“МОНГОЛЫН ТӨМӨР ЗАМ” ТӨХК-ИЙН ГАЗРЫН ДАРГА БНХАУ-ЫН КОМПАНИУДААС ХАХУУЛЬ АВЧ ТЕНДЕР ТӨСЛИЙГ ӨГДӨГ БАЙЖЭЭ

07 / 17 0 сэтгэгдэл 367 үзсэнe

“Монголын төмөр зам” ТӨХК-ийн газрын дарга Д.Б нь ашиг сонирхлын үүднээс эрх мэдлээ урвуулан ашиглаж, “Монголын төмөр зам” ТӨХК-аас хэрэгжүүлж байгаа тендер, төсөлд БНХАУ-ын компаниудыг шалгаруулах, тендер, төсөлтэй холбоотой мэдээллийг дамжуулсны хариуд БНХАУ-ын “Ш”, “И” компаниудын Монгол дахь төлөөлөгч Л.Т-ээс хахууль авсан гэх хэрэгт Эрүүгийн хуулийн 22.4 дүгээр зүйлийн 1 /Нийтийн албан тушаалтан хахууль авах/, 22.5 дугаар зүйлийн 1 /Хахууль өгөх/-т зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд шилжүүлжээ.

ДОПИНГИЙН ШИНЖИЛГЭЭНИЙ ХАРИУ НЬ ИРСЭН 44 СОРЬЦООС ДОПИНГ ИЛРЭЭГҮЙ

07 / 17 0 сэтгэгдэл 427 үзсэнe

Үндэсний их баяр наадмын бөхийн барилдаанд 4 давсан 32 бөх, 16 сурын харваач нийт 48 шинжилгээний сорьцыг шинжлүүлэхээр гэрээт лабораториудад энэ сарын 13-ны өдөр явуулсан байдаг. Тус лабораториос долоодугаар сарын 15-ны орой 22 цагт цахим шуудангаар нийт 44 сорьцын хариуг ирүүлжээ. Тус 44 сорьцод допингийн төрлийн хориотой бодис илрээгүй байна. Харин үлдсэн дөрвөн сорьц нь лабораторын нарийвчилсан шинжилгээнд орж байгаа тул хариу нь ирээгүй байгаа аж. Өөрөөр хэлбэл, дөрвөн сорьцоос допингийн төрлийн хориотой бодис илэрсэн эсхүл илрээгүй гэсэн хариуг одоогоор гаргах боломжгүй талаар албаныхан хэлж байна.

АТҮТ-Н АЛБАН ТУШААЛТНУУД ХАХУУЛИЙН ХЭРЭГТ ХОЛБОГДОН ШАЛГАГДАЖ БАЙНА

07 / 17 0 сэтгэгдэл 369 үзсэнe

Автотээврийн үндэсний төв төрийн өмчит үйлдвэрийн газрын салбарын техникийн хяналтын үзлэгийн инженер С.Б нь иргэн Ж.О-ийн тээврийн хэрэгслийн чиргүүлийн мэдээллийг өөрчилж, үзлэг оношилгоонд оруулж, ашиг сонирхлын үүднээс албаны чиг үүргээ хэрэгжүүлсний хариуд хахууль авсан гэх хэрэгт Эрүүгийн хуулийн 22.5 дугаар зүйлийн 1 /Хахууль өгөх/, 22.13 дугаар зүйлийн 1 /Хахууль авах/-т зааснаар яллах дүгнэлт үйлдэн Сонгинохайрхан дүүргийн эрүүгийн хэргийн анхан шатны шүүхэд шилжүүлжээ.

МОНГОЛЫН ТӨМӨР ЗАМ” ТӨХК-ИЙН ГАЗРЫН ДАРГА БНХАУ-ЫН ИРГЭДЭЭС ХАХУУЛЬ АВЧЭЭ

07 / 17 0 сэтгэгдэл 486 үзсэнe

Прокурорын байгууллага 2024 оны 7 дугаар сарын 01-нээс 09-ний өдрийг хүртэл 301 хэрэгт яллах дүгнэлт үйлдэн шүүхэд шилжүүлж шийдвэрлэлээ. Тодруулбал, Эрүүл мэндийн халдашгүй байдлын эсрэг 155, Өмчлөх эрхийн эсрэг 73, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 45, Хүний бэлгийн эрх чөлөө, халдашгүй байдлын эсрэг 7, Хүрээлэн байгаа орчны эсрэг 6, Авлига, албан тушаалын 5, Хүний амьд явах эрхийн эсрэг 2, Мансууруулах эм, сэтгэцэд нөлөөт бодисыг хууль бусаар ашиглах 1 хэргийг шүүхэд шилжүүлсэн байна. Яллах дүгнэлт үйлдэн шүүхэд шилжүүлсэн зарим хэргээс дурдвал: Нийслэлийн прокурорын газраас Байгаль орчин, аялал жуулчлалын яамны газрын дарга С.Б нь эрх мэдэл, албан тушаалын байдлаа урвуулан ашиглаж тус газрын мэргэжилтэн нарын боловсруулсан хуулийн төслийн ажил, холбогдох материалыг бусдад өгч, ажил гүйцэтгэх гэрээ байгуулан, өөртөө болон бусдад давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд; Автотээврийн үндэсний төв төрийн өмчит үйлдвэрийн газрын салбарын техникийн хяналтын үзлэгийн инженер С.Б нь иргэн Ж.О-ийн тээврийн хэрэгслийн чиргүүлийн мэдээллийг өөрчилж, үзлэг оношилгоонд оруулж, ашиг сонирхлын үүднээс албаны чиг үүргээ хэрэгжүүлсний хариуд хахууль авсан гэх хэрэгт Эрүүгийн хуулийн 22.5 дугаар зүйлийн 1 /Хахууль өгөх/, 22.13 дугаар зүйлийн 1 /Хахууль авах/-т зааснаар яллах дүгнэлт үйлдэн Сонгинохайрхан дүүргийн эрүүгийн хэргийн анхан шатны шүүхэд, “Монголын төмөр зам” ТӨХК-ийн газрын дарга Д.Б нь ашиг сонирхлын үүднээс эрх мэдлээ урвуулан ашиглаж, “Монголын төмөр зам” ТӨХК-аас хэрэгжүүлж байгаа тендер, төсөлд БНХАУ-ын компаниудыг шалгаруулах, тендер, төсөлтэй холбоотой мэдээллийг дамжуулсны хариуд БНХАУ-ын “Ш”, “И” компаниудын Монгол дахь төлөөлөгч Л.Т-ээс хахууль авсан гэх хэрэгт Эрүүгийн хуулийн 22.4 дүгээр зүйлийн 1 /Нийтийн албан тушаалтан хахууль авах/, 22.5 дугаар зүйлийн 1 /Хахууль өгөх/-т зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд, Хил хамгаалах ерөнхий газрын дугаар ангийн тээврийн хэрэгслийн шалгагч Д.А нь “И” ХХК-ийн тээврийн хэрэгсэл хилийн боомтод хяналт шалгалтын тогтоосон дарааллыг зөрчсөн зөрчлийг илрүүлсэн боловч холбогдох баримт бичгийг зөрчил шалган шийдвэрлэх эрх бүхий албан тушаалтанд шилжүүлээгүй, албаны чиг үүргээ хэрэгжүүлээгүйн хариуд иргэн Г.З-ээс хахууль авсан гэх хэрэгт Эрүүгийн хуулийн 22.4 дүгээр зүйлийн 1 /Нийтийн албан тушаалтан хахууль авах/-т зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд, БНХАУ-ын иргэн В.Б нь мөрдөн шалгах ажиллагааны явцад өөртөө давуу байдал бий болгох зорилгоор мөрдөгчид албан тушаалын байдалтай нь холбогдуулан хахууль өгөхийг завдсан гэх хэрэгт Эрүүгийн хуулийн 22.5 дугаар зүйлийн 1 /Хахууль өгөх/-т зааснаар яллах дүгнэлт үйлдэн Хан-Уул дүүргийн эрүүгийн хэргийн анхан шатны шүүхэд тус тус шилжүүлжээ.

ЭЭРМЭЛИЙН ГУДАМЖИЙГ ТУУЛЫН ГУДАМЖТАЙ ХОЛБОСОН 0.6 КМ АВТО ЗАМЫГ АШИГЛАЛТАД ОРУУЛЛАА

07 / 17 0 сэтгэгдэл 88 үзсэнe

“Орхон” их сургуулиас урагш 115 дугаар сургууль хүртэл буюу Ээрмэлийн гудамжийг Туулын гудамжтай холбох ажил 2022 онд эхэлсэн. Гэвч газар чөлөөлөлтийн асуудлаас шалтгаалан уг ажил хоёр жил гацсан. Тэгвэл уг замын хөдөлгөөнийг энэ сарын 10-нд нээсэн юм. Тодруулбал, өнгөрсөн дөрөвдүгээр сард хотын дарга Х.Нямбаатар тус байршилд ажиллаж, “Ариг гал” компанийн төлөөлөлтэй уулзан газар чөлөөлөлтийн асуудлыг шийдэн, авто замын ажлыг эхлүүлсэн юм. Ээрмэлийн гудамжийг Туул гол гудамжтай холбосон 0.6 км авто замын зорчих хэсэг нь 7 метр өргөн, хоёр талаараа 1.5 метр өргөн явган хүний замтай. Мөн ус зайлуулах шугам хоолойг угсарсан. Энэ сарын 10-ны өдөр тус замын хөдөлгөөнийг нээсэн бөгөөд өнөөдрийн байдлаар гэрэлтүүлгийн ажил үргэлжилж байна. Ээрмэлийн гудамжны авто зам ашиглалтад орсноор өглөө, оройн оргил ачааллын үед Туул голын гудамжнаас Зайсангийн гудамж руу зүүн гар тийш эргэх хөдөлгөөн багасаж, ХААИС-ийн уулзвар чиглэлээс Зайсангийн гудамжаар Чингисийн өргөн чөлөө рүү зорчиж байгаа тээврийн хэрэгслийн хөдөлгөөнд саад болох нь багасах юм. Мөн Туул голын гудамжнаас Чингисийн өргөн чөлөө рүү зорчих иргэд Ээрмэлийн гудамжаар зорчиж, Ази-Фарм эмийн сангийн гурван замын уулзварын огтлолцлын цэг багасаж, хөдөлгөөний аюулгүй байдалд үзүүлэх эерэг нөлөө нэмэгдэхийг ЗХУТ-ийн мэргэжилтнүүд хэлж байв.

3,5КМ ХАТУУ ХУЧИЛТТАЙ ЗАМ АШИГЛАЛТАД ОРУУЛЛАА

07 / 16 0 сэтгэгдэл 106 үзсэнe

Тавантолгой түлш компанийн бүтээн байгуулалтын ажлуудын нэг болох Налайх- Чойр чиглэлийн А0101 дугаартай улсын чанартай авто замаас Тавантолгой түлш ХХК-ийн Зүүн үйлдвэр хүртэлх 3,5 км хатуу хучилттай авто зам тавих ажил дуусаж өнөөдөр замын хөдөлгөөнийг нээлээ. Тус ажлыг Сант баян бэрх ХХК 6-р сарын 1-ний өдрөөс 7-р сарын 10 хүртэлх хугацаанд хийж гүйцэтгэсэн бөгөөд 44 тн даац бүхий 3,5 км авто замыг 20см буталсан чулуун суурь, 4см суурь асфальт, 3см өнгийн асфальтаар хучиж төлөвлөгөөт хугацаандаа хүлээлгэн өглөө. Нийслэлийн айл өрхийг түлш дулаанаар хангах ажилд гар бие, сэтгэл зүрхээ зориулан ажилладаг 1800 гаруй ажилтан албан хаагчдынхаа аюулгүй байдал, хөдөлмөрийн орчин нөхцлийг сайжруулж, агаарын тоосжилтыг бууруулахад энэхүү ажил томоохон ач холбогдолтой юм.

УСНЫ ОСЛООС 11 ХҮНИЙ АМЬ НАСЫГ АВАРЧЭЭ

07 / 16 0 сэтгэгдэл 261 үзсэнe

Онцгой байдлын байгууллагад он гарснаас хойш нийслэлийн 8 дүүрэг, 16 аймгийн 34 суманд усанд живсэн 79 дуудлага бүртгэгдснээс 65 иргэн амиа алдсан харамсалтай тоо баримт байна. Усны ослоос 11 хүний амь насыг аварчээ. Улсын их баяр наадмын өдрүүд буюу энэ сарын 10-15-нд нийслэлийн 2 дүүрэг, 7 аймгийн 10 суманд 24 хүн усанд /том хүн 22, хүүхэд 2/ живж нас барж, хоёр хүнийг аварсан байна. Харин өчигдрийн байдлаар усанд осолдсон хоёр иргэнийг эрэн хайж байгаа аж. Баяр наадмын амралтын өдрүүдэд сүүлийн 5 жилд гэхэд усны ослоор жилд дунджаар 17 хүн амиа алджээ. Усанд живж амиа алдсан шалтгаан нөхцөлийг судлахад усанд сэлэх гэж орох, тээврийн хэрэгсэл, ердийн хөсөг морьтой гол гатлах, хүүхдийг хараа хяналтгүй орхисноос, архи согтууруулах ундаа хэрэглэсэн үедээ усанд орсноос үүдэж байна.

ЗАМ ТЭЭВРИЙН ОСЛООС УРЬДЧИЛАН СЭРГИЙЛЭХ НӨЛӨӨЛӨЛ СУРТАЛЧИЛГААНЫ АЖЛЫГ ЦАГДААГИЙН БАЙГУУЛЛАГАТАЙ ХАМТРАН ЗОХИОН БАЙГУУЛАН АЖИЛЛАЖ БАЙНА

07 / 16 0 сэтгэгдэл 286 үзсэнe

Монгол Улсын ерөнхийлөгчийн санаачилгаар хэрэгжиж буй "Эрүүл Монгол хүн" үндэсний хөдөлгөөний хүрээнд ард иргэдээ зөв зохистой хоол хүнс хэрэглэж хордлогоос сэргийлэх, зам тээврийн аюулгүй байдлыг ханган согтууруулах ундаанаас татгалзах, байгаль орчинд ээлтэй амарч, аялуулах зорилгоор “Зуны зугаатай аялал” нөлөөллийн арга хэмжээг Улсын хэмжээнд зохион байгуулан ажиллаж байна. Амралт зугаалгын цаг эхэлсэнтэй холбоотой иргэд гэр бүл найз нөхөдтэйгээ орон нутаг руу зорчих хөдөлгөөн нэмэгдэж байгаа энэ үед зам тээврийн осол хэргээс урьдчилан сэргийлэх нөлөөлөл сурталчилгааны ажлыг цагдаагийн байгууллагатай хамтран зохион байгуулан ажилаж байна.

35 НАСТАЙ ЭМЭГТЭЙ ӨӨРИЙН ГУРВАН НАСТАЙ ОХИНЫГ ХУТГАЛЖ ХӨНӨӨСӨН БА БУСАД ХҮҮХДҮҮДЭЭ Ч АЛАХЫГ ЗАВДЖЭЭ !

07 / 16 0 сэтгэгдэл 196 үзсэнe

Хоёр хоногийн өмнө буюу энэ сарын 14-ний өдөр цагдаагийн байгууллагад бага насны хүүхдийг хэрцгийгээр хөнөөсөн байна гэх дуудлага мэдээлэл бүртгэгд жээ. Дуудлагын дагуу цагдаа шалгахад, Хан-Уул дүүрэгт оршин суудаг 35 настай эмэгтэй гурван настай төрсөн охин оо хутгалж хөнөөсөн байжээ. Эх сурвалжийн мэ дээллээр , хэрэгт холбогдсон этгээд нь өнгөрсөн тавдугаар сард СЭМҮТ-д хэвтэн эмчлүүлж бай сан ба гурван хүүхэдтэй. Хэрэг болох үеэр бусад хүүхдүүдээ ч хөнөөхөөр завдаж байхад нь цагдаагийн алба хаагчид таслан зогсоо жээ. Харин тухайн эмэгтэйн гэр бүлээс хэргийг нууцлах болон хувийн нууцыг чандлан хадгалах хүсэлтийг ХЭҮК болон цагдаагийн байгууллагад т авь жээ.

САНХҮҮГИЙН САЛБАРЫН БЭЛЭГДЭЛ БОЛСОН БУХЫН ХӨШӨӨГ НЭЭЛЭЭ

07 / 16 0 сэтгэгдэл 333 үзсэнe

Санхүүгийн салбарын бэлгэдэл болсон бухын хөшөөний нээлт өнөөдөр боллоо. Нээлтийн арга хэмжээнд Санхүүгийн зохицуулах хорооны дарга Д.Баярсайхан, Монголбанкны ерөнхийлөгч Б.Лхагвасүрэн болон санхүүгийн салбарын байгууллага, холбоодын удирдлагууд оролцлоо. Санхүүгийн зохицуулах хорооны дарга Д.Баярсайхан арга хэмжээг нээж хэлсэн үгэндээ "Дэлхий дахинаа эдийн засаг, санхүүгийн томоохон бүсүүдэд бухын дүрслэлийг хэрэглэж, улсынхаа эдийн засаг, санхүүгийн зах зээлийн хүч чадал, ололт, амжилтыг бэлэгшээдэг уламжлалтай. Энэхүү жишгээр манай улсын хувьд санхүүгийн салбар тэр дундаа хөрөнгийн зэх зээлийнхээ өсөлт, хөгжлийг бэлэгшээж бухын дүрслэл бүхий хүрэл хөшөөг өөрийн орны ёс заншлыг шингээн урлаж бүтээсэн нь өнөөдөр ийнхүү нээлтээ хийж байна. Ийнхүү санхүүгийн салбарт хүчин зүтгэж буй нийт ажилтан, энэ салбарт хувь нэмрээ оруулж буй хүн бүрт зориулж Улаанбаатар хотынхоо энэхүү хэсгийг “Санхүүчдийн талбай” гэж нэрлэж түүн дотроо салбарынхаа онцлогийг шингээсэн бухын хөшөөг босгосон нь томоохон үйл явдал болж байгаа бөгөөд нөгөөтэйгүүр нийслэлд өнгө нэмж, иргэд, олон нийтийн амралт, чөлөөт цагаа өнгөрөөх газар нэгээр нэмэгдэж байгаад баяртай байна. Энэ жил Монгол Улсад банкны салбар үүсч хөгжсөний 100 жил, Даатгалын салбарын 90 жилийн ой тохиож байгаагаас гадна Санхүүгийн зохицуулагч байгууллага ялангуяа хөрөнгийн зах зээлийн зохицуулагч байгууллага үүсч хөгжсөний 30 жилийн ой тохиож байна. Энэ түүхэн хугацаанд хөгжлийн түвшин шинэ шатанд гарч, санхүүгийн олон шинэ бүтээгдэхүүнтэй, дэд бүтэц, технологи, хууль эрх зүйн хувьд олон улсын жишигт нийцсэн, хөрөнгийн зах зээлийн үнэлгээ хөгжлийн түүхэнд хамгийн өндрөөр өсөж, FTSE Russell-ийн “Хөгжиж буй” (Frontier Market) ангилалд албан ёсоор багтсан шинэ өнгө төрх бүхий орчин үеийн зах зээлболж хөгжөөд байна. Хөрөнгийн зах зээлд гарч буй энэхүү өндөр өсөлт нь эдийн засгийг төрөлжүүлэх, тэр дундаа банкны хувь эзэмшлийн төвлөрлийг бууруулах банкны салбарын реформ, төрийн өмчит компаниудыг хувьчлах бодлогын реформ болон хөрөнгийн зах зээлийг хөгжүүлэх чиглэлээр биржийн бус зах зээлийг бий болгох, үнэт цаасны арилжааны шимтгэл, хураамжийг бууруулах, зах зээлийн зохицуулалтын орчныг сайжруулж, олон улсын жишигт нийцүүлэх, мэргэжлийн хөрөнгө оруулагчдын суурийг нэмэгдүүлэх зэрэг чиглэлээр авч хэрэгжүүлсэн бодлого, зохицуулалтын цогц арга хэмжээний үр дүн билээ. Үүнд яалт ч үгүй төр, хувийн хэвшил, дэд бүтцийн байгууллагууд болон зах зээлд оролцогч бусад мэргэжлийн байгууллагуудын нягт хамтын ажиллагаа нөлөөлснийг онцлох нь зүйтэй байх. Түүнчлэн зах зээлийн өсөлт, хөгжилд Монгол Улсын иргэн бүрийн оролцоо ч чухал бөгөөд энэхүү хөшөөгөөрөө дамжуулж хүн бүр хөрөнгийн зах зээлийн талаар ойлголттой болж түүнийг дагаад санхүүгийн салбар маань илүү ихээр хөгжихийг ерөөж байна” гэсэн юм. Санхүүгийн салбарын бэлгэдэл болсон энэхүү хүрэл хөшөөг уран бүтээлч Ж.Цолмонхүү, Д.Анхбаяр, Д.Ариунболд, Б.Лхагважав, Н.Саруул-Оргил, О.Жамьяантүвдэн болон Монголын урчуудын эвлэлийн гишүүн уран бүтээлчид бүтээсэн юм.