СӨХ-НЫ ХАРИУЦЛАГАГҮЙ БАЙДЛААС ҮҮДЭН БЯЦХАН ҮР 7 ДАВХРААС УНАЖ, ЭНДЛЭЭ

01 / 27 0 сэтгэгдэл 803 үзсэнe

Дэндүү харамсалтай Алхам тутамдаа аюул эрсдэл дүүрэн амьд явах баталгаагүй амьдрах орчин нөхцөл ядмагхан нийгэмд бидний хойч үе амьдарсаар л байна. Ганц СӨХ-ын хариуцлагагүй байдлаас болж 3-4 насны бяцхан хүү гэр бүлээсээ үүрд явлаа. Тухайн 86-р байрны хоёр лифт нь хоёр жил ажиллаагүйг оршин суугчид хэлсэн юм. Харин уг харамсалтай хэрэг явдал гарсны дараа тухайн лифт АЮУЛТАЙ гэсэн тууз наасан нь даан ч хожимдов. Магадгүй хэд хоногийн өмнө тууз наасан бол хэд хоногийн өмнө лифтээ янзалсан бол Нэг бяцхан зүрх өнөөдөр гэр бүлтэйгээ амь мэнд байх байлаа. Бүтэн хоёр жил яагаад ийм аюултай лифтээ янзлаагүй байж иргэдээсээ СӨХ-ийн мөнгө нэхдэгээ тайлбарлах хэрэгтэй. Ямар нэг байдлаар харамсалтай хэрэг явдал болсны дараа л хариуцлага яригддаг нь даан ч харамсалтай. Гэр бүлд нь гүн эмгэнэл илэрхийлье

ЗАСГИЙН ГАЗРЫН ЭЭЛЖИТ ХУРАЛДААН ӨНӨӨДӨР БОЛЖ, ГАРСАН ШИЙДВЭРИЙГ ТАНИЛЦУУЛЛАА

01 / 26 0 сэтгэгдэл 661 үзсэнe

Хоёрдугаар сарын 14-нөөс сурагчид 5/9 зарчмаар, хоёрдугаар сарын 28-наас танхимаар хичээллэх шийдвэр гарлаа. ]

УЛС ТӨРЧИД СЭТГҮҮЛЧДИЙГ ЗАНАЛХИЙЛДЭГ БАЙДЛЫГ ХҮЛЭЭН ЗӨВШӨӨРЧ БОЛОХГҮЙ !

01 / 26 0 сэтгэгдэл 926 үзсэнe

"Сэтгүүлчдийг ална" хэмээн сүрдүүлсэн улс төрч БСШУ-ны сайд, Элчин сайд асан Ё.Отгонбаярын байж боломгүй үйлдэл анхаарлын төвд ороод байна. Түүний сүрдүүлгэд өртсөн сэтгүүлчид болон бусад хэвлэл мэдээллийн хэрэгслийн төлөөлөл болсон сэтгүүлчид өнөөдөр /2021.01.26/ энэ асуудлаар хэвлэлийн хурал зарлан дараах мэдээллийг өг лөө. ZARIG.MN САЙТЫН ЭРХЛЭГЧ Н.ӨНӨРЦЭЦЭГ: Ё.ОТГОНБАЯРЫН ЭХНЭР Ш.БАТНАСАН ХӨГЖЛИЙН БАНКНААС 17,2 ТЭРБУМЫН ЗЭЭЛ АВСАН "Хөгжлийн банкны найдваргүй зээлдэгчдийн тоонд энгийн иргэд бус улс төрчтэй хамаарал бүхий компаниуд байгааг бид олсон. Х.Баттулгын зөвлөхөөр 19 настайгаасаа эхлэн 14 жил ажилласан залуу 113,9 тэрбум төгрөг аваад төлөөгүй. УИХ-ын гишүүн Б.Ундармаа өөрийн төрсөн хөвгүүдийн нэр дээрх компаниар дамжуулан 43,2 тэрбум, УИХ-ын гишүүн асан Д.Дамба-Очир эхнэрийнхээ хамаарал бүхий компаниар их хэмжээний зээл авсан. Ё.Отгонбаяр эхнэрийнхээ хамаарал бүхий "Нүүдэлчин групп" хэмээх компаниар дамжуулан 17,2 тэрбум төгрөгийн зээл авсан. Уг компанийг одоогийн эхнэр Ш.Батнасан эзэмшдэг. Уг компани 2018 онд авсан зээлээ өнөөг хүртэл төлөөгүй. Сэтгүүлч У.Оргилмаа уг мэдээллийг рэтивит хийж, өөрийн байр сууриа илэрхийлсэн. Энэ асуудлаар сэтгүүлч У.Оргилмаа болон манай сайтыг ална хэмээн сүрдүүлсэн. У.Оргилмаа сэтгүүлч уг асуудлаар хуулийн байгууллагад хандсан байгаа. Энэ тухай ярих байх" гэв. СЭТГҮҮЛЧ У.ОРГИЛМАА: Ё.ОТГОНБАЯРЫН ЗАНАЛХИЙЛЛИЙГ ЭЦА-НААС ШАЛГУУЛНА "2022.01.24-ны өдөр Хөгжлийн банкнаас найдваргүй зээл авсан иргэдийн мэдээллийг би хараад өөрийн байр сууриа илэрхийлсэн. Гэтэл Ё.Отгонбаяр над руу "3-4 удаа ална, Заригтай чинь хамт, байгаа газраас чинь олоод ална" зэргээр заналхийлсэн. Тиймээс би асуудлаар Эрүүгийн цагдаагийн албанд гомдол гаргаж, мэдүүлэг өгсөн. Өнөөдөр өглөө над руу уучлал гуйсан мэдээлэл цахимд байршуулсан ч, энэ хэрэг хэдийн хяналтаас гарсан. Иймд би энэ асуудлыг хуулийн байгууллагаар зохих ёсоор хандана. Ингэснээр цааш, цаашдын сэтгүүлчид ажил, албаа айдасгүй гүйцэтгэж чадна" Одоогийн байдлаар МАН-ын даргын зөвлөх, МУ-ын ерөнхий сайдын зөвлөх хүнийхээ хувьд байж болмооргүй ёс зүйн алдаа гаргасан гэж бодож байна. Тиймээс ЭЦА-нд хандсан байгаа мөн МАН-аас одоо хашиж байгаа албаас нь чөлөөлөхийг шаардаж байна гэв. СЭТГҮҮЛЧ Ч.ЛОДОЙСАМБУУ: ХӨГЖЛИЙН БАНКНЫ ЗЭЭЛ, УЛСТӨРЧДИЙН БУЛХАЙГ ДЭЛГЭСЭН СЭТГҮҮЛЧ БҮР РҮҮ "АЛНА" ГЭЖ МЭССЭЖ БИЧИЖ, ЗАНАЛХИЙЛЭХ ҮҮ? Сүүлийн үед хэн нэгнийг ил задгай заналхийлдэг болсон. Одоо төрийн сайд нь заналхийлж байна. Төрийн эрх мэдэл нэг талдаа төвлөрөхөөр муу тал нь эрх мэдлээ нийгэм рүү ашиглаж эхэлж байна. Хөгжлийн банканд 1.3 их наяд төгрөгийн чанаргүй зээл бий. Одоо шүүхэд хандсан нь 800 тэрбум төгрөг. Дахиад 500 тэрбум төгрөг нь дэлгэгдэнэ. Тэрийг ярьсан болгоныг заналхийлэх юм уу? Дахиад олон хэргийг дэлгэнэ. Тэр бүрт сэтгүүлчдийнхээ амийг алдчихмааргүй байна. Одоо холбогдох хүмүүст нь хариуцлага тооцох хэрэгтэй Ерөнхий сайд аа.

ХОРВООТОЙ ТАНИЛЦААД ЖИЛ ГАРУЙХАН БОЛСОН ОХИН ҮР ХҮЧИРХИЙЛЛИЙН ЗОЛИОС БОЛОВ...

01 / 26 0 сэтгэгдэл 1 280 үзсэнe

Цагдаагийн байгууллага 1 ой 6 сартай Х.Э охиныг зодуулсан байдалтай гудамжнаас олдсон хэргийг шалгаж байна. Төв аймаг Зуунмод сумын нутаг дэвсгэрээс зодуулсан байдалтай эмэгтэй хүүхэд олдлоо гэсэн мэдээлэл 01 дүгээр сарын 24-ны 14.45 цагт цагдаагийн байгууллагад иржээ. Шалгалтын явцад хохирогчийн төрөл садангийн хүн болох 44 настай, эрэгтэй, Э гэгч нь согтуурсан үедээ уг гэмт хэргийг үйлдсэн байж болзошгүй нөхцөл байдал тогтоогдсон тул хойшлуулшгүйгээр саатуулан, тус аймгийн цагдаагийн газар шалгалтын ажиллагааг явуулж байна. Хүүхдийн гэмтлийн зэргийг тогтоолгохоор Шүүх шинжилгээний үндэсний төвд шинжээч эмчийг томилон ажиллаж байгаа бөгөөд түүнийг эмнэлэгт эмчилж байна. Харин тухайн ХҮЧИРХИЙЛЭЛД ӨРТСӨН ОЙТОЙ ОХИНЫГ АВРАН ХАМГААЛСАН ИРГЭНТЭЙ УУЛЗАЖ дараах байдлаар тодруулга авлаа. БЯЦХАН ОХИНД ТУСАЛСАН ЗАЛУУ БОЛОН ТҮҮНИЙ ГЭР БҮЛД ТАЛАРХАЛ ИЛЭРХИЙЛЬЕ….

ЗАСГИЙН ГАЗРЫН ЭЭЛЖИТ ХУРАЛДААН ӨНӨӨДӨР БОЛЖ, ГАРСАН ШИЙДВЭРИЙГ ТАНИЛЦУУЛЛАА

01 / 26 0 сэтгэгдэл 2 742 үзсэнe

Монголоор дамжих байгалийн хийн хоолойн ТЭЗҮ-г баталж, дараагийн шатны ажилдаа орло о Шадар сайд С.Амарсайхан : Засгийн газрын өнөөдрийн хуралдааны шийдвэрийг танилцуулж байна. Тэрээр "Монгол Улсаар дамжин өнгөрөх байгалийн хийн төслийн ТЭЗҮ-г хоёр тал эцэслэн боловсруулж, албан ёсоор төслийг дараагийн бодит ажил болгох түвшинд шилжсэн. Миний бие Монгол Улс, БНХАУ, ОХУ-аар дамжин өнгөрөх байгалийн хийн хоолой барих ажлыг эрчимжүүлэх, хоёр талын ажлын хэсгийн Монголын талын ахлагчийн хувьд өчигдөр Газпром компанийн ТУЗ-ийн дарга А.Б.Миллертэй цахим уулзалт хийж, хоёр талын ТЭЗҮ-г эцэслэснийг хүлээн зөвшөөрч, 2023, 2024 оныг хүртэл эдийн засгийн үндэслэл дээр тулгуурласан дараагийн шатны инженер техникийн болон ажлын зургийг хийж боловсруулах асуудалд цаг алдалгүй дайчилж орохтой холбоотой үүрэг даалгавар өглөө. Цар тахлын амаргүй үед хоёр талын ажлын хэсэг уулзалдаж, ТЭЗҮ-г 12-р сарын 15-ны өдөр дууссан" гэв. Тэрээр цааш нь "Энэ талаар өнөөдөр Засгийн газарт танилцууллаа. Анх 2019 оны араванхоёрдугаар сард Ерөнхийлөгч У.Хүрэлсүх Ерөнхий сайд байхдаа ОХУ-д айлчилж тэр үеэр энэ ажлыг эхлүүлэх бичиг баримтад гарын үсэг зурж байсан. Цаашдаа энэ ажил эрчимтэй үргэлжилнэ. 2023, 2024 оноос өмнө зургийг нарийвчлан баталгаажуулж, үндсэн ажилдаа орно. ОХУ-ын Ерөнхийлөгч В.В.Путин, БНХАУ-ын дарга Ши Жиньпин нартай Монгол Улсын Ерөнхийлөгч утсаар ярилцахдаа энэ төслийг эрчимжүүлэх асуудлаар санал солилцсон. 2003 оноос ярьж эхэлсэн энэ төсөл бодит ажил болох боломж бүрдсэнээр Монгол Улсын хувьд эдийн засгийн бүтцийг сайжруулах, эдийн засгийн өсөлтийг нэмэгдүүлэх, хамтын ажиллагааны хүрээнд бүс нутгийн хэмжээнд Монгол Улсын үүрэг оролцоо нэмэгдэх боломжийг хийн хоолой төсөл бүрдүүлж байна." гэлээ. Хоёрдугаар сарын 14-нөөс сурагчид 5/9 зарчмаар, хоёрдугаар сарын 28-наас танхимаар хичээллэх шийдвэр гарлаа Боловсрол, шинжлэх ухааны сайд Л.Энх-Амгалан : Тэрбээр "Сурагчдын өвлийн амралтыг долоо хоногоор сунган хоёрдугаар сарын 14-нөөс 5/9 зарчмаар хичээллүүлэх шийдвэр гаргалаа. Энэ нь нийслэлд хамаатай юм. Харин хөдөө, орон нутагт 100 хувь танхимын сургалтаар хичээллэх боломжтой гэж үзэж байна. Хоёрдугаар сарын 28-наас 100 хувь танхимаар хичээллүүлэх үүргийг надад өгсөн. Ийнхүү танхимын сургалтыг хойшлуулж буй учир нь Омикрон хувилбарын оргил үе таарч байгаатай холбоотой юм. Нэг зүйлийг уриалмаар байна. Хэрвээ хоёрдугаар сарын 14-нд хичээл сургалтыг эхлүүлэхийг хүсэж байгаа бол Цагаан сараа гэр бүлийн орчинд аль болох хязгаартайгаар баярлаасай гэж хүсэж байна. Дахиад хичээл сургуулийн асуудал хойшлох эрсдэл ч бий" гэлээ.

ХҮЧИРХИЙЛЭЛД ӨРТСӨН ОЙТОЙ ОХИНЫГ АВРАН ХАМГААЛСАН ИРГЭНТЭЙ УУЛЗЛАА

01 / 25 0 сэтгэгдэл 843 үзсэнe

Хөлд ч орж амжаагүй бяцхан охиныг хэрцгийгээр зодон биед нь бэртэл учруулж ес эхэлсэн энэ хүйтнээр нүв нүцгэн гадаа хог шиг хаяж байхтай энэ залуу таарч амь насыг нь аварчээ. Охиныг хаясан хижээл насны эр согтууруулах ундаа хэрэглэсэн байсан аж. Иймд иргэд хүүхдэдээ тавих хараа хяналтаа сайжруулахыг анхааруулж байна.

ХААН БУЙДАНД ЗАХИАЛГА ӨГЧ МӨНГӨӨ ТӨЛСӨН ИРГЭД ДОРОМЖЛУУЛААД ДУУСЛАА !!!

01 / 25 0 сэтгэгдэл 917 үзсэнe

''Хаан буйдан" гэх сүржин нэртэй компанид итгэн мөнгөө төлж захиалга өгсөн иргэд сэтгэл санаа санхүүгээрээ тоглууллаа.

САЙД АСАН Ё.ОТГОНБАЯР АЛБАН ЁСНЫ ТВИТТЕР ХУУДСААРАА СЭТГҮҮЛЧИЙГ АЛНА ГЭЖ СҮРДҮҮЛЖЭЭ

01 / 25 0 сэтгэгдэл 663 үзсэнe

Хөгжлийн банкны найдваргүй зээлдэгчдийн талаар бид цуврал болгон мэдээлж байгаа билээ.Өчигдөр /2022.01.24/ БСШУ-ны сайд асан Ё.Отгонбаярын эхнэрийн хамаарал бүхий компани Хөгжлийн банкинд 17.7 тэрбум төгрөгийн өртэй найдваргүй зээлдэгчдийн жагсаалтад багтаж байгаааг мэдээлсэн юм. Үүний хариуд тэрбээр “Би хүнтэй суухдаа ах дүү чинь зээлтэй юу гэж асуух ёстой байсан уу?” гэж өөрийн твиттер хуудсандаа бичээд байсан юм. Тэгвэл тэрбээр өнөөдөр өөрийн албан ёсны твиттер хуудсаараа сэтгүүлчийг ална гэж срдүүлсэн захидал илгээсэн тухай сэтгүүлч У.Оргилмаа дэлгэлээ. Тэрбээр “Та хоёроос болж салж байна, чамайг олж ална.Миний амьдралыг алсан бол хариугаа авна.Заригтай чинь хамт ална.Үнэн хорсож байна. Нэгэнт тануус тэгж байгаан бол алалцана “ гэж бичжээ.

НӨАТ-ЫН СУГАЛААНЫ СИСТЕМИЙН МЭДЭЭЛЛИЙГ ӨӨРЧИЛСӨН ХҮМҮҮС 143 САЯЫГ ХАХУУЛЬД АВЧЭЭ

01 / 25 0 сэтгэгдэл 1 355 үзсэнe

Татварын ерөнхий газрын харьяа Гааль, татвар, санхүүхийн мэдээллийн технологийн төв (ГТСМТТ)-ийн ажилтнуудтай нийлж, татварын байгууллагын нууцлал бүхий мэдээллийг задруулан аж ахуйн нэгжийн татварын өрийн мэдээллийн системд өөрчлөлт хийж устган, тухайн аж ахуйн нэгж, иргэдээс хахууль авч байж болзошгүй хэргийг ЭЦА-ны Эдийн засгийн гэмт хэрэгтэй тэмцэх газрын ажилтнууд 2021 оны 11-р сарын сүүлчээр илрүүлэн шалгаж эхэлсэн билээ. Цагдаагийн байгууллагынхан тус төвийнхан болон татварын байгууллагынхныг шалгаад НӨАТ-ын хуурамч бичилт хийж, иргэн аж ахуйн нэгжийг залилж, төсөвт төвлөрүүлэх иж хэмжээний татвар төлөхөөс зайлсхийдэг бүлэг хүмүүс байж болзошгүйг тогтоосон юм. Мөрдөн шалгаж ажиллагааны явцад Татварын ерөнхий газрын Хяналт шалгалт арга зүйн газрын улсын байцаагч Н.Ж (ГТСМТТ)-ийн мэргэжилтэн Х.Т, М.У нартай хуйвалдан дээрх гэмт хэргийг үйлдэж, тухайн аж ахуйн нэгж, иргэд болон НӨАТ-ын хуурамч бичилт хийж татвар төлөхөөс зайлсхийсэн хүмүүсээс 143 сая төгрөгийн хахууль авсан хэрэгт холбогдсон. Улмаар дээрх гурван хүнтэй хамт хэд хэдэн аж ахуйн нэгжийн албан тушаалтан иргэдийг яллагдагчаар татаж, АТГ-ын Мөрдөн шалгаж хэлтсийнхнээр үргэлжлүүлэн шалгуулахаар шилжүүлсэн гэнэ.

КОВИД19 ХАЛДВАРЫН УЛМААС ДӨРВӨН ХҮН НАС БАРЖ, 1978 ХҮНЭЭС ХАЛДВАР ИЛЭРЛЭЭ

01 / 25 0 сэтгэгдэл 834 үзсэнe

Өнгөрсөн 24 цагийн хугацаанд 1978 хүнээс халдвар илэрч дөрвөн хүн нас барлаа. Зөөвөрлөгдсөн тохиолдол бүртгэгдээгүй бөгөөд дөрвөн хүн нас барснаар Улсын хэмжээнд нийт нас баралт 2025 боллоо.