ГАДАА ХҮЙТЭН Ч "ХАЛУУН" СЭТГЭЛТЭЙ БАЙЦГААЯ ...

12 / 28 0 сэтгэгдэл 848 үзсэнe

Хотын захын дүүргүүдэд амьдарч буй бяцхан иргэддээ боломжийнхоо хирээр бэлэг хувцас тоглоомын төвд тоглох эрхийн хамт бэлэглэв. Тэд идэр есийн хүйтнээр усаа зөөж түлшээ базааж ээж аавдаа тус дэм болон гүйж явахтай таарч баярлуулав. Гадаа хүйтэн ч халуун сэтгэл бидэнд бий Албан байгууллагууд анги хамт олон сошиол групп нэгдэлүүд шинэ жилийн баяраа тэмдэглэхийн зэрэгцээгээр бяцхан үрсээ баярлуулж нийгэмдээ өнгө нэмэрлэж байхыг бид уриалж байна. Арга хэмжээ маань жил бүр уламжлал болон үргэлжлэх болно. Мөн та бусдад туслахдаа камераа гэртээ үлдээж байгаарай. Хүндэтгэсэн : Мэдээллийн анхдагч бодит эх сурвалж Neguun.mn мультимедиа мэдээ мэдээллийн сайтын хамт олон Мэлхий ордонд төрөгсдийн групп Гэрэлт амартизатор авто сервис Гэрэлт авто сервис Candy world тоглоомын төвийн хамт олон

12-Р САРЫН 20-26-НЫ ХООРОНД 9 ХҮН ХӨЛДӨЖ, АРХИ ХЭТРҮҮЛЭН ХЭРЭГЛЭСНЭЭС ҮҮДЭН 6 ХҮН НАС БАРЛАА

12 / 27 0 сэтгэгдэл 1 026 үзсэнe

Цагдаагийн байгууллагаас 2021 оны 12-р сарын 20-26-ны хооронд хүн нас барсан 70 тохиолдолд "Хэргийн газрын үзлэг" хийхэд урьдчилсан байдлаар осгож, хөлдөж нас барсан 9, архи, согтууруулах ундаа хэтрүүлэн хэрэглэснээс 6 тохиолдол бүртгэгджээ. Засгийн газраас гамшгаас хамгаалах өндөржүүлсэн бэлэн байдлын зэргийг 2021 оны арванхоёрдугаар сарын 31-н хүртэл сунгах шийдвэр гаргасан. Энэ хүрээнд олны анхаарлыг татдаг шинэ жилийн баярыг нийтээр тэмдэглэх эсэх шийдвэр гаргаагүй бөгөөд төрийн байгууллагаас бусад байгууллага шинэ жилийн баярыг өргөн дэлгэр тэмдэглэсээр байгаа билээ. 2020 оны тухайд коронавирусийн халдварын нөхцөл байдлаас шалтгаалан зөвхөн гэр бүлийн хүрээнд баяраа тэмдэглэж байв. Тухайн жил баярын өдрүүдээр амиа алдсан иргэдийн тоо дариу 10 дахин бага байсан бол ийнхүү баяр наадам тэмдэглэж эхлээд 6 хоногийн дотор 70 хүн эндлээ. Уг нь Хүний амь нас, эрүүл мэндээс чухал баяр гэж баймааргүй. Сүүлийн өдрүүдэд баяр наадмаас үүдэн золгүй явдлаар төгсөж байгааг сэрэмжлүүлж байна.

УЛСЫН НАчИН Э.ЭНХБАТ ТААЛАЛ ТӨГСЧЭЭ

12 / 24 0 сэтгэгдэл 15 173 үзсэнe

Олимпын хошой медалт Н.Түвшинбаяр сайн найз болох улсын начин Э.Энхбатыг зодож хүнд гэмтээсэн. Солонгос улсад найман сар эмчлүүлсэн боловч ухаан оролгүй эх орондоо ирээд байсан улсын начин Э.Энхбат таалал төгсчээ Түүний ар гэр, төрөл төрөгсдөд гүн эмгэнэл илэрхийлье.

ӨСВӨР НАСНЫ ХҮҮХДҮҮД АР ГЭРИЙН ДАРАМТААС БОЛЖ АМИА ХОРЛОХ Нь ИХСЭХ ХАНДЛАГТАЙ БАЙНА

12 / 24 0 сэтгэгдэл 917 үзсэнe

Өсвөр насны хүүхдүүд ар гэрийн дарамтаас болж амиа хорлох хандлага ихсэж байна. Мөн баярын өдөрүүд үргэлжилж буй эдгээр өдрүүдэд иргэд архи, согтууруулах ундаа хэрэглэсэн үедээ орон сууцны дээврээс үсрэх, цаашлаад амиа алдах нь ихсэх боллоо. Иймд цагдаагийн алба хаагчид харьяа дүүрэг, хорооны орон сууцны барилгуудын дээвэрт шалгалт хийж, хаалганы цоожыг шалгаж эхэлжээ. Тухайлбал, Баянзүрх дүүргийн цагдаагийн нэгдүгээр хэлтэст ирсэн шаардлагын дагуу тухайн орчимд байрлалтай орон сууцны дээврийн хаалганы цоожыг шалгаж ажиллаж байна. Дээврийн хаалгыг түгжих сайн ч гэсэн амиа хорлох олон арга зам бии. Тиймээс гэр бүлийн хүчирхийлэл цаашлаад сэтгэл санаа тайван биш гадуурхагдаж байгаа хүүхдүүддээ анхаарал хандуулах цаг нэгэнт болжээ

АЙЛ ӨРХИЙН ЦАХИЛГААНЫ ТӨЛБӨРИЙГ ИРЭХ 7 ДУГААР САР ХҮРТЭЛ ТӨР ДААХААР БОЛЛОО

12 / 24 0 сэтгэгдэл 1 109 үзсэнe

Цар тахалын хүнд үед айл өрхийн цахилгаан, ус, хогны төлбөрийг 2020 оны 12 сарын 1 нээс 2021 оны 07 сарын 01 хүртэл төр даах шийдвэрийг засгийн газар гаргаж байсан. Харин уг шийдвэр 2022 оны 01 сарын 01 нд цуцлагдаж иргэд ААН-үүд тог цахилгааныхаа төлбөрийг өөрсдөө төлөхөөр болж байгаа билээ. Тэгвэл айл өрхийн 250-350 кВт хүртэлх цахилгааны төлбөрийг ирэх 7 дугаар сар хүртэл төр даахаар болж. Шаардлагатай мөнгийг “Эрдэнэт үйлдвэр” ТӨҮГ гаргахаар шийдвэрлэсэн байна.

ЗЭВСЭГ, ЛИЦЕНЗ, ТЕНДЕРИЙН НАЙМААНД НЭР ХОЛБОГДДОГ ЛУ.БОЛД ЭЛЧИН ХИЙСЭЭР БАЙХ УУ !

12 / 23 0 сэтгэгдэл 969 үзсэнe

Олон ч асуудалд нэр холбогддог улс төрийн хамгийн чинээлэг эрхмүүдийн нэг Лу.Болд Бельгийн Вант улсад суух Элчин сайдаар томилогдсон. Тэрээр европын холбооны хамгийн нэр хүндтэй улсад суух элчин яг мөн үү ! Бельгийн Вант улсад суух Элчин сайд Benelux /Бельги, Нидерланд, Люксенбург/-ийн орнуудад болон Европын холбоо, НАТО-д хавсран суудаг онцлогтой Монголчуудын европт байж болох хамгийн томоохон алба. Гэтэл энэ хариуцлагатай албанд сууж байгаа Лу.Болд "Батлан хамгаалах"-ын сайдаар ажиллаж байхдаа “бүтэлгүй зэвсгийн наймаа хийсний улмаас Хойд Солонгосын албаны хүн Монголд ирэхдээ тухайн үеийн гадаад харилцааны сайдад энэ талаар ярьсан гэгддэг. Мөн Хойд Солонгосоос МИГ-21 онгоцны мотор худалдаж авахаар 1.8сая ам.долларыг Монгол Улс руу шилжүүлэхдээ иргэн Ж.Бямбаноров, бизнес эрхлэгч Нацагдорж нарын дансанд хийсэн байна” гэх мэдээлэл нийтлэгдэж, хууль хяналтынхан шалгаж генерал Т.Дашдэлэг хорих ял авсан байдаг. Шалгалтаар зэвсэг наймаaлцсан нь тодорхой болсон учир ийнхүү тухайн үеийн түүний удирдаж байсан "Батлан хамгаалах"-ын генерал ял авсан нь тодорхой. Үүгээр ч зогсохгүй тухайн үед хоёр 2 иргэн зэвсгийн Найманы золиос болж цаазын ял авсан гэдгийг ч тухайн үеийн Тагнуулын ерөнхий газрын дарга асан Б.Хурц хатуухан мэдэгдэж байсан. Лу.Болд яагаад Бельгийн Вант улсад суух Элчин сайд болсон нь хувийн ашиг сонирхлын үүднээс байж болох юм. Яагаад гэвэл тус улс ( олон улсын банк санхүүгийн том төв) харин Лу.Болд Богд банктай нэр холбогддог ! Ийм л хүн өнөөдөр НАТО, Европын холбоо, Бенелюксийн орнуудыг хавсран суудаг Бельгийн Вант Улсад Элчин сайдаар томилогдоод байна. Монгол улсаас Европын орнуудад илгээсэн Элчин сайд нараасаа, дипломатчдаасаа ичих олон ч асуудал бий. Янжуур тамхи, мансууруулах үйлчилгээтэй эм бэлдмэл, бүр сүүлдээ их хэмжээний героин тээвэрлэж баригдсан хэчнээн тохиолдол гарав. Хэрэв Бельгийн Вант улсад суугаа Элчин сайд Лу.Болдын талаарх энэ мэт мэдээллүүд олон улсын тэр дундаа Бельги улсын хэвлэл мэдээллийн хэрэгслээр цацагдвал Европ Монголын Элч төлөөлөгчийг хүлээн авахгүй л болов уу ! Тиймээс ч аливаа улсад суух элчин сайдууддаа өндөр шаардлага тавьж асуудалд нэр холбогдоогүй эрхмүүдийг сонгох нь зөв байх.

ХҮН АМЫН ДУНД “ОМИКРОН” ХУВИЛБАР ТАРХВАЛ ХӨЛ ХОРИО ТОГТООХ ЭРСДЭЛ ҮҮСНЭ !

12 / 22 0 сэтгэгдэл 1 945 үзсэнe

Шуурхай штабын Нарийн бичгийн дарга Т.Баярхүү : “Омикрон” хүн амын дунп бүртгэгдвэл хүндрэлтэй нөхцөл байдал үүснэ. Эмнэлгийн ачаалал нэмэгдэнэ. Өнөөдрийн байдлаар 103 улсад бүртгэгдээд байна. Судалгаагаар, манай улсад энэ төрлийн мутацын дэгдэлт ихсэх магадлал өндөр гэж гарсан. Тархсан ч бага хохиролтой даван туулахаар ажиллаж байна. Хэрэв халдварын огцом давалгаа эхэлж, эмнэлгийн ачаалал хэтэрвэл хөл хорихыг ч үгүйсгэхгүй. УОК, Засгийн газар аль болох хөл хорихгүй байх чиглэлийг барьж, ажиллаж байгаа.

АРХИ СОГТУУРУУЛАХ УНДААНЫ ЗҮЙЛ 10 ХОНОГ ТАСРАЛТГҮЙ ХЭРЭГЛЭСЭН ЭМЭГТЭЙ НАС БАРЛАА

12 / 22 0 сэтгэгдэл 19 927 үзсэнe

Сүүлийн 10 хоног тасралтгүй архи согтууруулах ундааны зүйл хэрэглэсэн эмэгтэй буудлын өрөөнд нас баржээ. Тодруулбал, энэ сарын 20-ны өдөр Баянгол дүүргийн 1 дүгээр хороонд байрлах зочид буудалд хүн нас барсан байна гэх дуудлага мэдээлэл ирсэн байна. Дуудлагын дагуу очиход 45 настай эмэгтэй зочид буудлын ... тоот өрөөнд биедээ ямар нэг ил харагдах гэмтэл, шархгүй нас барсан байжээ. Талийгаач нь сүүлийн 10 хоног тасралтгүй архи согтууруулах ундааны зүйл хэрэглэсэн гэх эх сурвалжийн мэдээлэл байгаа юм. Хэргийг Баянгол дүүргийн цагдаагийн нэгдүгээр хэлтэс шалгаж байна.

ОЛИМПЫН АВАРГА Н.ТҮВШИНБАЯРЫГ ЦАГДАН ХОРИВ

12 / 21 0 сэтгэгдэл 2 955 үзсэнe

Улсын начин Э.Энхбатыг зодож хүнд гэмтэл учруулсан олимпын аварга Найдангийн Түвшинбаярыг цагдан хорьжээ. Хохирогч Э.Энхбатын өмгөөлөгчийн зүгээс түүнийг хорих саналыг прокурорт хүргүүлсэн байна.Ингэснээр Н.Түвшинбаярт авагдсан таслан сэргийлэх арга хэмжээг өөрчилж, цагдан хорих шийдвэрийг шүүхээс гаргажээ. Улсын өсөх идэр начин Э.Энхбатын биеийн байдал хүнд Сонгдо эмнэлэгт ухаангүй байдалтай эмчлүүлж байгаа. Уг хэрэгт холбогдох эрүүгийн хэргийн шүүх хурлын урьдчилсан хэлэлцүүлэг ирэх Баасан гарагт буюу 24-нд ХУД-ийн Эрүүгийн хэргийн Анхан шатны шүүхэд товлогдоод байна.

САРЫН НАСТАЙ АЛБАН ТУШААЛД ТОМИЛОГДСОН “НАСТАН” Б.БОЛДБААТАР ШШҮХ-Г САМРАХ БОЛЖЭЭ

12 / 20 6 сэтгэгдэл 6 927 үзсэнe

Шүүхийн шинжилгээний үндэсний хүрээлэн бол шинжлэх ухаанч, төрд хуулийн дагуу үүрэг хүлээх ёстой тийм үүрэгтэй байгууллага. Тус байгууллагын даргаар шүүх шинжилгээний байгууллагад 12 жил ба түүнээс дээш хугацаагаар ажилласан туршлагатай хүн томилогдох шаардлагатай. Гэтэл тус газрын даргаар сүүлийн үед тэтгэвэрт гарах хугацаа нь дөхсөн цагдаагийн хурандаа нар томилогдож байгаа. Үүнийг нотлож : ШШҮХ-ийн захирлаар Б.Ядамдорж 2020 оны 09-р сард томилогдож байсан ч хамаарал бүхий этгээдүүд хамаатан саднаараа мөнгө угаасан гэгдэх яриа бий. Ганцхан жил ШШҮХ-ийн захирлаар ажиллаж гавьяаныхаа амралтад гарсан. Гэтэл түүний ажлыг түүнээс настай цагдаагийн хурандаа Б.Болдбаатар гэх эрхэм өвлөн аваад байна. ШШҮХ-гийн шинэхэн захирал ажлаа аваад удаагүй ч тэтгэвэрт гарах хуулийн хугацаа нь 2022 он гараад тохионо. Энэ нь ганцхан сарын настай албан тушаалд Б.Болдбаатар хурандааг томилсон гэсэн үг юм. Албан тушаалд томилогдсон Б.Болдбаатар алба хаагчдаа өөрийг нь тосож авсангүй, машины хаалгыг онгойлгож өгсөнгүй хэмээн уурсаж буй сурагтай. Гэмт хэргийн чухал нотлох баримтыг мэргэжлийн, хараат бус, шинжлэх ухаанчаар гаргадаг байгууллага цагдаагийн хурандаа нарын тэтгэвэрт гарахдаа очдог орогнох газар төдий болж төрийн албыг хөгшчүүлээр самруулах болжээ.