ТӨРИЙН ОДОН МЕДАЛИАР ШАГНАГДЛАА

12 / 23 0 сэтгэгдэл 191 үзсэнe

Монгол Улсын Ерөнхийлөгч Ухнаагийн Хүрэлсүх 2024 оны 11 дүгээр сарын 22-ны өдрийн 173 дугаар зарлигаараа “Дарханы төмөрлөгийн үйлдвэр” ХХК-ийн ажил үйлсээрээ бусдыгаа манлайлж салбартаа өндөр амжилт гарган, эх орноо хөгжүүлэх үйл хэрэгт үнэтэй хувь нэмэр оруулсан зарим ажилтнуудыг төрийн дээд, одон, медалиар шагналаа. Үүнд, Хөдөлмөрийн гавьяаны улаан тугийн одонгоор Төслийн нэгжийн дарга Мягмаржавын Баттөгс Нягтлан бодох бүртгэлийн хэлтсийн ерөнхий нягтлан бодогч /ахмад ажилтан/ Луузаны Алимаа Алтан гадас одонгоор: Диспетчерийн албаны дарга Ойдовын Даваажав Төмөртолгой төмрийн хүдрийн уурхайн автосамосвалын жолооч Дагвын Лхагвадорж Төмөр бэлтгэх цехийн зүсэгч /ахмад ажилтан/ Сүхбаатарын Энхтөр Засвар механикийн албаны тоног төхөөрөмжийн засварчин Жөнжгөөгийн Сарантуул Бэлдэц үйлдвэрлэх цехийн ган цутгах шанаганы операторч Баянцогтын Цэнгэлбаяр Хөдөлмөрийн хүндэт медалиар: Төмөр бэлтгэх цехийн төмрийн пресс машины операторч Дашбаасангийн Ганбаатар Төмөр бэлтгэх цехийн хийн огтлогч Наранцэцэгийн Мандалбаяр Бэлдэц үйлдвэрлэх цехийн туслах тооцоочин Гачилын Мартбаяр Бэлдэц үйлдвэрлэх цехийн ган цутгах шанага доторлогч /ахмад ажилтан/ Халтарын Цэнд-Аюуш Цувимал үйлдвэрлэх цехийн ган цувих машины операторч Нямхүүгийн Дарханбаатар Цувимал үйлдвэрлэх цехийн ган цувих машины операторч Нацагдоржийн Золжаргал Үйлдвэр шугам сүлжээний цехийн баллон цэнэглэгч KZO станц Бярдамбын Батсуурь Төмөртэй уурхайн хүнд даацын дугуйт ачигчийн оператор Батбаяр Наранбямба Төмөртэй уурхайн суудлын машины жолооч Банзрагчийн Дамдинбазар Төмөртэй уурхайн автосамосволын жолооч Жамсранжавын Баярсайхан Төмөртолгой уурхайн уул уурхайн мастер Цонжхорлоогийн Ганцоож Төмөртолгой уурхайн автосамосволын жолооч Мягмарсүрэнгийн Амаржаргал Диспетчерийн албаны диспетчер инженер /гангийн үйлдвэр/ Эрдэнийн Мөнхбат Засвар механикийн албаны механикч инженер Цэрэндагвын Дамбадаржаа Засвар механикийн албаны механикч инженер Ичинноров Ихбаяр Засвар механикийн албаны тоног төхөөрөмжийн засварчин /ахмад ажилтан/ Оргилын Ганхуяг Авто тээврийн албаны автобусны жолооч Өлзийдүүрэнгийн Өнөрбаяр Бэлдэц үйлдвэрлэх цехийн мастер Жигжидийн Дашням Аж ахуйн албаны угаалгын машины операторч Бат-Өлзийн Наранлхагва Аж ахуйн албаны үйлчлэгч Ишжамцын Энхцэцэг нар тус тус шагнагдаж төр засагтаа хөдөлмөр бүтээлээ ийнхүү үнэлүүллээ. Төрийн одон, медалийг “Дарханы төмөрлөгийн үйлдвэр” ХХК-ийн Баярын хурлын үеэр Гүйцэтгэх захирал Б.Чагнаадорж болон Дархан-уул аймгийн ИТХ-ын төлөөлөгч Хурлын дарга А.Янжмаа, Дархан-уул аймгийн дархан сумын засаг дарга Т.Тулгаа, Иргэдийн хурлын дарга Б.Эрдэнэзаяа нарын албаны хүмүүс гардууллаа.

АНДЫН НӨХӨРЛӨЛИЙГ ХАРУУЛСАН “ТЭНГЭРИЙН ЭЛЧ” ДУУРЬ ТОГЛОНО

12 / 23 0 сэтгэгдэл 593 үзсэнe

УДБЭТ-ын хамт олон 2024 онд шинэ уран бүтээл хийж урын сангаа баяжуулахаар төлөвлөсөн. Ийнхүү 2025 оны босгон дээр хоёр дахь уран бүтээлээ өлгийдөн авахад бэлэн боллоо. Тус театрын эхний шинэ уран бүтээл нь дэлхийн сонгодог бүтээл Г.Доницетти “Дурлалын ундаа” хошин дуурь байсан бол энэ удаад монголын нууц товчооноос сэдэвлэн бүтээсэн түүхэн дуурь “Тэнгэрийн элч” цоо шинэ дуурийг энэ сарын 28,29-нд тоглох гэж байна. “Тэнгэрийн элч” дуурийн тухй мэдээлэл өгөх хэвлэлийн бага хурал өнөөдөр УДБЭТ-т боллоо. Энэхүү дуурь нь Нийслэлийн Засаг дарга бөгөөд Улаанбаатар хотын Захирагчийн ивээл дор, Улаанбаатар хот үүсэн байгуулагдсаны 385 жилийн ойн хүрээнд бүтээгдэж байгаагаараа онцлог юм. “Тэнгэрийн элч” дуурийн цомнолыг МУСТА Л.Даваасүрэн, Б.Энхтуяа, хөгжмийг нь МУАЖ А.Энхтайван бичиж, ерөнхий продюсероор УДБЭТ-ын захирал МУГЖ Д.Алтанхуяг, ерөнхий найруулагчаар МУСТА С.Баттулга, ерөнхий удирдаачаар МУСТА Ц.Тэлмүүн-очир, ерөнхий хормейстерээр МУУГЗ Н.Дашбямба, балетмейстерээр МУСТА М.Нямтайван, туслах найруулагчаар Б.Мэндбаяр, зураачаар Ж.Болортүвшин, хөтлөх найруулагчаар МУСТА Б.Цэрэндаваа нар ажиллажээ. “Тэнгэрийн элч” дуурь нь Монголын нууц товчоо, Их эзэн Чингис хааны түүхээс сэдэвлэн бүтээгдсэн, монголын түүх, уламжлалаа хойч үедээ үнэн зөвөөр ойлгуулж, өвлүүлэн уламжлуулах зорилготойгоор бүтээгдэж буй үндэсний дуурь юм гэж ерөнхий продюсер, МУГЖ Д.Алтанхуяг онцолсон. “Дуурийн гол агуулга нь Тэмүжин эцэг Есүхэй баатраас үлдээсэн өв болох найман шарга морьдоо алдаад нарийн өвсний налархай даган хайж явсаар хөхүүрийн талд хүрч Аралуд аймгийн Наху баяны хүү Боорчтой анх танилцаж анд барилдсан цагаас хойш их Монгол улсыг нэгтгэн төр улсыг төвшитгөх хүртэл хамт зүтгэж мөнх тэнгэрийн элч хэмээн өргөмжлөгдөж явсан Боорчийн үнэнч сэтгэл, эр хүмүүний нөхөрлөлийг харуулсан түүхэн сэдэвт бүтээл юм” хэмээн ерөнхий найруулагч МУСТА С.Баттулга хэллээ. Та бүхнийг энэ сарын 28, 29-ний өдөр “Тэнгэрийн элч” цоо шинэ түүхэн дуурийг хүрэлцэн ирж үзэхийг урьж байна.

“ШИНЭ ЖИЛИЙН ТОГЛООМ” ГЭЖ ГААЛЬД МЭДҮҮЛСЭН БАРААНААС АМЬД МОГОЙ, ЯСТ МЭЛХИЙ ИЛРҮҮЛЖЭЭ

12 / 20 0 сэтгэгдэл 1 153 үзсэнe

Гаалийн Ерөнхий газар хилээр зорчигчдын “сувинер, хувцас, шинэ жилийн тоглоом” гэж гаальд мэдүүлсэн бараанаас амьд могой, яст мэлхий илрүүлжээ. 2024 оны арванхоёрдугаар сард улс хоорондын шуудан илгээмжээр БНСУ-аас илгээгдсэн “сувинер, хувцас, шинэ жилийн тоглоом, чимэглэл” гэж мэдүүлсэн илгээмжээс гаалийн хяналт шалгалтаар 9 яст мэлхий, 2 могой илрүүлсэн байна. Гаалийн албан хаагчид зориулалтын бусаар, олон хоног тээвэрлэгдэж ирсэн амьтдыг яаралтай эмчийн үзлэгт хамруулж, хамгаалах арга хэмжээг авчээ. Мэргэжлийн байгууллагын дүгнэлтээр тухайн амьтдыг “Зэрлэг амьтан ба ургамлын аймгийн ховордсон зүйлийг олон улсын хэмжээнд худалдаалах тухай конвенци” (CITES)-ийн 2 дугаар хавсралтад бүртгэлтэй амьтны төрөл зүйл болохыг тодорхойлсон. Тус конвенци болон холбогдох хууль тогтоомжид экспортлогч, импортлогч талуудын холбогдох байгууллагуудаас “зөвшөөрөл” авсан байх шаардлагатайг тодорхой заасан байдаг. Гаалийн байгууллагаас дээрх үйлдэлтэй холбоотойгоор прокурорын байгууллагын хяналтан дор “зөрчлийн хэрэг” нээн зөрчил шалган шийдвэрлэх ажиллагаа явуулж байгаа юм байна. Одоогийн байдлаар Шүүхийн шийдвэрээр амьдрах таатай орчин нөхцөлийг бүрдүүлсэн зориулалтын лабораторид түр хадгалуулах арга хэмжээг авч хэмжээ авч ажиллаж байна гэж ГЕГ мэдээлэв. Иймд иргэд, ААН та бүхнийг зэрлэг амьтан ба ургамлын аймгийн ховордсон зүйлийг улсын хилээр нэвтрүүлэхдээ байгаль орчны асуудал эрхэлсэн төрийн захиргааны төв байгууллагаас зөвшөөрөл авч, гаалийн байгууллагад мэдүүлж, хуулийн дагуу улсын хилээр нэвтрүүлэхийг анхааруулж байна.

УИХ-ЫН ГИШҮҮД ТАВАНТОЛГОЙ ТҮЛШ КОМПАНИЙН ҮЙЛДВЭРТ АЖИЛЛАЛАА

12 / 18 2 сэтгэгдэл 711 үзсэнe

УИХ-ын Аж үйлдвэржилтийн байнгын хорооноос Тавантолгой түлш компанийн үйлдвэрлэл, үйл ажиллагааг шалгахаар байгуулагдсан ажлын хэсгийн гишүүд өнөөдөр тус компанийн үйлдвэрт ажиллалаа. Ажлын хэсгийн дарга, УИХ-ын гишүүн Д.Энхтуяа ажлын хэсгийн гишүүн УИХ-ын гишүүн Д.Энхтүвшин, Б.Уянга, Б.Пунсалмаа, М.Бадамсүрэн, М.Энхцэцэг нарын гишүүн оролцсон юм. Ажлын хэсгийн гишүүдэд тус компанийн Ерөнхий технологич бөгөөд Технологийн бодлогын хэлтсийн дарга Д.Өлзийбат болон Санхүү, эдийн засгийн газрын дарга А.Батзориг нар танилцуулга өгсөн юм. Танилцуулгад Тавантолгой түлш компаийн үйлдвэрлэж буй шахмал түлш нь 2019 оноос өнөөг хүртэл орц найрлага болоод, түүхий эд нь огт өөрчлөгдөөгүй гэдгийг онцоллоо. Мөн шахмал түлшний технологийн алдаа гараагүй, Монгол Улсад мөрдөгдөж байгаа Хатуу түлшний техникийн шаардлагыг тогтмол хангаж ирснийг хөндлөнгийн лабораторийн шинжилгээгээр баталгаажуулж байгааг хэллээ. Мөн бүтээгдэхүүн хөгжүүлэлтийн талаар ч цөөнгүй ажил хийснийг танилцуулгад дурьсан. Тухайлбал, шахмал түлшний түүхий эдийг солих, чанарыг сайжруулах чиглэлээр туршилт судлагааны ажил хийжээ. Өнөөдрийн үйлдвэрлэж буй шахмал түлшний түүхий эд мидлингийг солихгүйгээр айл өрхийн яндангаас гарах утааны агаарын чанарт үзүүлж буй нөлөөллийг бууруулахад боломжгүй гэдгийг тэрээр онцоллоо. Тиймээс шахмал түлшний түүхий эдийг хагас кокс болон угааж баяжуулсан нүүрсний баяжмалаар хийх шаардлагатай гэв. Тэрчлэн барьцалдуулагч эдийн хувьд импортын болон дотоодын аж ахуйн нэгжийн үйлдвэрлэж буй доломитын орцтой бүтээгдэхүүн ашиглаж байгааг танилцуулллаа. Монгол Улсын тухайд хатуу түлшний барьцалдуулагчийн стандарт байхгүй бөгөөд Тавантолгой түлш компанийн хувьд 2022 оноос барьцалдуулагчийн байгууллагын стандартыг баталж мөрдөж байгаа гэнэ. Үүнийгээ сайжруулуулж улсын стандарт болгуулахаар ажиллаж байгаа гэлээ. Ажлын хэсгийн гишүүдийн зүгээс “Та бүхний үйлдврлэж буй шахмал түлш стандартын дагуу гарч байгаа ч агаарын бохирдол их байгаа нь иргэд, олон нийтийг бухимдуулж байна. Тиймээс шахмал түлшийг яаж сайжруулах, богино хугацаанд үр дүн гаргах тал дээр илүү анхаарч ажиллах шаардлага байна. Мөн иргэдийн дунд барьцалдуулагч нь эргэлзээ төрүүлж байна гэсэн мэдээлэл ч байна. Үүнтэй уялдуулан холбогдох баримт материалыг ажлын хэсэгт татан авч үзнэ. Ингэсний үндсэн дээр санал, зөвлөмж боловсруулна. Тиймээс гуравдугаар сарын 15 хүртэл өндөржүүлсэн бэлэн байдалд ажиллах шаардлагатай” гэлээ. Мөн агаарын чанарт нөлөөлж буй хөндлөнгийн эх үүсвэрүүдийн судлагааг нарийвчлан гаргах шаардлага байгааг ажлын хэсгийн гишүүд онцолж байлаа. Тодруулбал, дүүрэг тус бүрээр нь ямар эх үүсвэр, аль цаг хугацаанд илүү сөрөг нөлөө үзүүлж байгааг тодорхойлж, түүнд дүн шинжилгээ нөхцөл шаардлага байгааг хэлсэн юм.

АНДЫН НӨХӨРЛӨЛИЙГ ХАРУУЛСАН “ТЭНГЭРИЙН ЭЛЧ” ДУУРЬ ТОГЛОНО

12 / 18 0 сэтгэгдэл 429 үзсэнe

УДБЭТ-ын хамт олон 2024 онд шинэ уран бүтээл хийж урын сангаа баяжуулахаар төлөвлөсөн. Ийнхүү 2025 оны босгон дээр хоёр дахь уран бүтээлээ өлгийдөн авахад бэлэн боллоо. Тус театрын эхний шинэ уран бүтээл нь дэлхийн сонгодог бүтээл Г.Доницетти “Дурлалын ундаа” хошин дуурь байсан бол энэ удаад монголын нууц товчооноос сэдэвлэн бүтээсэн түүхэн дуурь “Тэнгэрийн элч” цоо шинэ дуурийг энэ сарын 28,29-нд тоглох гэж байна. “Тэнгэрийн элч” дуурийн тухй мэдээлэл өгөх хэвлэлийн бага хурал өнөөдөр УДБЭТ-т боллоо. Энэхүү дуурь нь Нийслэлийн Засаг дарга бөгөөд Улаанбаатар хотын Захирагчийн ивээл дор, Улаанбаатар хот үүсэн байгуулагдсаны 385 жилийн ойн хүрээнд бүтээгдэж байгаагаараа онцлог юм. “Тэнгэрийн элч” дуурийн цомнолыг МУСТА Л.Даваасүрэн, Б.Энхтуяа, хөгжмийг нь МУАЖ А.Энхтайван бичиж, ерөнхий продюсероор УДБЭТ-ын захирал МУГЖ Д.Алтанхуяг, ерөнхий найруулагчаар МУСТА С.Баттулга, ерөнхий удирдаачаар МУСТА Ц.Тэлмүүн-очир, ерөнхий хормейстерээр МУУГЗ Н.Дашбямба, балетмейстерээр МУСТА М.Нямтайван, туслах найруулагчаар Б.Мэндбаяр, зураачаар Ж.Болортүвшин, хөтлөх найруулагчаар МУСТА Б.Цэрэндаваа нар ажиллажээ. “Тэнгэрийн элч” дуурь нь Монголын нууц товчоо, Их эзэн Чингис хааны түүхээс сэдэвлэн бүтээгдсэн, монголын түүх, уламжлалаа хойч үедээ үнэн зөвөөр ойлгуулж, өвлүүлэн уламжлуулах зорилготойгоор бүтээгдэж буй үндэсний дуурь юм гэж ерөнхий продюсер, МУГЖ Д.Алтанхуяг онцолсон. “Дуурийн гол агуулга нь Тэмүжин эцэг Есүхэй баатраас үлдээсэн өв болох найман шарга морьдоо алдаад нарийн өвсний налархай даган хайж явсаар хөхүүрийн талд хүрч Аралуд аймгийн Наху баяны хүү Боорчтой анх танилцаж анд барилдсан цагаас хойш их Монгол улсыг нэгтгэн төр улсыг төвшитгөх хүртэл хамт зүтгэж мөнх тэнгэрийн элч хэмээн өргөмжлөгдөж явсан Боорчийн үнэнч сэтгэл, эр хүмүүний нөхөрлөлийг харуулсан түүхэн сэдэвт бүтээл юм” хэмээн ерөнхий найруулагч МУСТА С.Баттулга хэллээ. Та бүхнийг энэ сарын 28, 29-ний өдөр “Тэнгэрийн элч” цоо шинэ түүхэн дуурийг хүрэлцэн ирж үзэхийг урьж байна.

АЙНКОГИЙН ЭЭЛЖИТ СЮРПРИЗ “DEGI&NAKI”

12 / 18 0 сэтгэгдэл 402 үзсэнe

Тансаг зэрэглэлийн шоуны салхийг Т.Ариунаа гавьяатын “Нандин учрал”тоглолтоор эхлүүлсэн “Ainko” энтертайнмент студи БНСУ-ын Сөүл хотноо байрлах Grest72 шилэн ордонтой нягт хамтын ажиллагааг эхлүүлжээ. “Ainko”-чуудын энэ удаагийн сюрприз хийлч Дээгий, дуучин Наки нарын хамтарсан тоглолт юм байна. Шинэ оны босгон дээр 12.30-нд зохион байгуулах “Degi&Naki” тоглолтыг жүжигчин Цолмонбаяр хөтлөх аж. VIP ширээнд тухлан үдшийн зоог барингаа, гайхамшигт хийлийн аязанд уяран, гал цогтой Накигийн дуунуудад доргин өнгөрөөх үдэш айсуй. Т.Ариунаа гавьяатын тоглолтын дуулиан дуусаагүй байхад “Degi&Naki” Солонгос улсад ажиллаж амьдарч буй монголчууддаа дурсамж бүтээх бэлтгэл ажилдаа оржээ. Солонгос одод тоглолтоо хийж, хуримладаг “Grest72” шилэн ордон монгол хамтлаг дуучдад үүд хаалгаа нээж, үзэгчдийн тав тухыг хангаж буй нь бахархалтай.

САЙЖРУУЛСАН ШАХМАЛ ТҮЛШНИЙ ХЭРЭГЛЭЭНД ХЯНАЛТ ТАВЬЖ, ТӨРИЙН АЛБАН ХААГЧДЫН ДЭМЖЛЭГИЙГ АВНА ГЭВ

12 / 17 0 сэтгэгдэл 844 үзсэнe

Улсын Онцгой Комиссын ээлжит шуурхай хуралдаан өнөөдөр /2024.11.17/ боллоо. Хуралдаанаар Монгол Улсын Шадар сайд, УОК-ын дарга С.Амарсайхан Өвөлжилт, хаваржилтын бэлтгэл ажлын хүрээнд хийгдэж буй ажлууд, Ирэх саруудын цаг агаарын нөхцөл байдал, Нийслэлийн агаарын чанарын нөхцөл байдал, Агаар орчны бохирдлыг бууруулах арга хэмжээ, Шахмал түлшний үйлдвэрийн ажлын явцын талаарх танилцуулга мэдээллийг сонсож, үүрэг чиглэл өглөө. Зудын эрсдэлийн үнэлгээгээр Баян-Өлгий, Увс, Ховд, Говь-Алтай, Баянхонгор аймгуудад их эрсдэлтэй, Архангай, Өвөрхангай, Хөвсгөл, Сүхбаатар, аймгууд дунд эрсдэлтэй гарчээ. Өнөөдрийн байдлаар нийт 17.913 өрх, 7.329 толгой мал отор нүүдэл хийж байна. Түүнчлэн Монгол Улсын Шадар сайд, УОК-ын дарга С.Амарсайханы тушаалын дагуу УОК-ын шуурхай бүлэг “Өвөлжилтийн бэлтгэл ажлыг хангах, “Шинэ хоршоо-Чинээлэг малчин” хөтөлбөрт хамрагдаж, хөрөнгө оруулалтын зээл авсан малчид, хоршоологчидтой уулзаж, зээлийн зарцуулалт хэрэгжилтэд хяналт тавьж ажиллаж байна. Улсын хэмжээнд нийт 6599 хоршоо шинээр байгуулагдаж, 68500 гаруй малчин хоршоологчдод 551.8 тэрбум төгрөгийн зээл олгогдсон байна. Шуурхай бүлгүүд энэ сарын 15-ны өдрийн байдлаар 14.765 малчин, хоршоологчдод хүрч ажилласан бөгөөд 73 хувьтай байна. Улаанбаатар хотын хэмжээнд агаарын чанарын нийт 19 автомат станц ажиллаж байгаа бөгөөд хүхэрлэг хийн жилийн дундаж агууламж 1-р хороолол, Хайлааст, Таван буудал, Шархад, Налайх, Зурагт, Амгалан, Баянхошуу зэрэг гэр хорооллын орчимд стандарт дахь хүлцэх агууламжаас 2.7-12.5 дахин их, бусад байршилд стандартын түвшинтэй ойролцоо байна. Агаарын бохирдолд нөлөөлж буй хүчин зүйлийн судалгаагаар гэр хорооллын айл өрх 55.6 хувь, автомашин 28.9 хувь, бусад хүчин зүйлс /усан халаалтын зуух, бага оврын халаалтын зуух, дулаан цахилгаан станцын үнсэн сан/ 15.5 хувь эзэлж байна. Нийслэлд гэр хороололд амьдардаг айл өрх 2023 онд 50,2 хувь байсан бол 2024 онд 44 хувь болж буурсан үзүүлэлттэй байна. Цаашлаад гэр хорооллыг орон сууцжуулах, дэд төвүүдийг бий болгон иргэдийг эрүүл, аюулгүй орчинд стандартын шаардлага хангасан орон сууцанд амьдрах нөхцөлийг бүрдүүлэх зорилгоор 202.626 айлын орон сууцны төслүүдийг хэрэгжүүлж байна. Энэ хүрээнд 41,584 айлын орон сууц, дахин төлөвлөлтийн хүрээнд 148,323 айлын орон сууц, гадаадын зээл тусламжийн хүрээнд 12,719 айлын орон сууцыг барьж байгуулахаар төлөвлөн ажиллаж байна. “Тавантолгой түлш” ХХК нь сайжруулсан шахмал түлшний стандартыг 2022 онд шинэчлэн баталсан байна. Мөн шахмал түлш үйлдвэрлэлийн үндсэн түүхий эд болон шахмал түлшний чанарын хяналтыг хөндлөнгийн итгэмжлэгдсэн лабораториудаар хийлгэж байна. Сайжруулсан шахмал түлшний үндсэн түүхий эд нь угааж ангилсан нүүрсний завсарын бүтээгдэхүүн болох эрчим хүчний нүүрс мидлинг юм. Энэ нь техникийн шаардлага MNS 6226:2011 стандартын шаардлагыг бүрэн хангаж байна. Түүнчлэн шахмал түлшний үйлдвэрлэлийн технологийн горимд өөрчлөлт ороогүй бөгөөд түүхий эд найрлага нь өөрчлөгдөөгүй талаар салбарын мэргэжилтнүүд мэдээлэв. Дээрх мэдээлэлтэй холбогдуулан Монгол Улсын Шадар сайд, УОК-ын дарга С.Амарсайхан дараах үүрэг чиглэлийг өглөө. Үүнд: Агаарын бохирдлыг бууруулах Үндэсний хороог байгуулах, хорооноос гарсан шийдвэрийг үндэсний хэмжээнд хэрэгжүүлэх, арга хэмжээний үр дүнг Засгийн газарт танилцуулах, салбар хоорондын уялдаа холбоог хангаж ажиллах; Утаа, агаарын бохирдол, шороо тоосны бохирдлын хэмжээг нарийвчлалтай тогтоох нийслэлийн шуурхай штабыг байгуулан ажиллуулах, гэр хороолол тэр дундаа зорилтот айл өрхүүдийг сайжруулсан түлшээр хангах зохион байгуулалтыг хийх, эдгээрт эргэн хяналт тавьж ажиллах, мөн дугуй, хог, хуванцар сав түлж байгаа зэрэгт хяналт тавих, Сайжруулсан шахмал түлшний хэрэглээнд хяналт тавих, үүнд төрийн албан хаагчдын дэмжлэгийг авч оролцуулах, энэ талын зөвлөмж зөвлөгөөг иргэд олон нийтэд түгээн мэдээлэх; Агаарын бохирдлыг бууруулах түүнээс урьдчилан сэргийлэх чиглэлээр урт, богино дунд хугацааны төлөвлөгөө гаргах, энэ талын мэдээллээр иргэдийг хангах; Агаарын бохирдолтой холбоотойгоор томуу, тост өвчнөөс урьдчилан сэргийлэх, өвчний тархалтыг бууруулахад анхаарч ажиллах, бага насны хүүхэд болон өндөр настангуудыг энэ төрлийн өвчлөлөөс сэргийлэх бодлого, төлөвлөгөө гарган ажиллах, Түүхий нүүрс хэрэглэж байгаа эсэхэд онцгой анхаарч, хяналт тавих; Тавантолгой түлш ХХК гадна дотоодын эрдэмтэн судлаачдын багын бүрэлдэхүүнтэй ажлын хэсэг байгуулж, түүхийн эдийн дээжийг хөндлөнгийн шинжилгээнд явуулах, гарсан үр дүнг 14 хоногийн дотор эргэн мэдээлэх зэрэг үүрэг чиглэлийг өглөө.

“ЖЕНДЭРИЙН МЭДРЭМЖТЭЙ БОДЛОГО БА ХЭВЛЭЛ МЭДЭЭЛЭЛ” СУРГАЛТ БОЛЖ ӨНДӨРЛӨЛӨӨ

12 / 17 0 сэтгэгдэл 482 үзсэнe

Глоб Интернэшнл төв нь “Жендэрийн ба хөгжлийн бэрхшээлтэй иргэдийн эрх тэгш байдал, хамруулалтыг хөхүүлэн дэмжихийн тулд монголын хэвлэл мэдээллийг эрх мэдэлжүүлэх нь” хэмээх Юнеско-гийн төслийн хүрээнд 12-р сарын 16-ны өдөр “Жендэрийн мэдрэмжтэй бодлого ба хэвлэл мэдээлэл төр, иргэний нийгэм, хэвлэл мэдээллийн байгууллагын төлөөлөл, сэтгүүлчдэд зориулсан сургалтыг хоёр дахь удаагааа зохион байгуулав. “Жендэрийн эрх тэгш байдлын талаарх мэдлэг ойлголтыг нэмэгдүүлж, оролцогч байгууллага тус бүр жендэрийн эрх тэгш байдлыг дэмжихэд чиглэсэн байгууллагын үйл ажиллагааны бодлоготой болох, бодлогын баримт бичгийг сайжруулах нь” тус сургалтын зорилго юм. Учир нь сүүлийн жилүүдэд жендэрийн үүрэг, жендэрийн хандлага, жендэрээр ялгаварлан гадуурхах, жендэрийн тэгш байдал, жендэрийн шударга ёс, жендэрийн дүн шинжилгээ, жендэрийн асуудлыг тэргүүн эгнээнд тавих зэрэг нэр томъёог нийгмийн хөгжилтэй холбоотой тунхаглал, үйл ажиллагааны төлөвлөгөө, улс төрийн хүрээнд өрнөж буй яриа хэлэлцүүлэг, хөтөлбөр, төслүүдэд тусгах болсон. Сургалтын агуулгад Мэдээлэл харилцааны хөгжлийн олон улсын хөтөлбөрийн дэмжлэгтэйгээр 2012 онд боловсруулсан “Хэвлэл мэдээлэл дэх жендэрийн мэдрэмжтэй байдлын шалгуур үзүүлэлт”-үүдийн тухай өргөнөөр багтав. Уг шалгуур үзүүлэлтүүдийг ЮНЕСКО ОУСХ-той хамтран олон жилийн судалгааны үндсэн дээр боловсруулсан.Учир нь жендэрийн тэгш байдал болон эмэгтэйчүүдийг чадавхжуулах нь ЮНЕСКО-гийн нэн тэргүүний зорилтуудын учир ЮНЕСКО-гийн гишүүн орнуудын хэвлэл мэдээллийн салбарт үнэлгээ өгөх зорилгоор боловсруулсан юм. Сургалтыг Глоб Интернэшнл төвийн удирдах зөвлөлийн дарга Х.Наранжаргал болон Юнеско-гийн Бээжин дэх төлөөлөгчийн газрын захирал профессор Шахбаз Хан/ Видео мэндчилгээ/ нар нээж үг хэлэв. Мөн сургалтын эхэнд “Жендэр ба төрийн бодлого” сэдвээр Жендэрийн үндэсний хорооны ажлын албаны Жендэрийн дн шинжилгээ, мэдээлэл судалгааны хэлтсийн дарга О.Буянаа илтгэл танилцуулав. Сургалтын чиглүүлэгчээр Глоб Интернэшнл төвийн Удирдах зөвлөлийн дарга Х.Наранжаргал,сургагч багшаар Жендэрийн үндэсний хорооны ажлын албаны Жендэрийн дүн шинжилгээ, мэдээлэл судалгааны хэлтсийн дарга О.Буянаа, Глоб Интернэшнл төвийн хуульч Б.Пүрэвсүрэн, Л.Ганбаатар нар ажиллав.Түүнчлэн хөтөлбөрийн зочин илтгэгчээр СУИС-ийн Кино, телевиз, Медиа урлагийн сэтгүүл зүйн тэнхимийн эрхлэгч,доктор Д.Цэнд уригдан “МҮОНТ-ийн зарим нэвтрүүлгийн эх сурвалжийн жендэрт хийсэн судалгаа”- ны дүнгээс танилцуулав.

БЗС-Г “ЛУЙВАРДСАН” КОЙНЧИН О.МӨНХЖИН ЗЭЭЛЭЭ ХЭЗЭЭ ТӨЛӨХ ВЭ

12 / 12 0 сэтгэгдэл 763 үзсэнe

Алдарт залилагч койнчин О.Мөнхжинд холбогдох хэргийг АТГ-аас сэргээн шалгахаар болжээ. Тэрбээр БЗС-гаас нийт 170.000 ам.долларын зээл авахдаа өвөө эмээгийнхээ байрыг барьцаанд тавьж зээл авсан хэмээн ярьдаг. Уг нь дэлхийн тэргүүлэгч сургуулиудад сурах заалттай, авах зээлийн хэмжээ нь мөн хязгаартай атал ийнхүү дэлхийн тэргүүлэгч биш, нэг хүний авах зээлийн хэмжээнээс хамаагүй их хэмжээгээр зээл авсан нь дахин асуудал дагуулах болжээ. О.Мөнхжин сургуулийнхаа төлбөрийг өөрийн хувийн дансандаа авсан тухай асуудал үүсэж өдгөө АТГ-т шалгагдаж мөрдөгчид уг хэргийг мухарлахаар болжээ. Түүнчлэн О.Мөнхжингийн эхнэр Н.Цолмон БЗС-гаас 188.778 ам. долларын зээл авч. Ингэхдээ бас л нөхрийнхөө адил өөрийн хувийн дансаараа авсан бөгөөд мөн л одоог хүртэл ямар нэгэн төлөлт хийгээгүй, гэрээний үүргийн дагуу ямар нэгэн төрийн байгууллагад ажиллаагүй гэх зэрэг зөрчлүүдээр АТГ-т давхар шалгагдаж байгаа ажээ. Мөн О.Мөнхжингийн хувьд ICH хэмээх койн гаргахдаа ижил нэртэйг гаргаж гэмт хэрэг үйлдэх талаар урьдчилан үгсэн тохиролцож, нэр бүхий койны үнэ цэнд нөлөөлөх, нийтийн хүртээл болоогүй дотоод мэдээллийг ашиглан өөрийн болон хамаарал бүхий хүмүүсийн дансаар койн арилжаалсан, мөнгө угаасан гэх хэрэгт холбогдож цагдан хоригдож байсан этгээд. Эл хэрэг өнгөрсөн 4 дүгээр сард Сүхбаатар дүүргийн Эрүүгийн хэргийн Анхан шатны шүүхэд шилжсэн ч одоог хүртэл ямар нэгэн шийдвэр гараагүй шалгаж байгаа нэртэй цаг хугацаа авч, олон хүнийг хохироосоор буй. Ямартай ч сагсны талбай дээр юм шидлээ, талбай дээр хэрүүл хийлээ, койн гаргалаа, олон мянган хохирогчтой боллоо гэх зэргээр шуугиулж явсан О.Мөнхжин татвар төлөгчдийн мөнгөөр эхнэртэйгээ хамтдаа жаалж, баян хүн шиг амьдарч болохгүй биз ээ. Тиймээс эргэн төлөгдөхгүй нөхцөлтэй хэмээн ярьж буй О.Мөнхжингөөр БЗС-гаас авсан 170.000 ам.долларыг нь яаралтай төлүүлэх нь шударга ёсонд нийцэх биз ээ.

МОНГОЛ УЛСЫН ЕРӨНХИЙЛӨГЧИЙН САНААЧИЛГААР ХЭРЭГЖҮҮЛЖ БУЙ "ЭРҮҮЛ МОНГОЛ ХҮН" ҮНДЭСНИЙ ХӨДӨЛГӨӨНИЙГ УЛСЫН ХЭМЖЭЭНД ЗОХИОН БАЙГУУЛАХ АРГА ХЭМЖЭЭ УЛС ОРОН ДАЯАР ХЭРЭГЖИЖ БАЙНА.

12 / 12 0 сэтгэгдэл 102 үзсэнe

МОНГОЛ УЛСЫН ЕРӨНХИЙЛӨГЧИЙН САНААЧИЛГААР ХЭРЭГЖҮҮЛЖ БУЙ "ЭРҮҮЛ МОНГОЛ ХҮН" ҮНДЭСНИЙ ХӨДӨЛГӨӨНИЙГ УЛСЫН ХЭМЖЭЭНД ЗОХИОН БАЙГУУЛАХ АРГА ХЭМЖЭЭ УЛС ОРОН ДАЯАР ХЭРЭГЖИЖ БАЙНА. "Илүүдэл жингүй, Эртэч Монгол-цаг гаргая" уралдаант аянд Дарханы Төмөрлөгийн үйлдвэрийн 95 албан хаагч оролцлоо. Аж ахуй нэгж байгууллага, иргэд та бүхнийг идэвхитэй хамрагдахыг уриалж байна.