ШҮҮХИЙН ШИЙДВЭР ГҮЙЦЭТГЭГЧДИЙН ХЭРЭГ ДАХИН ПРОКУРОРТ ШИЛЖЛЭЭ

10 / 19 0 сэтгэгдэл 812 үзсэнe

О.Магнайгийн ээжид давуу байдал бий болгосон Нийслэлийн шүүхийн шийдвэр гүйцэтгэх газар (НШШГГ)-ын дарга асан, хурандаа Б.Цогжаргал, Баянгол дүүрэг хариуцсан шийдвэр гүйцэтгэгчээр ажиллаж байсан Г.Идэрчулуун, тус дүүрэг хариуцсан тасгийн дарга Х.Саруул, Б.Батцэрэн нарт холбогдох хэргийн талаар бид мэдээлж байсан билээ. Уг хэргийг Сүхбаатар дүүргийн эрүүгийн хэргийн анхан шатны шүүхээс мөрдөн байцаалтад буцаасан юм. Тэгвэл уг хэргийн мөрдөн байцаалт дуусч хэргийг дахин прокурорт шилжүүлсэн байна. Өмнө нь уг хэргийг 2021 оны гуравдугаар сард хэлэлцээд прокурорын хяналтад буцаахаар шийдвэрлээд байсан юм. НПГ-аас шүүхийн шийдвэр гүйцэтгэгч нарт Эрүүгийн хуулийн 22.1-1 дэх хэсэгт заасан “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж, эсхүл зориуд хэрэгжүүлэхгүй байж өөртөө, бусдад давуу байдал бий болгосон”, 17.3-1 дэх хэсгийн бусдын эд хөрөнгө залилсан гэх үндэслэлээр яллах дүгнэлт үйлдээд байсан юм. Хэргийн талаар тодруулбал, “Седарс” гэх ХХК-иас 723.8 сая гаруй төгрөг гаргуулахаар хандсан төлбөр авагч иргэн С.Отгонжаргал буюу О.Магнайгийн ээжид давуу байдал бий болгох зорилгоор Б.Цогжаргал тасгийн дарга, ахлах шийдвэр гүйцэтгэгч Х.Саруул, Б.Батцэрэн, 143 дугаар тойргийн шийдвэр гүйцэтгэгч Г.Идэрчулуун нартай хамтарч 2018 оны тавдугаар сарын 2-ноос зургадугаар сарын 21-нийг хүртэлх хугацаанд албаны чиг үүргээ хэрэгжүүлэлгүй, “Седарс партнерс” ХХК-ийн эзэмшил, өмчлөлийн эд хөрөнгийг бусдад шилжүүлсэн. Үүний улмаас “Седарс партнерс” ХХК-ийн Баянгол дүүргийн нутагт байрлах 332 ам метр талбай бүхий эзэмших эрхийн гэрчилгээтэй газар болон 25.5 хувийн гүйцэтгэлтэй байсан, дутуу барьсан барилгыг иргэн С.Отгонжаргал болон түүний хамаарал бүхий этгээдүүдэд шилжүүлэн давуу байдал бий болгож, уг компанид 1.1 тэрбум гаруй төгрөгийн их хэмжээний хохирол учруулсан. Ингэхдээ төлбөр авагч С.Отгонжаргалын итгэмжлэгдсэн төлөөлөгч О.Магнай, Ж.Очирхуяг нартай уулзсаны дараа, тэдэнд давуу байдал бий болгох зорилгоор Х.Саруул, Б.Батцэрэн нараар дамжуулж шийдвэр гүйцэтгэгч Г.Идэрчулуунд нөлөөлж, “Илүү хурдан шуурхай ажиллагаа явуул, яг наад материалаа хурдан шийд, одоо гараад шийд, үр дүн гарга” гэх зэргээр удаа, дараа үүрэг чиглэлийг өгч байсан нь хэмээн буруутгаж буй аж. Мөн “Седарс партнерс” ХХК-ийн эзэмшлийн газрын хуучин гэрчилгээг хүчингүй болгож, эзэмших эрхийг нь “төлбөр авагч С.Отгонжаргалын нэр дээр шилжүүлэн шинээр гэрчилгээ олгож хариу ирүүлнэ үү” гэсэн албан бичиг ч дээрх хүмүүс Нийслэлийн газрын алба, Баянгол дүүргийн улсын бүртгэлийн тасагт хүргүүлсэн аж. Мөрдөн шалгах ажиллагааны явцад нэхэмжлэгч С.Отгонжаргалын хэргийг хариуцсан 182 дугаар тойргийн шийдвэр гүйцэтгэгч Ю.Оюунаа ажлаа хийж байхад нь “хариуцсан тойргийн шийдвэр гүйцэтгэгч Ю.Оюунаа байхгүй учир энэ материалд ажиллагаа хий” гэж 143 дугаар тойргийн шийдвэр гүйцэтгэгч Г.Идэрчулуунд хариуцуулж өгсөн нь ч тогтоогдсон гэнэ. Хууль зөрчин төлбөр төлөгч “Седарс” бус, тус аж ахуйн нэгжийн охин компани болох, шийдвэр гүйцэтгэх хуудаст заагаагүй “Седарс партнерс” ХХК-ийн эзэмшлийн газар болон дутуу барьсан барилга зэрэг үл хөдлөх хөрөнгийг битүүмжилж, хураан авсан, “Седарс” ХХК-ийг төлөөлөх эрх нь дууссан иргэн Ц.Цэцэнбилэгийг эрүүгийн болон зөрчлийн хэрэг үүсгэнэ, цагдан хорино гэж дарамтлан “С.Отгонжаргалд өгөх 723.8 сая төгрөгийн төлбөрт “Седарс партнерс” ХХК-ийн эзэмшлийн газар болон дутуу баригдсан барилгыг шилжүүлэн өгөхөд татгалзах зүйлгүй” гэсэн бичиг хийлгэж, тамга даруулсан. “Седарс партнерс” ХХК-ийн газар болон дутуу гүйцэтгэлтэй барилгыг төлбөр авагчийн итгэмжлэгдсэн төлөөлөгч Ж.Очирхуягт шилжүүлэн өгч, хадгалалт хамгаалалтыг хариуцуулсан нь ч шалгалтаар тогтоогджээ. Баянгол дүүргийн II хорооны нутаг дахь газарт Ливан улсын иргэн Мохамад Зухуэр Итан хөрөнгө оруулж бариулсан, 11 давхар шилэн фасадтай, дөрвөн тэрбум төгрөгийн өртөгтэй барилгыг 723 саяын өр төлбөрт тооцон шилжүүлсэн байдаг. Дашрамд дуулгахад уг хэрэгт яллагдагчаар татагдсан Нийслэлийн шүүхийн шийдвэр гүйцэтгэх газар (НШШГГ)-ын дарга асан, хурандаа Б.Цогжаргал өнөөдрийг хүртэл ажлаа хийж байгаа юм. Түүнтэй хамт энэ хэрэгт татагдсан Шүүхийн шийдвэр гүйцэтгэх байгууллагын алба хаагчид ажлаасаа чөлөөлгдсөн байхад Б.Цогжаргал чөлөөлөгдөхгүй ажлаа хийсээр байгаа юм. Үүнтэй холбоотойгоор шүүхийн шийдвэр гүйцэтгэх байгууллагад шударга бус байдал үүслээ гэх яриа гарсан бөгөөд бид энэ хэргийн талаар эргэж мэдээлэх болно.

ЖЕНДЭР БА ХҮНИЙ ЭРХ” СУРГАЛТ, ХЭЛЭЛЦҮҮЛЭГ БОЛЛОО

10 / 19 0 сэтгэгдэл 507 үзсэнe

НЗДТГ, Жендэрийн үндэсний хороо, Хүний эрхийн үндэсний комисс, Төрийн албаны зөвлөл хамтран нийслэлийн удирдах түвшний алба хаагчдыг чадавхжуулах “Жендэр ба хүний эрх” сургалт, хэлэлцүүлэг зохион байгууллаа. Хэлэлцүүлэгт нийслэлийн нутгийн захиргааны байгууллага, дүүргүүдийн Жендэрийн салбар хорооны удирдлагууд болон НИТХ-ын Хүний хөгжлийн хорооны төлөөлөгчид бүхий 100 гаруй алба хаагч хамрагдав. Тус сургалт, хэлэлцүүлгээр жендэрийн эрх тэгш байдлыг хангах асуудлаар Монгол Улсын баримталж буй бодлого, анхаарах асуудал, жендэрийн талаарх хэвшмэл ойлголтыг халах гэх мэт онцлог асуудлыг авч, хэлэлцлээ. Хэлэлцүүлгийг нээж Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч, Нийслэл дэх жендэрийн салбар хорооны дарга З.Төмөртөмөө “Жендэрийн асуудал ярихад зөвхөн эмэгтэй хүний тухай авч үздэг цаг өнгөрсөн. Өмнөх цаг үеийг бодвол жендэрийн тухай ойлголт нэмэгдсэн байна. Гэвч үүнийг цаашид ч нэмэгдүүлэх, сайжруулах шаардлагатай. Нэг удаагийн хурал, уулзалтаар асуудал шийдэгдэхгүй учраас үүнийг тогтмолжуулах нь зүйтэй. Өнөөдрийн орсон сургалтыг хэлэлцүүлэгт хамрагдсан удирдах албан тушаалтнууд цааш өөрсдийн албан байгууллага, ажилтнууддаа болон олон нийтэд хүргэх учиртай” гэсэн юм. Төрийн алба бол хувийн бус, нийтийн эрх ашгийн төлөөх алба учраас жендэрийн эрх тэгш байдал болон хүний эрхийг ямагт хангаж, эрэгтэй болон эмэгтэй хүний ялгаатай хөгжилд зориулсан бодлого баримтлах нь зүйтэй гэдгийг зохион байгуулагчдын зүгээс онцолж байлаа. НЗДТГ-аас нийслэлийн ерөнхий боловсролын сургуулиудын хүрээнд I-V ангийн сурагчид дунд “Гэр бүл дэх эцэг, эхийн оролцоо - Жендэрийн эрх тэгш байдал” сэдэвт гар зургийн уралдаан VI-IX ангийн сурагчид дунд “Жендэрийн эрх тэгш байдал” сэдэвт эсээ бичлэгийн уралдаан X-XII ангийн сурагчид дунд “Жендэрийн эрх тэгш байдал” сэдэвт илтгэлийн тэмцээн зохион байгуулжээ. Энэ хүрээнд илтгэлийн тэмцээнд түрүүлсэн сурагчдад өнөөдрийн хэлэлцүүлгийн үеэр шагнал гардуулж, гар зургийн уралдаанд ирүүлсэн бүтээлүүдийг дэлгэлээ. Мөн тэргүүн байр эзэлсэн нийслэлийн ерөнхий боловсролын 7 дугаар сургуулийн 12б ангийн сурагчид болох Б.Хүслэн, Э.Сэцэн нар “Өсвөр насны хүүхдүүдийн жендэрийн хэвшмэл ойлголтыг судалсан нь” сэдвээр илтгэлээ танилцуулсан юм. Монгол Улс дахь жендэрийн статистик дараах хувьтай байна.

ҮҮРЭН ТЕЛЕФОНЫ ОПЕРАТОР КОМПАНИУДАД УЛСЫН БАЙЦААГЧИЙН АЛБАН ДААЛГАВАР ХҮРГҮҮЛЛЭЭ

10 / 19 0 сэтгэгдэл 871 үзсэнe

Иргэдээс ирүүлсэн гомдол, мэдээллийг үндэслэн үүрэн телефоны үйлчилгээ эрхлэгчдийн үзүүлж байгаа үйлчилгээ, бүтээгдэхүүн нь Өрсөлдөөний тухай, Хэрэглэгчийн эрхийг хамгаалах тухай, Зар сурталчилгааны тухай хууль болон холбогдох бусад хууль тогтоомжид нийцэж буй эсэхэд хяналт шалгалт хийлээ. Хяналт шалгалтад үүрэн телефоны үйлчилгээ эрхлэгчдийг хамруулахад дараах зөрчил илэрлээ. • Юнител ХХК нь: - хэрэглэгч урьдчилсан болон хосолсон төлбөрт хэрэглэгчийн хувьд нэмэлтээр идэвхжүүлсэн дата багцуудыг дууссан тохиолдолд дансан дахь нэгжээс хасагдах болон үйлчилгээний төлбөр хэдэн төгрөгөөр тооцох талаарх мэдээллийг хэрэглэгчдэд илгээдэггүй, - хоногтой картаар нэг дор 2 удаа цэнэглэхэд нэгж нь нэмэгдээд хоног нь сунгагдахгүй, хоногтой нэгжээр цэнэглэхээр хоног дуусаагүй бол хоног нэмэгддэггүй. • Мобиком корпораци ХХК нь: - дараа төлбөрт миний моби багц, хосолсон төлбөрт хайбрид (hybrid) багцын хэрэглэгчдийн өөрийн хэрэглээндээ нийцүүлэн бараа, үйлчилгээгээ чөлөөтэй сонгох, багц бууруулан шилжих боломжийг хязгаарлаж, уг нөхцөлийн дагуу хэрэглэгчээс сар бүр үйлчилгээний сарын хураамж нэхэмжилдэг. • Жи мобайл ХХК нь: - дараа төлбөрт “Enjoy data” багцын хэрэглэгчдийн өөрийн хэрэглээндээ нийцүүлэн бараа, үйлчилгээгээ чөлөөтэй сонгох, багц бууруулан шилжих боломжийг хязгаарлаж, уг нөхцөлийн дагуу хэрэглэгчээс сар бүр үйлчилгээний сарын хураамж нэхэмжилдэг, - хэрэглэгчийн нэмэлт дата багцын ашиглах хугацаа, хэмжээ дуусаагүй зэргийг үл харгалзан хүчингүй болгодог, - дараа төлбөрт үйлчилгээний гэрээний нөхцөлүүдэд хэрэглэгч гэрээг цуцлах санал тавих боломжгүйгээр тусгасан. • Скайтел ХХК нь: - дараа төлбөрт болон урьдчилсан төлбөрт үйлчилгээний хэрэглэгчийн дата багцын хэрэглээ дууссан тохиолдолд задгай дата хэрэглээнд шилжсэн талаар болон задгай датаг хэрхэн тооцох үнэ тарифын мэдээллийг өгдөггүй, - дараа төлбөрт үйлчилгээний гэрээ болон дараа төлбөрт үйлчилгээний гэрээний нөхцөлд хэрэглэгчийн эрхийг дордуулсан нөхцлүүд тусгасан зэрэг зөрчлүүд илэрсэн. Хяналт шалгалтын явцад илэрсэн зөрчил дутагдлыг таслан зогсоох, түүний шалтгаан нөхцөлийг арилгах талаар арга хэмжээ авч хариуг ирэх 11 дүгээр сарын 07-ны өдрийн дотор ирүүлэх талаар улсын байцаагчийн албан шаардлагыг зөрчил илэрсэн үүрэн телефоны оператор компаниудад хүргүүллээ. Албан шаардлагыг биелүүлээгүй тохиолдолд хуульд заасан дараагийн шатны арга хэмжээ авч ажиллах болно. Мөн иргэдээс дата хурдан дуусдаг талаарх гомдлыг шалгаж үзэхэд дижитал хэрэгцээний өсөлт, оператор компаниудын дата бүтээгдэхүүний хүртээмжтэй шууд холбоотой байх ба дээрх өсөлтүүдийн цаана дараах үндсэн суурь шалтгаанууд байна. Үүнд: Ухаалаг утас үйлдвэрлэгчид нь жил бүр гар утасны загваруудыг програм хангамж болон техникийн үзүүлэлтүүдийн хувьд сайжруулан гаргаж байгаа бөгөөд ялангуяа дэлгэцийн хэмжээ, дэлгэцийн нягтаршлыг байнга сайжруулж байна. Энэ нь хэрэглэгчийн мобайл дата хэрэглээнд шууд хамааралтай бөгөөд хэрэглэгч илүү өндөр чанартай зураг видео бүтээж үүнийгээ нийгмийн сүлжээнд хуваалцахдаа илүү их дата ашиглана. Өндөр чанартай контентыг өөр хэн нэгэн хэрэглэгч нийгмийн сүлжээнээс үзэхэд мөн тэр хэмжээний дата зарцуулагддаг. Мөн программ хангамжийг байнга сайжруулахад (update) энэ хэрэглэгчийн дата хэрэглээнд мөн нөлөөлдөг байна. Дундаж хэмжээний шинэчлэлтийн хэмжээ нь 200mb-300mb байдаг бол томоохон шинэчлэлтүүд нь 1gb-6gb хүрэх ч тохиолдол байна. Хэрэглэгч өөрийн утаснаас мобайл дата ашиглан шинэчлэл хийх тохиргоог унтраагаагүй тохиолдолд энэхүү шинэчлэлт нь хэрэглэгчээс зөвшөөрөл авахгүйгээр шууд татагддаг байна. Уг үйлчилгээтэй холбоотой хяналт шалгалт явуулахад үүрэн телефоны оператор компаниудын хууль зөрчсөн үйлдэл тогтоогдоогүй. Иймд хэрэглэгчид эргэлзээтэй гэж үзсэн тохиолдолд утсан дээрээ дата хянах програм суулгах эсхүл оператор компанидаа хандан шалгуулах боломжтой. Түүнчлэн хэрэглэгч аль оператор компанийн дугаар ашиглаж байгаагаас үл хамааран өөрийн сонгосон үүрэн телефоны компанитай гэрээ байгуулж үйлчилгээ авах эрх үүсэх боломжтой болох талаар гомдол мэдээллийг тус газарт багагүй гаргадаг. Харилцаа холбооны тухай хуулийн 9 дүгээр зүйлийн 9.1-т “Зохицуулах хороо харилцаа холбооны талаар төрөөс баримтлах бодлогын хүрээнд дараахь бүрэн эрхийг хэрэгжүүлнэ” гэж, 9.1.13-т “дугаартайгаа шилжих үйлчилгээг нэвтрүүлэх, зохион байгуулах, хэрэгжүүлэх, уг үйлчилгээтэй холбоотой зохицуулалтын журам батлах” гэж заасан атал өнөөдрийг хүртэл хэрэгжээгүй байна. Үүрэн телефоны операторуудад урьдчилсан төлбөрт үйлчилгээний дата дууссан тохиолдолд дансан дахь нэгжээс задгай төлбөр суутгадаг эсэх, хоногтой картаар дансаа цэнэглэх нөхцөлд үйлчилгээ хоног нэмэгдэж сунгагддаг эсэх, нэмэлт дата багц нь хоног дуусахаас өмнө устдаг эсэх, үйлчилгээний багц хооронд шилжих боломжтой эсэх болон үнэ цэнэтэй дугаараас бусад дараа төлбөрт багцын хэрэглэгчид гэрээг цуцлах, багц ахиулах боломжтой эсэхийг шалгахад эдгээр үйлчилгээ нь Өрсөлдөөний тухай болон Хэрэглэгчийн эрх ашгийг хамгаалах тухай хуулийг зөрчсөн гэх үндэслэл тогтоогдоогүй байна. Иймд дээрх хуулийн хэрэгжилтийг дээрх хуулийн хэрэгжилтийг хангуулж ажиллах тухай албан бичгийг Цахим хөгжлийн яам, Харилцаа холбооны зохицуулах хороонд тус тус хүргүүлж ажиллалаа.

1-3 ДАВХАР “АВТОМАШИНЫ ЗОГСООЛ”-ЫГ СПОРТЫН ТӨВ ОРДНЫ БАРУУН ТАЛД БАРИХААР ТӨЛӨВЛӨӨД БАЙНА

10 / 19 1 сэтгэгдэл 801 үзсэнe

2021 оны байдлаар улсын хэмжээнд 1.2 сая тээврийн хэрэгсэл бүртгэлтэй байгаагаас 53.6 хувь буюу 662 мянга нь Улаанбаатар хотод замын хөдөлгөөнд оролцож, нэг өрхөд дунджаар 1.5 машин ногддог аж. Нийслэлийн хэмжээнд 216 га талбайд 72.6 мянган тээврийн хэрэгслийн зогсоолтой. Нийслэлийн Замын хөгжлийн газар энэ онд 74 байршилд 2,104 авто зогсоолд иргэд, аж ахуйн нэгжтэй гэрээ байгуулан ажиллаж байгаа. Өдөрт замын хөдөлгөөнд 350-450 мянган тээврийн хэрэгсэл оролцдог бөгөөд 69 хувь нь хувийн тээврийн хэрэгсэл. Төлбөртэй болон төлбөргүй зогсоолын сэлгэлтийн судалгаа хийхэд, төлбөргүй зогсоолын дүүргэлт өглөө 09:00 цагийн байдлаар 100 хувь, өдрийн турш сэлгэлт 16 хувь байжээ. Харин төлбөртэй зогсоолын сэлгэлт 100 хувь. Бага тойруу орчмын авто зогсоолыг судлахад 184 байршилд 4,857 тээврийн хэрэгслийн зогсоол тоологдсон. Улаанбаатар хотын хөгжлийн корпорац ХК төр, хувийн хэвшлийн түншлэлийн хүрээнд газар доорх авто зогсоол байгуулах, их багтаамжтай авто зогсоол байгуулах, автомат, ил давхар зогсоол байгуулах, гудамж, зам дагуу авто зогсоолын менежментийг сайжруулах төсөл хэрэгжүүлэхээр судалгаа хийжээ.Энэ хүрээнд Спортын төв ордны баруун талд, “Блю мон” төвийн зүүн талд ногоон байгууламжтай тохижилт бүхий газар доорх 1-3 давхар зогсоол барьж байгуулахаар төлөвлөжээ. Мөн III, IV хорооллын худалдааны төв орчим, Хүүхдийн 100 орчимд авто зогсоолын менежмент хийхээр төлөвлөж байгаа аж. Газар доорх зогсоолуудыг байгуулснаар тухайн газрын одоо байгаа зогсоолын тоо 2-3 дахин нэмэгдэхээс гадна ногоон байгууламж нэмэгдэх давуу талтай.

ОСЛЫН ГАЗАР МӨРГҮҮЛСЭН "ПРИУС41" МАРКИЙН МАШИНЫ ЭЗЭН "ЛЕКСУС" АВЧЭЭ

10 / 19 0 сэтгэгдэл 26 022 үзсэнe

Энэ сарын 10-ны өдөр Олимп хотхоны хойд замд долоон машин мөргөж, 12 настай хүүхэд гэмтээсэн ноцтой осол гарсан. Хүний эрүүл мэндийг ноцтой хохироосон хэргийн явц удаашралтай байгаад олон нийт цахим орчинд дургүйцлээ илэрхийлсээр байгаа. Уг хэрэгтэй холбогдуулан иргэн Э.Энхзориг дараах мэдээллийг хийлээ. Иргэн Э.Энхзориг: Хууль зүйн яамныхан хэрэгтэй холбоотой мэдээллийг олон нийтэд дэлгэхийг хүсэж байна. Бага насны хүүхдэд хүнд гэмтэл учруулсан энэ хэрэгт маш их эмзэглэж, хэрэг мартагдах, ямар нэгэн албан тушаалтан хэрэгт нөлөөлөх вий гэх айдас олон нийтэд байна. Ослын бичлэг нүд халтирам байхад хохирогч зүгээр "Хөл нь зулгарсан" гэх зүйл ярьж байгаа нь үнэнд нийцэхгүй байна. Миний хувьд ослын бичлэгийг хайж Олимп хотхоны хавьд очсон. Бичлэг хийх боломжтой хоёр камер байсан ч осол болсон орой хяналтын камерын хард дискийг цагдаа аваад явсан гэж хэлсэн. "Ланд-200" маркийн автомашин гурван ААН-ийг дамжиж нэр шилжсэн байдаг. Сүүлийн ААН дээр нэр шилжсэнээс дөрөв хоногийн дараа буцаж хувь иргэн дээр нэр шилжсэн нь анхаарал татаж байна. Машинд байсан согтууруулах ундаа хэрэглэсэн эрэгтэй нь Хөгжлийн банкны хөрөнгө оруулалтын бодлого зохицуулалтын хэлтсийн захирал Г.Батсүх гэх хүн байсан талаар мэдээлэл байна. Төрсөн ах Г.Хадхүү гэх хүний нэр дээр тухайн машин байдаг. Магадгүй намын харьяалалтай хүн бол энэ хэрэгт нөлөөлөх гэж завдаж байгаа юу гэх хардлага байна. Тухайн үед осолд орсон долоон машины эзэд өнөөдрийг хүртэл яагаад чимээгүй байна? Осол гаргасан "Ланд-200" маркийн автомашинд мөргүүлсэн "Приус41" маркийн машин айлын хашаанд байгаа. Машины эзэн дунд гарын "Лексус" авсан талаар нэг иргэн холбогдсон. Таньдаг эгч нь тул "Та хэрэгт холбоотой мэдээлэл өгөөч" гэж хүсэхэд дуугарахгүй байгаа талаар иргэн мэдээлсэн юм. Тэгэхээр осолд холбоотой хүмүүс хохирлыг барагдуулж дуугүй байлгаж байгаа талаар хардлага байна. Хэргийн газарт байсан иргэд "12 настай охины яс нь цоорсон байсан" хэмээн яриад байхад бүдэрч унасан юм шиг зулгарсан гэлээ. Тухайн үед машин барьж явсан Чингэсийн Маралмаагийн гэр бүл хууль хүчний байгууллагатай үнэхээр холбоотой юу. Энэ хэргийн мэдээлэл үнэхээр нууц байна гэлээ. Эх сурвалж:livetv.mn

ӨМНӨГОВЬ АЙМГИЙН 15 СУМДЫН ХЯНАЛТ-ШИНЖИЛГЭЭ, ҮНЭЛГЭЭНИЙ НЭГЖИЙН АЖИЛТНЫГ ЧАДВАРЖУУЛАХ ЗӨВЛӨГӨӨНИЙГ ЗОХИОН БАЙГУУЛЛАА

10 / 18 0 сэтгэгдэл 332 үзсэнe

Монгол улсын Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт, захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ыг үндэслэн аймгийн 2022 оны хөгжлийн жилийн төлөвлөгөөний 170 дахь заалтыг хэрэгжүүлэх үүднээс Аймгийн хэмжээнд анх удаа 15 сумын Хяналт-шинжилгээ үнэлгээний нэгжийн ажилтнуудыг чадваржуулах сургалтыг 2022 оны 10 дугаар сарын 18-21-ны өдрийн хооронд зохион байгууллаа. Энэхүү зөвлөгөөнд баруун бүсийн Баяндалай, Булган, Гурвантэс, Ноён, Хүрмэн, Сэврэй, Ханхонгор зэрэг сумдын 37 албан хаагч, Зүүн бүсийн Баян-Овоо, Даланзадгад, Мандал-Овоо, Манлай, Номгон, Ханбогд, Цогт-Овоо, Цогтцэций зэрэг сумдын 40 гаруй албан хаагч нийт аймгийн хэмжээнд 80 гаруй албан хаагч хамрагдсан үр дүнтэй арга хэмжээ болсон. Сургалт зөвлөгөөний хүрээнд: • Хяналт-шинжилгээ үнэлгээний нэгжийн үйл ажиллагаатай холбоотой 2020 оны 206 дугаар тогтоолын нэмэлт мэдээлэл өгч арга зүйн зөвлөмжөөр хангасан, • Сум бүр ХШҮ-ний нэгжийн үйл ажиллагааны тэргүүн туршлага болон Орон нутгийн хөгжлийн сангийн сайн туршлагаа бусаддаа хуваалцсан, • Монгол Улсын Засгийн газраас 2023 онд улс орон даяар төрийн байгууллагад ISO:9001 стандартыг хэрэгжүүлэх үүрэг чиглэл өгсөн. Тус ажлыг сумдын Засаг даргын Тамгын газарт чанартай хэрэгжүүлэх хүрээнд ISO-9001:2016 стандартын талаарх ойлголт түүнийг хэрхэн нэвтрүүлэх талаар нэгдсэн мэдээллийг “Төгс өөрчлөлт” ТББ-зөвлөх багш нар өгч заавар зөвлөмжөөр хангасан, • Төрийн албан хаагчдыг идэвхжүүлэх зорилгоор “Глобал Удирдагч” их сургуулийн захирал Б.Солонго хувь хүний хөгжлийн талаарх лекц уншиж танилцууллаа. Эдгээр арга хэмжээний хүрээнд сумдууд харилцан туршлага судалсан, танилцсан жишиг арга хэмжээ болсон.

АСРАМЖИЙН ГАЗРЫН ХҮҮХДҮҮД ӨЛСГӨЛӨНТЭЙ НҮҮР ТУЛАХАД ОЙРХОН БАЙНА

10 / 18 0 сэтгэгдэл 600 үзсэнe

Монголын төр хүүхдэд ээлгүй гэдгээ дахин баталлаа. Учир нь 2022 онд хүүхэд асрамжийн “Өнөр бүл” төвд 2.4 тэрбум төгрөг төсөвлөсөн ч төсвийн хэмнэлт нэрийн дор 148 сая орчим төгрөг нь тодотголоор хасагджээ. Хасагдсан мөнгөний 79 сая нь хоол, хүнсний зардлаас танагдсан байна. Ингэхдээ Хөдөлмөр, нийгмийн хамгааллын яам, Сангийн яамны зүгээс асрамжид хүмүүжиж буй хүүхдүүдийн хоногт хэрэглэх хоолны норм, хувцас, хичээлийн хэрэгсэл зэргийн нормативыг батлахдаа дунджаар 2013 оны нормативтай ижил хэмжээнд баталжээ. Өөрөөр хэлбэл, нэг хүүхэд өдөрт идэх өндөгний үнийг 80 төгрөг гэжээ. Өндөг худалдаж авах үнийг 400 төгрөгөөр бодсон. Тэгэхээр таван өдрийн турш нэг өндөг хувааж иднэ гэсэн үг. Мөн тараг, аарцыг 2850, сүүг 2130, гурилыг 1280, гурилан бүтээгдэхүүнийг 2850, ургамлын тосыг 4000, төмсийг 1420, будааг 2550, махыг 12200 төгрөгөөр бодож, норматив баталсан. Хүүхэд өдөрт 110 грамм мах иднэ гэж заажээ. Түүнчлэн, өдөр тутмын ахуйн хэрэглээ, хувцасны үнийг хэдээр тооцсоныг уншигч та дараах баримтаас харж болно. Сангийн яам, ХНХЯ-ны зүгээс хүүхдийн дотоож 850 төгрөг, нимгэн оймс 1200, зузаан оймс 1400, унтлагын хувцас 10.700, дүрэмт хувцас 56.800, гэрийн шаахай 2800, хөхний даруулга 3500, трико 4200, бээлий 4250, хүзүүний ороолт 7100, зуны гутал 28400, өвлийн гутал 56.800 төгрөгөөр авна гэж баталжээ. эх сурвалж:tac.mn

АСРАМЖИЙН ГАЗРЫН ХҮҮХДҮҮД ӨЛСГӨЛӨНТЭЙ НҮҮР ТУЛАХАД ОЙРХОН БАЙНА

10 / 18 0 сэтгэгдэл 454 үзсэнe

Монголын төр хүүхдэд ээлгүй гэдгээ дахин баталлаа. Учир нь 2022 онд хүүхэд асрамжийн “Өнөр бүл” төвд 2.4 тэрбум төгрөг төсөвлөсөн ч төсвийн хэмнэлт нэрийн дор 148 сая орчим төгрөг нь тодотголоор хасагджээ. Хасагдсан мөнгөний 79 сая нь хоол, хүнсний зардлаас танагдсан байна. Ингэхдээ Хөдөлмөр, нийгмийн хамгааллын яам, Сангийн яамны зүгээс асрамжид хүмүүжиж буй хүүхдүүдийн хоногт хэрэглэх хоолны норм, хувцас, хичээлийн хэрэгсэл зэргийн нормативыг батлахдаа дунджаар 2013 оны нормативтай ижил хэмжээнд баталжээ. Өөрөөр хэлбэл, нэг хүүхэд өдөрт идэх өндөгний үнийг 80 төгрөг гэжээ. Өндөг худалдаж авах үнийг 400 төгрөгөөр бодсон. Тэгэхээр таван өдрийн турш нэг өндөг хувааж иднэ гэсэн үг. Мөн тараг, аарцыг 2850, сүүг 2130, гурилыг 1280, гурилан бүтээгдэхүүнийг 2850, ургамлын тосыг 4000, төмсийг 1420, будааг 2550, махыг 12200 төгрөгөөр бодож, норматив баталсан. Хүүхэд өдөрт 110 грамм мах иднэ гэж заажээ. Түүнчлэн, өдөр тутмын ахуйн хэрэглээ, хувцасны үнийг хэдээр тооцсоныг уншигч та дараах баримтаас харж болно. Сангийн яам, ХНХЯ-ны зүгээс хүүхдийн дотоож 850 төгрөг, нимгэн оймс 1200, зузаан оймс 1400, унтлагын хувцас 10.700, дүрэмт хувцас 56.800, гэрийн шаахай 2800, хөхний даруулга 3500, трико 4200, бээлий 4250, хүзүүний ороолт 7100, зуны гутал 28400, өвлийн гутал 56.800 төгрөгөөр авна гэж баталжээ. эх сурвалж:tac.mn

ОН ГАРСНААС ХОЙШ 20 САЯ ТОНН НҮҮРС ЭКСПОРТОЛЖЭЭ

10 / 18 0 сэтгэгдэл 449 үзсэнe

Аравдугаар сарын 7-13-ны өдрүүдэд 8023 автомашин, 1549 чингэлэг нийт 1038 мян.тонн нүүрс экспортод гарчээ. Энэ нь өмнөх оны мөн үеэс 186 хувь буюу 1.9 дахин өссөн үзүүлэлт юм. Эрдэс бүтээгдэхүүний нийт экспорт дунджаар 80 хувийн гүйцэтгэлтэй байна. Тухайлбал, нүүрс 114.1 зэсийн баяжмал 94 төмөр 70.4 алт 79.3 газрын тос 43.7 цайр 114.5 хайлуур жонш 38.3 хувьтай байна. Оны эхнээс 20,5 сая тонн нүүрс экспортолсон нь өмнөх оны мөн үеийн хэмжээнээс 58.5 хувиар өссөн гэж Уул уурхай, хүнд үйлдвэрийн яамнаас мэдээллээ.

ЭМЭГТЭЙ ХҮМҮҮЖИГЧИД ТИВ ХООРОНДЫН ШАТРЫН ТЭМЦЭЭНЭЭС АЛТАН МЕДАЛЬ ХҮРТЛЭЭ

10 / 18 0 сэтгэгдэл 863 үзсэнe

FIDE Олон Улсын шатрын холбооноос “Шатрын эрх чөлөөний хөтөлбөр”-ийн хүрээнд хүмүүжигчдийн дунд тив хоорондын шатрын аварга шалгаруулах хоёр дахь удаагийн цахим тэмцээнийг АНУ-ын Чикаго хотын хорих байгууллагатай хамтран аравдугаар сарын 13-14-ний өдрүүдэд зох иогдсон юм. Тэмцээнд АНУ, БНЭУ, ХБНГУ, Норвеги, Австрали, Канад зэрэг дэлхийн 46 орны 85 багийн тамирчид өрсөлдсөн бол Монгол Улсаа төлөөлөн 415 дугаар нээлттэй, хаалттай хорих анги, 427 дугаар нээлттэй, хаалттай хорих ангиас эрэгтэй хоёр баг, 407 дугаар нээлттэй, хаалттай хорих ангиас эмэгтэй нэг багийн хүмүүжигчид өрсөлдөхөд эмэгтэйчүүдийн ангилалд Монгол Улсын баг алтан медаль хүржээ. Эргэн сануулахад 2021 онд зохион байгуулагдсан анхдугаар тэмцээнд Монгол Улсын баг тамирчид алтан медаль хүртэж, түүхэн амжилт гаргаж байсан аж.