Л.Оюун-Эрдэнийн ЗАСАГ ОГЦРОХ НЬ “ТОДОРХОЙ”

10 / 08 0 сэтгэгдэл 521 үзсэнe

Ерөнхий сайд Л.Оюун-Эрдэнийн засаг огцрох нь “Тодорхой” болов. Сүүлийн сар гаруйн хугацаанд нийгэмд өрнөсөн эмх замбараагүй олон үйл явдлууд Засгийн Газар ажлаа хийхгүй байгааг харуулж байгаа.Үүнд шатахууны хомстол, шахмал түлшний борлуулалтын ажил урагшлахгүй байгаа зэрэг нь цар тахалд дарлагдаж хоёр жил гаруй хөлөө тушуулж, ходоодоо хэмжүүлсэн иргэдийн бухимдлыг дээд цэгт нь ч хүргэсэнд юм. 1990 оноос хойш 30 гаруй жил улс төрийн халуун тогоонд чанагдаж хал үзсэн өвгөн сайд Ц.Нямдорж ийм зүйл үзээгүй гэж толгой сэгсрэн халаглав УИХ-ын дарга Г.Занданшатар сайд нартаа хариуцлага тооцохыг Ерөнхий сайдад сануулав. Эндээс харахад Л.Оюун-Эрдэнийн Засгийн газрын үйл ажиллагаанд хэн хүнгүй сэтгэл дундуур байгаа нь ажиглагдаж байна. Үүний зэрэгцээ Засгийн Газрыг огцруулах асуудлыг УИХ дахь АН-ын бүлгийн гишүүд хөндөж буй. Эрх барьж байгаа МАН хүчтэй нөлөөтэй байгаа ч Л.Оюун-Эрдэнийн Засгийн газар найдвартай хамгаалалттай гэсэн үг биш. Иймд Засгийн газрын үүрэг хариуцлагын асуудал ганц нэг сайдаар туг тахиад намжих хэмжээний биш, бүрэн бүрэлдэхүүнээр нь огцруулах хэмжээнд тулж ирээд байна.

ЭХНИЙ ЗОРИЛГО НЬ НӨХӨН СОНГУУЛЬ, ДАРААГИЙН ЗОРИЛГО НЬ ХЭРГИЙГ ЗАМХРУУЛАХ ГЭСЭН САНААТАЙ ОРОЛДЛОГО...

10 / 08 0 сэтгэгдэл 667 үзсэнe

С.Зоригийн амь насыг хөнөөсөн хэрэгт гурван шатны шүүхээр 25 жилийн ял авсан Т.Чимгээ, Б.Содномдаржаа нарыг алуурчин биш гэж хэн ч нотлоогүй. Улсын дээд шүүхээс тэднийг батлан даалтад гаргахдаа сэжигтэн хэвээр нь үлдээж, гэхдээ эрүүдэн шүүлгүйгээр энэ хэргийг дахид мөрдөөд ир гэж прокурорт буцаасан. Гэтэл нөхөн сонгуулийн өмнө хүн амины онц ноцтой хэрэгтнийг урьж залаад уйлуулж, дуулуулаад жүжиг тоглуулж байгааг харвал Ерөнхийлөгчийн амалсанчлан Монголд хууль засагладаг шударга нийгэм тогтоход хаа ч байсан юм. Товчхондоо, Ц.Нямдорж Төрийн ордонд байгаа цагт Монголд шударга ёс тогтохгүй гэдгийг бүгд харлаа, мэдлээ. Т.Чимгээг телевизийн камерын өмнө уйлуулж, дуулуулсан нь ЗГХЭГ-ын дарга Ц.Нямдоржийн хүслээр, Ерөнхий сайдын албан бус зөвлөх Х.Баттулгын найруулга дор энэ бүх жүжиг тоглогдсон байх магадлалтай. Эхний зорилго нь нөхөн сонгууль, дараагийн зорилго нь С.Зоригийн амь насыг хөнөөсөн хэргийг ингээд замхруулах гэсэн санаатай оролдлого. Х.Нямбаатарын хэлснээр С.Зоригийн амь насыг хөнөөсөн хэрэг дээр ажиллаж байгаа ажлын хэсгийг шинэчлэхээр Засгийн газар шийдвэрлэсэн нь үнэндээ Ц.Нямдоржийн хүсэл сонирхол гэхэд бодит үнэнээс лав хол зөрөхгүй. Олон жил С.Зоригийн ясыг өндөлжүүлж, сүнсийг нь төөрөлдүүлж,Ардын намынхан сонгуульд энэ хэргийг ашиглахаараа нэг боллоо. Одоо, хэргийг нь төрийн нууцаас бүхэлд нь гаргаж чадах эсэх нь гагцхүү У.Хүрэлсүхийн эр зоригоос шалтгаалахаар болж. Тэгээд ч “Зориг эс хүрвэл ухаан эс хүрнэ” гэж Ерөнхийлөгч өөрөө хэлдэг, зөвлөдөг.

ЭРХ БАРИГЧИД ХҮЧЭЭ НЭГТГЭЭД “ХҮЧИНДЭЖ” БАЙНА

10 / 08 0 сэтгэгдэл 620 үзсэнe

Д.Монголхүүгийн эрхээс Монгол ардын намын дарга нарын эрх илүүд тавигдах ёсгүй !!! Зургаан цагдаа зодсон асуудлаар Д.Монголхүүг баривчлаад шоронд хорьсон.Хоригдсон Монголхүү цар тахлаар амиа алдаж буй иргэдийнхээ өмнөөс Засгийн газраас шударга ёс хүссэн байдаг. Гэтэл түүнийг цагдаа зодсон хэрэг тохоод цагдан хорих 461 дүгээр ангид саатуулж саатуулагдсан түүнийг 461 дүгээр ангиас Э.Одбаяр “хулгайлж” зугатсаныг цагдаагийн том дарга нь “энэ нь маш ноцтой, үндэсний аюулгүй байдлын хэмжээний асуудал” хэмээн зарлав. Сайн найзыгаа хэвтэрт ортол нь зодсон олимпийн аварга Н.Түвшинбаяр одоогоороо чөлөөтэй яваа, Монголын цагдаа нар түүнийг хэрэг үйлдэх үеэр барьж хорих нь байтугай, манаад зогсож байсан. Э.Цэндбаатарыг “нүдсэн” хоёр боксчинг хорилоо барилаа гэж лав сонсогдоогүй, эцэстээ нэгэн залуу спортын карьертаа цэг тавьсан. Н.Түвшинбаяр нь Ерөнхийлэгч асан Х.Баттулгын "баруун гар". Э.Цэндбаатарыг зодсон боксчид Х.Нямбаатарын холбооныхон.Энэ мэт “ТЭДЭНД” хууль гууль болж байгаа бол “БИДЭНД” төр төмөр нүүрээ үзүүлсээр байгаа... Угтаа бол Д.МОНГОЛХҮҮГИЙН ЭРХЭЭС МОНГОЛ АРДЫН НАМЫН ДАРГА НАРЫН ЭРХ ИЛҮҮД ТАВИГДАХ ЁСГҮЙ юм !!!

ШУУРХАЙ: Э.ОДБАЯР, Н.ГАН-ОЧИР, Н.ЧИНБАТ НАР “ӨЛСГӨЛӨН ЗАРЛАЖ” БАЙНА

10 / 08 0 сэтгэгдэл 849 үзсэнe

Double Standard хөдөлгөөний зохицуулагч н.Монголхүү, Э.Одбаяр нарын залуучуудыг 30 хоног цагдан хорих шүүхийн шийдвэр гарсан. Тодруулбал, иргэн Э.Одбаярыг өмгөөлөгчгүй шүүж, 30 хоног цагдан хорих шийдвэрийг шүүхээс гаргасан гэж буй. Иймд тэрээр өлсгөлөн зарлаж эхэлсэн гэж буй. Харин ШШГЕГ-ын удирдлагууд Э.Одбаяр өлсгөлөн зарлаагүй гэсэн. Тэгвэл тус хорих ангид Э.Одбаяраас гадна иргэн н.Ган-Очир, Чинбат нарын залуучууд өлсгөлөн зарлаж буйгаа ШШГЕГ-ын харьяа цагдан хорих 461 дүгээр ангид илэрхийлж, өлсгөлөн зарлаж эхэлсэн талаар өмгөөлөгч Ч.Мөнхсайхан “Өдрийн сонин”-нд өгсөн ярилцагадаа өгүүлжээ. Ташрамд дуулгахад, иргэн н.Ган-Очир нь санал тоолох хар машиныг ашиглаж МАН сонгуулийг луйвардсан байж болзошгүй талаар мэдээлэл хийж байсан юм.

ТААРАМЖГҮЙ ХАРИЛЦААНААС БОЛЖ АМЬ НАСЫГ НЬ ХОХИРООСОН НОЦТОЙ ХЭРЭГ ГАРЛАА

10 / 08 0 сэтгэгдэл 934 үзсэнe

2021 оны 8 дугаар сарын 4-нд Дорнод аймагт хэсэг залуус маргалдан нэгнээ машинаар дайрч буй бичлэг олон нийтийн сүлжээнд цацагдсан. Тэгвэл дахин үүнтэй адил буюу хоорондын таарамжгүй харилцаанаас болж тээврийн хэрэгслээрээ дайрч амь насыг нь хохироосон хэрэг бүртгэгдлээ. Тодруулбал : Цагдаагийн байгууллагад манай найзыг машинаар дайрчихлаа гэх дуудлага мэдээлэл 2021 оны 10 дугаар сарын 8-ны шөнийн 02:22-д бүртгэгджээ. Дуудлагын дагуу цагдаагийн бүрэлдэхүүн, прокурор, шинжээч нарыг оролцуулан шалгахад : ЧД-19, Зуун модны ... дугаар тоотод бүртгэлтэй эр.39 настай О-г зүс таних БГД-ийн .... дугаар тоотод бүртгэлтэй эр.24 настай Б нь хувийн таарамжгүй харилцаанаас болж /...-...УНС/ улсын дугаартай Ниссан маркийн тээврийн хэрэгслээр дайрч амь насыг хохироосон байна. Одоогийн байдлаар тус хэргийг ЧДЦХ-1 хэлтэс шалгаж байна. эр.24 настай Б-г шуурхай эрэн сурвалжилж ажиллан 04:30 цагийн орчимд БГД-ийн нутаг дэвсгэрээс дайчлан баривчилжээ. Ерөнхийдөө ийнхүү сүүлийн үед залуус тэрхэн хугацааны уур омгоо барьж чадалгүй болчимгүй үйлдэл гаргах боллоо. Мэдээж хэрэг иймэрхүү ноцтой хэргийн ард нэг нь амь насаа алдаж, нөгөөх нь хуулийн дагуу төмөр торны цаана залуу үеийнхэн маань сууж байгаа нь харамсалтай. Бид тухайн хэргийн талаар цагдаагийн байгууллагаас тодруулан хүргэх болно. Мөн өнгөрсөн 8 дугаар сарын 4-ны өдөр Дорнод аймагт болсон тээврийн хэрэгслээр иргэнийг дайрсан хэрэг ямар шатандаа явааг тодруулан хүргэх болно.

ХҮНИЙГ МАШИНААР ДАЙРЧ ХӨНӨӨГӨӨД ЗУГТСАН ЭТГЭЭДИЙГ БАРИВЧИЛЛАА

10 / 08 0 сэтгэгдэл 983 үзсэнe

Өчигдөр шөнө буюу энэ сарын 8 ны 02 цагийн орчимд хувийн таарамжгүй харилцаанаас үүдэн машинаар хүнийг дайрч амь насыг нь хөнөөсөн онц ноцтой хэрэг гарсан байна. Тодруулбал, Чингэлэй дүүргийн нутаг дэвсгэрт манай найзыг хүн дайрсан гэх мэдээллийн дагуу цагдаагийн байгууллагаас хэргийн газарт ажиллахад эрэгтэй 39 настай иргэнийг дайрч хөнөөгөөд хэргийн газраас зугтсан байжээ. Улмаар яаралтай эрэн сурвалжилж хоёр цагийн дараа Баянгол дүүргийн нутаг дэвсгэрээс хэрэгт холбогдогч 24 настай иргэнийг дайчлан баривчлан цагдан хорьжээ. Хэрэгт холбогдогч нь талийгаачтай маргаж өөрийн эзэмшлийн ниссан тийда маркийн машинаар санаатайгаар дайрч амь насыг нь хөнөөгөөд зугтсан болох нь тогтоогдсон байна.

ТҮРГЭН ТУСЛАМЖААР ЭРҮҮЛЖҮҮЛЭХ БАЙРАНД ХҮРГЭГДЭН ИРСЭН ИРГЭН НАС БАРЛАА

10 / 08 0 сэтгэгдэл 380 үзсэнe

Энэ сарын 7- нө өдөр Нийслэлийн цагдаагийн удирдах газрын харъяа эрүүлжүүлэх байранд саатуулагдахаар ирсэн иргэн нас барсан хэрэг гарлаа. Тодруулбал, тус өдөр эрүүлжүүлэх саатуулах байранд 50 орчим насны иргэн согтуу хүргэгдэж ирээд удалгүй нас барсан байна. Талийгаачийг түргэн тусламжийн эмч нар гудамжинд хэвтэж байхад нь очиж үзлэг хийхэд дагзандаа гэмтсэн байсан аж. Улмаар эрүүлжүүлэх байранд хүлээлгэн өгөөд удалгүй нас барсан байна. Урьдчилсан шалгалтаар хамт согтууруулах ундааны зүйл хэтрүүлэн хэрэглэсэн 47 настай иргэн цээж рүү цохиж газарт унагасан. Газарт унахдаа толгойн тус газраа хүнд гэмтэсний улмаас шархаа даалгүй нас барсан гэх дүгнэлт гарч шалгалтын ажиллагааг үргэлжлүүлэн хийж байна.

ШШГЕГ-ЫН ХАРЬЯА ЦАГДАН ХОРИХ 461-Р АНГИАС ИРГЭН Д.МОНГОЛХҮҮГ АВЧ ЯВСАН ЗҮЙЛ БАЙХГҮЙ ХЭМЭЭН МЭЛЗЭВ.

10 / 07 0 сэтгэгдэл 970 үзсэнe

Цагдаагийн байгууллагаас хойшлуулашгүй ажиллагаа явуулсаны хүрээнд шөнийн хоёр цагын үед жагсаал зохион байгуулсан, цагдаагийн байгууллагын дуудсан цагт удаа дараа ирээгүй, гурван зөрчлийн хэрэг дээр шалгагдаж байгаа учраас Эрүүгийн хэрэг хянан шийдвэрлэх ажиллагааны дагуу баривчлах ажиллагаа явуулан иргэн Д.Монголхүүг баривчилан шүүхийн шийдвэр гүйцэтгэх ерөнхий газрын харъяа цагдан хорих 461-р ангид хүлээлгэн өгсөн байна. Гэтэл оройн цагаар жагсагч Э.Одбаяр болон бусад нэр бүхий иргэд Шүүхийн шийдвэр гүйцэтгэх 416 дүгээр хорих буюу Улсын онцгой объектод халдан орж, гэмт хэрэгт шалгагдаж байгаа этгээдийг хүч хэрэглэн авч явсан гэдгийн цадгаагийн ерөнхий газрын дарга мэдэгдсэн. Харин тухайн үйл явдал шүүхийн шийдвэр гүйцэтгэх ерөнхий газраас тайлбар хийгээгүй байсан бөгөөд өнөөдөр гаргасан мэдэгдэлдээ Цагдан хорих 461 дүгээр ангийн байрнаас иргэн Д.Монголхүүг хүчээр авч явсан асуудал байхгүй. Иргэд шалган нэвтрүүлэх байранд эмх замбараагүй байдал үүсгэхийг завдсан. Энэ талаар манай байгууллагаас Цагдаагийн байгууллагад мэдэгдсэн юм. Үүнтэй холбоотойгоор мөрдөн шалгах ажиллагаа явуулж байгаа тул дэлгэрэнгүй мэдээлэл өгөх боломжгүй гэслээ. Харин иргэн Д.Монголхүүг төрийн тусгай хамгаалалттай бүсэд нэр бүхий иргэд нэвтрэн хүчээр авч явж буй бичлэгийг тэд үгүйсгэв. Ингэснээр хууль хэрэгжүүлдэг монголын томоохон хоёр байгууллага нэг нэгнийхээ хийсэн мэдэгдэлийг няцааж байгаа нь асуудал дагуулж байна. ШШГЕГ Улсын онцгой объектод гэмт хэрэгт шалгагдаж байгаа иргэнийг алдаснаа үгүйсгэж байгаа нь Хууль зүй дотоод хэргийн яамны харьяа агентлагууд нь өөрсдийн чадамжгүй байдлаа харуулав бололтой. Энэ мэт хууль хүчний байгууллага нь чадамжгүй болсон үйлдэлд салбарын сайд хариуцлага хүлээх үү?

Х.БАЯСГАЛАН: ЦАГДААГИЙН ЗҮГЭЭС ӨГСӨН ХОРИХ АНГИАС ХҮН АВЧ ГАРСАН ГЭХ МЭДЭЭЛЭЛ ТАШАА

10 / 07 0 сэтгэгдэл 1 002 үзсэнe

Өчигдөо Цагдаагйн Ерөнхий газрын дарга, Дотоодыг цэргийн командлагч Ж.Болд иргэн Э.Одбаяр болон Монголхүү нарыг цагдан хорьсон асуудлаар мэдээлэл хийсэн. Энэ үеэрээ цагдаагийн алба хаагчдын биед халдсан, хууль ёсны шаардлагыг биелүүлээгүйн улмаас цагдан хорьсон. Харин энэ цагдан хориотой холбоотой үймээн гарсан гэсэн юм. Мөн тэрээр хоригдж байсан иргэнийг хорих байрнаас хэсэг бүлэг этгээдүүд зөвшөөрөлгүй шууд авч гарсан гэх ноцтой мэдээлэл өгсөн билээ. Цагдан хорих байрнаас хүн авч гарсан гэх мэдээллийн дагуу ШШГЕГ-ын Хэвлэл мэдээлэл, олон нийттэй харилцах төвийн дарга, хошууч Х.Баясгалангаас тодруулалаа. - Шүүхийн шийдвэр гүйцэтгэх ерөнхий газрын харьяа Хорих 461 дүгээр ангийн Цагдан хорих байрнаас хүн авч гарсан гэх мэдээлэл нь ташаа мэдээлэл бөгөөд тус ангийн шалган нэвтрүүлэх байрны иргэд хүлээж авах хэсэгт иргэд, өмгөөлөгч, Цагдаагийн байгууллагын алба хаагчдын хооронд маргаантай асуудал үүссэн. Үүнтэй холбоотойгоор мөрдөн шалгах ажиллагаа явагдаж байгаа тул дэлгэрэнгүй мэдээлэл өгөх боломжгүй. Цагдан хорих 461 дүгээр ангид хоригдож байгаа Э.Одбаяр өлсгөлөн зарласан гэх мэдээлэл гараад байгаа? Цагдан хорих таслан сэргийлэх арга хэмжээ авагдсан Э.Одбаяр өлсгөлөн зарлаагүй байгаа. Уг мэдээлэл нь ташаа мэдээлэл байна.

ТЭДНИЙ “ШАЛГАРСАН” АРГА ОДОО “УЛИГ” БОЛОВ

10 / 07 0 сэтгэгдэл 1 074 үзсэнe

Саяхан Хууль зүй, дотоод хэргийн сайд Х.Нямбаатар Засгийн газрын хуралдааны шийдвэр танилцуулах үеэрээ “С.Зоригийн хэрэг мөрдөн байцаалтад буцсан учир Тагнуулын ерөнхий газарт шинээр ажлын хэсэг байгуулсан. Ажлын хэсгийн бүрэлдэхүүнд Цагдаагийн ерөнхий газраас хүмүүс орж ажиллаж байгаа” гэж мэдэгдсэн. Ардын намын Хууль зүйн сайд гэнэт С.Зоригийн хэргийг сөхөөд унасан нь Сонгинохайрхан дүүрэгт болж буй УИХ-ын нөхөн сонгуультай нягт холбоотой.Учир нь МАН сүүлийн 23 жил С.Зоригийн хэргээр улс төрийн Шоу хийсээр ирсэн. Сануулахад : 2017 онд гурван шатны шүүхийн эцсийн шийдвэрээр Б.Содномдаржаа, Т.Чимгээ, Ц.Амгаланбаатар нарт тус бүрд нь 20 жилийн ял оногдуулсан.Харин эдгээр ялтнуудыг ял эдэлж байх явцдаа эрүүдэн шүүлтэд орсон, үндсэндээ тэдэнд эрүү шүүлт тулгаж гаднаас нөлөөлсөн гэх үндэслэлээр өмгөөлөгч, хууль эрх ашгийн хамгаалагчдаас гомдол гаргаж, уг гомдлын дагуу эрүү үүсгэн шалгахад эрүүдэн шүүсэн нь тогтоогдсон. Мөн “Шинээр илэрсэн нөхцөл байдал” гээчид нь үндэслэн Улсын дээд шүүхээс гурван шатны шүүхийн шийдвэрийг хүчингүй болгосон. Засгийн газрын Хэрэг эрхлэх газрын дарга Ц.Нямдорж Хууль зүйн сайд байхдаа дээрх ялтнуудын өмнөөс уучлалт гуйж, амьдралдаа анх удаагаа уучлалт гуйж үзэж байна хэмээн тонголзож байв. Түүний хүчинд С.Зоригийн амь насыг бүрэлгэсэн гэх гэмт этгээдүүд суллагдаж “шинэ нөхцөл байдал” гэгч нь үүссэн. Гэвч өнөөдөр Б.Содномдаржаа, Т.Чимгээ, Ц.Амгаланбаатар нарын хийсэн хэрэг хүчинтэй хэвээр байгаа. Тэдэнд эрүүл шүүлт хэрэглэсэн гэдэг нь тогтоогдсон болохоос тэднийг С.Зоригийг алаагүй байна гэх шүүхийн эцсийн шийдвэр гараагүй байгаа нь ҮНЭН. Гэвч тус аллага илрээд, бүр батлагдаад, гурван шатны шүүхээр эцэслэн тогтоогдчихсон байхад хүртэл буцаад мөрдөн байцаалтад шилжүүлнэ гэдэг нь асар их айдас болгоомжлол агуулж байж болзошгүй. Х.Нямбаатарыг “Шинээр ажлын хэсэг байгуулсан” гэх мэдэгдлийн дараа, өнгөрөгч амралтын өдөр “Цензургүй яриа” нэвтрүүлгээр С.Зоригийн амийг хөнөөсөн алуурчдын нэг гэгдэх Т.Чимгээ “Бат-Үүлийг энэ хэргийн захиалагч, бид нарт мөнгө өгсөн гэж Амгаланбаатар ярьсан” хэмээн хэлэв. Тэгээд зогсохгүй “Содномдаржаа бид хоёрыг Амгаланбаатарын мэдүүлснээр Зоригийг алсан гээд нотлоод байгаа. Гэтэл яагаад Амгаланбаатарын хэлснээр Бат-Үүлийг захиалагч гэдгийг нотлохгүй байгаа юм” гэх утга бүхий зүйлийг ярив. Үндсэндээ энэ хэргийн дундаас захиалагч гэх Бат-Үүлийг сугалаад авчихлаа гэж яриад байгаа нь цаанаа улс төрийн зорилготой гэдгийг улс үндэстэндээ харуулав. Уран бүтээлч хүний харах өнцөг, мэдрэмж гэж яахын аргагүй ертөнцийн торгон үнэн байдаг юм байна. 23 жилийн өмнө нэрт зураач Ц.Байдын зурсан ам зураг өдгөө 23 жил өнгөрчихөөд байхад улам адилхан болоод байгаа нь үйлийн үр үү, үнэний гэрч үү. 23 жил шоудлаа, хорилоо, шүүлээ, хэлмэгдүүлэн доромжиллоо. Одоо болохоор хэлмэгдүүлжээ гэж хэнгэнэтэл уйлуулаад дахиад хэдэн жил шоудах нь. Эл хэрэг сонгууль болгоноор сохор хөзөр болдог явдал үүгээр дуусч байна” гэж Р.Эмүжин бичив. С.Зоригийн хэргийг хэрхэн илрүүлснээ Нийслэлийн прокурорын газрын хэрэг бүртгэх мөрдөн байцаах ажиллагаанд хяналт тавих нэгдүгээр хэлтсийн хяналтын прокурор н.Батжаргал маш тодорхой ярьсан байдаг. Мөн “С.Зоригийн амь насыг хөнөөсөн хэрэг нотлогдсон. Шүүх удаан хугацаагаар хуралдаж шийдвэрээ гаргалаа” гэж Улсын ерөнхий прокурор тухайн үедээ Их хурлын чуулганы нэгдсэн хуралдаан дээр мэдэгдэж байсан. Шүүх, прокурор хууль хүчнийхний эцэслэн тогтоосон хэрэгт ард түмэн итгэж байна. “Ардын нам сүүлийн хэдэн жил төр барихдаа Зоригийн хэргийг буцаалаа. Тэгэхээр тэдний “шалгарсан” арга одоо нэгэнт улиг болжээ.