"СОЁЛЫН БҮТЭЭЛЧ САР" АЯНЫ ХҮРЭЭНД “ТҮҮХЭН ХҮМҮҮНЭЭС СУРАЛЦАХУЙ” СЭДЭВТ ЭСЭЭ БИЧЛЭГИЙН УРАЛДААН ЗАРЛАГДЛАА
"СОЁЛЫН БҮТЭЭЛЧ САР" АЯНЫ ХҮРЭЭНД “ТҮҮХЭН ХҮМҮҮНЭЭС СУРАЛЦАХУЙ” СЭДЭВТ ЭСЭЭ БИЧЛЭГИЙН УРАЛДААН ЗАРЛАГДЛАА
7 ХОНОГИЙН ОНЦЛОХ АРГА ХЭМЖЭЭНҮҮД
“Соёлын бүтээлч сар” аяны хүрээнд хоёр дахь долоо хоногт зохион байгуулагдаж буй онцлох арга хэмжээнүүдийг танилцуулж байна. Өвлөн бүтээх өнөө ирээдүй
“ОЙ 2 САРТАЙ ХҮҮХДИЙН НАС БАРСАН ШАЛТГААНЫ ДҮГНЭЛТ ГАРААГҮЙ БАЙНА"
ӨНГӨРӨГЧ САРД БУЮУ АРАВДУГААР САРЫН 28-НЫ ӨДӨР СОНГИНОХАЙРХАН ДҮҮРЭГТ БАЙРЛАХ “БУМАН ЖААЛУУД” ГЭХ НЭРТЭЙ ӨДӨР ӨНЖҮҮЛЭХ ГАЗАРТ ОЙ 2 САРТАЙ ХҮҮХЭД НАС БАРСАН ХЭРЭГ ГАРСАН БА УРЬДЧИЛСАН БАЙДЛААР ХАХСАНЫ УЛМААС НАС БАРСАН ХЭМЭЭН ҮЗСЭН. ГЭВЧ ЯМАР ШАЛТГААНЫ УЛМААС АМИА АЛДСАН ТУХАЙ ШИНЖИЛГЭЭГ ШҮҮХ БАЙГУУЛЛАГААС ХИЙЖ БАЙНА ХЭМЭЭН ТУХАЙН ҮЕД АЛБАНЫ ЭХ СУРВАЛЖ МЭДЭЭЛЖ БАЙСАН. ТЭГВЭЛ ТУС ШАЛГАЛТЫН ДҮГНЭЛТ ГАРСАН ЭСЭХИЙГ ЦЕГ-ААС ТОДРУУЛАХАД “ОЙ 2 САРТАЙ ХҮҮХЭД “ӨДӨР ӨНЖҮҮЛЭХ ГАЗАР”-Т АМИА АЛДСАН ХЭРГИЙГ СОНГИНОХАЙРХАН ДҮҮРГИЙН ЦАГДААГИЙН ГАЗРААС ШАЛГАЖ БУЙ. ОДООГООР НАС БАРСАН ШАЛТГААНЫГ ТОДРУУЛАХААР ШҮҮХ ШИНЖИЛГЭЭНИЙ БАЙГУУЛЛАГААС НАРИЙН ШИНЖИЛГЭЭ ХИЙСЭЭР БУЙ. УГТАА НАС БАРСАН ХҮНД 30 ГАРУЙ ТӨРЛИЙН ШИНЖИЛГЭЭ ХИЙГДДЭГЭЭС ДИЙЛЭНХИЙНХ НЬ ХАРИУ ГАРСАН. ГЭХДЭЭ НАС БАРСАН ШАЛТГААНЫГ ХЭЛЭХЭД АРАЙ ЭРТЭДНЭ. БҮХ ШИНЖИЛГЭЭНИЙ ДҮН ГАРСНЫ ДАРААГААР ХАРИУ ТОДОРХОЙ БОЛНО" ХЭМЭЭВ.
ХАВДРЫН ШИНЭ ЭМНЭЛГИЙН 3 ТЭРБУМЫН ЗУРАГ ТӨСЛИЙГ “БОДЬ“ КОМПАНИ ХИЙХЭЭР БОЛЖЭЭ
Эрүүл мэндийн сайд Т.Мөнхсайхан өнгөрсөн есдүгээр сарын 18-нд манай сайтад өгсөн ярилцлагадаа "Хавдар судлалын үндэсний төв-2" эмнэлгийн барилгын ажлын зураг төсөл нь дуусаагүй байсан тул төсвөөс болон бусад эх үүсвэрээс зардал гаргах боломжгүй болсон. Зураг төсөл нь эцэслэн батлагдаагүй тохиолдолд төсөвт суулгах боломжгүй юм билээ" гэж хэлж байсан Тэгвэл "Хавдар судлалын үндэсний төв-2" эмнэлгийг барих зураг төслийг нь "Бодь" компани хийхээр болжээ. Эрүүл мэндийн сайд Т.Мөнхсайхан өнөөдөр news.mn сайтад өгсөн ярилцлагад "Шинэ эмнэлгийн зураг төслийг Эдийн засаг, хөгжлийн яам дээр гурван тэрбумыг төсөвлөсөн. Тендерийг хоёр удаа зохион байгуулж, 2024 оны аравдугаар сарын 20-нд зураг төслийг нь гүйцэтгэх компани нь шалгарсан. Уг шинэ эмнэлэг барихад нийт 450-500 тэрбум төгрөгийн хөрөнгө оруулалт шаардлагатай" гэжээ.
ЗАЙСАНГИЙН ХУУЧИН ГҮҮРНИЙ УРД УУЛЗВАРЫН ХӨДӨЛГӨӨНИЙГ ХЭСЭГЧЛЭН ТҮР ХААНА
Зайсангийн хуучин гүүрийн хөдөлгөөнийг энэ сарын 8-ны өдөр хааж, бохирын шугамыг шилжүүлэхээр төлөвлөж байсан. Харин төлөвлөгөөг шинэчлэн гаргаж хуучин гүүрний урд уулзвар хэсгийн хөдөлгөөнийг өнөө шөнө буюу арваннэгдүгээр сарын 12-ны 00:00 цагаас эхлэн хэсэгчлэн хааж, бохирын шугам угсралт болон худаг байгуулах ажлыг хийн энэ сарын 30-ны 06:00 цагт нээхээр төлөвлөж байна. Энэ хугацаанд хуучин, шинэ гүүрний хөдөлгөөнийг хаахгүй юм. Зайсангийн төмөрбетон гүүрийн өргөтгөл шинэчлэлтийн ажлын талаар НЗХГ-ын Гүүрийн хяналтын мэргэжилтэн Б.Жаргалдүүрэн “Зайсангийн иргэдийн хэрэглэж байгаа бохир усны шугамыг шинэ татсан шугамтай холбох ажлыг гүйцэтгэх хүрээнд энэ сарын 8-12-ны өдрүүдэд шөнийн цагаар шинэ гүүрний хэсэг болох баруун хэсгийн шугам холболтын ажлыг гүйцэтгэж байгаа бөгөөд өдрийн цагаар хөдөлгөөнийг хэвийн үргэлжлүүлж байна. Харин маргааш буюу арваннэгдүгээр сарын 12-ны 00:00 цагаас эхлэн Зайсангийн гүүрний хот чиглэл буюу хуучин гүүрнээс урагш уулзвар хүртэлх авто замын зорчих хэсгийн тал хэсгийг 20 метр орчим хааж, бохирын шугам угсралт болон худаг байгуулах ажлыг хийнэ. Энэ хугацаанд замын хөдөлгөөнийг сөрөг хөдөлгөөнөөр зорчуулах бөгөөд хоёр гүүрний хөдөлгөөн хэвийн үргэлжилнэ” хэмээв.
Н.МӨНХШҮР, Н.ЭНХШҮР ХОЁР ОЮУНЫ ОЛИМПЫН АВАРГА БОЛЛОО
Дөрвөн жилд ганцхан удаа болдог оюуны спортын хамгийн том тэмцээн болох “Оюуны Олимп”-д ой тогтоолтын 6 төрөлд амжилттай өрсөлдөж 2 алт, 2 мөнгө, 1 хүрэл медаль, дэлхийн нэг рекорд эвдэж Олимпын Аваргууд болжээ. Улсын Аварга, Ази тивийн аварга, Дэлхийн Аварга, Геннисийн рекордууд гээд олон дээд амжилтын эзэд болсон тэд Олимпын аварга хэмээх амжилтыг ийнхүү анх удаа хүртлээ. Тэд “Бидэнд итгэж, дэмжиж ирсэн гэр бүл, багш дасгалжуулагч нар, найз нөхөд, ах дүү нартаа чин сэтгэлээсээ талархлаа илэрхийлье” гэжээ.
УБЕГ-ЫН ДАРГА Д.ДЭЛГЭРСАЙХАН ӨРӨӨНДӨӨ АРХИДАЖ, АЖИЛТНАА ЗОДЖЭЭ
Төрийн албан байранд архидаж, согтуурсны улмаас хүний амь нас эрсэдсэн хэд хэдэн тохиолдол гарч, Засгийн газраас “Төрийн байгууллагад архи, согтууруулах ундаа хадгалах, хэрэглэхийг хориглосон. Энэ тохиолдолд тухайн алба хаагчийг албан үүргээс нь шууд чөлөөлөх” зохицуулалттай болсон. Гэвч төрийн байгууллага дахь, ялангуяа удирдах албан тушаалтнуудын архидалт тасрахгүй байна. Энэ сарын 9-ний өдөр Улсын бүртгэлийн ерөнхий газрын дарга Д.Дэлгэрсайхан албан өрөөндөө архидаж, согтуурсан үедээ ажилтнаа зоджээ. Улмаар ажилтан нь ГССҮТ-д хүргэгдсэн байна. Энэ талаар цагдаагийн байгууллагаас тодруулахад “СБД-ийн 11 дүгээр хороо, УБЕГ-ын орчимд зодуулсан байдалтай хүн ГССҮТ-д 2024 оны 11 сарын 09-ний өдрийн 23:45 цагт ирсэн. Шалгалтын явцад иргэн Т, Д нар нь архидан согтуурсан үедээ маргалдаж улмаар Д нь Т-н нүүрэн тус газар нь цохиж гэмтэл учруулсан. Хохирогчийн биеийн байдал одоогоор хэвийн” гэсэн тодруулгыг өглөө.
ТЭЭВРИЙН ХЭРЭГСЛИЙН УЛСЫН ДУГААР АВАХ НАЙМАН ШАЛГУУР
Нийслэлд түгжрэлийг бууруулах зорилгоор НИТХ-аас 2024 оны хоёрдугаар сарын 8-нд Улаанбаатар хотод олгох тээврийн хэрэгслийн улсын бүртгэлийн дугаарын дээд хязгаарыг 730 мянгаар таслах тогтоол баталсан. Энэ сарын 8-наас мөрдөж эхэлж буй тогтоолын дагуу сар бүрийн 01-ний өдөр шинээр эрэмбэлэн, дараалал тогтоон, дарааллын дагуу тээврийн хэрэгслийн улсын бүртгэлийн дугаар олгоно. Дугаар олгох дэс дарааллыг цахимаар "Car plate" нэртэй платформ шинээр нэвтрүүлж ашиглах бөгөөд Замын хөдөлгөөний удирдлагын төв хариуцан ажиллана гэв. Дугаар олгоход дараах найман шалгуур үзүүлэлтийг баримтлан, бүртгэнэ. - Тээврийн хэрэгслийн өмчлөгч, эзэмшигч нь нийслэлийн оршин суугч иргэн, нийслэлд бүртгэлтэй хуулийн этгээд байх; - Өмчлөгч, эзэмшигч нь Авто замын тухай хуулийн 25 дугаар зүйлийн 25.1.4, 25.1.5, 25.2.1, 25.2.4, 25.2.5 заасан төлбөрөө барагдуулсан байх; - Зөрчлийн тухай хуулийн 14 дүгээр бүлгийн 14.7 дугаар зүйл дэх зөрчил болон төлбөрөө барагдуулсан байх; - Жолоочийн даатгалын тухай хуулийн 5 дугаар зүйлийн 5.1-д заасны дагуу даатгуулсан байх; - Тээврийн хэрэгслийн хөдөлгүүрийн экологийн ангилал нь “евро-4” эсвэл түүнтэй дүйцэхүйц буюу түүнээс дээш байх; - Сүүлийн 10 жилийн дотор үйлдвэрлэгдсэн тээврийн хэрэгсэл байх. /2025 оны 6 дугаар сарын 1-ний өдрөөс/ - Батлагдсан шалгуур үзүүлэлтээр тогтоосон дэс дарааллын эхэнд байх; - Экспортын өмнөх техник хяналтын үзлэгт хамрагдсан байх. /2025 оны 6 дугаар сарын 1-ний өдрөөс/ - Тээврийн хэрэгслийн улсын бүртгэлийн дугаар олгох дэс дарааллыг дараах шалгуур үзүүлэлтээр цахимаар тогтооно. Хүсэлт гаргасан цаг хугацааны дарааллыг дараах шалгуур үзүүлэлтээр тогтооно. - Цахилгаан, устөрөгчийн болон эдгээрийн хосолсон тээврийн хэрэгслийг бензин болон дизель хөдөлгүүртэй тээврийн хэрэгслийн өмнө нь байх; - Тээврийн хэрэгслийн үйлдвэрлэгдсэн огноогоор нь буюу үйлдвэрлэгдээд удаагүй тээврийн хэрэгсэл өмнө нь байх; - Зүүн гар талдаа жолооны хүрдтэй бол баруун гар талдаа жолооны хүрдтэй тээврийн хэрэгслийн өмнө нь байх; - Хүсэлт гаргасан иргэн, хуулийн этгээд нь эзэмшил, өмчлөлдөө тээврийн хэрэгсэлгүй бол эзэмшил, өмчлөлдөө тээврийн хэрэгсэлтэй иргэн, хуулийн этгээдийн өмнө нь байх. - Хүсэлт гаргасан иргэн, хуулийн этгээд нь эзэмшил, өмчлөлдөө авто зогсоолтой бол эзэмшил, өмчлөлдөө авто зогсоолгүй иргэн, хуулийн этгээдийн өмнө байх; - Шалгуур үзүүлэлтийн дагуу эхний сар улсын дугаар авч чадаагүй жагсаалтад байгаа иргэн, хуулийн этгээдийн дараалал нь дараа сарын хүсэлт гаргагч иргэн, хуулийн этгээдийн өмнө байх зэрэг хамаарна. Авто тээврийн хэрэгслийн бүртгэлийн дугаарыг дараах аргачлалаар олгоно. 4.1. Иргэн, хуулийн этгээд Зам, тээврийн хөгжлийн сайдын баталсан /хуучнаар/ “Автотээврийн хэрэгслийн бүртгэл хөтлөх, улсын дугаар олгох журам”-ын дагуу холбогдох бичиг баримтыг бүрдүүлэн тээврийн хэрэгслийн улсын бүртгэлийн дугаар авах хүсэлт гаргана. 4.2. Энэ шалгуур үзүүлэлтийн 4.1-д заасан хүсэлтийг хүлээн авч, сар бүрийн 1-ний өдөр шинээр эрэмбэлэн, дараалал тогтоон, дарааллын дагуу тээврийн хэрэгслийн улсын бүртгэлийн дугаар олгоно.
СЭТГҮҮЛЧДИЙГ АНУ-Д СУРГАХАД ХАМТРАН АЖИЛЛАХААР БОЛЛОО
АНУ-ЫН НИЙСЛЭЛ ВАШИНГТОН ДИ СИ ХОТОД БАЙРЛАХ МЕНТОРА КОЛЛЕЖТOЙ “НИЙСЛЭЛИЙН СЭТГҮҮЛЧДИЙН НЭГДСЭН ХОЛБОО” ХАМТРАН АЖИЛЛАХ ГЭРЭЭ БАЙГУУЛЛАА. МЕНТОРА КОЛЛЕЖИЙН ЗАХИРАЛ Ц.АМГАЛАН МОНГОЛЫН ОЮУТАН ЗАЛУУС РУУ ЧИГЛЭСЭН ОЛОН ТӨРЛИЙН ТУСГАЙ ХӨТӨЛБӨРҮҮД ХЭРЭГЖҮҮЛЖ, ИРЭЭДҮЙ ХОЙЧ ҮЕДЭЭ ДЭЛХИЙД ХҮЛЭЭН ЗӨВШӨӨРӨГДСӨН БОЛОВСРОЛ ЭЗЭМШҮҮЛЭХЭЭР АЖИЛЛАЖ БАЙНА. ТУС СУРГУУЛЬД 40 ГАРУЙ ОРНЫ 1000 ОРЧИМ ОЮУТАН ЗАЛУУС АНГЛИ ХЭЛНИЙ ТҮВШИНГЭЭ ДЭЭШЛҮҮЛЖ, УЛМААР ИХ СУРГУУЛЬДАА 30-100 ХҮРТЭЛХ ХУВИЙН ТЭТГЭЛЭГ АВАН СУРАЛЦАЖ БАЙНА. МӨН МЕНТОРА КОЛЛЕЖ НЬ МОНГОЛ УЛСАД САЛБАРАА НЭЭН ҮЙЛ АЖИЛЛАГААГАА ЯВУУЛЖ ЭХЛЭЭД ӨДГӨӨ 6 ЖИЛ БОЛСОН БАЙНА. ӨНӨӨДРИЙН БАЙДЛААР ЗӨВХӨН МОНГОЛ УЛСААС СҮҮЛИЙН ЗУРГААН ЖИЛД 500 ГАРУЙ ОЮУТАН ЗАЛУУСТ АНУ-Д СУРАЛЦАХ БАКАЛАВР БОЛОН МАГИСТРЫН ТЭТГЭЛЭГ ОЛГОЖЭЭ. АНУ-ЫН “BAU ATLANTIC UNIVERSITY” ДЭРГЭДЭХ МЕНТОРА КОЛЛЕЖ НЬ ДЭЛХИЙН ТАВАН ӨӨР ОРОНД САЛБАРТАЙ. МЕНТОРА КОЛЛЕЖИЙН ТӨГСӨГЧИД “BAU ATLANTIC UNIVERSITY” ИХ СУРГУУЛЬДАА” 35 ХУВИЙН ХӨНГӨЛӨЛТТЭЙ СУРАЛЦАХ ЭРХТЭЙ БАЙДАГ. ОДООГИЙН БАЙДЛААР МАНЛАЙЛАГЧ ЗАЛУУСТ ЗОРИУЛСАН УРТ БОЛОН БОГИНО ХУГАЦААНЫ ШИНЭ ХӨТӨЛБӨРТ СУРГАЛТУУДЫГ ЭХЛҮҮЛЭЭД БАЙНА. УГ ХӨТӨЛБӨРИЙН ХҮРЭЭНД АНУ-Д МЭРГЭЖИЛ ДЭЭШЛҮҮЛЭХ ХҮСЭЛ ЗОРИЛГОТОЙ ЗАЛУУЧУУДЫГ ХАМРУУЛАХ ЮМ. МӨН ХӨТӨЛБӨРТ СЭТГҮҮЛЧДИЙН АНГЛИ ХЭЛНИЙ МЭДЛЭГИЙН ТҮВШИНГ ДЭЭШЛҮҮЛЭХ, ТУРШЛАГА СОЛИЛЦОХ АЖЛЫГ НИЙСЛЭЛИЙН СЭТГҮҮЛЧДИЙН НЭГДСЭН ХОЛБООНЫ ГАДААД ХАРИЛЦАА, ХАМТЫН АЖИЛЛАГАА ХАРИУЦСАН ДЭД ТЭРГҮҮН Г.УУГАНЧИМЭГ ХАМТРАН ГҮЙЦЭТГЭХЭЭР БОЛЛОО.
"ХЭЛЭЛЦЭЖ БАЙГАА АСУУДЛАА ОЙЛГООГҮЙ" ГЭЖ УИХ-ЫН ДАРГААРАА ШҮҮМЖЛҮҮЛЭВ
УИХ-ЫН ЧУУЛГАНЫ БААСАН ГАРАГИЙН /2024.11.08/ ХУРАЛДААН ҮРГЭЛЖИЛЖ БАЙНА. ХУРАЛДААНЫ ЭХЭНД МОНГОЛ УЛСЫН НЭГДСЭН ТӨСВИЙН 2025 ОНЫ ТӨСВИЙН ХҮРЭЭНИЙ МЭДЭГДЭЛ, 2026-2027 ОНЫ ТӨСВИЙН ТӨСӨӨЛЛИЙН ТУХАЙ ХУУЛЬД ӨӨРЧЛӨЛТ ОРУУЛАХ ТУХАЙ ХУУЛИЙН ТӨСӨЛ /ЗАСГИЙН ГАЗАР 2024.08.30-НЫ ӨДӨР ӨРГӨН МЭДҮҮЛСЭН, ЭЦСИЙН ХЭЛЭЛЦҮҮЛЭГ/-ИЙГ ХИЙЖ БАЙГАА ЮМ. ЭНЭ ҮЕЭР ДАРААХ ГУРВАН ГИШҮҮН ҮГ ХЭЛЛЭЭ. УИХ-ЫН ГИШҮҮН М.НАРАНТУЯА-НАРА: "20 ЖИЛ ПАРЛАМЕНТАД СУУСАН ГИШҮҮД ТОЙРГОО Ч, УЛСАА Ч АЯТАЙХАН БОЛГООГҮЙ БАЙНА. ХОЁР ЖИЛИЙН ДОТОР ТӨСВӨӨ 60 ХУВИАР ТЭЛДЭГ УЛС ДЭЛХИЙД БАЙХГҮЙ" ХЭМЭЭСЭН. УИХ-ЫН С.ЦЭНГҮҮН: “ТӨСӨВТЭЙ ХОЛБООТОЙ МЭДЭЭЛЭЛ ХЭДЭН ДОЛОО ХОНОГИЙН ТУРШ ИРГЭДИЙН Ч, УИХ-ЫН ГИШҮҮДИЙН Ч АНХААРЛЫГ ТӨВД БАЙЛАА” ГЭВ. УИХ-ЫН ГИШҮҮН П.МӨНХТУЛГА: ЭДИЙН ЗАСГИЙГ СОЛОНГОРУУЛНА ГЭЖ МАШ ОЛОН ЖИЛ ЯРЬСАН. “ИРЭХ ЖИЛҮҮДЭД ТӨСӨВ АШИГТАЙ ГАРАХ БОЛОВ УУ ЯАХ БОЛ” ГЭЖ БУРХАНД НАЙДСАН, ТҮГШСЭН БАЙДЛААСАА ХЭЗЭЭ ГАРАХ ЮМ БЭ. ХӨДӨӨ АЖ АХУЙ, АЯЛАЛ ЖУУЛЧЛАЛАА СЭРГЭЭНЭ ГЭЖ ОЛОН ЖИЛ ЯРИЛАА” ГЭСЭН ЮМ. ХАРИН "ХЭЛЭЛЦЭЖ БАЙГАА АСУУДЛАА ОЙЛГООД АСУУЛТАА АСУУ. ДЭГИЙН ДАГУУ 2026-2027 ОНЫ ТӨСВИЙН ТӨСӨӨЛӨЛТЭЙ ХОЛБООТОЙ АСУУДАЛ ЯРЬ" ХЭМЭЭН УИХ-ЫН ДАРГА Д.АМАРБАЯСГАЛАН ЗЭМЭЛЖ, МИКРОФОНЫГ НЬ ХААВ.
