П.ШИНЖЭЭРАВДАН : МОНГОЛЧУУД ХУВЬСГАЛ ХИЙХ ЦАГ БОЛСОН
Төв талбайд суулт зарлаж байгаа УИХын гишүүн асан С.Жавхлан болон тэмцэгчидийн байр суурийг хүргэж байна.Тэд өнөөдөр дөрөв дэх өдрөө тэмцлээ ийнхүү үргэлжлүүлж байна.
С.ЖАВХЛАН : ӨРМИЙГ НЬ ХАМЖ ИДСЭН НЬ ТЭРБУМТАН БОЛЖ , ХАРИН АРД ТҮМЭНД ХУСАМ Ч ОЛДОХГҮЙ БАЙНА
Төв талбайд суулт зарлаж байгаа УИХын гишүүн асан С.Жавхлан болон тэмцэгчидийн байр суурийг хүргэж байна.Тэд өнөөдөр дөрөв дэх өдрөө тэмцлээ ийнхүү үргэлжлүүлж байна.
МОНГОЛ УЛС ТӨРТЭЙ ХУУЛЬТАЙ УЛС БОЛОВЧ ГАДНЫ ИРГЭДИЙН ТОЛГОЙГ ИЛСЭЭР БАЙНА !!!
Манай улсын хил зөрчсөн Хятад иргэнд оногдуулсан хуулийн хариуцлага хэт сул байгаа талаархи мэдээллийг өгч байна. Мөн өнгөрөгч оны 12-р сарын 31-нд хуулинд оруулсан нэмэлт өөрчлөлт амьдралд хэрэгжиж эхэлсэнээр гадаад улсын иргэд Монголд нийгмийн даатгал төлж нийгмийн халамж хүртэх эрхтэй болжээ.
ХҮЧИЛТӨРӨГЧИЙН НӨӨЦ ДУУСЧ , ТӨЛӨВЛӨГӨӨТ МЭС ЗАСЛУУД ХОЙШЛОГДОЖ БАЙГАА ЮУ
Улсын томоохон эмнэлгүүдэд хүчилтөрөгчийн нөөц дууссаны улмаас төлөвлөгөөт мэс заслууд хойшлогдож байгаа гэх мэдээлэл байна.Учир нь Улаанбаатар хотод хүчилтөрөгч үйлдвэрлэгч гурван л компани бий. Эдгээр нь өдөрт 1500 орчим баллоныг үйлдвэрлэх хүчин чадалтай. Мөн улсын хэмжээнд 16 эмнэлэг хүчилтөрөгчийн бэсрэг үйлдвэртэй. Сүүлд 10 бэсрэг үйлдвэр нэмж байгуулсан байна.Харин албаныхан энэ асуудлаар нарийн дэлгэрэнгүй мэдээлэл өгөхгүй байгаа хэдий ч сүүлийн хоёр өдөр дарааллан хүчилтөрөгчийн хэрэгцээ нь эрс нэмэгдэж, үйлдвэрийн хэвийн байдал нь алдагдсан гэх хариултыг эхний байдлаар өгчээ.
ДОТООДЫН ШИЛЖИЛТ ХӨДӨЛГӨӨНИЙГ ОЙЛГОЖ УДИРДАХАД ТӨРИЙН АЛБАН ХААГЧДЫН ОРОЛЦОО
Яг одоо шилжин суурьшигчдад хүрч ажилладаг хорооны, хэсгийн, дүүргийн болон Нэг цэгийн үйлчилгээний төвийн албан хаагчдыг цаашид сургах Нийслэлийн Сургалт, Судалгааны төвийн сургагч багш нарт "Дотоодын шилжилт хөдөлгөөнийг ойлгож удирдахад төрийн албан хаагчдын оролцоо" буюу бидний өнгөрсөн 4 сарын хугацаанд боловсруулсан шилжилт хөдөлгөөний гарын авлагын сургалт явагдаж байна. Энэхүү гарын авлагын агуулгыг өнгөрсөн долоо хоногт холбогдох төрийн байгууллагын төлөөлөл болон албан хаагчдад танилцуулан бататгасан. Иргэдэд бодит дэмжлэг, шууд үйлчилгээ үзүүлдэг төрийн албан хаагчдыг чадавхжуулах энэ ажлыг дэмжин ажиллаж байгаа Швейцарын хөгжлийн агентлагт баярлалаа.
ХОРООД ЦАГ ХУГАЦАА, ОРОН ЗАЙНААС ҮЛ ХАМААРАН САЙН ТУРШЛАГАА СОЛИЛЦОХ, ХАРИЛЦАН СУРАЛЦАХ БОЛОМЖТОЙ БОЛЛОО
Швейцарын хөгжлийн агентлагийн санхүүгийн дэмжлэгтэй Нийслэлийн Засаг даргын Тамгын газар, Азийн сантай хамтран хэрэгжүүлж буй Хотын Засаглалыг сайжруулах төслийн хүрээнд Нийслэлийн Засаг даргын Тамгын газрын Сургалт, судалгааны төвөөс хороодын албан хаагчдыг чадавхжуулах Харилцан суралцах арга зүй (ХСАЗ)-н хөтөлбөрийг хэрэгжүүлж байна. ХСАЗ нь практик үр дүнд суурилсан, ижил түвшний байгууллага, албан хаагчид харилцан бие биеэсээ суралцаж, сайн туршлагаа солилцох замаар өөрсдийн чадавхыг бэхжүүлж, тасралтгүй сайжрах, хөгжих арга барил юм. ХСАЗ нь маш сайн дасан зохицох, хувирах чадвартай аргачлал бөгөөд Харилцан суралцахуй гэдэг бол Монгол Улсын хувьд ижил түвшний орон нутгийн засаг захиргааны байгууллагууд хоорондоо холбоо тогтоож, сүлжээ үүсгээд, нэгнийхээ сайн туршлагыг давтан хэрэгжүүлж, чадавхаа бэхжүүлж, бодлогын түвшинд эерэг нөлөө үзүүлэхийн тулд хэрэгжүүлдэг үр дүнд суурилсан суралцах үйл явц билээ. ХСАЗ-г нэвтрүүлэх, хэрэгжүүлэх ажлын хүрээнд өнөөдөр буюу 2021 оны 10 дугаар сарын 15-ны өдөр “Харилцан суралцах арга зүйн цахим систем”-ийн нээлтийн арга хэмжээг онлайнаар зохион байгууллаа. Нээлтийн арга хэмжээнд Нийслэлийн Засаг даргын Тамгын газрын Төрийн захиргааны удирдлагын хэлтсийн дарга, Азийн сангийн Монгол дах суурин төлөөлөгч Марк Кейниг, нийслэлийн 9 дүүргийн Засаг даргын Тамгын газрын Төрийн захиргааны удирдлагын хэлтсийн дарга нар, Хороо хариуцсан мэргэжилтнүүд, 171 хорооны Засаг дарга, Зохион байгуулагч, Нийгмийн ажилтнууд болон Сургалт, судалгааны төвийн ажилтан, сургагч багш нар нийт 300 хүн оролцлоо. Ийнхүү цахим системийг хөгжүүлснээр хороодын албан хаагчид орон зай, цаг хугацаанаас үл хамааран өөрсдийн сайн туршлагаа хуваалцах, харилцан суралцах болон харилцан суралцах арга зүйн үйл явц бүрийн үр дүнг хэмжих боломжтой болж байна. Нийслэлийн хороодын сайн туршлагатай www.manaikhoroo.mn цахим хуудсаар зочлон танилцана уу. Түүнчлэн харилцан суралцах арга зүйг зөвхөн хороодын түвшинд биш салбарын түвшинд хэрэгжүүлэхээр санаачилгууд гарч, өөрсдөө хүсэлтээ гарган Аялал жуулчлалын газар, Хүнс хөдөө аж ахуйн газар зэрэг нийслэлийн хэрэгжүүлэгч агентлагууд, Хан-Уул дүүргийн хороодын Засаг дарга, Зохион байгуулагч чанар Харилцан суралцах арга зүйн сургалтад танхимаар хамрагдлаа. #HLP, #Horizontal_Learning_Process, #Capacity_BUilding, #TRC, #Training_and_Research_Center
6 НАСТАЙ ОХИНЫГ АХ, ЭГЧТЭЙ НЬ ХАМТ АРХИ УУСАН ХҮН ХҮЧИНДЖЭЭ
Цагдаагийн байгууллагад өчигдөр буюу /2021.10.14/-ны 18:43-д манай эгчийн 6 настай охиныг хүчиндсэн байна гэх дуудлага мэдээлэл бүртгэгджээ. Тодруулбал : ЧД-т баригдаж байгаа эзэнгүй байшин дотор 6 настай охиныг ах, эгчтэй нь хамт архи уусан хүн хүчиндсэн байна. Цагдаагийн байгууллагаас шуурхай шалгахад : Тус тоотод суух Чингэлтэй дүүргийн харьяат С.Б /эр.43н/ согтуурсан үедээ 6 настай охиныг хүчиндсэн болхоно тогтоогджээ. Одоогоор тус хэргийн ЧДЦХ-1 шалгаж байна.
ЭРХ БАРИГЧИД ЭРХ МЭДЛИЙН ТӨЛӨӨ АХИН ДОТООДДОО ТАЛЦАЖ ЭХЭЛСЭН ҮҮ
Монгол Улсын Засгийн газрын бүтэц, бүрэлдэхүүнд өөрчлөлт оруулах асуудлаар хуулийн төслийг өнөөдөр /2021.10.14/ Засгийн газраас өргөн барьсан. Тодруулбал, тус хуулийн төсөлд Эдийн засаг хөгжлийн яам болон Цахим хөгжил, харилцаа холбооны яамыг шинээр байгуулахаар болсон. Засгийн газраас хуулийн төслөө өргөн барихдаа Монгол Улсын Ерөнхийлөгчтэй зөвшилцсөн бөгөөд 2022 оны төсөвт ч зардлаа тусгажээ. Тэгвэл дээрх хоёр яамыг шинээр байгуулснаар сайд нь хэн байх вэ гэдэг асуудал олон нийтийн анхаарлыг татаад байгаа.Учир нь Үндсэн хуулийн нэмэлт, өөрчлөлтөөр Ерөнхий сайд болон дөрвөн сайд нь давхар дээлтэй байх зохицуулалттай учраас дээрх хоёр яамны сайдыг гаднаас томилох уу, эсвэл Үндсэн хуульдаа “халдаж” УИХ-ын гишүүдээс сонгох уу гэдэг нь одоогоор тодорхойгүй байна. Эрх баригч МАН 2019 онд Үндсэн хуульд нэмэлт, өөрчлөлт оруулсан. Харин энэ удаад дахин Үндсэн хуульд гар хүрэхээр бол зөвхөн өөрсдөдөө зориулах уу эсвэл дараагийн парламент руу эрхийг нь шилжүүлэх үү гэдэг дээр эрх баригчид хоёр хуваагдсан гэх мэдээлэл байна. Учир нь сайд болох хүсэлтэй нэг хэсэг нь Үндсэн хуульдаа нэмэлт, өөрчлөлт оруулж шинэ яамны хоёр сайдыг УИХ-ын гишүүдээс сонгох ёстой гэсэн байр суурьтай байгаа бол нөгөө нэг хэсэг нь өөрсдөдөө зориулж, албан тушаалд очихын тулд Үндсэн хуульд гар хүрсэн ч хуулийн хэрэгжилтийг дараагийн парламентад шилжүүлэх ёстой гэсэн үзэл баримтлалтай байгаа гэнэ. Эцсийн шийдвэрийг УИХ-ын дарга, гишүүд гаргана. Хоёр яам шинээр байгуулах хуулийн төслийг Засгийн газраас өргөн барьсантай зэрэгцэн эрх баригч нам дахиад л хоёр хэсэг хуваагдаж, талцах маргах бололтой.Үүний зэрэгцээ хоёр яам шинээр байгуулах сургаар МАН дотор сайдын суудал горилогчдын марафон ч эхэлж, даргынхаа үүдээр эргэлдэх болж олон нийтээр ч өөрсдийгөө хайрлуулж буй нэгэн болж жүжих амбицлалтууд ч нэгэнт эхэлжээ. Цахим хөгжлийн яаман дээр Харилцаа холбоо, мэдээлэл технологийн газрын дарга Б.Болор-Эрдэнэ, УИХ-ын гишүүн Н.Учрал нарын нэрс яригдаж байгаа бол Эдийн засаг хөгжлийн яамны сайдаар УИХ-ын гишүүн Б.Чойжилсүрэн, Үндэсний хөгжлийн газрын дарга Х.Батжаргал нарын нэрс яригдаж байгаа гэх бор шувуу ниссээр байгааг хэвлэлүүд онцлох болсон.Харин Үндсэн хуульд өөрчлөлт оруулахгүй бол Харилцаа холбоо, мэдээлэл технологийн газрын дарга Б.Болор-Эрдэнэ, Үндэсний хөгжлийн газрын дарга Х.Батжаргал нарын газрыг яам болгож, толгойлуулж таарах бололтой. Эсэргээрээ өөрчлөлт оруулбал, УИХ-аас хоёр сайд томилохоор яригдах юм.
ХЭНТИЙД НЭГ ИРГЭНД 2.7 САЯ , НИЙСЛЭЛЧҮҮДЭД НЭГ БҮР 300К ХУВААРИЛСАН “ШОГ” ТӨСӨВ
2022 оны улсын төсвийн төслийг УИХ-аар хэлэлцэж байгаа. Ирэх онд улсын төсвийг 18 их наядын зардал, 16 их наядын орлоготойгоор төсөөлсөн. Аймгуудаас Хэнтий аймагт нийт төсвийн 10 хувь буюу 214 тэрбум төгрөгийг төсөвлөсөн нь тус аймгийн нэг иргэнд 2.7 сая төгрөг оногдохуйц төсөв бол харин нийслэл Улаанбаатар хотын нэг иргэнд 300 мянган төгрөг төсөвлөгдөхүйц төсөв төлөвлөгджээ. Үүний зэрэгцээ Орхон аймагт ирэх жилд ердөө гурван төсөл хэрэгжүүлэх бол Хэнтий аймагт 89 төслийг хэрэгжүүлэхээр тусгаад байгаа харьцангүй төлөвлөгөө байна. Хэнтий бол Ерөнхийлөгч, Ерөнхий сайд, Хууль зүйн сайдын нутаг. Тиймээс тэд төрийн өндөр дээд албан тушаалын байдлаа урвуулан ашиглаж давуу эрхээ хэт давамгай эдлэж өөрсдийн сонгогдсон тойрогтоо, өөрсдийн нутаг нугадаа төсвийн мөнгөнөөс ийн асар их хэмжээгээр хуваарилж дараагийн сонгуульдаа санал авахад бэлтгэж эхэлсэн байж болзошгүй гэх хардлага хаа сайгүй хөвөрч байна. Дашрамд мэдээлэхэд : Өнгөрсөн 2021 оны төсвийн хөрөнгийг 21 аймагт хуваарилсан жагсаалтыг харахад ч Хэнтий аймагт хамгийн их буюу 125.8 тэрбум төгрөгийг төсөвлөсөн. Улаанбаатар хотын нэг иргэнд 90 мянган төгрөг ногдож байсан бол Хэнтийн нэг иргэнд 1.6 сая төгрөгийг улирагч жил хуваарилж байжээ. Эндээс харахад төрөөс төсвөөс ийн илт давуу төсөв төсөл хөтөлбөр хэрэгжүүлж зарцуулж цацаж буй тус аймаг бүтээн байгуулалт хөгжил цэцэглэлт ажлын байр амжиргааны төвшнөөрөө асар үсрэнгүй түүчээлэхийг бид зөвхөн атаархангуй ажиглаж тэд аархангүй зарцуулах бололтой ...
АВЛИГА, АЛБАН ТУШААЛАА УРВУУЛАН АШИГЛАСАН ДАРГА НАРЫГ ҮРГЭЛЖЛҮҮЛЭН ШАЛГАСААР БАЙНА
Дорноговь аймгийн Замын-Үүд суманд Авлигатай тэмцэх газар, Тагнуулын ерөнхий газар, Цагдаагийн ерөнхий газрын хууль хяналтынхан Замын-Үүдийн боомтын дарга нарт хуулийн хүрээнд гүйцэтгэх ажиллагаа явуулсан. Энэ хүрээнд хууль, хяналтынхан нэр бүхий албан тушаалтнуудын гар утас, компьютер зэрэг мэдээлэл холбооны хэрэгслийг нь чагнаж, өөрийнх нь болон хамаарал бүхий этгээдийнх нь дансны мэдээллийг цуглуулж гүйцэтгэх ажиллагаа явуулсан байдаг. Харин гүйцэтгэх ажиллагааны үр дүнд “БНХАУ-ын Эрээн хотоос Монголын хил рүү ачаа, бараа оруулдаг компани, хил, гаалийн нэр бүхий албан тушаалтнуудтай сүлбэлдэж авлига авдаг байсан байж болзошгүй” зөрчил илэрсэн байдаг. Улмаар хууль хяналтынхан “Хил дээрх төрийн үйлчилгээ, ачаа тээврийн хөдөлгөөний царцсан шалтгаан авлигачдаас үүдэлтэй болохыг гүйцэтгэх ажиллагааны явцад илрүүлсэн” гэдгээ Засгийн газарт танилцуулж байсан. Үүний хүрээнд хууль, хяналтынхан Замын-Үүдэд очиж төрийн байгууллагын нэр бүхий дарга нарыг баривчилж, орных нь хүмүүсийг тэр дор нь томилсон. Тодруулбал, ·Замын-Үүд дэх Гаалийн газрын дарга Д.Зоригоог үүрэгт ажлаас нь чөлөөлж, Улаанбаатар хот дахь Гаалийн газрын даргын үүргийг түр орлон гүйцэтгэгч Б.Отгонсүхийг, ·Хилийн цэргийн 0108 дугаар ангийн захирагч, хурандаа Б.Нямбатыг үүрэгт ажлаас нь чөлөөлж, В.Намхайнямбууг, ·Авто тээврийн Үндэсний төвийн Замын-Үүд дэх салбарын дарга А.Хатансайханыг үүрэгт ажлаас нь чөлөөлж, Дорноговь аймгийн Автотээврийн төвийн дарга Ж.Сүхбаатарыг, ·Замын-Үүд боомт дахь Хилийн мэргэжлийн хяналтын албаны даргын үүргийг түр орлон гүйцэтгэгч С.Цогбадрахыг үүрэгт ажлаас нь чөлөөлж, НМХГ-ын дарга Л.Эрдэнэчулууныг, ·Замын-Үүд дэх сум дундын цагдаагийн хэлтсийн замын цагдаагийн дарга, цагдаагийн хошууч, Х.Уранбаярыг үүрэгт ажлаас нь чөлөөлж, дээрх дарга нарыг томилсон байдаг. Харин сумын Засаг дарга Б.Анхбаярыг эрүүгийн хэрэг үүсгэж, яллагдагчаар татаж, нэр бүхий дарга нарын хамт 48 цаг саатуулж, хэрэг бүртгэл нээж, шалгалтын ажиллагааг үргэлжлүүлсэн.Харин өдгөө авлига, албан тушаалаа урвуулан ашигласан дарга нарын хэрэг юу болсон талаар Улсын прокурорын ерөнхий газраас тодруулахад “Тэдэнд холбогдох хэргийг үргэлжлүүлэн шалгаж байгаа” хэмээн хэвлэлийхэнд хариулж ам таглаж аргацааж байгаа бололтой.
