5 САРТАЙ ЖИРЭМСЭН ЭМЭГТЭЙГ АЙЛГАН СҮРДҮҮЛЖ ХҮЧИНДЖЭЭ

10 / 28 0 сэтгэгдэл 344 үзсэнe

Өмнөговь аймаг "Ханбогд суманд бусдад хүчиндүүлсэн" гэх мэдээлэл цагдаагийн байгууллагад 2021.10.26-ны 19:18-д хүлээн авч шалгахад Дундговь аймгийн харьяат эмэгтэй 21 настай О-г Ханбогд сумын харьяат эрэгтэй 34 настай А нь согтуурсан үедээ айлган сүрдүүлж, хүчиндсэн байна. Одоогоор тус хэргийг Өмнөговь аймаг дахь цагдаагийн газрын Цогтцэций сум дахь сум дундын цагдаагийн хэлтэс шалгаж байна. Тодруулга : Тус хүчиндүүлсэн гэх хохирогч О нь 5 сартай жирэмсэн гэх

ДАХИН ТӨЛӨВЛӨЛТ НЭРИЙН ДООР ИРГЭД ХОХИРСООР БАЙНА

10 / 27 0 сэтгэгдэл 1 229 үзсэнe

Б.З.Д-ийн 16-р хороонд байрлах сүүний-27-р байрыг дахин төлөвлөлтөд оруулахаар болж гүйцэтгэгч компаниар нь Ансестор ХХК тодорсон байгаа. Тэгвэл гүйцэтгэгч компаны хувьд оршин суугчидтай тохиролцож чадаагүй болон "байр баригдаж дуусах хоёр жилийн хугацаанд амьдрах газараа өөрсдөө олцогоо бидэнд та нарт өгөх түрээсийн мөнгө байхгүй" гэх зүйлийг хэлсэн байна. Тэгвэл яагаад хөрөнгө мөнгөгүй компани тендерт ялж гүйцэтгэгчээр тодров... Мөн оршин суугчдын 50-аас дээш хувь нь энэ Ансестор ХХК-ээр бид барилгаа бариулахгүй өөр компани сонгож өгнө үү гэсэн хүсэлтийг шат шатны байгууллагат хүргүүлсэн боловч ямарч хариу хүлээж аваагүй. Оршин суугчдынхаа эрх ашгийг хамгаалах ёстой С.Ө.Х-ийн дарга нь Ансестор ХХК-тай нийлэн оршин суугчдаа тохиролц гэж дарамталдаг. Тохиролцоонд хүрч чадаагүй болохоороо гүйцэтгэгч Ансестор ХХК оршин суугчдын дулааныг нь тасалсан шөнө оройн цагаар хулгайч, дээрэмчин зан гаргаж орцных нь цонхыг хагалж, паарыг нь эвддэг болоод нэлээдгүй хугацаа өнгөрлөө гэж оршин суугчид ярьж байлаа. Яагаад заавал хүйтний улирал ирж цар тахалтай ийм хүнд үед байраа чөлөөлж өг гэж дарамталж оршин суугчдын амь нас эрүүл мэндэд ноцтойгоор занал хийлж байгааг хоёр гурван хүний ашиг сонирхлын зөрчил байнуу даа гэж харагдаж байна. Оршиг суугчдын дунд цэцэрлэгийн болоод сургуулийн насны хүүхдүүд байдаг бас хэвтрийн хүн байдаг бүгд ханиад томуу хүрсэн өвлийн хувцастайгаа гэр дотороо амьдарч байгааг оршин суугчид ам уралдан ярьж байлаа. Дахин төлөвлөлтийн гүйцэтгэгч компанийг сонгон шалгаруулдаг тендерийг иргэдэд нээлттэй болгох, иргэдийн саналыг авдаг болох талаар шийдвэр гаргахыг хотын удирдлагууд анхааралдаа авах цаг нь иржээ.

ЛИЦЕНЗИЙН НАЙМААГ Д. СУМЪЯАБАЗАР ИНГЭЖ ХИЙЖЭЭ !!!

10 / 27 0 сэтгэгдэл 912 үзсэнe

Д.Сумъяабазар ХАЙГУУЛЫН лицензийг АШИГЛАЛТЫН лиценз болгож өгснийхөө шагналд 1 сая долларын урамшуулал авах гэрээ оффшор компанитай хийжээ. Д.Сумъяабазар нь НИТХ-ийн гишүүн, СХД-ийн МАН-ын даргын алба хашиж байх үедээ буюу 2010 оны үед Дорноговь аймгийн Хатанбулаг суманд хайгуулын лиценз эзэмшдэг “Новаметал ресурс ” компанийхаа хувьцааг оффшор бүсэд бүртгэлтэй “Наталъя-1“, “Өндөртолгой минерал инк” компаниудад худалдсан. Дээрхи 2 компани болоод оффшор бүсэд бүртгэлтэй “Werde Energy International Inc”, “Firebird Mongolia Fund LtD”, “SMDD Capital LtD” зэрэг компаниудтай -Шагналын гэрээ -Зээлийн гэрээ -Хувьцаа захиалах гэрээ -Ерөнхий нөхцлүүдийн гэрээ -Захиалгын гэрээ -Хувь эзэмших гэрээг тус тус байгуулж хамтран ажиллаж байсан тухай баримтууд www.Toronto Stock Exchange and TSX Venture Exchange, www.sedar зэрэг олон улсын байгууллагуудын мэдээлэл болон ERNST and YOUNG Mongolia Audit LLC-ийн 2011-2018 оны Жилийн санхүүгийн нэгдсэн хараат бус аудитын тайлангууд тус тус гарсан байна. Товчлон дурдвал: 1.“Өндөртолгой” нэртэй лицензийг “Аса групп”ХХК анх авч Д.Сумъяабазарт шилжүүлжээ. Дорноговь аймгийн Хатанбулаг сумын нутагтт орших “ Өндөртолгой” гэх газарт 20683 гектар талбай бүхий алт, зэсийн хайгуулын Х- 8573 тоот тусгай зөвшөөрлийг 2003-02-05-ны өдөр Ашигт малталын газраас “АСА групп” ХХК-д олгожээ. Улмаар 2010-4-21-нд “АСА групп” ХХК-аас уг лицензийг Д.Сумъябазарын эзэмшдэг “Новаметалл ресурс” ХХК-д шилжүүлсэн байна. 2. Д.Сумъяабазар “Новаметал ресурс” ХХК-ийн хувьцааг “Наталъя-1”ХХК-д зарж, лицензээ барьцаалан 100,000 ам доллар зээлсэн байна. 2010-08-10-нд“Новаметал ресурс” ХХК хувьцааныхаа 51 хувийг Люксембургт бүртгэлтэй “Наталъя-1” ХХК-д 51,000 $ -оор зарах захиалгын гэрээ байгуулжээ 2011-03-23-нд Д.Сумъяабазар “Новаметал ресурс” ХХК-д буй лицензээ барьцаалж “Наталя-1” ХХК-иас 100 000 $ -ийг 10 хувийн хүүтэй, 12 сарын хугацаатай зээлсэн байна. 2011-12-31 гэхэд “ Наталъя-1” нь “Новаметал ресурс”-ын хувьцааг 100 хувь эзэмших болжээ 3. Оффшор бүсэд “Өндөр толгой минералс инк” компани байгуулжээ 2010-12-22 нд Бритиш Колумбид байгуулагдсан “Өндөр толгой минералс инк” компаний охин компаниар Люксембургт бүртгэлтэй “Наталья-1” Монголд бүртгэлтэй “ Новаметал Ресурс" ХХК Канадын “Wedge Energy Inc” бүртгэгдсэн байна. “Өндөр толгой минералс инк” компани өөрийн 100 хувь эзэмшдэг охин компани болох “Новаметал ресурс”-ээр дамжуулан Өндөртолгойн ордын лицензийг авсан байна. Лиценз хадгалахад жил бүр 29860 доллар төлдөг талаар тэмдэглэжээ. 4. Хайгуулын лицензийг Ашиглалтын лиценз болгох урамшуулал нь 1 сая доллар Д. Сумъяабазар нь өөрийн “Новаметал” компаний нэр дээр байсан Хайгуулын тусгай зөвшөөрлийг Ашиглалтын тусгай зөвшөөрөл болгож өгсний шагналд 1 сая $ авах шагналын гэрээг 2011-05-13 нд “Наталъя-1” ХХК-тай хийжээ. Хайгуулын лицензийг 30 жилийн ашиглалтын лиценз болгох “Шагналын гэрээ”-ний дараа Д_Сумъяабазар нь “Новаметал ресурс” ХХК-ийн хувьцаа эзэмшигч байхаа больж Х-8573 лицензийг “Undur Tolgoi Minerals Inc”, “Werde Energy International In”c, “Firebird Mongolia Fund LtD”, “SMDD Capital LtD” зэрэг офшор бүсэд бүртгэлтэй компаниуд эзэмших болжээ. Өнөөдрийн байдлаар “ АСА групп” ХХК, “Новаметалл ресурс” ХХК улсын бүртгэлд бүртгэлгүй.Татан буугдсан аж ахуйн нэгжид оржээ . Х-8573 дугаартай "Өндөр толгой" хайгуулын лиценз Ашигт малтмал,газрын тосны газрын Кадастрын мэдээллийн санд “чөлөөлсөн” гэсэн тэмдэглээстэй байна.

“ЭРДЭНЭС ТАВАНТОЛГОЙ” ХК-ИАС ЗАРЛАСАН ХОЁР ТЕНДЕРТ НЭГ КОМПАНИ ЯЛСАН НЬ “ТОХИРОО” ЮУ

10 / 27 0 сэтгэгдэл 1 197 үзсэнe

2020 оны нэгдүгээр сарын 24-ны өдөр зарласан жилд 30 сая тонн нүүрс баяжуулах хүчин чадал бүхий “Эрдэнэс Тавантолгой” ХК-ийн “Нүүрс баяжуулах үйлдвэрийн олон улсын шаардлагад нийцсэн ТЭЗҮ, FEED боловсруулах, зөвлөх үйлчилгээ үзүүлэх” тендер, энэ оны наймдугаар сард зарласан “Нүүрс баяжуулах үйлдвэрийн барилгын зураг төсөв боловсруулах, барилга угсралтын ажил гүйцэтгэх” гэсэн хоёр тендерт нэг компани ялжээ. Баримт нь энэ байна. Монгол Улсын хуулийг ноцтой зөрчсөн Хятадын компанид давуу байдал олгож, ТЭЗҮ-г охин компани нь хийж, харин толгой групп нь барилгын зураг төслийг гарган барьж гүйцэтгэх тендерт ялсан нь төрийн бүхий л хуулийг зөрчихөөс гадна тендерт тавих шаардлагаа ч хангаагүй байна. ТЭЗҮ боловсруулах тендерт ялсан БНХАУ-ын “Чайна Металлуржикал Инженеринг” ХХХ (China Metallurgical Engineering Co., Ltd.), зураг төсөв боловсруулах барилга, угсралтын ажил гүйцэтгэх төсөлд ялсан “Синостеел Экьюпмент энд Инженеринг групп” /Sinosteel Equipment & Engineering Co., Ltd/ нь хоёулаа төрийн хуулийн шалгуурыг давж чадахгүй бүдрэх байсан ч тэднийг хууль бусаар ялуулсан бололтой. “Нүүрс баяжуулах үйлдвэрийн барилгын зураг төсөв боловсруулах, барилга угсралтын ажил гүйцэтгэх” тендерийн сонгон шалгаруулалтад БНХАУ-ын Төрийн өмчийн компани болох “Синостеел Экьюпмент энд Инженеринг групп” /Sinosteel Equipment & Engineering Co., Ltd/ ялалт байгуулсан бөгөөд нийтдээ 954.182.113.500 төгрөгөөр хийж гүйцэтгэхээр бичиг баримтаа бүрдүүлж өгчээ.Үүнээс ч бага үнийн дүнгээр буюу 881.955.731.075 төгрөгөөр хийж гүйцэтгэх боломжтой хэмээн “Power China BGTG Joint venture”-ээс үнийн саналаа ирүүлсэн тус компанийг үл тоож, хамгийн өндөр үнэтэйг сонгосон нь тендерийн журам дүрмээр бол хамгийн бага үнийн саналаар хамгийн чанартайг хийж гүйцэтгэх компанийг сонгон шалгаруулах ёстой ч өндөр үнэтэй хийж гүйцэтгэхээр саналаа ирүүлснийг нь сонгож, гэрээ байгуулах эрх олгожээ.

Д.ХАЯНХЯРВААД АВЛИГА ӨГСӨН ХҮН ӨӨРӨӨ ХЭРГЭЭ ИЛЧИЛЖЭЭ

10 / 27 0 сэтгэгдэл 831 үзсэнe

УИХ-ын гишүүн асан, "Эрдэнэс Монгол" компанийн захирал Д.Хаянхярвааг 30 хоногийн хугацаатай цагдан хорьж байгаа бол Д.Хаянхярваад авлига өгсөн хүн өөрөө хэргээ илчилсэн гэх мэдээлэл байна. "УИХ-ын гишүүн асан, "Эрдэнэс Монгол" компанийн гүйцэтгэх захирал Д.Хаянхярваа 2021 оны наймдугаар сар болон аравдугаар сард авлигын шинжтэй мэдээллийг шалгах хүсэлт ирүүлсэн. Энэ мэдээлэлтэй нь холбогдуулж өөрийг нь шалгаж байгаа асуудал огт байхгүй бөгөөд Д.Хаянхярваагийн өрөөнд гүйцэтгэх ажиллагаа явуулаагүй.Энэ цаг хугацаанд хахууль өгөгч иргэнээс "Эрдэнэс Монгол" компанийн гүйцэтгэх захирал Д.Хаянхярваа нарт их хэмжээний ам.долларыг бэлнээр хахуульд өгсөн талаараа хэргээ илчилж ирсэн. Нэгэнт хахууль өгөгч гэмт хэргээ илчилж ирсэн тохиолдолд АТГ-ын Мөрдөн шалгах хэлтэс хуулиар хүлээсэн үүргийнхээ дагуу мөрдөн шалгах ажиллагааг шуурхай явуулсан. Мөрдөн шалгах ажиллагааны үр дүнд нэр дурдагдаж байгаа этгээдийн тодорхой объектод прокурорын зөвшөөрөлтэй нэгжлэгийн ажиллагаа явуулсан" гэдгийг АТГ-ын Мөрдөн шалгах хэлтсийн орлогч дарга, ахлах комиссар М.Даваатогтох мэдээлжээ.

НӨХӨН СОНГУУЛИЙН ЯЛАЛТ ЕРӨНХИЙ САЙДЫН ТАКТИК БАЙСАН ГЭВ ҮҮ

10 / 27 0 сэтгэгдэл 576 үзсэнe

МАН-ын бүлгийн энэ сарын 25- ны өдрийн хуралдаанаар МАН-ын дарга, Ерөнхий сайд Л.Оюун-Эрдэнэ : "Энэ удаагийн нөхөн сонгуульд манай нам ялалт байгуулсан нь миний "Тактик"-тай холбоотой. Намын нэр хүнд унасан энэ үед Ерөнхийлөгч асан Х.Баттулгыг зөвлөхөөрөө томилсон нь нөлөөлж, нөхөн сонгуульд ялалт байгуулсан” гэх утгатай үгийг бүлгийн гишүүддээ цухуйлгасан талаархи мэдээлэл байна. Нөхөн сонгуулийн үеэр Л.Оюун-Эрдэнэ : "Х.Баттулгыг зөвлөхөөрөө томилж байж МАН Сонгинохайрхан дүүргийн нөхөн сонгуульд ялалт байгуулна. Тэгэхгүй бол тус сонгуульд АН ялах магадлалтай. Тиймээс зөвлөхөөрөө Х.Баттулгыг томилсон" гэж хэлж байсан талаархи ч мэдээлэл байсан юм.

ҮР НЬ ТООГООГҮЙ БУУРЛУУДЫГ ТӨР АНХААРАХ ШААРДЛАГАТАЙ БАЙНА

10 / 27 0 сэтгэгдэл 716 үзсэнe

Он цагийн эргэлтэд амьдрах чадвар нь суларч, ач нэхэх хүнгүй торойж хоцорсон ахмадуудад төр төрөлжсөн асрамжийн үйлчилгээ үзүүлдэг байгууллага улсын хэмжээнд 12, нийслэлд нэг бий. Үүнээс найм нь төрөөс санхүүждэг бол дөрөв нь хувийн хэвшлийнх. Төрөлжсөн асрамжийн төвд хоол, хувцас, эм тарианы төсөв, байр, тасалгааны хүртээмж зэрэг олон асуудал тулгардаг.Гэвч дорвитой арга хэмжээ авч, хангалттай мөнгө төсөвлөөгүйгээс 400 орчим үйлчлүүлэгч, 200 орчим алба хаагчийн эрх ашиг, эрүүл, аюулгүй байдал, нийгмийн асуудлууд зөрчигдсөөр байна. Төрөлжсөн асрах төвд нэн тулгамдаж байгаа асуудал бол байр, сууцны хүрэлцээ, барилгын насжилт. Улсын хэмжээнд үйл ажиллагаа явуулж байгаа асрах төвийн ердөө хоёр нь л шинэ байртай. Харин үлдсэн нь 90-50 жилийн өмнө баригдсан барилгад “толгой хорогдож” байна. Тухайлбал, Говийн бүсийн асрах төвийн барилга 1942 онд баригдсан бөгөөд ашиглах хугацаа дууссан нь удаа дараа тогтоогдсон ч арга хэмжээ авалгүй өнөөдрийг хүрчээ.Асрамжийн төвд амьдарч байгаа ахмадуудын 70 орчим хувь нь зөнөгрөх, тэнэгрэх өвчтэй бөгөөд сэтгэцийн өөрчлөлттэй. Мөн асрамжийн төвд амьдарч байсан хөгжлийн бэрхшээлтэй хүүхдүүдийг 18 хүрэхээр нь ахмадын асрах төв хүлээж авдагийг хүмүүс тэр бүр мэдэхгүй. Түүнчлэн орон гэр, төрөл садангүй, хөгжлийн бэрхшээлтэй идэр насныхан ч олон бий. Өөрөөр хэлбэл, сэтгэцийн болон бие физиологийн хувьд эрүүл, эмгэгтэй хүмүүс хамтдаа аж төрдөг байна.Үүний зэрэгцээ ахмадуудын нэг өдрийн хоолны зардал 5200-5800 төгрөг. Энэ төсвийг 2014 оноос хойш огт шинэчлээгүй. Өргөн хэрэглээний бараа, бүтээгдэхүүний үнэ өдрөөс өдөрт нэмэгдэж байхад өнөө хэр нь энэ ханшаар хооллож байгаа нь зохисгүй юм. Иймэрхүү ахмадын асрах төвийн “эргэн тойронд” асуудал ундарсаар л байна. Үр нь тоогоогүй буурлуудыг төр анхаарах шаардлагатай байна.

НЭМГ-ААС ЗАЛРУУЛГА МЭДЭЭЛЭЛ ГАРГАХ БОЛОМЖГҮЙ ГЭЖЭЭ

10 / 27 0 сэтгэгдэл 1 032 үзсэнe

Дөрвөн сарын өмнө Covid-оор өвдөж, эмнэлгийн тусламж авах шаардлагатай иргэндээ тусламж үзүүлээгүй “Энэрэл” эмнэлэг албан тушаалтнуудаа халж сэлгэснээс өөрөө хариуцлагын асуудалгүй өнгөрсөн.Харин үүний зэрэгцээ хохирогчийн ар гэрээс албан ёсоор уучлал гуйсан тохиолдол байхгүй хуулийн хариуцлага тэдэнд оногдуулаагүй байна.“Энэрэл” эмнэлгийн гадна иргэн нас барсан хэрэгтэй холбогдуулан гурван хүнийг ажлаас нь чөлөөлөхөөр болсон ч эмнэлгийн даргыг эргүүлэн томилох талаар яригдаж байгаа. Хохирогчийн ар гэрийнхний зүгээс хүний амь настай хамааралтай асуудалд хайнга хандсанд бухимдаж байгаа. Энэ бол зөвхөн нэг хүний эндсэн асуудал биш. Эмнэлгийн байгууллага, Эрүүл мэндийн яам, Нийслэлийн эрүүл мэндийн газрын хариуцлагагүй ажиллаж байгааг баталж байгаа хэрэг юм. Сэлгээ хийсэн албан тушаалтнаас гадна бусад хамаарал бүхий нэгжүүдэд хамаарах асуудал одоог хүртэл мөрдөн шалгах шатанд явж, прокурорын байгууллагаас буцаагдсаар байна. Тэгвэл өчигдөр буюу энэ сарын 26 нд Нийслэлийн засаг даргын тамгын газраас хүсэлт гаргаж хохирогчийн ар гэрийнхэнд нь дараах хариуг өгчээ. Олон нийтийн хэвлэл мэдээллийн хэрэгслээр мэдээлэл өгөхдөө хүний нэр, төр, хууль ёсны эрх ашгийг хөндөхгүй байх төрийн албан хаагчийн ёс зүйн хэм хэмжээ, Эрүүл мэндийн тухай хуулийг үйл ажиллагаандаа чандлан мөрдөж ажиллах, мөн газрын дарга Б.Бямбадоржид 2021 оны долдугаар сарын 4-ний өдөр олон нийтийн мэдээллийн хэрэгслээр хийсэн мэдэгдэлдээ залруулга хийж, талийгаачийн ар гэрээс уучлалт гуйх зэрэг арга хэмжээ авч ажиллахыг Нийслэлийн эрүүл мэндийн газарт үүрэг болгожээ. Харин энэхүү тайлбар мэдэгдэл НЭМГ-ын даргын сонорт хүрч амжаагүй бололтой. Тус газраас залруулга мэдээлэл гаргах боломжгүй гэдэг тайлбарыг хэлсэн байдаг. НЭМГ-ын дарга Б.Бямбадорж долдугаар сард хэвлэлийн хурлаар өгсөн мэдээлэлдээ "Талийгаач долдугаар сарын 2-нд түргэвчилсэн шинжилгээ өгөхөд эерэг хариу гарсан байсан. Уушгины рентген зургаас харахад хатгаа авсан байсан. Хэсгийн ахлагчийн Өрхийн эрүүл мэндийн төвд мэдээлснээр тухайн иргэн сүүлийн 10 хоногт согтууруулах ундаа байнга хэрэглэж байсан гэх өгүүлэмжтэй байна” гэхчлэн тухайн хүний нэр төрд халдсан мэдээллийг өгсөн байдаг. Эмнэлгийн тусламж авахаар гадаа нь очоод үйлчилгээ авч чадаагүй тухайн хүний жишээгээр олон хүнд тулгамдаж байгаа хүнд суртал, Covid-19-ийн үед эмнэлгүүдийн барьж ажиллах нэгдсэн менежментгүй байгааг нотолсон. Тусламж үйлчилгээний явцад НЭМГ-аас шуурхай ажлын хэсгийг гарган ажиллаж байна. Анхан шатны тусламж үзүүлэхдээ хайнга хандаж, хариуцлагагүй үйлдэл гаргасан, Эрүүл мэндийн тухай хуулийн 28.4.2 дахь заалтыг зөрчсөн Түргэн тусламжийн төвийн захирал, “Энэрэл” эмнэлгийн захирлуудад хариуцлага тооцно. Өндөржүүлсэн бэлэн байдалд мэргэжлийн удирдлагаар хангах үүргээ биелүүлээгүй, ажлын байраа орхиж явсан НЭМГ-ын Эмнэлгийн тусламжийн хэлтсийн даргыг үүрэгт ажлаас нь чөлөөлнө. Баянзүрх дүүргийн нэгдсэн эмнэлэг бол хувийн эмнэлэг. Тэдэнд менежментээ өөрчлөхийг даалгаж, арга хэмжээ авна хэмээн мэдээллээд орхисоноос өөрөө нам жим байна.

КОВИД НЭГЭНТ ХЯНАЛТАА АЛДЧИХААД БАЙХАД 20Н САЯ ТӨГРӨГ ЗАРЦУУЛЖ ИРГЭДИЙГ ХЯНАХ УУ

10 / 27 0 сэтгэгдэл 384 үзсэнe

“КОВИД-19” вирусийн халдвар авсан иргэдийг GPS суурилуулсан бугуйвчаар хянах ажлыг Харилцаа холбоо, мэдээлэл технологийн газар Улсын онцгой комисстой хамтарч хийхээр болсон. Тэгвэл ХХТГ-аас “Сим” ХХК-тай энэ агуулгаар 20 сая төгрөгийн ажил гүйцэтгэх гэрээ байгуулж төлбөрийг төлжээ. Гэвч энэ цаг үед ковид нэгэнт хяналтаа алдсан гэж хэлж болохуйц байхад энэ мэт үрэглгэн зардал хэнд ашигтай байна вэ. Харилцаа холбоо, мэдээлэл технологийн газар өнгөрсөн 2020 оны арванхоёрдугаар сард “Сим” ХХК УОК-оос бэлдэж өгсөн серверүүдэд программ хангамж суурилуулах УОК-оос томилсон мэргэжилтнүүдэд программ хангамжийн ашиглалтын сургалт хийх Гэрийн хяналтад байгаа иргэдийн гар утсанд GPS суурилуулах, бүртгэх, мэдээлэл оруулах Халдвар авсан иргэдийг GPS бугуйвчаар хангах, төхөөрөмжид тохиргоо хийх, бүртгэх, мэдээлэл оруулах зэрэг ажлуудыг гүйцэтгэхээр болсон байдаг.Гэсэн хэдий ч тус гэрээ ажил хэрэг болж амьдрал дээр хэрэгжилгүй байсаар өнөө цагт буюу өнгөрсөн 9-р сард л гэрээний төлбөр нь төлөгдсөн байгаа юм.Энэ нь жил орчим хугацааны дараа буюу ийнхүү өнгөрсөн сарын 10-нд гэрээний дугаарыг бичээд 20 сая төгрөг шилжүүлсэн баримт үлдээжээ.Өөрөөр хэлбэл өнгөрсөн оны арванхоёрдугаар сард гэрээ хийгдсэн боловч төлбөр нь саяхан шилжсэн нь хардлага төрүүлсэн асуудал болж байна. Учир нь өнөөдрийг хүртэл УОК-оос халдвар авсан иргэдийг GPS-ээр хянах шийдвэр эцэслэн гаргаагүй байгаа. Харин халдвар нэгэнт хяналтаа алдсан гэж дүгнэж болохуйц энэ цаг үед GPS-ийн санаачилгаа хэрэгжүүлэхээр зэхэж мөнгө төлбөрөө шилжүүлсэн байгаа бол энэ асуудал нь ажил хэрэг гэхээсээ илүүтэй ашиг нөгөөтэйгүүр төсвийн мөнгийг үргүй зарлагдаж буй ажил болж байгаа юм.

УИХ-ЫН ГИШҮҮН М.ОЮУНЧИМЭГ ЦАР ТАХАЛД НЭРВЭГДСЭН ИРГЭДИЙГ АРЧААГҮЙ ГЭВ ҮҮ

10 / 26 0 сэтгэгдэл 567 үзсэнe

Өнөөдөр Нийгмийн бодлогын байнгын хорооны хуралдаан Төрийн ордонд боллоо.Хуралдааны үеэр УИХ-ын гишүүн, Нийгмийн бодлогын байнгын хорооны дарга М.Оюунчимэг ковид тусаагүй иргэдээ төрөөс урамшуулах хэрэгтэй талаар онцолсон нь олны эгдүүцлийг төрүүллээ.Учир нь тэрээр энэ үеэр цар тахалд нэрвэгдсэн ард иргэд арчаагүй аминдаа хайргүй мэтээр адласан байдаг. Мөн тэрээр нас барсан иргэдийн тоог энэ үеэр зөрүүтэй хэлж байлаа.Цар тахалд хариуцлагагүй иргэд нэрвэгдсэн хамрагдсан мэтээр хэлсэн үгэнд нь олон нийт өнөөдөр эгдүүцэнгүй хүлээн авлаа.Учир нь түүний хэлсэн үгэнд биеэ буруу авч явдаг хамгийн хариуцлагагүй нь дэндсэн иргэд ковидын халдвар авсан мэтээр өгүүлсэн байдаг. [media=https://www.youtube.com/watch?v=PKMPy57jOD0]