ЕРӨНХИЙЛӨГЧ АСАН Х.БАТТУЛГЫН ХАНДИВЫН ДАНСАНД 1.2 ТЭРБУМ ТӨГРӨГ ЦУГЛАРЧЭЭ

06 / 27 0 сэтгэгдэл 568 үзсэнe

УИХ-ын сонгуулийн 4-р тойрогт АН-аас нэр дэвшигч, Х.Баттулгын хандивын дансны мэдээллийг танилцуулж байна. Түүний дансанд нийт 1 тэрбум 229 сая 60 мянган төгрөг цугларчээ. Үүнээс: -Сурталчилгааны материал хэвлүүлж, сонгогчдод тараахад 218 сая 300 мянга -Гудамж, талбайд сурталчилгааны зурагт самбар, дэлгэц байрлуулахад 72 сая 750 мянга -Сонин, сэтгүүлд материал нийтлүүлэхэд 64 сая төгрөг -Бусад зардалд 665 сая 365 мянга 250 төгрөг зарцуулсан байна. Түүнд хандив өгсөн ААН-үүдээс дурдвал: -Миллхаус, Талх чихэр, Баянгол ресорт, Арвин үндэс, Баянгол зочид буудал, Махимпекс зэрэг нийт 34 байгууллага байгаа юм.

Ч.УНДРАМ 595.5 САЯ, Д.ӨНӨРБОЛОР 564.6 САЯ ТӨГРӨГӨӨР СОНГУУЛИЙН СУРТАЛЧИЛГАА ХИЙЖЭЭ

06 / 27 0 сэтгэгдэл 410 үзсэнe

ҮАГ-ын мэдээлэлд үндэслэн, нэр дэвшигчдийн хандивын дансны мэдээллийг бид цувралаар хүргэж буй. Энэ удаад УИХ-ын сонгуулийн 5-р тойрогт МАН-аас нэр дэвшигч Ч.Ундрам, Д.Өнөрболор нарын хандивын дансны мэдээллийг танилцуулж байна. Нэр дэвшигч Ч.Ундрамын дансанд 823 сая 100 мянган төгрөг цугларснаас: -Сурталчилгааны материал хэвлүүлж, сонгогчдод тараахад 111 сая 610 мянга -Сонгогчидтой уулзалт, хурал, цуглаан хийхэд 25 сая 600 мянга -Сонгууль эрхэлсэн байгууллагын үйл ажиллагааны зардалд 427 сая 608 мянга 400 төгрөг -Бусад зардалд 30 сая 684 мянга 200 төгрөг зарцуулжээ. Харин хуулиар зөвшөөрөгдөөгүй 30 сая төгрөгийн гүйлгээ буцаагдсан аж. Тэгвэл Д.Өнөрболорын тухайд, 621 сая 255 мянган төгрөгийн хандив цуглуулсан бөгөөд дараах зарцуулалтыг хийжээ. Тодруулбал, -Сурталчилгааны материал хэвлүүлж, сонгогчдод тараахад 41 сая 810 мянган -Сонгогчидтой уулзалт, хурал, цуглаан хийхэд 65 сая 600 мянга -Сонгууль эрхэлсэн байгууллагын үйл ажиллагааны зардалд 399 сая 29 мянга 400 төгрөг -Цахим орчин ашиглахад 508 мянга -Сонин, сэтгүүлд материал нийтлүүлэхэд 57 сая 684 мянган төгрөг зарцуулсан байна. Харин хуулиар зөвшөөрөгдөөгүй 7.5 сая төгрөгийн гүйлгээ буцаагдсан талаар ҮАГ-ын мэдээлэлд дурджээ.

Б.ЧИНЗОРИГИЙН “ПАРИС-2024” ОЛИМПОД ОРОХ ЭРХИЙГ ЦУЦАЛЛАА

06 / 27 0 сэтгэгдэл 469 үзсэнe

Өнгөрсөн жил Хятадын Ханжоу хотод болсон Азийн наадмаас боксын төрөлд алтан медаль хүртэж, "Парис-2024" олимпын наадамд оролцох эрхээ авсан Б.Чинзоригийн шинжилгээнээс хориотой бодисын жагсаалтад багтсан метадиенон илэрсэн билээ. Тэгвэл түүнийг олимпод өрсөлдөх тамирчдын жагсаалтаас нэрийг нь албан ёсоор хасч, Тайландын Бунжонг Синсирид эл эрхийг шилжүүлэн өгчээ.

ХОЁР ХҮҮХЭД МОРИНООС УНАЖ НАС БАРЖЭЭ

06 / 27 0 сэтгэгдэл 186 үзсэнe

Жил бүрийн арваннэгдүгээр сарын 1-нээс тавдугаар сарын 1-ний хооронд хурдан морины уралдаан зохиохыг хуулиар хориглосон байдаг. Тус хязгаарлалтаас бусад хугацаанд зөвшөөрлийн дагуу аймаг, сумдад хурдан морины уралдаан зохион байгуулдаг билээ. Гэвч морины уралдаанаар болон дулааны улиралд хүүхдүүд мориноос унаж бэртэж, амь насаа алдах харамсалтай осол ихээр гардаг. Өнгөрсөн долоо хоногт Өвөрхангай, Хэнтий аймаг бага насны хоёр хүүхэд мориноос унаж нэг нь эмчлэгдэж байгаад, нөгөө нь эмнэлгийн тусламж авч чадалгүй нас барсан харамсалтай осол гарчээ. Цагдаагийн ерөнхий газраас тодруулахад, Өвөрхангай аймагт зургадугаар сары 19-ний өдөр зургаан настай эрэгтэй хүүхэд, 23-нд найман настай эрэгтэй хүүхэд мориноос унаж нас барсан. Зургаан настай хүү эмчлэгдэж байх үедээ нас барсан. Нөгөө нь эмнэлгийн тусламж авч чадаагүй нас барсан гэх хэрэг цагдаагийн байгууллагад бүртгэгдсэн. Шалгалтын ажил үргэлжилж байна гэв. Иймд морины уралдааны үеэр болон хөдөө орон нутагт хүүхдүүдээ морь унахад анхаарал сэрэмжтэй байхыг анхааруулж байна.

БАГА НАСНЫ ХОЁР ХҮҮХЭД МОРИНООС УНАЖ АМИА АЛДЛАА

06 / 27 0 сэтгэгдэл 436 үзсэнe

Үндэсний их баяр наадам тохиох гэж буйтай холбогдуулан аймаг, сумдуудад хурдан морины уралдаан, үсэргээ, сунгаа шил шилээ даран зохион байгуулагдаж байна. Хурдан морь унах нь хүүхдийн тэвчишгүй хөдөлмөр гэж заасан байдаг ч энэ асуудлыг зохицуулах хууль эрхзүйн орчин хомс. Өнгөрөгч долоо хоногт бага насны хоёр хүүхэд мориноос унаж амь насаа алдсан харамсалтай хэрэг гарчээ. ЦЕГ-аас тодруулахад: Өвөрхангай аймагт зургадугаар сарын 19-ний өдөр зургаан настай эрэгтэй хүүхэд ахуйн хүрээнд мориноос унаж нас барсан. Мөн зургаадугаар сарын 23-нд Хэнтий аймагт сунгааны үеэр найман настай эрэгтэй хүүхэд мориноос унаж нас барсан хэрэг гарсан. Зургаан настай хүү эмчлэгдэж байх үедээ нас барсан. Нөгөө нь эмнэлгийн тусламж авч чадаагүй нас барсан. Шалгалтын ажил үргэлжилж байна гэв.

Б.ГАНХУЯГИЙН ӨМГӨӨЛӨГЧ: МИНИЙ ҮЙЛЧЛҮҮЛЭГЧ ХЭН НЭГЭНД ХАНДАЖ ЯМАР НЭГЭН ЗАХИДАЛ, ӨРГӨДӨЛ ОГТ ГАРГААГҮЙ! БИЧЭЭГҮЙ

06 / 27 0 сэтгэгдэл 510 үзсэнe

“Эрдэнэс-Тавантолгой” компанийн гүйцэтгэх захирал асан Б.Ганхуягийн ил захидал гэх гар бичмэл зарим мэдээллийн сайт, цахим орчинд тараад байна. Энэ талаар түүний өмгөөлөгч Э. Шинэцэцэг мэдээлэл хийлээ. Тэрээр “Миний үйлчлүүлэгч хэн нэгэнд хандан ил захидал гаргаагүй гэдгийг албан ёсоор мэдэгдмээр байна. Худал мэдээлэл гаргасан талаар хууль хяналтын байгууллагад гомдол гаргасан. Ийм ил захидал огт байхгүй. Өмнө нь Хүний эрхийн үндэсний комисст хандан бичиж байсан захидлын зургийг ашигласан байна. Түүнээс өнөөдөр ямар нэгэн ил захидлыг хэн нэгэнд хаяглаж гаргаагүй, ор үндэслэлгүй” гэв.

УЛААНГОМ–ХАНДГАЙТ АВТОЗАМД ЗАСВАР ХИЙНЭ

06 / 27 0 сэтгэгдэл 232 үзсэнe

2024 онд хэрэгжүүлэх ТЭЗҮ, зураг төсвийн ажлуудын жагсаалтыг Шадар сайд бөгөөд Эдийн засаг, хөгжлийн сайдын улсын төсвийн хөрөнгө оруулалтаар баталсан. Үүний хүрээнд Улаангом–Хандгайт чиглэлийн 58.35 км хатуу хучилттай замын их засварын ажлын зураг төслийг боловсруулах ажлыг эхлүүлэх бэлтгэл хангагдаж байна. Авто замын их засвар хийгдсэнээр иргэдийн зорчих ая тух, аюулгүй байдал хангагдаж, аялал жуулчлал, үйлдвэрлэл, үйлчилгээг хөгжүүлэх, иргэдийн орлогыг нэмэгдүүлэх ач холбогдолтой. Боршоо боомтыг шинэчлэх ажил хэрэгжиж дууссантай холбоотой боомт руу чиглэсэн тус замыг засаж, сайжруулснаар ачаа тээврийн эргэлт сайжирч, улс орон, бүс нутгийн худалдааг өргөжүүлэх нөхцөлийг бүрдүүлж, тээвэр, логистикийн өрсөлдөх чадварыг дээшлүүлэх боломж бүрдэнэ.

СОНГОГЧДЫН САНАЛЫГ ГАРААР ТООЛОХОД НАМ, ЭВСЛИЙН 30000 АЖИГЛАГЧ ХЯНАЛТ ТАВЬЖ АЖИЛЛАНА

06 / 27 0 сэтгэгдэл 318 үзсэнe

УИХ-ын 2024 оны ээлжит сонгуулийн санал авах өдөр маргааш тохиож буй. Тэгвэл сонгогчдын саналыг авч дууссаны дараа бүх хэсэгт 100 хувь гараар хяналтын тооллого хийнэ. Хяналтын тооллогыг нам, эвслийн 30000 ажиглагч хяналт тавьж ажиллах бөгөөд хяналтын камерын дор зохион байгуулах аж. Сонгогч танд 2 ширхэг саналын хуудас өгнө 1 нь нам, эвслийн нэртэй, нөгөө хуудас нь нэр дэвшигчийн нэртэй Нам, эвслийн нэртэй саналын хуудаст та зөвхөн 1 нам, эвслийн өмнө зууван дугуйг дүүргэн будаж саналаа тэмдэглэнэ. Харин нэр дэвшигчийн нэртэй саналын хуудас та мандатын тоотой тэнцүү нэр дэвшигчийн өмнөх зууван дугуйг дүүргэж будаж саналаа тэмдэглэнэ. Илүү эсхүл дутуу тэмдэглэвэл таны санал хүчингүй болно. Саналын нууцлалаа хадгалахын тулд хавтас ашиглахыг зөвлөж байна.

ЕРӨНХИЙ САЙД Л.ОЮУН-ЭРДЭНИЙН ХАНДИВЫН ДАНСАНД 321 САЯ ТӨГРӨГ ЦУГЛАРЧ, СОНГУУЛИЙН ЗАРДАЛД 211 САЯ ТӨГРӨГ ЗАРЦУУЛЖЭЭ

06 / 27 0 сэтгэгдэл 347 үзсэнe

УИХ-ын сонгуулийн 6-р тойрогт МАН-аас нэр дэвшигч, Ерөнхий сайд Л.Оюун-Эрдэнийн хандивын дансанд 06 дугаар сарын 12-ноос 06 дугаар сарын 24-ний өдрийг хүртэлх хугацаанд нийт 321 сая төгрөг цугларснаас ААН-ээс 200 сая төгрөг, иргэдээс 121 сая төгрөгийн мөнгөн хандив цугларчээ. Сонгуултийн зардалд 211 сая төгрөг зарцуулсан бол хандивын дансны нийт үлдэгдэл 129 сая төгрөг байна. Мөн хуулиар зөвшөөрөгдөөгүй 360 сая төгрөгийн хандив цугларч, 340 сая төгрөгийг нь буцаажээ.

ЭРЧИМ ХҮЧНИЙ САЙД Б.ЧОЙЖИЛСҮРЭНГИЙН ХАНДИВЫН ДАНСАНД 1.4 ТЭРБУМ ТӨГРӨГ ЦУГЛАРЧЭЭ

06 / 27 0 сэтгэгдэл 335 үзсэнe

Сонгуулийн сурталчилгаа эхэлсэн өдрөөс эхлэн нам, эвсэл болон нэр дэвшигчид хандивын дансаа нээж иргэн болон ААН-ээс мөнгөн хандив цуглуулсан билээ. Хуульд зааснаар Монгол Улсын иргэн 10 хүртэлх сая төгрөгийн хандив өгөх боломжтой бол ААН бол 30 хүртэлх сая төгрөгийн хандив өгөх боломжтой юм. УИХ-ын сонгуулийн 2-р тойрог буюу баруун бүсэд МАН-аас нэр дэвшигч, Эрчим хүчний сайд Б.Чойжилсүрэнгийн хандивын дансанд нийт 1 тэрбум 400 сая төгрөгийн хандив цугларчээ. Тэрбээр үүнээс 438 сая 933 мянга 985 төгрөгийг зарцуулсан байна. Үүнийг задалж үзвэл, -Тараах материал хэвлүүлэх, иргэдэд тараахад 81 сая 220 мянга -Сонгууль эрхэлсэн байгууллагын үйл ажиллагааны зардалд 230 сая 433 мянга 285 төгрөг -Сонгуулийн сурталчилгаанд радио, телевиз ашиглахад 38 сая -Цахим орчин ашиглах зардалд 82 сая 500 мянга -Бусад зардалд 6 сая 780 мянга 700 төгрөг зарцуулсан гэж ҮАГ-ын мэдээлэлд дурджээ.