ТАЛИЙГААЧ Г.АЛТАНД ХОЛБОГДОХ ХЭРГИЙГ ЦАГААТГАЖЭЭ

11 / 02 1 сэтгэгдэл 419 үзсэнe

"Жаст"-ын Ш.Батхүүг "Эрдэнэт" үйлдвэрийн 51 хувийг барьцаанд тавьж, гаднын "Стандарт" банкнаас их хэмжээний зээл авсан хэрэгт яллагдагчаар татсан. Мөн"Алтжин" группын Ерөнхий захирал Г.Алтан, түүний хүү Э.Сүрэн нарыг нотлох баримтыг хуурамчаар үйлдсэн гэх үндэслэлээр яллагдагчаар татан хэргийг нь шүүхэд шилжүүлээд байсан ба шүүхээс талийгаач Г.Алтанд холбогдох хэргийг "Хэргийн холбогдогч нас барсан" гэх үндэслэлээр хэрэгсэхгүй болгож, цагаатгажээ. Харин шүүгдэгч Ш.Батхүү Ч.Ганзориг Б.Мөнхжаргал Э.Сүрэн нарыг гэм буруутайд тооцож үргэлжлүүлэн шүүж байгаа. Найм хоног шүүх хурал үргэлжилж, өнөөдөр /2022.11.02/ тав хоногийн завсарлага авлаа.

Ч.МАРАЛМААД ХИЛИЙН ХОРИГ ТАВИЛАА

11 / 02 0 сэтгэгдэл 977 үзсэнe

Аравдугаар сарын 7-ны өдөр авто замын урсгал сөрж, долоон машин мөргөн, хоёр хүүхэд гэмтээсэн онц ноцтой осол гаргасан Ч.Маралмаад хилийн хориг тавилаа. Баянзүрх дүүргийн Эрүүгийн хэргийн анхан шатны шүүхэд Тээврийн прокурорын газраас Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.2, 2.4 дэх заалтад тус тус заасан эрүүгийн хэрэгт яллагдагчаар татагдсан Ч.Маралмаад Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг авах талаар ирүүлсэн. Дээрх саналыг шүүх өнгөрөгч аравдугаар сарын 25-ны өдөр хянан хэлэлцээд Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1, 2 дахь хэсэг, 14.13 дугаар зүйлийн 1, 8 дахь хэсэгт тус тус зааснаар яллагдагч Ч.Маралмаад Монгол Улсын хилээр гарахыг хориглох хязгаарлалт тогтоох таслан сэргийлэх арга хэмжээ авч шийдвэрлэжээ. Эрүүгийн хуулийн 27.10 дугаар зүйл. Автотээврийн хэрэгслийн хөдөлгөөний аюулгүй байдал, ашиглалтын журам зөрчих 2.Энэ гэмт хэргийг: 2.2.тээврийн хэрэгсэл жолоодох эрхгүй хүн; 2.4.их хэмжээний хохирол учруулж үйлдсэн бол тээврийн хэрэгслийг жолоодох эрхийг нэг жилээс гурван жил хүртэл хугацаагаар хасаж зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.

ХОРИХ АНГИД ДАХИАД НЭГ ЭМЭГТЭЙ НАС БАРАВ

11 / 01 0 сэтгэгдэл 753 үзсэнe

Хорих ангид ял эдэлж байсан 64 настай иргэн өчигдөр /2022.10.31/ амиа алдсан харамсалтай хэрэг гарчээ. Эх сурвалжийн мэдээлж буйгаар “Эрүүгийн хуулийн тусгай ангийн 11.1 дүгээр зүйлийн 2.1 дэх хэсэгт зааснаар зургаан жил хорих ял шийтгүүлсэн Ц нь 2020 оны гуравдугаар сарын 18-ны өдрөөс 407 дугаар нээлттэй, хаалттай хорих ангид ял эдэлж байсан. Талийгаач нь энэ оны аравдугаар сарын 25-ны өдрөөс Шүүхийн шийдвэр гүйцэтгэх ерөнхий газрын харьяа 401 дүгээр хаалттай хорих анги-Нэгдсэн эмнэлэгт “Тархины судасны нуруу суурийн артерийн бүсийн цус тасалдах харвалт, хурцавтар үе, дух, чамархай, зулай дагзны дэлбэнгийн хуучин гэмтэл, няцрал болон харвалтын дараах олон тооны өөрчлөлт, зүрхний архаг дутагдал, хэм алдагдал, артерийн даралт ихсэх өвчний хоёрдугаар зэрэг өндөр эрсдэлтэй” гэх оноштойгоор хэвтэн эмчлүүлж байхдаа өвчний улмаас нас баржээ. Талийгаач өмнө нь цусны даралт ихсэх, зүрхний архаг цус хомсрох, зүрхний хэм алдагдал, бамбай булчирхайн бахуу зэрэг архаг хууч өвчтэй байсан ба 2019 онд зүүн дунд чөмөг хугарч, суга таяг, тэргэнцэр хэрэглэж эхэлсэн аж. 2022 оны хоёрдугаар сард 401 дүгээр хаалттай хорих анги-Нэгдсэн эмнэлэгт өвчний учир ялаас чөлөөлөх саналыг хүргүүлсэн боловч Шүүхийн шинжилгээний үндэсний төвөөс ял эдлэх чадвартай гэсэн дүгнэлтийг гаргаж байжээ.

БАГА НАСНЫ ХҮҮХДЭД ФЕЙСБҮҮКЭЭР САДАР САМУУН ДҮРС БИЧЛЭГ ИЛГЭЭЖ, НҮЦГЭН ЗУРАГ ШААРДАЖ ДАРАМТАЛСАН, ЗАНАЛХИЙЛСЭН ЭТГЭЭДЭД ЯЛ ОНОГДУУЛАВ

11 / 01 0 сэтгэгдэл 773 үзсэнe

Насанд хүрсэн этгээд болох Б хэн болохоо нууцалсан фэйсбүүк хаягаас 11 настай хохирогч С-тэй фэйсбүүкээр танилцаж, хохирогчийг хэдэн настай, хаана сурдаг, хичээл нь хэдэн цагаас тардаг, гэрийн хаяг зэрэг хувийн мэдээллийг нь олж авчээ. Улмаар садар самуун агуулга бүхий богино хэмжээний дүрс бичлэгийг түүний фэйсбүүк хаяг руу илгээн сүрдүүлж, биеийнхээ тодорхой хэсгийг харуулсан зургийг нь өөртөө авсны дараа “надтай уулзаж бэлгийн харьцаанд орохгүй бол зургийг чинь сургуулийн фэйсбүүк группт тавина, аав, ээжид чинь үзүүлнэ” гэж мессеж бичиж, тодорхой үйлдэл хийхийг шаардан, гэр сургуулийнх нь гадаа ирэх, утсаар залгах, фэйсбүүк хаягаас зурвас илгээх зэрэг үйлдэл хийжээ. Эрүүгийн хэргийн анхан шатны шүүхээс, Б-ын дээрх үйлдэлд Эрүүгийн хуульд заасан “хүүхдэд садар самууныг сурталчлах, уруу татах” гэмт хэрэг болон “заналхийлэх” гэмт хэргийн шинжийг хангасан гэж үзэж, Б-г дээрх гэмт хэргүүдийг үйлдсэн гэм буруутайд тооцож нийтэд тустай ажил хийлгэх ял оноолоо. Хуульд зааснаар “хүүхдэд садар самууныг сурталчлах, уруу татах” гэмт хэрэг үйлдсэн этгээдэд торгох, нийтэд тустай ажил хийлгэх, зорчих эрх хязгаарлах, хорих ялын аль нэгийг харин “заналхийлэх” гэмт хэрэг үйлдсэн этгээдэд торгох, нийтэд тустай ажил хийлгэх, зорчих эрх хязгаарлах ялаас аль нэгэн ялыг сонгон оногдуулахаар тус тус хуульчилсан байдаг. Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн тамгын газар

С.БАЯРЦОГТ: АВЛИГА АВСАН, МӨНГӨ УГААСАН ГЭХ ХЭРГИЙГ ХЭРЭГСЭХГҮЙ БОЛГОСОН ШВЕЙЦАРЫН ПРОКУРОРЫН ТОГТООЛЫГ НПГ-Т ӨГЧ БАЙНА

11 / 01 3 сэтгэгдэл 491 үзсэнe

Сангийн сайд асан С.Баярцогт өнөөдөр Швейцарын прокурорын байгууллагаас хэргийг нь цагаатгасан талаар мэдээлэл хийлээ. Тэрээр "Надад 2016 оноос хойш Оюутолгойн гэрээтэй холбогдуулан эрүүгийн хэрэг үүсгэж маш удаан хугацаанд шалгасан. Энэ болгоныг тухайн үед хэвлэл мэдээллийн байгууллагууд удаа дараа мэдээлж байсан. Зөвхөн Монголд ч биш яг энэ хэргийг тодорхой улстөрчдийн оролцоотойгоор, олон нийтийн байгууллагын нэрээр Швейцарын Холбооны Улсад 2016 онд үүсгэсэн байсан. Зургаан жилийн хугацаанд энэ хэргийг Монголд шалгасан. Швейцар улс эрх зүйн харилцан туслалцах гэрээний хүрээнд Монгол, Хонконг, Австралийн хууль хүчний байгууллагуудтай хамтарч уг хэргийг шалгасан юм байна лээ. 2022 оны зургаадугаар сарын 13-нд Монгол Улсын Нийслэлийн Прокурорын Газраас//НПГ надад тулгаж үүсгэсэн байсан албан тушаалаа урвуулан ашигласан, мөнгө угаасан, үндэслэлгүй хөрөнгөжсөн гэх хэргүүдийг хэрэгсэхгүй болгосон. Яг үүнтэй адилхан нэг материал дээр Швейцар улсаас үүсгэсэн байсан авлига авсан, мэргэжлийн аргаар мөнгө угаасан гэх хэргийг хэрэгсэхгүй болгосон Швейцарын Холбооны Улсын прокурорын тогтоолыг тус улсад байгаа миний өмгөөлөгчөөр дамжуулан 2022 оны наймдугаар сарын 24-нд надад ирүүлсэн. Миний хувьд хаагдсан хэргийнхээ материал дээр үүнийг нэмж хүргүүлье гэж бодож байлаа. Гэтэл сүүлийн үед зохион байгуулалттайгаар энэ хэргийн талаар мэдээллүүд гарч эхэлсэн. Тийм учраас зориуд хэвлэл мэдээллийнхний оролцоотойгоор НПГ-ын Тамгын газрын даргад Швейцараас ирсэн тогтоолыг гардуулан өгч байна. Уг тогтоол герман хэл дээр байгаа. Албан ёсны орчуулгын товчоогоор орчуулсан орчуулгын хамт өгч байна" хэмээн ярилаа. НПГ-ын Тамгын газрын дарга "Нийслэлийн Прокурорын газарт хандаж байгаа таны хүсэлтийг хүлээн авч байна. Холбогдох албан тушаалтанд хуваарилаад шийдвэрлэх бичгээ танд өгнө" хэмээв.

Л.ЭНХ-АМГАЛАН САЙДЫГ МҮИС-ИЙН АЖИЛ ХЭРГИЙН НЭР ХҮНДИЙГ СЭРГЭЭЖ, НЭХЭМЖЛЭГЧЭЭС УУЧЛАЛТ ГУЙХЫГ ИХАШШ-ЭЭС ДААЛГАЖЭЭ

11 / 01 0 сэтгэгдэл 562 үзсэнe

Боловсрол, шинжлэх ухааны сайд Л.Энх-Амгалан, Монголын Үндэсний Их сургуулийн хооронд 2021 онд нэлээдгүй маргаан дэгдээд байв. Л.Энх-Амгалан сайд: “Хөдөө орон нутгийн оюутнууд хотод ирэхэд МУИС-д ороод байгаа юм уу, МҮИС-д ороод байгаа юм уу гэдэг их төөрөгдөл үүсэж байгаа. Тийм учраас бид нар энэ нэрээ буцааж авна, энэ бол Монголын төрийн өмч, Монголын ард түмний өмч, Хоёрдугаарт, УИХ-д өргөн барьсан Дээд боловсролын тухай хуульд ямар нэгэн “Монголын Үндэсний.... хэмээх нэрийг авахыг хориглож байгаа” хэмээн мэдээлэл хийсэн.Энэхүү мэдээлэл хийсний дараагаар Монголын Үндэсний Их сургуулиас Боловсрол шинжлэх ухааны яаманд ”МҮИС-ийн нэр хүндийг гутаан доромжилсон” хэмээн гомдол гаргав. Жилийн хугацаанд маргалдсаны эцэст Монгол улсын төрийн хэлний зөвлөлийн хэл шинжлэлийн дүгнэлтэд “...“National University of Mongolia”, “Mongolian national university” гэсэн хэллэгүүдийн үгийн бүрэлдэхүүн болон дуудлага ижил үгсийн байрлал өөр тул авиазүйн талаар төөрөгдүүлэх боломжгүй, ялгаатай, “Монгол Улсын” гэсэн хэллэг нь тус сургууль төрийн өмчийн байгууллага болохыг илэрхийлж байна.Иймээс Монголын Үндэсний их сургуулийн нэр нь “Өрсөлдөөний тухай” хуулийн “Өрсөлдөөнийг хязгаарлахад чиглэсэн үйл ажиллагаа” гэсэн 12 дугаар зүйлийн 12.1.4 дэх хэсгийн “Бусдын барааны тэмдэг, шошго аж ахуй эрхлэгчийн нэр барааны чанарын баталгааг дур мэдэн хэрэглэх, барааны оноосон нэр, баглаа боодлыг хуулбарлах”-ийг хориглосон заалтыг зөрчөөгүй байна” хэмээн үзжээ. Ийнхүү Иргэний хэргийн анхан шатны шүүхээс, хариуцагч яам нь “МҮИС нэрийг үндэслэлгүй авсан, нэр нь төрийн өмч учраас буцааж авна, МУИС, МҮИС гэх нэр бичвэр болон дуудлагын хувьд төсөөтэй, нэрийн давхардал нь гадаад харилцаанд болон хэрэглэгчдийг төөрөгдүүлсэн” гэх мэдээллийнхээ үнэн зөвийг нотолж чадаагүй тул МҮИС-ийн ажил хэргийн нэр хүндийг сэргээж, нэхэмжлэгчээс уучлалт гуйх, мэдээлэл тараасан хэлбэрээр няцаалт хийхийг яаманд даалгаж шийдвэрлэсэн байна.

БАЙГУУЛЛАГУУДЫН ЦАХИЛГААНЫ ТӨЛБӨРИЙГ 14-28%-ИАР НЭМЭХ ШИЙДВЭР ӨНӨӨДРӨӨС ХЭРЭГЖИЖ БАЙНА

11 / 01 0 сэтгэгдэл 482 үзсэнe

Эрчим Хүчний Яамнаас мэдээлснээр аж ахуйн нэгж, байгууллагуудын цахилгаан эрчим хүчний хэрэглээний төлбөрийг 14-28%-аар нэмэх шийдвэр өнөөдрөөс/2022.11.01/ хэрэгжиж эхэлж байна. Сард 5,000-аас кВт.цагаас доош хэрэглээтэй ААН-ийн цахилгааны төлбөрийг 14 хувь, 5,001 ба түүнээс дээш кВт.цагийн хэрэглээтэй бол 28 хувиар нэмж байна. Харин уул уурхай, үүрэн телефоны оператор компани, банкны салбарын байгууллагын сарын цахилгаан эрчим хүчний хэрэглээг 2,000 кВт.цагаас дээш 28-иар нэмжээ.

“АЖНАЙ“ Д.БАТ-ЭРДЭНИЙГ НҮҮРСНИЙ ХЭРГЭЭР ШАЛГАЖ БАЙНА

11 / 01 0 сэтгэгдэл 504 үзсэнe

Засгийн газраас энэ оны сүүлийн нэг сенсациар нүүрсний хэргийг сөхөхөөр шийдсэн. Тодруулбал: “Эрдэнэс Тавантолгой” дамнасан “Нүүрсний бүлэглэл”-тэй тэмцэхээр эхнээсээ нэр бүхий улс төрчид, албан тушаалтнуудыг шалгаад эхэл жээ. Цахимаар өөрийгөө тултал сэвүүлэн нүүрсний хэдэн тэрбумыг хэвлэл мэдээлэлдээ зарцуулсан Эрдэнэс Тавантолгой ХК-ийн гүйцэтгэх захирал Б.Ганхуягийг нүүрсний хэрэгт саатуулан шалгаж байгаа. Түүнийг дагасан улстөрчдийн зөвлөх, туслах нэртэй “мөнгө угаагчид” ч сандралдаж яваа сурагтай. "Но"нь эхнээсээ илэрч цааш хэрхэн хөврөх нь ойлгомжтой болоод байна хэмээн МАН дотор яриа гараад буй. Хамгийн ноцтой нь манай УИХ-ын гишүүд хоёр хуваагдаж зарим нь ЭТТ ХК-ийн захирал асан Б.Ганхуягийг хамгаалж яваа бол зарим нь улсын төсөвтэй дүйцэхүйц мөнгөн хөрөнгийг хувьдаа завшсан байж болзошгүй хүмүүсийн үйлдлийг шалгах нь зүйтэй хэмээж байгаа. Учир нь МАН-ын хөшигний ард ЗГХЭГ-ын даргаар ажиллаж байсан Ж.Мөнхбатыг Д.Ариунболдтой хэргийг нам даруулсан гэгдээд өнгөрч байсан.Хэрэв ЭТТ-н акц энэ чиглэлд өрнөвөл Б.Ганхуяг гэхээсээ илүү "ажнай" Д.Бат-Эрдэнийг УИХ-ын гишүүнээс нь түдгэлзүүлэн шалгах хүртэл арга хэмжээ авахаар тохирсон аж. Ө чигдөр /2022.11.01/ Дотоод хяналт эрсдлийн удирдлагын газрын дарга Х.Нурлат, Уул уурхай, технологийн газрын дарга Д.Уужимсанаа, Санхүү хөрөнгө оруулалтын газрын дарга З.Амгаланбаатар, Худалдан авалтын газрын дарга М.Бат-Эрдэнэ, Ерөнхий нягтлан бодогч н.Алтанцэцэг нарыг чөлөөлжээ.

ЧИХЭР ЦУГЛУУЛЖ ЯВСАН ОХИНД ХАЛДСАН ЭР СОГТУУ БАЙСАН АЖ

10 / 31 0 сэтгэгдэл 894 үзсэнe

Өнгөрөгч амралтын өдөр Halloween буюу "Сүнсний баяр"-ыг тохиолдуулан хөршүүдээсээ чихэр цуглуулж явсан бага насны хүүхдийн биед халдсан гэх мэдээлэл олон нийтийн хэрэгслээр цацагдсан. Тодруулбал, аравдугаар сарын 29-ний өдрийн 16.50 цагт Баянгол дүүргийн нутаг дэвсгэрт “Доод айлын хүн манай хүүхдийн гэдэс рүү өшиглөсөн байна” гэх дуудлага цагдаагийн байгууллагад иржээ. Энэхүү дуудлагын мөрөөр тус дүүрэг дэх цагдаагийн газрын нэгдүгээр хэлтсээс шалгахад 9 настай, эмэгтэй “Н” гэгчийг "Сүнсний баяр" хэмээн чихэр цуглуулах зорилгоор доод айлын хаалгыг тогшиход тус байранд оршин суух 56 настай, эрэгтэй “Х” гэгч нь архи, согтууруулах ундааны зүйл хэрэглэсэн үедээ өшиглөсөн гэх үйлдэлд шалган шийдвэрлэх ажиллагаа явуулж эхэлжээ.

"ЦАГААН ХАД" ЧИГЛЭЛД АЧААНЫ АВТОМАШИНУУД МӨРГӨЛДӨЖ, ХОЁР ХҮН НАС БАРЖЭЭ

10 / 31 2 сэтгэгдэл 1 012 үзсэнe

"Цагаан хад" чиглэлийн замд нүүрс тээврийн автомашинууд мөргөлдөж, хоёр хүн нас баржээ Өмнөговь аймгийн Цогтцэций сумын Сийрст багийн Зайрмагт гэдэг газар хоёр автомашин шатаж байна гэсэн дуудлага энэ сарын 30-ны өдрийн 20:58 цагт Онцгой байдлын албанд иржээ. Дуудлагын дагуу тус аймгийн Онцгой байдлын газрын Гал түймэр унтраах, аврах 44 ангийн алба хаагчид очиход Цогтцэций сумаас “Цагаан хад” чиглэлийн замд “Шаанкси” загварын ачааны автомашинууд мөргөлдөж, автомашины бүхээг, дугуй шатаж байсан. Улмаар 43,48 насны хоёр жолооч галд өртөж нас баржээ. Эх сурвалж: ОБЕГ