СЭРЭМЖЛҮҮЛЭГ: 7 НАСТАЙ ХҮҮ “УВС” НУУРАНД ЖИВЖ, НАС БАРЖЭЭ

07 / 09 0 сэтгэгдэл 143 үзсэнe

Увс аймаг, Тариалан сум Тарвагатай багийн “Увс” нуур /аймгийн төвөөс зүүн урд зүгт 30 км, сумын төвөөс зүүн урд зүгт 45 км/-т гэр бүлийн хамт амарч явсан бага насны хүүхэд “Увс” нууранд живжээ. Дуудлагыг долоодугаар сарын 08-ны өдрийн 15:23 цагт онцгой байдлын байгууллага хүлээн авч эрэн хайх, аврах салбарын алба хаагчид Ш /7 настай, эрэгтэй/-г нуурын баруун урд эргээс 15 метр зайд, 3 метрийн гүнээс 16:45 цагт цогцсыг гаргаж, аймгийн Цагдаагийн газрын Мөрдөн байцаагчид шилжүүлэн өгчээ.

С.ГАНБААТАРЫГ АЖ ҮЙЛДВЭРЖИЛТИЙН БОДЛОГЫН БАЙНГЫН ХОРООНЫ ДАРГААР СОНГОЛОО

07 / 09 0 сэтгэгдэл 199 үзсэнe

Б айнгын хороодын бүрэлдэхүүнийг өнгөрсөн баасан гаригт баталсан. Харин одоо УИХ байнгын хороодын дарга нарыг сонгох асуудлыг хэлэлцэж байна. Тодруулбал, УИХ-ын Аж үйлдвэржилтийн бодлогын байнгын хороо хуралдаж даргаа сонгох асуудлыг хэлэлцэв. Хурлаар тус Байнгын хорооны даргаар С.Ганбаатарыг сонгохыг гишүүдийн олонх нь дэмжлээ. Аж үйлдвэржилтийн бодлогын байнгын хороонд доорх гишүүд багтаж байна. М.Бадамсүрэн, Э.Батлут, Г.Лувсанжамц, Д.Үүрийнтуяа, Д.Энхтүвшин, П.Ганзориг, Ж.Золжаргал, Б.Пүрэвдаваа, Ц.Даваасүрэн, Б.Чойжилсүрэн, Д.Батбаяр, Х.Жангабыл, М.Энхцэцэг, Б.Тулга Л.Мөнхбаясгалан П.Мөнхтулга, С.Одонтуяа, Г.Очирбат, Б.Пунсалмаа Д.Энхтуяа.

ХОТЫН ДАРГА Х.НЯМБААТАР “PLAYTIME” НААДАМ ЗОХИОН БАЙГУУЛАХАД ЗОРИУЛЖ 50 ГА ГАЗРЫН ЭРХ ОЛГОВ

07 / 09 1 сэтгэгдэл 185 үзсэнe

Нийслэлийн Засаг дарга Х.Нямбаатар өнгөрсөн ням гарагт Хонхорт болж буй “Playtime 2024” хөгжмийн наадамд зочилж, уг наадам зохион байгуулахад зориулж 50 газрын эзэмших эрх олгожээ. Жил бүр зохион байгуулагддаг “Playtime” наадам энэ жил долоодугаар сарын 4-7-ны өдрүүдэд зохион байгуулагдаж өндөрлөсөн юм. Нийслэлийн Засаг дарга Х.Нямбаатар, Хүсэл тэмүүлэл дүүрэн залуусын хүсэн хүлээдэг хөгжмийн том наадам хүрээгээ улам бүр тэлж, сайхан соёл болж тогтоосой хэмээн хүсэж буйгаа илэрхийлээд, ирэх жилийн наадмаас урьтаж нийслэлээс тухайн байршил руу засмал зам тавьж, авто зогсоол байгуулах, эрчим хүчний найдвартай эх үүсвэртэй болгох ажлыг зохион байгуулахаас амлав.

УКРАЙН ДРОНООР ГАЗАР НУТАГТ НЬ ХАЛДСАН ТУЛ ОХУ ХАРИУ БАРИХАА МЭДЭГДЛЭЭ

07 / 08 0 сэтгэгдэл 365 үзсэнe

Зэвсэг агуулж байсан гэх байгууламжид нь Украин дроноор агаарын цохилт өгсний дараа ОХУ хариу арга хэмжээ авахаа мэдэгдсэн байна. ОХУ-ын Воронеж мужийн захирагч Александр Гусев ням гарагт /2027.07.07/ мэдэгдэхдээ Подгореский районд байрлах суурин газарт дроноор халдсан гэжээ. Украины эх сурвалжууд тус суурин газарт байсан агуулахыг Орос цэргүүдэд сум нийлүүлэхэд ашиглаж байсан учир онилсон хэмээсэн юм.Гусев ямар нэртэй суурин газарт халдлага болсныг тодотгоогүй ч тэнд онц байдал зарласан гэж хэлжээ. Тэрбээр нэмж хэлэхдээ халдлагын улмаас хэн нэгэн бэртээгүй ч хоёр өндөр настай эмэгтэй эмнэлэгт хүргэгдэн шалгуулсан гэсэн байна. Мөн Гусев “Одоогоор гурван суурин газрын 50 орчим иргэнийг түр байршуулах төвүүдэд хүргэсэн байгаа. Тэдэнд шаардлагатай бүх тусламжийг үзүүлж байна” гэжээ. ОХУ-ын Гадаад хэргийн сайд Сергей Лавров агаарын цохилтын дараа “Ерөнхийлөгч хариу арга хэмжээ авна гэж хэлсэн. Ойрын хугацаанд хариу өгөхийг харна гэдэгт би итгэлтэй байна” хэмээсэн юм. Эх сурвалж: CNN

ЗГ-ЫН ШИНЭ БҮТЭЦ: 3 ШАДАР САЙД, 3 ҮХД, 16 ЯАМДТАЙ АЖИЛЛАНА

07 / 08 0 сэтгэгдэл 368 үзсэнe

МАН, АН, ХҮН намын хамтран байгуулах Засгийн газар гурван шадар сайд, гурван Үндэсний хорооны дарга, ерөнхий чиг үүргийн -4, чиглэлийн 12 яамтай байхаар бүтцээ зурсан гэх агуулгыг эх сурвалжийн мэдээлэлд үндэслэн нийтэлж байна. Уг бүтцийг танилцуулбал, Нэг. Шадар сайдын албан тушаал Тэргүүн шадар сайд бөгөөд Эдийн засгийн хөгжлийн сайд, Шадар сайд Шадар сайд Хоёр. Үндэсний хорооны дарга Хяналт үнэлгээний үндэсний хорооны дарга 20 минутын Үндэсний хорооны дарга Боомтын сэргэлтийн үндэсний хорооны дарга Гурав.Ерөнхий чиглэлийн яамд |4| Эдийн засгийн хөгжлийн яам Гадаад харилцааны яам Сангийн яам Хууль зүй, дотоод хэргийн яам Дөрөв.Чиглэлийн яамд |12| Байгаль орчин, уур амьсгалын өөрчлөлтийн яам Батлан хамгаалахын яам Хот байгуулалт, орон сууцжуулалтын яам Боловсролын яам Зам, тээврийн хөгжлийн яам Аялал жуулчлал, соёл, спорт, залуучуудын яам Аж үйлдвэр, эрдэс баялгийн яам, Гэр бүл, нийгмийн хөгжил, хөдөлмөрийн яам Хүнс хөдөө аж ахуй, хөнгөн үйлдвэрийн яам Цахим хөгжил, инновац, харилцаа холбооны яам Эрчим хүчний яам Эрүүл мэндийн яам байхаар ерөнхий бүтэц зурагдсан байна.

Ж.ГАНБААТАР: СОНГОГЧДЫНХОО ЗАХИАСЫГ БИЕЛҮҮЛЖ, ХАМТАРСАН ЗАСГИЙН ГАЗАРТ ОРЖ АЖИЛЛАХГҮЙ

07 / 08 0 сэтгэгдэл 347 үзсэнe

Хамтарсан засгийн газар байгуулах талаар зарим улс төрч, судлаачид олон талын байр суурь илэрхийлж байгаа. Бид үүнтэй холбогдуулан УИХ-ын гишүүн Ж.Ганбаатарын байр суурийг тодрууллаа. Тэрээр, “Хамтарсан засгийн газарт ажиллах сонирхол надад байхгүй. Би Баянгол дүүргийнхээ ард түмний итгэлээр сонгогдсон. Сонгуулийн дараа тэдэнтэй уулзахад хамтарсан засгийн газрыг дэмжихгүй байгаа анзаарагдаж байсан. Тиймээс тойргийнхоо иргэдийн захиасыг биелүүлж, хамтарсан засгийн газарт орж ажиллахгүй гэх шийдвэр гаргасан. Намынхаа удирдлагуудтай одоогоор ярьсан зүйл байхгүй. Харин МАН дангаараа Засгийн газар байгуулбал би ажиллах болно. Биржийн үйл ажиллагаа цаашид маш зөв үргэлжлэх хэрэгтэй” гэлээ.

ГОВЬ-АЛТАЙ АЙМГИЙН ДЭЛГЭР СУМАНД 4.3 МАГНИТУДЫН ХҮЧТЭЙ ГАЗАР ХӨДЛӨЛТ БОЛЛОО

07 / 08 0 сэтгэгдэл 196 үзсэнe

Улаанбаатарын цагаар өнөө өглөө /2024.07.08/ 09:00 цагт Говь-Алтай аймгийн Дэлгэр сумын нутагт 4.3 магнитудын хүчтэй газар хөдлөлт боллоо. Газар хөдлөлтийн төвөөс ойр орших аймаг сумд: Баянхонгор аймгийн Бууцагаан сумын төвөөс Баруун урд зүгт 50 км Баянхонгор аймгийн Хүрээмарал сумын төвөөс Урд зүгт 54 км Говь-Алтай аймгийн Чандмань сумын төвөөс Хойд зүгт 67 км байна.

БНХАУ-ЫН ИРГЭН BRANDON SHANE-ЫГ 100 МЯНГАН ТӨГРӨГӨӨР ТОРГОЛОО

07 / 08 0 сэтгэгдэл 281 үзсэнe

Гадаад улсын иргэн Brandon Shane O,NEAL Сүхбаатарын талбайн гол хэсэгт зогсоод “Би Монголд ирээд байна, энэ залууг харахын тулд” гэж Чингис хааны хөшөө рүү зааж, “Чи өвөг дээдэст минь яаж хандаж байсан шиг би одоо үр хойчид чинь тэгж хандах болно” гэж хэлээд, инээж буй бичлэг өнгөрсөн долоо хоногт нийгмийн сүлжээнд цацагдсан. Уг бичлэгтэй холбогдуулан цагдаагийн байгууллагаас зөрчлийн хэрэг нээн шалгаж эхэлсэн тухай мэдээлж байв. Өнөөдөр Сүхбаатар дүүргийн Эрүүгийн хэргийн анхан шатны шүүхэд зөрчлийн хэргээр шүүх хуралдаан болж 100 000 төгрөгийн торгуулийн шийтгэл оногдуулжээ. Зөрчлийн тухай хуулиас: 5.2 дугаар зүйл.Танхайрах 1.Олон нийтийн газарт, эсхүл орон байранд: 1.1.хэрүүл маргаан үүсгэж; 1.2.бусдыг өдөөн хатгаж; 1.3.бусдын амгалан тайван байдал алдагдуулж; 1.4.олон нийтийг үл хүндэтгэж; 1.5.үйлчилгээний болон дарааллын журам зөрчиж биеэ авч явах нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний 100,000 төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна.

Л.ОЮУН-ЭРДЭНЭ: ХАМТАРСАН ЗАСГИЙН ГАЗАР БАЙГУУЛАХ ЗӨВШИЛЦӨХ САНАЛАА АН, ХҮН НАМД ТАВЬСАН

07 / 05 0 сэтгэгдэл 334 үзсэнe

УИХ-ын 2024.07.05-ны өдрийн чуулганы үдээс хойших хуралдаанаар Монгол Улсын Ерөнхий сайдыг томилох асуудлыг хэлэлцэж буй бөгөөд үүнтэй холбогдуулан УИХ-ын гишүүд асуулт асууж, хариулт авлаа. УИХ-ын гишүүн, АН-ын гишүүн Б.Жаргалан: МАН энэ удаагийн парламентад 68 суудал авч олонх болсон. Өөрөөр хэлбэл Үндсэн хуулиар олгогдсон эрхийн дагуу МАН бие даан засаглах боломжтой болсон байгаа. Өчигдөр МАН-ын даргын гарын үсэгтэй Хөгжлийн тулгамдсан асуудлыг шийдвэрлэх тухай гэсэн гарчигтай зөвшилцөлд урьж байна гэсэн албан бичиг АН-д ирсэн. Тиймээс Ерөнхий сайдад нэр дэвшиж байгаа УИХ-ын гишүүн Л.Оюун-Эрдэнээс аль аль намд зөвшилцөлд хүрэх тухай бичиг явуулсан талаар болон яагаад бие даан ЗГ байгуулах эрхээсээ татгалзаж байгаа тухай асууя. УИХ-ын гишүүн, МАН-ын дарга Л.Оюун-Эрдэнэ: Нэгэнтээ бид тогтолцооны өөрчлөлтийг хийчихсэн учраас заавал шийдвэрлэх ёстой тулгамдсан асуудал бий. Тухайлбал, бид өнгөрсөн 30 жилийн турш эрчим хүчний үнийг чөлөөлж, либералчлах тухай ярьсан. Гэтэл эрчим хүчний үйлдвэрийн үнэ, хэрэглээний үнээс хэд дахин бага байдаг. Эрчим хүчний салбарт хөрөнгө оруулалт хийх ямар ч боломжгүй, Дөрөвдүгээр цахилгаан станц, станцын шугамууд шийдэгдэхгүй 30 гаран жил болсон. Тиймээс энэ мэт олон асуудлыг шийдвэрлэхийн тулд бид зөвшилцөх шаардлагатай байгаа гэдэг утгаараа ХҮН нам, АН хоёрт саналаа тавьсан байгаа.

Г.ЗАНДАНШАТАРЫГ ЕТГ-ЫН ДАРГААР ТОМИЛЖЭЭ

07 / 03 0 сэтгэгдэл 398 үзсэнe

Монгол Улсын Ерөнхийлөгч У.Хүрэлсүх ШХАБ-ын дээд хэмжээний уулзалтад оролцохоор мордсон билээ. Тэрбээр явахаасаа өмнө ЕТГ-ын даргаар УИХ-ын дарга асан Г.Занданшатарыг томилсон байна. Тодруулбал, Өмнө нь ЕТГ-ын даргаар ажиллаж байсан Я.Содбаатарыг МАН-ын Ерөнхий нарийн бичгийн даргын үүрэг гүйцэтгэгчээр МАН-ын Удирдах зөвлөлөөс томилсон юм. Г . Занданшатар товч намтараас : 1977-1987 онд Баянхонгор аймгийн Өлзийт сумын дунд сургууль, нийслэлийн Ерөнхий боловсролын 77 дугаар дунд сургуульд суралцаж төгссөн. 1987-1992 онд ОХУ-ын Эрхүүгийн Улс ардын аж ахуйн дээд сургуульд суралцаж, Санхүү-эдийн засагч мэргэжил эзэмшсэн. АНУ, БНЭУ, БНСУ, Швед, Голланд зэрэг улсуудад банк, санхүү, бизнесийн удирдлагын чиглэлээр сургалт дүүргэсэн. Эдийн засгийн ухааны магистр. 1992-1995 онд Зах зээлийн коллеж буюу одоогийн Худалдаа, үйлдвэрлэлийн дээд сургуульд багш, судлаач, 1995-1998 онд Хөдөө аж ахуйн банкинд эдийн засагч, хэлтэс, газрын захирал, 1998-2000 онд Монголбанкны Сургалтын төвийн менежер, Хөдөө аж ахуйн банкинд Монголбанкны бүрэн эрхт төлөөлөгч, 2000-2003 онд Хаан банкны дэд захирал, 2003-2004 онд Монгол Улсын Хүнс, хөдөө аж ахуйн дэд сайд, 2004-2012 онд Монгол Улсын Их Хурлын гишүүн, 2009-2012 онд Монгол Улсын Гадаад харилцааны сайд, 2012-2013 онд Монгол Ардын намын Ерөнхий нарийн бичгийн дарга, 2013-2015 онд АНУ-ын Стэнфордын их сургуулийн Хөгжил, ардчилал, хуулийн засаглалын хүрээлэнд судлаач, 2016-2024 онд Монгол Улсын Их Хурлын гишүүн, 2017-2019 онд Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга, 2019-2024 онд Монгол Улсын Их Хурлын даргаар ажиллаж байсан юм.