 сая төгрөгийн торгууль, 32.6 төгрөгийн нөхөн төлбөрийг төлүүлж хариуцлага тооцсон. Нийслэлийн нутаг дэвсгэрт байгалийн голомтот хүн, мал, амьтны гоц халдварт болон тарваган тахал өвчний халдвар тархахаас урьдчилан сэргийлэх хяналт шалгалт үргэлжилж байна.
Байгалийн түүхийн музейн шинэ барилгын бүтээн байгуулалтын ажлыг эхлүүлэх арга хэмжээ өнөөдөр эхэлж байна. Тухайн музейн барилгын тендерийн талаарх мэдээллийг хүргэж байна. Шинээр музейн барилгыг барих тухай яригдаж, 2006 онд царцаж байсан түүхтэй. Тэгвэл найман жилийн туршид яригдаж буй шинэ музейн барилгыг өнөөдөр буюу есдүгээр сарын 05-ны өдөр эхлүүлэх арга хэмжээ авах нь. Өнгөрсөн найман жилийн хугацаанд хэд хэдэн удаа зарласан тендер цуцлагдаж хамгийн сүүлд буюу 2023 оны долоодугаар сарын 01-ны өдөр 138.5 тэрбум төгрөгийн тендер зарлаж Содон номин констракшн ХХК шалгарсан байна. Содон номин констракшн ХХК шинэ музейн барилгыг барихад 133,284,079,755 төгрөгийн санал ирүүлж шалгарсан аж. Уг компани нь 2012 онд байгуулагдсан, Болдбаяр Баттулга гэх хүний хувийн эзэмшлийнх. Тухайн музей Их тэнгэрийн аманд 6,6 га газарт Байгалийн түүхийн музейн барилгын 2024 оны 05 сард ажлыг эхлүүлсэн бөгөөд явц 15 хувьтай үргэлжилж байгаа юм байна. Шинэ музей нь гурван блок бүхий 39,000м² талбайтай бөгөөд 2027 онд ашиглалтад орох төлөвлөгөөтэй байгаа ажээ .
Говь-Алтай аймгийн ИТХ-аар ЭЕШ-д өндөр оноо авсан сурагчид, багш нар, сургуулийн захиргаа мөн сумын засаг дарга нарыг 1 сая төгрөгөөс 7 сая төгрөг хүртэлх мөнгөн тэтгэмжээр урамшуулахаар болсон талаарх мэдээлэл цахим орчинд тархсан. Тэгвэл үүнтэй холбоотойгоор Говь-Алтай аймгийн ЗДТГ-аас тодруулахад, "ЭЕШ-д амжилт үзүүлж, өндөр оноо авсан сурагч, багш, сургалтын менежер, сумдын засаг дарга нарыг өнгөрсөн жилүүдээс эхлэн урамшуулж эхэлсэн. Тодруулбал, Боловсролын чанарыг сайжруулах зорилгоор аймгийн ИТХ-ын журамд зааснаар сум орон нутгийн засаг дарга нар боловсролын чанарт онцгойлон анхаарах шаардлагатай бөгөөд улсын хэмжээнд тодорхой амжилт үзүүлсэн тохиолдолд мөнгөн урамшуулал үзүүлнэ гэж заасан. Үүн дагуу ЭЕШ-д улсын дундаж онооноос өндөр оноо авсан сумдыг журамд заасны дагуу байр эзлүүлж, хамгийн өндөр оноотой сургууль, сумдын засаг дарга нарыг 7 сая төгрөгөөр, 2 болон 3-р байрт шалгарсан тохиолдолд түүнээс бага мөнгөн дүнгээр урамшуулахаар болсон. Түүнээс биш бүх сумдын засаг дарга нарыг 7 сая төгрөгөөр урамшуулна гэсэн асуудал байхгүй. Зөвхөн 1 сумын засаг даргыг 7 сая төгрөгөөр урамшуулна" гэх мэдээллийг өглөө.
Хан-Уул дүүрэг сүүлийн дөрвөн жилийн хугацаанд хог тээвэр, зам талбайн цэвэрлэгээний нийт 45 автомашин дүүргийн төсвийн хөрөнгөөр шийдвэрлэсэн бол 2024 онд хог тээврийн нийт 16 машин, зам цэвэрлэгээний нуух цэвэрлэх 7 жижиг машин, давс цацагч 15, явган замын цас хог үлээгч багаж 50, явган зам шүүрдэгч 27 ширхэг автомашин, техник хэрэгсэлийг тус тус хог тээвэр, зам талбайн байгууллагуудад хүлээлгэн өгсөн. / 2024.09.04/ Өнөөдөр хүлээн авч байгаа зам цэвэрлэгээний хоёр авто машин нь автозамын хог хаягдлыг автоматаар шүүрдэх, сорох, зам талбайг чийгшүүлэх, угаах, ногоон байгууламжийн усалгаа хийх, зам талбайг ариутгах зэрэг хосолсон үйлдэлтэй бөгөөд дөрвөн улиралд ашиглах боломжтой. Уг машинуудын үзүүлэлт нь 1,5 тонны усны багтаамжтай, агаарт усан тоосонцор үүсгэж чийгшүүлэх, даралттай усаар замын хашлага шүршиж угаах, хойд хэсэгтээ авто замыг чийгшүүлэх, ногоон байгууламжийг услах, зам талбайн ариутгал хийх, 2,5 тн хог соруулах, 8 шатлалт механик хөдөлгүүртэй зэрэг олон үйлдэлтэй. Сүүлийн үеийн тоног төхөөрөмжөөр тоноглогдсон, шатахуун зарцуулалт багатай хог тээвэр, зам цэвэрлэгээ, усалгаа зэрэг хосолсон үйлчилгээтэй хоёр автомашинаар Эко дүүрэг дахин ПАРК ШИНЭЧЛЭЛ хийлээ.
Дэлхийн жижиг амьтны мал эмнэлгийн холбоо (WSAVA)-ны 49-р их хурал 2024 оны 9 сарын 3-5-ны өдрүүдэд БНХАУ-ын Сүжоу хотод болж байна. Хуралд Монголын жижиг амьтны малын эмч нарын холбооны удирдлагууд болон гишүүн эмнэлгүүдийн төлөөлөл Анд Клиник Амьтны Эмнэлэг, Сос Их Монгол эмнэлэг, Жонон Мал Эмнэлэг, Энэрэх мал эмнэлэг сургалтын төв, SOS мал эмнэлэг, UB-Vet эмнэлэг, Жаргалант Вет эмнэлэг, Сити паус эмнэлгийн эмч нар оролцлоо. Жижиг амьтны уламжлалт эмчилгээ, дотрын өвчин, тэжээллэг, шүдний өвчин, офталмологи, ерөнхий оношлогоо, урьдчилан сэргийлэх арга зам, хавдар судлал, багажит оношлогооны аргууд, өвдөлтийн менежмент ба мэдээгүйжүүлэлт, халдварт өвчин, арьсны өвчин судлал, мэс ажилбар, нэг эрүүл мэнд, бизнесийн менежмент, жижиг амьтны салбарын манлайлал зэрэг 30 гаруй чиглэлээр хэлэлцлээ. Дэлхийн жижиг амьтны мал эмнэлгийн холбоо (WSAVA) холбоонд дэлхийн 200,000 гаруй малын эмчийг төлөөлсөн 114 холбоо гишүүнчлэлтэй байдаг. WSAVA-ийн үндсэн зорилго нь өндөр боловсролтой, үнэнч, хамтран ажилладаг дэлхий дахины нийгэмлэгээр дамжуулан жижиг амьтдын эрүүл мэнд, сайн сайхан байдлыг дэлхий даяар сайжруулахын тулд жижиг амьтны анагаах ухаан, мэс заслын чанар, хүртээмжийг ахиулах, улмаар амьтан, хүн төрөлхтний тусын тулд арчилгааны нэгдсэн стандартыг бий болгож, бие биенээ дэмжиж явдал юм. Хурлын төлөөлөгчддөө амжилт хүсье
ГОЦ ХАЛДВАРТ ШҮЛХИЙ ӨВЧНИЙ ХАВРЫН ДАРХЛААЖУУЛАЛТ ДУУСАЖ, ҮЙЛЧИЛГЭЭНИЙ ХӨЛСИЙГ ИРҮҮЛСЭН БАРИМТ МАТЕРИАЛЫГ ҮНДЭСЛЭН ГҮЙЦЭТГЭЛЭЭР ОЛГОЖ ЭХЭЛЛЭЭ
Говь-Алтай аймгийн иргэдийн Төлөөлөгчдийн Хурлын ээлжит бус XXI хуралдаан энэ сарын 30-ны өдөр болжээ. Хуралдаанд танхимаар 25, цахимаар 3 төлөөлөгч оролцож 68 хувийн ирцтэй байв. Хуралдаанаар: Журам батлах тухай Төрийн албан хаагчдад орон сууцны дэмжлэг үзүүлэх Үнэ бууруулж, дахин дуудлагын худалдаа зохион байгуулах тухай Түгээмэл тархацтай ашигт малтмалын хайгуулын тусгай зөвшөөрөл олгоход санал өгөх тухай Ажлын хэсэг байгуулах тухай Аймгийн сонгуулийн хорооны бүрэлдэхүүнд өөрчлөлт оруулах тухай Аймгийн 2024 оны төсвийг тодотгон батлах тухай Урамшуулал, тэтгэлэг олгох тухай асуудлыг хэлэлцэн шийдвэрлэжээ. Урамшуулал, тэтгэлэг олгох тухай асуудлаар: 2024 оны элсэлтийн ерөнхий шалгалтад 800 оноо авсан таван сурагчид тус бүр 5 сая төгрөг, 750 аас дээш оноо авсан 4 сурагчид 3.5 сая, 700-749 оноо авсан 19 сурагчид тус бүр 3 сая төгрөгийн тэтгэлэг Эдгээр сурагчийг бэлтгэсэн 25 багшид 57 сая төгрөгийн урамшуулал ЭЕШ-ын дүнгээр аймагтаа тэргүүлсэн 12 сургуулийн хамт олон болон захирал, сургалтын менежерийн урамшуулалд 118 сая төгрөг 8 сумын Засаг даргад 31 сая, нийт 400 сая төгрөгийн урамшуулал олгохоор аймгийн Боловсролын газраас ирүүлснийг аймгийн Засаг даргын удирдлагын зөвлөлийн хурлаар хэлэлцээд аймгийн ИТХ-д оруулж хэлэлцүүлэхээр дэмжсэн байна. Энэ асуудлыг дээрх хурлаар хэлэлцжээ.
